رواية العاصي الفصل الثالث عشر 13 - بقلم كنزي حمزة

 رواية العاصي الفصل الثالث عشر 13 - بقلم كنزي حمزة 

الفصل الثالث عشر

كاد الرجال ان يهربو مره اخره حين سمعو صوت سيارات  الشرطه ولكن الشباب حاوطهم في دائره  والي ان تم القبض علي الكثير منهم  وفي هذه الاثناء 

صعد حمزه وعاصي الي شقة روقيه وفتحت لهم لوزه

عاصي: سلامو عليكو ايه يا ستي عندكو ضيوف ولا ايه

توحه:تعالي ياعاصي الحقنا شوف الناس دول  عايزين ايه بقي مننا

فلاش باك

دق باب الشقه ففتحت لوزه بسلامة نيه فوجئت  بهم امامها كادت ان تغلق الباب مره ثانيه الا انه وضع قدمه بين الباب والحاءط ثم دفعه بقوه اوقعتها خلف الباب فصرخت

لوزه:ايه يا جدع انت عايز مننا ايه انت مش مطرود من هنا المره اللي فاتت

ياسر:انتي بتكلمي مين كده يا بت ال.......    

روقيه:ايه اللي جابك تاني يا ياسر انت واخوك قولتلكو بناتي اتجوزو ومعانديش بنات للجواز

حسين:وماله يا مرات عمي ماحنا جايين نبارك ليهم ونشوفهم علي الال نعرف اجوازهم ان وراهم رجاله وليهم اقارب يعرفو يقفو ليهم

روقيه:لا والله طب يا سيدي مستغنيه عن خادمتكو  انا مجوزه بناتي لرجاله محترمين يعرفو يحموهم كويس 

ياسر:طب بصي بقي يا وليه انتي شغل اللوع اللي انتي فيه داه مش هايخيل عليا يا تقولي البنات فين يا تلبسي هدومك وهاخدك معايا يأما تمضي علي التنازل ده

روقيه: اولا بناتي في بيوتهم

ثانيا:انا مش هاجي معاك في حته

ثالثا: بقي وده المهم مش هامضي علي حاجه لأني ببساطه مافيش حاجه ملكي وكل حاجه بقت بأسم بناتي

ياسر:كدابه انتو اه بعتو كل حاجه هناك و حولتوها لفلوس وعمي بقي الله يسامحه قسم الفلوس دي عليكو  انتو التلاته بالتساوي بقلمي/كنزي حمزه

مش حرام عليكي يا مرات عمي الفلوس دي تروح للاغراب واحنا اللي من حقنا نورث فيها منطولهاش ٦ مليون يا مفتريه تضيعهم من ايدنا كده

روقيه:ايه الكلام الفارغ ده ٦مليون ايه مين الكداب اللي ضحك عليك وقالك الكلام الفارغ ده ثم انت مالك انت مانشالله يكونو عشره مليون واحد وحب يورث بناته وحرمكو من الورث ده هو اللى هيتحاسب بقي مش انت انت مش ربنا بقي عشان تحاسبه  

ياسر: وقد امسكها من عضدها كاد ان يكسره في يده: بقولك ايه بقي انتي لسه ماتعرفنيش انا محبش اسيب حقي لحد ابدا وهاخده   برضاكي هاخده غصب عنك هاخده

صرخت هي من ضغطه علي ذراعها 

فصرخت توحه:شيل ايدك عن بنتي يابن سالم لأطعهالك انت فاكر ان احنا هافيا ولا مورناش حد يقف ليكو

باك

دلف عليهم عاصي وحمزه في هذه الاثناء

عاصي:شيل ايدك لأطعهالك ياض انت واطلعو بره البيت ده بدل ما ادفنك ماطرح مانت واقف

 ياسر:الله بقي دي برضو اصول  يا نسيبي ماتيجي يا راجل تقعد عشان نتعرف علي بعض

حمزه:مبقاش الا بتوع المخدرات كمان اللي نقعد معاهم يلا ياض انت وهو من هنا 

حسين: الله وليه بقي الغلط ده ماتلم نفسك ياض بدل ماخليك تصرخ زي النسوان

 حمزه:انت بتقول لمين كده يا برشمجي يا شمام قسما بالله ما هتنزلو من هنا الا لما يتعلم عليكو

صرخت روقيه:عندما وجدت ياسر يفتح سكين بيده بدء الشجار بينهم 

تفادي حمزه الضربه  من حسين والكمه في وجهه بينما ركل عاصي يد ياسر بقدمه ليبعد هذا السكين عن ظهر اخيه وفي هذه الاثناء صعد خالد الي الشقه ومعه بعض العساكر

خالد:ايه اللي بيحصل  هنا بالظبط

صرخت توحه: الحقنا يا حضرة الظابط الاتنين دول اتهجمو علينا انا وبنتي  وكمان اتهجمو علي اجواز بناتها بالسلاح

خالد: يلا يا بني انت وهو حطو في ايدهم الكلبشات وحرزلي يابني السلاح ده

 وانتو الاتنين  ياريت تيجو علي القسم وتجيبو الحجه معاكم عشان نتمم المحضر  ثم اخذهم ونزل بهم وسط العساكر التفتو هما اليها وجدها قد جلست وبدأت في البكاء بصوت مرتفع

عاصي:ليه بس كده ماخلاص ال انتي كنتي خايفه منهم هايتحبسو اهم

روقيه :انت فاكر ان سالم هايسكت لو ولاده اتحبسو 

حمزه: يعمل اللي يعملو  هايلقينا  واقفين ليه برضو

روقيه: اسكت يا حمزه انتو مش عارفين حاجه انا كنت خايفه علي بناتي بس دلوقتي مرعوبه عليكو قبلهم

عاصي:لاء ماتخفيش علينا ويلا بقي عشان نروح القسم

روقيه:انا هاروح معاكو  بس هاتنازل عن المحضر 

عاصي:نعم الكلام اللي بتقوليه ده مش هايحصل  وبقولك ايه خليكي هنا انا وحمزه هانروح القسم 

روقيه:لا لا خلاص استني انا هاجي معاكم

حمزه:ماشي هاتيجي معانا بس انتي عارفه ان الظابط خالد صاحبنا وهو نفسه مش هيوافق يخرج العيال دي 

روقيه:ماشي استنو بس هالبس واجي معاكو

دلفت الي غرفتها  وجلسو هم ينتظروهاوتحدثت توحه

توحه :البنات فين يا عاصي

عاصي:عندي يا ستي ماتخفيش عليهم

توحه: انا عايزكو تممو الفرح يا عاصي

حمزه:ايه ليه يا ستي انتي عارفه انهم لسه هايدخلو الكليات دي غزل لسه سنه اولي

توحه:وماله  يكملو وهما في بيتهم بس يكونو اتجوزو

عاصي:لاء مش فاهمك وضحي كلامك ياستي

توحه:مش عايزه سالم يكسركو او يكسر روقيه يا عاصي افهمني بقي

عاصي:انتي بتقولي ايه انا اللي يقرب من مراتي اضربه بالنار

توحه:واحنا ليه نستني لما ده يحصل خلينا نتمم الجواز ونخلص 

حمزه:ماتخفيش يا ستي احنا نقدر نحميهم كويس اوي

توحه:  ماخفش اذاي اذا كنت خايفه علي بنتي وهي كبيره كده مش هاخاف عليهم هما

سالم ممكن يخطف اي واحده فيهم بسبب الورث بتاعهم ده

حمزه:بصي احنا طبعا عمرنا ماكنا هنسأل السؤال ده بس انا عايز اعرف الورث اللي هايموتو عليه اوي ده عباره عن ايه بالظبط

هتفت روقيه:٦ مليون جنيه

عاصي وحمزه: كام ثم جلسو مره اخري علي الاريكه بأندهاش

روقيه:زي ماسمعتو كده ٦ مليون متقسمين علينا كل واحده فينا ٢مليون

حمزه:بصراحه انتي فأجتينا  

عاصي:ليه مش قولتي لينا قبل قبل كتب الكتاب

روقيه: عشان كنت عارفه انكم هاترفضو

حمزه:ليه مافكرتيش اننا ممكن نطمع مثلا

روقيه:هاقولكو كلمه واحده وماتسؤلونيش بعدها

انا عملت كده عشان انتو ولاد عبد الرحمن

نظر عاصي الي اخيه ثم اليها

روقيه:مش يلا بينا بقي  ثم توجهو  الي خارج المنزل  ودلفو الي سيارة عاصي وتوجه بهم الي القسم

رن هاتف عاصي وفتحه:ايوه ياغمزه 

غمزه:انتو فين يا عاصي انتو نسيتونا ولا ايه

عاصي:لا يا حبيبتي بس احنا رايحين القسم مع ماما وهانيجي علطول

غمزه:قسم ليه يا عاصي هو في حاجه حصلت

عاصي:في حاجات بس مش هاينفع احكي ليكي دلوقتي اقفلي ولما نرجع هاقولك علي كل حاجه

غمزه:طب احنا هاناخد زين وننزل عند نانا

عاصي: اولا الباب مقفول عليكو من بره وباب البيت كمان مقفول يعني مش هاتعرفو تنزلو الا لما نيجي

 ثانيا حتي البلكونه ماتفتحش ولا تخروجو فيهامفهوم يا حبيبتي

غمزه:لاء طبعا مش فاهمه حاجه هو في ايه يا عاصي 

كاد ان  يسب عنادها هذا  الا انه سبه في سره عندما تذكر والدتها الجالسه بالخلف

لمحه حمزه وضحك في سره

عاصي: غمزه مش وقت عنادك ده خالص اسمعي الكلام واقفلي يلا سلام

اغلق معها الهاتف ووصلو الي القسم  ترجلو من السياره وثم دلفو جميعا الي غرفه الرائد  خالد استقبلهم  هو وهتف

خالد:اهلا يا عاصي اتفضلو اتفضلي حضرتك

جلسو جميعا معه وحكت له روقيه علي كل شيء

خالد:  بصي حضرتك كل اللي انتي بتقوليه ده انا فهمتو وموافق عليه كمان حتي لو عايزه تعملي محضر صلح  بس هانخد عليهم تعهد   انهم مايتعرضوش ليكو تاني 

عاصي بغضب: تعهد ايه يا خالد ماانت عارف انهم لو عايزين يعملو حاجه هايعمولها يبقي احنا بقي ليه نبان خايفين منهم

خالد :ممكن تهدي انت التعهد ده مش عشان خايفين منهم بس عشان تبقي حاجه ضدهم لو فكرو يعملو حاجه وكمان انتو مش هاتفضلو حابسين مراتك ومرات اخوك طوا عمرهم يعني بكره الجامعه هتبدء واظن هما في كليات مش كده ولا ايه ودول بنات عايزين يدخلو ويخرجو من غير خوف

حمزه: انت فاكر باللي انت قولته ده  بطمنا انا عندي يتحبسو ارحم من كل القلق ده

عاصي:ايوه نخليهم يخلصو كليتهم منازل ومايرحوش الا علي الامتحان هنتمم الجواز عشان يبقو قصاد عنينا علي طول

روقيه:ماشي اعملو اللي انتو عايزينو بس سيبوني اعمل برضو اللي انا عايزه

عاصي:ماشي اعملي كده بس اعرفي اني مش موافق علي الفكره دي

حمزه:ولا انا كمان موافق انت كده هاتخليهم يفكرو ان احنا ضعفا وهتجرأيهم علينا

خالد:ده تفكيركم انتو بس انا متأكد انها كده بتوريهم انها كانت قادره تسجنهم ومع ذلك مش رضيت هي سبقت بالخير عشان تتجنب أذاهم

عاصي:خير مع دول مع شوية......... بتوع مخدرات

خالد:اهدو بقي وماتنسوش ان البلد فيها قانون

ثم رن جرس مكتبه ودلف اليهم العسكري بعد ان ادي التحيه هتف فيه بان يحضر هم من الحجز

امتثله امامه وجدو عاصي يجلس علي مقعد جلدي ويضع قدم فوق الاخري مشعل سيجارته بين اصابعه ويشرب قهوته بمتهي الاريحيه وحمزه يجلس بجانب روقيه علي الاريكه الجلديه ايضا ويشربون العصير الذي جلبه لهم العسكري وهتف خالد

خالد:تعالي يابني انت وهو  اشكرومدام روقيه هي محبتش تأذيكو  وهتتنازل عن المحضر

ياسر:وياتري بقي ايه اللي خلاها تتعطف وتتنازل

خالد: ولاااا ما تاظبط يا روح...... بدل ما ورحمة امي انا بنفسي البسك قضيه تقضي عمرك كله تندم انك وقفت قدامي النهارده

حسين: ليه ياباشا كل ده عشان خايفين علي بنات عمنا لحمنا وعايزين نعرف هي خابتهم فين بتقول جوزتهم واحنا لحضرنا فرح ولا شوفنا مأذون بيكتب ولا حتيشوفنا قسايم جواز

عاصي:خالد باشا دي قسيمة جوازي. 

حمزه:ودي قسيمة جوازي انا كمان

اعطاهم خالد قسائم الزواج حتي يروها جيدا وهتف. 

خالد:بتعرفو تقرو ولا اقراهم ليكو انا.. 

ياسر:لاء ياباشا بنعرف طب الف مبروك بس ليه بقي كل المشاكل دي ماكان من الاول وروها لينا

عاصي:هي مش كانت لسه عند المأذون يا بني ادم انت

ياسر:اللهم طولك ياروح شايف ياباشا اهو هو اللي بيستفزني اهو. 

خالد:خلاص يلا اكتم بقي  وبعدين يا بشمهندس عاصي ماقولنا عايزين نحلها 

عاصي وقد استشعر بان صديقه يريد ان يعزز موقفه:نحل ايه بس ياخالد باشا انا عن نفسي مش عايز اعرف الاشكال دي ولا يقربو من بيت حماتي حتي

خالد:تمام يابشمهندس احنا هانعمل محضر صلح بس كمان هانخد عليهم تعهد بعدم التعرض ليكو او لأي حد من عليتكو نهائي 

التوي ثغر ياسر بأبتسامه خبيثه وهوينظر الي روقيه التي توجست خيفه منه

تم عمل محضر الصلح واخذ هذا التعهد عليهم  ولكنهم لم يخروجو من القسم حتي يتم الكشف علي صحيفتهم الجناءيه ربما كانو مطلوبين علي ذمة قضايا اخري وايضا تم القبض عليهم بتهمة حيازة سلاح ابيض 

بينما اخذ عاصي وحمزه روقيه واتجهو خارج القسم

دلفو الي السياره وهتفت روقيه

روقيه:انا مش عايزه البنات يرجعو عندي تاني من انهارده هما بقو عرايسكم خدوهم عندكم معاكم انتو هايبقو في امان ثم بدأت في البكاء

حمزه: الله طب والفرح انتي كان نفسك تعملي ليهم فرح ويلبسو الفساتين البيضه

روقيه: بلا بيضه بلا سوده انا مش عايزه حاجه غير حماية بناتي وبس

لم يتحدث عاصي الذي كان شاردا في شيء اخر شيء احدث فجوه كبيره داخله من ناحية زوجته التي لم يفرح بأنها سوف تكون معه بجانبه من اليوم. 

 وصلو الي المنزل في هذا الوقت المتأخر ترجلت هي من السياره وقبل ان تدلف الي بيتها هتفت

روقيه:خلو بالكو من بناتي احموهم حتي لوجرالي حاجه برضو اوعو تتخلو عنهم انا مخلفتش ولاد واعتبرتكم انتو ولادي ودي امانه امنتها ليكو

عاصي بأبتسامه:اطمني يا امي انتي قبل بناتك في عنينا من جوه. 

حمزه:متخافيش يا ماما  عليهم ولا علي نفسك انتي امنتينا واحنا هانكون قد الامانه دي

صعدت امامهم الي شقتها ثم فعلو هما مثل كل يوم وامنو منزلها جيدا وجلبو كلبهم وتركوه في بيتها ثم توجهو اليهم. 

سعدا حمزه جدا بهذا القرار الذي اخذته والدتهم علي عكس عاصي الذي كان شعوره مختلف لا يعرف اذا كان خوف ام حزن ام ماذا ولكن كل ما يعرفه ان هذا الميراث سوف يعكر صفو حياته مع حبيبته. 

دلفو الي شقتهم وجدوهم غارقاتان في نوم عميق علي الاريكه امام شاشة التلفاز ويتوسطهم زين المدد علي قدم غمزه بكل راحه. 

حمزه:يا حلوتكم بتتفرجو علي كارتون وعاملين فشار كمان

عاصي وهو يضع يده في جيب بنطاله :تصدق شكلهم حلواوي وهما كده 

حمزه:طب ايه هانفضل سايبنهم كده يعني ولا ايه. 

عاصي:شيل يا خويا مراتك وعلي اوضتك واستهدي كده بالله ونام بأدب لحد ماتقوم الصبح واتكلم معاهاوفهمها اللي حصل براحه

حمزه :علي فكره بقي انا كنت هاعمل كده من نفسي مش لازم انت تقول يعني

عاصي: لا ياراجل ماشي ياعم الفهيم اوعي بقي اما اشيل الواد الاول وبعدين ابقي ارجع اشيل امه ههههههه

 حمل الصغير من بين يداها ودلف به الي غرفته ارقده علي الفرش ثم رجع اليها مره ثانيه وحملها واحتضنها جيدا بين يده ثم ارقدها بمنتهي الرقه علي فراشه بجانب الصغير وجذب من علي شعرها حجابها طبع قبله رقيقه علي جبينهاودثرهم جيدا بالغطاء بقلمي/كنزي حمزه

واعتدل في وقفته وشلح قميصه من عليه واتجه الي الجانب الاخر منهم ونام بجانب الصغير محتضنهم بيده وهو ينظر اليهم  بسعاده وكأنه ممتلك العالم بأكمله بين يديه

اما حمزه فقد حملها بين يده بفرحه كبيره واتجه الي غرفته واغلق الباب خلفه ثم ارقدها علي الفراش وفك حجابها الذي كان شبه منزلق من علي رأسها ثم خلع لها حذاءها  واعتدل متجها الي خزانته حتي يبدل ملابسه بملابس بيتيه مريحه 

ثم عاود الي الفراش مره ثانيه ورقد بجانبها مجتذب الغطاء  عليهم هم الاثنان ولكنها تمردت بمنتهي الطفوله والقته بقدمها بعيدا واحتضنته بذراعها لاول مره يشعر بهذه السعاده واجتذبها هو الاخر الي حضنه وهتف بحب مش عارف لما تصحي وتلاقيني في حضنك كده هاتعملي ايه نظر اليها نظره طويله الي ان غاص في نوم عميق.ادعموا الصفحة ب 10 تعليقات عشان نقدر نكمل نشر الروايات الكاملة ❤️❤️

 •تابع الفصل التالي "رواية العاصي" اضغط على اسم الرواية