رواية حكاية زهره الفصل الثاني و العشرون 22 - بقلم شيماء منير
الفصل الواحد والعشرون
جاءت لها رساله تانيه مكتوب فيها
(ليه مش بتردي يازهره)
زهره اول ماشافت اسمها اتوترت وخافت
كتبت:مين؟؟
:اخيرا رديتي
زهره:انت مين؟؟
:انا اسامه مدرس جنا
زهره:حضرتك جبت رقمي منين وايه اللي بتقوله دا وبعدين حضرتك جبت رقمي منين؟؟
اسامه:من جنا ..وهي كمان اللي قالتلي على اسمك وكمان عرفت منها كل حاجه عنكم وانك متجوزه مازن دا قريب ..انا معجب بيكي اووي من اول يوم شوفتك فيه وياريت نتكلم صوت
زهره وبصت للرساله بصدمه هو فعلا كان رقمها مع جنا ايام الروضه بس متوقعتش انه لسه معها وممكن تديه لحد
زهره وكتبت لو سمحت عيب اللي انت بتقوله دا انا ست متجوزه ولو سمحت تمسح رقمي وتبطل تبعت الكلام دا هنا تاني
اسامه:ايه يعني ما انا كمان متجوز
زهره:يا استاذ عيب كدا
اسامه:العيب ان يبقا الجمال دا كله قدامي وميبقاش ليا نصيب فيه
زهره:الظاهر ان الادب مش جايب نتيجه انا هعمل بلوك
اسامه:لو عملتي بلوك هوصلك من اي رقم تاني متحاوليش تبعدي لاني مش هسيبك
مازن رجع من الشغل فتح الباب
زهره حطت الموبيل جمبها بتوتر
مازن:مساء الخير
زهره:مساء النور ..حمدلله على السلامه
مازن:الله يسلمك
زهره:الحمام جاهز
مازن:ايوه هدخل اخد شاور وانام انا مرهق النهارده
زهره:ماشي ياحبيبي تمام
مازن اخد شاور وخرج
مازن:مش عارف حاسس عايزه تقولي حاجه
زهره:موضوع كدا بس خليه بكره بقا عشان انت تعبان
مازن وفرد جسمه على السرير
لا تعالي قولي في ايه؟؟
زهره وقعدت جمبه
زهره:جنا كانت عايزه تدرب جمباز ليها اصحاب بيدربوا وكانت عايزه تروح هي كمان
مازن:جمباز لا سباحه لو عايزه ممكن
زهره:ليه ؟؟ بس هي حباه
مازن:مش حابب فكرته للبنت اصلا وبعدين لما تكبر لا مينفعش قوليلها لو حابه سباحه مفيش مشكله اخدها معايا الصاله وتدرب هناك وكمان تبقا تتمرن هنا في البيسين
زهره :تمام
فضلوا يتكلموا شويه ومازن راح في النوم
زهره سمعت صوت رساله من موبيلها
فتحت الرساله لاقت من اسامه
(ايه فكرتي في كلامي)
رمت الموبيل جمبها وزفرت بضيق وبعدين في البلوه دي بقا
_________--------------
تاني يوم الكل سهرانين مع بعض ماعدا مازن كان عنده شغل في الجيم وبيفتح قسم جديده فيه
الكل قاعدين وبيتكلموا مع بعض
جنا كانت قاعده جمب زهره وشكلها مضايق
جيهان ولحظت دا
جيهان:ايه ياجوجو مش ببتكلمي ليه
جنا بصتلها ورجعت بصت لزهره اللي بصتلها بتحذير
جيهان واخدت بالها
جيهان:تعالى ياجوجو ..تعالي ياحبيبتي جمبي هنا
جنا وراحت وقعدت جمب جيهان
جيهان بحنو ايه ياحبيبتي اللي مضايقكي انا ملاحظه كدا من الظهر والا زعلان ان بابا مازن مش موجود
جنا وحركت رأسها بالرفض
جيهان :اومال في ايه ياروحي قوليلي بس ايه اللي مزعلك وانا اعمله ليكي
جنا:انا عايزه ادرب جمباز
جيهان:وايه المشكله نشترك في اي نادي
جنا:بابا مازن مش موافق
جيهان وبصت لزهره ليه مش موافق؟؟
زهره:وهو قال مش حابه للبنات وقال لوعايزه تتعلم سباحه هياخدها معه الجيم
مريم:على فكره الحمباز رياضه جميله
جيهان:وهي تدرب اللي هي عايزاه مش اللي انتوا عايزنه انا لما يجي هتكلم معه
زهره بصت لجنا بضيق وسكتت
بعد ساعه مازن رجع
كانت مصطفى وجيهان قاعدين في الليفنج
مازن:مساء الخير
الاتنين :مساء النور
قرب منهم وسلم عليهم
مصطفى:ايه يابني خلصت شغل
مازن وقعد بتعب :اه يابابا الحمدلله اخر يوم مرهق كان النهارده
جيهان: الحمدلله انك خلصت
..بقولك ايه كنا عايزه اتكلم معاك في موضوع
مصطفى بصلها بعتاب خلاص بقا ياجيهان مش وقته اجلي الكلام لبكره اهو الجمعه
مازن:في ايه ياجماعه في حاجه حصلت؟
جيهان:متقلقش بس انت ليه مش عايز جنا تدرب جمبار
مازن واتفجاء بكلامهم من فتح الحوار دا اصلا
جيهان:البنت بجد مضايقه حرام عليك هتخنوقها ليه؟؟
مازن بعصبيه خفيفه مش خنقه بس انا نظرتي بعيده وحركاته مش بتعحبني فاكيد مش هخليها تدربه
جيهان: وهي عايزه دا مش عايزه سباحه
مازن:تمام يبقا لادا ولا دا
جيهان:على فكره متنساش انها يتيمه وحرام عليك لو ظلمتها
مازن:ماما متدخلليش من الطريق دا انا عارف كويس انا بعمل ويمكن فعلا عشان حاسس انها يتيمه مسؤولة مني فا انا بخاف عليها
جيهان:افرض هي ومامتها مش معترضين وانت اللي ممانع
مازن:زهره قالتلك كدا؟؟؟
مصطفى متدخل :محدش قال حاجه يابني
مازن:خلاص يبقا لو سمحتوا محدش يدخل بيني وبينهم ..عن اذنكم انا طالع ارتاح
مازن طلع على فوق
مصطفى: انا قولتلك متدخليش ابنك مش هيعمل غير اللي في دماغه....
مازن طلع فوق وفتح الغرفه
كانت زهره لسه صاحيه
مازن دخل وكان شكله مضايق
زهره بابتسامه خفيفه حمدلله على السلامه
مازن ووقف قدمها :من فتح موضوع الجمباز تحت
زهره بتوتر:هي جنا كانت مضايقه ..طنط جيهان سالتها..فقالتلها
مازن بعصبيه وصوت عالي. وانا مش قايل اللي بيحصل هنا مش عايز حد في الفيلا يعرفه
زهره وغمضت عيونها بضيق انا مش بقول حاجه
مازن:براحتك على فكره عايز تخليها تدرب جمباز خليها بس انا الحوار دا مليش دعوه بيه وانت هتبقا المسؤله عنه
زهره:طالما انت شايفه مش كويس خلاص انا مش هخليها تعمله...انا بس كنت بحاول اقنعها لسه بالكلام
مازن:انا هتكلم معها بكره
تاني يوم
مازن صحي بدري شويه
وراح على اوضة جنا
كانت لسه نايمه
قرب منها ومسح على شعرها بحنيه
مازن:جوجو ..جوجو
جنا وفتحت عيونها وبراءه بابا
مازن بابتسامه :صباح الخير ياقلب بابا
جنا:صباح النور يابابا
مازن:فوقي كدا بقا عشان عايز اتكلم معاكي في موضوع
مازن فضل يتكلم معها شويه وفي الاخر اخدها وخرج
كانت زهره خارجه من اوضتها
ونزلوا على الفطار
ابتسمت جيهان لما شافتهم نازلين وكان مازن شايل جنا
اخر النهار مازن قرر ياخدهم ويخرجوا
زهره كانت مبسوطه اووي اخيرا هتخرج دي تقريبا مش شافت الشارع من يوم جاءت
كانت بتجهز في اوضتها
رن موبيلها برساله على الواتساب
(ايه قلبي هتتقلي عليا اكتر من كده انا مش قادر ابطل تفكير فيكي حتى وانا مع مر..اتي بتخيلها انتي)
زهره ابتلعت ريقها بتوتر يادي الزفت انا مش عارفه اعمل ايه واقول لمازن ايه
وافتكرت امبارح لما هددها انها لو مردتش عليها هيكلم جوزها ويقوله ان هي بتكلمه
فاقت على صوت باب الاوضه بيتفتح وكان ومازن
ابتسمت بتوتر
وحطت الموبيل جمبها
مازن:ايه ياروحي لسه مخلصتيش
زهره وهي بتحط الحجاب على شعرها خلاص اهوه
مازن وقرب منها وحضنها من الخلف برقه طيب يلا بقا عشان نرجع بدري ومنتاخرش
زهره بتوتر من حركته حاضر ..هخلص اهوه
مازن ووضع قبله رقيقه على خدها طيب انا هنزل وانتي حصلني
زهره:حاضر
خلصت وبعد شويه نزلت
وسلموا على الكل وخرجوا
وصلوا مطعم وطلبوا الاكل
واتغدوا مع بعض
مازن:هنشرب حاجه وبعدها نروح اي ملاهي نلعب جنا شويه
صاحت جنا بفرح هيييييييه
شربوا حاجه
زهره:طيب هروح التوليت وارجع
مازن:تمام
زهره خرجت وراحت التوليت
جنا كانت ماسكه موبيل زهره بتلعب عليه
كانت فيه رسايل بتيجي
جنا بضيق طفولي كل شويه اضغط على حاجه تخرجني من اللعبه يابابا
مازن:هات كدا ياجوجو
جنا واديته الموبيل
مازن ماسكه وشاف رسايل من رقم متسجل باسم (س)
مازن فتح الرسايل اللي كانت على الواتساب
وشاف كل الرسايل والمحادثات اللي كان بعتها اسامه
•تابع االفصل التالي "رواية حكاية زهره" اضغط على اسم الرواية