رواية عشقت مطلقه و اولادها الفصل الحادي والعشرون 21 - بقلم مارلي ايهاب
الحلقة الحادي و عشرون
عشقت مطلقة و اولادها
بقلم مارلي ايهاب
//////
كان الصمت يعم المكان بعدما فجر ريان قنبلته امام الجميع قامت زهرة بغضب شديد وقالت بحدة
في الوقت اللي هتتجوز فيه تطلقني
ريان بحدة
انتي اللي كيفك تقفل خشمها و متفتحوش واصل و كفاية قوي اني مفكرتش اتكلم و اني رحمتك من حديت الناس اللي كان هيقتلك و لو مش عجبك اتفلقي و انا هتجوز كيف ما انا رايد و انتي غصب عنك هتفضلي عايشة معايا برضاكي او غصب عنك مش هطلقك علشان تروحي تمشي علي حل شعرك هتعيشي اهنا خدامة لو مش عايزه تحترمي نفسك انا الاول كنت بعاملك احسن معامله بس بعد اللي بيصدر منك انا استحاله احترمك بعد النهاردة يا زهرة يلا غوري علي الاوضة فوق
زهرة كانت تنظر له بصدمة و الدموع تلمع في عيونها غادرت المكان سريعا و ذهبت الي غرفتها
اما فاطمة كانت تتأمل ما يحدث بشماته وقالت بفضول
هي عملت ايه يا ريان اوعي تكون خانتك ياو
ريان بحدة
ايه اللي بتقوليه ده يا اما بلاش كلام فارغ انا لو اهانتها قدامك علشان تحس علي دمها و تعرف غلطها مش عشان اسمح لحد يهينها انا مش هسمح لاي حد يهين مراتي
فاطمة بضيق
طب و حكاية العروسة دي برضه علشان تضايقها
ريان بجدية
لا يا اما انا رايد اتجوز فعلا شوفلي واحدة تبقي بنت ناس و تبقي عاقله مش عايز مشاكل ووجع دماغ بينها و بين زهرة
القناوي بهدوء
انت متاكد من اللي انت رايده ده يا ريان
ريان بهدوء
ايوة يا بوي انا رايد اتجوز
القناوي بهدوء
بس مفكرتش الناس هتقول ايه علي بنت عمك و انت بتتجوز عليها بعد كام شهر جواز
ريان بجدية
ميهمنيش حد يا بوي انا لا بعمل حاجه عيب ولا حرام انا بتجوز كيف الناس بعد. اذنك انا طالع اوضتي
فاطمة بفرح.
اتفضل يا حبيبي
غادر ريان و ذهب الي غرفته
القناوي بحدة لسلطان
مش خلاص سلمت علي اخوك اتفضل قوم. انت و الحرباية اللي معاك دي وروح علي اوضتكم و في الوقت اللي اكون موجود فيه متظهروش فيه مفهوم
فاطمة بشماته
ايوة مش ناقصين قرف يا حرامية منك ليه
سلطان نظر في الارض و اما فرحة نظرت لهم بغيظ شديد وذهبت هي وسلطان الي غرفتهم
القناوي بعد ذهبهم قال لفاطمة بهدوء
ابن اخوكي راجح جاي بكرة و هيقعد معانا في السرايا لغاية ما البيت بتعاهم يجهز عايزك تعملي عزومة حلوة و تجهزي اوضة علشان ينام فيها
فاطمة بفرح
امال ما كلمنيش ليه و عرفني
القناوي بهدوء
خلاص هو كلمني و قالي يلا تصبحي علي خير
فاطمة بخبث
و انت من اهله يا حبيبي
القناوي ذهب الي غرفته اما فاطمة ابتسمت بخبث و اتصلت علي احد. وقالت بهدوء
الو اسمعني زين رايدة اقابلك بكرة بدري اول ما اتصل بيك تجي علي العنوان اللي هبعتهولك. مفهوم
االطرف التاني
مفهوم
قفلت الخط في وجهه ببرود
اما شمس كانت تجلس في غرفتها تشعر بتعب بسيط تبتسم حينما اخبره القناوي ان راجح تولي مسؤليه نقل الشركة من القاهرة الي الصعيد وفي خلال شهر سوف تبادر العمل من داخل الصعيد
........
في اليوم الثاني في القسم كانت تجلس والده ايمن حسنيه و زوجته نهال
حسنيه بدموع
كان مكتوبلك فين ده بس يا حبيبي كله منها بنت الكلب هي السبب في حبستك و بهدلتك دي يا اما نفسي اشوفها بتاعة الرجالة اللي كل شوية يطلع واحد يدافع عنها الزبالة تلقيها وهي متجوزك كانت برضه ماشية مع الرجاله دي واحدة زباله
ايمن بقهر
كفاية بقي يا امي انا مش مستحمل انا عايز حل للورطة اللي اتورطت فيها دي الشركة و خلاص ولعت و دلوقتي انا متهم في قضية اتجار بالمخدرات يا ماما عايز حل انا هقضي كدة ايامي كلها في السجن او هيتحكم عليا بالاعدام دي مش قضية واحدة دي كذا واحدة حتي قضية شمس مش عايزه تتنازل عنها و المحامي اتخلي عني و سابها يا امي
حسنيه بغضب
دا انا اروح ليها و اكسر عضامها البت دي
ايمن بغضب
روحي و زودي. الطين بله اصل هي ناقصة يا امي او تعالي شرفي جنبي
حسنيه بدموع
طب اعمل ايه بس يا حبيبي في ايدي. ايه اعمله
ايمن وضع وجهه بين يديه بغضب و تعب
قالت نهال ببرود.
انت تشوف حل انا خلاص تعبت يا ايمن
ايمن نظر لها بغضب
حل ايه ان شاء الله هعمل ايه يعني
نهال ببرود
خلاص لو مفيش في ايديك حاجه تعملها طلقني اصل انا متجوزتكش علشان تتحبس و الناس تقول عني متجوزه مجرم و غير كدة انت خلاص بقيت علي الحديدة يعني مبقاش فيك مييزه تخليني اكمل معاك فا انت قدامك حل من الاتنين يا تطلقني يا هرفع قضية طلاق و هكسبها في ساعتها
حسنيه بصدمة
ايه اللي بتقوليه ده يا بت انتي اتجننتي ولا ايه
نهال بهدوء
لا ابدا يا خالتي انا بقول الحقيقه انا ادفن نفسي مع واحد مفيش فيه اي ميزه هو انا اتجوزته ليه اصلا مش علشان اخرج من الفقر زي ما انتم خرجتوا منه و اديكم رجعتوا تاني ليه انا بقي مش عايزكم وعايزه اطلق و كويس قوي ان ربنا ما رزقنيش بطفل منك
ايمن بقهر
انتي طالق بالتلاته يا نهال وبكرة تشوفي لما اخرج من السجن هعمل ايه و هتجي تترجيني علشان ارجعك و مش هرجعك
نهال نظرت له بسخرية و امسكت حقيبتها و غادرت المكتب اما بعد خروجها بكى ايمن بقهر لكل ما يتعرض له
حسنيه قامت و ضمته لصدرها وقالت بيكاء
اهدي يا حبيبي دي متستهلش ابدا انك تعيط كدة معلش انا عارفة انك. تعبان صدقني بكرة ربنا هيرزقك و هيخرجك منها علي خير يا حبيبي
ايمن ببكاء
ربنا مش هيخرجني منها علي خير لان انا استاهل اللي حصل انا اللي ظلمت شمس الاول و انا اللي اهانتها و مكنتش بفكر غير في نفسي و بس و سايبها ليكم تعملوا فيها اللي انتم عايزينه وهي تشتكي و انا اكمل عليها انا كنت ظالم ازاي ربنا هيرحمني و انا مرحمتش حد يا اما اللي واقفين مع شمس دول قرايب ابوها او صحابه بس وقفوا معاها واقفة رجاله جابوا ليها حقها لكن انا عمري ما كنت سند او ضهر ليها بالعكس انا اللي كنت باذيها دايما بس فوقت متاخر متاخر قوي و انا بين اربع حيطان مش قادر اخرج براهم حتي ولادي ظلمتهم. يا امي ظلمتهم وكرهتهم فيا انا استاهل كل اللي بيجرا ليا دلوقتي
حسنيه بدموع
متقولش كدة يا حبيبي انت معملتش حاجة هي اللي. كانت مش بتسمع الكلام و انت بتأدبها فيها ايه يعني لما الواحد يأدب مراته
ايمن بدموع
انا مكنتش بأدبها انا كنت بعذابها عايزه تخفيفي احساسي بالذنب يا امي و انتي كمان عذبتيها كلنا عذبنها انا تعبان قوي يا امي تعبان
حسنيه بدموع
يارب كان التعب ده فيا ووانت لا يا حبيبي طب قولي اعمل ايه و انا اعمله
ايمن بدموع
مش عايزك. تعملي حاجه سبيها علي ربنا يا امي يلا معاد. الزيارة قرب ينتهي كفاية كدة
حسنيه بدموع
هجيلك تاني يا نور عيني
ايمن هز راسه بالموافقة ثم غادرت حسنيه و هي عازمه علي فعل شئ لتخرج ابنها من هذا الورطة اما ايمن دخل. الي الحبس مرة اخري
//////
في السرايا وصل راجح بابتسامة
ازيك يا عمتي ليكي وحشة ولله
فاطمه بابتسامة
انت كذاب يا واد ولا مرة رفعت عليا سماعة التليفون
راجح ابتسم
معلش انتي خابره الدنيا مشاغل
فاطمة بسخرية
اما انت اللي مش متجوز بتقول كدة امال المتجوز. يقول ايه
راجح بابتسامة
ربنا يكون في عونا احنا الاتنين يا عمتي
فاطمة بابتسامة
ادخل استريح اكدة من السفر و انا خارجة اجيب شوية حاجات وراجعة تاني اوضتك زي ما هي نضفنها ليك تقدر تستعملها زي ما انت عايز
راجح بابتسامة
تسلمي يا عمتي بعد اذنك
فاطمة بابتسامة
اتفضل يا حبيبي
طلع راجح الدرج وهو ذاهب الي غرفته راي غرفة شمس مفتوحة وهي تلعب مع اطفالها و ضحكتها عاليه جدا كان يقف يتاملها خلف الباب ويتأمل ضحكتها و مزاحها مع اطفالها رغم الارهاق الظاهر علي وجهها لم يخفيه انتبه الي صوت احدي الغرف يفتح ذهب سريعا الي غرفته ونام علي السرير بالعرض ظهره علي السرير ورجليه علي الارض
قال بشرود وهو يضع يديه علي قلبه
فيك ايه يا ولد الدهشوري عنيها مفرقتكش من ساعة ما شوفتها وقلبك مشتاق يشوفها فيك ايه عرفني
بالليل في بيت تسنيم الباب خبط راحت تفتح الباب شافت راجل غريب قدامها قالت بهدوء
نعم
الراجل بهدوء
كنت عايز اتكلم معاكي شويه يا ست تسنيم
تسنيم باستغراب
تتكلم معايا في ايه هو انا اعرفك اصلا انت مين وعايز ايه
الراجل
انا اسمي جمال وكنت عايز اتكلم معاك في موضوع مهم
تسنيم بهدوء
بخصوص ايه بقى الموضوع ده
جمال
بصراحه يا ست تسنيم انا جاي وطالب الحلال يعني بالعربي كده انا عايز اتجوزك
تسنيم بضيق
طلبك مرفوض يا استاذ اتفضل من هنا لو سمحت
جمال بهدوء
طب ممكن اعرف ايه السبب
تسنيم بضيق
والله انا مش مضطر ان اوضح لك حاجه انا بقول لحضرتك طلبك مرفوض يبقى خلاص انا حره
جمال بهدوء
ايوه بس يعني على الاقل اديني فرصه انا والله واحد محترم وتقدري تسالي علي في اي حته
تسنيم اتنهدت
يا استاذ انا مش برفضك لشخصك انا برفضك لاني مش عايزه اتجوز واعتقد ده حقي يعني انت طلبته وانا رفضت خلاص ربنا يوفقك مع واحده ثانيه
اتفضل بقى من هنا وقفتك كده مش كويسه الناس تقول عني ايه
جمال
انا همشي دلوقتي بس دي مش اخر مره هاجي فيها انا هفضل وراك لغايه ما توافق سلام
ومشي جمال وتسنيم كانت بتبص له بغيظ وقفلت الباب بعصبيه
تسنيم بعصبيه
هو انا ناقصه وجع دماغي كل خرابه يطلعلي فيها عفريت
على العشا كانت قاعده شمس واولادها وراجح وسلطان وفرحه وريان وزهره وفاطمه والقناوي على السفره
شمس كانت قاعده محروجه منهم
القناوي بهدوء
ما بتاكليش ليه يا شمس انت مستنيه عزومه ولا حاجه
شمس باحراج
لا يا اونكل بس انا شبعانه انا باكل بس الولاد
القناوي بحده
كولي زين علشان تاخدي العلاج بتاعك يلا اتفضلي ومش رايد اسمع اعتراض
شمس بدات تاكل وكانت حاسه باحراج اما فاطمه قالت لريان بشماته
انا لقيت لك عروسه زينه يا واد يا ريان لا وكمان ايه بنت بنوت وانت اول بختها
زهره كانت عينيها بتدمع وهي بتسمع كلام حماتها
ريان بهدوء
تمام ياما بس قولي لهم انا عايز جواز على طول مش رايد لخطوبه ولا جهاز ولا الكلام الفارغ ده كده كده السرايا جاهزه حتي لو مش هيقدروا يجهزوهاانا هتكفل بكل حاجة
القناوي باستغراب
اية الاستعجال ده يا ريان في ايه يا ولدي
ريان بهدوء
فوقت يا بوي كفاية الجوازة الاولي اللي مكنتش تناسبني يا بوي و اتجوزت علشان انقذ واحده معندهاش ريحة الدم و مش مقدره كل اللي عملته علشانها يبقي اشوف حياتي و معطلش حياتي علشان خاطر واحدة مش فارق معاها حد
زهرة كانت تستمع له و هي تحاول كتم دموعها من الاهانة التي تسمعها امام الجميع
القناوي فهم ان زهرة عملت حاجه لابنه نظر لها بغضب وقال له
خلاص يا ريان اللي انت عايزه هنعمله قوللي يا فاطمة مين البت اللي اختارتيها لابنك
فاطمة بابتسامة
بت اكابر بنت صلاح السعدني بت زينة عندها 24 سنه و خلصت كلية وقاعدة في البيت و هتريح خالص و مال و جمال و
ريان بهدوء
خلاص يا اما اتكلمي معاهم و شوفي هما هيقولولك ايه و ردي عليا
فاطمة بشماته
و ماله يا حبيبي بكرة هكلملك امها تاخد معاد لينا
ريان بهدوء
تمام بعد اذنكم
وتركهم و غادر بهدوء
وبعد مرور ساعتين كان الجميع دخل غرفهم ما عدا شمس كانت تجلس في الجنينة بهدوء
قرب منها راجح بابتسامة
مساء الخير
شمس بتوتر
مساء النور
راجح بهدوء
سهرانة ليه كدة الساعة داخلة علي 12
شمس بتوتر
انا هقوم انام دلوقتي
راجح قال بسرعة
انا مش بقولك كدة علشان تقومي ولله انا اقصد بس انتي تعبانة و محتاجة راحة وبعدين انا كنت رايدك في موضوع مهم
شمس
موضوع ايه
راجح بابتسامة
في خلال يومين هكون شوفتلك شركة اهنا و هفتحهالك مكان شركة القاهرة
شمس بصدمة
بجد بالسرعة دي
راجح ابتسم
انتي مع راجح الدهشوري كل حاجه هتمشي بسرعة متقلقيش يا شمس انا و ياكي و كنت عايز اكلمك في حاجة تانية حصلت
شمس بهدوء
في ايه
راجح بهدوء
ام ايمن جاتلي
شمس بصدمة
نعم
هنا انتهي حلقتنا عارفة اني اتاخرت و عارفة برضه ان البارت صغير بس معلش الدراسة دخلت و مشغولة شوية بس ان شاء الله هعوضكم
تفتكروا تسنيم هتوافق علي جمال ولا لاء
هل جمال هيستسلم لرفض تسنيم ولا لاء
هل جواز ريان و البنت دي هيتم
وياتري ام ايمن عايزه ايه من راجح و طلبت منه ايه
•تابع الفصل التالي "رواية عشقت مطلقه و اولادها" اضغط على اسم الرواية