رواية قيود الماضي الفصل الاول 1 - بقلم سوليية نصار

 رواية قيود الماضي (كاملة جميع الفصول) حصريا عبر دليل الروايات بقلم سولييه نصار

رواية قيود الماضي الفصل الاول 1 - بقلم سوليية نصار

انت اتجنـ نت رانيا مين اللي عايز تتجوزها دي ؟!انت اتهبـ لت ولا ايه يا مراد ..عايز تتجوز رانيا بنت انتصار...

زعق الحاج رمضان في ابنه مراد وهو حاسس انه هيتجـ نن . مش مصدق ان ابنه اختار البت دي بالذات  عشان يرتبط بيها هو صحيح بيعز رانيا بس مش لدرجة انه يجوزها لابنه ...ميقدرش يعمل كده ...

-بحبها يا بابا !!

قالها مراد بحر قة فرد ابوه وقال:

-حبك برص ...انت عبيط يا واد ...عبيط ..ازاي تأمن ان دي تبقى ام عيالك ...ازاي ؟!!

-بابا رانيا اشرف من الشرف وانت عارف كده ...

قالها مراد بغضب ....

-لحد دلوقتي أنا مشوفتش من البت أي حاجة ....بس أنا ايه ضمني بعد الجواز هيحصل ايه ...ما يمكن تطلع زي امها وتجيب راجل لفرشتك وانت  مش قاعد....نسيت انتصار كانت ازاي ...البت هتطلع صالحة لمين...

ضرب مراد كف على كف وقال:

-يا بابا حرام عليك عايز تاخدها بذ نب امها ازاي ...هي عملت ايه بس لده كله حرام عليك ...

كان مراد هيتـ جنن من ابوه ومن اللي بيعمله ....هو عارف ان والده رانيا مكانش محترمة ....وانها خرجت من الحارة بتاعتهم بفضيـ.حة كبيرة ...لكن رانيا ...رانيا ملهاش ذنب ...دايما كانت مثال للأدب والاخلاق.   ليه تتعاقب بذ نب هي معملتهوش ...ليه!! .....

-خلاصة الكلام يا ولد....انت مش هتتجوز اللي اسمها رانيا دي على جثـ تي تتجوزها انت فاهم...وديني لو حاولت تعصى امري لاحرمك من ورثك واطر دك من البيت ...البنت دي مش هتدخل بيتي ابدا...وانا مش هحط ايدي في ايد ابو البنت دي انسى يا مراد...مش واحد زيك اللي هيسوء سمعتي على آخر الزمن 

بص مراد بيأس لوالده وقال :

-بحبها يا بابا ...أنا وعدتها اني اتجوزها!!!يا بابا أنا اختبرتها.كذا مرة ....البنت دي محترمة والله

-الحب هيروح يا بني وهتفضل طول عمرك تشك فيها ...لا يا بني مترميش نفسك الرمية دي ....لو عايز تتجوزها يبقى متدخلش بيتي وانسى اني ابوك ...وانت اختار يا مراد ...أما البنت دي او ابوك ...انت فاهم!!!

........

في البيت كنت بفرك ايدي بتوتر وانا مستنية مراد يجي ...هو اخد ميعاد من ابويا عشان يتقدملي النهاردة ...انا مش مصدقة أن اليوم ده جه خلاص ...مراد وعدني ووفى ... فضل بيلاحقني كتير وكنت فاكرة أنه بيتسلى بس في الاخر طلع عايز يتقدملي ولما ملاقاش وش مني  طلب ايدي من ابويا .....والنهاردة مفروض جاي مع أبوه ...

-اقعدي يا بنت خيلتيني...

قالها ابويا وهو بيضحك ...بصتله وابتسمت بكسوف فقام وحضني وقال:

-مش مصدق انك هتسبيني يا لوز ....

عيوني دمعت وقولت:

-يا بابا يوووه ما أنا هكون في نفس الشارع....

-بس مش في نفس البيت ...

قالها بصوت مخنوق فقولتله وانا بحضنه جامد :

-انا هاجي ازورك كل يوم متخافش .....

ضحك وهو بيبوس راسي ....

فجأة جرس الباب رن ...ارتبكت وانا ببص لبابا وقولت:

-جم ...

ابتسمت بسعادة وانا بدخل الاوضة ولحسن حظي كانت اوضتي بتبص على الصالة فهعرف اشوف مراد ...

فتح بابا الباب ولقيت ابتسامته اختفت وهو بيشوف مراد لوحده ....بصله بابا بحيرة وقال:

-اومال فين ابوك يا بني !!!

حط مراد عينيه في الأرض وقال:

-اسف يا عمي ...أنا مش هتجوز بنتك!!!

  •تابع الفصل التالي "رواية قيود الماضي" اضغط على اسم الرواية