رواية امل الحياة الجزء الثاني 2 "عشق التميم " الفصل الرابع والعشرون 24 - بقلم يارا عبد العزيز
الفصل الرابع و العشرون
دخل تميم الاوضه بكل هيبته و اتكلم ببعض الحده
= عشان مخدتيش اذن جوزك مثلا يا مدام!
لو سمحتوا ممكن تقضوا الاوضه شويه
خرج كل الموجودين و تميم بص لرحيل بحده و هو بيعقد على الكنبه
رحيل بصيت وراها بخوف و صدمه
اتكلمت بقوه عكس اللي جواه
= هو انت بتعمل ايه هنا!
راحت عنده و ضر بته في صدره بقوه و اتكلمت بدموع
= انت ليه مش عايز تسبني في حالي
هو مش جوازك مني كان بسبب شغلك مش اكتر خلاص انا دلوقتي بقولك مش عايزاك تحميني انا هعرف احمي نفسي كويس اوي مش هرجع لعمي انا هسافر
ارجوك يا تميم سبني
مسك ايديها و اتكلم بهدوء
= انتي مش هتتحركي من مصر يا رحيل و مش هتتحركي برا دايرتي كمان
برضاكي أو غصبن عنك انتي مش هتبعدي عني و دا اخر كلامي
اتكلمت بحده و هي بتبصله بكره
= هرفع عليك قضيه طلاق أو خُلع و مش هفضل تحت رحمتك كتير يا تميم يا نصراوي و ياا انا ياا انت
تميم ببرود عكس اللي جواه من الم بسبب الكره اللي شافه في عينيها من ناحيته
= براحتك
اعملي اللي انتي عايزه تعمليه مش همنعك
بس الوضع دلوقتي انك على زمتي
بقلمي يارا عبدالعزيز
اتكلمت بغضب مفرط من بروده
= انت ازايي كدا!
انا بكرهك يا تميم بكرهك و مش عايزة اعيش معاك
ازاي ترضى على نفسك تعيش مع واحدة هي مش قابلك
تجاهلها و خبط الڤازه اللي على التربيزه بقوه لتنكسر عده قطع
خد واحد منهم و حاطها في ايديه ببرود و ضغط عليها
بصتله بخوف شديد و دموع و اتكلمت بضعف
= تميم انت بتعمل ايه!
شيلها من ايديك
كملت كلامها بغضب مفرط و خوفها بدأ يزيد لما لاحظت د.مه اللي بدأ ينزل على الارض بقوه اكبر
= تميمممم بقولك شيلها من ايديك
كان بيبصلها بدموع متجاهل غضبها و عصبيتها عليه ماسك الازازه بقوه اكبر
مسكت ايديه و فتحتها بكل قوتها و شالت الازازه منها و اتكلمت بخوف
= انت مجنون
فيه حد يعمل كدا!
اتكلم ببرود و هو بيسحب ايديه من ايديها
= مش انتي بتكرهني سبني
اللي بيكره حد بيتمناله الاذى
اتكلمت بغضب ممزوج بخوفها و هي بتسيب بايديه
= ااه بكرهك يا تميم
بس دا مش معناها اني اكون بلا رحمه زيك
فيه ناس بتكره لكن مبتعرفش تاذي
على عكسك انت مشفتش مني غير كل حاجه حلوه و مع ذلك إذ.تني و اوي
مسكت قميصه و قطعته و خديت منه قطعه قماش و ربطت ايديه
لاحظت ريحه نفس البرفيوم اللي شمته لتبتسم بسخريه اتحولت لالم شديد و هي بتتخيله في حضـنها
أتكلمت بحده
= ارجع مكان ما كنت
انا خلاص مش هسافر و عايز تراقبني راقبني لكن انا مش هستحمل اعيش معاك ارجوك يا تميم افتكرلي اي حاجه حلوه انا عاملتها و ارحمني من وجودك اللي بقى بيد.بحني
هروح اعيش في شقه ماما انت اكيد عارفها
قالت كلامها و قامت بسرعه و كانت لسه هتخرج من الاوضه بس مسك ايديها و شدها عليه
اتكلم بهدوء
= هعملك اللي انتي عايزاه بس هوصلك انا عشان اطمن عليكي
حاولت تبعد موضع أنفها عن قميصه عشان متشمش الريحه
اتكلمت بدموع و ضعف
= مش طايقه ريحتك ابعد
بعد عنها بسرعه ، مشيت قدامه و كانت أشبه بالضايعه و هو كان وراها و ماسك الشنط بتاعتها
حطيت ايديها على بطنها بخوف و اتكلمت في نفسها
= مش هيعرف حاجه مش هسمحله انه يعرف اي حاجه عن وجودك
حسيت انه دايخه حاولت تتغلب على دوختها و كانت بتمشي بضعف و تميم كان ملاحظ طريقه مشيها
لاحظ انها وقفت و مسكت دماغها بارهاق
اتكلم بخوف
= انتي كويسه يا رحيل
هزيت راسها بخوف و اتكلمت بضعف
= ااه
وصلوا قدام العربيه و ركبت معاه في الكنبه اللي ورا
وقف قدام مول كبير و خرج بعد ما قفل عليها العربيه
حاولت تفتح الباب بس معرفتش لانه كان قافله من برا
اتنهدت بغضب و اتكلمت بضيق
= يا ريتني ما عرفتك
سندت براسها على الشباك بملل و مقدرتش تقاوم تعبها و ذهبت في نوم عميق
دخل تميم العربيه و كان مغير القميص بتاعه و جايب معاه اكل
كان لسه هيعقد قدام
بس بصلها بعشق و راح قعد جانبها ورا
قبـ ل خدها و كل انش في وجهها برقه ، حاوط خصرها و ضمها ليه بقوه
و اتكلم بدموع و همس
= وحشتني انا اسف يروحي بس و الله ما بايدي انا عمري ما حبيتك و لا هحب في حياتي غيرك
حاول يتغلب على اشتياقه ليها ، بعد عنها بصعوبه و بصلها بدموع من الوضع اللي وصلوا ليه
قام من جانبه و قعد قدام و انطلق بعربيته
وصل امام شقه روان و طلع بيها دخل الاوضه و حاطها على السرير برفق و قام يجهز الاكل
في منزل اسر
خرج من الحمام و هو بينشف شعره و لابس سرواله فقط و بيتكلم بمرح
= هنعمل ايه بقى
تيجي نخرج في اي مكان انتي عايزاه و تغيري جو
احنا خلاص بقينا مع بعض يعني اخدك و نروح في اي مكان إن شاء الله منرجعش خالص
بصلها باستغراب لانها مكنتش بترد عليه
قعد جانبها و اتكلم بحنان
= مالك يحبيبتى انتي لسه تعبانه
هزيت راسها بالنفي و اتكلمت بجمود
= مالي ما انا زي الفل اهو
معلش قعدتك جانبي
عايز تخرج اخرج انا هنام
بصلها بعدم فهم و اتكلم بتساؤل
= هو ايه التحول دا!
ما احنا كانا كويسين من شويه
بقلمي يارا عبدالعزيز
فريده بحده
= فين التحول
بالعكس انا حسيت اني بوظتلك مخطاطتك فبقولك لو عايز تخرج اخرج شوف انت بتعمل ايه
انا مش بحب اكون تقيله على حد و انت تقريبا عندك حاجات كتير اهم مني
ااه صحيح رحيل بعتتلك ڤويس بس معرفتش افتحه بس اكيد استغربت انك اتأخرت و لا حاجه فبعتت
روحلها يلا قضي معاها وقت لطيف و
قاطعها و هو بيتكلم بحده
= فريدددده انا مسمحلكيش تتكلمي عليا انا او رحيل بالشكل دا
ابتسمت بسخريه و الم
= لدرجه دي!
بس الغلط مش عليك الغلط على المُغفله اللي صدقتك و صدقت انك اتغيرت
بس انت هتفضل زيي ما انت عمرك ما هتتغير
انا بس اللي مش فاهماه انت ليه تمثل عليا كل دا استفدت ايه ااه انا اسفه نسيت انك اصلا عملت كدا عشان تحرق قلب ابيه عليا زي ما حرق قلبك على حبيبتك و اهو دلوقتي جاتلك الفرصه انك ترجعلها فطبعا لازم تستغلها
كان لسه هتتكلم بس قاطعته و هي بتتكلم بحده
= بلاش نعقد نضحك على بعض احسن
اتكلم بهدوء عكس اللي جواه من الم و كسره بسبب كلامها
= تعرفي مشكلتك ايه
و اللي عمر ما حياتنا هتتعدل بسببها
انك عمرك ما هتثقي فيا
هتفضلي عمرك كله فاكره الماضي بتاعي و مع كل غلطه بسيطه انتي هتفتكريه و هطلعني انا السئ
انتي لسه لحد دلوقتي شاكه في حبي ليكي و انا مش عارف هنفضل كدا لحد امتى أو انا المفروض اعمل ايه اكتر من اللي عملته و لسه بعمله عشان اثبتلك اني فعلا بحبك
انا ااه بكلم رحيل بس مش عشان اللي في دماغك
خد الفون منها و فتحه على شات رحيل
اتكلم بحده
= اقريه براحتك و شوفي لو حصل مني اي حاجه تثبتلك ان الهبل اللي في دماغك دا صح
انا هقوم البس هدومي
مسكت الفون و قرأت الشات تحت نظرات السخريه و الالم منه
وقفت قدام الدولاب و بقيت متحاصره ما بينه هو و الدولاب
اتكلمت بدموع
= طب انت ليه بتبعد عني و متقوليش انا هقولك في الوقت المناسب انا عايزه اعرف دلوقتي
اتنفس بعمق و اتكلم بهمس
= فيه اي حاجه في الشات انتي محتاجلها تفسير
هزيت راسها بالنفي و اتكلمت بدموع
= ليه بتبعد عني يا اسر!
ليه كل اما باجي اقرب منك بحسك مش عايز و بقالك كتير على الوضع دا
ليه اتغيرت اوي كدا
انت مبقتش عايز قربي!
مبقتش اوحشك!
انا هتجنن و مفيش اي تفسير لتصرفاتك غير انك مبقتش عاوزني
لو اللي في دماغي صح قولي و متسبنيش كدا
ابتسم بسخريه و اتكلم بهدوء
= برضوا
مفيش فايده
ما اللي بيجي في دماغك التفسير الوحش عشان انتي مجربتيش تثقي فيا
حاضر يفريده عايزه تعرفي حاضر
غيري هدومك عشان هننزل و هتعرفي كل حاجه
اتنفست بعمق بعد ما حسيت بزعله منها
حسيت بالم من الحزن اللي شايفه في عينيه بسببها
اتكلمت برقه و دموع و هي بتحاوط خده بايديها
= خلاص مش لازم
هبقى اعرف لما انت تعوز تعرفني انا هحاول اكبر عقلي شويه
انا بجد بثق فيك بس انت تصرفاتك بتوجعني يا اسر
مسك ايديها و قبـ لها بحنان
= سلامتك من الوجع يقلب اسر
و الله عايز افجأك عايز فرحتك تبقى اضعاف
بس خلاص ادام بتضايقني خلينا نمشي دلوقتي هعرفك كل حاجه
هزيت راسها بالنفي و دخلت جوا حضنه و مسكت فيه بقوه
حس بدموعها على صدره
اتكلم بحنان و هو بيملس على شعرها
= تعرفي انك وحشتني اوي
ممكن تبطلي عياط
بقلمي يارا عبدالعزيز
حاول يطلعها من حضنه بس كانت ماسكه فيه بكل قوتها
هزيت راسها بالنفي و انكمشت ملامحها بالرفض
اتكلم بحنان و هو بيحرك ايديه على ضهرها
= طب بطلي عياط
حاسس ان معايا بنتي مش مراتي و الله بس دا نتيجه انك تتجوز واحدة لسه في المدرسه
ضر.بته بخفه في صدره و اتكلمت برقه
= كلها شهور و هدخل الكليه على فكره
اتكلم بمرح
= تعرفي انا متخرج من بقالي اد ايه خمس سنين
يعني اكبر منك بتسع سنين
لو كنت استغلت الخمس سنين دول و مضيعتهمش مكناش مرينا بكل الحزن و البعد اللي مرينا بيه
بس تعرفي ممكن مكنتش اعرفك
طلعت من حضنه و بصتله بعدم فهم
ابتسم بعشق و اتكلم بحنان
= بس احنا عرفنا بعض و اتجوزنا و دلوقتي في بيت واحد و دا المهم
رفعت نفسها لمستواه و ثبتت رقبته بايديها و قبـ لت رقبته برقه
غمض عينيه و مسك خصرها بحنان و اتكلم بهمس
= فريده!
فريده بهمس و هي بتقـ بل رقبته
= يعيون فريده
مش هشك فيك تاني انا اسفه يحبيبي
اتكلمت بخجل و هي بتبص لنظراته
= انا حاسه ان فيه حاجه غلط في موضوع ابيه تميم اصل هو بيحب رحيل اوي و مستحيل يخونها بتمنى ميبعدوش عن بعض
ضمها ليه بقوه و اتكلم بعشق و ضعف
= انا خلاص مبقتش قادر كفايه كدا
اتكلمت بعدم فهم
= مش فاهمه......
قاطعها و هو بيسندها على الدولاب و بيقـ بلها بعشق
فك رباط الروب اللي لابسه و حاوط خصرها بحنان
حاوطت رقبته بحب و خجل ، بصتله بخجل مفرط لما لاقته ميل على كتفها و قبـ له بعشق
غمضت عيونها بخجل و مسكت في كتفه بضعف
اتكلم بهمس
= انا بعشقك يفريده و بعشق كل حاجه فيكي
دفـ نت وشها في رقبته و اتكلمت برقه و خجل
= و انا كمان يحبيبي
تميم كان جهز الاكل ، دخل غرفه رحيل و حط الاكل على الكمود و مرر ايديه على خدها بحنان
اتكلم بصوت عالي نسبيا
= رحيل رحيل
قامت مخضوضه و اتعدلت و هي بتبصله
اتكلم بحنان
= اهدي فيه ايه
عاملتلك الاكل كلي عشان الدوخه دي
و لا اقولك تيجي نروح المستشفى و لا اتصل بماما تيجي تطمننا عليكي
هزيت راسها بالنفي و اتكلمت بخوف و توتر
= لا
انا بس عشان ماكلتش اول اما اكل هبقى كويسه
ممكن تمشي بقى اديك وصلتني اهو و متخافش مش همشي من هنا انا عارفه انك هتقدر تجبني حتى لو روحت فين
اتكلم بالم
= هو انتي عايزيني امشي باي طريقه لدرجه دي مش طايقني!
اتكلمت بحده و هي بتبصله بغضب
= اااه يا تميم
و حقيقى لو في قلبك شويه رحمه تبعد عني انا مش طالبه منك غير كدا
لو سمحت اتفضل انا مش عايزاك هنا معايا
هز راسه بهدوء
= هعقد برا عشان....
قاطعته و هي بتتكلم بحده
= و لا برا و لا جوا
انا مش عايزاك هنا خالص و ياريت نبقى نشوفك كل سنه مره
تميم و الله العظيم انا ما حمل مناهده ارجوك امشي دلوقتي
اتكلم بخوف
= حاضر همشي بس هاجي تاني عشان اطمن عليكي
اتنفست بقله حيله و حطيت راسها على المخده بارهاق
اتكلم بحنان
= لا متنميش كلي الاول
متخلنيش امشي و انا خايف عليكي
بقلمي يارا عبدالعزيز
خديت الاكل و بدأت تاكل بتعب و هي مش طايقه الاكل حسيت انها عايزه تستفرغ بس حاولت تقاوم عشان ميقولهاش تروح المستشفى
اتكلمت بقوه عكس اللي جواها
= باكل اهو امشي بقى
بصلها بحزن كل اما يحس انها مش طايقاه بالشكل دا يحس بغصه و تكسير في قلبه
بصلها بدموع و مشي
بصيت لطيفه بدموع و حطيت المعلقه في الطبق بغضب
حطيت ايديها على بطنها و اتكلمت بخوف
= كلها كام شهر و بطني هتكبر و هو اكيد هيعرف طب اعمل ايه انا خلاص كدا مش هعرف اسافر برا مصر
اكيد حط حرس كتير تحت البيت عشان معرفش اخرج
فكري يا رحيل لازم تمشي قبل ما بطنك تكبر و يعرف بحملك
قامت بسرعه و بصيت من البلكونه لاقته واقف مع الحرس و بيديهم اوامر
بعدها ركب عربيته و فضل قاعد فيها
لاقته بيبصلها دخلت بسرعه و هي بتتنهد بضيق
= يوااااه بقى
واحد معندوش د.م
في منزل زين
دخل اوضه حور بعد ما خبط كذا مره بس مكنش فيه رد
بص لسرير ياسين و راح عنده و بصله بحنان
انصدم بشده لما لاقها خارجه من الحمام و لابسه البرنص
بصلها بضعف و اتكلم بسرعه
= خبط كتير و انتي مردتيش و كنت عايز اشوف ياسين انا اسف
هزيت راسها بخجل و اتكلمت برقه
= محصلش حاجه هغير هدومي و هجبلك ياسين برا
هز راسه بهدوء و هو بيبصلها بضعف وبخ نفسه و خرج بسرعه من الاوضه
نزل تحت و قعد في الريسبشن
اتكلم بغضب من نفسه
= زين فوق انت نسيت نفسك
نسيت شهد!
مينفعش اللي انت بتعمله دا
فاق على صوت جرس الباب
فتح لينصدم بفرحه كبيره لما شاف حنين قدامه
دخلت حنين و حضنته بقوه و اتكلمت بدموع و حنان
= وحشتني اوي
حقك عليا و الله أنا عارفه انت اد ايه محتاجني بس خلاص باباك هيكلم عمك ريان و يقوله يسفر حد تاني بعد كدا احنا مش هنسيبك تاني يحبيبي
زين بهدوء
= خلاص يا ماما انا مقدر و الله
و بعدين انتي عارفه اني اتجوزت حور و هي مش مخليه ياسين محتاج حاجه
حنين بهدوء
= و انت يا زين
زين باستغراب
= انا ايه!
حنين بحزن
= و انت عامل ايه
يعني حور بتاخد بالها من ياسين و انت فين
ما انت جوزها يحبيبى
زين بحده
= ماما اللي في دماغك دا مستحيل
انتي عايزيني اخو.ن شهد!
اعمل متابعه لصفحه يارا عبدالعزيز الروايه بتنزل عندها قبل اي حد
حنين بغضب
= زين شهد ماتت
فاهم يعني ايه
مبقتش موجودة في حياتنا اصلا
زين انا معنديش غيرك و اكيد مش هفضل واقفه اتفرج عليك و انت بتد.فن نفسك بالحيا بسبب واحدة مبقتش موجودة اصلا
طب انت مفيش اي حاجه جواك من ناحيتها
زين بتهرب
= هو بابا فين
حنين ببأبتسامه
= وصلني ردك يا ابن بطني
ابوك راح لعمك ريان الشركه هيوريه شويه اوراق مهمه و جاي
نزلت حور و في ايديها ياسين
خدته حنين منها و اتكلمت بدموع و هي بضمه
= يحبيبى وحشتني اوي
كملت و هي بتبص لحور
= ازيك يحور عامله ايه
حور ببأبتسامه
= زي الفل و الله يطنط انتوا وحشتونا جدا
حنين لاحظت نظرات زين لحور اللي كانت مليانه حب
ابتسمت بفرحه و اتكلمت بحنان
= حور تعالي معايا ننيم ياسين و عايزه اتكلم معاكي شويه
هزيت حور راسها ببأبتسامه
زين بص لحنين و هز راسه بالنفي و عينيه مليانه بالدموع
ربطت حنين على كتفه بحنان و اتكلمت بهدوء
= تيجي معانا
زين بخوف
= لا انا هروح الشركه لبابا عن اذنكوا
بعد مرور ثلاثه اشهر
و يبقى الوضع على ما هو عليه
تميم شغال على المهمه و بيحاول يخلصها بكل الطرق في اقرب وقت لانه مش قادر يبعد عن رحيل
و كان متابع رحيل ديما و كل يوم بيروح يعقد عندها بالساعات برغم اعتراضها
و رحيل كانت ديما بتلبس واسع عشان متبينش بطنها اللي كبرت بعض الشئ و بتحاول تخفي تعبها عنه
دخل الشقه و اتكلم بصوت عالي نسبيا
= رحيل جبتلك كل الاكل اللي بتحبيه تعالي ناكل مع بعض
خرجت و اتكلمت بحده
= هو انت مبتزهقش يا تميم!
مش كفايه كدا
اعمل ايه اكتر من كدا عشان تسبني في حالي و تبعد عني
اتكلم بهدوء
= اعملي كل اللي انتي عايزه تعمليه و انا هفضل عند قراري مش هبعد عنك و لا هطلقك بطلي تتعبي نفسك بنفس الكلام كل شويه
تعالي كلي يلا
بصيت للاكل بقرف و اتكلمت و هي بتحط ايديها على فمها
= شكرا مليش نفس
بصلها بشك و اتكلم بخوف و هو بيقف قدامها
= الموضوع زاد عن حده
دي اتكررت كذا مره و متقوليش برد
البرد مش هيطول اوي كدا
ادخلي غيري يلا هنروح لدكتورة تكشف عليكي
بصتله بخوف و اتكلمت بتوتر
= مفيش داعي للدكتوره انا كويسه
تميم بخوف
= كويسه ازاي!
ديما بدوخي و كل اما تشوفي الاكل بتقرفي منه!
انا مش هسكت عليكي اكتر من كدا هتدخلي تغيري و لا ارن انا على ماما تيجي تشوفك
رحيل بخوف و غضب
= مش عايزه اروح في حته هو بالعافيه
تميم بحده
= هتدخلي تغيري و لا اغيرلك انا و اخدك غصبن عنك
رحيل بخوف
= مش هقدر اخرج
تميم بهدوء و هو بيطلع فونه
= حاضر هرن على ماما تيجي تشوفك
اتكلمت بغضب مفرط
= ماشي يا تميم هنروح لدكتوره اما نشوف اخرتها معاك
قالت كلامها و دخلت تغير
مشيت معاه و هي بتترعش
كان ملاحظ خوفها و مستغربه
حجزوا دورهم و قعدوا ينتظروا
الممرضه ندات على اسم رحيل و بمجرد ما سمعت اسمها اتنفضت بخوف شديد
اتكلم تميم بحنان
= انتي كويسه
هزيت راسها بخوف و دخلت معاه ، بصيت للدكتوره بخوف
وقعدت على الكرسي قدام تميم
الدكتوره بهدوء
= بتشتكي من ايه يا مدام رحيل
بقلمي يارا عبدالعزيز
تميم لاحظ خوف رحيل ، اتكلم بهدوء و هو بيبصلها باستغراب
= ديما بدوخ و الأكل مش بطيق تشوفه
الدكتوره ببأبتسامه
= حضرتك جوزها صح
هز تميم راسه بهدوء
اتكلمت الدكتورة بهدوء
= متجوزين من اد ايه
تميم بهدوء
= خمس شهور و شويه
الدكتوره بهدوء
= تمام اتفضلي على سرير الكشف عشان افحصك
قامت و كان لسه هيقوم معاها عشان يساعدها
اتكلمت بدموع و خوف
= خليك
هز راسه بحزن و تابعها و هي بتطلع على سرير الكشف و كان بيبص لخوفها المبالغ فيه بالنسباله باستغراب
بدأت الدكتوره تفحصها و عاملتلها سونار
اتكلمت الدكتوره بهدوء
= ممكن تيجي هنا لحظه يا استاذ تميم
قام تميم و قعد جنب رحيل على طرف السرير و اتكلم بخوف
= هي كويسه صح
اتكلمت الدكتورة ببأبتسامه
= هو انتي ازاي مكتشفتيش لحد دلوقتي!
بصتلها رحيل بخوف شديد ، اتكلم تميم بخوف و عدم فهم
= مكتشفتش ايه!
لو سمحتي قولي مراتي مالها
الدكتوره ببأبتسامه
= المدام حامل في نهايه الشهر الرابع
يُتبع..... بقلمي يارا عبدالعزيز
•تابع الفصل التالي "رواية امل الحياة الجزء الثاني 2" عشق التميم"اضغط على اسم الرواية