رواية عشقت مطلقه و اولادها الفصل الحادي عشر 11 - بقلم مارلي ايهاب
الحلقة الحادية عشر
//////
في شركة والد شمس كانت تجلس علي المكتب و بتقول بجدية للسكرتيرة
اجمعي ليا مديرين الاقسام و عرفيهم ان في اجتماع دلوقتي و مستنياهم في غرفة الاجتماعات
السكرتيرة
حاضر يا فندم بعد اذنك
خرجت السكرتيرة و شمس لملمت اشيائها و خرجت من غرفة المكتب و ذهبت الي غرفة الاجتماعات بكل ثقه و بعد دقائق دخل المديرين
وجلسوا امامها
شمس بثقة وقوة
الشهرين اللي فاتوا اللي بعد فيهم عن الشركة استاذ منصور تبع الحج القناوي فين
منصور بهدوء
انا موجود يا هانم
شمس بهدوء
انا بشكرك علي المجهود اللي بذلته في الشركة اثناء غيابي عنها و دي مكافاة صغيرة مني علي المجهود بتاعك
نظر منصور للشيك و كان عشرين الف جنيها
منصور
مفيش داعي يا هانم انا معملتش غير الواجب بس
شمس ابتسمت
معلش يا استاذ منصور ده حقك انا عايزك بس تفهمني اية الصفقات و الحاجات اللي حصلت اثناء غيابي علشان ابدا شغل فيها و حضرتك كدة كدة هتفضل معايا هنا في الشركة لاني مش بثق في حد
منصور بابتسامة
شرف ليا يا هانم اساعد حضرتك
شمس ابتسمت بهدوء وقالت لباقي المديرين
انا عايزة من كل واحد ملف بالشغل اللي ماسكه علشان هشوف انتم شايفين شغلوا ولا بتهزروا هنا استاذ مدحت حسن فين
مدحت بهدوء
انا موجود يا فندم
شمس ابتسمت بثقة وقالت بمنتهي البرود
انت مطرود
مدحت بصدمة
نعم قولتي اية
شمس بابتسامة مستفزة
انت مطرود اية في كلامي مش مفهوم
مدحت بعصبية
واية سبب الطرد بقي ان شاء الله
شمس بهدوء
ولله انا حرة مش عايزك في شركتي اعتقد ان انا حرة و انت ميخصكش انت شغال عندي و مستغنين عن خدماتك اتفضل من هنا
مدحت خرج بعصبية اما باقي المديرين كانوا يجلسون بتوتر شديد
شمس بقوة وقفت ووضعت يدها علي الترابيزة وقالت
اسمعوني كويس اي واحد هيأثر في شغله انا هطرده و ملهوش شغل عندي اي حد هيفكر ينقل اخبار الشركة لا حد هحبسه و هندمه علي اليوم اللي عمل فيه كدة انا مش عايزة غير شغل فاهمين شغل بس
المديرين قالوا بتوتر
كل اللي حضرتك عايزه هنعمله
شمس بهدوء
هنشوف اتفضلوا علي مكاتبكم
بدا المديرين بالخروج حتي جلست هي بمفردها و امامها ملف تقرأ فيه بعناية شديدة و بعد مرور نصف ساعة اتفتح الباب بقوة ودخل طليقها الملعون ايمن نظرت له شمس بقوة لتداري علي توترها و خوفها منه
شمس بهدوء
اهلا يا ايمن ياتري اية اللي جابك
ايمن بعصبيية
كنتي فين انتي و العيال ها بقالكم مدة مختفيين و التليفونات مقفولة كنتي فين
شمس ببرود
اهدي شوية احسن يجرالك حاجة يا ايمن و بعدين ميخصكش كنت فين خليك في حالك
ايمن بعصبية
بلاش الطريقة دي معايا يا شمس بدل ما اعمل حاجه اندم عليها
شمس ضحكت بمنتهي الاستخفاف و الاستهزاء
بجد هو انت عمرك ندمت علي حاجة يا ايمن يا راجل قول كلام يتصدق مش كدة
ايمن بضيق
انتي مش ناوية تجبيها البر انتي بقي جاية الشركة هنا تعملي اية
شمس ببرود
وانت مالك الشركة شركتي بتاعة ابويا
ايمن بتريقة
انتي نسيتي انها شوية و هتعلن افلاسها انا بس مستنيها تتعرض في مزاد علني علشان اشتريها
شمس ضحكت بقوة
اية ده هو. انت متعرفش معقول مدحت موصلكش الخبر يا ايمن مش ديون الشركة كلها اتسددت يا حبيبي
ايمن بصدمة
ازاي يعني جبتي فلوسها منيين
شمس ببرود
جبت فلوسها منين ما يخصكش لو مفيش حاجه مهمة عايز تقولها ياريت تتفضل علشان انا روايا شغل كتير محتاجة اخلصه يا ايمن مع السلامه و ياريت الزيارة دي متتكررش تاني
ايمن قرب منها بعصبية ومسك ايديها بعنف وقال
دا انا عندي استعداد اخلص عليكي يا شمس الشركة دي انا عملت كل اللي ما يتعملش علشان احصل عليها و انا هاخدها غصب عن عين الكل. انا اتجوزتك مخصوص علشان الشركة دي انتي فاهمه
شمس زقته بعنف وقالت ببرود
خلص عليا وريني هتعمل اية برضه مش هتعرف تاخد الشركة دي دي شركة العدلي فاهم يعني اية العدلي نسيت اللي نضفك و لماك من الشارع يا معن بس صحيح خيراً تعمل شراً تلقي و ساعدك لغاية ما خلاك تعمل لنفسك شركة كبرت في السوق بس انت كلب وسخ خسيس الشركة دي في احلامك لو اخدتها يا ايمن في احلامك اطلع بره بدل ما انده ليك الامن يرموك بره زي الكلب
ايمن قرب منها و الشر يملئ ملقتيه و هي توترت للحظة ولكن لم تهتز قرب منها و علي حين غره زقها الي الحيطة ووضع يده علي رقبتها يريد ان يزهق روحها ضغط بقوة وهي لا تقدر علي الكلام لانه يضع يده علي فمها يكتمه صوته ويقول بمنتهي الغل و الحقد
موتي بقي و خلصيني يا شيخة انا قرفت منك موتي
فجاة دخلت السكرتيرة لتاخذ رائها في موضوع هام رات ما يحدث صرخت برعب وايمن نظر لها بشر هي الاخري و دخل بعد الموظفين و راوا ما يحدث تركها ايمن ووقعت شمس علي الارض لا حولا ليها ولا قوة اما ايمن تجمع حوله الموظفين يمنعوه من الخروج و اتصلوا بالامن و الاسعاف
قرب منها شاب موظف وقال بقلق
دي قاطعة النفس احنا لازم نعمل اسعافات اوليه علي ما الاسعاف تيجي بسرعة
وبدا يضع يده علي صدرها يضغط بقوة لعلها تتنفس ولكن لا شئ تغير
ضغط الشاب بقوة شديدة اكثر من مرة حتي سعلت بقوة وهي تبكي و تشعر بختناق شديد
قرب منها الشاب و سندها عليه كانت تجلس علي الارضية و تسند بضهرها عليه تبكي و تسعل بقوة وتقول بوجع
م. ش قا.درة اتنفس
اعطتها السكرتيرة بعض الماء لتشرب ولكن الالم في صدرها يزداد بقوة صرخت زهي تضع يدها علي صدغها
ايمن بعصبية للموظفين
ابعدوا عن وشي احسن ليكم
منصور بقوة
البوليس جاي يا ايمن بيه مش هتتحرك من هنا غير مع البوليس
ايمن كان يريد ان ينقض علي منصور ولكن امسكوه الموظفين جيدا حتي طلع رجال الامن و بدوا بامسكه بقوة و منهم واحد قال
هتدفع تمن ده غالي قوي
ايمن بسخرية
مبقاش الا حتة حارس يتكلم معايا كدة دا انا افعصك برجلي يا حيوان يا رمامة
الحارس و اسمه احمد تعصب علي ايمن و انقض عليه بالضرب و معه الحارس الاخر حتي يتعلم الادب بعد الذي عمله لربة عملهما
الاسعاف اتت و كذلك سيارة الشرطة و تم القبض علي ايمن الذي كان وجهه متشوهاً من الكدمات التي تلقها علي يد الحراس اما الاسعاف نقلت شمس سريعا اللي السيارة وضعوا لها جهاز تنفس حتي يصلوا الي المستشفى
في الشركة منصور فتح تليفونه و اتصل علي القناوي الذي يجلس معه سلطان يتكلم معه
سلطان بحزن
بكفياك عاد يا بوي هي اللي كانت بتخرجني عن شعوري و محستش بنفسي غير وانا بعمل اكدة
القناوي بخزلان
حديتك الماسخ ده كله في الفاضي يا سلطان فاهم يعني اية في الفاضي انا معرفش اقولك اية علي اللي انت عملته ده كسرت عيني قصادها و انا بمدح فيك و بقول و لدي و لدي و طلعت في الاخر ازبل من طليقها
سلطان بحزن.
ليه مقولتش ليا انك رايد تحميها من طلليقها كانت بقيت علي عينا و علي راسنا من غير ما تجوزنا
القناوي
مكنش ينفع يا سلطان رايد اهل البلد يكلوا وشنا بعد ما يعرفوا ان في واحدة قاعدة عندينا وفي اتنين عزاب في السرايا عايز تخلي الناس تقول عنينا منعرفش الاصول و بعدين انا كنت رايدها تقعد معانا علي طول وهي مكنتش هترضي بس الغلطة الوحيدة اللي عملتها ان جوزتهالك يارتني كنت اختارت ريان اهو راجل و يعرف بحافظ كيف عليها و
قطع كلامه اتصل من منصور
رد القناوي بهدوء
الو كيفك يا منصور
منصور
انا كويس يا حج بس في حاجة حصلت كدة في الشركه
القناوي بلهفة
في اية
منصور
الست شمس جات تدير الشركة من تاني و طلقيها جه وبدا يحكي كا ما حدث حتي قام
القناوي مفزوع
وهي كيفها دلوقتي يا منصور
منصور
معرفش انا رايح المستشفى اهو و هطمنك من هنا
القناوي بقلق
ابعت عنوان المستشفى انا جاي القاهرة
منصور
متتعبش نفسك يا قناوي بيه انا هبلغك بأخباره اول باول
القناوي بعصبية
بقولك ابعت العنوان يا منصور
منصور
تحت امرك يا قناوي بيه انا هبعتلك في ثواني
قال ذلك وارسل العنوان للقناوي
القناوي بقلق
وصل مع السلامه يا منصور و اول ما تتطمن علي حالتها كلمني و انا هجي ليها النهارده سلام
قفل القناوي مع منصور و سلطان قال بقلق ملحوظ
في اية يا بوي
القناوي بعصبية
شوفت اخري اللي عملته يا سلطان كلن هيموتها بسببك اوعي من خلقتي
سلطان
طب علي الاقل فهمني اية اللي حوصل يا بوي علشان افهم
القناوي
البيه راح الشركة و اتهجم علي شمس و حاول يخنقها ولحقوها علي اخر لحظة و اتنقلت المستشفى انا مسافر القاهرة مش هستني ابدا
سلطان بقلق
استني يا بوي انا جاي معاك
القناوي بعصبية
ما رايدش اشوف وشك انت فاهم اياك تحصلني
تركه القناوي و ذهب لأرتداء ملابسه
في القاهرة في شقة بسيطة كانت قاعدة زهرة وهي شاردة و ريان في العمل تضع يدها علي بطنها و بتقول بدموع
ياتري مصيرك اية يا حبيبي بس متخفش انا مش هسمح لحد يقرب منك واصل كفاية بعدوني عن ابوك مش هسمح ليهم يبعدوني عنك
سمعت باب الشقة يفتح علمت ان ريان اتي
ريان دخل الشقة بملامح مجهدة وقال
السلام عليكم
زهرة بهدوء
عليكم السلام هروح احضر ليك الوكل
ريان هز راسه لها وهي ذهبت لتحضر له الطعام وضعت له الطعام علي السفرة وخرجت له وقالت
الوكل جاهز يا ريان
ريان بهدوء
مش هتاكلي يا زهرة
زهرة
معلش يا ريان مليش نفس للوكل كل انت انا لما اجوع هاكل
ريان تنهد و سكت و نظر لبطنها الذي بدا يوضح عليها الحمل بشكل بسيط
وهي اخدت بالها من نظراته وتركته و ذهبت لغرفتها
في المستشفى كان منصور في غرفة شمس
حمدلله علي سلامتك يا ست هانم هو خلاص اتقبض عليه و هيتعلم الادب علي اصوله
هزت راسها بتعب وهي لا تقدر علي الكلام ولكن جاهدت بشدة ان تتحدث
شمس بتعب
الله يسلمك يا استاذ منصور
منصور
ان شاء الله يومين تلاته و هتبقي كويسة
هزت راسها بتعب وهي تغفو نتيجة الارهاق الذي تعرضت له
في الصعيد كان سلطان يجلس علي البحيرة قربت منه فرحة بعصبية
البية اللي جه و اتحددت مع امي و اختفي
سلطان نظر لها بصدمة
فرحة انتي اهنا
فرحة بضيق
ايوة اهنا انا عملتلك اية علشان تعمل فيا اكدة يا سلطان ليه كلمت امي و قولتلها ان اهلك موافقين و هما اصلا رافضين انت رايد تجرحني مش كفاية اني استحملت انك تتجوز غيري يا سلطان
سلطان بحزن
انتي ما خابرش اللي حوصل ليا يا فرحة
فرحة بتريقة
واية اللي حوصل يا ابن العمدة
سلطان بحزن
انا طلقت شمس مرتي
فرحة بصدمة
انتظروني في حلقة جديدة
•تابع الفصل التالي "رواية عشقت مطلقه و اولادها" اضغط على اسم الرواية