رواية عقاب الحب الفصل الرابع عشر 14 - بقلم صفاء حسني

 رواية عقاب الحب الفصل الرابع عشر 14 - بقلم صفاء حسني 

شوف حضرتك انا هكون ممرضة هنا لكن انسه إنى اكون  زوجتك او زوجة  لحد تانى ، لكن  ممكن اقدام الناس نكون طبيعيين  ، وكمان تقوم محامى كويس يثبت إن ابويا هو اللى تخلى عنا مش امى اللى هربت، عشان هو ليه الحق ياخذني انا واختى عشان  احنا دلوقتي فى سن حضانته هو 

سألها جاسر 

حضانة ايه يا بنتى انتى كبيرة واختك كبير ة

ردت شهد 

عندى ١٨ سنة واختى ١٦ ام اخواتى الصغيرين لسه عشر سنين فى حضانة ماما فشوف ايه طريقة 

تنهد جاسر 

بس اللى انا اعرفه ان من حقكم ترفضوا فى المحكمة لو مش عايزينه 

تنهدت شهد 

انا ماشي اتجوزت فى نظره خلاص رغم ان هو مش هيسكت لكن شذي ممكن يضغط عليها عشان اخواتى 

بأنه يسجن امى فاهمنى 

فكر شوية جاسر 

طيب ايه رأيك لو خليت اختك تبقي معانا على طول 

استغربت شهد وسألته :

مش فاهمه 

وضح جاسر :

نفس اللعبة الا لعبها جدى وامى هنلعبها احنا عشان نندمهم أنهم يلعبوا بمصير حد 

لم تستوعب شهد وقالت :

مش فاهمه بردوا ايه اللى هتعمله

تنهد جاسر 

هنجوز اختك ل وليد 

انتفضت شهد وقامت من مكانها وقالت:

انت بتقول ايه مستحيل انت مجنون انا وقعت في بيت مجانين من فين جواز والجواز من وليد   باطل ، ومن فين دلوقتي عايزاه لاختى وكمان كدة بابا يثبت بسهولة أن الزواج باطل اولا عشان هى قاصر وكمان عشان وليد مريض انسه الفكرة دى وشوف حل تانى

#صفاء حسنى 

الصفحه روايات الكاتبة صفصف 

استغرب جاسر رفض شهد ل وليد وسألها :

هو انتى معجبة ب وليد صح 

هربت شهد من سؤاله وقامت من على حمام السباحة :

ممكن نرجع  عشان انا متلغبطة في مغارة على بابا دى 

اتعصب جاسر :

انتى رايحة فين انا بسألك سؤال جوبينى عليه

نظرت له شهد واستغربت غضبه ووقفت ووضعت يد على يد 

نعم يا سي السيد عايز ايه 

اتعصب جاسر اكتر :

ردى عليا عدل يا شهد بلاش شغل العوج بتاعك ده 

صفقت شهد يد على يد:

يا صبر ايوب ،ممكن تفهمنى يا ابن الحلال  انت عايز منى ايه وليه عايز  تتخانق، الصباح رباح زى ما ولدتك بتقول انت مش عارف الساعه كام دلوقتي احنا داخلين على الفجر وانا هموت وعايزة انام فممكن نرجع 

تنهد جاسر 

بعد الشر عليكى اوعى تذكرى كلمة الموت مرة تانى مفهوم تمام يا ستي هنروح وبكرة نكمل كلامنا 

اتوبت شهد 

يحلها ربنا ليها الف حل 

عقاب الحب 

#صفاء حسنى 

الصفحه روايات الكاتبة صفصف

ورجعها من نفس المكان وطلعوا على فوق 

وكانوا الشباب ناموا على الأريكة وهما منتظرنهم 

فتح الباب جاسر ودخلت شهد جري على الاوضة 

وقالت :

نام مع اخواتك انت تصبح على خير 

ضحك جاسر:

ماشي يا شهد بكرة اشوف اخرت دماغك 

وصحا عادل وسمير وقال ليهم 

يلا يا شباب ناموا جوا 

نظرو ليه بتعجب 

جوا فين مش انت عريس والمفروض نسيب ليكم الشقة 

ضحك جاسر 

عريس على ما تفرج العروسة دخلت نامت جوا مع البنات 

ضحك عادل 

ياعيني عليك يا خويا تعيش وتاكل غيرها 

ضربهم جاسر بالمخدة 

يلا بقي بلاش رخامة 

عقاب الحب 

#صفاء حسنى 

الصفحه روايات الكاتبة صفصف

ساله سمير: 

طيب انت هتنام فين عشان البنات اخدت اوضه الاطفال واحنا نايمنا وليد فى الاوضة التانية بتاعت الاطفال والله كويس إن امى عملت اوضين للاطفال غير اوضه النوم كأن قلبها كان حاسس

رد جاسر 

ديه  مدبرة كل حاجه عشان كل واحد ينام في اوضة المهم انا هنام هنا على الأريكة وانتم ناموا جنب وليد تصبحوا على خير 

عقاب الحب 

#صفاء حسنى 

الصفحه روايات الكاتبة صفصف

وفعلا النور انطفي وكل واحد فيهم خلد للنوم 

وبعد ساعات من النوم الصبح طلع وفتح عينه وليد وهو بيدور على شهد 

فين عروستى راحت فين وقام يدور علي شهد 

كان سمير فى سابع نومةمن السهر 

قام وليد من على السرير وفتح الباب وهو بينادى على شهد

عروستي شهد انتى روحتى فين 

سمع صوته جاسر وهو بيفتح الاوضة وقف وقاله :

انت بتعمل ايه يا وليد مش هينفع تفتح باب على حد وهو نايم 

اتنطط وليد :

انا عايز شهد عروستى هى فين اوعى تكون مشيتها 

اتنهد جاسر وطلب منه يهدى:

تمشي تروح فين بس متخافش المهم دلوقتي تعالى نام جانبي هنا على ما تصحى شهد 

رفض وليد وقال:

انا هنام جنب عروستى مش جانبك انت وسع 

مسك أيده جاسر جامد: 

رايح فين أهدى يا وليد وبعدين نتكلم 

سمعت شهد صوت وليد وجاسر برا قامت من جنب سعاد وقامت فتحت الباب 

جري وليد على شهد وهو زعلان :

انتى سبتينى ليه مش اتفقنا هنام في الاوضه مع بعض 

عقاب الحب 

#صفاء حسنى 

الصفحه روايات الكاتبة صفصف

منعه جاسر يقرب من شهد وكان ماسكه 

صرخ وليد :

شهد عروستى  الحقينى جاسر بيضربنى 

استغربت شهد رد فعل جاسر ومسكته جامد 

وقربت منهم وزاحت ايد جاسر عن وليد :

ابعد ايدك عنه مفهوم 

رفع صوته جاسر :

فرحانة اوى انتى وهو عايز يجري عليكى ويحضنك 

ضحكت شهد على. جاسر وفهمت أنه بيغير وحبت تغيظه :

وفيها ايه مش مراته وحقه 

شخط فيها جاسر:

قد كسر حوقك يا شيخة دلوقتي تقولى مراته عادى ولم اقولك أنا جوزك تهربي وما ترديش عليا .

مازلت شهد بتضحك وخصوصا لم وليد صرخ: 

شهد عروستى انا  مش عروسة جاسر 

وقف جاسر ضده كأنهم اطفال:

لا شهد عروسة جاسر  مش عروسة وليد 

بدأ يعيط وليد :

شهد عروستى انا انت ليه عايز تاخدها منى كل حاجه بحبها، اخدوا بابا منى ومارجعتهوش ودلوقتي عايز تاخد شهد منى، قوليلى يا شهد انتى عروسة مين وبتحبى مين 

نظر لها جاسر وانتظر ردها 

اه قولي يا شهد اشجينى يا عمري 

شعرت شهد  بحيرة وكان الاثنين فوق راس بعض ووجهة كلامها ل جاسر :

هو انت شايف نفسك بتعمل ايه متعقل يا راجل يا عاقل يا صاحب المفهومية 

ومسكت ايد وليد وقاعدته وبدات تفهمه براحة :

شوف يا وليد انا مش عروسة جاسر 

ضحك وليد وهو بيتنط وطلع لسانه ل جاسر 

شهد عروستى انا 

هزت راسها شهد ورفضت :

ومش عروستك انت كمان ،انا مجرد ممرضة الا هتقعد معاك أاكلك واهتم بيك ونروح عند  الدكتور 

زعل وليد وهو معترض :

ماما قالت انك هتكونى عروستى وانتى لبستى فستان العروسه وانا لبست هدوم العريس 

وضحت شهد 

احنا كنا بنلعب يا وليد مش بجد عشان العروسة والعريس لازم يكون بيحبوا بعض. 

قرب منها وليد وضمها بعفوية 

وانا بحبك يا شهد اكتر واحدة في الدنيا دى كلها وطلع لسانه ل جاسر ومابقتش احب جاسر 

ضحكت شهد: 

وانا كمان مش بحب جاسر وبحبك انت لكن زى اخويا فاهم يا وليد انت زى سيف بالظبط عشان الجواز حاجه تانى وقصة تانى خالص .

نظر لها جاسر بغيظ :

يعني بتحبى وليد اكتر منى ماشي يا شهد .

ولف ظهره وهو بيضحك إنها على الأقل شبهت وليد ب اخوها 

نفخت شهد وقامت :

انا هروح اصلي عشان واضح في العيلة دى مافيش راجل عاقل الله يعينى .

ضحك جاسر 

ويعينى عليكى 

عقاب الحب 

#صفاء حسنى 

الصفحه روايات الكاتبة صفصف

وفعلا شهد صلت والكل بدأ يصحى والكل نزل على الجزء الثاني من البيت بعد ما طلبت ام فتحى من الكل ان الجد محتاج الكل يتجمع على السفرة الكبيرة 

وكمان اخدت  شهد وامها وأخوها على هناك 

الكل داخل وشهد مسكت ايد وليد وجبيته معاها 

انصدمت عليا 

انتى بتعملي ايه 

ضحكت شهد 

البسي نضارة يا حماتى مدام نظرك ضعيف 

اتعصبت عليا على شهد 

انتى يا بت لمى نفسك 

جاءت الام تدخل اقعدتها شهد وكملت 

من النهاردة وليد يقعد معانا على الاكل والكل يتعامل ماعه على أنه إنسان طبيعي مفهوم 

صرخت عليا 

بصفتك ايه بتتكلمى انتى مش مراته ولا ليكى علاقة بيه 

ضحكت شهد 

لا لي علاقة غصب عن اي حد وده اتفاقي مع جدى ام موضوع قسيمة الجواز دى بليها واشربى ميتها

نفخت عليا 

تمام مدام كدة يبقي مالكيش مكان في البيت ده

صرخ الجد وقال 

شهد واهلها مش هيسيبوا البيت مفهوم وانا متفق مع شهد ان ليها كل الصلاحيات مع وليد 

وقبل ما تعترض عليا 

جيه البواب وقال 

فى واحد غريب برا والشرطة يا بيه 

تابع 

عقاب الحب 

 حسنى 

الصفحه روايات الكاتبة صفصف

  •تابع الفصل التالي "رواية عقاب الحب" اضغط على اسم الرواية