رواية سلسبيل قلبي الفصل السابع عشر 17 - بقلم نورا

   

رواية سلسبيل قلبي الفصل السابع عشر 17 - بقلم نورا

اين انتي معشوقتي 💔✨

غاب عني وأحسست بشعور غير شعور البشر غاب عني والدنيا كلها تنادي أغلى البشر أسال عنك أينما ذهبت لكن لا يوجد خبر شغلت قلبي وعقلي وصار بهما شيء من الكدر قلبي تعلّق بك، أين أنت، هل من خبر؟ هل أنت تسمعني أم قلبك من حجر؟ هل غيابك عني فيه فكرة وبعده الخبر؟ أكتب اليك حبّي وأملي أنتِ أعدتِ لي الحياة فلا تأخذي مني الأمل صرت مثل الأرض العطشى تنتظر المطر>>>>>>

꧁꧁꧁꧁꧁꧂꧂꧂꧂꧂

بعد مرور اسبوعين

كانت عائشه واحمد واقفين قدام جناح سفيان ينظرون له بحزن كبير

عائشة بدموع ـ ليه بيحصل معاهم كده ملحقتش افرح برجوع ابني ليا بنتي راحت وياعالم عايشه ولا لا سفيان بقالة اسبوعين لا بيتكلم مع حد ولا بيقعد مع حد قاعد في جناحهم وماسك صورها بس…. يتري انتي فين يبنتي

نظر لها بحزن وحضنها وقال ــــ اجمدي ي عائشة ان شاء الله سلسبيل هترجعلنا وكل حاجه هتبقي تمام ونظر إلي ابنه النائم علي السرير وينظر إلي صورتها وقال سفيان دلوقتي في نفس مرحله سلسبيل .. سلسبيل مستسلمتش وكانت متأكده انو سفيان هيرجع واحنا كنا بنقول لا .. دلوقتي سفيان بيقول انو حاسس انو عايشة وانا واثق انو سلسبيل عايشة وهترجع تاني

عائشة بدموع ــ بجد يا احمد سلسبيل هترجع

اومأ لها بتنهيده وقال ـــ مفيش قدامنا دلوقتي غير الدعاء

عائشة ــــ يارب

꧁꧁꧁꧁꧁꧂꧂꧂꧂꧂

ندي بحنان ــ حبيبي قوم يلا انت اتأخرت علي الشغل

قام زين من سكات ونظر إلي صوره سلسبيل بحزن

ندي بحزن ـــــ لحد امتا هتفضل محمل نفسك الذنب

زين بغضب من نفسه ـــ عشان انا السبب ياريت مكنت خدتها معايا ونظر لها بدموع وقال انا خسرت اختي بسببي انا اللي محمتهاش انا مكنتش قد المسؤليه حاله سفيان دلوقتي بسببي

ضمته ندي لحضنها بدموع وقالت ـ انت عملت اللي عليك ي حبيبي وانا متاكده انك لو كنت موجود ساعتها كنت هتحميها بحياتك

زين بضعف ـ اختي فين ي ندي سفيان مدمر حرفيا و

سكت بصدمه لما سمع صوت صراخ والدته

عائشة بصراخ ـــــ زييييييين إلحق اخوك ي زين

قام بسرعه من مكانه بخوف وطلع جري علي جناح اخوه ووراه ندي

وصل ووراه الكل

زين بخوف ـ في اي يا ماما ماله سفيان

عائشة ببكاء ــــ اخوك تعبان اوي يا زين

سفيان بهمس وهو غير واعي ــــ سلسبيل

نظر زين إلي اخوه بدموع علي حالته كانت لحيته طويله وعيونه حمراء جدا ووجه يظهر عليه التعب الشديد ويهمس ب اسم سلسبيل فقط

قرب منه وحط ايده علي وشه

زين بفزع ــــ ده سخن جدا نظر آلي معتصم اللي كان بيبص علي سفيان بصدمه

زين بصراخ ــــ معتصم اتصل علي الدكتور بسرعه

فاق معتصم علي صراخه وراح يتصل علي الدكتور بسرعه

كان الكل متجمع حوالين سفيان اللي وبيسألوه ايه اللي واجعك وهو بيهمس ب اسم سلسبيل بس وفجأه سكت الهمس وحركه شفايفه واستسلم إلي التعب

جه الدكتور

الدكتور بعمليه ـ لو سمحتو اطلعو بره ع

سكت لما زين مسكه من تلابيبه بغضب وقال ـــ انت جاي ترغي لسا اخلص شوفه ماله

الدكتور بخوف ـ حاضر بس لازم تطلعو بره عشان اعرف اكشف عليه

زين بغضب اكتر ـ انت مش

ندي ب مقاطعه ــــ زيين يلا تعالي معايا

نظر لها بغضب ـ اجي معاكي فين انا مش هسيب اخويا ونظر إلي الدكتور وقال شوف شغلك وإلا مش هيعجبك اللي هعمله

اومأ الدكتور بخوف وذهب ب اتجاه سفيان وبدا يكشف عليه والكل مستني يخلص كشف

بعد مده انتهي الدكتور من فحص سفيان

احمد بقلق ـ ماله سفيان يا دكتور

الدكتور _اللي استاذ سفيان فيه ده بسبب الحزن ونفسيه مش تمام خالص وعلي حسب علمي هو كان في غيبوبة الفتره اللي فاتت دي وشكله مش بياخد الدوا

عائشة بصدمه ـ ازاي ده انا كل يوم بديله الدوا ب ايدي

الدكتور مطت شفايفه لقدام وقال بس اللي قدامي ده شخص مش بياخد حبايه بنادول حتي ياريت تخليه ياخد الدوا ب انتظام عشان صحته بالشكل ده هتتدهور اكتر وحاولو تطلعوه من حاله الحزن دي عشان ممكن يصاب بزبحه قلبيه لقدر الله وساعتها محدش عارف هيحصل اي

شهقت عائشة بخوف ونظرت إلي سفيان النائم علي السريرلا حول له ولا قوه بدموع وقالت وبعدين يا دكتور

الدكتور ـ حاولو تطلعوه من حاله الحزن دي يا تودوه عند طبيب نفسي انا شغلتي لحد هنا خلصت عن اذنكم

اوما احمد وقال ـ معتصم وصل الدكتور

اوما معتصم وراح مع الدكتور كل ده وزين قاعد جنب سفيان وماسك ايده وينظر له بحزن حس بحد بيحط ايده علي كتفه نظر لها بدموع وقال ـ اخويا بيروح مني يا ندي

ندي بدموع ــ لا متقولش كده ان شاء الله كل حاجه هترجع زي الاول بس ده اختبار من ربنا عشان يشوف احنا هنستحمل ونصبر ولا لا نظر لها بدموع وقام فتح دولاب هدوم سفيان وبدا يفتش فيه وبدا يدور في الاوضه كلها والكل بيبص ليه ب استغراب رفع زين المخده اللي سفيان نايم عليها لقي الدوا اللي عائشة بتدهوله من اسبوعين نظر لها بدموع وقعد علي الارض جرت عليه ندي

زين بغضب كبير ودموع ــ حتي دي انا فشلت فيها مهتمتش بصحه اخويا

قربت منه عائشة وقالت ــ لا يبني انا السبب انا اللي كان لازم اقف واتأكد انو اخد الدوا

غمض زين عينه بألم وقام وطلع من الجناح متجاهل نداء ندي عليه

احمد بحزن لندي ـ روحي ورا جوزك يبنتي اكيد هو محتاجلك دلوقتي

اومات ندي بدموع وراحت لزين

احمد بقوه مزيفه ـ معتصم روح انت علي الشركه انهارده وزين شويه وهيلحقك وندي انتي امتحاناتك كمان اسبوع مش كده روحي يلا زاكري ولينا انتي كمان امتحاناتك قربت كل واحد يشوف وراه اي البيت مش هيقف ومتقلقوش وبص علي سفيان وقال ـ سفيان هيبقا كويس يلا

مشي الكل مفضلش غير خالد وسهير واحمد سهير راحت وخدت عائشه عشان توصلها اوضتها ترتاح شويه وخالد رتب علي كتف احمد وراح مع ابنه الشركه واحمد طلع هو كمان عشان يشوف عائشة

دخلت ماري غرفه سفيان بعد ما الكل طلع وراحت قعدت جنبه وبصت ليه بدموع

ماري بدموع ــــ معقول بتحبها اوي لدرجه انك تتعب عشانها ومبقتش قادر تقوم من علي السرير هو في حب كده وافتكرت اللي سلسبيل كانت بتعمله فيها وبكت بحرقه كبيره وقالت ـ انا اسفه انا اسفه عشان كنت بكلمها وحش وكنت عايزاها تموت بس انا والله معملتش حاجه حتي مكنتش اعرف انو ماما هتعمل كده وحشتك صح وهيا كمان وحشتني اوي وبتمني بجد ترجعلك تاني وترجع للبيت كله بس انت فكرك يعني لو رجعت ولقتك في الحاله دي هتبقي مبسوطه علي فكره ممكن تزعل منك وهتخاصمك لازم تجمد عشان لما ترجع تلاقيك كويس وتعوضو الايام اللي راحت منكم نظرت له ملقتش اي استجابه منه نظرت له بدموع وطلعت

꧁꧁꧁꧁꧂꧂꧂꧂

بعد يومين سفيان صحته اتحسنت نوعا ما بسبب اهتمام اخية وعائلته به

كان الكل قاعد متجمع ما عادا سفيان كالعاده

ماري بتوتر ــــ ممكن اقول حاجه

احمد بحب وحنان ــ قولي يحبيبتي عايزه تقولي اي وبعدين مالك متوتره كده انتي من العيله واللي عايزه تقوليه قوليه

نظرت له بدموع وجرت حضنته بقوه

خالد قام وراح مسح علي شعرها وقال ـــــ اوعي تفكري نفسك غريبة انتي بنتنا من لحمنا ودمنا فاهمه اومأت ماري بدموع

زين بحنان اخوي ـــ قولي كنتي عايزه تقولي اي

ماري بإبتسامة ـ كنت بقول اي رأيكم تودو سفيان يزور بيت النبي ويدعي يمكن يرتاح ويطلع اللي في قلبه وربنا يستجيب لدعائه

عائشة بلهفه ـ والله فكره حلوه

احمد بتنهيده ــــ ماشي انا هجهز اوراق السفر وان شاء الله خير

꧁꧁꧁꧁꧂꧂꧂꧂꧂

بعد اسبوع احمد جهز اوراق السفر وسفيان سافر ومعاه زين وندي ومعتصم ولينا

سفيان واقف قدام الكعبه ورافع ايده لفوق

سفيان بدموع ـــ : يا حي يا قيوم برحمتك أستغيث، يا ودود يا ودود يا ودود يا ذا العرش المجيد، يا فعال لما يريد، اللهم إني أسألك بعزك الذي لا يرام، وملكك الذي لا يضام، ونورك الذي ملأ أرجاء عرشك أن تقضي حاجتي اللهم أنت ثقتي في كل كربة، وأنت رجائي في كل شدة، وأنت لي في كل أمر نزل بي ثقة وعدة، كم كرب يضعف عنه الفؤاد وتقل فيه الحيلة ويخذل عنه القريب والبعيد، ويشمت به العدو، وتعييني فيه الامور أنزلته بك وشكوته إليك راغبا فيه عمن سواك، ففرجته وكشفته وكفيته، فأنت ولي كل نعمة وصاحب كل حاجة ومنتهى كل رغبة فلك الحمد كثيرا، ولك المن فاضلا وبعدين تابع ببكاء انا مش قادر اعيش من غيرها يارب حاسس اني جسم من غير روح رجعهالي يارب رجعالي اللهم وان استحالت فبأمرك تكون انك انت الله الاحد الصمد الذي لم يلد ولم يولد يارب انا ضعيف من غيرها حياتي من غيرها واقفه ونزل بركبته علي الارض بضعف وقال بضعف شديد ـــــ يارب انا متاكد انها عايشة بس هيا فين مش عارف لا إله إلا انت سبحانك إني كنت من الظالمين

كان زين ومعتصم وندي ولينا جنبه مدمعين وهما بيدعو ربنا يرجع سلسبيل ليهم بالسلامه

زين غمض عينه بألم في نفسه ـ يارب استجيب ليه انت رب المستحيل رجع ليه حبيبته ومراته

ندي بدموع ــــــ يارب رجعها لينا رجع ليا اختي وصحبتي

معتصم ــ يارب رجعهم لبعض يارب انا مش قادر اشوف اخويا بالضعف ده ياريت لو اقدر اعمل حاجه ليه

لينا ـ يارب انت شايف سفيان حالته عامله ازاي ريح قلبه ورجع ليه حبيبته يارب

عند ماري كانت بتصلي بخشوع وبتعيط خلصت صلاه ورفعت ايديها وقالت ببكاء يارب انا عارفه اني غلطت يامه بس متعاقبنيش بالطريقة دي يارب رجع سلسبيل ل سفيان هو بيتعذب اوي من غيرها كل يوم تعبه بيذيد وهيا مش موجوده جنبه وانت وحدك اعلم هيا فين وحالتها ازاي دلوقتي رجعها عشان اعتذر ليها علي اللي عملته في حقها يارب رجعها ل حبيبها اللي بيتعذب الف مره في اليوم من غيرها وانت وحدك عالم بحاله

كان الكل بيصلي وبيدعي ل سفيان وسلسبيل من قلبهم

رجع الشباب من السفر كان سفيان هيطلع علي جناحه علطول بس وقف لما سمع صوت امه

عائشة بدموع ــــ اقعد معانا يبني

سفيان بتعب ـــ معلش يا امي انا هطلع اوضتي ارتاح فيها شويه

عائشه بدموع ــــ عشان خاطري اقعد معانا شويه بس وبعدين اطلع

خالد ـ ايوه يبني اقعد معانا متحبسش نفسك

ندي الصغيره ــ اقعد معانا يا ابيه

سفيان ـــ معلش ي جماعه انا تعبان شويه هطلع انام وسابهم وطلع

دخل اوضته وبص فيها بدموع كانت صورها متعلقه في كل مكان قعد علي الارض وسند علي الباب وهو بيبص علي صورها بدموع كبيره وألم كبير في قلبه وجع غيابها مأثر عليه جامد اااه من وجع غيابك ( بجد يا جماعة لما حد انت بتحبه يغيب عنك بتتألم بجد احساس انك عاوز تحضنه وتتكلم معاه وتتخانق معاه تحس انو كل حاجه وحشاك حتي خناقتكم )

قام وراح فتح دولابها وطلع فستان ليها وخد صورتها ورا قعد علي الارض وهو ساند بضهره علي السرير

سفيان بألم ودموع وهو بيكلم صورتها ـ طب وبعدين هترجعي ليا امتا يعني عاجبك اللي انا فيه ده كنتي بتقولي علطول اللي بيحب حد مش بيبعد عنه انتي بتعاقبيني عشان غبت عنك فقررتي انتي كمان تبعدي عني عاوزه تخليني احس ب اللي انتي كنتي بتحسيه صح طب طب خلاص ارجعي ليا وانا والله مش هعملك حاجه تزعلك تاني بس كفايه ونبي ارجعيلي بقا انا تعبان من غيرك والله والله انا تعبان ارجعيلي انا ضعيف من غيرك يا سلسبيل كفايه ونبي وبعدين قال بصوت عالي ياااارب كفاايه بقا يااااااارب ااااااه كان زين بيبص عليه من الشباك ولما بدا يصرخ ب انهيار راح ليه بسرعه وحضنه جامد وبكي علي بكاء وضعف اخيه بين يديه

سفيان ببكاء ـــــ زين انا مش قادر عايزها عايزها هموت من غيرها يازين ليه العقاب القاسي ده انا حاسس اني هموت من غيرها اااه يا وجع قلبي

كان الكل واقف علي الباب ينظرو إليه بدموع متحجره في عينهم

مسح زين دموعه بسرعه وسند سفيان ومعتصم دخل وسنده معاه ونيموه علي السرير وقعدو جنبه لحد منام وهو حاضن صورتها وبيهمس ب اسمها

تاني يوم صحي علي حد بيمسح علي شعره بحنان

سفيان بهمس ـــــ سلسبيل

سلسبيل بدموع ــــ قلب وروح وحيات سلسبيل من جوه

• يتبع الفصل التالي اضغط على (رواية سلسبيل قلبي) اسم الرواية