رواية امل الحياة الجزء الثاني 2 "عشق التميم " الفصل العشرون 20 - بقلم يارا عبد العزيز
الفصل العشرون
دخلت روان القصر و بصتله بهدوء و طلعت الدور التاني من القصر
حياة وقتها كانت نازله مع ريان
بصيت لروان بصدمه من وجودها و بصيت لريان اللي كانت صدمته لا تقل شئ عن حياة
اتكلمت حياة بحده
= انتي مين سمحلك تدخلي هنا!
تميم وقتها كان خارج من اوضته
اتكلم بهدوء و استغراب
= انا يا ماما!
اعرفكم دي تبقى والده رحيل مراتي هي جايه تشوفها
حياة اتنفست بقوه و غمضت عينيها بالم و لاقيت نفسها بكل تلقائية بتمسك في ايد ريان
ريان بصلها بهدوء و اتكلم بحنان
= حبيبتي انا نسيت حاجه فوق ممكن تطلعي معايا نجيبها
هزيت راسها بدموع و طلعت معاه
روان كانت بتبص لطيفها بدموع و الم و هي شايفه بعينيها صاحبه عمرها
اد ايه مبقتش طايقه وجودها!
فاقت على صوت تميم اللي اتكلم باحترام و في نفس الوقت كان مستغرب نظراتهم
= رحيل جوا في الاوضه دي اتفضلي ادخليها
انا عندي شغل و لازم امشي
هزيت روان راسها ببأبتسامه و خبطت على باب الاوضه و دخلت بعد ما رحيل اذنت ليها
بمجرد ما رحيل شافتها جريت عليها بسرعه و حضنتها و فضلت تعيط بقوه
= وحشتني اوي يا ماما
حاسه اني وحيده و غريبه من غيرك محتاجكي معايا اوي
روان بحنان و هي بتربط على ضهرها
= اهدي يحبيبتى
ايه اللي حصل لكل دا بس!
هو تميم أو اي حد هنا بيعاملك وحش!
هزيت راسها بالنفي و هي بتطلع من حضنها و بتبصلها بدموع
اتكلمت برقه و هي بتمسح دموعها بضهر اناملها
= لا
بس انا حاسه اني غريبه في وسطهم
حتى تميم اوقات كتير بحس انه محملني ديما ذنب اللي حصل لفريده من اسر
و هنا كلهم يعرفوا بعض يعني مفيش غيري غريبه هنا مليكه مرات فارس حتى تبقى بنت اخو طنط حياة
مش بلاقي حد اتكلم معاه و بفضل مستنيه تميم على ما يرجع في نص الليل
بقيت عامله زي الغريبه في بلد اجنبي متعرفش فيها اي حد انا مفتقدك وجودك اوي
انا هناك مكنش ليا حد برضوا و مكنش حد بيعاملني حلو بس على الاقل انتي كنتي معايا
بقلمي يارا عبدالعزيز
روان بحنان و هي بتمسك ايديها
= يحبيبتى كل اللي بتفكري فيه دا غلط
موضوع فريده بس مخليهم مش عارفين يتلموا هم مشغوليين بيه و كل واحد حزنه مكفيه فتلاقيهم اصلا مش على طبيعتهم انا شوفت حماتك باين عليها كويسه اوي عارفه لو البيت مفيهوش مشاكل كانت قعدت معاكي و احتوتك
طب هي بتعقد مع مليكه بنت اخوها
هزيت رحيل راسها بالنفي
اتكلمت روان بحنان
= اهو هي مش قاصده تتجاهل وجودك هي بس مشغوله ببنتها و حقها يحبيبتى
و بالنسبه لتميم فدي طبيعه شغله يحبيبتى و الزوجه الصالحه تستحمل جوزها و تحتويه متحملوش فوق طاقته صح مش انا علمتك كدا
هزيت رحيل راسها باقتناع
اتكلمت روان بهدوء
= انا قولت لعمك اني جايه اخلص شويه حاجات هنا ليها علاقه باهلي
هعقد معاكي لحد بليل و بعدين هرجع
اتنفست رحيل بحزن و دموع
حياة كانت قاعدة في الجناح على الكنبه و بتهز في رجله بتوتر
كانت بتفتكر لحظاتهم الحلوه مع بعض
اتجمعت الدموع في عينيها
قعد ريان جانبها و اتكلم بحزن
= مش هينفع نمشيها للاسف هي حمات ابنك!
حياة بدموع و هي بتهز راسها
= صح
برغم كل اللي عاملته الا ان جوايا حته حلوه ليها
اول مره اشوف واحده غبيه زيي بجد
انا بس اللي مش فاهمه ازاي رحيل بنتها!
ريان بهدوء
= يمكن بنت جوزها و هي بتعتبرها زي بنتها دي اللي فكرت فيه
هزيت راسها بالنفي و اتكلمت بحده
= انا شوفت شهاده ميلاد رحيل بالصدفه في اوضتها هي و تميم
اسم الام كان روان يا ريان
بس انا متأكده ان فيه حاجه غلط
انا هسألها
ريان بهدوء
= مش من حقك يحياة انك تسألي دي حاجه خاصه بيها هي و بنتها بلاش تفتحي في مواضيع ممكن توجع و تسبب مشاكل لمرات ابنك
فريده كانت خارجه من باب الاوضه و هي بتلبس الكوتشي بتاعها باستعجال
فجأة لاقيت اللي بيوطي و بيلبسهولها
بصتله و ابتسمت بعشق
= انت بتعمل ايه!
اسر بحده
= متوطيش كدا تاني!
ابقي اقعدي و انتي بتلبسيه الدنيا مش هطير
فريده بدموع
= هو انا بس مكنتش عايزه اخر بابا لانه هو اللي بيوصلني و بعدين يطلع على الشركه معلش مش هتتكرر تاني
رفع نَفسه لمستواها و اتكلم بحنان و هو بيمسح دموعها
= يحبيبتى انا خايف عليكي و الله معلش حقك عليا
انا هوصلك بعد كدا ايه رأيك
فريده برقه
= بابا مش هيوافق!
كور ايديه و اتنفس بغضب ، اتكلم بهدوء منافي للغضب اللي جواه
= امممم هنقوله
صحيح خدي دول
دول مصروفك انهاردة
ابتسمت بحب ، اتكلم بحنان
= عايزه تاني
اتكلمت برقه و ابتسامه و هي بتاخد الفلوس
= لا دول كتير اوي
انا معايا فلوس و بيكون معايا الفيزا ديما عشان لو احتاجت حاجه
اسر بحنان
= لا يحبيبتي انتي بعد كدا هتاخديه مني و حقيقى يفريده لو اكتشفت انك بتصرفي اي حاجه من فلوس والدك هزعل جامد اوي لما تحتاجي حاجه قوليلي انا انتي مراتي و مسؤوله مني مش من حد تاني
ابتسمت بحب و حضنته بتلقائية و اتكلمت برقه
= حاضر هعمل كل اللي انت عايزاه بس متزعلش ممكن
اسر انا عارفه ان كل اللي بيحصل صعب عليك بس لو نهايه الطريق دا نكون مع بعض فهو يستاهل نعافر عشان نوصل صح
حاوط خصرها بحنان و ضمها ليه
اتكلم بعشق
= صح يعمري
و دا اللي مصبرني انك هتبقي ليا في اخره
انا مش عايز اي حاجه غير وجودك و بس يفريده
امنيتي الاولى و الاخيره انك تفضلي كدا في حضني لاخر عمري
كانت لسه هتتكلم بس قاطعها ريان اللي اتكلم بحده و هو بيشد فريده من حضن اسر
= يلا يا فريده عشان المدرسه
اسر بصله بحده و اتكلم بهدوء
= امممم ممكن انا بعد كدا اوصلها
اوصل مراتي لو سمحت
ابتسم ريان على حدته و طريقته و اتكلم بهدوء
= ممكن
بس وراك عربيات الحراسه بتاعتي مش بتاعتك
اسر ابتسم بسخريه و مسك ايد فريده و نزل
في المساء
روان كانت قاعدة في الريسبشن مع رحيل و مليكه و فريده و بيضحكوا مع بعض
نزلت حياة و هي بتبص لروان و اتكلمت بسخريه و هي بتعقد
= ما ضحكوني معاكوا
روان بصتلها بدموع و اتكلمت بهدوء
= طب مش هتقومي انتي و هي تعملوا الكيكه اللي قولتوا عليها قبل ما امشي
مليكه ببأبتسامه
= اكيد تعالي معانا يا ديدا
متخافيش مش هنقولك تعملي حاجه هتتفرجي علينا بس
بقلمي يارا عبدالعزيز
هزيت فريده راسها ببأبتسامه و دخلوا هم التلاته المطبخ
اتكلمت روان بهدوء
= فريده نسخه منك يحياة بتفكرني بيكي
نفس البراءه و الرقه
حياه بحده
= للاسف البراءه دي دخلتها في حاجات مش مناسبه لصغر سنها هي فعلا نسخه مني
بس اتمنى انها متقابلش اللي زيك يا روان عشان حياتها تفضل ماشيه كويسه
روان بدموع
= امممم مش هتنسي يحياة!
حقك و الله
بس انا فعلا ندمانه على كل حاجه حصلت انا عانيت كتير اوي يحياة و خدت عقابي كفايه عليا كدا بقى يصاحبتي بلاش تبقي انتي و الزمن عليا
حياه بدموع
= عايزيني انسى انك مـ وتي ابني
و ان بسببك انتي اتهموني اني مـ وته
عايزيني انسى طردتي انا و امي من بيتنا في نص الليل و انا لسه راجعه من المستشفى بعد ما اجهـ ضت ابني بسببك
عايزيني انسى نظره الشماته اللي شوفتها في عينكي يوم ما عرفنا بخبر وفاه اخويا بدل ما تاخدني في حضنك و تطبطبي عليا ضحكتي و شمتي
طب عايزيني انسى وقوفي على السلم و انتي ورايا بتز.قني بدون اي رحمه و لا الدكتور اللي اتفقتي معاه يقول ان عمري ما هخلف و الاحساس اللي حسيته وقتها بان عمري ما هبقى ام
انسى ايه و لا ايه يا روان اللي انتي عاملتيه مفيش عقل ينساه مهما مر عليه وقت
وجودك هنا عشان اللي انتي بتقولي عليها بنتك و اللي هي تبقى مرات ابني مفيش اي حاجه تانيه بتربطنا ببعض
رحيل بنت مين يا روان جبتيها منين و سجلتيها باسمك
روان بدموع
= رحيل بنتي!
حياه بحده
= جبتيها ازاي!
روان بغضب و دموع
= حياة كفايه لو سمحتي مش عايزة اتكلم في الموضوع دا
رحيل بنتي انا
انا اللي كبرتها و انا و بس اللي امها مش اي حد تاني
حياة بحده
= مش هتتغيري!
عمرك ما هتتغيري و مفيش اي حاجه من اللي انتي عشتيها اثرت فيكي
روان ببكاء
= انا معرفش رحيل بنت مين يحياة!
رحيل مش بنتي بالدم بس ربنا وحده اللي اعلم انا بحبها اد ايه و اني عاملتها كأنها بنتي و اكتر
رحيل هي الوحيده اللي ربنا عوضني بيها و هي الحاجه الوحيده الحلوه في حياتي
حياة باستغراب
= متعرفيش ازاي هي بنت مين!
روان بدموع
= معرفش!
انا لاقيتها انا و نوح في الشارع كانت لسه مكملتش اسبوع
انا اول ما شلتها على ايدي
كانت لسه عمرها ايام حسيت انها حته مني قولت اكيد ربنا بعتهالي عشان تبقى بنتي
خدتها انا و نوح و سجلنها على اسمنا و فضلنا في القاهره مده لحد اما هو قال انه عايز يروح يعيش مع اهله و روحنا و بعدين نوح ما ت و كان لازم نفضل موجودين هناك عشان ميراث رحيل
نوح كتبلها كل املاكه بس طبعاً لانها لسه صغيره عمها هو اللي خد الوصايا على املاكها و فضلنا تحت رحمته و الباقي انتي عارفه
بصتلها حياة بصدمه و كانت لسه هتتكلم بس قاطعها خروج فريده اللي قعدت جنب حياة بارهاق
اتكلمت حياة بخوف
= مالك يحبيبتى!
فريده بهدوء
= صحيت بدري و منمتش هطلع انام احسن عشان حاسه بشويه دوخه
بقلمي يارا عبدالعزيز
حياة بخوف
= انتي ماكلتيش يفريده
يحبيبتى انتي لازم تاكلي انتي بقيتي اتنين في واحد دلوقتي
تعالي يلا كلي و بعدين نامي انا هاجي معاكي
هزيت فريده راسها بهدوء و طلعت مع حياة اوضتها
روان بصيت لطيفهم ببأبتسامه و اتكلمت بهمس
= عقبال ما افرح بولادك انتي كمان يا رحيل
بعد مرور ساعتين
كانت روان مشيت بعربيه من عربيات القصر
حياة كانت طالعه من اوضه فريده بعد ما اطمنت انها كلت و نامت
اسر بصلها باستغراب و اتكلم بخوف
= فريده كويسه!
حياة بهدوء
= ااه كانت دايخه بس شويه و دلوقتي كويسه و نامت
اسر بهدوء
= لو دخلت شوفتها مش هتقولي لجوزك صح
حياة ببأبتسامه
= لا!
هههههههههههه و الله عسل
مش هقول لجوزي خالص
ريان بحده من وراها
= حيااااة
حياة بصيت لاسر بخوف و اتكلمت بهمس
= روحنا في داهيه!
ريان بحده و هو بيبص لاسر
= واقف هنا ليه
اسر بهدوء
= فريده كانت تعبانه عايزه ادخل اطمن عليها
ريان بحده
= مش لوحدك لو هتدخل مش لوحدك
اوضه فريده بالنسبالك خط احمر الباب دا مش هيتقفل عليكوا لحد ما انا اقول
اتنفس اسر بغضب و مشي دخل اوضته و قفل الباب بغضب مفرط
قعد على السرير و اتكلم بغضب
= لو ماسك عليا حاجه مش هيعاملني كدا!
استأذن و انا بوصل مراتي و استأذن لما ادخل اشوفها لا و اللي زاد ميتقفلش عليك انت و هي باب اوضه لوحدكوا
في الخارج
ريان بحده و غيره
= واقفه بتهزري معاه و بتضحكي!
حياة برقه
= بيقول كلام يضحك و الله
خلاص انا اسفه مش هتتكرر تاني و الله
كملت و هي بتضحك
= بيقولي لو دخلت شوفتها مش هتقولي لجوزك صح هههههههه
ابتسم ريان بعشق و هو شايف ضحكتها اتكلم بهمس
= بقالي كتير مشفتكيش بتضحكي كدا يحياة
افضلي ديما بتضحكي
حياة برقه
= عشان امنيه من امنايتي اتحققت قولتلك نفسي فريده تلاقي حد بيحبها نفس حبك ليا و لاقته عشان كدا مبسوطة
اسر بيحب فريده بجد يا ريان
كلنا عندنا ماضي محدش فينا ملاك كفايه لحد كدا
ريان بتنهيده
= عارف بس لازم يتوجع شويه و يبعد عشان يحس بقيمه اللي معاه
على فكره يحياة مش بس امنيه فريده اللي اتحققت و امنيه تميم و فارس كمان
هزيت حياة راسها بفرحه
اتكلم ريان بحنان و هو بيشيلها
= تعالي
حياة بخجل و هي بتد.فن وشها في صدره
= ريان ممكن حد يشوفنا
ريان بحنان
= ما يشفونا!
بعد منتصف الليل
اسر كان قاعد في اوضته هيتجنن من بعد فريده عنه بالشكل دا
فتح باب اوضته و بص على اوضتها بعشق
بص وراه بحذر و دخل اوضته ، لاقها قاعدة على السرير بتذاكر بتركيز و حاطه سندوشات جانبها و عصير
دخل اسر و قعد جانبها و هو بيبصلها بعشق و خد سندوتش من اللي جانبها و حاطه في فمها
اتكلمت فريده برقه من غير ما تبصله و هي مركزه في دراستها
= شكرا
بقلمي يارا عبدالعزيز
ابتسم بعشق عليها و اتكلم بحنان
= عفوا
بصتله بصدمه و اتكلمت بهمس
= اسر
اسر بعشق
= يعيونه
بتعملي ايه بقى وريني و انا هذكرلك
فريده برقه
= هتعرف!
هز راسه بهدوء و اتكلم بحنان
= اااه طبعا أنا مهندس و الله مش قادره تقتنعي ليه
مش باين عليا!
اتكلمت برقه
= و احسن مهندس
بس انا تعبت مش قادره اذاكر حاجه تاني
عايزه انام
قالت كلامها و حطيت الكتاب على الكمود و اسر خد الصنيه و حاطها على التربيزه اللي في الاوضه
رجع لاقها فارده جسمها على السرير و مغمضه عينيها
قعد جانبها و حط راسها على صدره و اتكلم بخوف
= مامتك قالت انك كنتي دايخه
بقيتي احسن دلوقتي
بقلمي يارا عبدالعزيز
هزيت راسها بالايجاب و اتكلمت برقه
= اااه بقيت احسن كتير
فتحت عينيها و بصتله بحب ، لاحظ نظراتها ليه
اتكلم بهدوء
= تعرفي اني ماسك نفسي عليكي بالعافيه
بصتله بعدم فهم
ابتسم على برائتها و قـ بل رأسها بحنان
و اتكلم بحنان و هو بيتنهد
= طب اعمل ايه و انا ممنوع عنك بالشكل دا!
مع انك مراتي
حط ايديه على بطنها و اتكلم بحنان
= عامل ايه
اتكلمت برقه
= مش عارفه
مش حاسه بحركته و لا باي حاجه خالص بس ماما قالتلي عشان انا لسه في الشهر الاول و لسه شويه و هيتحرك
انا عايزاه يطلع دلوقتي و في نفس الوقت خايفه معرفش اخاد بالي منه عشان انا لسه صغيره و معرفش حاجه خالص
اسر بحنان
= بس انتي مش لوحدك انا هبقى معاكي متخافيش يحبيبتى انا واثق انك هتبقي افضل ام
هزيت راسها ببأبتسامه و مسكت فيه بقوه ، غمضت عينيها
فاقت عليه و هو بيفتح زراير بيجامتها
بصتله بخجل و اتكلمت برقه
= اسر
بقلمي يارا عبدالعزيز
د فن وشه في عنقها و قبـ لها بعشق
= مش قادر يفريده
انتي مراتي و دا حقنا
وحشتني
انتي عايزيني يفريده صح
هزيت راسها بخجل ، ابتسم بعشق و ضمها ليه اكتر ليأخذها معاه الى عالمهم الخاص بهم
بعد مرور شهر
في شرم الشيخ
عدي صحي من النوم ملاقاش تيا جانبه
بص بقلق و نده عليها بس بدون اي رد
نزل بسرعه يشوفها لاقها قاعدة في الجنينه و ماسكه في ايديها ازازه شانبانيا و بتشرب
راح عندها بسرعه و اتكلم بحده
= بتعملي ايه يا تيا!
قامت وقفت و هي لسه ماسكه الازازه ، راحت عنده و اتكلمت بسُكر
= انت صحيت
كويس عشان عايزه امشي
يلا خلينا نمشي من هنا هاخد ادم و اروح اعيش عند خالتو و مش هنشوفك تاني هو انا هقدر اعيش من غيرك عادي ما انا عشت و انت عشت كانا مرتاحين
اتكلم عدي بحده و هو بياخد منها الازازه
= هاتي
انتي جبتيها منين دي!
تيا بسُكر
= انا طلبتها عشان انسى
مش انت كنت قولت انها بتنسي بس انت طلعت كداب هي مش بتنسي انا مش عارفه انساك
كملت و هي بتشاور على عقلها
= عشان انت مش هنا انت هنا في قلبي هنا في قلبي بعد كل اللي حصل مش عارفه اطلعك
سيبها لسه عايزه كمان
عدي بغضب
= تيا سبيها انتي نسيتي انك حامل
تيا ببابتسامه
= صح انا حامل و مينفعش الكحول
عادي ما ينزل مش فارقه ما هو كان غلطه اصلااا
قالت كلامها و حطيت ايديها على فمها و حسيت انها عايزه تستفرغ
بصلها بخوف و اتكلم بلهفه و هو بيشيلها
= تعالي
بصتله بحب و حطيت راسها على صدره و اتكلمت بالم
= عدي انت مبتحبنيش صح
اكيد قابلت ناس كتير اوي و بنات كتير
طب ما انت خنتني و عشت من غيري محدش بيحب بيعمل كدا و انت عمرك ما حبتني
مش انت فكيت الجبس خلينا نمشي
نزل بيها في اوضتهم و دخل الحمام
اتكلم بحنان
= عايزه تستفرغي يلا
لازم تتخلصي من كل الكحول اللي شربتيه احسن
اعمل متابعه لصفحه يارا عبدالعزيز بتنزل الروايه عندها قبل اي حد
سندت على الحيطه اللي جانبها و اتكلمت بسُكر
= لا انا دايخه
كملت و هي بتحط ايديها على فمها و بتقف قدام الحوض
و بتستفرغ
بصلها بخوف شديد و هو ساندها
اتكلم بحنان
= بقيتي احسن
هزيت راسها بالنفي و اتكلمت و هي بتضحك
= عمري ما هكون احسن
هتعرف تخليني احسن يا دكتور
اكتبلي على حاجه تخليني ابقى كويسه يلا يا دكتور
مش هتعرف صح اللي جوايا ملوش علاج
مسك ايديها بحنان و شدها تحت الدش و فتحه عليهم
حاولت تبعد بس مسكها و اتكلم بحنان
= لازم تفوقي
هزيت راسها بالنفي و قعدت على الارض و سندت بضهرها على الحيطه اتكلمت بدموع
= بس انا مش عايزة افوق
انا عايزه افضل كدا
بقلمي يارا عبدالعزيز
قعد جانبها و حضنها بحب و اتكلم بدموع
= انا اسف عارف ان مفيش اي حاجه هتكفر عن اللي عاملته بس مكنتش اقصد فهمت على اساس اللي شوفته
مسكت فيه بقوه و اتكلمت ببكاء
= نفسي اعرف اسامحك بس مش عارفه
نفسي اريح قلبي بقربك مني بس مش عارفه
كل حاجه حصلت كانت اكبر مني و من حبي ليك
خرجت نفسها من حضنه و اتكلمت بدموع
= امشي
اتكلم بعشق و هو بيحط ايديه على شفايفها
= ششششش
انتي عايزيني امشي و ابعد عنك
هزيت راسها بالنفي و بصتله بعتاب ، مسك رقبتها بايديه و قرب منها و قبـ لها بعشق
بعد عنها و سند بجيبنه على جبينها
= يبقى ليه متدنيش فرصه
حبنا ميستاهلش!
طب ولادنا ميستاهلوش!
كمل و هو بيمرر سبابته على شفايفها
= ردي يا تيا
كانت بتبصله و عيونها مليانه بالدموع ، اتكلمت بصوت متحشرج
= بعيدا عن انك شكيت فيا
انتي عاملتني وحش اوي و قسيت عليا و بعدت عني و دا كسر جوايا حاجه ناحيتك مش عارفه هعرف اصلحها و لا لأ
ممكن تطلع برا شويه و هخرج
هز راسه بالايجاب و خرج و هو بيبصلها بحزن
فضلت واقفه تحت الدش و هي بتحاول تفوق و سانده بايديها على الحيطه بارهاق
اتنهدت بغضب لما ملاقتاش هدوم تلبسها ، اتكلمت بصوت عالي نسبيا
= عدي
وقف قدام الباب و اتكلم بلهفه
= ايه يحبيبتي
بقلمي يارا عبدالعزيز
اتكلمت برقه
= عايزه هدوم البسها لو سمحت بس بسرعه عشان بردت
هز راسه بهدوء و طلع بيجامه ليها خرجت ايديها من ورا الباب عشان تاخدها
مسك ايديها و قبـ لها بعشق
اتكلمت بخجل من ورا الباب
= عدي عايزه البس بردت و الله
ساب ايديها بسرعه و غضب ، اتنهدت بحزن على حالهم و لبست بسرعه و خرجت
فردت جسمها على السرير من غير ما تبصله
نام جانبها و حضنها من ضهرها و اتكلم بهمس
= لسه بردانه
هزيت راسها بالنفي و اتكلمت برقه
= انا اسفه على اللي حصل
انا كدا بعرض ابنك للخطر و من حقك تخاف
هز راسه بالنفي و اتكلم بحنان
= انا خايف عليكي من نفسك يا تيا
غمضت عينيها بارهاق و ذهبت في نوم عميق تحت نظرات العشق و الحزن الشديد منه
في شقه في الزمالك
كان قاعد تميم على الكنبه و خالع قميصه و فارد رجليه على الارض
جت بنت و قعدت جانبه و اتكلمت برقه
= هتمشي!
هز راسه بهدوء و اتكلم بهمس و هو بياخد منها قميصه و بيلبسه
= ااه مينفعش اتأخر عن كدا
لميس بحزن
= احنا متجوزين من اسبوع بس و مع ذلك مجتش غير هم مرتين و بتعقد معايا شويه صغيرين و تمشي
انت حتى مقربتش مني خالص يا تميم
هو كل دا عشان وافقت نتجوز عرفي بقيت بتقلل مني
تميم بهدوء
= امممم قولتلك عندي شويه مشاكل في شغلي يا لميس بس لما تتحل هتشوفي تميم تاني خالص غير اللي انتي بتشوفيه دلوقتي متزعليش بقى
لميس برقه
= هنشوف يا تميم!
ابتسم بهدوء و خرج من الشقه ،
ركب عربيته و بص للطريق بشرود و حزن
وصل القصر و طلع اوضته
كانت رحيل واقفه في البلكونه
خلع قميصه و رماه على الكنبه و دخل الحمام وقف تحت الدش و غمض عينيه بحزن و دموع
فاق على صوت رحيل و هي بتخبط على الباب
= حبيبي انت جيت
اتكلم بحنان
= ااه شويه و خارج
هزيت راسها باستغراب انه اول مره يجي و يدخل الحمام كدا من غير ما يروح عندها
دخلت غرفه الملابس و طلعتله هدوم و حطيتها على السرير
بصيت على قميصه اللي على الكنبه و خدته بس انصدمت بشده و الم لما لاقيت ريحته برفيوم حريمي و
يُتبع....
الروايه بعد كدا هتنزل كل يوم ما عدا يوم الاحد باذن الله هيكون اجازه و مش بمزاجي حقيقى انا بكون نبطشيه بليل في المستشفى
نتفاااعل جامد 🩷")
•تابع الفصل التالي "رواية امل الحياة الجزء الثاني 2" عشق التميم"اضغط على اسم الرواية