رواية امل الحياة الجزء الثاني 2 "عشق التميم " الفصل الثامن والعشرون 28 - بقلم يارا عبد العزيز
الفصل الثامن و العشرون
بصلها بخوف شديد و حس ان قلبه هينخلع من مكانه من الخوف
ضغط على العربيه باقصى سرعه و وصل المستشفى في رقم قياسي
شالها بسرعه و دخل بيها المستشفى بتاعته
جريوا عليه الممرضين بالتروالي
اتكلم عدي بغضب و خوف
= جهزوا غرفه العمليات بسررعه
دخلوا بتيا بسرعه غرفه العمليات
كان بيبصلها و جسمه كله بيترعش بخوف
بصلها بدموع و ضربات قلبه بتزيد
فضل ما يقرب الساعتين لحد اما اخلص
بص للطفل اللي عمره خمس شهور اللي نزل ميـ.ت و خده من الممرضه و فضل يبكي تحت نظرات كل الموجودين
اتكلم الدكتور اللي معاه
= عدي عايزينه هاته هديه للممرضه
مسك في الحيطه و اتكلم ببكاء
= ما.ت
معرفتش الحقه
بلحق ناس كتير و معرفتش الحق ابني
الدكتور بحزن
= ربنا يعوض عليك
المهم ان مراتك كويسه دي نجت بمعجزه و انت عارف
وضع الجنين في ايد الممرضه و بص لتيا و اتكلم بدموع
= تيا
انتي سامعني
لو سامعني حركي ايديك
نقلتها الممرضه غرفه الافاقه و عدي رفض يسيبها فضل قاعد جانبها بلبس العمليات
اتكلم بدموع
= انا السبب خسرتي كتير اوي بسببي
انا مستاهلكيش لا انتي و لا ادم
مستاهلش اي حد فيكم
كل اللي بيحصل بسببي
انا اتعاقبت جامد اوي الشعور اللي حسيت بيه من شويه لما شالته على ايدي و هو مفيهوش الروح
اكتر شعور مؤلم حسيت بيه في عمري كله
و مش قادر اشوفك كدا
خلع لبس التعقيم بتاعه و قعد جانبها على السرير و مسك ايديها بعد ما عقمها كويس
بدأت تفوق تدريجياً حس بحركة ايديها في ايديه
بصلها بلهفه و اتكلم بحنان
= تيا
حبيبتي سامعني
اتكلمت بدموع و هي بتحط ايديها على بطنها و حس بالم
= نز.ل صح
كملت و هي بتحط راسها على رجله و بتمسك في هدومه
= نزل انا معرفتش احافظ عليه
كلهم كانوا بيقولولي بلاش تضغطي على نفسك و انا مفكرتش فيه انا السبب
اتعدلت بالم و د.فنت وشها في صدره و اتكلمت ببكاء
= عايزه اشوفه
هاته هنا عايزه اشوفه بس بصه اخيره ارجوك
اتكلم بدموع و هو بيربط على ضهرها بحنان
= بابا جيه خده
هتلاقيهم بيد.فنوه دلوقتي
اتكلمت بغضب مفرط و بكاء
= لا انت كدا.ب مش هتلحقوا تخرجوه بالسرعه دي
ارجوك خليني اشوفه
دقيقه واحده بس
انت شوفتوه صح
شبه مين شبهك و لا شبهي
طب ايه اللي كان متكون فيه
اتكلم ببكاء و هو بيضمها ليه اكتر
= مش هينفع حالتك النفسيه مش هتسمح انا ما صدقت انك بقيتي كويسه لو شوفتيه هتدخلي في صدمه و هتروح مني
ابو.س ايديك كفايه خلاص مش هيفيد حاجه لو شوفتيه
اتكلمت ببكاء و غضب مفرط
= بقولك عايزه اشوفه
من حقي اشوفه انا والدته و عايزه اشوف ابنيي يا دكتور
ضغط على الزرار اللي جانبه
دخلت الممرضات الاوضه
اتكلم بامر و حده
= هاتي حقنه مهدئه و اديهلها بسرعه يلااا
حضرت الممرضه الحقنه و كانت لسه هتديها لتيا
اتكلمت تيا بغضب
= اوعي سابني انا عايزه اشوف ابنيي
ابعدي عنييي
عدي بحده
= استني سبيها خلاص سبيها
هاتي الولد هنا
خرجت الممرضه
اتكلم عدي بدموع
= اوعديني مش هتعملي حاجه عشانك و الله و انا هجيبه
اتكلمت و هي بتمسح دموعها و صوتها متحشرج من العياط
= ماشي انا كويسه اهو مش هعمل حاجه خالص
دخلت الممرضة بالطفل و ادته لتيا
بصتله بدموع و مقدرتش تتحكم في نفسها لتبكي بقوه و هي شايله و ايديها بتترعش
اتكلم عدي بدموع
= راح للاحسن مني و منك دا نصيبه صح و احنا لازم نرضى المهم انك كويسه
خديت الممرضه منها الطفل لتبكي تيا بقوه اكبر و هي ماسكه في عدي بقوه
دخلت الممرضة و ادتها مهدئ لحد اما سكنت في حضن عدي
في شقه لميس
كان قاعد تميم في الاوضه
اتكلمت لميس برقه
= بقولك ايه انا جعان ما تطلب اكل
تميم بخبث
= قومي انتي بس خدي شاور و انا هظبط كل حاجه
هزيت لميس راسها بحب
بمجرد ما دخلت مسك تميم اللاب بتاعها و حط فيه فلاشه و هو بينزل عليها كل المعلومات اللي عايزاها
ابتسم و اتكلم بغضب
= ااااه يولاد الـ*******
نهايتكم على ايدي
حس بلميس بتخرج من الحمام
حط اللاب بسرعه مكانها و بصلها و ابتسم بمكر
في المساء
في الادراه
وصل تميم الادراه و دخل مكتب سياده اللوا
اتكلم بفخر و هو بيحط الفلاشه قدامه
= كدا معانا اسامي كل الشركاء اللي برا و معياد و مكان تسليم العمليه اللي جايه ناقص بس نمسكهم مُتلبسين
بقلمي يارا عبدالعزيز
خيري بفخر
= عفارم عليك يتميم
تربيه ريان النصراوي بصحيح
كلها ايام و مهمتك هتخلص و نرتاح
هز تميم راسه ببأبتسامه و هو بيفتكر رحيل
= طب انا في مكتبي هخلص شويه حاجات و همشي
قال كلامه و مشي بهدوء
دخل مكتبه و رن على رحيل من رقم تاني غير رقمه
رديت رحيل و اتكلمت بهدوء
= الو
تميم و هو بيتصنع الارهاق
= الو رحيل انا تعبان اوي مش قادر جسمي سخن على الاخر و مش قادر اتحرك
اتكلمت بخوف
= هكلم طنط حالا و اقولها تيجي
انت فين
تميم بلهفه
= لا بلاش ماما انتي عارفه هي بتخاف لما حد فينا بيتعب
و بابا كمان دلوقتي في الشغل
تعالي انتي هكلم دلوقتي السواق و هو هياخدك على العنوان اللي انا فيه
اتكلمت بهدوء
= بس انا
قاطعها و هو بيتكلم بتعب مصطنع
= اااه مش قادر يا رحيل
مش عارف حتى اقوم اعملي حاجه اكلها
اتكلمت بخوف شديد
= خلاص انا هاجي
جايه بسرعه بس حاول تستريح ماشي
قالت كلامها و قامت لبست بسرعه
متجاهل تماما كل اللي عامله كان كل اللي في دماغها تعبه
نزلت لاقيت السواق ركبت معاه و وصلوا قدام العماره
اتكلم السواق باحترام
= الدور الخامس يهانم
نزلت رحيل بسرعه و ركبت الاسانسير
اتكلمت بحزن و الم
= معقول تكون دي شقته هو و مراته
بس هي لو معاه ايه اللي هيخليه يكلمني
طب مكلمهاش هي ليه!
رحيل انتي خلاص وصلتي و هو كان صوته تعبان اوي اكيد مش معاه لو لاقتيها أضر.بيه و امشي
وصلت قدام باب الشقه
خبطت على الباب بتردد شديد
لاقته بيفتحلها بسرعه و بيسند بايديه على الحيط
اتكلمت بخوف
= مالك فيه ايه!
حطيت ايديها على جبينه و اتكلمت باستغراب
= انت مش سخن و لا حاجه
اومال مالك
اتكلم و هو بيتصنع التعب
= مش عارف يمكن سخونيه داخليه و لا حاجه
رحيل بخوف شديد
= دا كدا ابشع
طب تعال كدا
تعال استريح
قعد على الكنبه بارهاق
اتكلمت بخوف
= نروح المستشفى احسن
هز راسه بالنفي و اتكلم بلهفه و هو بيقوم
= لا مفيش داعي
بصتله بغضب و اتكلمت بحده
= انت متأكد انك تعبان!
تميم و هو بيتصنع الارهاق
= و انا هكذب ليه بس
تعالي هنا جانبي كدا
رحيل بدموع
= مش هينفع خلي تعاملنا من بعيد احسن
متنساش اننا اطلقنا
اتنفس بغضب و اتكلم بهدوء منافي تماما للغضب اللي جواه
= اااه
طب تعالي اطمن على ابني
اتكلمت بحده
= زي الفل متقلقش عليه
انت شكلك بتمثل لانك زي الفل انا همشي
كانت لسه هتشمي بس وقف قدامها و اتكلم بعشق
= هو انا موحشتكيش!
اتكلمت بدموع
= و توحشني بمناسبه ايه
تميم احنا خلاص انتهنا
كملت و هي بتبص للشقه
= انت عايش معاها هنا صح انا همشي دلوقتي لو عايز حد ياخد باله منك رن عليها احسن هي اولى بيك
هي اللي مراتك مش انا
يلا انا همشي
مسك ايديها و شدها عليه اتكلم بحده
= بس انا مقولتش انك تمشي
رحيل بحده و هي بتحاول تبعد ايديها عنه
= انت اصلا ملكش اي حق في انك تقعدني غصبن عني
انا اللي غلطانه اني جيت من الاول و سيب ايدي لو سمحت ميصحش كدا
تميم بغضب
= هو ايه اللي ميصحش متعصبنيش عليكي
بعدت عنه بصعوبه و اتكلمت بعصبية
= تميم احنا مش متجوزين
يعني لما تتكلم معايا تتكلم بحدود و تسيب مسافه ما بيني و بينك و متقربش مني
انا ااه في عدتك لحد اما البيبي يتولد بس مش مراتك و حط دا في دماغك عشان تتعامل على اساسه
تميم بدموع
= خلاص هسيب مسافه و مش هعمل اي حاجه تضايقك
بس ممكن تعقدي انا بجد محتاجك
انا مش عارف اكل و لا انام من التفكير فيكي
خليكي جانبي بس لحد اما انام
دا انا حتى ابو ابنك
اتنهدت بقله حيله و اتكلمت بعصبيه
= هو انت فاهم نفسك!
لو انت فاهم بجد فهمني عشان انا مبقتش فاهمه اي حاجه
هو مش انت اللي روحت و خونتني
مش انا البنت اللي اتجوزتها لسبب و بعدين هطلقها و انك عمرك ما حبتني
هو مش دا كلامك!
ما ترددد عليا انطققق
انت عايز تتملكني و خلاص مش مهم انا و مشاعري بالنسبالك
بقلمي يارا عبدالعزيز
كانت بتتمنى انها تسمع منه كلام منافي للكلام اللي قاله لي لميس
فضلت باصله و مستنياه ينطق باي حاجه بس متكلمش
مسحت دموعها و هزيت راسها بالايجاب
= تمام يا تميم
انا هراعي انك ابو اللي في بطني و انك عملت كتير عشاني و هعقد جانبك لحد اما تنام زي ما انت عايز
هدخل احضرلك العشا
قالت كلامها و دخلت المطبخ تحت نظرات الالم الشديد منه
قعد على الكنبه و غمض عيونه و هو بيفتكر لما راح المسجد بعد ما طلقها
_Flash back_
كان قاعد في المسجد و بيبكي زي الاطفال
راح عنده شيخ كبير و حط ايديه على رجله و اتكلم بهدوء
= اهدا يبني مفيش زعل بيدوم
تميم بدموع
= انهارده خلعت قلبي من مكانه حاسس ان نفسي و روحي بينسحبوا مني
كل حاجه برا طاقتي
الشيخ بهدوء
= مفيش اي حاجه ربنا بيحطنا فيها بتكون برا طاقتنا
لا يكلف الله نفسا إلا وسعها
ربنا لو عارف ان اللي انت فيه دا كبير عليك مكنش حاطك فيه
انا سامعك احكيلي يمكن اقدر اخفف عنك
تميم بدموع
= طلقت مراتي بس غصبن عني مكنتش عايز اعمل كدا
بس عشانها و عشان احميها من انها تتأ.ذي بسببي اضطريت اني اعمل كدا
الشيخ ببأبتسامه
= بتحبها اوي كدا
طب قولي هي بتحبك عايزاك يعني و لا عايشه معاك غصبن عني
تميم بهدوء
= حصل شويه حاجات ما بينا خلاتها تزعل مني
بس هي بتحبني و عايزني بس خلاص كل حاجه بينا انتهت
الشيخ ببأبتسامه
= لا منتهتش
ربك حاطلنا لكل حاجه في حياتنا حلول
حاطلنا كتاب بيحكمنا
و انت ليك كل الحق ترجعها و دلوقتي حالا و من غير ما تقولها
رجعها و لما تحل مشاكلك قولها و هي بما انها بتحبك هترضى
تميم بصله بفرحه و اتكلم بامل
= بجد!
يعني عادي و ترجع مراتي صح
هز الشيخ راسه بالايجاب و هو بيبتسم
اتكلم تميم بفرحه كبيره
= شكرا انت مش عارف انت عملتلي ايه
شكراً
مشي بسرعه و راح للماذون عشان يعرف ايه المطلوب انه يعمله و رجعها و بعدين راح شقته
_back_
اتنفس بعمق و دخل المطبخ و هو بيبصلها بعشق
وقف وراها و حاوط خصرها
تأوه بالم شديد لما حطيت براد المياه الساخن على ايديه
اتكلم بالم و هو بيبعد
= اااه
اتكلمت بحده
= لو جربت مره تانيه تقرب مني همشي و اسيبك يا تميم
ابتسم بعشق و هو ماسك ايديه
= احنا فينا من كدا!
طب على فكره انتي حرقتـ.ني
بصيت لايديه و مسكتها بسرعه و حطيت عليها قطعه تلج من الڤريزر
اتكلمت بدموع
= انا اسفه و الله
انت اللي بتعمل حاجات متنفعش
بصلها بحب و اتكلم بهمس
= انتي مبقتيش طايقه قربي!
مبقتيش عايزيني خلاص كدا
جريت بسرعه و جابت علبه الاسعافات و حطتله مرهم للحروق
اتكلمت بدموع
= حقك عليا
دي علمت اوي
بتوجعك اوي صح المرهم هيخفف الالم دلوقتي
تميم بهدوء
= رحيل انا بكلمك
سيبك من ايدي انتي بجد مبقتيش عايزيني
سابت ايديه و فردتها على تربيزه السفره و هي بتقعده
= و هيفيد بي ايه
حتى لو عايزاك مينفعش
انا خلصت الاكل
كُل يلا و حاول تنام
حطيت الاكل قدامه على السفره تحت نظرات الابتسامه و الحب منه
بصتله بحب و هو بياكل و اتكلمت بدموع
= هو انا ممكن امشي
قول للسواق يجي ياخدني عشان مش هلاقي تاكسي دلوقتي الوقت اتأخر
اعمل متابعه لصفحه يارا عبدالعزيز لو عايز باقي الرواية
كان لسه هيتكلم بس قاطعته و هي بتتكلم بترجي
= ارجوك يا تميم
انت مستريح بس انا بتوجع و مش هقدر اتكلم و اوضح اكتر من كدا لو سمحت رن عليه خلي السواق يجي ياخدني
اتنهد بعمق و اتكلم بحنان
= ماشي
انا هوصلك عشان عايز بابا في موضوع يلا
هزيت راسها بهدوء و مشيوا للقصر
بعد مرور اسبوعين
و بالتحديد في المستشفى
كانت تيا حالتها بتتحسن تدريجياً بس حالتها النفسية بتسوء
رندا و مليكه و عدي و محمود مسبهوش
و خصوصاً عدي اللي ساب المستشفى و كل حاجه و كان قاعد جانبها الاربعه و عشرين ساعه
كانوا قاعدين في الاوضه لوحدهم
اتكلمت بارهاق
= هو انا مش هخرج من هنا!
ما تكتبلي على خروج حاسه اني مش طايقه المكان بقالي اسبوعين مش كفايه
بقلمي يارا عبدالعزيز
ملس على شعرها بحنان و اتكلم بحب
= حاضر هعمل كل اللي انتي عايزاه بس انتي اهدي ماشي
كمل كلامه و هو بيمسك ايديها
= هو اللي حصل نهايه العالم هممم
انا و انتي موجودين و نعوضه عادي ما احنا اتصالحنا بقى
ابتسمت بقله حيلة
اتكلم بحنان و حب
= على فكره انتي قولتلي انا صالحتك
مترجعيش في كلامك
حطيت راسها على صدره و اتكلمت بهمس
= شكرا عشان مسبتنيش و فضلت جانبي
حتى من قبل اللي حصل لما قولتلك ابعد عني مكنتش بتسبني لدماغي و فضلت جانبي
اللي حصلي عرفني أن مفيش اي حاجه في الدنيا مستاهله نزعل عشانها
كنت خايفه اسيبك انت و ادم عرفت وقتها أن مهما حصل انا مش هقدر ابعد عنك أو اكرهك
عارف اللي زعلني منك ان دا مكنش عشمي فيك
مكنتش مفكره اني ممكن اهون عليك اوي كدا لدرجه انك ترمني بالطريقه دي و تبعد عني سنتين و انك تشك في نسب ادم ليك
كان لسه هيتكلم بس قاطعته و هي بتهز راسها بالنفي
= مش بقولك كدا عشان تبرر
انا عارفه كل الكلام اللي انت هتقوله و عارفه شعورك وقتها و مقدراه
انا بس بحكيلك اللي جوايا عشان ميكونش فيه جوايا اي حزن من ناحيتك
انا عايزه نبدأ من جديد و ننسى كل اللي فات مش عايزة افتكره ممكن
قبـ.ل ايديها بعمق و هو بيبص لعينيها بعشق
اتكلم بفرحه كبيره
= هكتبلك على خروج حالا
هنسافر و نعوض كل اللي فاتنا
اتكلمت ببأبتسامه
= طب و ادم
اتكلم بمرح و هو بيضمها ليه اكتر
= ماما هتاخد بالها منه
متخافيش عليه
في ڤيله اسر
دخل البيت و لاقى فريده قاعده و باين عليها الخوف
قعد جانبها و اتكلم بحنان
= هتفضلي خايفه لحد امتى!
اتكلمت برقه
= لحد اما تطلع و اشوفها و اطمن على نتيجتي
اسر بحنان
= يحبيبتى هتطلع و هتجيبي احسن مجموع انتي تعبتي و ايا كان اللي هتجبيه هفضل فخور بيكي
هزيت راسها بهدوء و حاوطت خده بايديها
اتكلمت برقه
= شكلك مرهق اوي
هنزل اجبلك العشا
كانت لسه هتمشي بس مسك ايديها و قعدها على رجله
اتكلم بعشق
= وحشتني
خليكي هنا انا عايزاك انتي مش عايز اكل
دفـ.نت وشها في صدره بخجل و مسكت هدومه
ابتسم بعشق على خجلها و د.فن وشه في عنقها و هو بيستنشق ريحتها بعمق
كان لسه هيقرب من شفايفها بس قاطعه هاتفه اللي رن
اتنهد بغضب اما هي فبصتله بخجل مفرط و اتكلمت برقه
= مش هترد!
رن تاني رد احسن
اتكلم بحده و هو بيبص للفون
= دا بابا
اكيد هيسمعني نفس الاسطوانه بتاعت كل يوم مش هرد
اتكلمت فريده برقه و هي بتحرك أيديها على خده
= لا يحبيبي رد
دا رن كذا مره ممكن يبقى فيه حاجه مهمه
اتكلم بهدوء
= صدقيني انتي دا ابويا و انا عارفه هيقول نفس الكلام
قال كلامه و قبـ.ل عنقها بعشق
و ضمها لصدره بحنان و كانها قطعه زجاج هش يخاف كسره
اتكلمت برقه
= عملت ايه انهاردة بقى
كان لسه هيتكلم بس الفون رن تاني
اتنفس بغضب و خد الفون و رد عليه
= ايوا يا بابا
اتنفض من مكانه و اتكلم بخوف شديد
= بتقول ايه!
طب انا جاي مسافه الطريق و هكون عندك
في الجبل
كان واقف تميم و ماسك في ايديه التلسكوب
اتكلم واحد من الظابط
= نهجم يباشا
تميم بحده
= لما اقولك الاول
استنى شويه لما البضاعه اللي معاهم تظهر
فضل يبصلهم لحد اما بداوا يسلموا البضاعة
مشي بسرعه و هو بيتحرك ورا الصخور و وراه العساكر
اتكلم بغضب و هو بيوجه مسد.سه ناحيتهم
= اقف مكانك انت و هو
صدرلي الاسلـ.حه دي و خدهم كلهم يلاااا
ضر.بوا نا.ر عليهم
استخبوا العساكر ورا الصخور و ضر.بوا نا.ر
ما.ت بعض العساكر و معاهم بعض المجرمين
طلع تميم من ورا الصخره و ضر.ب نا.ر و لسوء حظه جيه حد من وراه و ضر.به طلقه في دراعه
اتكلم الظابط بخوف
= انت كويس يفندم
تميم مسك ايديه بالم
خد منديل قماش من جيبه و ربطه مكان الجر.ح و كمل اللي بيعمله
فضل يضر.ب لحد اما المجرمين استسلموا
خدهم واحد ورا التاني على البوكس
اتكلم الظابط بخوف
= انا هكلم الاسعاف يباشا لازم تروح المستشفى
تميم بالم
= مش قبل ما ادخلهم الحبس بايدي
انت مش عارف الناس دول كلفوني اد ايه
المهم ابعت قوه دلوقتي على بيت لميس شريف بسرعه
قال كلامه و ركب البوكس و طلعوا على القسم
راح المستشفى بعد اصرار اللوا خيري عليه
طلعوا منه الرصا.صه اللي كانت سطحيه و خيطوا جر.حه
كان في غرفه العمليات تحت تأثير البنج و مش شايف قدامه غير رحيل
خرجوه من غرفه العمليات و نقلوه غرفه عاديه
فاق بعد حوالي ساعه و كان ريان جانبه
اتكلم ريان بخوف
= تميم انت كويس
هز تميم راسه بالايجاب و اتكلم بهدوء
= عايز اروح من هنا يا بابا
مش هقدر ابعد ثانيه كمان عنها
فضلت شغال على المهمه دي بقالي شهور و مش بنام عشان ارجعلها
خلاص طاقتي كلها خلصت انا كويس قولهم يكتبولي على خروج
ريان بحنان
= هنفضل هنا بس انهارده نطمن عليك و بعدين هنروح
انا مقولتش لاي حد في البيت عشان ميخافوش عليك انت عارف والدتك
تميم بعصبيه
= يا بابا بقولك عايز امشي
انا و الله كويس
قال كلامه و شال المحلول من الكانيولا و قام
اتكلم ريان بخوف
= خلاص اسند عليا هنمشي دلوقتي يلا
اتكلم تميم بهدوء بعد ما شاف خوف ريان عليه
= و الله أنا كويس
يعني هي أول مره ما انت عارف شغلي متخافش عليا ابنك طالعالك
بقلمي يارا عبدالعزيز
بصله ريان بدموع و سنده و خرجوا من المستشفى
كانوا قاعدين كلهم في الريسبشن ما عدا رحيل و فارس
حياة اول اما شافت تميم داخل و في ايديه الحامل
اتكلمت بخوف شديد
= ايه اللي حصل
تميم ببأبتسامه
= اتصاوبت
متخافيش كانت سطحيه
أتكلمت بدموع و خوف شديد
= دا من امتى
و ازاي متقوليش يا ريان!
تميم بهدوء
= عشان مش مستاهله يا ماما و ادينا جانا اهو في نفس اليوم
طب شوفي نبضي و كل حاجه دلوقتي هتلاقيهم زي الفل
انا هطلع ارتاح عن اذنكم
حياة كانت لسه هتتكلم بس قاطعها ريان و هو بيتكلم بهدوء
= يحبيبتى كويس خلاص بقى سبيه يطلع يرتاح مراته فوق و هتاخد بالها منه
بصيت حياة لتميم و هزيت راسها بدموع
طلع تميم و دخل اوضته
كانت رحيل خارجه من الحمام
انصدمت بشده و خوف لما شافته كدا و
يُتبع...... بقلمي يارا عبدالعزيز
عايزيين تفاااعل جامد بقى
•تابع الفصل التالي "رواية امل الحياة الجزء الثاني 2" عشق التميم"اضغط على اسم الرواية