رواية ثأر الحبيب الفصل الخامس عشر 15 - بقلم سما محمد

    

 رواية ثأر الحبيب الفصل الخامس عشر 15 - بقلم سما محمد 

وفي غرفه بدر و ليله وقت العصر قال بدر لليله وهو يبتسم..

بدر : ها قوليلي عجبك اكل زينه اختي ولا في حاجه معينه تحبى يطبخوها.

ليله بارتباك : لا والله وكلها جميل ده انا حتى كنت هانزلها دلوك اقول لها تسلم يدك بس انا ما جبتش لبس يعني ممكن اخد عبايه من عنديك مؤقتا يعني.

بدر ضاحكا : هههههههههههه هتلبسي من عباياتي ياليله ليه بس وبعدين مش عيب تجولي ما عندكيش لبس ده انت مرات بدر المنشاوي الدولاب اللي هناك ده مليان لبس علشانك نجي منه اللي يعجبك والبسيه بس حزاري تنزلي بشعرك انا جلتلك اهو وانا هسبجك تحت ولا تحبي اساعدك.

ليله بارتباك : لا تساعدني في ايه….. اجصد شوف انا شايفه انك الاحسن تبعتلي زينه اجولها تسلم ايديها هااااا وكمان تساعدني ولا ايه رأيك..

بدر بمكر : انا برده بجول إكده خلاص انا هانزل وابعتلك زينه حالا انا هاشوف ابوي وهاعود خلي بالك من روحك سلام.

.. خرج بدر من غرفه ليله مبتسما فكم هي جميله و بريئه لا تعرف شيء عن الانوثه ولكن جمالها يتحدث عن انوثتها وقفت ليله امام الدولاب بعد خروج بدر تنظر لهذه الملابس الحريمي كيف ترتديها النساء شعرت بالاسف لرفضها مساعدة بدر وقالت…

ليله : كان حصل ايه يعني لو سيبته يساعدني هاعمل ايه انا دلوك إكده يبجى اول كلام بيني وبينك اخته اسالها عن حاجات وكده دي ورطة ايه دي…

.. قطع حديث ليله مع نفسها طرقات فوق باب الغرفه وكانت زينه فدخلت باتجاه ليله ضاحكه تقول..

زينه : صباحيه مباركه ياعروسة اخوي ايه القمر ده بسم الله ما شاء الله.

ليله : ربنا يخليكى ده من ذوقك انت اللي عينيك حلوه يا زينه.

زينه : بس انت ليه لابسه جلابيه بدر مش جادره تبعدي عنه إياك.

ليله بتوتر : ما هو انا عايزاكى علشان إكده يا زينه اولا تسلم يدك الوكل كان كيف الشهد واكلك مليح صح…

زينه : . تسلم يا غاليه طب ده اولا وثانيا ايه بجى جولي قلقتيني..

ليله : بصراحه يا زينه انا امي ماتت يوم ولدتى وابوى كان راجل شديد وما ليش اخوات بنات فانا يعني ما اعرفش كيف البنت بتلبس وتتزين لجوزها وكيف تتكلم معه وتتعامل معاه والحاجات دي انا اصلي ما حدش وعانى للحاجات دي فقولت اسالك.

زينه : يا حبيبتي معلش انا عارفه ان العيشه من غير ام ما تسرش بس الموضوع مش محتاج كسوف انا هعلمك كل حاجه وعرفك ايه يتلبس وامتى يتلبس وكيف تتمكيجي وحديدك مع بدر يبجى كيف وكمان هاعرفك شويه حاجات بدر بيحبها وانت تنفذيها بالحرف بس انتى فكى إكده واضحكى معاه ماشي.

ليله : وانا هاعمل كل حاجه هتجولي عليها بالحرف بس بسرعه قبل ما بدر يرجع و يقفشني.

…. جلست زينه تتحدث مع ليله فتره طويله تحدثها عن بدر وما يحب وما لايحب وتسرد عليها بعض النصائح الخاصه باللبس والميك اب وكيف يجب ان تتحدث ثم تركتها بعد التوصيات بما يجب فعله وارتدائه الان فجلست ليله فوق الفراش ممسكه بقميص ابيض شفاف بعض الشيء يصل الي تحت الركبه مفتوح الصدر ذو حمالات رفيعه فقالت ..

ليله : يامري على الواجعه المجاندله انا هلبس البتاع ده جدام بدر ده انا كده هيبتي هتتبعتر يووووه بقى يا ليله هيبة ايه بس بدر قال انا بنت … بنت وبس بلا هيبة بلا هباب انا هاجوم البس واعمل كيف ما جالتلي زينه بالتمام لازم احاول ابجى ست بجد علشان بدر عشان عيونه ما تشوفش حد تاني غيري زي ما زينه جالت انا مش عارفه مالي و باعمل كده ليه دي حاجه غريبه اول مره احس بيها..

.. قامت ليله ترتدي ذلك القميص وتزينت بقليل من المكياج مع ترك شعرها الليلى يسبح فوق ظهرها العاري بحريه ووقفت امام المراه لترى المظهر الاخير فذهلت من شكلها الانثوي فنظرت لنفسها وهي تحملق في المراه بدهشه..قائله…

ليله : معجوله😳 دي انا دي .. ابو الليل للدرجه دي انا كنت دفنه روحى.. ربنا يسامحك يا ابا شكل امور الحريم لايجه عليكى يا ليله..هههههه.

…. بعدما انتهى بدر من حديثه مع والده صعد الى غرفته في المساء فطرق الباب اولا فسمع صوت انثويا مناديا..ليله : ادخل يا بدر.. فدخل بدر الغرفه مغلقا الباب خلفه يستدير فيجد امامه ليله بهذا المظهر الغير متوقع مما اربك كل حواسه وجعله يندهش وقلبه يخفق بشده قائلا..

بدر : ليله …. معجوله انتى ليله كأني باحلم ولا دخلت مطرح غلط..

ليله محاوله الدلال : لا لا يا بدر جصدي يا حبيبي ده مطرحك وانا مرتك ليله.

بدر : لا لا لا لا بالراحه عليا إكده ….واحده واحده حبيبي ومراتك في نفس الجمله وليله كمان لا افهم بقى ايه اللي جرالك…

ليله بتقطع : هيكون… جرالي ايه بس…. يا حبيبي قرب جاري… يا بدر عايزه اتونس بيك..

.. تقدم بدر من ليله وهو يتفحصها بعينيه بذهول فجالس جوارها قائلا..

بدر : ليله انتى تعبانه ولا حاجه.. وريني إكده لا تكوني سخنه وعليكى حراره..

ليله بعنف سرعان ما دارته: بتجول ايه انت ما انا جدامك مليحه و زي الفل اهو هتمرضنى بالجوه..

بدر : لا بعيد الشر عن جلبك وبعدين انتى مش فل و بس ده انت فل وورد وياسمين بسم الله ما شاء الله كيف البدر في سماه انا بس مستغرب من جلم ليلة امبارح للتغيير ده كله..

ليله بدموع محبوسه: انا اسفه يا بدر على ضربى ليك ليله امبارح ما كنتش اجصد يا……. حبيبي انا بس ارتبكت وما عرفتش كيف اتصرف سامحني يا بدر انا عمري ما سمعت كلام كيف اللي جولته وايدي فلتت غصبا عني انا اسفه..

… قالت ليله تلك الكلمات و انفجرت في البكاء تشهق بحزن شديد شعر بدر بغصة في قلبه لكونه قد ضغط عليها لتصل لتلك الحاله فما كان منه الا إنه ضمها الى صدره محتضنا اياها بقوه قائلا..

بدر : لا لا يا ليله بكفاياكى يا جلب بدر مش عايز اشوفك حزينه إكده واصل يا ابوووووووى يا ليله انا ما كنتش اعرف انك رجيجه جوي إكده..

ليله بألم : وانا ما كنتش اعرف ليله يا بدر انا ما عرفتش غير ابو الليل الاسى الشراني ايلى السلاح جزء من يده وجلبه ما يعرفش رحمه انا بعد ما لبست إكده وجفت جصاد المرايه ما عرفتنيش يا بدر تخيل عمري ما عرفت انى حلوه ولا كنت كيف باجى البنات…

بدر بحب : انتى مش كيف باجي البنات انتى ست البنات يا ليله وبعدين ابو الليل ايه بجى بعد الحلاوه دي ده كأنى وجعت وما حدش سمى عليا..

ليله : اسم الله عليك يا بدر عمرك ما توجع وانا جارك ابدا..

بدر بضحك : ههههههههههه يا ستي كفاياكي جطع ارزاق انا عايز اقع بس اقع في حبك ليله..

ليله باستفهام : حب يعني ايه حب يا بدر وكلامك اللي بتجوله ده كانه حاجه حلوه بس انا مش فاهماه فهمني يا بدر كل حاجه عايزه احس كيف ما بتحس.

بدر : هفهمك يا جلب بدر كل حاجه ما هو ما ينفعش تبقى إكده وما فهمكيش ده انا هافهمك وبالتفاصيل كمان بس حسي بنارى يا ليله..

… اقترب غادر من الليله مقبلا اياها قبله رقيقه فوق شفتيها ثم ابتعد لينظر لها و فجاااااااااه..

.. نظر بدر لوجه ليله بعد تلك القبله فوجدها مفتحه العينين عن اخرها بذهول وجهها احمر للغايه تفتح فمها بصدمه فقال لها بخوف…

بدر : ليله ….مالك يا بت ردى عليا وشك احمر إكده ليه وبتبحلقى فيا إكده ليه..

…. وقفت ليله تقفز كالاطفال بهستيريا تقول بخوف وهي تنهج…

ليله : انت عملت ايه يا بدر في حاجه مش مظبوطه بتحصلي انت حطيت ايه فى بؤى كانى هولع و حاسه بحاجه غريبه عملت فيا ايه..

بدر بقلق : اهدى بس اهدى جوليلي حاسه بايه خوفتيني جوليلي..

ليله : حاسه بجلبي هيفط من صدري وجسمي كله مولع وبؤي ووشي كنهم سخنين و حاسه بحاجه حلوه بس عفشه بس هي حلوه انا هاموت يا بدر ولا ايه انت عملت فيا ايه عاد…يا ابووووووى ..

انفجر بدر ضاحكا يقول : هههههههههههه يخرب بيت عجلك ده انا جولت البوسه مسممه تعالي في حضني بس وانا هاجولك دي حوسه سودا والله يا ليله اللي انتى حاسه بيه ده اسمها مشاعر وده بسبب إنك ما اتعملتيش مع راجل جبل إكده كانك ست يعني والمشاعر دي حاجه حلوه قوي بتبتدى مع احساس صغير بالاهتمام وبعد كده بتقلب حب..

ليله بتوتر : يعني دي حاجه طبيعيه ومش هاموت اووووووف يا ابوووووي طب قلي بقى يعني ايه حب يا بدر..

بدر : هاجولك يا جلب وعمر بدر بس بعدين تعالى بس اما اشوف بقك اللي ولع ده..

… اخذ بدر ليله بين احضانه وظل يقبلها بحنان وهي تتجاوب بدون اراده حتى غرقوا معا في بحر من العشق ولكن بحذر شديد من بدر لتصبح زوجته قولا وفعلا……..

 

• يتبع الفصل التالي اضغط على (رواية ثأر الحبيب) اسم الرواية