رواية انكسار الياسمين الفصل الرابع و الثلاثون 34 - بقلم أمل مهدي
________________
أصبّر الرّوح بيش وإنت بيه الرّوح
وإذا تطلع أظلّن بس جسد خالي
لكيتك من جنت ما لاكي كل النّاس
أنت أول محبّ وأنت صرت تالي
______________
رافع-
متفاجأ تريد ياسمين سيد........؟؟؟
سيدعلي- ما الگه نسب أشرف من نسبگ وانت تعرفني وتعرف
وضعي والتريده والتأمر بي اگولك تم
رافع - ابتسمت ودنگت راسي محتار اني الايدته بفكرة الزواج
شگول هسه
سيدعلي - رافع اريد اسمع رايك هسه قبل ما ارجع البيتي
رافع _ اشرب جايك وبالاول
سيدعلي _ ما اشرب گبل ما اسمع رايك
رافع _ باوعتله... انته الوحيد من بين الناس الاطمن عليها وهيه
يمك بس يبقى رأيها انته تدري اني ما اجبرها على شي
فكيف الزواج
سيدعلي _ يعني هاي اعتبرها موافقه
رافع _ من ناحيتي اني واثق راح تسعدها وتحافظ عليها
سيدعلي _ گمت من مكاني وحضنته وبوسته انشالله اكون
گد ثقتك
رافع _ ههههه خلي نسالها بالأول وانشالله خير
سيدعلي _ تأكد اني وكل ما أملك راح يكون تحت امرها يكفي
صديق عمري اخوها
رافع _انته تدري احنه اخر همنه الفلوس
السيد _ انتظر جوابك باجر..........!!!!
رافع _ ليش مستعجل...... صدك ما اتأخر عليك
السيد _ هاي هيه على راحتك... اني اترخص
رافع _
فاجأني السيد بطلبه بس فرحت اني اعرفه حق المعرفه هو الوحيد البين الناس اسلمه ياسمين واني مطمن عليها
بس خايف من الحواليه عمامه يعادو
ياسمين _ مستغربت جيته هو گال اني ادخل واحلها ابتسمت
يعني جاي يطلبني ظليت بالغرفه انتظر رافع يصيحني
دقايق واجاني علاوي خالو يريدج
گمت واني گلبي يدگ واديه ترجف احساس ما حسيته
من قبل
_ خير رافع ردتني....
_ تعالي يمي عندي حجي وياج....
_ كعدت بصفه حتى لا يباوعلى ويكشف البداخلي
_ تعرفين السيد ليش جاينه بهلوقت
_ لا لويش جاي
_ سيد علي طلبج مني على سنة الله ورسوله
_ ارتبكت... يعني يريدني.....
_ اي يريدج زوجه اله
_ صفنت رغم فرحت بس اكو خوف بداخلي... وشگلتله انت...
_ اني انطيج مغمض..... لان السيد عاشرته من الطفوله واعرف أخلاقه ما تنظلمين ابد يمه
_ ومرته اشلون.....؟؟؟
_ شوفي راح اختصرلج الموضوع وانتي فكري براحتج..
الرجال مقتدر ويگدر يفتح ١٠ بيوت مو بيتين وعادل لا يظلمج ولا يظلمها والله محلل هلشي وغير هذا اني اعرف سالفة عمامه
دخلو ويه سيد حسين على طمع اخذو بناته وفرضو بنتهم على السيد ما يردون يطلع منهم واول ما مات ابو قبل السنه طالبو بالورث وشبة افلس السيد
بس هو سبع گدر يرجع اقوه من قبل ورجع حلال ابو وفوگه بعد
انتي براحتج محد جبرج ولا انتي زايده بهلبيت شنو تقررين اني وياج
دخل حسن من بره.... من شافني كاعده ويه رافع كل ضنه وافقت
على ابو فاطمه
حسن _ ها انگول بالخير ...
ياسمين _ مع الأسف خاب ضنك اني ما موافقه...
حسن _ انتي اشايفه نفسج انتي اصلا منو يباوعلج ارمله
وسحولين وراج بجاهل فضل من ابو فاطمه باوع
بخلقتج
رافع _ حسن احجي باحترام والا گوم انقلع من وجهي
حسن _ انت ليش ما تحجي وياها. .. وگف ولتفتلي اشو غصبن
عليج اتوافقين لشوكت اظلين امگابلتني اكرهج ما اطيقج
ماكو گدامج لو توافقين لو ما تبقين ويانه بالبيت
رافع _ عمتك الها بالبيت أكثر مما الك يا طايح الحظ لو نسيت
هيه التصرف علينه... موضوع ابو فاطمه سده لان خطبها
السيد واني وافقت
حسن _ شنو خطبها السيد من شوكت.....!!!!
رافع _ كلشي قسمه ونصيب
حسن _ ياقسمه يانصيب واني ضيعون عليه البنيه
رافع _ حسن انته بعدك زغير مو مال زواج لك بابا انت مسؤلية
نفسك ما شايلها
حسن - من حرگت گلبه فقد
أنته تضحك عليه من اجاك ابو فاطمه ليش ما كلتله هسه
شگله والرجال متأمل بينه صار شهرين...
ولتفت عليه وانتي شنو اخليج تتهنين لا بالله ما اعديها
الج واندمج....
رافع - حسنننن الزم حدگ ياسمين من الاول رافضه ابوفاطمه
وإذا على طلبه اني أبلغه مو فد مشكله قسمه وما ترهم
واحذرك تفتح الموضوع مره
ثانيه وإذا على بنته إذا يريد ينطيك ما عندي مانع اخطبها
الك وانت ويا تجازه
ما حجيت ولا رديت عليه غلط وهوس وحتى طردني هذا حسن النعرفه واضن زاد أكثر من صار بيده سلاح
صرت بين نارين... نار حسن الفضح الغل البداخله اتجاهي بكل صراحه وهددني ما ابقى بالبيت اذا ما انفذ الي يريده واليوم ابو فاطمه باجر يجبرني على غير شي حتى على المحل خفت گمت اتوقع كلشي يطلع منه
ونار القرار الاتخذه بحق نفسي ممكن انسعد ويه علي بس
رافع خوفني من زوجته وأهلها اخاف يأذون السيد وياذوني
واني اعرف حضي المعلعل
رن مبايلي رساله ...هو
السيد - بشريني شكو ماكو
ياسمين - دافكر....
- لاتفكرين ولاتعبين راسج گولي اي وفرحي گلبي التعبن اسنينه من الانتظار
- خايفه
- اني امانج وتخافين.......!!!!
- زوجتك واهلها مراح يسكتون
- اني ماظلمت زينب طول ما هيه وياي وإذا ترجع نفس الدلال تبقى ام ولدي وبنت عمي
- واني .....
- انتي غير امحضولج حياة ما تخطر على بالج وافقي ياسمين خلينه انعيش... السنين تبوگ بعمرنه حرام
ننحرم من بعضنه
امهلج الباجر اريد الخميس اقره الفاتحه ويه رافع
- ماشي منا الباجر اردلك الجواب
راح السيد ...
واني ظليت اتگلب حجي حسن يدگ براسي هذا حتى رافع مو بعينه اذا اني طردني باجر حتى ابو يشمره بالشارع و المحل يأخذه مني
وتالي ياسمين جنتي تتمنين كلمه من السيد هسه سلمج حياته كلها
لا تتعززين وافقي عيشي براحه لشوكت تشتغلين وتفنين شبابج وعمرج بالتعب ظلت الأفكار تاخذني وتوديني
لمن تعبت ونمت
ثاني يوم رافع حل مشكلة ابو فاطمه أخذ حسن وراحله للبيت وبلغه برفضي وفتح ويا موضوع فاطمه ووافق الرجال على شرط بعد سنتين يالله يخطب وياخذها يعني وافق بس لا قره فاتحه ولا صارت خطبه بحجة فاطمه زغيره.
زينب _
من شفت الرسائل انجنيت وما حجيت لأبويه ولا المرت ابويه
اتصلت بستبرق أجتني وراويتها كل الرسائل
زينب _ دبريني السيد طلع عنده وحده
استبرق_ طبگت اديها ثنينهن وغمتني بوجهي عدل.....
امداججججج ياعوبه........ ولج يا حده دقري المليارات
العايفتهن وكاعده اهنا انتي براسج عقل تطلعين من بيتج
وعايفتله الجمل بما حمل والله السيد طلع فقير لو غير واحد
ياخذ اربعه ولا يبقى عليج
زينب _ شبيج كلبتي عليه شنو متعرفين السيد زنگين..........!!!
استبرق_ لاوالله ما اعرف هلگد فلوس عنده عبالي مثلنه
زينب _ حتى اني ما ادري هو يملك هلگد علي ما يحجيلي عن شغله
استبرق _ لان خلصتيها ويا منو شفت ومنو حجت وياك وتراقبين
تلفونه جان المفروض تجرين ناعم وتتمتعين الثروه مالته
مو محتار بس بخواته
زينب _ اني دزيت عليج تلوميني لو تسويلي حل اني كاعد احترگ
من جهه جهالي ومن جهه علي راح يروح من ايدي
استبرق_ شوفي هاي الرسائل كلهن صوريهن وضميهن وظلي راقبي
يجوز يومين ويتركها واذا استمر شوفي شنو اخر
التطورات وتصلي عليه اشوف اشلون نتصرف وياها
ياسمين _
كعدتني خالتي فايت الوكت ولا حاسه لان البارحه ما نمت
لبست علاوي وأخذته وطلعت فتحت المحل شغلت قرآن
رتبت ونظفت واني متفائله وكل ما اتذكر علي راح
اشاركني بي زينب أتراجع... وارجع الوم بنفسي اني أحق
منها بي اني الحبيته بالأول وتعذبت ودمرت من فارگني
افكار تزدحم براسي وشعور جديد اول مره احس بي خليط
من فرح وراحه وسعاده الى درجه امبين بوجهي ماكادره اخفي
دخلن للمحل ام وبناتها ثنين گصت أكثر من عشرين قطعه
البنات يختارون والام تنزل الطول
ياسمين _ بعد لو ها هيه
الام _ اشوف البنات بعد يختارن
ياسمين _ شنو مخطوبات بناتج
الام _ اي والله انخطبن الاخوان وهاي مني قطع القماش
اخيطهن واخليهن ويه النيشان زحمه من يروحن يم
عيالهن غير اجهزهن مني هم
ياسمين _ الله يحفظج الهن
فكرت يعني اذا انخطبت هم اسوي هيج وينج يا يمه اليوم
اني محتاجتج هذا اليوم الانتظرته وحلمت بي فرحانه
وحدي لا اخت ولا ام تشاركني وتعلمني شلون اصرف
الام _ يله كافي احسبيهن يمه فدوه الهلوجه شكد بشوش
ياسمين _ اليوم اني متفائله بيكم الله يتمملكم على خير
حسبتهن وهديت قطعه قماش للأم
دگ موبايلي سيد علي
_ الو.... اجاني صوته مبحوح امبين بعده بالفراش هسه كاعد من
النوم
_ صباح الخير يا كل الخير
_ هههه صباح الانوار صح النوم شنو اليوم ما طالع للشغل
_ اليوم انطيت النفسي اجازه صار سنين ياخذني الصبح ويجيبني
الليل بنفسي اسافر اني وياج اخذ اجازه من العالم كله
ياسمين......!!!
_ ها.....
احلفج بتراب المرحومه امج وافقي راح اجي بليل اريد اسمع موافقه من رافع
_ انته ليش مستعجل.....
_ صار ست سنوات رجعت ومقرر اخذج بس من رجعت مالگيتكم..... مو
كافي ست سنوات انتظر... كم شتا مر وكم صيف وكم ربيع وك
خريف كل هاي من عمرنه بعد ما اتحمل ما بيه اصبر
سيد علي _
تواعدت ويه مهندس أخذته ورحت للبستان طلبت منه يصمملي
منتجع بهذا البستان.... صوره شفتها عجبتني وختاريت يصمملي
نفسها على البستان
عليت السياج وشكلت اضويه حوالي قلعت الممرات ومن جديد رصفتهن حجر البيت ضفت عليه إضافات وصبغ طلع روعه غيرت الباب ومن الجهه اليمنه بنيت مشتمل زغير للفلاح الراح يسكن بي ومن الجههاليسره المولده منظومة والكهرباء
گدام البيت حديقه جبيره ورود وثيل وبصفها مسبح مصمم
بطرق هندسيه راقيه ونافوره بالوسط ومراجيح لأولادي من نجي
الأشجار كلها تقلمت وبيه اضويه ملونه
اشتغل المهندس مثل ما طلبت وحتى الاثاث شي فاخر طلبته من
معارض باربيل
نيتي اجيب ياسمين هنا نعيش
اتصل عليه رافع وبلغني بالموافقه من بعد اسبوع احاول وياها الفرحه العشتها بهاي اللحظه
ما ماره عليه وكانه اول مره اتزوج
اتفقت ويه رافع الخميس اجيب والدتي وخواتي واجي يعني بعد يومين
الخطوبه
كانت مقتصره على طيبه وزوجها ونسرين وأركان ووالدتي
محد يدري حتى آمنه وآلاء ما عدهم علم ردت ازوج يالله اخبرهم
واحمد طبعا هذا ويايه بكل شي
وديت سياره بكل لوازم الكعده من حلويات وعصاير وورود وكل
ما يستوجب بمثل هيج مناسبه
واتصلت على ام حسين
_ هله بالسيد عاش من سمع صوتك وينك
_ موجود حجيه ابشرج خطبت ياسمين
_ ام علي خطبتها.....!!!! يعني مو گرابتك مثل ما گلتلي
والله حسيت بس العشگ هيج يدوهن بس ما ردت اگول
يازين ما ختاريت
نذر عليه الا البس هاشمي وارگص بعرسك
_ ههههه انتي الجمعتينه فضلج برگبتي طول العمر ما انسا
ياسمين _ بنت ست رفل من انخطبت لبست بدلات ابوكتها سالتها
كالت اشتريتهن من المنصور
بنفسي البس مثلهن بس وين المنصور ومنو ياخذني
اني ماعندي لا صديقه ولا احد ممكن يفرح وياي عدى
رافع
رافع _ شنو ما جهزين روحج اخذي إيمان وروحي عوفي المحل
اني ورضى نفتحه
ياسمين _ البسوگنه ما يعجبني
رافع _ ها بويه وين لعد اليعجبنج
ياسمين _ بالمنصور
رافع _ فتح عيونه متفاجأ... وين شفتيهن وشوداج للمنصور
ياسمين _ بنت ست رفل شفتها لبستهن وسالتها گالت من المنصور
رافع _ گومي إيمان روحي وياها واخذو رضى وياكم
إيمان _ هجم بيت الفگر تريد الا من المنصور واني وين اعرف
المنصور توديني وياها
راجحه _ ليش اليلبسن من المنصور احلى من ياسمين لو احسن منها
رافع _ التكسي يوديكم وين ما جان يله امشي
ظلت ادردم اخاف انتيه اخاف يخطفونه واني محتاره افكر
منو ياخذني اخر شي قررت ماكو غير رافع ياخذني
رافع _ واني شمفهمني بهاي الشغلات
ياسمين _ اذا كلتلي حلو كافي
وانتهت المداولات يرافقني رافع ورضى وعلاوي اخذنه تكسي
ويا مسهلها اقل الساعه احنه بالمنصورة نزلنه وتمشينه بالشارع
طبيت كم محل كلش راقي واسعارهم نار اشتريت فستان وكم شغله مال مكياج
واحنه نمشي نتفرج شفت كرسي متحرك يختلف عن العند رافع خفيف وزغير كلش عجبني
واصريت الا اسال عليه وما طلعت من المحل الامشتريته مشه بي رافع وهو مرتاح لا أحد يدفعه ولا ياذي ايده كلش خفيف
خلصت فلوسي ورجعت ورافع يرزل بيه كله منج شبي الكرسي القديم
ياسمين _ثوب واحد كافي كل الكعده مطول ساعتين اصلا فرحانه
الك أكثر مني وصلنه البيت ومن دخلنه لگيت الأغراض
والورد كلها واصله وناصبيها بالاستقبال وثنين تعاليگ
مغلفه بجلد على القنفه وعلاگه مثل مال هدايا فتحتها
علب مكياج وفتحت السحاب مال التعاليك الجلد انبهرت
واحد قفطان ابيض مطرز والثاني بدله لونها فستقي فاتح
بصدر وظهر مفتوح وردن تول روعه....
واگفه اشوف ودگ بيدي الموبايل ججلت ارد ورافع يمي
بس هو فتهم باوعلي واحسه مبتهج فرحان اشرلي ردي
هذا السيد....
سيد علي _ تأخرتي عليه
ياسمين _ جان يمي رافع
سيد علي _ عجبنج الملابس والمكياج
ياسمين _ كلش حلوات منو مختارهن
سيد علي _ ذوقي اني جبتهن....
ياسمين _ كلش حلوات عاشت ايدك
سيد علي _ باجر الكيك والعصاير ادزهن ويه نسرين والكوافيره
ياسمين _ يعني ما اروح صالون.....!!!!
سيد علي _ لا طبعا شتحتاجين يوصل يمج
ياسمين _ تمام لعد باجر انتظرها
سيد علي _
ثاني يوم وصلنه بالوقت المحدد كلشي كان مترتب على حسب الأصول
الخطبه كانت بيناتنه ماكو غريب اني تكلمت ورافع ما قصر هم حطيت أيدي بأيده وقرينه الفاتحه بعدين عقدنه
ولأول مره المس ايد ياسمين بوستها ورفعت البرنص مال قفطان
حتى املي عيوني بسحر جمالها الأسرني من طفولتها حسيت گلبي
يدگ مثل الطبل ولهفتي تحضنها وتتحده قيود الخجل والثگل والعمر كل شوگ السنين طفيته من اخذتها بحضني وغمضت عيني على اسعد احساس انتظرته
ابتعدت شويه عني خجلانه وهلاهل ام حسين وخواتي هرجن المكان
كانت امي اول المهنئين
اميمه _ حضنتني مبروك عليك شجرة الياسمين احتيت
السيد _ هههههه ضحكت وياسمين تباوعلي ما فاهمه
اشرتلها بعدين احجيلج عن شجرة الياسمين
طلعت يم رافع والكل يبارك ويهني واني تشكرت من رافع
ورجعت البسها الذهب كانت لابسه البدله الفستقي مثل ما
تخيلتها بالضبط....
السيد _ عجبج الذهب اني اختاريته
ياسمين _ كلشي حلو من ايدك...
تلاكت نظراتنه وكل واحد بگلبه سؤال ليش ما عشنه هاي السعاده من البدايه
طلعت موبايلي وعجبني أوثق لحظاتنه السعيده بمبايلي حضنتها وأخذت كم صوره لقطات مختلفه كان صدرها مكشوف وظهرها
وكل مفاتنها بين اديه.....
زينب _ عيني بالموبايل ما مصدگه والصور تنزل وحده وره اللاخ
هذا علي يعني خطب
سواها صدگ السيد راح يزوج عليه عزا العزاني انهجم بيتي
لطمت وبجيت الوحدي بالبيت مرت ابويه همزين طالعه
اتصلت على استبرق ما ترد واني گلبي نار حولت الصور
الها اكيد بس اشوفهن راح تتصل بيه....
استبرق _ من شفت الصور تفاجأت شلون ماخذله وحده
ويضحك ومنطلق سهله سيد اشوف اشلون راح تتهنا
اتفقت ويه زينب الجمعه نطلع البغداد واليسال نگول رايحات
زياره الكربلاء....
سيد علي _
خلصت مراسيم الخطبه واني كل ما اريد اطلع گلبي معاند يريد يبقه يمها حسيت روحي طفل وتعلقت بيها
رجعنه للبيت واني اخذت أولادي ثلاثتهم بحضني اباوع بوجه كل واحد بيهم اني اليوم كلش فرحان شنو تردون اطلبو كلشي البي الكم
توقعت راح يردون ارجع امهم
بس تفاجأت كل واحد طلب مني غير شي
يعني ما فارقه عدهم وجودها من عدمه وكله هذا من تصرفاتها اهملت اولادها
ما گدرت انام احس اليوم رجعت عشرين سنه
الي ورى اسمع اغاني واعيش ويه حبيبتي بخيالي
آخخخخخ يا ياسمينتي يالوعة اسنيني ياحلمي المعتق بين طيات الجفون...
ياسمين _
طلع السيد وعيونه عليه مبتسم واني احس روحي بحلم شعور السعاده والفرح فوگ ما اتمنى
صعدو سياراتهم الراقيه وحركو وهم يلوحون الرافع بالسلام
من شباك الاستقبال اباوع رافع فرحان وبكل ثقه يرد على الجيران
مباركتهم
باوعلي وعيونه تلمع
رافع _ اليوم اني صدگ اطمنت عليج وعلى علاوي جنت خايف
اموت واعوفج وحيده بهاي الدنيه
اني متأكد السيد راح يحافظ عليج مثلي واكثر
ياسمين _ قهرني اقتربت منه حضنته لا تحجي بالموت محد
يسد مكانك ولا يعوضني حنانك اني روحي بروحك لا
تصور اگدر اعيش بدنيه ما بيها انته
إيمان _ يله حبيبه بدلي فستانج وگومي وياي انعزل البيت
مو جان خطيبج يمج شكو تحضنين بأخوج... خو انته
مسنح على حجيها.....
ضحك على حجيها رافع واني كلتلها
ياسمين _ ماكو واحد ياخذ مكان رافع بگلبي ولا اي وحده تاخذ
مكاني بگلبه واشرتلها بأيدي يعني تغار
رحت للغرفه خالتي كاعده حضنته تمنيت عيونج سالمه وتشوفيني
اني والسيد
راجحه _ شفتج بگلبي جنج حوريه طالعه الله يسعدج ويهنيج
نظفت وكملت وتمددت بفراشي تذكرت الصور الاخذها السيد
اني ويا راسلته
_ كاعد
_ بسرعه رد ليش اگدر انام بعد هليوم.... ياسمين
_ عيون ياسمين
_ اريدج بعد ما اصبر احس روحي مختنك بلياج
_ انطيني مجال فترة اهيأ نفسي ...
_ هنه اسبوعين لا غير ونزوج مدا أكدر اشتغل عقلي وياج... من هسه اشتاقيتلج
_ واني هم ولهذا اتصلت بيك حولي الصور اشتاقيت اشوفك
_ صار تأمرين أمر
دزلي الصور على المازنجر.. احفضيهن بالاستوديو وحذفيهن من المازنجر
_ تمام... ظليت اتمعن بالصور واتنهد الحمد لله ياربي عوضتني عن سنيني وتعبي
ضلينه نحجي الى ان نمنه...
زينب _ دمعتي بعيني هاي تاليها سيد تزوج عليه آكل بروحي هسه غير تفهمني استبرق علويش ناويه.......
اجه يوم الجمعه وتحضرنه من الليل حتى نطلع الكربلاء ونخلص يومنه هناك
استبرق _ سألني عامر ويامن رايحات......
گلتله مهيمن ياخذنه
زينب _ واني گلت لأبوي عامر ياخذ استبرق زياره واني رايحه
وياهم
استبرق _ ادعي من الله محد يكشفنه نكمل ونرجع
زينب _ ما تگوليلي اشراح اتسوين.....!!!!
استبرق _ انطيني رقم هاي ام حسين خل اتصل عليها
زينب _ هن ثنين... شراح تحجيلها
ستبرق _ بس اسكتي وعوفيني اصرف
اتصلت بأول رقم
ستبرق _ الو انتي ام حسين
_ اي عيني تفضلي
_ اني من طرف السيد
_ ياسيد... عيني
_ هاي شبيج سيد علي
_ اني لا أعرف سيد علي ولا احد انتي منو اوكفي احجي ويه زوجي
_ لالا اسفه يمكن غلط الرقم احنه رايدين الحجيه ام حسين
_ ياحجيه اني الثلاثين ما واصله شنو ناصبه عليه
_ موكلتلج غلطانه اعتذر مره ثانيه وسديته
اف ولج هاي شنو لسانها شطوله لعبت بيه لعب....
زينب _ وهسه تتصلين بالرقم الثاني.......!!!
ستبرق _ دجيبي الرقم اشوفه.... دگيت عليه
وانتظرت شويه ياله فتحت خط واجاني صوتها امبينه مره
حجيه
_ الو انتي الحجيه ام حسين
_ اي عيني تفضلي وصلتي....
_ ابتسمت وغمزت الزينب.... اني من طرف سيد علي
_ هله ومية هله بالسيد وكل معارفه گولي أمريني...
_ اني محتاجه قماش وهو وداني عليج لان قريبه علينه
_ هله بيج تعالي والمحل كله جدامج
_ انتي وين بيا سوگ....
_ انه بسوگ++++يم الصيطره بالمنطقه++++
_ هههه خلفله عليج باجر من الصبح يمج.... سديت الخط
زينب _ گولي رحنه لام حسين منو يگول تعرف ياسمين
ستبرق _ لا تحيريني انتي مو گلتي اموصيه عليه يجيها يمكن لگت
الجماعه
زينب_اي هيج سمعت أركان يگله
ستبرق _ اي هاي هيه نروح واذا لگيناها الا نفعصه فعص
زينب _ ما ادري بس لا اطلك من وره هاي السالفه
طلعنه الغبشه الكل يدري وين و يامن رايحين لان احنه ما تطلع المره وحدها ما يرضون
صعدنه بغداد ومناك اخذنه تكسي للمنطقه الوصفتها النه الحجيه
دخلنه السوگ
واول ما سألنه على ام حسين دلونه معروفه بالسوگ
ام حسين _
دخلن عليه ثنين نسوان مرتبات ذيج العبي
والحجابات مبينات راقيات و شبعانات غريبات مو من منطقتنه
سحبت الكراسي كعدن وانه أرحب واهلي
وصيت رشيد جابلي قوطيتين ببسي قدمتهن الهن
الحجيه _انه بخدمة السيد وكلمن يجي موصى منه
ستبرق _ حجيه اكيد تعرفين ياسمين خطيبة السيد
الحجيه _صابتني صفنه.... اي اعرفها خير شعدجن وياها
ستبرق _ اني واختي جايين انباركلها اكيد تعرفين بيت اهلها
الحجيه _ عليمن ترحن لأهلها تره هي بالشارع الوراي محل مال
قماش عدها انتن منين......!!!!!!
زينب _ احنه گرايب السيد
استبرق_ نترخص حجيه اروح انشوف خطيبة السيد
الحجيه _ تفضلن تغدن بيتي قريب
زينب _ مشكوره حجيه متقصرين
راحن على ام علي بس ما رتاحيت الهن كون هنه گرابة السيد ليش ما يسألن السيد على البيت..... عجيبه هاي الوادم
رديت كعدت بالمحل بيدي بالسبحه ساعه واروحن للبيت ارتاح وارجع العصر
ما رتاحيت ظليت احوس لابد وراهن سالفه ذني النسوان
قفلت المحل وتمشيت على ام علي اشوفنها واروح للبيت
طبيت الشارع اشوف الناس واگفه تتفرج على محل ام علي
واسمع مصايح نسوان.....
ياسمين _ قبل يومين خطوبتي وعلي قرراكعد بالبيت اجهز للعرس
والمحل يبقى الرافع ورضى ونشغل عامل بي يساعدهم
بس هاي اليومين اروح ارتب المحل وبعد ما اجي......
الف طوال القماش وارجعها بمكانها
وكل شويه اباوع للحلقه تلمع بأيدي فرحانه
رضى متحضر عنده دوام ظهري وعلاوي بالمدرسه شويه اسد المحل واروح اجيبه
دخلن عليه ثنين نسوان مرتبات مبينات مو من واجهتنه
ياسمين _ تفضلو
استبرق _ نتفضل ليش لا غير عدنه حساب وياج
تكملة
زينب _ دمعتي بعيني هاي تاليها سيد تزوج عليه آكل بروحي هسه غير تفهمني استبرق علويش ناويه.......
اجه يوم الجمعه وتحضرنه من الليل حتى نطلع الكربلاء ونخلص يومنه هناك
استبرق _ سألني عامر ويامن رايحات......
گلتله مهيمن ياخذنه
زينب _ واني گلت لأبوي عامر ياخذ استبرق زياره واني رايحه
وياهم
استبرق _ ادعي من الله محد يكشفنه نكمل ونرجع
زينب _ ما تگوليلي اشراح اتسوين.....!!!!
استبرق _ انطيني رقم هاي ام حسين خل اتصل عليها
زينب _ هن ثنين... شراح تحجيلها
ستبرق _ بس اسكتي وعوفيني اصرف
اتصلت بأول رقم
ستبرق _ الو انتي ام حسين
_ اي عيني تفضلي
_ اني من طرف السيد
_ ياسيد... عيني
_ هاي شبيج سيد علي
_ اني لا أعرف سيد علي ولا احد انتي منو اوكفي احجي ويه زوجي
_ لالا اسفه يمكن غلط الرقم احنه رايدين الحجيه ام حسين
_ ياحجيه اني الثلاثين ما واصله شنو ناصبه عليه
_ موكلتلج غلطانه اعتذر مره ثانيه وسديته
اف ولج هاي شنو لسانها شطوله لعبت بيه لعب....
زينب _ وهسه تتصلين بالرقم الثاني.......!!!
ستبرق _ دجيبي الرقم اشوفه.... دگيت عليه
وانتظرت شويه ياله فتحت خط واجاني صوتها امبينه مره
حجيه
_ الو انتي الحجيه ام حسين
_ اي عيني تفضلي وصلتي....
_ ابتسمت وغمزت الزينب.... اني من طرف سيد علي
_ هله ومية هله بالسيد وكل معارفه گولي أمريني...
_ اني محتاجه قماش وهو وداني عليج لان قريبه علينه
_ هله بيج تعالي والمحل كله جدامج
_ انتي وين بيا سوگ....
_ انه بسوگ++++يم الصيطره بالمنطقه++++
_ هههه خلفله عليج باجر من الصبح يمج.... سديت الخط
زينب _ گولي رحنه لام حسين منو يگول تعرف ياسمين
ستبرق _ لا تحيريني انتي مو گلتي اموصيه عليه يجيها يمكن لگت
الجماعه
زينب_اي هيج سمعت أركان يگله
ستبرق _ اي هاي هيه نروح واذا لگيناها الا نفعصه فعص
زينب _ ما ادري بس لا اطلك من وره هاي السالفه
طلعنه الغبشه الكل يدري وين و يامن رايحين لان احنه ما تطلع المره وحدها ما يرضون
صعدنه بغداد ومناك اخذنه تكسي للمنطقه الوصفتها النه الحجيه
دخلنه السوگ
واول ما سألنه على ام حسين دلونه معروفه بالسوگ
ام حسين _
دخلن عليه ثنين نسوان مرتبات ذيج العبي
والحجابات مبينات راقيات و شبعانات غريبات مو من منطقتنه
سحبت الكراسي كعدن وانه أرحب واهلي
وصيت رشيد جابلي قوطيتين ببسي قدمتهن الهن
الحجيه _انه بخدمة السيد وكلمن يجي موصى منه
ستبرق _ حجيه اكيد تعرفين ياسمين خطيبة السيد
الحجيه _صابتني صفنه.... اي اعرفها خير شعدجن وياها
ستبرق _ اني واختي جايين انباركلها اكيد تعرفين بيت اهلها
الحجيه _ عليمن ترحن لأهلها تره هي بالشارع الوراي محل مال
قماش عدها انتن منين......!!!!!!
زينب _ احنه گرايب السيد
استبرق_ نترخص حجيه اروح انشوف خطيبة السيد
الحجيه _ تفضلن تغدن بيتي قريب
زينب _ مشكوره حجيه متقصرين
راحن على ام علي بس ما رتاحيت الهن كون هنه گرابة السيد ليش ما يسألن السيد على البيت..... عجيبه هاي الوادم
رديت كعدت بالمحل بيدي بالسبحه ساعه واروحن للبيت ارتاح وارجع العصر
ما رتاحيت ظليت احوس لابد وراهن سالفه ذني النسوان
قفلت المحل وتمشيت على ام علي اشوفنها واروح للبيت
طبيت الشارع اشوف الناس واگفه تتفرج على محل ام علي
واسمع مصايح نسوان.....
ياسمين _ قبل يومين خطوبتي وعلي قرراكعد بالبيت اجهز للعرس
والمحل يبقى الرافع ورضى ونشغل عامل بي يساعدهم
بس هاي اليومين اروح ارتب المحل وبعد ما اجي......
الف طوال القماش وارجعها بمكانها
وكل شويه اباوع للحلقه تلمع بأيدي فرحانه
رضى متحضر عنده دوام ظهري وعلاوي بالمدرسه شويه اسد المحل واروح اجيبه
دخلن عليه ثنين نسوان مرتبات مبينات مو من واجهتنه
ياسمين _ تفضلو
استبرق _ نتفضل ليش لا غير عدنه حساب وياج
اريد انصفي...
- يتبع الفصل التالي اضغط على (انكسار الياسمين) اسم الرواية