رواية العاصي الفصل الثالث والثلاثون 33 - بقلم كنزي حمزة
العاصي
الفصل الثالث والثلاثون
حضرت الشرطه واخذو هذا الرجل من يد حمزه وحازم بعد ان ابرحوه ضربا
ولكنهم لم يستطيعو ان يخلصو الاخر من بين يديه
ظل يصدر له اللكمات الي ان ادمي وجهه وبعد ذلك امسك عنقه بين يده وهو يضغط عليه بشده 😈
حاول الجميع ان يفك براثين يده لكن هيهات فهو يضغط باستماته علي عنقه
حازم: سيبه يا عاصي هايموت في ايدك سيبه والحكومه هاتخده خلاص
لم ينتبه اليه ولا الي يد الظابط التي تضرب علي يده
الي ان وقف حمزه امامه ولكمه في وجهه وصرخ:فوق بقي
تركه اخيرا ونظر الي اخيه نظره مرعبه ولكن لم يكن امامه بديل غير ذلك
تقدم الظابط وامسك بالرجل وهتف :انا هاخدهم دلوقتي علي القسم وياريت كل اللي يعرف حاجه يجي يقول اقواله
وانت وهو وهو ياريت تيجو معانا
حمزه:نيجي معاك علي فين احنا مش هانروح في حته غير لما نطمن علي مراتي ومرات اخويا
الظابط:تمام تقدرو تطمونو عليهم وبعدين تيجو علي القسم
عاصي:معندناش حاجه نقولها ومش هانيجي اقسام
الظابط:تمام معناها هاقبض عليك دلوقتي انت كنت بتموت واحد قدام عيني حالا
حازم:خلاص يا فندم هو بيقول كده بس عشان الحاله اللي هو فيها نطمن بس علي البنات وهاجبهم واجي لحضرتك
فادي:البت راحت فين دي هربت
الظابط:بت مين اللي بتتكلم عنها
فادي :كان معاهم بنت كده شكلها مش مظبوط هي اللي خدرت غمزه وقالتلها انها سكيرتيرة جوزها وانو عمل حادثه
انا كنت واقف وشوفت كل حاجه وقبل ما يركبوها العربيه قربت منهم واخدتها منهم وديتها للبنات
الظابط:طب يا ريت بقي تيجي معانا وبالمره نشوف مين اللي عورك لأن واضح ان الجرح اللي في حاجبك ده يتعمله قضيه لوحده
اوميء فادي برأسه وكاد ان يرحل الا ان امسكه
عاصي:متشكر اوي انت راجل جدع
فادي:انا معملتش حاجه هي زي اختي خلي بالك منها انت بس
ثم تركه ليذهب خلف الظابط الا ان حازم اوقفه ليضمد له جرحه ولكنه لا يعرف ان جرح قلبه ينزف بغزاره
جري عاصي سريعا الي سيارة حازم واخذها من بين يدي
غزل التي كانت تحتضنها وتمسك اسفل بطنها وتبكي بغزاره
عاصي:غمزه عملوفيكي ايه يا حبيبتي فوقي يا روحي متخضينيش عليكي لكن كل كلامه ليجدي بشيء
التف حمزه الي الجهه الاخري ليجلس علي ركبتيه بجانب غزل
حمزه:غزل مالك ياقلبي انتي تعابنه صرخت بصوت مكتوم وهي تدمع بشده
غزل:الحقني يا حمزه بطني بتتقطع
حملها بين يديه وصرخ علي حازم
حمزه:حازم الحقني بسرعه اعمل حاجه
حازم:حاضر هاتصل بدكتور حالا
حمل عاصي غمزه بين يديه وذهب باتجاه سيارته:يلا يا حمزه خدها علي البيت وانت يا حازم هات الدكتور وتعالي ورانا
صاحت اسراء:انا هاركب مع غزل يا حازم مش هاسيبها وهي تعابنه كده
حازم :طيب روحي يا حبيبتي وانا هاجيب الدكتور واجي وراكو علطول
وذهبو في اتجاه منزلهم وتركو من كان يريد ان يفديها بروحه يتتبع اثر سيارتهم في صمت
معتز:مبسوط انت كده اتبهدلنا واتضربنا وفي الاخر جيه جوزها اخدها ومشي واحنا هانروح القسم
فادي:كنت عايزني اشوفها بتتخطف واسكت
معتز:لاء شهم يا خويا يلا بينا بس يارب تفوق بقي من اللي انت فيه
فادي:ماتعرفش طريقه اقدر اطمن عليها بيها يا معتز
معتز:يخرب بيتك دانت خلاص راحت منك علي الاخر
/////////////////بقلمي/كنزي حمزه//////////////////
ترجل من سيارته ووجهه محفور عليه علامات الغضب
شهق الصغير بفزع حين رأه يحملهابين يديه وهيا غافيه
جري عليهم وهو يصرخ ليقف جده من علي مقعده ويخرج من وكالته ليري ماذا يحدث
زين:مامي مامي هي مس بتلد ليه يا بابي
عاصي:زين امسك المفاتيح واجري افتح باب الشقه بسرعه يلا
فضالي:في ايه يا عاصي مالها غمزه ايه اللي حصلها
عاصي:دلوقتي الدكتور هايجي واعرف مالها يا ابا
صعد بها الي شقتهم ورأته والدتها التي اترعبت جدا عليها
روقيه:بنتي مالها فيها ايه يا عاصي
لم يخبرها بأي شيء واكمل صعوده بها الي ان وصل الي
شقته ودلف بها الي غرفة نومه وارقدها علي الفراش ووالدتها من خلفه دثرتها جيدا
روقيه:قولي في ايه يا عاصي مالها غمزه
وقف هو ينظراليها بغضب بينما تحدث فضالي الذي صعد هو الاخر اليهم
فضالي:ماتنطق يابني قولي في ايه
عاصي:ولاد....... كانو عايزين يخطفوها استنو لحد ما سيبتها ومشيت وخدروها وكانو هايخدوها هي وغزل
روقيه بخوف ودموع علي بناتها:يا لهوي بناتي عاملو فيها ايه يا عاصي وفين غزل بنتي التانيه فين يا عبد الرحمن
عاصي:بس ماتصرخيش كده هي متخدره والدكتور زمانه جاي وهيطمنا عليها
وغزل مع حمزه هو جايبها وجاي دلوقتي
ليسمعو صرخة غزل من الخارج قفزت واقفه امامهم وجرت خارج الغرفه وهم من خلفها
روقيه:غزل مالك يا حبيبتي فيكي ايه
غزل:بطني يا مامي بتطقطع
ادخلها حمزه وهو مرعوب عليها الي غرفة زين وصعد الطبيب مع حازم واسراء التي دلفت الي غمزه وهي تبكي حزينه علي ما يجري لهم
خرج حمزه وحازم من الغرفه وامسك هاتفه ليحدث خالد ويخبره بأن يأتي فورا
حمزه:الو ايوه يا خالد تعالي عندنا دلوقتي حالا
خالد:في ايه يا حمزه اخوك فين مكلمنيش هو ليه
حمزه:مافيش وقت اشرح ليك حاجه لو علي اخويا مش عايزني اكلمك اصلا تعالي بس وانت هتعرف كل حاجه
خرج عاصي من الغرفه ليجده يتحدث معه
اجتذب منه الهاتف واغلقه وهو يصرخ فيه بينما وقف حازم امامه ليردعه عن اخيه
عاصي:انت........ياض بتتحامي في الحكومه ولا خوفت يا.........
حازم :بس بقي ياعاصي اخوك خايف عليك يا اخي
عاصي: دا عيل......... خايف علي نفسه انا مش مستني منه خوفه عليا
حازم:اهدي بقي يا اخي ولم لسانك ده شويه راعي ان البيت في حريم مش لازم يسمعو طولة لسانك دي
جلس حمزه علي المقعد واضع ورأسه بين يديه ولم يعيره اي اهتمام
وجلس ايضا ابيه بجانبه:ايه اللي حصل لغزل هي كمان يا حمزه
حمزه:معرفش ياابا هي من الصبح بتقول ان عندها مغص
بس ماكنش بالطريقه دي بس بعد اللي حصل فجاءه لقيتها بتصرخ وبتقولي الحقني معرفتش اعمل حاجه غير اني اجبها هنا
انا خايف ليحصلها حاجه هي ولا العيل اللي في بطنها
وقف زين بجانبه بدأ يطبطب عليه بيده الصغيره:ماتخفس يا حمسه غسل هتبقي حلوه والنونو كمان هيبقي كويس
حمزه:ان شاء الله يا حبيبي يا رب يا زين يا رب
خرج الطبيب من الغرفه واتجه اليه حمزه مسرعا:خير يا دكتور مالها فيها ايه
الطبيب:عندها طلق ولاده مبكر وده طبعا خطر علي الجنين
عاصي:طب ايه يا دكتور ننقلها المستشفي
الطبيب: لاء مالوش لازمه انا بس عايز حد يجبلي حقن التثبيت دي عشان اديها واحده ولازم تفضل نايمه علي ظهرها ومتتحركش كتير
اخذ حمزه منه الروشته مسرعا وتوجها الي اسفل ليجلب له ماطلبه
الطبيب:ممكن اشوف المريضه التانيه
عاصي:اتفضل يا دكتور اخذه وتوجه الي زوجته ليطمئنه عليها هي الاخري تركه معها هي واسراءوخرج الي حازم ووالده مره ثانيه
جلس بجانبهم وحمل طفله علي قدمه في انتظار خروجه
فضالي:استغفر الله العظيم ايه اللي بيحصلنا ده
عاصي بهدوء : ورحمة امي لدفعهم التمن
حازم:كلامك ده معناه انك عارف هما مين
عاصي:طبعا عارف هو في حد بيبقي ليه عدو ومايبقاش عارفه
فضالي:انت متأكد انهم هما
عاصي:ومين غيرهم اللي ممكن يعمل كده
حازم:هما مين يا عاصي ماتفهمني
عاصي بغضب:ولاد عمهم انا مش عارف نسيت اذاي انهم خرجو من السجن
حازم:ايه وولاد عمهم عايزين يخطفوهم ليه
خرج الطبيب من الغرفة بعد ان اعطاها حقنه لأفاقتها جري عليه عاصي
عاصي:خير يا دكتور فاقت ولا لسه
الطبيب:اطمن انا اديتها حقنه هتفوقها ان شاء الله والحمد لله مافيش اي حاجه تقلق
فضالي:يعني هي كويسه يا دكتور
الطبيب:ايوه كويسه جدا ماتقلقوش يا جماعه بس ياريت محدش يعرضها لتوتر او تخوفها كل شويه لانها واضح اوي انها خايفه من حاجه
عاصي:لاء من الناحيه دي اطمن
حضر حمزه وبيده بعض الادويه التي طلبها الطبيب واعطاها له
وتوجه معه مره ثانيه ليعطي زوجته حقنة التثبيت ودلف اليها
حمزه:غزل عامله ايه يا حبيبتي
غزل:انت فين يا حمزه سايبني لوحدي ليه
حمزه: انا كنت بجبلك العلاج هو انا بردو اقدر ابعد عنك
الطبيب :طب ممكن بقي تعدلها وتمسك دراعها عشان اديها الحقنه ويا ريت يا مدام ماتتحركيش كتير من السرير اليومين دول وتفضلي نايمه علي ضهرك اطول وقت ممكن
غزل:بلاش حقن ياحمزه عشان خاطري
حمزه بعد ان احتضانها جيد:من غير الحقن دي في خطر علي البيبي يا حبيبتي
معلش استحملي عشان ابننا دفنت وجهها في صدره وامسك هو زراعها غرس الطبيب الحقنه فيه الي ان اعطاها لها
الطبيب: الحقن دي كل يوم تاخد واحده منهاوبعد ما تخلص ياريت تبقي تجبها العياده نطمن عليهاوعلي البيبي
حمزه:حاضر يا دكتور تحت امرك طبعا.
خرج معه الطبيب وشكره هو عاصي وتوجه معه حازم للأسفل
بينما قابلهم خالد وصعدعلي الدرج لشقة عاصي وجد الباب مفتوح ودلف ليجده في وجهه
عاصي: جاي ليه يا خالد يلا امشي مافيش حاجه هنا
خالد:اما انك حلوف صحيح دي مقابله تقابلني بيها يا حيوان وانا اول مره ادخل بيتك
فضالي:تعالي يا خالد اتفضل يا بني
خالد : ايه يا حمزه جايبني ليه علي ملا وشي والبني ادم ده ماله بيزعق ليه
كاد ان يرد عليه لكنهم فزعو عندما سمعو صراخها تنده باسمه
جري اليها وهو مرعوب من اجلهاوعندها بالغرفه
روقيه:ياحبيبتي مالك بس جوزك بره كويس مافهوش حاجه
غمزه :عاصي يا مامي هو فين خليني اروحله
اسراء:جوزك كويس يا غمزه مافيهوش حاجه
فتح هو الباب بسرعه واقترب منها اخذها بين احضانه
عاصي:غمزه انا اهو يا حبيبتي مافيش حاجه حصلت اهدي خلاص انتي معايا وفي حضني ومحدش يقدر ياخدك مني ابدا
غمزه بصراخ: انا مش فاهمه حاجه مين البنت دي وليه جات قالتلي انها السكرتيره بتاعتك
عاصي:بس اهدي مافيش بنات بيشتغلو معانا اصلا مامتك لما جات الشركه شافتنا كلنا مجموعة شباب بنشتغل مع بعض
دول ولاد عمك كانو بيحاولو يخطفوكو بس ورحمة امي ما هاسيبهم وهادفعهم التمن غالي اوي
روقيه:تعالي يا اسراء نشوف غزل وهي جوزها هايعرف يهديها
اسراء:طيب ياطنط ربنا يطمنا عليهم هما الاتنين
تركوهم وتوجهو الي غزل بينما صعد الصغير علي قدمه واحتضنهم هما الاثنان بيديه الصغيره
زين:يا حبيبتي يا مامي ماتخفيس بابي مس هايخلي اي حد يخدك مننا ويهضلب الناس الوحسه دي
اخذته هي بين زراعيها واحتضنته:ربنا يخليه لينا ياحبيبي ويبعد عننا بقي الناس المؤزيه دي
ضمهم هو الي احضانه بتملك
عاصي: ويخليكم ليا يااغلي حاجه في دنيتي
كلها
دق الباب ودخل عليهم حمزه:عامله ايه دلوقتي يا غمزه
غمزه:الحمد لله كويسه هي غزل اختي فين
هي كويسه
حمزه:الحمدلله كويسه عاصي خالد عايز يسمع اللي حصل من غمزه لو تقدر تخرج وتتكلم
عاصي بغضب: انت بردو نفذت اللي في دماغك طب روح قوله مراتي معندهاش حاجه تقولها هي تعابنه وماتعرفش حاجه
حمزه:ممكن تهدي بقي عشان عصبيتك دي مش هتحل حاجه
ايوه انا خايف يا سيدي خايف عليك وعلي مراتي واللي فبطنها تقدر تقولي كنت هاعمل ايه لوكان حصلها حاجه ولا
عايز تعمل انت حاجه تتحبس فيها ولا حد منهم يضربك رصاصه وتروح مني فيها
غمزه بصراخ:لاء انا كويسه عشان خاطري ياعاصي اناهاخرج اتكلم معاه
اسندها هو بين يديه واعدل لها حجابها وخرجو اليهم
وعندما رأها فضالي مد لها يده واخذها من عاصي بين زراعيه يغمرها بحنان الاب
فضالي: غمزه تعالي يابنتي يا حبيبتي الف سلامه عليكي عامله ايه دلوقتي
غمزه:بعد ان جلست بجانبه :الحمد لله يا بابي انا كويسه
خالد:حمدلله علي سلامتك يا مدام غمزه ممكن تحكيلي اللي حصل
بدأت هي تحكي له ماحدث تحت نظرات زوجها الغاضب جدا وبعد ان انتهت
عاصي:ورحمة امي لجبهم متربطين تحت رجلك انا هادفعهم تمن خوفك ده ولاد ال...........
غمزه:بلاش يا عاصي عشان خاطري
عاصي:عشان خاطرك هاقتلهم انشالله اتعدم فيها بس ابقي عارف ان ما فيش حد هايأزيكي تاني
بدأت هي تصرخ وعيناها تزرف بالدمع علي ما وصل به من غضب
اخذها فضالي من امامه وادخلها الي والدتها واختها
حازم:ممكن تهدي وتبطل هبل بقي ولما تقتل واحد فيهم هتبقي مبسوط وانت بعيد عنها
خالد:متفكرش انك ممكن تعمل كده وهاسيبك انا بنفسي اول واحد هايقبض عليك وتبعد عنها للأبد
حمزه:اقعد ياعاصي وخلينا نفكر بهدوء وبعدين نروح القسم نشوف العيال اللي قبضو عليهم دول مين بالظبط
جلس علي المقعد في هدوء وبدء التفكير بعقل
عاصي:عايزني اعمل ايه
خالد بعد ان جذب مقعد طاولة الطعام وجلس امامه
مباشرة :ايوه كده اقعد بقي واسمعني كويس
/////////////////////////////////////////////////////
ذهبت سعاد اليهم بعد ان هربت من وسط المشاجره عندما تأكدت ان رجاله قبضو عليهم
ياسر:ينهار ابوكي اسود يعني ايه اتقبض عليهم
سعاد:والله يا ياسر احنا كنا خلاص خدنا واحده منهم وانا بأيدي خدرتها
لولا الشباب اللي في الكليه فجاءه لاقناهم قدامنا وبياخدوها مننا
ياسر:ماهما اكيد شافوكي وانتي بتخدريها يا غبيه
سعاد:الله وانت كنت عايزني استني لما تطلع تليفونها وتتصل علي جوزها
وبعد ماكنا خلاص هانهرب منهم جيه جوزها ده وسد علينا الطريق وكان هيقتل الواد في ايده
سالم:خلاص يا ولد منك ليها المهم دلوك الرجاله اللي اتجبض عليهم مالي ايدك منهم يا ياسر ولا هيجولو علي كل حاجه
هتف حسين اخيه:لاء اطمن ياحج العيال دي طول ماحنا مراعين اهليهم مش هيتكلمو
جلس ياسر علي المقعد بغضب: اه يابن ال......
كل ماقرب منهم وابقي خلاص حطيت ايدي علي حد فيهم يجي هو ويضيع كل حاجه من اديا
وقفت هي خلفه بكل بجاحه تدلك له كتفاه
سعاد:اهدي يا معلم ياسر وحياتك لخليه يجبهملك هو لحد عندك بس اهدي كده اسمعني بقي شويه
/////////////////////////////////////////////////////////////////
حل المساء عليهم رجعو من قسم الشرطه بصحبة الظابط خالد دون جدوي لم يتكلم احد من هذان الرجلان ونفو كل ماحدث
حمل حمزه زوجته الي شقته وارقدعاصي الطفل في فراشه
دلف اليها رقد بجانبها واخذها بين احضانه في هدوء الي ان نامت وهي مطمئنه
رن هاتفه برقم غريب فنظر الي الساعه ليجدها الواحده صباحا فتح هاتفه ليعرف من المتصل في هذا الوقت
عاصي:الو مين معايا
الطرف الاخر:حضرتك المهندس عاصي فضالي
عاصي:ايوه انا انت مين بقي
الطرف الاخر:حضرتك ناشر بوست بخصوص طفل عندك
انتبه عاصي للحديث وانام زوجته علي وسادتها ولكنها استيقظت واعتدلت بجانبه
عاصي:بقولك ايه لو بتتصل عشان تستظرف فايريت تراعي ان الوقت متأخر
الطرف الاخر:انا الرائد احمد السيوفي وبتصل بيك بخصوص زين انا شاكك ان الولد ده ابني.. ادعموا الصفحة ب 10 تعليقات لانها مقيدة 🥺❤️❤️
•تابع الفصل التالي "رواية العاصي" اضغط على اسم الرواية