رواية انكسار الياسمين الفصل العاشر 10 - بقلم أمل مهدي
**********
حيل بينه
احنه ضيعنه العمر من بين ادينه
احنه تانينه القطار وما مشينه
ونتظرنه ونتظرنه
بلكي شي منكم يجينه
ردنه ننسه وما نسينه
كلها من كلوبنه
هيه گلوبنه العمت علينه
حيل بينه...........
*********
ايمان _
اتصلت على محمد يجي ماكو احسن من هاي الساعه
واني طلعت للسوك حتى لا تبليني ياسمين
نص ساعه ورجعت البيت هدوء
تمشيت للغرفه افتح الباب
محمد _ لبست وغطيته جانت مغمه عليها يعني ما حست بكلشي
دورت على وصله احطها على جرح ركبتي ما لكيت سحبت الشال معلك مالتها لفيته على ركبتي
اباوعلها...
شعور الحقد والغل البداخلي تبدد واحتلني مكانه شعور الخوف
فتحت الباب وايدي على ركبتي
بوجهي صارت ايمان
ايمان _ ها شبيها ركبتك
محمد _لازم رگبتي وساكت
ايمان _ شسويتلها احجي.....!!!
محمد _ من قهري وكفت بعيد ما حجيت...
ايمان _ باوعت بالغرفه شفتها بالكاع مغطايه
دخلت كشفتها ملخه ملابسها وجسمها واديها مدمايه
لطمت على وجهي عزه العزاني موتتها يمصخم
محمد _ هسه تكعد على كيفج..
ايمان _ انته مو كلت بس احجي وياها....؟؟؟
ولك شمسوي بيها
سمعتها تون
ايمان _ ايدك ويايه خل اشيلها على السرير
محمد _ هيه ملفوفه بالجرجف رفعناها على السرير ....وعفتها وطلعت
الغريب اشمأزيت من نفسي حسيت بحجم الجريمه السويتها اني شكد سافل مشيت وره حقدي
جنت ناوي اعرف منو هذا التحبه بس هيه استفزني من غلطت عليه
وهددتني برافع
مجرد اسمه يشعلني نار
ياسمين _
الضربه خلتني دايخه بين الواعيه والنايمه
جنت اصور ايمان متدري صحت وستنجدت بيها....
بعدين من دخلت وشالوني توضحت الصوره
سمعت كل كلامهم
وعيت على روحي الوحدي بالغرفه ولابسه دشداشه غير ذيج
راسي يوجعني من ضرباته
ووجع ابطني....
بديت اذكر الصار...... معقوله اغتصبني
معقوله كسرني
بجيت بحرگه بقهر
لطمت على راسي ما طلعت ابد
خفت من ايمان ...
ابتسام _ كملت معامله ونطونه هويه راتب الرافع مال رعايه
بست ايدي وجه وگفى الحمد لله عاد يفيدك مصرف
رافع _ الحمد لله اني الراتب انطي الإيمان مصرف الها والولدي
ابتسام _ وانته ما تحتاج مصرف
ماأحتاج اهم شي همه ما يحتاجون...
ابتسام _ كيفك..
اشو ياسمين ماكو.....؟؟؟؟
ايمان _ ما ادري اشو ما طلعت من غرفتها
بتسام _ يعني خلصتها نايمه لعد لو مداومه مو احسن
ايمان _ ما حجيت شي اخذت رافع للحمام اسبحه....
ابتسام _ دخلت الغرفه ظلمه
فتحت البرده واشوف ياسمين كاعده ولامه رجليها الصدرها وشعرها مكفش
وشكلها ابد مو طبيعي مال وحده لاطمه وباجيه....!!!!
خليت ايدي على صدري
يمه بنيتي اشبيج اشصايرلج
ياسمين _ شمرت روحي بحضنها اناشغ وابجي...... ما تطلع مني كلمه
ابتسام _ ولج احجي
اشصايرلج عفتج مثل الورد احجي
ياسمين _ محمد ....
ابتسام _ من نطقت باسمه احس كلبي
سجين ونضربت......... .!!!!
عزا العزاني اصخام الصخمني
اسوالج احجي.....
ياسمين _ ما كدرت انطق كشفت رجليه
عليهم آثار الضرب والدم ضربني وغ ت ص ب ن ي
ابتسام _ يبو عليج ابتسام تصخمتي وتعزيتي والطم على راسي
صحت ايماننننننن..... ولج نقمهههه
ايمان _ واني اسبح رافع ارتبكت من سمعت خالتي صاحت.... وخفت
رافع _ شبيج اشو ترجفين
ايمان _ لا شبيه ارجف
رافع_ مسمعین امی تصيح عليج
ايمان _ خلي اسبحك واروحلها
ابتسام _ ايمان وينججججج
رافع _باوعتلها مرتبكه .. حسيت مسويه مشكله ويه ياسمين
روحي شوفي امي شتريد .....!!!!
ايمان _ سديت المي واجيت اركض ها خاله....!!!
ابتسام _ ادخلي وسدي الباب
ايمان _ سديته واني ارعش
ابتسام _ جريتها من شعرها للكاع مطببه اخوج الصاقط على بنتي اليوم روحج اطلعه بيدي
ايمان _ اني شعليه جنت بالسوك
بتسام _ والله ما غيرج المدبرتها ويه الكواد اخوج اليوم اموتج
وكعتلها دفرات برجلي
ياسمين تبجي واني فقدت ملختها وهي تصرخ
وولدها توهم جايين من المدرسه واكفين يتفرجون عليها
رافع _ اسمع الهوسه بالغرفه غير افهم شكو
صحت محد يسمعني...
بسرعه بدلت وحتارين منو ينقلني على الكرسي اصيح محد يسمعني
بعدين حاولت اشيل نفسي واكعد على الكرسي وحركته للغرفه
دفعت الباب
لكيت امي فاقده وتضرب بأيمان
وياسمين حالتها حاله
كل ضني متعاركه ايمان ويه ياسمين مثل كل مره
رافع _ شكو شصاير
ابتسام _ وخرت منها ما يبره كلبي منه
هلباطله
رافع _ كولي يمه شمسويه ايمان
تنتقل نظراتي بين ياسمين وامي وايمان اريد وحده تحجي ماكو
كولي يمه فهميني
بتسام _ شحجي وشكول الجنت خايفه منه طحت بي
گالتها وهيه تولول جن ميتلها ميت
رافع _ احجي ياسمين منو وياج
ياسمين _ عيني بعينه ما كدرت احجي بس دموعي تنزل
ادري بي يموت هسه
رافع _ من دموعه تيقنت الشغله جبيره واجه على بالي محمد...
لا يكون محمد مسوي شي.......؟؟؟
ابتسام _ اباوعله وعيوني تتوسله يهده خايفه عليه
رافع _ اباوع ياسمين تبجي ودارت وجها عني
محمد مو.....!!!!
ايمان _ ركضت عليه والله رايدها يحبها الاختك ويريدها
رافع _ حركت الكرسي للكنتور مالت امي واصيح......بحرگه
وين سلاح ابويه وينننننن
اتهسترت اشمر بالملابس بالكاع ادوره خانه خانه
ابتسام _ ابجي وحجيت......
سلاح ابوك بعته
رافع _ تقشمرين عليه ما ترديني اكتل الجلب ابن اختج.......
ابتسام _ لا والله مثل ما كلتلك بعته قبل العمليه
رافع _ من حرگت كلبي كمت اضرب بالكنتور ....بأيدي
آخخخخخ ياعجزي آخخخخخ
نهارت اعصابي
التفت على ايمان....
وين جنتي اشلون ما منعتي
ايمان _ اني جنت بالسوك ما ادري بي جاي ورايه
ياسمين _ لا صدك هيه تدري بي
ايمان _ جذابه والله رافع
جنت بالسوگ هو جاي ورايه بيش احلفلك
ياسمين _ جنت حاسه بكلشي وانتي بدلتيلي دشداشتي
بتسام _ ظليت الطم على راسي
عزه العزاني اطين راسج يابتسام
رافع _ اليوم موتج على ايدي أمونه الكلبه وحركت الكرسي عليها
بس وين الحك
تمنيت بس الزمها بيدي وطلع اخر نفس بيها
ايمان _ ركضت دخلت بغرفتي وقفلت الباب
والهوسه بره اسمع رافع يريد يروح يشتكي على محمد
وخالتي منعته ما تريد فضايح
دخلت علينه امي
بتسام _ دريتي بولدج اسوو بيه صخموني ولطموني ليش يا دادا فهميني اسوينالهم ليش هذا الكره
راجحه _ مالي وجه احجي وياكم خزوني وعزوني ولد عباس الله يسود وجهم
رافع _ حركت الكرسي بتجاه الباب هميت اروح اشتكي عليه
والله لخيسه بالسجن هلصاقط
راجحه _ مالومك لو كلشي سويت
ابتسام _ جلبت بي ...
فدوه اروحلك تريد تفضح اختك خلينه انشوف شنسوي......!!!!
رافع _ شدكولين هذا كسر رگابنه كلنه
ما غزر بي الزاد والملح
كلب مسعور من يومه يعض الايد الساعدته
راجحه _ اني ما دافع الولدي تدري انته شكد عزيز عندي وبديك عليهم
بس السجن ما راح يفيد ياسمين انطيني
مجال باجر اجيب المشايه وأصلح الكسره ابن عباس
رافع _ هاي انتي كلتي ابن عباس والله
لندمه على السوى
وهاي الجلبه اخذيها وياج ما الها مكان ابيتي بعد
ايمان _ نزلت على ايده ابوسها والله هو كال بس اريد احجي وياها ليش ترفضني صدكني رافع....؟؟؟
رافع _ وانتي اشلون تقبلين اشلون تعوفيها وحدها
روحي ويه امج مالج عيشه ويايه
آخخخخ لو مو هذا حالي جان راويتكم
شيسوي رافع ...
بس الوكت خان بيه وخلاني حتى عرضي ما كدرت احمي منكم
انتي من زمان جان لازم ابعدج عن ياسمين
هيه طفله وما جانت خلصانه من غيرتج وحقدج
فهميني شنو القصرت بي وياج دللتج
حتى ما تحسين بفرق بينج وبينها
وكايلج ياسمين خط أحمر عندي بس شفتيني انشليت استقويتي وتفرعنتي
وبعد ما تهابيني وتخافين مني...
خاله اخذيها من وجهي تره واصل حده
راجحه _ حقك بكلشي تكوله ....نزلو راسي ولد عباس ولا جن خلص عمري اربي وعلم الله يسود وجوهكم
ايمان _ طلعت وره امي ابجي وصلت الباب
صاحو عليه حسن ورضى يردون يرحون وياي
رافع _ ... ما ترحون وياها
حسن _اني اريد امي
ايمان _
باوعت الرافع ما حجه.... مديت ايدي الهم...
تعالو وياي وخذتهم
دخلت بيت امي تلكاني محمد لازك ركبته ببلاستر
محمد _ ها اصار....!!!
راجحه _ وكفت كبالهم وتفلت عليهم ثنينهم
ياحيف تعبي ورباي بيكم لو مخلفه شياطين ما يسون سوايتكم
شاهد عليه ربي كلبي غاضب عليكم اليوم الدين ....
ولو رافع موتك خلاص ماالومه
محمد _ فريت ايدي..... شيكدر يسوي
اول وتالي راح يتوسل حتى اخذها
ابتسام _ ليلي ما نمته نار تشتعل بيه واني اشوف بنيتي مكسوره ومذبوحه وابني وسندي خذلته صحته ودمعته بعينه لا حول ولا قوه
اخذتها للحمام اسبحه دموعه ما بطلت
وهيه تحجيلي الصار واني مجتفه لو اشتكي عليه تبقى بنتي مكسوره
وتنفضح وبعد محد ياخذها
ولو اسكت لازم ارضى بي واني الجنت
ارضى بالموت وما ارضى بابن عباس
تالي يكسرها ....
حتى يجبرنه ننطيها اله
طلع الفجر واني احاجي ربي اريد حل المصيبتي
ورافع على الكرسي مالته لا عينه شافت النوم ولا حجه يباوع من الشباك ودموعه ما وكفت متحسف حاله مجتف محتار اشلون ينتقم من محمد
الوطى راسنه للكاع حتى ياخذها بالكوه
ابتسام _ امشي يمه ناملك اشويه ما تعبت
رافع _ ما كادر اتقبل حالي ....
خسرت كلشي صحتي وشغلي وحالي ومالي وتالي ياسمين...
كليلي ليش هذا الصار بينه
طول عمرنا ماشين بما يرضي الله
ليش الناس من يوكع الگوي ما تعينه تدوس عليه وتعبر
كلشي اتوقع من الصاقط الا يهجم بيتي ويمس ياسمين تدرين شنو ياسمين..... يمه
بنتي وعرضي وقطعه من روحي
لو أمونه .......آخخخخخ.... غلطة عمري يوم الرضيت تدخل بيتي
ابتسام _ امتحان ربك والحمد لله على كلشي
رافع _ فر الكرسي ودموعه بعيونه
اذا امتحان مثل ما تكولين
صعب صعب ما اكدر اتحمله ما عندي طاقه حتى إيماني بده يضعف ليش بس احنه يمتحنه
مني وبيه ولحم اجتافهم من خيري
الكسروني
كليلي اشلون اتقبل الصار لو ميت ولا عايش هذا اليوم
ابتسام _ حضنته واني اتكطع
استغفر ربك يمه
انته قوتي اني بلياك انتهي خليني اصرف واحلها
رافع _ اشلون ترحين تتوسلين بي
ياخذها على جثتي اخلي يتهنا بالسوى
ابتسام _ ما كدامي غير هذا الحل
استر على بنيتي وبعدين يحلها الحلال
ليلي كله الوب مثل السمجه المزوهره
گوه نيمت ياسمين دمعتها ودمعتي ما نشفت
من غرفه الغرفه افتر والتفكير موتني....
اشلون لو ما قبل ياخذها....
كسرها البنتي الله يكسر عظمه كون
اشلون يربي
اشلون لو نفضحت ياسمين
احس راسي يريد ينفجر من كثر ما افكر تعبت
صبح الصبح لبست عباتي ورحت البيت راجحه
دكيت الباب....
راجحه _ هله ام رافع
ابتسام _ وين العار ابنج......!!!
راجحه _ جوه بغرفته
دخلت كبل دفعت الباب لكيته نايم بالكاع على دوشك ومتغطي
وكفت على راسه
دفرته برجلي .....فز.....
محمد_ خالتي .....!!!!!!
ابتسام_ اصحى واكعد حاجيني
كف الغطى بسرعه
ووكف كدامي بين المتفاجأ والمترقب....
عيوني تخزر بي
ركبته بيها لزكه شاش وبلاستر
باوعتله وبودي اشرب من دمه....
_ باجر اجيب ابوك وتطلب ياسمين من رافع
_ بتسمت هو هذا الجنت اريده
صار خالتي....
وجيب وياك سيد يعقد
_ صار خالتي تدللين
التفتت ورايه واكفه امونه وراجحه
تعديت راجحه ووگفت گبال إيمان .....
جنت حاسبتج مثل بنتي ما ادري تطلعين حيه وتعظين الايد الرببتج.....
ايمان _ بجيت والله خاله كال بس احجي وياها ليش ما تقبل بيه ما ادري بي.....
_ تفلت بنص وجها وما خليتها تكمل
وصلتني للباب راجحه
ابتسام _ باجر اذا ابنج ما وفه بكلامه
لا تلوميني بالاسوي
راجحه _ ..... ما خلولي حجايه احجيها
سودو وجهي ولد ابليس
ابتسام _ انتي مالج ذنب ولدج عوجان من يومهم
يوم الجمعه كعدت من الصبح انتظر وعيني على الباب واشوف يوفي بكلامه محمد لو لا
اندكت الباب.... فتحتها
راجحه _ ورى الظهر عباس وعمام محمد يجون مشايه
ابتسام _ بعدني على الباب واكفه ما جاوبته ورجعت كعدت بمكاني
راجحه _ لا عبالج اني راضيه على فعلته الشينه
ما تدرين صخمت وجهم ايمان وهو
ابتسام _ وشنو الفايده ....
راجحه _ اني ادري عار السوى ابني بس هو رايدها
وامونه تكول راد يحجي وياها وصدكته
ابتسام _ ما يفيد العتب بعد
ابو زين جارنه صديق رافع الوحيد
العلاقتنه بي قويه
بس هو الحضر ويه رافع
ابتسام _ كومي يمه البسي هذا الثوب
على جيه الناس خلنخلص
ياسمين _ ما ريده ما اطيقه بس كوليلي اشلون راح اعيش ويا
ابتسام _ مجبورين نتحمل لازمنه من ايدنه التوجعنه
رافع _
أصعب شي من يخونك الزمن ويجبرك تحط ايدك بيد ناس ما جان يرهمون تراب تدوس عليهم برجليك
لواني الوكت وخلاني احط ايدي بيد الخان ونكر خيري وفضلي وعظ ايدي الجانت تحاميله وتساعده
محمد _ طلعت خالتي واني گمت اگمز من فرحتي ولج أمونه شفتي بعينج اشلون ذليت رافع وراح أخذها من عينه
هسه ارتاحي....
_ شرايحلك بيتي انهجم من وراك بس لا يطلكني
_ لا اضوجين يومين واني ارجعج خلي اخذ ياسمين بالأول...
منو بحاله هو محتاجج
وإذا تردين اشوفلج رجال غيره اني حاضر
_ باوعت عليه انته صدك تحجي.....
_ اي والله تخلصين عمرج ويه واحد معوق دعوفي وهاي اجت منه
_ صفنت........
رافع _ وكفت سيارتين بالباب
نزل منها عباس وإخوانه ثنين ووياهم شباب ثنين ولد عمامه وسيد واخر واحد محمد
دخل فرحان لابس القاط ومسيطر
كعدو وحجو بالخطبه
واني عيني عليه شيحجون اكول اي
قرينه الفاتحه..... وعقد السيد
محمد _ تشكرت من الموجودين وبوستهم ومن وصلت الرافع
مديت ايدي اصافحه.... وعيني بعينه وكأنه أكله خلص مجبور تحط ايدك بايدي
ورغم ما مد ايده الي
حضنته وتشكرت منه
وهو بس عيونه تخزرني ما نطق كلمه
ترخصت اريد ادخل البس الحلقه
رافع صاح على خالتي اخذتني
محمد _ ما ادري اصار بيه من شفتها
عيونها حمره من البجي وكفت كدامها ما ادري شكول طلعت من جيبي حلقتين ردت الزم ايدها حتى البسها الحلقه
ماقبلت وسحبت ايدها
ياسمين _
لا تصور بالسويته بيه راح اصير لك مره لاتفرح زايد
وهذا الخياط البركبتك راح يذكرك يوميه اسويت بيه
محمد _ المهم اخذتج.. واني اكول ما يفيد البجي بعد حافظيلي على عيونج لان كلش احبهن وعظيت شفتي وغمزتلها
ابتسام _ اخذت منه الحلقه وحطيتها بأصبعها وهو لبس حلقته
روح اطلع وبعد لا تراوينه وجهك ودفعته
محمد _ هههههه اي ميهم بس حضريها قريب كلش اخذها
وطلعت من جيبي فلوس هاج اشتريله كلشي لا تخلين شي بنفسها
والتفتت على ياسمين.... ولزمت خدها
ياسمين تستاهل...
ياسمين _ كلشي بي ينرفزني صوته تصرفاته حركاته
ضربت ايده حيل......
محمد_ ههههه.......!!!! ما ازعل منج
ترك الفلوس على الميز وطلع
خالتي راجحه الوحيده الحضرت بوستني وباركتلي
ياسمين _
خلص العقد وطلعو واني دمعتي ما وكفت معقوله اصير لمحمد
اكثر واحد اكرها بالدنيا..... اصير زوجه اله
مدا اصدك
طلعت الدفتر مالتي بجيت واني اكلب
واقره الكاتبته للسيد وكأني أودع ذكرياتي ويا
صعدت للسطح وبيدي الجد احه شگگته ورقه ورقه وحرگته
ماتت ياسمين ذيج الطفله البريئه من يوم
العفتها سيد..... ماتت... ماتت
انطويت على نفسي دوام بعد ما رحت للمدرسه
ما كان الي واهس اقرأ تمرضت اكلي قليل
وامي محتاره بيني وبين رافع
ابتسام
رحت مرتين اجيب حسن ورضى ما قبلو يردون امهم
عفتهم خليهم على كلبها اريد اشوف لشوكت تتحملهم
راجحه رجعت تخبز وتعيش من شغل اديها ما كانت تقبل تأخذ فلوس من محمد
مرات تجينه وتگول فلوس محمد حرام يوميه اشوف بجيبه لهدات لهدات فلوس
منين يجيبهن ما ادري.....!!!!
_ما مرتاحتله من جاب السياره لليوم وخايفه يورط روحه بشغله
_ اسألي منين جابها
_ اسأله يكول جمعت من شغلي
أكله معقوله يعني اشكد شهريتك
يكول تحاسبيني
اني ادري ما عدي حظ لا بولد ولابرجال من يومي...
_ لعد اني العدي حظ هاي كتبه من الله ونحمده ونشكره
اكيد يبوك بحلال الرجال المأمنه على المخزن
ما يرادله عرفه....
نسيتي من جان يبوك فلوس رافع واحنه بالعمره
راجحه _ اشلون انسه دم عباس المعفن يمشي بعروگه
ابتسام _ ىوميه اموت الف موته واني اشوف بنتي تذبل دمعتها بعينها وتصفن دراستها راحت وحياتها انكلبت بيوم وليله وكل ماتحاجيني تكول اموت روحي ولا اعيش ويا
حتى راجحه حجت وياها ميفيد
خلص الاسبوع لا قبلت تطلع للصالون ولا رضت تشتري شي
اندكت الباب....
ابتسام _ رحت فتحتها ... شرايد.....!!!!
محمد _ وينها بنتج
حجه ودخل للبيت.. ركضت ورى
ابتسام _ شرايد منها
ما سمعني دفع الباب ووكف
محمد_ جاي اشوف خطيبتي
ابتسام _ دخلت كبل حضنت ياسمين ادري بيها تخاف
شرايد احجي....
محمد _ سمعت العروس ما رايدتني اني بعد يومين اجيب
الزفه واجي الكاج جاهزه حتى اخذج
وانتي بكيفج
اما اذا ماترديني.....!!!!
كل واحد يروح الحال سبيله....
- يتبع الفصل التالي اضغط على (انكسار الياسمين) اسم الرواية