رواية حكاية زهره الفصل الخامس و العشرون 25 - بقلم شيماء منير
زهره وبصت للرساله بصدمه فضلت فتره بصلها
حست بتوتر وانها مش قادره تاخد نفسها
معقول؟؟؟لا وبعدين من باعت الرساله دي
بصت في الساعه كانت ١٢.٣٠ بعد منتصف الليل
زهره:هو اتاخر النهارده ليه وبعدين باعت جنا من بدري
على طول رنت عليه
مازن ورد عليها
زهره :الو
كان بيتكلم مع حد جمبه
زهره:الو
مازن:ايوه معاكي ثواني عبده جرچ العربيه دي
زهره بضيق انت فين واتاخرت كدا ليه؟؟
مازن:اكيد سامعه بتكلم مع البواب ..اقفلي انا طالع
زهره قفلت بضيق رمت الموبيل على السرير ورجعت مسكته وفتحت الرساله تاني
كانت هتبعت للرقم رساله
بس مازن دخل
مازن:مساء الخير
زهره:مساء النور
مازن:مالك واقفه كدا ليه؟؟
زهره:مفيش
مازن:انا متأخرتش كتير دول نص ساعه بس
زهره :غريبه بعت جنا النهارده على طول
مازن:مفيش لقيت نفسي هتأخر وبعدين حسيت انها حاسه بملل وانا عارف انها بتبقى عايزه ترجع عشان تلعب على التاب شويه فكلمت السواق يجي ياخدها
زهره وربعت ايدها ووقفت قدامه بس؟؟
مازن وبص لطريقتها اه بس في ايه يعني؟؟
زهره بضيق معرفش انا اللي بسألك
مازن بضيق:في ايه يابنتي مالك؟؟
زهره بتوتر:انا مالي كويسه اهوه
مازن :طيب جهزلي لبس هاخد شاور
مازن دخل التوليت
زهره ودبدت في الارض برجليها لا انا لازم افهم بقا
تاني يوم
زهره كانت بتتكلم في الموبيل
زهره:بقولك تعالي عايزه اتكلم معاكي ياهاله
هاله:طيب نتقابل بره افضل
زهره :بلاش انتي عارفه الخروج صعب تعالي انتي هنا وهنقعد لوحدنا
هاله:بس انا محرجه يازهره
زهره:لا متتحرجيش وانا هكون منتظركي تحت
وفعلا بعد ساعه هاله وصلت لزهره في الفيلا
والكل استقبالها بترحاب وحب وزهره اخدتها وطلعت على اوضتها
هاله:ممكن تهدي
زهره:اهدى ازاي انا من وقت ماشوفت الرساله وانا هتجنن ياهاله
هاله:يابنتي ممكن يكون حد عايز يوقع بينكم
زهره:حد زي مين؟؟
هاله:واحده مثلا معجبه بيه
زهره:والواحده دي هتجيب رقمي ازاي الا لو واصله لموبيل مازن
هاله:طيب اهدي .انتي ملاحظتيش اي تغير عليه
زهره:زي ايه وبعدين هو بيخرج من الصبح بيرجع بالليل اكيد مش همشي وراه ..انا هتجنن يا هاله معقول يكون بيعرف حد عليا
هاله:طيب اهدي وورني الرساله والرقم دا
هاله ومسكت الموبيل وكتبت انتي مين؟؟
زهره:انتي بعتي ليه
هاله:ماهو لو حقيقه هيبقا عنده دليل
زهره ببكاء يعني بجد هيبقا حد في حياته يا هاله
هاله وقربت منها يابنتي اهدي هي اي كلمه تهزك كدا
سمعوا صوت رساله
فتحوا الرساله
(مش مهم انا مين .
انا جاي بنصحك جوزك بيخونك
هاله وكتبت
انت كذاب ايه دليلك عشان اصدقك
(طيب شوفي الصوره دي وقولي رائيك)
وبعت صوره لمازن وكان واقف مع واحده في الجيم والاتنين بيضحكوا
زهره اول ما شافت الصوره بصت لهاله بصدمه
زهره بذهول:مين دي؟؟
هاله:معرفش تعرفيها انتي؟؟
زهره:لا
هاله:مش قربته مثلا
زهره:لا ..وبعدين ازاي يدخلها الجيم دا جيم رجالي اصلا مش بيدخلوا ستات
هاله:طيب انتي مش بتمسكي موبيله
زهره:مش دايما مش بيفرق معايا وبعدين عامله بباسورد
هاله:يعني مثلا ممكن تكون الصور دي متفبركه
زهره:طيب ازاي وهيفبرك تفاصيل الصاله كدا هي دي الصاله بتاعته وانتي داخله الصاله المكان دا شكله كدا قبل مكتبه بشويه انا عارفه دا
هاله:والله حاجه تحير ومين ممكن يبعت كدا
زهره:مين مثلا هيكون ليه مصلحه في كدا
زهره وكملت بدموع انا بداءت اتاكد انه حقيقه
هاله:اصبري بس لو حاجه هتبان
زهره:طيب ازاي وهو طوال اليوم تقريبا هناك وبيجي بالليل ونادر لما يكون على الغداء معانا
هاله:خلاص مهمتك الايام الجايه انك تراقبيه
زهره:ازاي
هاله:يعني تاخدي بالك بيكلم مين ومين بيرن عليه و ياريت تحاولي تشوفي الموبيل
هاله قعدت شويه مع زهره وبعد كدا مشيت
والسواق. وصلها
مساء
مازن وزهره في غرفتهم
مازن كان واقف في البلكون بيدخن سيجاره وماسك الموبيل وبيبص فيه
زهره كانت مركزه معه وبتبصله بضيق
مازن خلص السيجاره ودخل
لاحظ نظرات زهره
مازن:مالك واقفه كدا ليه
زهره واتحركت من مكانها وراحت على السرير مفيش هنام
مازن طفى النور
وقرر ينام هو كمان
زهره كانت مديله ظهرها
مازن وشدها ليه
مازن:مالك؟؟
زهره:مازن هو انت بتحبني؟؟؟
مازن:بحبك بس انا بموت فيكي ياقلبي
زهره ودورت وشها ليه
زهره :ممكن اسألك سؤال
مازن:اممم اسألي
زهره وهي بتبص في عنيه هو انت ممكن تحب غيري او مثلا تكلم ست تانيه
مازن:وفتح عيونه بقوه ودهشه ايه السؤال دا ليه بتقولي كدا
زهره بتوتر:بسأل جاوبني بقا
مازن:والله انا لاقلبي ولاعيوني شايف غيرك يازوزه
زهره وهي بتبصله بحيره بجد يامازن
مازن:هو في ايه ..ايه حوار عدم الثقه دا هو انا عمري كذبت عليكي في حاجه
زهره وهزت دماغها بالنفي لا
مازن:طيب في ايه؟؟
زهره كانت هترد بس موبيل مازن رن
مازن وبص على الموبيل كان رقم غريب
مازن وبص شويه للرقم
وبعدين رد
مازن:الو
ريهام:الو ..ازيك يا استاذ مازن
مازن:ايوه مين؟؟
ريهام:انا ريهام ..هو حضرتك مسجلتش رقمي
مازن:اه معلش نسيت اسجل الرقم ازيك ياريهام عامله ايه؟؟
زهره اول ما سمعت اسم ريهام
قامت وقعدت قدامه
مازن واتخض من قعدتها
مازن :احم خير في حاجه؟؟
ريهام:انا كنت بس بسأل حضرتك عن الحوار الشغل
مازن:في الحقيقه لسه انا كلمت ناس بس محدش رد عليا
ريهام بزعل ظهر في صوتها:خلاص ماشي واسفه على ازعاجك
مازن:لا ولا يهمك
ريهام:ماشي مع السلامه
مازن:سلام
مازن قفل وزهره قاعده قدامه بتبصله بضيق
مازن:مالك في ايه؟؟
زهره :مين دي يامازن
مازن:مش قايلك مين طالما عيونك كلها شك وعدم ثقه
زهره بصوت عالي يعني ايه بقا؟!!
مازن:وطي صوتك يازهره ونامي انا عند شغل بكره ومش فاضي
زهره كانت هتتكلم
مازن:يلا يازهره نامي
زهره نامت بضيق
مازن كمان نام جمبها
عدي يومين
جاءت لزهره رساله على الواتساب
بصور لمازن مع نفس البنت في مطعم
زهره كانت قاعده مع مريم
اول ما شافت الرساله وقفت وحست انها هيغمى عليها
مريم:مالك يابنتي في ايه؟؟
زهره وابتلعت ريقها بوجع مفيش انا هطلع اوضتي شويه
زهره وطلعت على فوق
فتحت الصور تاني
انهارت في البكاء
رنت على هاله
زهره ببكاء:ايوه ياهاله شوفتي الصور اللي بعتهالك على الواتساب
هاله:ايوه …انا مش مصدقه معقول
زهره:قولتلك انا كنت حاسه ..انا مش عارفه اعمل ايه واتصرف ازاي
هاله:لازم تتصرفي بهدوء وتحتفظي بالصور دي عشان هي الدليل اللي معاكي
زهره ببكاء:انا مش مصدقه ان مازن يعمل معايا كدا ..طيب ليه
هاله:اهدي بس لو حاجه وصلتلك تاني عرفيني
زهره قفلت مع هاله
وفتحت الصور وقعد تتفرج عليها وهي بتعيط
ـــــــــــــــــــــــــــ
في احد المطاعم
ريهام :يخربيتك دا انت مظبط الصور ايه
مروان:اه طبعا بس جدعه انك عرفتي تقابليه
ريهام:شكله جدع اول ما عيط وقالتله اني محتاجه فلوس في نص ساعه كان مقابلني في المطعم دا. واداني الفلوس
مروان:اه صحيح خودي دول
ريهام وهي تمسك الفلوس بدون اقتناع هما دول بس
مروان:ما انتي لهفه كتير من مازن
ريهام:وانت عرفت منين
مروان:صاحبي وانا عارفه
ريهام:طيب لما انت عارفه عايز تاخد مراته منه ليه
مروان:البت موزه ورقه مفيش بعد كدا
ريهام:ماهو بردوه مش قليل
مروان:كفايه عليه اللي خدوه
ريهام:امم وهتعمل ايه بقا تاني
مروان:دورك انتي بقا انتهي سبيلي الباقي
ـــــــــــــــــــــــــــ
بعد يومين في احد الكافيهات
كانت تجلس مع احد الاشخاص
زهره وهي بتبص حواليها بقلق لو سمحت قولي بقا هما بيتقابلو فين
شاب اسمه رامي
رامي:انتي متوتره كدا ليه اشربي بس حاجه الاول
زهره:لا اشرب ايه انت متعرفش انا خرجت ازاي وبعدين انت بتماطل ليه انت صممت اني اجي اقابلك وجيت قولي بقا وبعدين قولتلي معاك تسجيلات فين هي
رامي:انا مش بس معايا تسجيلات دا انا عارف كمان الشقه اللي بيتقابله فيها
زهره شقة ايه شقته؟؟؟
رامي:لا شقه تانيه ايجار ومش بعيد يكونوا متجوزين
زهره بخضه انت بتقول ايه انا عايزه العنوان دلوقت
رامي:طيب اهدي وانا هوصلك بنفسي دلوقت للمكان
وفعلا اخدها وركبت معه عربته ووصلوا للشقه
فضلوا يرنوا الجرس كتير ومحدش في الاخر رد
رامي:شكلهم مش موجودين ..اهو انتي عرفتي مكان الشقه ممكن تبقي تيجي وقت تاني..
بعد ساعتين
زهره بتتكلم في الموبيل مع هاله
هاله:ليه يازهره روحتي من غير ماتقوليلي على الموضوع دا
زهره:مكنش عندي وقت
هاله:افرضي بقا كان حد عملك مصيبه في الشقه دي
زهره:يابنتي بقولك ضربنا الجرس محدش رد . بس انا هروح مره تانيه
هاله:بطلي جنان بقا خرجتي ازاي
زهره مكنش هنا في البيت غير مريم وطنط جيهان وعمو مصطفى كانوا بيعملوا فحوصات في المستشفى فقولت لمريم هشتري حاجه شخصيه وارجع والحمدلله رجعت قبل ما اي حد يرجع
هاله:احمدي ربنا وبطلي الجنان دا انا حاسه ان في حاجه غلط وكان المفروض على الاقل مروحتيش لوحدك كنت جيت معاكي
ـــــــــــــــــــــ
في احد الملاهي الليله
رامي:انا بعتلك على الواتساب تسجيل الحوار
مروان:ماشي خلاص انا ابقا هبقا اظبط الصوت
رامي:ماشي بس اشمعنا البنت دي ..شكلها غلبان كدا وملهاش في الحورات دي
مروان:ماهو مش هي المقصوده حوار كدا ملكش فيه
مروان وادله مبلغ من الفلوس مرضي كدا
رامي وبص للفلوس مرضي يا اسطى
ــــــــــــــــــــــــــــ
تاني يوم مازن كان في مكتبه في الجيم
جالته رساله على الموبيل
(مراتك بتخونك)
ومش بس كدا وكمان رسايل فيها صور لزهره وهي قاعده في الكافيه مع رامي
وكمان فيديو وهي طالعه العماره معه
مازن وبص للصور بصدمه وشغل الفيديو
مستحيل لا
رن على الرقم كان غير متاح
فتح الصور تاني للاسف هي واللبس بتاعها وشنطتها اللي بتشيلها في ايدها هي اللي على التربيزه
رسايل وصلت تاني وكان صوت لزهره وهي بتتكلم مع شاب وبينهم كلام حب
مازن وقام وقف
خرج من الجيم وركب عربيته وطلع بيها على الفيلا
وصل الفيلا في وقت مش مش كبير
دخل الفيلا
كانت مريم اللي قاعده في الايفنج
مازن وباين عليه الغضب :زهره فين؟؟؟
مريم باستغراب:فوق!!!؟في ايه؟؟
مازن منتظرش يسمع كلامها وطلع على فوق
فتح الاوضه بعنف
زهره كانت قاعده على احد المقاعد قامت بفزع
مازن بغضب وقرب منها بقا انتي يطلع منك كل دا انتي تخونيني……
ياترى ايه اللي هيحصل وتوقاعتكم ايه؟؟ وايه رائيكم في تصرف زهره
•تابع االفصل التالي "رواية حكاية زهره" اضغط على اسم الرواية