رواية ثأر الحبيب الفصل الثامن عشر 18 - بقلم سما محمد
((جلس بدر وزينه بجانب ليله بعد ما القى الطبيب الكشف عليها وطمئنهم انها مجرد اغمائها نتيجه صدمه عصبيه فقال بدر…..
بدر : فوجي بجى يا ليله وطمني جلبي رقدتك دي وجعاني ياضى عيني.
زينه : يا بوووووي يا بدر للدرجه دي جلجان عليها للدرجه دي بتحبها انا عمري ما شفتك خايف على حد إكده جلبك دق يا اخوي…
بدر : قلبي ما دقش لغيرها يا زينه لو صبها حاجه هاموت جبلها..
زينه : ما تخافش يا بدر ليله هتبجى مليحه طمن جلبك انت بس احسن يجرالك حاجه…
(( أثناء حديثهم كانت ليله بدات تفوق فنظرت حولها بتعب تقول….))
ليله : انا فين ….انا جيت هنا ميتى ابوي مات يا بدر جلبي واجعني عليه جوي…
بدر : خليكى مطرحك… سلامه جلبك يا ليله ما تعمليش في نفسك إكده يا ست البنات…
زينه : طيب حمد الله على سلامتك يا ليله…. انا هاروح يا بدر الحق الناس جبل ما ينصبوا صوان الفرح هاجولهم ان اتاجل عيب نعملوا فرح وعندينا ميت…..
ليله : استني يا زينه… ما فيش فرح اتاجل فرحك بكره في ميعاده الحى ابجى من الميت دي وصية ابوي و وصية الميت واجبه….
زينه : بس يا ليله ما يصحش ولو عليا انا مش زعلانه والله ده واجب..
ليله : اعملي كيف ما جولتلك يا زينه ريحيني انا إكده هابجى مبسوطه..
((انصرفت زينه لتنفذ طلبات ليله وتستمر في تحضيرات الزفاف بينما ارتمت ليله في حضن بدر تبكي بشده تغرق قميصه بدموعها الحزينه…..هدئها بدر محتضنا اياها يضمها بقوه يقبل اعلى راسها بحنان شديد ويمرر يده بين خصلات شعرها برقه ثم قال لها بحنان…))
بدر : وغلاوه النبي في جلبك يا ليله ما تزعلي روحك إكده ما تحرجيش جلبي عليكى دموعك دي بتجطعني من جوه وبتوجعني قوي…
ليله : خلاص يا بدر بجيت وحدي في الدنيا مجطوعه لا أم ولا اب ولا عيله ولا حتى اخ ما بقاش ليا حد…..
بدر : اخص عليكى يا ليله وانا رحت فين امال ….مش انا جوزك ولا ايه ومش جوزك بس لا جوزك وحبيبك واخوك وكل حاجه و اهلي هما اهلك اوعاكى تجولي مجطوعه دي تاني طول ما انا جارك…. انا بحبك يا ليله..
ليله : ربنا يخليك يا بدر بس لساك عمال تجول بحبك ومش عايز تجولى ايه هو الحب ده ولا شرحتلي كيف يتحس.. مش هتزهق من الحب ده…
بدر : عمري ما ازهق ابدا من حبك يا ليله و هيجي اليوم اللي هتعرفي فيه معنى الحب من غير شرح ولا حاجه افتحي جلبك وسيبي روحك وهو هيدج باب جلبك طوالي وانا هاعيش على امل يجي اليوم اللي اسمعك بتجوليلى بحبك يا بدر وده هيبجى اسعد يوم في حياتي يا اجمل ليله في عمري…..
ليله : مش عارفه اجولك ايه بس يا رب لحد ما يجي اليوم ده ما تكونش انت بطلت تحبني اومليت من الانتظار…..
بدر : ما تجلجيش خدي وقتك و انا جارك العمر كله لحد ما اموت….
((وهناك في مخزن مهجور كان يجلس مع احدهم يتحدث بغضب واضح من نبرة صوته المخيفه لا يقوي على الاحتمال اكثر من ذلك يريد ذلك الشيئ و سيحصل عليه مهما كلفه الثمن ليقول. ))
رعد : اه تمام ….يعني بكره فرح اخته دي هتبجى انسب فرصه علشان انفذ… ورحمه ابووي لا احرق جلبوا عليها بجى ترفضنى انى وتروح تتجوز ولد المنشاوي وابوها يموت وليها نفس تفرح كمان….
مجهول: لا ومش إكده وبس انا اتجصت وعرفت ان عمك كتب باسمها كل حاجه جبل ما يموت بيوت واراضي ومزارع وكل حاجه بجت باسمها بيع وشرا..
رعد : انت بتخرف بتجول ايه كتبلها كل حاجه… بعد كل السنين دي مستحمل جرفه يسيب لها كل حاجه افضل كل العمر ده متحملوا ومتحمل رزالته عشان بحبها وهي تروح تورث كل حاجه منه وتتجوز بدر هي إكده كملت… مفيش غير الدم هيطفي نار جلبي دمها هي وبعدها هو لو اتجرأ عليا بس لازم احرق جلبه عليها الاول.
مجهول : مش محتاج رجاله معاك فى الحكايه دي الجصه واعره جوي مش سهله……
رعد : واعره عليك مش عليا انا ما فيش حاجه تجف جدامي انا اللي هاخلص عليها بيدي حق ما عاشت كل السنين دي تدوس عليا وهي عايشه زي الراجل و لما فكرت تعيش حرمه رفضتني وبدت عليا بدر انا اللي الحريم بترمى روحها عليا وانا بجول لا انا لليله وبس لكن خلاص دوس بدوس ومش هابص تحت رجلي هجتلها واخد عازاها جوه جلبي بس ما تعيش مع بدر وبكره تشوف.
- يتبع الفصل التالي اضغط على (رواية ثأر الحبيب) اسم الرواية