رواية غمرني بحبه الفصل الحادي و العشرون 21 - بقلم سحر

     

 رواية غمرني بحبه الفصل الحادي و العشرون 21 - بقلم سحر

  

*وجد كريم اتصال من زوجته الاولى تبلغه ان اولاده فادي وشادي سوف يصلون بعد بضعه ساعات لتمضيه الاجازه معه فشعر بالغضب الشديد وقبل ان يثور عليها كانت قد اغلقت الهاتف 

*وضعت سهر كف يدها على خده وقبلته

: انت زعلان ان ولادك جايين 

:تفتكري كده مساله انها تقول من باب العلم بالشيء هي عارفه انه بيضايقني و جايين كمان كم ساعه الفيلا مقفوله ومرتبتش اموري ... هقعد معاهم ازاي واسيبك ازاي

: وتسيبني ليه وفيلا ليه يقعدوا معانا هنا ولو ما استريحوش هنا تقدر تاخذهم وتقعد معاهم مكان ما تحب وهجيب ماما تقعد معايا

 :مش هسيبك 

:ده حقهم عليك وحقك انت كمان تقعد معاهم وتشبع منهم احنا ما صدقنا تبعتهم انت اتحايلت عليها كثير وكمان لما كنت بتبقى عايز تسافر تشوفهم كانت بتقول لك ان هم في كامب تبع المدرسه فما كنتش بتقدر تشوفهم وما شفتهمش من ساعه ما سافروا

: هتزعلي اني بعيد زي لما سبتك عند مامتك 

: انا كنت زعلانه لاننا كنا متخانقين لكن هشوفك في الشركه وده في حاله رفضهم يقعدوا هنا يلا قوم روح الشركه وحاول تظبط امورك تفضي نفسك شويه عشانهم 

:انت مش جايه النهارده

 :لا عايزه اعمل لهم اكل حلو واستقبلهم واشرف على غرفتهم ولا اجهز غرفتين

: لا هم طول عمرهم بيحبوا يقعدوا مع بعض زي التوام الملتصق

: هههههه خلاص انا هاهتم بكل حاجه بلاش تشغل نفسك 

: كويس ان ما فيش جلسه علاج طبيعي لك النهارده 

: دي من حسن حظهم

بقلمي سحر السحرتي 

*وصل الولدان واستقبلتهم سهر مرحبه بهم واحتضنتهم شعروا بحبها لهم الناتج من حبها لوالدهم 

*كان كريم سعيد بوجودهم وعودتهم وحاول ان يصلح ما افسده في السابق معهم 

*اقترحت سهر ان يسافر بهم يومين لكي يقضي اطول وقت معهم ويصلح علاقته بهم اكثر 

:من غيرك 

:اه وفيها ايه 

:ما اتعودتش تعالي معانا 

:خليني هنا عشان تعرف تنزل معاهم الميه وتتفسحوا وما تبقاش لاخم نفسك بيا 

:ارجوك يا سهر انت عارفه ما بقدرش اروح مكان من غيرك 

:طب لو جيت هقعد في الغرفه وانت انزل معاهم عشان خاطري 

:اللي تشوفيه المهم تبقي جنبي 

*غمر كريم وسهر الاولاد بالحب والاهتمام الكبير 

*قبل عوده الاولاد بعده ايام الى والدتهم اقترحت سهر عليهم

: ايه رايكم تفضلوا معانا وبلاش تسافروا 

:و دراستنا 

:ترجعوا تدرسوا هنا هنبقى مبسوطين قوي بيكم انتم خليتوا للبيت طعم وحياتنا بقت احلى 

*تفاجا كريم من اقتراحها ولكنه شعر بسعاده فهو يعلم انها تقصده ولم يكن مجرد مجامله

: بابي هو ينفع نفضل معاك

: لو تحبوا طبعا ينفع 

:ومامي مش هتعترض

 *ردت سهر قبل ان يتهور كريم 

:بابي ومامي بيحبوا يعملوا اللي في مصلحتكم ومش بيجبروكم على حاجه ايه رايكم

 :يعني هنرجع نعيش في الفيلا 

:لا انا بحب الشقه دي بنحس ببعض ونسهر سوا انما الفيلا غرفها بعيد عن بعض وكل واحد في حاله قلتوا ايه 

:طب ممكن نجرب نعيش هنا لو ما قدرناش نرجع لمامي 

:طبعا ولو عايزين تسافروا تشوفوها كل فتره ما فيش مانع

مش كده يا كريم

: اكيد عمري ما همنعكم عنها 

:خلاص يا بابي موافقين 

بقلمي سحر السحرتي 

*تحدث كريم مع زوجته التي غضبت وثارت لكن كريم فهم فيما تفكر وعرف انها لا تريد العوده فالاولاد كانوا حجتها للسفر 

:ما تخافيش مش هطلب منك ترجعي والفلوس هتوصل كانهم لسه معاكي اظن الوضع ده مريح لكل واحد فينا ولو تحبي تطلقي وبرده الفلوس توصل لغايه ما تتجوزي ما فيش عندي مشكله 

*وافقت زوجته على الطلاق على ان يدفع مبلغ مالي كبير مقدما 

*شعر كريم براحه نفسيه كبيره وهو يوقع على ورقه الطلاق منها 

*ثارت سهر و غضبت ولاول مره صوتها يعلو على كريم وسمع الاولاد صوتها

: انت مفكرني هبقى مبسوطه دلوقت الولاد يفكروا ان انا اللي خططت ابعدهم عنها 

*علا صوت كريم بدوره

: انت مش بتفهمي بقول لك هي اللي طلبت واخذت مبلغ كبير كمان هي هناك كانت رمياهم و بتخرج و تسيبهم و عايشه حياتها 

:ما تسيبها على ذمتك كانت ايه المشكله

: مش قادر تبقى على اسمي اكتر من كده خروجها و سهرها وشربها غير حاجات ثانيه انت ايه اللي مزعلك

: زعل الاولاد عليها هو اللي مزعلني هيفتكروا اني اخذتهم وبعدتهم وده كان اقتراحي بس والله حبيتهم وجودهم خلى البيت احلى 

*ضمها وقبل راسها 

:عارف عشان كده لما طلبت الطلاق نفذت انت هتعوضيهم انا متأكد 

*مرت الايام هادئه كانت سهر بين العمل وجلسات العلاج الطبيعي واستطاعت المشي بمساعده عكازين وكانت سعيده بهذا التقدم في العلاج لم تهمل الاولاد فقد كانوا من ضمن مسؤولياتها 

*اشتركت لكل واحد منهم في لعبه حسب قدراته وميوله واحضرت لهم محفظ قران وعلمتهم الصلاه 

*كانت كلما مرت الايام تعلق بها الاولاد اكثر وزاد كريم حبا لها

 *ها هو يمر عام ونصف بعد العمليه استطاعت سهر المشي وتواصل حياتها تحضر منافسات الاولاد و تلحقهم بمسابقه تلاوه القران 

*كان جميعهم سعيد بهذا التغيير الى ان جاء يوم كانت شارده الذهن

: مالك يا حبيبتي في ايه

: في حاجه عرفتها و خايفه من رد فعلك 

:اظن احنا عدينا مرحله الخوف وبقيت هادي معاكي وعصبيتي قلت بفضل صبرك عليا وحبك

: كريم لو مش مستعد انا ما فيش مشكله عندي انا والله كنت ملتزمه مش عارفه ايه اللي حصل

 *ضمها الى حضنه 

: اهدي ايه اللي حصل بس فهميني بالراحه وانا معاكي 

*سقطت عده دمعات واخرجت من جيبها جهاز صغير

: ايه ده مش فاهم

 :ده اختبار حمل 

:بيقول ايه 

:طلع ايجابي

: وزعلانه كل ده و بتعيطي اكيد من الفرحه 

:لا من الخوف

 :يا سهر انت لحد دلوقتي مش فاهماني ده اسعد يوم في حياتي 

:بجد انت مبسوط 

:من قبل العمليه طلبت منك 

:فكرتك بتقول كده وخلاص

: انت مش حاسه انا بحبك قد ايه ونفسي في حاجه تربطنا ببعض اكثر 

:طب والاولاد هيقولوا ايه

 :انت شايفه بيحبوك ازاي ده من حبهم بقوا بينادوا لك ماما 

:على قد ما انا مبسوطه على قد ما انا زعلانه عليهم مش عايزين يسافروا يزوروا مامتهم ابدا حاولت معاهم

 :انت ما عرفتيش هي عملت معاهم ايه اخر مره

: لا ما حدش فيهم رضي يحكي لي

 :قابلتهم في المطار وصلتهم البيت وسابتهم رجعت على ميعاد سفرهم ولا دقيقه زياده قضيتها معاهم 

:وانت عرفت منين

: انا مش سايب ولادي يا سهر من اول ما سافروا معاها وعندي اخبارهم

 :انت بتراقبهم 

:اسمها بطمن عليهم عمرهم ما كانوا هيحبوكي لو هي اهتمت بيهم نص اهتمامك

 :هتقول لهم على الحمل 

:لا

 :ليه 

:تيجي منك احسن

: ربنا يستر

*اخبرت سهر الاولاد فرح كليهما لكن بعد ذلك وجدت نظره حزن على وجه فادي 

:مالك يا حبيبي انت زعلان ليه

: لا يا ماما بس خايف 

:عارفه بس عمري اهتمامي بيكم ما هيقل  

*ضحكت وبعدين حان وقت تسديد الديون مين اللي هيشيل مني اللي جاي ده مسؤوليتكم انا هسيبكم تربوه اهو تتدربوا عشان لما تتجوزوا 

شادي: لا هو اللي زعلان انا فرحان وهقوم ارقص حتى شوفي 

*ضحكت :طب ايه رايك ما حدش هيغير له غيرك 

*قبل يدها: لا يا ماما والنبي شوفي حد غيري اسهر لك بيه ارضعه انما غيار ممكن ارجع على وشه

: ايه القرف ده اما نشوف هيطلع ايه لان لو بنت مش هينفع تغير لها 

:يا رب بنت

script>

: اه يا مجرم طب اجري على تمرينك واما ترجع تعالوا نختار الفيلا اللي هننقل فيها 

:بجد هننقل

: اه بابا مصر بس عايزاها صغيره والاوض جنب بعض

 فادي :انا عايز اوضه جيم

: كل اللي انت عايزه هنعمله 

*قبلت خده وخرجت

*بعد عده سنوات سمعت سهر صراخ شادي

: يا ماما تعالي شيلي الزفته سحر دي 

:عملت ايه

: دخلت اوضتي وكسرت المج بتاعي

: مش قلت لك اقفل الباب على طول

: انت مخلفه عفريته نطت من الشباك

: انت اللي اخترت اوضتك الشباك بيطل على الجنينه

 :غلطتي دلوقتي

 *امسك سحر من قدميها وراسها للاسفل اعمل فيك ايه دلوقتي 

سهر: حرام عليك كده اعدلها لا تقع على راسها

: انت ليه كسرتي المج بتاعي

*قالت بكل براءة وطفولة 

: حايسه اسلب انبو

 *شادي بغيظ وهو يحملها من ملابسها امام صدرها ويرجها

: ما انا لسه مشربك انبو

 *امسكت الصغيره وجهه بكفيها وقبلت انفه 

:كنت حايسه اسلب تهوه سيك

: اضحكي عليا بالبوسه بتاعتك دي انا بشرب قهوه عشان عندي مذاكره ثانويه عامه انت يا ام ثلاث سنين يا مقروضه عايزه قهوه ليه 

:بحبك يا سادي حايسة اسلب سيك

*قبلها من خدها بعنف 

:اه منك انت يا مفعوصه هخلص مذاكره واجي العب معاكي 

*وقلد طريقه كلامها 

:بس اساكر سويه سغننين 

*حملتها سهر 

:تعالي نقعد في الجنينه مع بابا شويه على ما شادي يخلص مذاكره

*ذهبت بها الى حيث يجلس كريم فقفزت من يدها الى حضن كريم

: سحورتي حبيبتي كنت مستخبيه فين 

:بطل تدلعها نطت من الشباك ودخلت على اوضه شادي وكسرت المج بتاعه

: حبيبه بابا كسري زي ما انت عايزه

: كريم هتبوظ البنت كفايه اخواتها مدلعينها 

:شادي وبيذاكر امال فادي راح فين  

 

:عند ماما قال هروح اقعد عند تيته اذاكر من دوشة بنتك هههههه شفت طفشت العيال

: بقى حبيبه بابا القمر دي تطفش حد 

: هههههه دي طفشتني انا شخصيا ده انا عايزه اروح زي فادي اقعد عند ماما واسيبها 

: وتفتكري فادي هيعرف يذاكر من ولاد اختك سمر 

:لا ما هي ماما قالت لها ما تجيش عشان فادي بيذاكر

: ازاي يعني مامتك قدرت تستغنى عن سمر وعيالها وقاعده مع فادي 

:هي اصلا بتحبه وهو مسليها ومش حاسه بدوشه زي عيال سمر وومهتميه بيه وبتعمل له كل الاكل اللي هو بيحبه .....وهو واكل عقلها قوي اكلك حلو يا تيتة .....الأكلة دي محدش في مصر بيطلعها مظبوطة زيك .... وينام على رجلها عشان تلعبله في شعره مسليها على الاخر

:الحمد لله انهم لقوا الحب والحنان هنا مش عارف من غيرك كانت حياتي هتبقى ازاي 

:كنت هتفضل مقضيها من هنا لهنا ولة نسيت

:يا رب انت اللي تنسي 

:بس تعرف انا مبسوطه ان انت ما سميتش سحر على اسمي لان كل شويه اخواتها عمالين يشتموها بسبب شقاوتها فكانت الشتيمه هتبقى موجهه ليا بشكل مباشر

: انا كان نفسي اسميها على اسمك بس انت اللي رفضتي فقلت اختار اسمها فرق بينك وبينها حرف من حبي فيك يا حبيبتي 

: اهي نامت الحمد لله نوم الظالم عباده هقوم يا حبيبي واسيبك بقى دلوقتي اعمل لشادي سندوتشات و قهوه علشان يعرف يذاكر

:ما تقوليش عليها كدة دى ظالمة دى دى العسل متجسد فيها

*ذهبت لتعد القهوه والسندوتشات لشادي و كريم كان يجلس في الحديقه فسمع صوت صراخها فاسرع ليرى ما حدث 

*وجدها غارقه في الدم -اء وسك -ينه مغ- روزه في بطنها 

*صرخ ونادى على الامن حد يجيب اسعاف بسرعه

*قالت وهي تلفظ أنفاسها الأخيرة 

: بحبك يا كريم خلى بالك من الاولاد 

:ما تتكلميش يا حبيبتي عشان ما تتعبيش

*امسك الأمن نبيل الذي ضربها بالسك -ين انتقاما منها ومن كريم 

: ليه عملت كده كنت موتني انا 

:لا لازم تتحصر عليها هي اللي خلتك تخرجنا من الشركه والفلوس اتصرفت وبابا مات وبقيت بشحت اللقمة 

: انت مش بني ادم كل ده ومش عايز تعترف انك غلطت وكل ده كان بسبب تصرفاتك القذرة

: انا دلوقتي ممكن اتعدم بعد ما شفت نظره الانكسار دي في عينك 

: وانا هقوم لك اكبر محامي يحبسك لما تعفن في السجن لان الموت رحمة لك

 *حملها وخرج مسرعا وضعها في سيارته لم ينتظر سيارة الإسعاف كان يقود بسرعه جنونية إلى أن وصل إلى المستشفى 

*دخلت بسرعه غرفة العمليات وهو خارجها لكنها سلبت روحه وعقله معها بالداخل 

*ظل يتذكر حالته المرة السابقة عندما دخلت لإجراء عملية الورم فتوجه إلى الصلاة والقراءة في المصحف

*خرج الطبيب كان القلق قد تاكل روح كريم بالبطئ

:خير يا دكتور 

:احنا لحقناها بس ال ٢٤ ساعه الجاية هي اللي هتحدد لانها فقدت دم كثير وللاسف السكينة جت في الرحم عملتله تمزق اضطرينا نشيله

*مرت هذه الساعات كالدهر على كريم 

*تم نقل سهر الى غرفة عادية بعد أن تحسنت حالتها 

*استيقظت سهر لتجد كريم يبكي بجانبها ويئنب نفسه 

: كريم مالك يا حبيبي انا كويسه 

:انا السبب انا اللي طلبت تسامحيه اخر مره لو كنت سجنته ما كانش ده حصل 

:لو كنت سجنته كان عمك هيموت بسببنا وهيخرج من السجن يعمل كده برضه كله مقدر ومكتوب 

:انت مش عارفه هو اتسبب لك في ايه 

:ايه اللي حصل مش انا كويسه وحاسة برجلي ما اتشلتش يعني

*نظر بخجل ولم يستطع الرد

:في ايه يا كريم ما تقول 

: للاسف بسبب اللي عمله شالوا الرحم 

*ضحكت بصعوبة لكي تخفف عنه

:وده اللي مزعلك الحمد لله ربنا يبارك في ولادنا وكويس انها جت من عند ربنا دي سحر كرهتني في الخلفة والعيال

*ضحك بدوره 

:اخص عليك ما تقوليش كدة

:ما تزعلش انا وانت عندنا ثلاثة ولة انت طمعان في أكثر وهتروح تتجوز وتقول انتي بقيتي ارض بور

:انت لو ما كنتيش تعبانه كنت حاسبتك على الكلام ده انت لسه مش عارفه انا بحبك قد ايه 

: عارفه يا حبيبي بس بلاش تشيل ذنب انت ما عملتوش 

: انا كنت هتجنن وحاسس أن لو جرالك حاجه انا هموت بعدك

: لا امسك نفسك هو مين هيطيق القردة اللي في البيت دى طفشت واحد والتاني كان على وشك 

*ضحكت بصعوبة وهو معها

*خرجت سهر من المستشفى كان اهتمام كريم بها اكبر من ذي قبل 

*مرت الايام لكنها لم تكن هادئة دائما مشاكسات بسبب تلك الصغيرة الشقية 

*ها هو فرح التوأم تقف سهر بجانب كريم يحتضن خصرها بحب وينظر إلى ما أنجزته في حياته 

*وها هي سحر الشقية الصغيرة لم تترك اغنية الا ورقصت عليها وتحاول سهر منعها لكن مدللة كريم لا تستجيب

:سبيها هو كل يوم اخواتها هيتجوزوا 

:مين عالم يمكن يكون هذا الشبل 

:مش قادره تنسي 

: هههههه لا نسيت طبعا طول ما مفيش حد غيري في قلبك

: مفيش حد كان ولا هيكون غيرك

*قبلها من خدها وهو يحتضنها بقوه ويتساءل هل هو من غمرها بحبه ام هي

 تمت

*نهايه جديدة يا رب تعجبكم عشان الناس اللي زعلت مني

 

• يتبع الفصل التالي اضغط على (  رواية غمرني بحبه) اسم الرواية