رواية اخرجتني من الظلام الفصل الثاني 2 - بقلم ريتاج محمد
رسلان وهو معلق مليكة من رجليها في السقف وماسك عصاية طويلة بيضربها بيها
:اممممم قولتيلي اةة. كنتي بتدوري عالفلوس صح
مليكة بشبة عياط:وحيات امك نزلني إلهي يارب تترفد وتاخد جزا لو منزلتنيش عاااااااااااا
رسلان بغيظ وهو بيضرها على رجليها:دي عشان لسانك الي أطول منك دة
، وكمل وهو بيضربها ودي عشان انتي عارفة ان انا مبحبش حد يدخل اوضتي
،ودي عشان انتي صرفتي كل الفلوس
مليكة بصراخ مضحك:عاااااااة وحيات عيالك ونبي ونبي سيبني دنا عملتلك فخدة يابن الورمة
عااااااا
رسلان بتلذذ :كل ما تتكلمي هتتضربي اكتر يلا قوليلي كدة زي الشطارة الالفين ونص صرفتيهم في أي
والعشر تلاف صرفتيهم في أي
مليكة :صر
رسلان بمقاطعة:عارفة لو كدبتي وديني لكون سايبك كدة لآخر اليوم
مليكة :حاضر وربنا ب ب ببص انا صرفت الالفين ونص في الأكل طبعا
رسلان بابتسامةشر:تمام مش هسالك في دي بس عارفففففة يا “وبيتك على اسمها:ملييييييكة لو اكتشفت انك جايبة بيهم حجات حلوة واكلات سريعة هعمل فيكي اي بلاش اقولك هخلي عقلك يصورلك دة لو اكتشفت دة لا سمح اللة يعني
وبخبث:بس انا عارف ان مليكة مستحيل تعمل كدة وبيمشي العصاية على رجليها :ولا اي يالوكة
مليكة بتوتر :اة اة طبعا هو انت تعرف عني حاجة زي كدة
رسلان:اممم طيب والعشر تلاف
مليكة بتوتر :هو هو هو يعني انا انا انا
رسلان بغيظ:هنجتي ياماما
يلا ياحببتي قولي
مليكة:انا ات ات وبسرعة:اتبرعت بيهم لملجا الحيوانات
رسلان فضل باصصلها بصدمة شوية وبعدين قال بعدم استيعاب:نعم يختي
مليكة:بص انا واللة هفهمك ما اةةةةةةةةةة انت متعرفش
رسلان بغييظ :لا معرفش تخيلي
مليكة:ممم اسكت مش طلعت الحيوانات دي روح زينا تخيل
رسلان:يراجل
مليكة:اة واللة
رسلان وهو حاسس انة هيتشل:طب كنتي حتي اتبرعتي بيهم لملجئ أطفال يتامي
بلاش دي لأي مستشفى بلاش دي تبرعات خيرية مش ملجأ حيوانات
مليكة بابتسامة توتر :مهو انا هفهمك مش انت عارف ان انا قلبي رهيف ومش بستحمل يرضيك اشوف كلبين انهاردة ايدهم ورجلهم مكسورة ومساعدهمش
رسلان وحاسس هيتنقط منها :لا ازاي تصرفي فلوس هدية عيد ميلاد على كلاب وقطط وكمل بقلة حيلة :اقولك على حاجة واللة لسيبك زي الكلبة كدة ياكلبة
واةة صح انا هخلي الخدامة تنضف اوضتي عارفة لو لمحتك مش دخلتيها لا عديتي من قدامها هنفخك فاهمة واللة هنفخك وسابها وطلع يغير هدومة
_____________________بقلم#ريتاج_محمد_
عند غيث
كان قاعد نفس القعدة الي قاعدها من الصبح وقرر انة يخرج في الجنينة يشم هوا شوية بس خمسة كدة وهيرجع عشان أمة هتفضل تفاتحة في موضوع العملية
وهو عارفها
وطلع برة لانة حافظ البيت أو لنقول كان حافظ البيت
وراح قعد عالمرجيحة الي في الجنينة
وفضل قاعد شوية
عند رجاء مامت غيث كانت واقفة في شباك اوضتها
تبص عالفيو بتاع الفيلا وشافت غيث خرج قعد عالمرجيحة
رجاء بابتسامة حزن دفين: نادرا لما بشوفك تخرج كدة ياحبت عيني انا نفسي اشوفك مفتح ، يارب عقلة وخلية يوافق يارب عالعملية يارب
ودخلت الحمام الملحق بالغرفة واتوضت وصلت وفضلت تدعي لغيث انة يعمل العملية او ربنا يبعتلة حد يلهمة. يعملها وعيطت لابنها
بس هي بردو مقدرة حالتة وعارفة انة على قد ما هو حزين انة فقد بصرة في المهمة على قد ما فرحان انة جاب حق اصحابة الي ماتوا
وقعدت تدعى ليهم بالرحمة وكانت عايزة تنزل تقول لغيث على زيارة أهالي صحابة بس قالت بلاش دلوقتي عشان ميدخلش خليها بكرة
وفضلت تدعيلة
_____________________________
في مكان تاني اول مرة نروحة في كندة
كانت عيلة مكونة من أب و ام وابنة
الاب اسمة سليم والام صفا والبنت ملك
صفا :بقولك اي ياسليم اتصلي على مليكة ورسلان عايزة اسلم عليهم
(طبعا عرفتوا ان دول عيلة مليكة ورسلان الي مسافرين
)
سليم بحب:طيب ياقلبي واتصل عليهم فيديو كول
ورد رسلان
________________________
عند رسلان ومليكه بعد لما نزل بعد ما غير هدومة
وراح غرفلة وحط الأكل عالسفرة الي قدام مليكة بالظبط وقعد وقال :اممم اما نشوف بقي هتطلعى فالحة في حاجة ولا كلة فشنك
وبص للأكل وقال:معلش بس تقوليلي دا اي دة
مليكة بابتسامة توتر :دي دي دي ااةةةة دي مكرونة بشاميل. باللحمة المفرومة
رسلان:اممم مع إن باين انها بشاميل مش مكرونة بشاميل بس هعديها وخلينا في الريحة والطعم ونركن الشكل
ودي اي بقى
مليكة:دي نص فخدة
رسلان بابتسامة غريبة:وانا ونتي هناكل نص فخدة لية عجول
مليكة بتوتر:عادي بقى يرسو بقولك اي يا أخويا ياحبيبي ياروحي ياقونصي ياكبدي ياكليتي متفكني انا الدم وقف فدماغى وحساها هتفرقع
رسلان :هأأأااو دا عندها عرفاها عندها انسي يماما
وبدأ يقطع الأكل بدا بالمكرونة بشاميل لقاها عبارة عن عجينة وفي النص لحمة مفرومة وملهاش طعم
رسلان وهو بيمضغ الاكل بقرف:امممم جميلة ياقلبي متعمليش اكل تاني بقى
بس بردوا مش هنحكم من اول مرة اكيد الفخدة طعمها من شكلها جميلة
ويدوب حط السكينة جوا الفخدة عشان يقطعها لقى دم نازل من الفخدة كتير
رسلا ببصة زي عادل امام كدة :اممم اةة لا دة كدة اللهم صلى عالنبي انتي متدخليش مطبخ تاني دنا يتف عليا لو قولتلك اعملي اكل تاني
مليكة بصتلة بابتسامة توتر
وهو كان لسة هيروحلها لقى فونة بيرن باسم ابوة
رسلان:احية
وراح بسرعة عشان يفكها وشالها ونزلها وقالها بتحذير:والمصحف يامليكة لو قولتي حاجة لبابا ما هتخدي ولا جنية لمدة شهر وهوصي عليكي الدكاترة بتوعك تمام فاهمة
مليكة بتوعد وخبث ونظرة براءة مزيفة :اة طبعا طبعا انا اصلا مستحيل اقول لبابا انت بتهزر دنت حتي اخويا ياجدع
رسلان :انا مش مطمن ل انت اخويا ياجدع دي
عمتا هنشوف وفتح المكالمه واخد مليكة فحضنة وابتسم
سليم بابتسامة:عاملين اي ياولاد
مليكة بمشاغبة :احسن منك يابوب
رسلان بهمس:عفانة
سليم باستغراب:الا يا مليكة اي منظرك دة انتي شكلك عامل كدة لية مبهدلة في نفسك وشعرك منعكش
مليكة بتمثل الحزن:أصل انت متعرفش يابا دا رس…
رسلان قاطعها لما قرصها في وسطها براحة وهو بيبتسملها بتحذير
وبص لأبوة وقال:أصل انت عارف يبابا مليكة شقية بقى وكدة ولسة واقعة من عالسلم
سليم بحدة:نعممممم
رسلان براكشن صدمه :متفهمش غلط ياحج
دا هي هي هي وبصلها متقولي يامليكة الي حصل
مليكة ببصة خبث:اقول
رسلان بصلها بتحذير:اة طبعا قولي
مليكة :أصل يابابا انا انا انا ااااة افتكرت انا كنت بجري ورا منتصر
سليم بتساؤل:مين منتصر دة ؟؟
مليكة :دادا اة دا ابن الدادة مرفت
سليم :بس على حد علمي دادة مرفت معندهاش اولاد صغيرة
مليكة بتوتر :ما ااااة شوفت انا نسيت صح دا ابن بنت عمت بنتها
رسلان وسليم:افندم؟؟
مليكة بتوتر:هاا عادي بقى مش مهم
سليم :امم رسلان
رسلان:نعم يبابا
سليم :مليكة عاملة اي في جامعتها
رسلان بخبث:جميلة جدا وشاطره شطارة اول مرة اشوفها ولا اي ياليكة
مليكة وهي بتدخل في حضن رسلان اكتر
وبتخبطة من ورا على ضهرة اة طبعا يابابا دنا باكل الكتب اكل مكلتوش في حياتي
سليم:ربنا يوفقكوا يولاد صح ينهار دي صفا هي الي قالتلي اكلمكوا
وانا دخلت جوا ونسيت استنوا اناديهالكوا
يااصفاااا ياصفااا
صفا جت :نعم يحبيبي
مليكة بغمزة:حبيبي اللة يسهلوا ياعم
سليم بصلها:قليلة ادب لما جيلك يابت
مليكة :ولا تقدر تعملي حاجة انا معايا رسو
رسلان :انا اتبريت منك خلاص
مليكة بكسفة:ايدة اصلا لا خلاص اشطة اعمل الي انت عايزة يابوب
صفا بحب:بقى تكلموا ابوكوا وانا طز فيا
مليكة بحب:ولا نقدر اصلا دنتي الي في الحتة الشمال ياصفصف
صفا :حبيبتي ؛وحشتني يارسو
رسلان بضيق:مش من اولها كدة انتي عارفة ان انا مبحبش الاسم دة
كفاية عليا واحدة مش هيبقوا اتنين
وبعدين هاتي البت ملك عايز اكلمها وحشتني بنت اللزينة
سليم:ملك لسة خارجة باين هتروح عيد ميلاد صاحبتها
رسلان بحدة:واحنا من امتي بنسيبهم يخرجوا ولا انتوا عشان برة البلد يعني
صفا:دا ساكنة قدامنا ياحبيبي مفيش حاجة
رسلان:طيب بس متتكررش تاني تمام
سليم:طيب اكتم بقى
وكملوا كلامهم وطبعا مخلاش من مشاغبات ومشاكسات مليكة
وغيظ رسلان
_________________________
في مكان اول مرة نروحة في ألمانيا
عند مجموعة من الأشخاص
الرئيس :احنا لازم نموتة مينفعش يعيش الواد دة خطر
تولين :مش شرط اهو اتعمي وخلاص
الرئيس:لا لا لا انتوا متعرفوش حاجة لما يبقى واحد ويموت ١٦ واحد من رجالتنا المهمين وقدر يقتل ٤ أعضاء مهمين ووقف اخر عملية الي هي اصلا اهم عملية السنادي يبقى مش عادي حتي لو اتعمى
ومعتقدش انة هيسيبنا الي زي دة حتي لو اخر نفس فية هايجيبنا واحنا لازم نتغدا بية قبل مايتعشي بينا
مارك :معاك حق
احنا لازم نموتة ونستغل ان قوتة قلت بأنة اتعمى
بس ازاي
الرئيس :كل حاجة هتيجي بهدوء احنا حاليا مش هنقدر نواجهة وش لوش فهنلعب من تحت التربيزة ومش هنتحرك ولا هنعمل اي خطوة الا لما ننزل مصر ب هويات جديدة واسماء جديدة وحذاري حذاري حاجة تحصل بعدم علمي تمام
تولين :بس احنا كدة هننزل مصر امتى
الرئيس: اممم غالبا شهرين تلاتة كدة الحكومة تهدي شوية عشان زمانها ملغمة في كل حتة عشان تقبض علينا
مارك :طيب
__________________
عند غيث دخل من الجنينة وقعد في الاوضة
بتاعتة ومدد عالسرير على صوت القرآن الي مابيفرقش اوضتة
لقى الباب خبط
غيث :ادخل
رجاء بحب بعد لما دخلت :خد ياحبيبي كل
غيث بهدوء: واللة يماما مليش نفس
رجاء بحزن:طب حتى كُل لقمة صغيرة عشان خاطري ياحبيبي دنت مكلتش حاجة من الصبح
غيث بديق:واللة ياماما مش جعان
رجاء :طب عشان خاطري طيب لقمة واحدة
غيث :طيب يماما هاتي الطبق
رجاي بحب ادتة الطبق
وهو اكل لقمة وحسس على مكان الكمبود وحط الطبق علية
غيث:اهو حلو كدة اكلت لقمة خلاص
رجاء:طيب ياحبيبي لو جعت ابقى كلة
غيث:تمام يماما تصبحي على خير
رجاء :وانت من اهلة
وخرجت وقفلت الباب وراها
اما غيث كان قاعد معرفش ينام لان الأكل كان طعمة حلو اوي وهو اخد لقمة واحدة راح قام واكل ونام
___________________________
عند رجاء لقت عزام ابو غيث داخل
راحتلة بسرعة وبفرحة:عزام حبيبي انت جيت
عزام:لا لسة مجتش
رجاء وهي بتضربة على كتفة براحة:بطل حركات بايخة انت وحشتني
عزام :يعني بالعقل كدة الواحد جاي من الشغل تعبان
تقومي تقولي انت جيت
رجاء:خلاص بقى دا اي دة المهم
عزام:اي استر يارب
رجاء بجدية:انا مش عاجبني وضع غيث دا من يوم الحادثة وهو كدة مفيش في حياتة لون
عزام:اة عايزاني اعمل اي بردك
رجاء:اي ياخي البرود دة
عزام:برود اي انا عرضت علية اسفرة برة عشان يعمل العملية ومرضاش اعمل اكتر من كدة اي انا مش فاهم
رجاء بتوتر:لا مهو يعني انا لقيت الحل
عزام وهو بترقب:امم واي هو الحل
رجاء بتوتر:احنا نحطة قدام الأمر الواقع
عزام بتضييق عين :مش فاهم وضحي اكتر
رجاء وهي بتفرك ايدها بتوتر :احم يعني دي في الاول والاخر فكرة اة انا قولت افكر بس لو تفكيري مش عاجبك خلاص ياحبيبي
بلاها هو هو يعني انا كنت بقول ان انت كان عندك صاحبك الي متربي معاة دة كان اسمة اسمة سليم صح
عزام:امم ليية
رجاء بتوتر كبيير:هو كان كان عندة بنتين يعني كان اسمهم اي ياربي كان اسم..اة مليكة وملك صح
عزام:امم وبعدين كملي
رجاء بتوتر:انا كنت بقترح يعني مجرد اقتراح صغير اد كدة🤏ان نجوز غيث واحدة منهم
عزام بحدة :…….
_________________
عند رسلان ومليكه
رسلان كان ماسك مليكة من قفاها جامد
وقال بحدة:اممم اليوم عدي ونسيت الي انتي هببتية بس يحببتي متقلقيش افتكرت دنا هطلع عين اهلك يابنت الجزمة
مليكة بخوف:واللة دا مش انا مش انا عااااا
رسلان بحدة:نعم يروح امك امال مين البواب
مليكة بتوتر:وربنا منا دي ايدي الي إلهي يتحط في دبلة عشان اخلص منك
رسلان شدد على مسكتة ليها جامد وقال:وحيات امك
بتتتت شغل الهبل دا مش هنا
اي الي انتي هببتية دا في ام العربية
مليكة:بص يبني انت الي غلطان اعترف بدة ولو لمرة واحدة في حياتك
رسلان نزلها وهو بيديها شلوط:طب غوري نامي عشان مشلفطلكيش وشك
مليكة بقرف مزيف:ياااي بيئة اويي
رسلان وهو بيدور على حاجة يحدفها بيها:طب غوري يابنت الجزمة
واقولك على حاجة هتدفعي حقها عشان تبقى تتريقي أوي يختي
مليكة:طالعة يخويا طالعة انت محسسني اني هطلع من الجنة يخي غور علي ابوشكلك
وجريت و وهي بتطلع عالسلم :واقولك حاجة عند بعند منيش مصلحاها وهات بقى من فلوسك الي شايلها في البنك يامعفن ياجلدة
وجريت
رسلان بغيظ:بقى انا معفن وجلدة طب ماشي ماشي وربنا لوريكي بكرة في الجامعة ياكلبة
وطلعوا ناموا
__________________
عند عزام ورجاء
عزام بحدة:نعم انتي بتقولي اي
انتي مستوعبة الي انتي بتقولية
رجاء بتوتر:يحبيبي منا قولتلك دا مجرد اقتراح
ها اقتراح ولو مش عايز خلاص
عزام :مش حكاية مش عايز بس اكيد مش هيرضوا انتي مش شايفة ابنك مالة
رجاء بحدة:مالة يعنيا ناقص ايد ولا رجل لأ يبقى ميعيبوش اي حاجة وبعدين العمي دي جالة نتيجة دفاعة عن الوطن في مهمة وممكن يعمل العملية
ويرجع يشوف بس هو الي مش عايز دة
عزام بتفكير:طب افترضي وافقت هنخلية يمضي ازاي
رجاء:سهلة سيبها عليا دي بس انت كلم سليم بس
عزام بتفكير وقد اعجبتة الفكرة وبتردد:ط طب بصي احنا هنجوزهم ٦ شهور حَبوا بعض وقرروا يكملوا كان بها ومحبوش بعض وقرروا الانفصال كل واحد يروح طريقوا تمام
رجاء بفرحة :تمام يلا بقى كلم سليم
عزام بغيظ:انتي اتهبلتي على كبر شكلك انتي مش ملاحظة حضرتك اننا بليل بكرة بقى ابقا اكلمة يعني. هيروح مننا فين
____________________________
تاني يوم عند رسلان ومليكه
رسلان قام من النوم الساعة ٧ عشان يروح الجامعة وراح يصحى مليكة عشان عندها محاضرة بدري انهاردة عالساعة ٩
وراح اوضتها وفتح الباب ودخل لقا اللاب مفتوح عالسرير وفي تسالي كتير حواليها
رسلان بتمتمة غيظ:نفسي تبطل ام العادة دي تسهر على افلام رعب واكشن وتطلعة عليا في الاخر
وراحالها وقال :بسم اللة ١.٢.٣ ملييييييييكككككككةةةةةةةةة
مليكة قامت مفزوعة وادتة بالقلم منغير ماتحس
:عاااااااااااااااااا
وبعدين فضلت مبلمة شوية بتستوعب الي بيحصل
وبعد ما استوعبت:احية
انا آسفة واللة بس انت الي خضتني
رسلان بغضب :طب بصي انا مش هحلف انتي قدامك ٥ دقايق ان ملقتكيش لابسة تلاتة باللة لهمسح بيكي بلاط الفيلا كلها خلصة وسابها وخرج
مليكة بندفاع وتوتر:هو زعل صح مش كدة،اممم مايتفلق مجتش على قلم يعني ما يأما علقني في نص الفيلا
وبعدين افتكرت كلامة وقامت جري لبست
وخرجت لقيتة مستنيها قدام العربية وحاطط ايدة عالساعة وبيقول:اممم تأخير نص ساعة
مليكة بعدم اهتمام وهي بتركب العربية :يعم فكك
بصلها بغيظ وبعدين ركب وراحوا عالجامعة
____
ومليكه راحت المحاضرة الي عليها بدري وخلصت وقعدت في الكافتيريا
ورسلان راح محضراتة هو كمان
عند مليكة كانت قاعدة بتفطر
في الكافتيريا لقت شاب جاي عليها وبيقول:احم لو سمحتي
مليكة :نعم
الشاب:انا كنت عايز اقول لحضرتك حاجة
مليكة:تمام اتفضل
الشاب:احم بصراحة كدة انا معجب بيكي وعايز نرتبط
مليكة بتصنع الدهشة : او مايقاد من تاني يوم كدة اي ياض السرعة ماتيجي تتجوزني احسن
الشاب بفرحه:يعني اي رايك
مليكة :راييي انك تمشي دلوقتي عشان مدشملكش وش الي جابك دلوقت قال معجب قال يلا دنت امك صاحبتي يلا
الشاب بغضب :علفكرا انتي انسانة مش متربية وعديمة الاخلاق
مليكة وهي بتقوم:طب مش متربية وهعديها بمزاجي لكن تجود وتقول عديمة الاخلاق ابسليوتلي انا مستحيل أقبل بكدة
عارف يلا انت ربنا بعتك ليا
علفكرا انا كنت مستنياك تغلط وغلط واشهدي ياجامعة ان الغلط عند الكل بفورة الا عندي بموتة
تعالالي
____________
بعد ساعة عند رسلان بتعيطلة
:د د دكتور رسلان
رسلان قام بخضة وراحلها بسرعة وحضنها:مليكة مالك
في اي انتي بتعيطي لي يحببتي
مين بقى الي شافهم الشاب السمج الي اتخانق مع مليكة راح صورهم وهوا حاضنها
________________________________
*أجمل ما قيل عن رحمت الله*
قال ابليس : وعزتك وجلالك لأغوينهم عنك ما دامت ارواحهم فى اجسادهم
فماذا قال الله: قال وعزتى وجلالى وارتفاع مكاني لأغفرن لهم ماداموا يستغفرونني
استغفرو ايهاا المسلمون
لعلها لحظة استجابة
فوالله انها فانية 🥺
_______________________________
مليكة بعياااط؛عااااااا ابن التييت علم علييا
رسلان بعدم فهم:مش فاهم علم عليكي ازاي يعني
مليكة بعياط وهي دافنه راسها في صدرة :الواد ضربني
رسلان وشة احمر من الغضب وبحدة قال:نعمممممممم
مين ابن ال******** دة وانا اطلعلك ****** أمة
مليكة :معرفش معرفش
رسلان بغضب حقيقي :هو اي الي معرفش تعاليلي وقوليلي اي الي حصل وعارفة يامليكة لو نقصتي حرف مش هيعديلك نهار انهاردة
مليكة بخوف فرسلان عند عصبيتة حقا لا يرى امامة:ب بص هو هو جة وانا قاعدة في الكافتيريا وقالي معجب وبحبك والكلام دى
روحت قولتلة معجب اي ي يلا دنت امك صحبتي ياة
راح شتم روحت جيت اضربة راح ضربني عااااااااأااااااأاا
رسلان بحدة:ضربك ازاي انطقي
مليكة بتوتر:هو هو يعني اةةةةةةةةةة مسك الكرسي الي كان في الكافتيريا و راح حدفة عليا حتي شوف شوف وورتة قورتها
رسلان اتعصب جامد ومسك ايدها وخدها وخرج
برة المكتب
وهنا بقى مين شافهم
(الواد الي اتخانق مع مليكة )
وصورهم تاني وهو ماسك ايدها
رسلان خرج هو ومليكه وراحوا الكافتيريا
وملقوش حد
رسلان :مليكة اوصفيلي ال****** دة
مليكة :هو هو تقريبا ابيض …. لا اسمر ..بص هو مزيج
رسلان باستغراب:حنطي يعني
مليكة. بسرعة:هو دة و و واةةةة اعتقد يعني كان عندة دقن طويلة
رسلان باستغراب:متأكدة
مليكة بتو تر :لا
رسلان بحدة:نعم
مليكة بتوتر:انت كدة بتوترني على فكرة
خليني افتكر بقى
رسلان بغيظ:اة اة افتكري يلا انا سايب شغلى وحياتي عشانك وانتي تقوليلي هفتكر افتكري يختي
مليكة بتذكر:افتكرت صح مكنش عندة دقن كان عندة سكسوكة وبوقة صغير أوي وحواجبة تقيلة
رسلان شك في حد: هو عندة حسنة في ضهر ايدة
مليكة بتذكر:اةةةةة اة في لحظه
انت عارفة
رسلان بسخرية :عارفة دا من اعز معارفي تعالي
وفي سرة :اة يابن الخرتيتة يا رامي الكلب دنت هيطلع عين امك اصبرلي بس
وراح ورا مبني الكلية لقى مجموعة شباب قاعدة بتشرب حش🚬يش
ومن ضمنهم رامي دة
اول لما شافو رسلان رموا الي كانوا بيشربوة وجريوا جية رامي يجري مسكة رسلان جامد وقال بغضب:دنت ليلة اهلك مش معدية يعني مش كفاياك بقالك اربع سنين في تانية
لا بتشرب زفت على دماغ امك ورا المبني والي زاد وغطي بتعاكس مليكة وتقولها بحبك
رامي بستفزاز:لمؤاخذة يعني ونت مال حضرتك يادكتور لتكون المزة تبعك ولا حاجة
رسلان وهو بيلكمة في وشة بعصبية :تبع مين يابن الخنزيرة
رامي :اي يادكتور زعلت من الكلمة
لي ما بالعقل كدة جيت اقولها بحبك صدتني والاقيك جايلي بتدافع عنها دا معناة اي
رسلان بغضب وهو بيضرب جامد:معناة انها اختي ياروح امك
رامي بصدمة:احلف نهار اسود
رسلان بعصبية:ماهو نهار اسود فعلا
ونزل فية ضرب وبعد لما خلص مسكة وقال لمليكة :تعالي كدة
مليكة قربت بخوف: ن نعم
رسلان :تعالي أضربية زي ما فكر يمد ايدة عليكي
مليكة بهزار عشان تخفف الجو:لا مخلاص بقى المسامح كريم الواد مفهوش حتة سليمة
رسلان بحدة:انجزي
مليكة بتوتر :خلاص واللة انا مسمحاة الواد وشة مش باين
رسلان بعصبية:هاجي أمد ايدي عليكي انجزي
رامي وهو مش قادر يتكلم:و و ا ل ل ه م م ما ج جي ت جمب ها
(و واللة ما جيت جمبها)
رسلان بص لمليكة بمعني اي دة
مليكة بتوتر :م مهو بص هفهمك واللة هو فعلا مضربنيش.
- يتبع الفصل التالي اضغط على (رواية اخرجتني من الظلام) اسم الرواية