رواية انكسار الياسمين الفصل السادس و الثلاثون 36 - بقلم أمل مهدي
____________________
انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
اعد ساعات ليلي ودمعي اعده
على ضماد الجرح طشيت جكليت
او على اكتاره بدّي خليت ورده
_____________________
حياوي _
هسه ما كلتلي منو هذا
حمص _ ما اكول الا تحجيلي شعدك ويا
حياوي _ عندي صور عروسته اريد اساومه عليهن...
حمص _ سحب نفس ونفثه وترس المكان دخان واخذله صفنه
حياوي _ گول طلعها للدره
حمص _ موگلتلك تاجر بالشورجه مات عاش ما ادري بعد من زمان
عفت الشورجه انتقل شغلي للعلاوي
حياوي _ مو على اساس مدير جنت بالشورجه ونتقل عملك
كول تاجر مال شنو حواوين نعل
حمص _ تاجر قماش وسيد
حياوي _ اريد تجيبلي كلشي عنه شعنده ماعنده واليوم مو باجر
حمص_ عليمن تريد اجيبلك راح اتبوگ الخزينه مالته روح جيبلك
ثنين خطوط كلك نتصل عليه منهن واني الا ازوعه الاكو
والماكو
بس كون الصور يسون
حياوي _ اشلون نلعب احنه... غير يطگن بالكاع
رحت اشتريت خطوط ما مسجلات حي الله ورجعت
حمص _ انطيني رقمه...
حياوي _ باوعتله ما اعرف رقمه
حمص _ طي+++ي جيب شكو أرقام لگيتها واني اصرف
حياوي_ قبل ما اكسر الشريحه البلجهاز لكيت خمس أرقام ٣ اسماء نسوان و٢ زلم نقلتهن بجهازي
حمص _ انطيني الشريحه... ثبتته وفعلته على الجهاز
ودخلت الرقمين واحد مكتوب باسم
رافع روحي
والثاني... سيد قلبي
باوعت هسه بيمن نبدي... منو بيهم زوجها
حياوي _ انته مو كلت سيد هذا التاجر يعني الثاني
حمص _ اول مره نتفق شيطلع من ايده بالنص
حياوي _ لعد اطلب مبلغ جبير
حمص _ دزيتله ثلاثه من الصور ...
(وكتبت له شوف أشكد يسون وقدر)
ياسمين _
ما گادره اتخطى الصار.... فشلانه من كل الحواليه الكلام الگالنه عني صدگ اني اشلون اقبل بي وهو عنده مره وجهال وين جان عقلي
والسوگ اشلون بعد اوصله بعد الفضيحه السونها اليه....
مالي عين اباوع بوجه الناس.....
واكفه گدام المرايه اشوف عيني خف الحمار بقه قليل صار اسبوع ما شايفه السيد اجه مرتين مره الوحده ومره امه واخته نسرين
ويا سويت نفسي نايمه مالي نفس اشوف احد
رافع _ كاعده....
ياسمين _ اي كاعده....
رافع _ الحمدلله اشوفج احسن
_ اي الحمدلله
_ والخياط البطنج شنو اخباره
_ بعده مشنجني ما أكدر اتحرك يمكن باجر اروح دكتوره حتى
تشوفه
_ اي اتصل بالسيد ياخذج
_ لا ااا.... لا تتصل اني آخذ رضى واروح
_ ياسمين شكو شنو غيرتي رايج صار مرتين يجي علي ونلگاج
نايمه اجت امه واخته يطمنون عليج ماقبلتي تشوفيهم
شكو المفروض كلشي تتوقعين منهم اني گلتلج مرته وأهلها
ذوله بس اخاف يسون مشاكل
_ جان على بالي يسمعوني حجي يجيني اتصال يغلطون عليه بس
ما توقعت يوصلوني للموت ويفضحني بالسوگ وبعد الموبايل
بي صور الخطوبه خايفه منه
_ وعلي شنو ذنبه متردين تشوفي
_ ما ادري احس اسرعت من وافقت مرته وجهاله اوله مني بي
جان رضه كاعد يمنه
_رضى اطلع بره وسد الباب وراك.....
رضى _ اي بابا
_ ظل ساكت لحظه انسدت الباب يالله حجه
انتي ششوفين اني مرتاح ويه إيمان لو لا
_ لاااا
_ علي هم حجالي هوايه شغلات عن زينب ما مريحته وكل فتره
على عركه بسيطه تعوف جهاله وتزعل أشهر على امه وامه مره
جبيره ومريضه
الرجال مثل الطفل يجذبه الحضن الدافي الكلمه الطيبه الحنان بالمره مثل ما يجذبه الجمال والترتيب...
اما اذا ما لكه هذني الصفات بشريكته اكيد راح يدور البديل مادام مايغضب الله وما يظلم احد
سيدعلي اني ويا من طفولتنه هواي اشياء تشابهنه بيها وخصوصا طاعة الوالدين
من اختارت لي امي إيمان رضيت واعتمدت على اختياره بينما لازم
اشوفها توالمني لو لا
والسيد نفس الشي ابو اختارله ولهذا ما جان سعيد ويه زينب
هسه فهمتي بويه....
_ وانته ليش ما دورت على البديل ورتاحيت.........!!!!!
_ اني ضرفي غير شكل يجبرني اكمل واتحمل واصبرو واني الممنون....
اما السيد رجال بعافيته وشبابه والله رازقه وما ظلمها المرته
هيه ظلمت نفسه وأهلها السبب
من حقه يعيش مرتاح ما دام ما مقصر ويه احد
_ خايفه اني يوميه كاسرتني الدنيا واجبر نفسي واگوم اخاف هل مره انكسر وماالگا اليجبرني
لان احس طافيه نفسي ماعندي شعور الأي شي خجلانه من الصار
الناس شتكول عني اكيد يصدكون الگالنه عني
__ الناس بسرعه تنسا والانسان يعرف عن نفسه بأخلاقه وانتي
صار شهرين الكل عرفنه شنو ومنو احنه اليريد يصدك هو حر
محد اله عدنه شي
اهتمي بصحتج والسيد.. كلش تعبان
_ انتبهت بسرعه.... ليش تعبان......!!!
_ مشاكل هو وعمامه....
_ هم كله بسببي....
_مو بسببج هو من قبلج مشاكل وياهم كافي تحملين نفسج السبب
يله بويه ارتاحي ولا تفكرين هوايه
سيدعلي _
ياسمين ماعاجبتني جنت كل ما اروحلها تخلصها بجي وهسه
ما تريد تشوفني ادري بنفسها مكسوره من الصار عفتها ترتاح اسبوع
طلعت من الصبح الرافع بالمحل دخلت المحل شفت بيده المتر
يقيس ويگص قماش ويتحرك بالكرسي بخفه مو مثل قبل ويحجي
ومنطلق صدگ الثقه بالنفس شگد مهمه
_السلام عليكم
_ التفتلي وبتسم اهلا سيد عليكم السلام
_ محتاج اساعدك............؟؟؟
_ رفع ايده اليه.... اشكرك...... حاسب النسوان واجاني اباب المحل
صاح على ابو الجاي جابلنه كوبين سفري
اليوم بالسوگ اشعندك
_ جاي اشوفك محتاج قماش
_ لا والله صدگتك لوما اعرفك مثل ما اعرف نفسي گول جاي الياسمين
_ ههههه اي والله جاي اشوفها واخذها اشتريها مبايل
_ اي روح علوى طلعها من الكآبه الهيه بيها
رحت للبيت دخلت بس ام حسن وخالتها بالبيت دخلت للغرفه
لكيتها نايمه
اباوعلها شعرها مفتوح ومنثور على المخده وخدودها الحمر متفحات رغم المرض تبقى ملامحها الجميله واضحه
لابسه دشداشه خفيفه ربع ردن زنودها البيض وصدرها كله مكشوف
اخذت خصله من شعرها وحركتها على وجها تحركت ورجعت نامت
وأخير شي انقلقت نومتها فتحت عينها
هههههه صباح الحب والامل
ياسمين _ كعدت اعدل بدشاشتي وشعري خجلانه صباح النور
السيد _ راح اطلع انتظر بالهول تغيرين ملابسج بسرعه وتجين وياي
_وياك وين.......
_ لزمت ايدها لاخر الدنيا مشتاقتلج....
_ رافع اشلون.... وعلاوي
_ اخذت الأذن من رافع ووافق وعلاوي يجيبه الخط للبيت
يله استعجلي
_ ظليت صافنه....
_ احسب منا للثلاث اذا ما تگومين من فراشج اشيلج واخذج
_ مالي نفس اطلع...... ١
والله صدك احجي..... وگف وتخصر ٢
اووو اسمعني اول....... ٣
هجم عليه سحب الغطى وشالني يريد يطلع للسياره
_ لا عفيه لا نزلني
_ تجين ويايه لو لا
_هههههه اي اجي بس نزلني.......
_ ضحكتها حركت شكو احساس بيه نزلتها اباوع الدشداشه هدلت وطلع كتفها ما گدرت افكها ظليت محاوطها بأديا قربتها مني اكثر
ودنگت بوست كتفها وجرأت أكثر....
حسيت من حاولت تبعدني بأيدها
كلشي بيه يريدها من اقترب منها احس بهدوئ وسلام فضيع تسكت كل ضوضاء حياتي
ياسمين تعبان وراحتي انتي متدرين اشلون اسبوع المر عليه
يوميه اكتشف شغله وانصدم بيها طلعت مخدوع باقرب ناسي
قرب ايده على خدودي يتلمس... وبتعد مبتسم من دخلت خالتي
راجحه _هايمه ياسمين كعدتي
السيد _ اني انتظرج بالسياره كملي بسرعه
ياسمين _ اشرتله براسي... وجاوبت خالتي
اني خاله كاعده وراح اطلع ويه السيد ديروبالكم على
علاوي
راجحه _اي يمه اطلعي لا تحبسين روحج وعلاوي يمنه لا تخافين
عليه
فتحت الكنتور اني ماعندي هواي هدوم أكثر شي خلصتها بالعباية الاسلاميه سهله البسه واجك السحاب والف الشال بس هاي الطلعه مومال عبايه وشال
طلعت الفستان الشتريته من المنصور لبسته ولفيت الشال ومكياج كلش بسيط وطلعت إيمان بالمطبخ گصتني من فوگ ليجوه
_ شنو رايج وسحبت صفحة الفستان
إيمان _ حلوه حلوه دمشي لا يعوفج مل الرجال كاعد بالسياره
_ هههه اول مره اعجبج......
فتحت الباب وصعدت جان بيده الموبايل حرك السياره وهو يحجي كمل سد الموبايل ولتفتلي مبتسم.... وبيده علاگه
_ هاي شنو....
_ هاي الج افتحها... فتحتها مبايل
_ شگد حلو
_ بي شريحه ورقمي
_ يعني ايست من موبايلي راح....
_ انسي انشالله محد يلگا .... عوفينه منه اني بحجة الموبايل
اخذتج... اليوم كله محجوز الج
_ وين اروح...
_ هسه تشوفين... مفاجأه سحب أيدي وشبكها بايده وشغل اغنية
أضعف گدامك بس انته
_ اول مره اشوفه منطلق وفرحان بهشكل يغنيلي ويه الاغنيه وكل شويه يرفع أيدي يبوسها ولا مهتم للسيارات التمر بصفه بصفه
_ اسويتي بيه ياسمين رجعتيني مراهق أحب واحلم من جديد
احذرج بيوم تتركيني حتى لو ليله وحده
_ شسويلي اذا تركتك.......؟؟؟
_اني ما اسويلج شي اني اتفداج بروحي بس صدگي اموت اذا
تركتيني انتي الحاضر والماضي انتي عشقي الابدي
ظل يتغزل بيه ويوصف شعوره واني مبتسمه ابادله نفس الكلام
إلى أن وگف اباب نفس البستان الجابني اله قبل شهر
قبل ما ينزل گال امحضرلج مفاجأه وره هذا الباب
_ اعرفه غير البستان شفته ذيج المره
_ ههههه لا انزلي وشوفي مو هو
_ استغربت الباب صح مختلفه بس نفس الشارع والمكان
دگ هورن شويه وفتح الباب رجال جبير
السيد سلم عليه ودخل السياره.... صفنت بالمنظر صح مو هو
افتر السيد من يمي فتحلي الباب
_ اهلا وسهلا ابيتج ياعروسه
_ هههه صدك تحجي لو تشاقه..... هاي شمسوي گالب شكله للبستان
_ سحب أيدي وتمشينه الممر مغير الشتايگر مالته ومن اليمين
مسبح متروس مي وبصفه حديقه جبيره بيها نافوره زغيره والورود بألوانها واشكالها على طول الممرات ومن الجهه السره نخل واشجار متقلم وتنظف بشكل كلش حلو
وصلنه البيت مغلقين الطرمه بمرمر اسود ونادين حولها والبيت مصبوغ ونظيف كلشي مختلف وكانه اشوفه لأول مره
طلع من جيبه مفاتيح فتح الباب الرأيسيه دخل ومد ايده الي
انتظرت لحظه وتمشيت خليت أيدي بايده متروس البيت كراتين
واجهده عندها مسلفنه ما مفتوحه
وكلشي نظيف........ التفتلي ها يا عروسه اشوكت تجين تفرشين بيتج..........!!!!!
_ انته صدك تحجي هذا بيتي يعني هنا نسكن.......؟؟؟
_ اي بعيد عن كل الناس والضوضاء نرتاح
_ ومدرسة علاوي اشلون
_ لا تخافين امحضرله سايق وخط المدرسه مو بعيده
_ وانته عائلتك اشلون
_ كلشي حاسب حسابه لا تفكرين وتقرب مني اريدج الي وبس
لا تتعبين روحج بكلشي
دفعته وطلعت من البيت لأن احسه يذوب اذا اقترب مني ويفقد
_ قفل البيت و طلعنه اكو ممر يفتر وره البيت حضني بايده ورى ظهري ومشينه بي كله أشكال الأشجار المثمره والنخل بستان عامر
دگ مبايله
السيد _ ها يمه
اميمه _ الغدا جاهز ننتظركم
_ اي يمه هسه جايين
ياسمين _ شنو اروح البيتكم
السيد _ اي يا روحي مسويلج عزيمه امي وخواتي على سلامتج
رجعنه للسياره صعدت وهو حجه ويه الفلاح شويه وطلع من جيبه فلوس انطاهيا واجع صعد
فتحله الباب الرجال طلعت السياره وسدها ورانه...
مشه ونفس الشي مشغل اغاني ومنطلق الى ان وصلنه البيتهم
نزلنه بيت جبير وحلو من الخارج
فتح الباب ودخلت خجلانه رغم جايتهم قبل بس جنه ما مخطوبين
صاح على جهاله مو زغار
ليث بگد رضى وياسمين وغيث اول ابتدائي وثاني
قدمني الهم على اني خطيبته
وگفت خايفه اراقب ردة فعلهم..... ما عارو اليه اي اهميه سلمو
ولتفو على ابوهم يسولفون ويا
_ظليت اراقبهم بعيوني حسيت شگد شايفين منه حنيه بحيث هيج يحبو
كان موجودين خواته طيبه وزوجها اسمه ابو أسد يشتغل بمكان حساس بالدوله ونسرين وزوجها اركان صديق السيد المقرب وابن صديق سيد حسين
عافني علي وراح كعد ويه نسابته بالاستقبال
بالبدايه أم علي يمي نسولف شويه وترخصت راحت اصلي
بقيت وحدي
وياسه گبالي ونظراتها عليه حسيتها ماحابتني لان الطفل رغم يسكت مايعبر عن البداخله بس ملامحه متكذب ابد انقهرت... بيدها لعابه كلش حلوه
ياسمين _ هاي شسمها لعابتج.....؟؟؟
ياسه _ باوعتلها ورجعت اسمها فله
ياسمين _الله حلو اسمها منو جابها الج
ياسه _ بابا.... باوعتلها ورجهت كملت شعرها ما اعرف اظفره
ياسمين _ تعالي اني اظفره الها
ياسه _انتي تعرفين
ياسمين _ فتحت حجابي وراويتها ظفيرتي شوفي
ياسه _ اقتربت عليه متعجبه بطول شعري
هذا كله شعرج.....؟؟؟
ياسمين _ ابتسمت اي
فرحت من داخلي لان صادقتها ما احب احد يكرهني
ظفرت للعابه وشديت شريط اشوفها مبتسمه وراضيه
طيبه ونسرين مدو السفره بالهول وبالاستقبال تغدينه
وسولفنه وما حسسوني اني دخيله عليهم ابد وكأنه
منتظريني من زمان
السيد _ اجه لمحني اسولف ويه ياسه ابتسم وحسيته ارتاح
ها اروح
ياسمين _ اي والله تأخرت
نسرين _ احنه هم اروح وطيبه والكل بدأ يتهيأ
واكفين نتبادل السلام ورن مبايل السيد رسائل وحده وره اللخ
فتح الموبايل وتفاجا لحظات الكل لاحظ عليه اتغيرت ملامحه
ياسمين _خير اكو شي
السيد _ باوعلي بقهر.... ولتفت لابو أسد ممكن لحظه
أركان _خير اكو شي گول سيد
السيد _ لا ماكو شي روحو انتو
السيد _ الموبايل ظهر وديساوموني على الصور البي
ابو اسد_ لا بربك
السيد_ أقره هاي الرساله
ابو أسد _ بسرعه طلع مبايله وتصل مدري شحجه شويه وطلعو
ياسمين _ رجعت كعدت شنو الصار امبينه شغله جبيره بس لا
الخايف منه
اميمه _ ارتاحي يمه ليش متوتره هسه يجي لازم شغله مهمه
هاي الراحله
ياسمين _ صح كان عندي قلق بس هاي الكم ساعه قربت هوايه بيني وبين العائله وخصوصا وأولاده ليث رغم صغر سنه بس تحسه رجال يصرف برجوله واحترام بي هواي شبه من ابو وياسه حسيتها تميل الكل واحد يعاملها بحنان اما غيث هذا مستحيل يتروض احسه حاقد عليه ابد ما اقترب مني ومبين مشاكل امه مأثره عليه
ام علي طيبه حيل فقيره وطيبه هم شخصيه ومنفتحه وحقها الحياة العايشتها اكيد صنعت شخصيته وكونتها
واني رغم هوايه أمور اجهلها بالحياة بس شفت ناس بهذا المستوى
ابيت ست رفل وبيت الدكتور
صارالليل والسيد ماكو ظل بالي طلعت الموبايل بس رقمه موجود
اتصلت عليه گال اني جاي بالطريق
القلقني أكثر شكول الرافع طول اليوم طالعه اشتري مبايل اكيد ما يصدگ
دخلو علينه ثنينهم ابو أسد ما كعد اخد طيبه والجهال وراحو
واني هم سلمت وطلعت ويا يوصلني
ياسمين _اباوعله يصفن مو مثل ما اجينه كان فرحان
لگيت الموبايل مو.......!!!!!
السيد _ التفتلي وابتسم بتعب يطمني اخذ ايدي بايده
يساوموني بالصور
ياسمين _ شهگت منو ذوله
السيد _ ما ادري...
ياسمين _ تشك باحد......
السيد _ دخل ايده بشعره وسحبه ... ما ادري
ياسمين _شگد طلبو
السيد_ لا يظل بالج ولا تفكرين اني اتصرف
وصلنه وقبل ما احجي طلع متصل برافع وحاجيله
اخذت علاوي بحضني مشتاقتله على اساس هذا الأسبوع نزوج هم راح يتأجل
صافنه اني اعرف حضي مراح يعديها على خير هاي ثاني تأجيله
والله اليستر من الثالثه
السيد _
اخذني ابو أسد على ضابط اسمه مقدمج٧َة18٢٠
بشار مختص بقضايا الابتزاز
والتهديد وحجيتله كلشي اخذ رقمي ورقم المرسل وگال راح نتواصل من غير أرقام والك الصافي نلزمهم بالجرم المشهود
من بعد الرساله الأولى انغلق الرقم
ظليت على نار انتظرهم يفتحون خطهم
رجعت للبيت تعبان افكر والله اذا هالمره الج ايد يازينب باليصير الا اطلگج وشيصير خلي يصير
ثاني يوم فزيت على الموبايل يدگ باوعت نفس الرقم
فتحت خط...
الو
حمص _ شگلت
السيد _ منين جبت الصور
حمص _ وانته شعليك المهم الصور عدنه
السيد _ المطلوب شنو........!!!
حمص _ عشر ملايين
السيد _ شنو اليضمنلي الصور تنمسح
حمص _ تاخذ الموبايل مالتك بصوره
السيد _ تنهدت يعني الموبايل عدهم.... تمام وين عنوانكم
حمص _ شنو شايف گدامك زعطوط تسألني على عنواني
حضر فلوسك منا الباجر اني اتصل عليك فهمت......؟؟؟
السيد _ تمام..... سد الخط بوجهي
اتصلت على مقدم بشار وخبرته لگيت عنده علم نسيت اكيد يراقبون الارقام
اتفقنه على الخطوه الثانيه وهي تحضير المبلغ وتسليمه
كاعد على اعصابي طلعت للوكاله مالة الكاظميه مالي واهس اشتغل صار كم يوم دماغي مشغول خايف من الصور تنتشر وصير فضيحه
شغلي أركان يديره
وبالبيت امي مهتمه أولادي كلشي تخربط بحياتي
احس الوقت يخنگني بطيئ يمر
الفلوس من جهه والموبايل من الجهه الثانيه گدامي على الميز
وايدي على خدي انتظر شوكت يتصلون
قبل المغرب دگ الموبايل.... باوعت بالشاشه هو
فتحت خط.... الو
حمص _ حضرت الفلوس
السيد _ حضرتهن.... حسيت اكو واحد ثاني يمه يهمسله
حمص _ شوف اي اتصال بالشرطه او اي طرف يدخل الصور
بنفس اللحظه ينتشرن على وسائل التواصل يعني
شرفك اشره على الحبل
السيد _ مفهوم بس فضني وين اجيك
حمص _ تعال بشارع+++ابداية التقاطع
السيد _ اشلون اعرفك
حمص _ اني اعرفك اني اجيك
السيد _ سديت الخط وصعدت السيارة وتوجهت للمكان الاتفقنه عليه اني الفلوس ما تهمني بس كون يلتزم وصادق بكلامه اريد اكتشف اشلون وصلهم المبايل
وصلت محد اكو وگفت بالمكان الكالولي بي
كم سياره تمشي اباوع ودك الموبايل انزل جيب الفلوس وتعال مشي
السيد _ وين امشي.....!!!!
حمص _ تمشه للحديقه الكدامك
نزلت اتمشه وظل بالي ما اتصلت بمقدم بشار هسه اذا اتصل يشوفوني تمشيت للحديقه طلع بوجهي واحد قصير اصلع
كرشه گدامه اذا ادفره يدعبل گدامي
حمص _ الفلوس
السيد _ انطيتيها يكلب بيهن... نترت بي المبايل
حمص _ هاك بي الصور
السيد _ منو يگول ما نسخن بغير مكان وترجعون تهددوني
حمص _ بالنسبه الي اني حتى ما شايفهن
السيد _ انطيك بگد ذني الفلوس بس دليني منو انطاك الموبايل
حمص _ فتح عيونه.... كلام رجال
السيد _ابتسمت حسيته طمع.... كلمة رجال دليني عليه وتاخذ
مني بگدهن
حمص _ التفتت على حياوي ينتظرني بصف السياج واشرت عليه
بدون ما يحس
السيد _ باوعتله هم ما شايفه... هذا مننو
حمص _ ما سلمكيا الا تنطيني العشره
السيد _تحسفت الفلوس لان ثنينهم تافهين ظليت اجرجره بالحجي
وين صار مقدم بشار مو گال مراقبيك
حمص _ من شفته يسولف هواي خفت لفيت الفلوس اريد امشي
و يجيني واحد يوكعني وينام عليه يخنگني خنگ سحب
الفلوس من ايدي وكلبجني واني اصيح والله مو اني
وصلوني للسياره لگيت حياوي گدامي صعدت وسدو الباب
علينه
حياوي _ وين الفلوس
حمص _ بط+++ي تف عليك انعل ابوك يابو الدزك عليه جنت نشال
انحبس شهر شهرين واطلع هسه راح انام بالسجن من وراك
السيد _ التفت واشوف خمسه طلعو من كل مكان وين جانو ما ادري
_ مقدم بشار هاي فلوسك استلم
السيد _ اجي وياك..
_ وين تجي يمعود نحقق وياهم وندز عليك
اخذت الموبايل الياسمين
السيد _ هذا مبايلج اتفقدي الصور وكلشي
ياسمين _ كلشي مثل ما هو بس الشريحه ماكو
معرفت منو ماخذه......؟؟؟
السيد _ يحققون وياهم ونعرف......
ياسمين _ سكتت لحظه ما اعرف وضعي شنو حتى عقد محكمه
ما عقدنه لحد الان واخجل اسأله وهو مشغول... حتى
فرحتي طفت
علي اريد اطلع للمحل ويه رافع.....؟؟؟
السيد _ لا ياسمين احنه شتفقنه ما ريدج تطلعين للسوگ سحب
أيدي لزمها بثنين ايده ونظراته ذابت بعيوني..... كلشي
تحتاجين بتليفون يوصلج ولزم خصل شعري يشمهن
اني ماأحب مرتي تطلع الا وياي...
ياسمين _ نزلت راسي زواجنه يجوز يتأخر واني اختنگت من البيت
السيد _ منو يگول يتأخر زواجنه لو ما هاي المشاكل جان هسه
ابيتنه مستقرين ومزوجين ويجوز حامل باخو علاوي
وغمزلي.... يضحك
ياسمين _ههههه يريد يغيرلي جو
السيد _ باجر العصر اخذج نتعشا بره
ياسمين _ انتظرك...
ثاني يوم اتصل بيه ابو أسد....
_ قضيتك شغلت مكتب المكافحه من البارحه لليوم يشيلون
بالمتهمين وما ملحگين
_ ليش اشصاير
_ واحد اعترف على الثاني وطلعو شبكه جبيره مال متسولين و دعاره وتجارة أعضاء وتجارة بشر حتى مخدرات لگو عدهم
امشي وياي واحضر التحقيق بنفسك
كعدنه وره جامه بالغرفه الثانيه يحققون ويه حمص وحياوي
هاي اسمائهم العرفتها بعدين
شويه والشرطي دخل وحده عرجه سوده تسحل بعباتها
السيد _ هاي منو.........!!!
ابو اسد_ اسمع وانته تعرف
اعترفت حليمه على الجزدان والموبايل انو ثنين نسوان وهن ماشيات اباب الكراج شمرنه بحضنها
والجزدان رايحه الشرطه وياها وحافرين ومطلعي بي فلوس
راحو للكامره مال كراج رجعوها
طلع بالتصوير زينب وستبرق مبوشه
شمرن الجزدان بحضن حليمه...
- يتبع الفصل التالي اضغط على (انكسار الياسمين) اسم الرواية