رواية عشقت مطلقه و اولادها الفصل الخامس عشر 15 - بقلم مارلي ايهاب
الحلقة الخامسة عشر من
عشقت مطلقة و اولادها
بقلم مارلي ايهاب
///////
في بيت تسنيم قالت لسلطان بحدة
افندم اية اللي جابك اهنا
سلطان بتوتر
انا خابر زين اني غلطان يا خالة بس و اني اديتك كلمة و مكنتش قدها انا اسف بس
تسنيم
اسمع بقي لما اقولك اللي فيها انت رايد تتجوز فرحة اتجوزها انا مليش صالح بالموضوع ده عندك ابوها ابقي روح اتكلم وياه
سلطان بتوتر
لو سمحتي يا خالة اسمعيني انا صدقيني مكنتش اقصد اخلف كلمتي معاكي انا بحب فرحة و رايد اتجوزها علي سنه الله ورسوله بس حصل ظروف خلتني اتاخر اني اجيب اهلي و اجي علشان خاطري يا خالة اديني فرصة
تسنيم ببرود.
دي مش بنتي علشان اديك فرصة ولا حاجه يا سلطان انا زي ما قولتلك انا مليش علاقة بموضوع جوازك هي عندك خد رايها و اعملوا اللي انتم رايدينه
ابتعدت عن الباب ثم نادت بصوت عالي وقالت
فرحة بت يا فرحة تعالي كلمي سلطان وشوفي عاوز ايه
فرحه خرجت بسرعه وقالت لسلطان
خير يا سلطان جاي في الوقت المتاخر ده ليه حصل حاجه
تسنيم سابتهم ودخلت من غير ما تتكلم ولا كلمه وسلطان قال لفرحه
هي امك مالها قلبي عليك ولا ايه بتقول لي انا ما ليش علاقه بجوازي منك وان انت لو وافقتي يبقى خلاص اتجوزك واروح لابوكي
فرحه
هي زعلانه مني بقى لها يجي اسبوعين وما بتكلمنيش وقالت لي لو عايزه اتجوزك اتجوزك بعيد عنها وان هي مجرد خالتي مش امي وما لهاش كلمه عليا
سلطان باستغراب
وهي زعلانه منك ليه وليه قالت الكلام ده ما هي اللي مربياك من صغرك
فرحه بتوتر
اصلها يعني لما رفضتك انا تعصبت جامد عليها وقلت لها ان هي ما لهاش دعوه بيا وبجوزتي وان هي مجرد خالتي مش مش امي علشان تقرر نيابات عنه ومن وقتها وهي ما بتكلمنيش وقالت لي مش هتدخل في حاجه تخصك انت واختي وكل واحده حره تعمل اللي هي رايده
سلطان
ما انت غلطانه برده يا فرحه حد يقول كده برده الست ضحت بعمرها كله علشان خاطرك انت واختك تقومي تقابلي المعروف والجميل بقله الادب وانك تعصيها
فرحه
انا ما كنتش اقصد والله العظيم يا سلطان انا بس اتعصبت لما قالت لي ان هي رافضه قرار نهائي وان انا مش من حقي اناقشها فيه وانت خابر زين انا ما اقدرش اعيش من غيرك ابدا انت حب حياتي يا سلطان
سلطان ابتسم وقال
وانت كمان يا حبيبتي ربنا عالم محبتك في قلبي قد ايه طب دلوقتي احنا هنعمل ايه انا مش فاهم هكلم خالتك ولا اكلم ابوكي
فرحه بضيق
لا انت ما لكش صالح ابدا بابويا ابعد عني ده ما هيصدق يستغل الفرصه ويستغلك وياخذ منك فلوس ولو خالتي ما وافقتش خلاص نتجوز انا وانت انا
سلطان
كيف يعني يا فرحه هنتجوز من غير ما نقول لاهلك
فرحه
انا هعمل اللي علي وهقول لهم وهو اللي مش هيوافق هم حرين انا مش هضيع عمري ولا هضيع حب عمري من ايدي علشان خاطرهم
سلطان
طب بس خش اندهلها وانا هتكلم معاها واقنعها
فرحه
طب اتفضل ادخل احنا لسه واقفين على الباب من ساعتها
ودخل سلطان وقعد اما فرحه دخلت لتسنيم وقالت لها
سلطان رايدك بره يا اما
تسنيم ببرود
انا مش هقابل حد اتفضلي بقى اخرجي بره اوضتي وسيبيني في حالي ودي اخر مره هقول لك فيها ما تنادينيش ياما دي تاني
فرحه
حرام عليك يا خالتي كل ده علشان كلمتين قلتهم في وقت غضب خلاص انا قلت ايه يعني لده كله
تسنيم بعصبيه
اسمعي بقى اما اقول لك يا بت انا ما بحبش اعيد كلامي كتير انا قلت لك جوازتك من سلطان انا مش راضيه عنها رايده تتجوزيني روحي اتجوزي بعيد عني لكن انا اللي هتفق معاه ولا هتكلم معاه في حاجه وده اخر كلام عندي ومش ده الموضوع ده يتفتح معايا تاني اتفضلي بقى همليني في حالي واطلعي بره
فرحه خرجت وهي متعصبه وقالت لسلطان اللي تسنيم قالته
سلطان
والعمل دلوقتي يبقى ما قداميش غير ابوكي
فرحه بضيق
لا ابوي لا انا هدخل اغير هدومي واجيب بطاقتي ونروح نكتب الكتاب عند اي ماذون وانت تشوف وكيل ليا ونتجوز وما لناش دعوه بحد
سلطان بصدمه
انت اتجننتي ولا ايه يا فرحه رايده تتجوزي من ورا اهلك
فرحه
انا قلت الاهلي ومعرفاه هم اللي رافضين يبقى خلاص انا شايفه ان دي عيشتي وانا حره فيها وما حدش ليه عندي حاجه الا بقى لو انت رافض ومش رايد تتجوز
سلطان
هو انا يعني لو مش رايد اتجوزك ايه اللي هيجيبني هنا يا فرحه
فرحه
خلاص اسمع كلامي وما لكش صالح بحد خلينا نتجوز ونبقى لبعض بقى بدل ما ابوك يرجع من السفر ويقول لك على جوازه ثانيه ولا يقول لك رجع مراتك
سلطان فضل ساكت شويه وبعدين قال
خلاص روحي جهزي نفسك
كانت في الوقت ده نورا مش موجوده في البيت دخلت فرح لبست هدومها بسرعه وخرجت مع سلطان من غير ما تقول لتسنيم
وسلطان كلم واحد من الغفر الكبار وقال له
هدي لك عنوان يا عم صالح تيجي لي عليه ضروري وتجيب معاك بطاقتك واثنين معاك من الغفر
صالح بتوتر
في حاجه يا باشا ولا ايه
سلطان
لما تيجي هتعرف يلا ما تتاخرش ربع ساعه وتبقى قدامي سلام
وقفل مع صالح وراحوا على الماذون وفضلوا قاعدين في العربيه مستنيين صالح والشهود وبعد شويه وصلوا وصالح قال بتوتر لسلطان
هو في حاجه ولا ايه يا باشا طمني
سلطان ابتسم
ما فيش حاجه انت يا عم صالح رايدك تبقى وكيل العروسه لان انا جاي هنا عشان اكتب كتابي والاثنين الورق هيبقوا الشهود
صالح بتوتر
وجناب العمده ما يعرفش حاجه
سلطان بحده
ما يخصكش يا عم صالح يلا خلينا ندخل بقى وخلصونا
صالح
اللي تشوفه يا بيه
دخلوا عند الماذون والماذون سالهم بعض الاسئله وبعدين بدا يكتب الكتاب كان وكيل العروسه صالح وبعد شويه تم كتب الكتاب
سلطان طلع فلوس واداها لصالح والشهود وقال لهم
متشكر يا رجاله يلا روحوا انتم على السرايا وانا جاي وراكم وما تقولوش لامي حاجه انا لما اروح هعرفها
صالح
زي ما تحب يا باشا يلا يا رجاله
_
وصالح والرجاله مشيوا اما سلطان قال لفرحه
الف مبروك يا حبيبتي فرحتي مش سيعاني النهارده
فرحه
ولا انا يا حبيبي كنت مستنيه اليوم ده بفارغ الصبر هو انا هاجي معاك على السرايا مش كده
سلطان
رايده تيجي معايا تعالي بس يعني خلينا نقول لاهلك اننا اتجوزنا وتجيبي هدومك وبعدين نروح على السرايا اجي بكره اخدك
فرحه بفرح
خلاص زي ما انت رايت انا ما عنديش مشكله
_
سلطان
خلاص خليني اروحك دلوقتي وتعرفي اهلك ان انا اتجوزت وبكره هعدي عليك واخدك على السرايا
فرحه بفرح
ماشي وانا موافقه على كل حاجه
سلطان
تمام يلا بينا
واخدها سلطان على البيت ودخلت بفرح ولايه اختها رجعت من بره
نورا باستغراب
ايه الفرح ده كله ست فرحه حصل حاجه ولا ايه وبعدين انت كنت فين في الوقت ده
فرحه
ما انت كنت بره كان حد كلمك وبعدين باركي لي
نورا باستغراب
ابارك لك على ايه مش فاهمه
فرحه بفرح
انا اتجوزت سلطان
نورا وقفت بصدمه وقالت لها بعصبيه
كيف تتجوزيني من غير ما تعرفينا انت ما لكيش اهل ولا ايه
فرحه ببرود
خالتك عارفه ان انا هتجوزه
نورا
خالتي استحاله توافق انك تتجوزي بالطريقه دي
فرحه
معاكي حق لان انا ما قلتش لحد سلطان جه لغايه البيت عشان يتكلم معاها وهي رفضت وقالت لو رايده تتجوزي اتجوزيه وانا عملت اللي انا رايده
نورا بصدمه
تقومي تروحي تتجوزيه انت خلاص عقلك مش موجود ولا ايه
فرحه وهي داخله على اوضتها
يا ريت ما توجعليش دماغي وتكسري فرحتي انا خلاص اتجوزته وما حدش هيقدر يبعدني عنه وصل تصبح على خير
قالت كلامها ودخلت اوضتها اما نورا كانت قاعده مصدومه ودخلت لتسنيم وقالت لها على اللي فرحه حكيته وتسنيم قالت بهدوء
سيبيها هي حره احنا ملناش صالح
نورا بصدمه
كيف ملناش صالح ياما دي اتجوزتوا على سنه الله ورسوله يعني بقت مرته من ورانا
تسنيم
هي هتندم ندم عمرها على اللي عملتها سيبيها احنا نصحنا مره واثنين وثلاثه ما بقاش في طاقه ننصح ثاني
نورا
بس انا خايفه عليها دي مهما كانت اختي
تسنيم
خوفك ما لوش لازمه هي خلاص اتجوزتها يعني ما تقدريش تعملي حاجه وبكره ولا بعده هتروح بيت جوزها وتعيش معاه في السرايا خليها تروح السرايا وتشوف معامله حماتها ليها هتبقى عامله كيف
نورا بقلق
ربنا يجيب العواقب سليمه يا رب
تسنيم
يا رب يا بنتي يلا روحي ارتاحي انت لسه جايه من شغلك
نورا
حاضر بعد اذنك
وخرجت نورا وراحت على اوضتها وكانت حاسه بالقلق من اللي اختها
في القاهره في القسم كان ايمن واقف متعصب وبيقول
يعني ايه متر مش عارف تطلعني امال انا هفضل محبوس هنا ولا ايه
المحامي
حضرتك دي قضيه شروع في قتل وبعدين الحكم في القضيه دي بيبقى مؤبد بس ممكن يجي لك عقاب مخفف خمس ست سنين ولا حاجه لو سيرتك كويسه وما لكش اي قواضي هنا ولا عامل مشاكل قبل كده مع حد ساعتها ممكن يتحكم لك سنتين ثلاثه
ايمن بضيق
انا مستعد ادفع الغرامه اللي هم عايزينها
المحامي
ممكن ما يطلبوش اصلا غرامه ويحبسوك على طول
انا عايزك تهدى يا استاذ ايمن وان شاء الله خير
ايمن بعصبيه
انا مش هستنى لما يتحكم عليا مؤبد وافضل طول عمري في السجن
المحامي بتوتر
في حل واحد ممكن يخرجك من هنا
ايمن بعصبيه
ايه الحل ده خلصني
المحامي
حضرتك احنا ممكن نحاول نخلي المدام تتنازل عن القضيه وساعتها انت هتخرج
ايمن بغل
هي مستحيل توافق على حاجه زي كده عايزه تكسر عيني وتذلني
المحامي
احنا ممكن نجبرها لو ما وافقتش على التنازل بالتراضي
ايمن باستغراب
هنجبرها ازاي يعني مش فاهم
المحامي بخبث
بس انا هيبقى ليا نسبه تانيه خالص غير اللي اتفقنا عليه
ايمن بعصبيه
اتكلم بقى وانا هديك اللي انت عايزه
المحامي بخبث
احنا نخطف عيل من عيالك ونساومهم بيه وساعتها هي غصب عنها هتتنازل عن القضيه دي وهتخرج انت باقل التكاليف
تفتكروا ايمن هيوافق ولا لاء
عايزة تعليقات كتير يا بنات و قولوا رايكم في البارت و متنسوش الفوت
انا بعتذر عن التاخير البارتات اللي كنت بنزلها بنتظام كانوا مكتوبين لكن الباقي مش مكتوبين علشان كدة ممكن تنزل كل يومين تلاته حلقة و عايزة اخد رايكم في حاجه اية رايكم نعمل رواية عشقت مطلقة و اولادها انيميشن علي الفيسبوك و التيك توك
هسيبلكم اللينك القناة لو حابين الاشتراك في القناة يوجد االحلقة الاولي من عشقت مطلقة في القناة
•تابع الفصل التالي "رواية عشقت مطلقه و اولادها" اضغط على اسم الرواية