رواية غرام النمر الجزء الثاني 2 الفصل السابع والعشرون 27 - بقلم جنة ياسر
في تركيا 🇹🇷 نذهب الي مشفي في تركيا كانت جيسي متسطحه علي فراش المشفي وكان في كانيولا محاليل في يدها …واللورد كان جالس علي الفراش ويمسك يدها وخليل جالس بجوار جيسي وكان يمسك يدها الاخري …
اللورد قال : جيسي، هل أنت بخير؟
جيسي بابتسامه : نعم يا أخي، إنا بخير، لا تقلق..
جيسي ووجهت كلامها لعشق وقالت : أشكرك عشق على وقوفك بجانبي…
عشق ابتسمت لها لاكن لم ترد عليها ..
قطع اللحظه دخول الطبيب الي الغرفه
الطبيب بالتركي : مساء الخير
رد اللورد علي الطبيب …
ثم الطبيب قال : من فضلكم، الجميع يخرج ويجلس في الخارج ، سأجري فحص الموجات الصوتية ولا أريد أن يكون هناك الكثير من الناس هنا.
ذهب الجميع كانت عشق وخليل والداده كريمه …لاكن اللورد مازال في الداخل مع اخته لم يتركها لوحدها….
” بدأ الطبيب الفحص الموجات الصوتيه علي بطن جيسي ….وخليل في الخارج كان متوتر وخائف بشده
كريمه طبطبت علي كتفه وقال : اهدي يا حبيبي ان شاء الله هتسمع خبر كويس
خليل : اتمني يا ماما نفسي اسمعها …
عشق كانت تنظر لهم ثم خطرت علي بالها انها تتسحب وتهرب لاكن لم تعرف هي فين ….لو ذهبت اللورد هيوصل لها بسهوله …بدأت تتسحب للخلف ثم التفتت وكانت تركض لاكن سمعت صوت خليل يقول : رايحه فين يا مرات اخويا…
عشق غمضت عيونها وقالت : اوووف
التفتت عشق لخليل وقالت : انا عاوزه اروح التوليت هروح واجي علطول …
قالت جملتها وكانت ذاهبه لاكن خليل وقف امامها وقال : تمام ثواني ماما كريمه تعالي روحي معاها ..
عشق : انا عارفه الطريق عاوزه اروح لوحدي
خليل بحده : ممنوع يا مرات اخويا. .
عشق قالت بغضب : اي مرات اخويا دي انا اسمي عشق وبعدين انا مش مرات حد …اوووووف
خليل ابتسم ثم رأي خروج اللورد والطبيب …
الطبيب يقول بالتركي : والأهم من ذلك ، أنه ليس مسموحًا لأختك أن تتحرك كثيرًا يا سيدي. وبعد إذنك أهنئك مرة أخرى.
ذهب الطبيب و خليل ذهب الي اتجاه اللورد
وقال : اللورد جيسي ..
اللورد وضع يده علي كتفه وقال : جيسي حامل يا خليل مبروك …
خليل شهق ووضع يده علي فمه ثم نزلها وقال : وأخيرا
ركض خليل الي الداخل وكريمه ذهبت خلف خليل …اما عشق كانت واقفه وسمعت جملة اللورد …وكانت تنظر له ثم نظرت الي اتجاه اخر ….اللورد ذهب لها…
وقال : بتفكري تهربي …
عشق قالت بغضب : انا عاوزه اعرف انا فين
اللورد ببرود : احنا في تركيا
اتصدمت عشق ثم قالت بصوت عالي : احلف ..
اللورد : نعم ..
عشق : احلف ان احنا في تركيا ….لا استحاله انا ازاي مخدتش بالي عععععععاااا
اللورد مسك ذراعها وقال : بس بطلي صويت احنا في مستشفي ..
عشق قالت : سوري انا عاوزه اروح اوعي …
اللورد : هتروحي فين
عشق : هروح اشوف يامان وبوراك ده انا اول ما اشوفهم هحضنهم اوعي يا أخي سيبني …
اللورد مسك ذراعها وجذبها له بقوه…
وقال بغضب : يامان مين وبوراك مين امشي قدامي واتقي شري واخرسي
عشق : يامان في مسلسل المتوحش ارجوك يا مصاص الدماء خليني اشوفه ده انا بحلم باليوم ان اشوفه واتجوزه كمان هيييح..
اللورد كانت عيونه تحولت الي احمر كاتم وكان ملامحه لم تبشر بالخير قلقت عشق من شكل اللورد …
ثم قالت بخوف : يا مامي انت اتحولت لمصاص دماء بجد وله اي ….اااه جيسي الحقيني هتاكل ..
ركضت عشق بخوف وذهبت الي غرفة التي فيها جيسي
وقالت : الحمدلله هربت ..
جيسي : عشق
عشق : نعم ..
جيسي بفرحه : انظري يا عشق صوره البيبي انا حامل ..
عشق ابتسمت ثم لمحت اللورد يدخل…. فركضت مسرعا الي المرحاض وقفلت الباب خلفها بخوف …
واللورد رأها …ثم قال : يارب تصبرني علي المجنونه دي
💙💙💙💙💙💙💙💙💙💙💙💙💙💙
💙💙
في فيلا نديم “قيس كان جالس علي مقعد وكان ضهره لروح ولم تأخذ بالها منه قام قيس بخبث وادار وجهه ونظر لروح …
سيلا قالت : اعرفك يا روح قيس الدهشاني …عريسك
روح شعرت بالرعب وقالت : انت…
قيس نظر لها وابتسم بخبث : اذيك يا انسه روح ..
نديم قال : هو انت تعرف روح يا قيس ..
قيس بشر : اعرفها اعز المعرفه
روح بخوف : ابيه نديم اااانا عاوزاك ثواني ..
سيلا : عاوزاه في اي وبعدين واقفه عندك بتعملي اي تعالي سلمي علي عريسك واخواته..
روح : عريس مين انا استحاله ااااوافق اني
سيلا قاطعتها : هههه بتهزر دايما ياروح دمك خفيف تعالي اقعدي واسكتي يا حبيبتي…
روح : مش هسكت ابيه نديم لو سمحت مشي الاستاذ ده لبره .. انا مش موافقه علي الجوازه دي استحاله اتجوز ده لو اخر راجل في الدنيا مش هتجوزه … ومحدش هيقدر يغصبني علي حاجه سامعه يا سيلا ..
ملك قالت في سرها : ينهار اسود بتهبب اي دي هتروح في داهيه …
نديم : اهدي يا روح يا حبيبتي طبعا محدش بيقدر يغصبك علي حاجه القرار قرارك ..
سيلا بغضب قالت : نديم
قيس نظر لروح بخبث : ممكن يا نديم بيه تسمحلي اخد الانسه روح علي جمب حابب اتكلم معاها جايز تغير رأيها …
سيلا بابتسامه : اه طبعا يا استاذ قيس اتفضلوا انتو خليكوا هنا واحنا بنطلع في الجنينه بره ..
روح بخوف : لاااا ااانا مش عاوزه اقعد مع حد ومش هغير رأي ..
نديم : تمام يا حبيبتي اقعدي بس مع الاستاذ قيس واتكلموا واحنا بينا اتفاق وزي ما اتفقنا اقعدي معا بس …
روح بخوف : بس يا ابيه اناااا
سيلا جذبت نديم وقالت : يلا نديم قوموا يلا يا جماعه اتفضلوا نقعد بره ونسيب العرسان يتكلموا شويه مع بعض ويتعرفوا علي بعض …
روح بخوف : لا يا سيلا متسبنيش لوحدي ابيه نديم..
خرجوا الجميع الي خارج وتوجه الي حديقه الفيلا…
وروح كانت ذاهبه خلفهم لاكن قيس امسك معصم يدها بقوه ولوي خلف ظهرها وضغط علي يدها بقوه…
روح بوجع : آآآآآآه ايدي هتكسرها…
قيس : اسمعي يا بتاعه انتي هتوافقي علي الجوازه دي غصب عنك لمده تلات ايام بظبط وهتكوني في بيتي …وانا مبرجعش في كلامي فاتقي شري وخافي مني لان انتي مش قد قيس باشا الدهشاني انتي بالنسبه ليا زي صوصار ممكن برجلي ادوس عليه اموته …
روح ببكاء : ارجوك سيبني انا عارفه اني غلطت و رفعت صوتي عليك انا اسفه ابوس ايدك تسيبني صدقني انا مكنش قصدي ازعق والله ..
قيس قال : كلامي مش بيتكرر مرتين عندك حلين يا حلوه يأما تتجوزيني بعد يومين يأما تتدفعي ٥ ميلون اللي عليكي انتي ماضيه عقد في شركتي لو سيبتي الشركه قبل ١٥ يوم بتدفعي ٥ مليون جنيه …
روح بصدمه : ٥ مليون ازاي انا قرأت العقد كان حوالي ٥٠ الف بس ….
قيس : لا يا حلوه ٥ مليون انا لعبت في العقد …انا برأيي توافقي انتي اكيد مش هتعرفي تجمعي مبلغ زي ده وكمان مش هتقدري تطلبي من نديم حاجه لان انتي عارفه الظروف اللي بيمر بيها ههههه قولتلك انتي هتوافقي غصب عنك ..صح اناهكتب ليكي مهر ١٠ مليون ….ثم نظر لها من تحت لفوق ..
وكمل بنبره خبث : مش خساره فيكي
روح قالت بوجع : حسبي الله ونعم الوكيل فيك انت شيطان أعوذ بالله……صدقني انا ممكن اجيب ٥ مليون وارميها في وشك بس انا خايفه لتأذي حد من عيلتي وبذات ابيه نديم ….
قيس : شطوره وفرتي عليا الكلام كنت هقوله……. دلوقتي هيدخلوا وهيسألوا موافقه وله لا….اكيد عارفه الاجابه اي
قطع كلامه بدخول نديم والجميع خلفه …
نديم نظر لروح رأها كانت تفرك في معصم يدها بوجع ..
سيلا قالت : ها يا روح اي رأيك في استاذ قيس ..
روح : اناااا
نظرت لقيس بغضب وفكرت توافق ام تطلب من نديم المبلغ وتعطي لقيس وبتخلص من الجوازه …..شرددت روح وتفكر هتعمل اي ….
فاقت من شرودها علي صوت نديم : روح انتي روحتي فين …
روح قالت بصراخ : مش مواااافقه
ثم ركضت وتوجهت الي الدرج وصعدت عليه وذهبت الي غرفتها …قيس شعر بالغضب وعيونه احمرت وضغط علي كف يده…لاحظته سيلا وشعرت بالغيظ من روح ..
قالت سيلا : ااااه متقلقش يا استاذ قيس روح هتوافق علي الجوازه هي هتلاقي عريس زي حضرتك فين ….هي بس مكسوفه وزي اي عروسه بتدلع شويتين انا هطلع اكلمها ..
قيس ابتسم وعرف ان سيلا هتضغط علي روح ..
قال بتمثيل : شكرا يا مدام سيلا بس بلاش تضغطي عليها …
نديم قال بحده : محدش يقدر يضغط علي روح طول ما انا موجود استاذ قيس …
قيس نظر لنديم بغضب وغيظ …
سيلا كانت ذاهبه نديم وقف امامها وقال : سيلا انا بطلع اكلمها خليكي انتي ..
سيلا برقت له وقالت : لا يا حبيبي خليك انت قاعد مع استاذ قيس متسبهوش لوحده وانا هطلع اجيب روح وانزل علطول …
نديم : سيلا متضغطيش علي روح خلاص هي قالت مش موافقه يبقي مش موافقه ..
سيلا : حاجه متخصكش يا نديم دي اختي وانا عارفه مصلحتها فين …
ثم ذهبت سيلا وصعدت الي الطابق العلوي…
💙💙💙💙💙💙
💙💙💙💙💙💙💙💙💙💙
في قصر النمر في الريسبشن الذين يجلسون فيه النساء
شهد قالت : شهد قالت : اهدي ياغرام مش لازم دكتور واضحه بتقولك معدتها قالبه ودايخه يبقي حامل مبروك يا غرام بنتك حامل هتبقي تيتا …
ماسه واقفت بخضه وقالت بصدمه : حامل اي لا طبعا
غرام باستغراب : اي يا بنتي اتخضيتي كدا ليه عادي يحصل حمل انتي بقالك ٣ شهو متجوزه تقريبا انا من رأي تعملي تيست حمل وتشوفي
ماسه : حمل اي لا انا متأكده اني مش حامل انا عندي بس برد في معدتي مش اكتر ….انا هقوم ارتاح شويه في اوضتي
ذهبت ماسه وهي تشعر بالخجل ووجها احمر بشده …
ذهبت الي المطبخ لتشرب كأس ماء بارده…حمزه لاحظها فذهب هو الأخري الي المطبخ …كانت ماسه لم تأخذ بالها انه دخل المطبخ كانت هي واقفه ظهرها له …
ماسه كانت تحدث نفسها بصوت واطي : حامل ازاي…… اي الهبل اللي بقوله ده اوووف
حمزه كان واقف وينظر عليها ومركز علي حركاتها ثم قرب واستنشق رائحه شعرها وغمض عيونه…
رن هاتف ماسه برقم ابتسمت ماسه عندما رأت الرقم فتحت الخط وقالت …
ماسه : اخيرا اتصلت عليا وافتكرتني معقول موحشتكش اخس عليك ..
حمزه سمع هذا الجمله وشعر بالغضب وكشر ثم خطف الهاتف من اذنها وقفل الخط ..
ماسه التفتت له بذعر وقالت : اي ده انت بتعمل اي ازاي خدت التليفون كدا وليه قفلت الخط
حمزه وهو يجز علي اسنانه وقال : مين ده اللي بتقوليله معقول موحشتكش انطقي مين ده
ماسه نظرت له وقالت باستفزاز : حبيبي
حمزه اتعصب وشعر بالغيرة ثم بدون إنذار مسك ذراع ماسه وضغط علي ذراعها بقوه …
حمزه قال بغيره : قولتي حبيبك
ماسه شعرت بوجع ثم وضعت يدها علي يد حمزه وحاولت تفك يده لاكن لم تقدر كانت يده مثل الكلابش حديد قالت ماسه بوجع : حمزه ارجوك سيب دراعي
حمزه قال : مين اللي كنتي بتكلمي انطقي انتي بتخونيني…
ماسه : بخونك …صدقني لو كنت قادره اضحك كنت ضحكت سيب دراعي يا حمزه احنا مش لوحدنا ممكن حد يدخل ويشوفك وانت ماسك دراعي بالمنظر ده وطبعا هيحصل مشكله وبتتكشف
حمزه : ردي عليا مين اللي كنتي بتكلمي انا مش هسيبك غير لما تقولي مين اللي كنتي بتكلمي
ماسه بوجه : حمزه دراعي بطل تضغط عليه ..
حمزه ضغط اكتر وقال : هفضل اضغط على لحد ما تقولي …
ماسه قالت بوجع : خلاص هقول سيب دراعي بقي بجد مش قادره من الوجع
حمزه ترك ذراع ماسه…ثم ماسه وضعت يدها علي ذراعها وكان حمزه ترك اثر على ذراعها وكانت تفرك بيدها بألم …
نظرت له بغضب وقالت : اللي بيشوفك وانت بتضغط علي دراعي اوي واللي يسمع كلامك هيفهم انك غيران عليا …
حمزه نظر لها وقال : ايوه غيران انطقي قولي بقي مين اللي كنتي بتكلمي
ماسه رفعت حاجبها وقالت : غيران غريبه ان اعرف اللي بيغيروا ده بيبقوا عندهم قلب انت بقي غيران ليه هو انت عندك قلب وله حاجه
وضعت يدها علي مكان قلبه وقالت : انت قلبك حجر استحاله يغير وله يحب …هو انت بتحبني يا حمزه
حمزه نظر لها ثم لمعت عيونه وشعر بضربات قلبه تتسارع بشده …
ماسه كملت بوجع وقالت : ندمان يا حمزه باللي عملته فيا بص في عيوني وقولي ندمان بتحبني غيران عليا خايف انك تخسرني في يوم….ههههه ساكت ليه ..
حمزه نظر لعيونها وقال : اناااا
سكت حمزه ومكملش وماسه ابتسمت بوجع وكسره
وقالت بدموع : عارفه انك مش هتقول حاجه لان اللي زيك معندهوش قلب يحب وله يغير وله يندم …بتمني من ربنا ان يخلصني منك وان اوجعك زي ماوجعتني وبأذن الله انا هثبت ليك الحقيقه كامله اللي متخبيه عنك انا عارفه بابا كويس جدا استحاله يأذي حد وله يأذي نمله حته ممكن يأذي في حاله واحده لو حد جه جمب عيلته ممكن يهد الدنيا كلها لو حد مس عيلته …انا ليا الشرف ان بكون بنته يا حمزه وهثبتلك قريب ان بابا ملوش اي ذنب انا عارفه ان كل شويه بقول نفس الكلام ولسه معملتيش حاجه بس انا عندي احساس ان ربنا هيظهر الحقيقه قريب ليا يا حمزه القيصري وساعتها انا هندمك علي كل لحظه اتألمت فيها واتذليت من واحد زيك ….هوجعك زي ما وجعتني أضعاف أضعاف وهتشوف ..
ماسه تقدمت خطويتين ثم رجعت مره اخري ولم تلتفت له وقالت : اللي كنت بكلمه طفل عمره ٧ سنين كان مريض قلب وانا عالجته وكان محجوز في المستشفى عندنا وكان بيكلمني كل فتره من تليفون والدته …
ألقت النظر علي حمزه ثم ذهبت وهي كانت تبكي والدموع علي وجنيتها …وحمزه بغضب ضرب يده علي رخامة المطبخ
وقال : عععععاااا هو انا …انا لازم افوق لازم اكمل في اللي بدائته اوعي يا حمزه تستسلم لقلبك اوعي تستسلم…
ثم شرد وتذكر حديثه هو واخته
“فلاااااااااش بااااااااااك ”
في ليله من الليالي كانت سالي أتت ألمانيا قبل فرح حمزه وماسه باسبوعين كان حمزه سافر المانيا عندما عرف ان سالي أتت لتراه ” حمزه توجه الي غرفه اخته سالي ثم فتحها ودخل وتقدم من سالي التي كانت تصلي العشاء ..حمزه جلس علي الفراش وكان ينظر لسالي لحد ما انتهت من الصلاة …
حمزه وقف وينظر لها قال : هو انتي بتصلي يا سالي
سالي كانت ترتدي إسدال فضفاض وجميل عليه
قالت سالي : اه بصلي اي السؤال ده يا حمزه
حمزه : ده من امتي
سالي : الحمدلله ربنا هداني عبقالك لما ربنا يهديك عن اللي هتعمله في البنت اللي عمال تضحك عليها
حمزه : سالي انا مش جاي ليكي عشان اسمع حاجه عن الموضوع ده …
سالي : حمزه اسمعني يا حبيبي صدقني البنت ملهاش ذنب وله حته باباها ..
حمزه : نعم ازاي يعني باباها ملهوش ذنب كل الللي احنا في من وراه ابوها الحقير اللي تسبب في موت امنا وابونا بقي مشلول ..
سالي جلست بجانبه : تمام انا همشي معاك واحده واحده اولا امنا كانت بأيديها تعيش وتنسي ابوه البنت هو من امتي الحب بقي بالعافيه امنا هي اللي كانت انانيه مش بتفكر غير في نفسها لا فكرت فينا ولا فكرت في بابا اللي عاش طول عمره بيتذل من فيروز هانم انا اه كنت صغيره جدا بس فكره كل حاجه امنا لو كانت عاوزه تعيش كانت هتعيش وهتتعالج من الكنسر ياما ناس ربنا شفاهم وتعافوا بس هي استسلمت ….وبابا اتشل بسبب امنا من الزعل عليها
فكر يا حمزه كويس صدقني انت هتدفع تمن كل حاجه وانا حاسه لا انا متأكده انك حبيت البنت دي انسي ياحمزه وفكر في نفسك وسيبك بقي من تيتا اللي عمري ماهنسي ذلها لبابا واللي كانت بتعمله في ….وساره ماشيه زي الهبله وراه تيتا …صدقني ياحمزه ماحد هيدفع التمن غيرك البنت ابوها لو عرف انت بتكون مين مش هيسيبك وانا وانت عارفين كويس ان جاسر الحديدي لو حد مس عيلته بيعمل اي فيه ممكن يقتلك والله وانا مش عاوزه اخسرك ابوس ايدك ارجع عن اللي هتعمله ….
حمزه نظر لها ثم بدأ يفكر في كلام سالي وقام وذهب
بااااااااااااااااااااك
حمزه فاق من شروده علي يد احد موضوعه علي كتفه اتخض حمزه والتفتت رأه جاسر الحديدي
جاسر : انت واقف بتعمل عندك اي
حمزه نظر له وقال : كنت بشرب في حاجه
جاسر : وشربت
حمزه : ااااه…بعد اذنك
جاسر بقرف : اذنك معاك يا خويا
حمزه خرج وهو يفكر يتراجع ام يكمل في موضوع الانتقام …
جاسر قال : الواد ده شبه من حد اعرفه بس هموت واعرف مين مسيري هعرف مين …
ذهب جاسر من المطبخ وتوجه الي خارج القصر وركب سيارته وذهب…
💙💙💙💙💙💙💙
💙💙💙💙💙💙💙💙💙
في تركيا 🇹🇷 نذهب الي فيلا اللورد كانوا رجعوا من المشفي وكل واحد دخل الي غرفه ليرتاح ….واللورد كان ذهب الي غرفته وبدأ يقلع قميصه ورماه علي الارض وقلع حزام البنطلون ولسه بيقلع البنطلون عشق كانت دخلت وعندما رأته عاري الصدر وضعت يدها علي عيونها ..وقالت : لو سمحت البس حاجه
اللورد : أظن انك في اوضتي خير جايه ليه
عشق زالت يدها وقالت بتحدي : جايه اقولك ان انهارده انا مش خايفه منك ..
اللورد : مش خايفه طيب روحي من هنا عشان انا عاوز انام ..
كان اللورد أدار ضهره وتوجه الي غرفه الملابس ليبدل ملابسه ثم بعد فتره خرج من غرفه الملابس ورأي ان عشق مازالت في الغرفه….
عشق : صدقني يا اللورد انا ممكن أذي اختك واوجعك عليها زي ما انت وجعت اهلي عليا ..
اللورد ذهب لها ووقف امامها وقال : نعم …
عشق : انا دكتوره ممكن بكل سهوله اسم*م اختك وامو*تها هي والبيبي الي في بطنها .
ابتسم اللورد وقال : بتهدديني يعني
عشق قالت بثقه : اه لو خلتني ارجع لعيلتي مش هاجي جمب اختك وله أذيها ولو مرجعتنيش هأذي اختك واوجعك عليها …
اللورد : طيب أذي اختي عشان أذي عيلتك مش عارفه الحظ وحش معاكي ليه تخيلي ان انهارده عيلتك كلها موجوده بقصر النمر ييعني بردو لو بعت حد ويولع في القصر او يضرب نار او مثلا قنبله نوويه تفجر القصر …..لاااا مش هعمل كدا…..او مثلا اخوكي وباباكي مش موجدين بالقصر امممم ياتري ممكن تعمل اي يا اللورد ااااه بالنسبه لنمر بعد الشر يعني يكون وهو ماشي في الطريق دلوقتي يلاقي تريلا جايه من جمبه ولخبطه وينتقل الي رحمة الله….اووو اخوكي اوس وهو ماشي بردو في الطريق توقفوا عربيه يبقي في رجاله يعملوا خناقه ويلهوا واحد من رجالتي يحط لي كيس مخدرات في جيبه من غير ما ياخد باله في يروح في داهيه ويتقبض عليه وكدا يبقي مستقبله راح …..او مثلا
صرخت عشق ووضعت يدها علي اذنها لان لم تسمعه
وقالت : بسسسسس كفايه حرام عليك …..انت مش ممكن تكون انسان ازاي انسان يبقي كدا انت معندكش قلب يا أخي…..
اللورد : قولتلك قبل كده ان اللورد عمره ما يتهدد هو بس اللي يهدد……يلا روحي نامي
عشق نظرت له بكره ثم رفعت حرف البلوزه وطلعت خن*جر 🗡 ثم فتحته ثم وجهته علي معصم يدها …
عشق بانهيار : والله ا*قتل نفسي انا عاوزه ارجع لعيلتي انا خلاص مبقتش قادره ابعد عنهم اكتر من كدة …
اللورد ببرود : ا*قتلي نفسك وانا مالي
عشق : بجد هق*تل نفسي
اللورد نظر لها ثم قال : منتظر…
اتغاظت بشده ثم ركضتت بغيظ إتجاه وضربت الخن*جر في جمبه بقوه ثم أخرجت الخنجر من جسده وتركته
واتصدمت وقالت : اااانا لاااا مره تانيه بعملها لااا اا
💙💙💙💙💙💙💙💙
💙💙💙💙💙💙💙💙
وذهبت الي غرفه روح ودخلت الي الداخل ورأت روح كانت تبكي وديما كانت قاعده وبتواسيها …
سيلا قالت بغضب : ديما قومي اخرجي لبره عاوزه اتكلم مع خالتك شويه ..
ديما قامت وتوجهت الي الباب وخرجت ثم وقف لتسمع حديث والدتها لروح …
سيلا بغضب جذبت روح من ذراعها وقالت : اقسم بالله يا روح لو منزلتي معايا دلوقتي وقولتي انك موافقه علي الجوازه ليومك مش هيعدي معايا هو انتي حكايتك اي بظبط ….انا عاوزه اعرف ليه مش عاوزه تتجوزي انا بقيت اشك بنت انتي هو في حد قرب منك وله ل….
سيلا قطعتها وزقتها بغضب…..
وقالت بصراخ : هي حصلت يا بنت امي وابويا بتشكي في شرفي انتي اتجننتي ….انا مش عاوزه اتجوز واحد مش بحبه عاوزه اعيش قصه حب زي اي بنت بتعاشها ده من حقي اشمعني انتي اتجوزتي عن حب تفتكري لو انتي بدالي كنتي هترضي تتجوزي بالطريقه اللي عاوزه تجوزيهالي دي طبعا مكنتيش هتوافقي …ليه يا سيلا بتعملي فيا كده ده يا شيخه الغريب ابيه نديم بيبقي حنين عليا اكتر منك دايما انتي قاسيا عليه ومش محتواني …..بس انا هريحك يا سيلا مني وهوافق علي الجوازه دي بس انا طول عمري مش هسامحك علي كل حاجه ….اخرجي هظبط الميكب وهنزل….
سيلا قالت : يا بنتي والله أنا عاوزه مصلحتك.
روح بتريقه : مصلحتي وله مصلحتك انا عارفه انه انتي باصه للفلوس انا فاهمكي كويس يا سيلا ..اتفضلي بقي روحي عشان عاوزه اتزفت اظبط نفسي …
سيلا نظرت لها بغيظ وقالت : ماشي خمس دقايق وتنزلي …
سيلا فتحت الباب ورأت ديما قالت : انتي واقفه عندك بتعملي اي
ديما بتوتر : اا بابا قالي اجي اندهلك
سيلا : ماشي نازله ادخلي لخالتك وظبطي ليها الميكب ..
ديما نظرت لها وسكتت وسيلا قالت : بتبصيلي مدا لي يا بنت انتي …
ديما : مفيش خايفه يا ماما تعملي معايا وي ما بتعملي في خالتو وتجوزيني غصب عني
سيلا : اوووف انا مش ناقصه دراما انتي كمان انا نازله
نزلت سيلا وديما دخلت الي الغرفه وسيلا كانت بتبكي
ديما قربت وقالت : خالتو متزعليش من ماما هي بس عاوزة تفرح بيكي
روح : تفرح بيا وله تبيعني للاسمه قيس ده …
ديما قالت : انا لو بأيدي اعمل حاجه كنت عملت بس ماما مصره تجوزك لي ومعرفش ليه ما انتي بترفضي عرسان كتير اه بردو بتفضل تزعلك وبتسكت لاكن المره دي مصره انك تتجوزي لي استاذ بعبع ده والله اول مت دخل وانا خفت ده كشري وشكله وحش وبيخوف اوي
روح ابتسمت وقالت : بعبع والله ضحكتيني يا ديما وانا مش عاوزه اضحك …
ديما ضحكت وقال : ايوه كده يا خالتو اضحكي وخلي الشمس تنور ….
روح : ايامي اللي جايه للأسف مش هتبقي فيها نور وله شمس ..
ديما : ليه بس يا خالتو بتقولي كدا ….والله أنا عندي احساس ان عم بعبع ده هيعيشك قصه حب وله في الخيال ..
تنهدت روح وقالت : يلا يا ديما ننزل …
نزلوا روح و ديما وجلسوا وكانت روح تنظر الي قيس الذي كان جالس في المقعد مقابل لمقعدها وهو الاخر كان ينظر لها…
ملك همست لروح : روح هو انتي كويسه ..
روح : ياريتني ما كنت لجأت وخليتك تجيبي ليا شغل كله بسببك انتي
ملك : كله من لسانك انتى اللي زودتها معاه ده رجاله بشنبات معملتش اللي عملتي …
نديم : روح هسألك اخر مره موافقه تتجوزي من استاذ قيس وله لا …
روح نظرت لسيلا رأتها كانت تبرق لها …
قالت روح بحزن : موافقه يا ابيه …..
•تابع الفصل التالي "رواية غرام النمر الجزء الثاني 2" اضغط على اسم الرواية