رواية ارهقني عشقها الفصل العاشر 10 - بقلم دينا عبدالله
ضحك ضحكه مليانه وجع وقال: والله... طيب منا استحملت اني مراتي تحب غيري وكانت هتهرب معاه وتسيبني ويعني مطلقتكيش بالعكس دنا كنت هموت وفضلت متمسك بيكي ومسبتكيش... وانتي جايه دلوقتي عايزه تطلقي عشان اتجوزت تاني وعلي سنة الله ورسوله متجوزتهاش في الحرام... تسميه ايه دا
وجدان بدموع: انت ليه مصر انك متفهمنيش... انت ليه مش فاهمني
سابها وقال: عشان انتي عمرك ما فهمتيني
وجدان بدموع وحب: بس دلوقتي فهماك وبقيت عارفاك كويس
معتز: وانتي فاهمه اي بقي
وجدان: انت بتعمل كده عشان توجعني صح
ابتسم بسخريه وقال: و اوجعك ليه وانتي مبقتيش فارقه معايا اصلا
انصدمت من كلامه وكان لسه هيدخل الاوضه عند رهف بس وقف لما سمعها بتقوله: معتز انا بحبك
بصلها وقال بوش خالي من التعابير: مش قادر اصدقك مش عارف ليه
وجدان بدموع وغضب: لما انت مش مصدقني ومش فارقه معاك طلقني
معتز: وانا مش هطلق
ـــــــــــــــــــــــــــــــــــــــــــــــــــــــــــــــ
شاف الحاج ناصر رهف وهي واقفه قدام باب الشقه انصدم وقال بصوت عالي قوي: رهف
اتجدمت مكانها لما سمعت صوته.. نزلت ووقفت قدامه وقالت وهي بتبص في الارض: نعم يا عمو
ناصر بصدمه: انتي... انتي البت اللي اتجوزها ولدي... طب كيف وليه وابوكي الاستاذ جمال يعرف بكدا.. ولا متجوزه من وراه... لان لو الاستاذ جمال كان عارف اكيد كان قالي الان كنت معاه في شغل الاسبوع اللي فات
رهف بدموع: بابا ميعرفش... انا هقولك علي كل حاجه بس متقولش لبابا علي اي حاجه
ناصر بصدمه: مش مصدق.. مش مصدق انه انتي بت الراجل المحترم الاستاذ جمال
رهف وهي تبكي: ولدك قالي اننا نمثل علي مراته وجدان اننا متجوزين عشان ما بينهم خلاف.. انا والله مليش دعوه
ناصر بصدمه اكبر: يعني انتو مش متجوزين
رهف بخوف: لأ مش متجوزين.. بس والله مفيش حاجه حصلت بينا
ناصر بصوت قوي وغاضب: اطلعي من هنا علي بيت ابوكي عدل وانا هكلم ابوكي واقوله علي عمايل بته المحترمه
رهف وسط بكائها: انا مليش دعوه ابنك هو اللي وراه كل حاجه
ناصر بصوت قوي: امشي من هنا ومشفش وشك تاني وانا حسابي مع ولدي
طلعت رهف بسرعه غيرت هدومها وطلعت برا السرايا بسرعه خوف من ناصر
نزلت وجدان ومكنتش عارفه ايه اللي بيحصل و رهف طلعت ليه بتجري كدا.. بصلها ناصر وقال بغضب: ايه اللي حصل بينك وبين معتز يخليه يعمل عمله سودا زي دي
وجدان بعدم فهم: قصد ايه.. انا مش فاهمه حاجه
دخل معتز ومعاه جاسم بصله ناصر بغضب شديد.. همس جاسم لمعتز وقال: هو انت عملت مشكله تانيه ولا ايه
معتز: انا معملتش حاجه
ناصر بغضب: طلقها
بصله الكل بدهشه وهما معتقدين انه بيتكلم عن رهف
معتز: وانا قولت مش هطلق.....
ناصر بصوت عالي: وجدان طلق وجدان ودلوقتي
الكل بصله بصدمه كبيره وهم مش مستوعبين قال ايه.. معتز: واطلقها ليه
ناصر: ايه اللي حصل بينكم يخليك تجيب بنات الناس وتتظاهر انك متجوزها تقعدها في شقتك و اوضة نومك وهي مش مراتك... لما انتم مش فاهمين بعض والخلافت وصلت بينكم لحد كده يبقي تنفصلوا احسن وبلاش مسخره وفضايح اكتر من كده
جاسم: كل الحكايا يا ابوي...
قاطعه ناصر وهو بيقول بغضب شديد: انت اسكت خالص مسمعش نفسك.. وانتم هتقولوا حصل ايه ولا لع
بصت وجدان لمعتز اللي كان برضه بيبصلها وساكتين ومحدش فيهم رد
هز ناصر راسه وقال بغضب: طيب براحتكم.... يلااا طلقها
معتز: بس انا مش هطلقها
وجدان بدموع وغضب: بس انا عايزه اطلق
جاسم بغضب: ماخلاص انتم الاتنين كفايا لحد كدا.... وانت يا اخوي كفايا لو كل واحد فيكم مش مستحمل تصرفات التاني يبقي خلاص ابوي معاه حق
ناصر بص لمعتز بغضب عارم وقال: خلص طلقها.. تعيش في بيت ابوها معززه مكرمه احسن ما تعيش معاه وانت بتهينها بالشكل ده
بص معتز لوجدان اللي كانت بتبصله بنظرات هو مش فاهمه.. ناصر بغضب: انا مش هكرر كلامي تاتي
معتز: انتي طالق
اول ما سمعتها طلعت فوق وهي بتجري وبتبكي.. بصله ناصر وقال: من هنا ورايح لا هتطلع ولا هدخل البيت الا بإذن مني لحد ما تعقل
ـــــــــــــــــــــــــــــــــــــــــــــــــــــــــــــــ
بعد فتره
عرفت رقيه بكل اللي حصل وعن موضوع رهف.. كانت لابسه الفستان لان دا يوم دخلتها مع جاسم
قعدت امها جنبها وقالت: هو دا اللي انتي كنتي بتحبيه شوفتي عمايله.... ربنا كرمك بجاسم بيحبك وعاقل عن اخوه.. حافظي علي جوزك يا بتي واللي فات انسيه وابداى مع جوزك حياه جديده وفرحيه وابسطيه.. ارفعي راسنا بدل ما تحطري راسنا في الطين
هزت رقيها راسها وقالت: حاضر يامه متخافيش مش هعمل حاجه تكسركم قدام حد هخليكم طول عمركم رافعين راسكم بيا
ـــــــــــــــــــــــــــــــــــــــــــــــــــــــــــــــ
دخل جاسم شقته وهو شايل رقيه وقفل الباب برجليه.. دخل اوضت النوم وقفل الباب حطها على السرير برفق وهو بيبصلها بحب وعشق
جاسم بتوهان: حد قالك قبل كده انك حلوه قوي قوي قوي قوي
ابتسمت بخجل شديد وقالت: انت بتحبني قوي يا جاسم
جاسم وهو بيلمس شفايفها بـ شفايفه: حب اي دنا بعشقك يا بت
حس بابتسامتها علي شفايفه ومقدرش يقاوم و باسـ ها بحب وعشق وهو بيحسسها قد ايه هو بيحبها... وهي استسلمت ليه بين لمساته.. وجمعهم لحظات جميله
ـــــــــــــــــــــــــــــــــــــــــــــــــــــــــــــــ
حس معتز بغلطه وقد اييه كان غبي لما مشي ورا قلبه كان من الاول اختار صح اختار واحده بتحبه هو وبس ومبتحبش غيره.. بس قلبه اللي وداه في ستين داهيه... وقرر بعد كده انه مش هيمشي ورا قلبه تاني ويمشي بعقله
حتي وجدان عرفت غلطها كويس وان اول شخص حبته في حياتها كان غلط وكان لازم تختار صح.. تختار واحد زي معتز يحبها بجد مش يستغلها
كل واحد اتعلم من تجربته بحاجه مختلفه واتعلم درس عمره ما هينساه
واتمسك ادهم علي كمين علي الطريق وهو معاه كمية مخدرات واتسجن بعدها
ورهف اللي لما ابوها عرف حبسها في البيت واتبرا منها ومن عمايلها بعد ما كسرتوا وحطت راسه في الطين
عاشت رقيه مع جاسم وهي شايفه منه كل حب وموده ورحمه وبيعاملها بما يرضي الله وهي كانت معاه زوجه صالحه وربنا كرمهم بزريه صالحه وفرحت وداد بأحفادها
النهايه.... تمت والحمد لله
كنتم مع اسكريب
يتبع الفصل كاملا اضغط هنا ملحوظه اكتب في جوجل "رواية ارهقني عشقها دليل الروايات" لكي تظهر لك كاملة
•تابع الفصل التالي "رواية ارهقني عشقها" اضغط على اسم الرواية