رواية جلال و روفان (كاملة جميع الفصول) حصريا عبر دليل الروايات بقلم زهرة الربيع
رواية جلال و روفان الفصل الاول 1 - بقلم زهرة الربيع
بقالك كتيرتجيلي الحاره وتتحايل عليا اتجوز اختك من غير ما اشوفها ولا اعاين البضاعه تبقى اكيد معيوبه متزعلش مني بس ده الظاهر...فانا هاخد ٥ مليون ودا علشان وشك السمح يا رؤوف بيه
الشاب الي قاعد معاه كان هينفجر من الغضب وقال بضيق مكتوم..اولا اسمي رائف مش رؤوف ...ثانيا يعني ايه تعاين بضاعه هو انا ببعلك رز ايه القرف ده..وبعدين مين جاب سيره الجواز انا بقولك هتعمل جوزها..ايه صعبه دي
قام وقف وقال ...والله انا الي عندي قولتو...ولا شوفو غيري يشيل شيلتكم..اختك حامل يا باشا..انت بتقول انها كانت متجوزه...لاكن الله اعلم لو كانت فعلا متجوزه مكنتوش عملتو الحوار ده كلو
رائف اتنهد وقال... احم..يا ...يا قولتلي اسمك ايه معلش
الشاب قال بسرعه..جلال وبيقولولي ياجلجل وامي بتناديني جله سعاتك بس مش بحب الاسم ده معناه مش حلوو و
رائف قاطعو وقال..بس بس..ايه..هو اسمك ولا معاني الكلمات..اسمعني يا جلال...اختي كانت متجوزه..جوزها مات ومفيش اي حاجه من الي في دماغك..وانا زي ما قولتلك مستعد ادفعلك مليون جنيه قولت ايه
نيمو وغطيه ...قالها بسرعه وتريقه وقعد بغرور وقال..انا الي عندي قولتو..٥ ...٥مليون مينقصوش جنيه واحد
جات بنت جميله جدا في سن ١٨ سنه بيضه وعيونها زيتوني تبهر رافعه شعرها بطريقه جميله ولابسه تيشرت ابيض وشورت جينز قصير فوق الركبه كانت جايبه قهوه وحطتها على الطاوله وقالت..القهوه يا ابيه
جلال وقف وصفر وعنيه اتسعت وهو بيبصلها من فوف لتحت بوقاحه وقال..يارتني كنت القهوه..وادفيها لتستهوى
بقلم..زهرة الربيع
البنت ضحكت على طريقتو ورائف قال بغضب... ..فرح...اطلعي انتي يلا
فرح مشيت وهيه بتبصلو وبتضحك وجلال قال بسرعه..لو دي العروسه انا هخلص وش وهديلك ال١٥ الف الي معايا..صحيح كنت راكنهم لوقت عوزه بس مش خصاره في اللوزه
رائف بصلو بغضب وقال..بطل رغي...مش دي العروسه دي اختها الصغيره...خلينا في موضوعنا..٢ مليون كويس
جلال اتنهد وقال...هخلص معاك باربعه ودا اخر كلام يلا نقري الفاتحه
رائف قال بغضب..هقراها على روحك قريب...على العموم انا موافق المهم هتنفذ الي نقوله من غير اي كلمه ...عايزك تسمع وتقول حاضر ونعم ..مفهوم
جلال قال ..يا جدع انا اصلا طول عمري استقبال بس
رائف قال برافو عليك دلوقتي هيه هتعرفك كل حاجه مطلوبه منك
جلال فرك اديه بحماس وقال....على بركه الله يلا ناديلها ..بس يا رب تكون فيها رجلين من اختها
رائف بصلو بحده وجلال قال بسرعه..شبه..قصدي يكون فيها شبه من اختها يعني
رائف اتنهد بضيق وقال...روفان...روفان كل ده مجهزتيش هنتأخر
قالت وهيه لسه جوه ..جايه يا رائف حالا..
جلال كان باصص لباب الاوضه الي صدر منها الصوت وروفان خرجت وهيه بتتكلم في التليفون وكانت لابسه لبس الشغل..الي كان عباره عن بدله شرطه مكتمله رتبة رائد
جلال وقعت القهوه من ايده وقال بتوتر ...هو ده كمين ولا ايه..اا..انا هقولك كل حاجه يا باشا ..انا والله مسرقتهاش هيه الحكايه انها كانت بتلف عليا يعني عايزه تراودني عن نفسي سعادتك فاول ما قولتلها اسحب قالتلي انت بزات اسحب براحتك والله ده الي حصل
رائف بصلو باستغراب وقال...تسحب .هو ايه الي تسحبو ...انت بتقول ايه اصلا
جلال قال....هو انتو مش جايبني هنا علشان سرقت كهربا للدش من عند ام برشامه
رائف ضرب على وشو بضيق وروفان خلصت تليفونها وقربت منهم وقالت..ها يا رائف فين الشاب الي قولتلي عليه
رائف قال وهو بيشاور على جلال..مهو قدامك اهو يا روفان..ها ايه رايك مش قولتلك شبهو
روفان بصت لجلال من فوق لتحت بزهول وجلال ابتسم وقال..اهلا وسهلا يا مدام...ا..ا..رومان باين ولا ايه
هنا روفان ضحكت بشده ولفت حواليه ونظراتها كلها قرف وغضب كان طويل وجسمو جامد...ملامحو جميله جدا شعره اسود وعيونو لونها اسود غامق تسحر وجذابه بس لابس تيشرت وبنطلون قدام جدا ومتوسخين وشعرو متبهدل كلو على بعضو متبهدل جدا قالت بعصبيه...هو مين ده الي شبهو...ده..ده شبه رشيد..انت بتستهبل ولا مش شايف كويس ولا ايه
رائف قال بتوتر...اهدي بس ..انتي بس بصيلو كويس وركذي في ملامحو و
روفان قالت بحده..ابص لمين ..واركذ في ايه..انا مش شايفه قدامي غير كتلة زباله
رائف لسه هيرد جلال قال بغضب...ايه يا موزه الكلام ده...ما تلمي نفسك انا ساكتلك لجل الاخ ده..لاكن غير كده ارقعك على قفاكي واقع صف اسنانك
روفان بصت لرائف بزهول وقالت..ده بيكلمني انا ده
رائف هز راسو بلا ولسه هينطق روفان بصت لجلال وقالت بعصبيه...ترقع مين على قفاها يا معفن انت..ده انت هتعلق انهارده
جلال قرب منها خطوه وبقى يبصلها بحده وروفان نفس الحكايه لحد ما دخل بينهم رائف بالعافيه ووقف وسطهم وقال..وحدو الله يا جماعه مش كده هنتفاهم
روفان قالت بزعيق...ابعد انت يا رائف من وشي خليني اوريه مقامه الحشره ده
جلال قال بغضب ...انا حشره....صدق الي قال اقرع ونزهي ..ده انتي بيشحتولك على عريس يا رمه انتي...ده انتي دكر يا بت
هنا روفان اتسعت عنيها بشده وقالت بزهول..انا بيشحتولي على عريس..انا دكر..ده انت ليلتك مش فايته ...وبصت لرائف بغضب وقالت.... البتاع ده يلزمني هيبات في الحجز انهارده
جلال قال بغضب..الي معاكي اعمليه و
بس رائف زعق وقال..بس انت وهيه وبص لروفان وقال..تعالي معايا ياروفه يلا تعالي ...وشدها من ايدها اخدها على اوضتها وهيه ماشيه معاه بالعافيه ونظراتها على جلال هتحرقه
في قصر كبير بيطل على البحر كان قاعد شب في التلاتينات وسيم جدا كان ماسك صوره لشخص جميل جدا وانيق لابس بدله شرطه وبيضحك ملامحو فيها كتير من جلال ... فضل باصص للصوره بدموع وقال...وحشتني يا رشيد..الدنيا وحشه اوي من غيرك
بس اتنهد واتحولت ملامحو لغضب رهيب وقال..كلو منها ..انا هعرف ازاي ادفعها التمن غالي
بس قطع كلامو وساب الصوره على دخول ست انيقه وجميله في منتصف العشرينات قعدت على طرف المكتب وابتسمت وقالت..ايه يا عمران معقوله حد يشتغل من وش الصبح كده
عمران وقف وقرب منها وقال بابتسامه..خلاص انا خلصت يا سمر..عليا وماما نزلو ولا لسه
سمر قالت بضيق..معرفش انا لسه صاحيه بس اكيد هينزلو على الفطار
عمران ابتسم وقال..يلا بينا وشدها لحضنه ونزلو سوا
عند رائف دخل الاوضه مع روفان واخد نفس وقال ..ايه يا روفه الحركات دي..انا مش قولتلك من قبل ما اجيبو انو محتاج نضافه شويه
روفان قالت بزهول..شويه..ده محتاج بتنقع..يتسنفر..يتسلخ..اصلا مفيش اي مسطلح يمشي مع هيئتو دي
بقلم...زهرة الربيع
رائف قال بضحك..لا على فكره مش قوي كده..الواد بس شقيان بيشتغل ستين شغله في بعض وبعدين جدع واسمعي مني هو بجد بجد يشبه رشيد جدا هتشوفي بعينك لما اللمعو مش هتفرقيه عنو
روفان قعدت على السرير ودموعها نزلت وقالت....عارفه يا رائف..بس...بس مش قادره ..يمكن لو بقى شبهو فعلا مقدرش اشوفو اصلا..مش هقدر
رائف اتنهد وقعد جمبها وقال..حببتي انتي لازم تقوي..لازم نعرف ندخل قصر العامري دي الطريقه الوحيده الي هتوصلنا لهدفنا وهتخلينا نجيب حق رشيد..لو بتحبيه فعلا لازم تنتقمي من الي عمل فيه كده
روفان اتنهدت وقالت..معاك حق..طب..انت قولتلو ايه لحد دلوقتي..اوعى يكون عرف ان رشيد عايش
رائف قال..لا متقلقيش لسه ميعرفش حاجه بس اتفقنا على الفلوس هياخد ٤ مليون
روفان قالت بغضب..بقى المعفن ده ندفعلو ٤ مليون..استني عليا يا عمران الكلب هدفعك تمن كل ده
رائف قال..اه وكمان قولتلو انك حامل زي ما طلبتي ولو اني مش حاسس ان صح نكدب عليه
روفان قالت بسرعه..لا طبعا..لازم نكدب عليه ده مينفعش يعرف اي حاجه من الحقيقه..انا دلوقتي هطلع اكلمو وامري لله وباليل هنبتدي التدريب
رائف قال تمام يلا علشان تلحقي تروحي الاداره
روفان قالت ...يلا ..وطلعت وهيه بتضغط على نفسها علشان تكلمو وتفهمو على المطلوب وبتتناقش مع رائف بس استغربت لما وقف بزهول وعنيه هيطلعو من مكانهم
روفان استغربت بتبص مكان ما هو باصص اتفاجات بجلال قاعد وفرح على رجلو وبيهمس لها في ودنها وبيضحكو ووووو
•تابع الفصل التالي "رواية جلال و روفان" اضغط على اسم الرواية