رواية اخرجتني من الظلام الفصل الثالث 3 - بقلم ريتاج محمد
مليكة بتوتر :خلاص واللة انا مسمحاة الواد وشة مش باين
رسلان بعصبية:هاجي أمد ايدي عليكي انجزي
رامي وهو مش قادر يتكلم:و و ا ل ل ه م م ما ج جي ت جمب ها
(و واللة ما جيت جمبها)
رسلان بص لمليكة بمعني اي دة
مليكة بتوتر :م مهو بص هفهمك واللة هو فعلا مضربنيش
رسلان:نعممم امال الخبطة الي في رأسك دي من اي
مليكة بتوتر :ما انا لما جيت اضربة اتزحلقت في بلاط الكافيتيريا و و وخدت وقعة وخبط في الكرسي
رسلان:وجيتي بتعيطيلي لي
مليكة بتوتر. :عش عشان انا لما وقعت اتعصبت وحدفت علية مزهرية كانت محطوطة ديكور خفت يموت فعيطت
رسلان باستغراب:معلش لحظة بس هو اي الي هيجيب مزهرية في الكافيتيريا
مليكة :معرفش والله. هتلاقي اي حد من الدكاترة كان جايبها ديكور لمكتبة ونسيها معرفش
رسلان::……….
_________________________٠
عند عزام ورجاء
صحيوا متأخر
لأنهم ناموا امبارح متأخر عشان كانوا بيتناقشوا في موضوع غيث
قاموا فطروا وشربوا شاي
وعزام كلم سليم:الو
سليم بفرحة:الو ازيك ياعزام
عزام:الحمد للة تمام انت ايه اخبارك
سليم:تمام الحمد للة
عزام بتوتر:سليم انا عايزك في موضوع كدة
سليم باستغراب:موضوع اي ده
عزام حكالة …
عزام بتوتر:ها اي رايك
سليم بتردد:صراحة مش عارف انا من ناحيتي اكيد عايز اساعد غيث دة ابني الي مخلفتوش ومن ناحية تانية مش هقدر اجبر بنت من بناتي على كدة ،انت فاهمني صح ؟
عزام بحزن و خيبة امل:يعني كدة لأ صح
سليم استشعر حزنة:اممم لا في امل؛ بص هو ملك اكيد مش هتوافق مش عشان مثلا غيث أعمى او كدة لا
بس هي اصلا مستحيل تنزل مصر دا حتي احنا روحنا معاها عشان متبقاش لوحدها
فا بص هديك رقم مليكة ورسلان تكلم رسلان تقنعة او انا أقنعة وبعدين تكلم مليكة لان بردك الموضوع مش سهل يعزام
عزام بأمل:إن شاء اللة يوافقوا
انا بجد لو الموضوع دا تم مش هبقى عارف اوفيلك جميلك دا ازاي
سليم بحب:اسكت ياض دنت اخويا
بس قولي صح عيلتك عامله ايه
عزام بحب:بخير
وقعدوا بقى يتكلموا عن زكرياتهم ايام زمان وبعدين قفلوا
رجاء وهي داخلة الاوضة
:ها قالك اي وافق ها وافق
عزام: (حكالها)
رجاء :طب اي يعني
عزام:اداني رقم مليكة بنتوا
رجاء بسرعة:طب يلا نكلمها
وفعلا عزام كتب الرقم واتصل عليها
______________________
عند مليكة ورسلان
مليكة في وسط ما رسلان حرفيا مش طايقها بسبب عمايلها
موبايلها رن
رسلان :مين
مليكة بخوف منة :م معرفش واللة خد رد
رسلان :هاتي ورد
رسلان :الو
عزام :الو مش دا رقم مليكة
رسلان بحدة : مين معايا
عزام:انت رسلان صح
رسلان بحدة بص عالاسم لقى فعلا الرقم مجهول
:هتقول مين ولا اقفل في وشك
عزام :انا عزام يابني ابقى صاحب باباكوا سليم وكنت عايزكوا في موضوع مهم
رسلان هدي شوية واتكلم باحترام:اهلا وسهلا
ازّي حضرتك
عزام :الحمد للة يابني هي مليكة موجودة صح
رسلان باستغراب ؛اة لي
عزام:طيب يابني عايزك ضروري جدا انت وهي وياريت تيجوا عشان الموضوع هيفرق جداً مع انسان
رسلان:طبعا انا لو في ايدي حاجة اكيد هعملها
عزام:في ايدك متقلقش بس انت بإيدك توافق او لا
رسلان باستغراب من كلاموا:طيب حضرتك شوف انت عايز نيجي امتي واكيد هنيجي
عزام:ياريت يبني لو انهاردة عشان الموضوع الي عايزك فيه الاستعجال فية احسن
رسلان:هشوف لو عرفنا نيجي هنيجي
عزام:تمام يبني هبعتلك اللوكيشن
رسلان :تمام سلام
عزام:سلام
___________
عند رسلان
مليكة بفضول :مين
رسلان :ملكيش فية ومتكلمنيش
مليكة بصتلة شوية وبعدين راحت حضنتة وقالت:آسفة
رسلان محضنهاش وقال بأمر:أبعدي!!
مليكه بمسكنه : اسفه والله سامحني بقى
رسلان بتنهيدة:مشكلتي اني مش بعرف ازعل منك
ملكية.:عشان انا حبيبتك واختك وكل حاجة ليك
رسلان بصلها وحضنها وقال:اوعديني هتبطلي مشاغبة وشقاوة
مليكة :امممممم اممم هو اكيد يعني مش هعرف اوعدك
بس هحاوووول ها هحاول اخف شقاوة كدة مرضي
رسلان:اممم لا لسة
مليكة بعبث اطفال:لي بقى محنا اتفقنا
رسلان:لا منا عايز طلب كمان عشان أوافق
مليكة بتزمر :اممم قول اتفضل
رسلان:تعملي الأكل لمدة أسبوع كامل
مليكة وهي فاتحة بوقها :لا وربنا ما لاعب خليك زعلان احسن يخي يكش تتفلق دا اي دا
مش هعمل انا اكل عاجبك تمام مش عاجبك
رسلان:هاا
مليكة بتوتر:تمام بردو هو انا اقدر اقول غير كدة
رسلان :طيب يستي خلاص مش زعلان بس هتعملي الأكل عالاقل ليومين حتي عشان مزعلش تاني
مليكة:لا
رسلان:مليييكة
مليكة:طيبببب سيبني افكر
رسلان:مليييييييكة
ملييكة بأفأفه :طيب حاضر هستسلم واعمل الأكل
رسلان :طيب تعالي عشان هنروح مشوار
مليكة :اي يبابا حيلك حيلك انا واحدة ورايا محاضرات وانت بردو
رسلان:لا انا هستاذن عشان الي اتصل دا يبقى صاحب بابا وقال انة عايزنا في موضوع ضروري يتعلق بحياة انسان
مليكة وهي بتقوم:طب يلا
وخرجت هي الاول عشان محدش يشوفهم مع بعض ويقول كلام مش لطيف
وبعدها هو خرج وراح استأذن ومشي مع مليكة بس طبعا اكيد لازم حد يحشر نفسة في الي ملهوش فية ويقوم مصورهم(للمرة التالتة علفكرا عشان يبقى دليل يعني وكدة لأنه مدخلش علية موضوع انه اخوها )
__________________
عند عزام ورجاء
رجاء بعد ما عزام قفل
رجاء بتسرع :ها يعزام بسرعة قول قالك اي
عزام:قالي هيشوف كدة وهييجي
رجاء بفرحة :يارب يجوا انهاردة يارب
عزام بهدوء:رجاء متحطيش املك كلة في مليكة لان اللة العالم اذا كانت هتوافق ولا لا واحنا ملناش اننا نغصبها احنا هنعرض عليها الموضوع وافقت يبقى خير وبركة موفقتش يبقى كل شي قسمة ونصيب
رجاء بهدوء وتفكير:معاك حق بس بردوا دي دلوقتي الحبل الي المفروض نمسك فية ومنسبوش
عزام :طيب
_________________
عند غيث كان قاعد في اوضتة ممدد عالسرير كالعادة هو غالبا اصلا مبيعملش حاجة في يومة غير انة يقعد على السرير ويسمع قران بس وهو شارد سمع فونة بيرن
اتعدل وحسس بايدة عالسرير لحد ما أيدة وصلت الكمود وحسس علية لحد لما لقى الفون
غيث ورد
غيث:الو مين
…: غيث عامل اي ياصحبي
غيث باستغراب:مين
…:معقول معرفتش صوتي
غيث وهو بيحاول يتعرف عالصوت
:ر رائد
رائد:طب الحمد للة افتكرتني عامل اي ياحبيبي
غيث بحب:الحمد للة انت عامل
رائد:الحمد للة اهو ماشي الحال
اهو ممرمطني في كندة
غيث:لي كدة
رائد:يعم دا مرمطة مالها يعني مصر لي يمسكوني مهمة في كندة مش فاهم انا لي دا اي القرف دة
غيث:يعم قول الحمد للة دنا نفسي ارجع المهمات تاني
رائد :منت الي مش راضي تعمل العملية
غيث :رائد بلاش كلام في الموضوع دة قولت
رائد بأنفعال:انا نفسي بس افهم ايه في دماغك يخليك متعملش العملية وانت عارف ان في امل انك تفتح
غيث بانفعال:لان زي ما في امل اني افتح في امل اني مفتحش فخلينا كدة اعيش ان في امل افتح احسن من اني اعمل العملية ومفتحش وميبقاش في امل نهائي
رائد:ولية اصلا التفكير دة من اساسة
غيث :رائد ونبي اقفل يلا سلام انت الكلام معاك زي عدمه واللة سلام
رائد:سلام يعم
وقفلوا
رائد:يارب ياغيث ربنا يهديك وتعمل العملية
___________
عند غيث كان قاعد متضايق ان اي حد يعرفة بيفضل يجيبلة في موضوع العملية وهو مش متقبل دة نهائي حتي ١%
_____________
عند مليكة ورسلان خرجوا وركبوا العربية
وراحوا على اللوكيشن الي بعتة ليهم عزام
وبعد ساعة في الطريق وصلوا فيلا عزام
ركن العربية في البركينج وراحوا دقوا الباب
___________
عند عزام ورجاء
سمعوا صوت الباب بيخبط
عزام راح يفتح باستغراب لانة اكيد الي عالباب دة مش ابن سليم مثلا لانة قالو هشوف …ولو كدة احتمال اجي
مقالش اكيد
راح فتح الباب
لقى شاب وبنت جُمال جدا واخدين لون العين الأزرق
والشعر الدهبي
عزام باستغراب وترحيب:اهلا وسهلا بس معلش مين
رسلان :احمم احنا ولاد سليم صاحبك و…
عزام بفرحة ومقاطعة :انت رسلان وانتي مليكة اتفضلوا اتفضلوا
معلش معرفتكوش عشان مشفتكوش من لما اتولدتوا
اصلا احنا زي منتوا شايفين اهو بعاد عن بعض وكنا بنشوف بعض كل فين وفين معلش
رسلان بابتسامة:لا عادي ولا يهمك
عزام:بس انتوا مفيكوش شبة من سليم خالص لية كدة
رسلان :امم يعني طالعين شبة خالتنا
عزام:بس غريبة يعني انت ومليكه شبة بعض اويي كانكوا تؤام مع اني اعتقد انك اكبر منها بأكبر من ٦ سنين اعتقد
رسلان :اممم يعني هي لما اتولدت وكدة أخدت لون عيني وشعري
وكانت محببة لقلبي اصلا بسبب انها طلعت شبهي
وكدة بس
عزام بحب:اممم ربنا يخليكم لبعض يابني
ويزيد محبتكم اكتر واكتر
رسلان ومليكة:يارب
عزام:معلش بس يبني هروح اعمل حاجة بسرعة واجي وقبل ما يقوم نادى عالخدامة وقالها تجيب عصير ليهم
رسلان:لا عادي ولا يهمك اتفضل
قام عزام وطلع فوق وبعد شوية الخدامة جت وشربوا العصير
مليكة بهمس لرسلان :ولا يرسلان
رسلان بنفس الهمس:ايه
مليكة بهمس:اي كل النجفة دي
رسلان بغيظ وهمس:هتفرقع على دماغ اُمنا دلوقت عشان يعجبك
مليكة بهمس:وعلى أي ياعم خلاص بس
(ولفّت نظرها في الفيلا)ايدااا اوبااااا اي كل دي يلاااا
دي ولا مزهرية حبشبثوت السابع
رسلان وهو. اكنة بيلطم بس على وشة مش خدة:يخربيت اهلك هتفضحينا ،مليكة وحيات ابوكي نقطيني بسكاتك ونبي
البيت هيقع على دماغنا دلوقتي
،انا الغلطان اصلاً اني جبت عيله جربانه زيك معايا
مليكة بهمس:خلاص يعم على ابو شكل الي يكلمك تاني
دنت عيل فصيل
رسلان بتوعد:لسانك طول ها نروح بس واقطعهولك حاضر من عنيا الاتنين
مليكة بسهوكه مصتنعه : يبني انت حبيبي اصلا
دنا لو هشحت كدة محبش الا انت اةةةةة امال اي
دنت الي في الحتة الشمال
رسلان:طب اكتمي طب
مليكة سكتت بسرعة لما شافت عزام نازل هو ورجاء
_________________
عند عزام اما طلع دخل على اوضة رجاء
عزام بفرحة:رجاء رجاء تعالى بسرعة
رجاء بفزع:في أي يعزام غيث جرالة حاجة
عزام بفرحة:لأ وكمل وهو بيشدها تعالى بس بسرعة
رجاء :طب قولي في ايه ياراجل. طيب بدل منا على عمايا كدة
عزام بتسريع:ولاد سليم تحت
رجاء بفرحة:احلف بتهزر صح ،طب اوعي اوعي انا هنزلهم مقولتش كدة لية من بدري كنت ظبطت نفسي
عزام :يستي مش وقتة يلا
ونزلوا وهو شافهم بطلوا همس مرة واحدة لما شافوهم
عزام بابتسامة:كنتوا بتتهامسوا على اي يولاد
مليكة بابتسامة :ولا حاجة يا اونكل كنت بقول بس ان النج….
حط رسلان ايدة على بوقها بسرعة وقالها بهمس ليها من تحت ابتسامة:اسكتي اللة يخرب بيتك هتفضحينا
وكمل ليهم :لا ولا حاجة كانت بس بتقولي هو عمو اتاخر كدة لية
عزام بضحك:اممم طيب
اة اة صح دي رجاء مراتي
رجاء بابتسامة فرحة :اهلا وسهلا ياحبايبي
وراحت لمليكة:انتي بقى مليكة صح
مليكة بابتسامة:اة
رجاء وهي بتحاوط وشها بايدها بحنا:بسم اللة مشاء الله ياقلبي قمر طالعة لمامتك وخالتها
عزام باستغراب:انتي عرفتي منين
رجاء بتنهيدة:هيييح دي كانت ايام اصلا امك كانت صحبتي هي وخالتك
وكانوا جيرانا لحد ما امك بقى وخالتك اتجوزوا ونسيوني وكل واحدة فيهم في بلد شكل
الا صح امك وخالتك عاملين اية
مليكة :ماما تمام الحمد للة وخالتوا بردك
رجاء :ألا صح انا لحد دلوقتي مشوفتش اختك ملك ولا عيال خالتك
مليكة باحراج:احمم اختي ملك لسة مسافرة مع بابا وماما مش من بعيد اوي. لكن خالتوا احنا اصلا مشوفنهاش ولا مرة هي مرتين في السنة فيديو كول
وكل الي نعرفة عنها أنها عندها بنت وولدين
واسمهم ليلي و محارب و ورائد
رجاء بحب:بسم اللة مشاء اللة دول في سنة كام دول
مليكة:لا دا دول ليلي اعتقد في أولى او تانية طب أسنان ومحارب اعتقد في رابعة هندسة
ورائد مخلص شرطة اعتقد اةة
رجاء بحب:بسم اللة مشاء اللة ربنا يخليهم وانتوا بقى في سنة كام وفي كلية اي
مليكة :انا في كلية طب قسم جراحة
ورسلان دكتور عندي في الجامعة
رجاء وعزام:ماشاء اللة ربنا يوفقكوا يارب
رسلان ومليكة:يارب
مليكة بعفوية:هو يعني ياطنط انتي عندك اولاد وكدة
ولا لا
رجاء بحب وحزن:اة عندي اتنين
رسلان باستغراب:امال هما فين كدة
رجاء بحزن: غيث وليث تؤام
بس ليث تاة مني وهو عندة عشر سنين ومن ساعتها بندور علية ومش لاقيينة وفقدنا الأمل
وغيث ابني تؤامة مخلص شرطة
وكان في مهمة واتصاب والاصابة أدت الي انة اتعمي
مليكة بحزن :اووووبس ربنا معاة يارب طب هو مجربش يعمل عملية
عزام بحززن:عرضنا علية اكتر من مليون مرة بس هو الي مش راضي بردك
مليكة بحزن:اممم ربنا يشفية يارب
رجاء بحزن:يارب
رسلان باحراج:احمم هو يا عمو احنا جينا واتضايفنا فين الموضوع المهم الي حضرتك جايبنا فية بخصوص حياة إنسان
عزام بتوتر:احم الموضوع يبني انت ومليكة حرين مش عايزين توافقوا انا هحترم قراركوا جدا لو هتوافقوا ف أنا ساعتها مش عارف هرد جميلكم ازاي
رسلان بابتسامة:اكيد يعني ياعمي لو فأدينا إننا نوافق
اكيد مش هنتاخر طبعا
عزام :دا العشم بردك
هو الموضوع ان انا ابني غيث (حكالهم موضوع غيث )
وسكت
رسلان باستغراب :طبعًا انا مقدر الي انت وابن حضرتك فية بس بردو اي دخلنا في الموضوع دة كله
رجاء بسرعة:بص يبني كل الحكاية اننا هنجوز مليكة لغيث ست شهور بس واللة ست شهور
ارتاحوا مع بعض خير وبركة مرتاحوش خلاص كل واحد يروح لحالة
والقرار في الاول والاخر قراركوا
رسلان بتفكير:واللة يعني انا مش عارف اعمل اي بجد
انا مشتت لان دي اختي والحقيقة انا صعب اعمل كدة
عزام بحزن:خلاص يبني كل شئ اسمة ونصيب
مليكة:هو بابا عارف بالموضوع دة
عزام:اة يابنتي عارف
رسلان وهو بيقوم :بصوا انا مش هقدر اقولكوا لأ لان انا قولت لو ف ايدي حاجة اقدر أقدمها اكيد مش هتأخر بس بالذات في الموضوع دة محتاجين وقت نفكر انا ومليكة وإن شاء اللة نبقى نديكوا ردنا
عزام وهو بيقوم:تمام يبني مستنين رايكوا بس خليكوا فاكرين قبل ما تاخدوا اي قرار ان انتوا الأمل الوحيد الي موجود لينا
وبعدين سلم علية وقال :نورتونا
رسلان سلم وقال:بنورك
ومشي
رجاء وهي بتقعد عالكرسي بسرحان:تفتكر ممكن ميوافقوش
عزام بتفكير:مش عارف بس معتقدش
رجاء باستغراب:لي يعني
عزام:اممم الي زي رسلان مش اناني يرجاء دا ابن سليم صاحبي وانا عارفة
__________________بقلمي #ريتاج_محمد
عند مليكة ورسلان لما خرجوا.
ركبوا العربية ومشيوا وهما ماشيين مليكة جاعت وقالت لرسلان يجبلها اكل
فانزلوا يشتروا اكل هما الاتنين
ودخلوا السوبر ماركت فكان في شباب كتير وكدة
فرسلان قال لمليكة استني برة لحد لما اجي
فا مليكة استنت برا بس لحظت بنت كانت ماسكة الفون وفاتحة مكالمة فيديو كول
وبتكلم حد
فا مليكة اخدها الفضول وقربت شوية لما لحظت ان البنت بتعيط وشافت في الصورة شاب كان جميل جدا بس اثار التراب كانت باينة على ملامحة
فكان الصوت عالي وكان واصل ليها
والحوار كالآتي
الشاب :ابجلك أختي هتوحشيني كتير واللة
البنت :لي عما تجول هيكا نت منيح وما حيحصلك اشي
بإذن اللة
الشاب: واللة شكلا هاذي آخر مكالمة حتصير بينا أختي
وابتدى يعيط جامد
فالبنت عيطت وقالت:لك نت لييش عما تعيط
ان شاء اللة ماحيصيرلك شي ياخوي بس باللة
ما تصير تبكي حصير ابكي اني كمان وبعدين نت ليش عما تقول انك ما حاتشوفنا تاني
اخوها بعياط: والله إني جلبي حاسس انها اخر مكالمة حتصير بينا صدجيني صوت انذار القصف عما يجرب منا كتير فرايدك تقولين لأمي اني ماحبيت قدها بهاى الدنيا ونى اسف لاني ماعرفت انزل معاك وني كنت ناوي انزل بعديك بيوم مصر لحتى شوفها بس بدأوا القصف علينا ومانعرف نيجى
فقوليلا لاتزعل مني
باللة قوليلا لاتزعل مني ولا نتي كمان
ورايدك تعرفين اني ماحبيت
بكُل الدنيا قدكم واذا استشهدت رفعوا راسكم فاخوكي حيصير شهيد ياضي
ورايدك تعرفين اني وقبل مايكمل كلامة مرة واحدة
صوت انفجار كبير والشاشة اسودت كلها
وهذا يعني “انة اخوها استشهد ”
للبنت بعياااااط وصريخ:اخووووووي مشاني ماتموت رد عليا وجلي ان هذا مجلب من تباعك ياخوي
ماتموت وتسيبنا لكا لمين حتسيبنا ياخوي مالنا غيرك
يااارب يااارب اخوي يارب
كل دة ومليكة متابعة الموقف من اولة وعمالة بتعيط
في صمت وفجاءة راحت للبنت وحضنتها جامد وقالت وقالت وهي بتعيط :ان للة وان الية راجعون خلاص عشان خاطري متعيطيش
خلاص
البنت بعياط وشهقات:ل شهقة لك اخو شهقة خوي مات
سابنا وراح مادري حتي وينة شهقة ومدري و وين هيندفن حتي يا اللة صبرك يا اللة
مليكة شددت من حضنها ليها جامد وقالتلها:واللة ما هيدوموا واللة حسبنا اللة ونعم الوكيل في كل ظالم ربنا ينتقم منهم يارب
يارب انت حسبنا ونعم الوكيل
يااارب لا آله الا انت فبحق مكانتك وعلوك لتأخذ حق كل من قُتل من فلسطين يارب
البنت بشهقات وعياط وهي لسة مخرجتش من صدمتها:يا الله يعني اني ح حروح اجول اي لمي لم تجلي شخبار اخوكي
جولا ماتتت سندنا ماات راجلنا ماتتت الي اتوحشك كتيير ونفسك تشوفينة من خمس سنين مات ليك يالله
مليكة وهي بتهديها:خلاص عشان خاطري اهدي واتاكدي ان ربنا مش مهيسبهم وينتقم منهم وادعي لاخوكي ربنا يرحمة “ولا تحسبن الله غافلا عما يعمل الظالمون ولكن يؤخرهم ليوم تشخص فية الأبصار ”
البنت بدأت تهدأ:ونعم بالله شهقة بس بس اي حقول لمي جولا ان خيي استشهد لك .لك الزلمة والله كان بدو يجيي يشوفا وجعد يجول انة يحبها كثير وقعدت تعيط جامد ورفعت رأسها للسما وقال:يا الله لا عتراض على قدائك بس شو جول لمى انييي ااااااااااااااخ ياربي اااااااااخ على وجع جلبي وحرجتة اااااااخ يارب برد لناري يارب
ياارب نت عالم بحالي
في الوقت دا كان رسلان خرج من السوبر ماركت
وفي ايدة اكل وعصير
دور على مليكة بعنية لحد ما لقاها واقفة عند بنت بتعيط
رسلان راحلهم وقال باستغراب:في أي يامليكة ومين دي ومالها
مليكة شاورتلة ب بعدين وبعنيها قالتلة هات الحاجة الي في ايدك عشان هي كانت حاضنة البنت وكدة ورسلان أداها الحاجة وهي فتحت المولطو الي رسلان كان جايبة وجات تاكل البنت
ضي برفض وعياط:لا ماني رايدة اكول اشي
مليكة بهدوء وحب:طب عشان خاطري لقمة واحدة انتي عيطتي كتير أوي
وبعد اقناع كتير قدرت مليكة تأكل البنت بالعافية
وبعدها شربتها العصير
وبعدها البنت مشيت عشان تقول لمامتها على الي حصل💔
رسلان باستغراب:هاا مالها البنت دي اي الي حصل يوصلها للمرحلة دي
مليكة قالتلة هلى كل الي حصل ورسلان زعل جدا
عشانها وقعد يدعي لاخوها بالرحمة ولفلسطين كلها
وبعدها خدها وراحوا عالبيت
وطلعوا غيروا هدومهم ومليكة حضرت اكل خفيف وكلوا رسلان بجدية :اي رأيك
مليكة باستغراب:رأيي ف اي مش فاهمة
رسلان:في موضوع غيث
مليكة :اةةةةةةةة .
رسلان:اة اي ؟.
مليكة:اممم مش عارفة في احساس جوايا بيقولي جربي يمكن ربنا باعتك لية …… وفي احساس تأتي خايف
انة يجرب عشان انا مضمنش حياتي معاة بعد كدة هتبقى ازاي
رسلان بهدوء: وبعدين
مليكة باستغراب: وبعدين اي ؟
رسلان: قرارك .
مليكة بهدوء :صدقني معرفش انا في الأمور دي وحبت تهزر
:وبعدين مش انا الصغيرة الي مش هتتجوز الا لما تخلص كلية
رسلان:امم
مليكة بهزار :خلاص يبقى فاكس للموضوع دة وفكك منة
رسلان بهدوء:حببتي انا عارف انك متوترة لان دا قرار حياتي مش مجرد قرار كدة وخلاص
انا معاكي في الي انتي عايزاة لو قولتي اة انا هدعمك ولو قولتي لا بردو هدعمك فمفيش داعي انك تداري توترك وخوفك ورا الضحك والهزار
مليكة بهدوء وتوتر:بص بما اني مكشوفة أوي كدة
ف فأنا مش مستعدة اشيل مسؤلية ،معشتش على كدة حاسة اني لسة صغيرة على المسؤولية الكبيرة دي
مش حاسة اني هبقى قدها لاني ببساطة عشت عمري يا إما انت او بابا او ماما الي شايلين مسؤليتي ماتعودتش
اشيل مسؤلية انت فاهمني وخصوصا انة اعم…..اااخ بص انت مش هتفهمني فخلاص
مش مهم
رسلان بحب:انا فاهمك ياقلبي والله متقلقيش، يعني انتي كدة مش موافقة صح
مليكة بصتلة بحيرة
رسلان مسك موبايلة قال:طيب انا هكلم اونكل عزام
وابلغة انك مش موافقة
مليكة مسكت ايدة بسرعة وقالت:لا استني ..اي ياعم انت مابتصدق تقفش ف الكلام انا قولت هنفكر سوا
رسلان بنص عين:يعني من الاخر موافقة ولا ؟
مليكة بحيرة وهي بتنفخ خدودها :صدقني كان بودي أرفض ولكن انت عارف اديش كلبي رهيف وهش جدا جدا جدا
فعشان كدة انا قررت اني اجازف و …….موافقة ياعم
رسلان ببسمة:كنت متأكد وكمل وهو بيطبط على رجلها:ومتقلقيش انا معاكي
وبعدين دا كلها ست شهور بس وهترجعي تأني وكمل بخبث وهزار:الا بقى لو الفأس وقعت ف الراس والبرنسيسة وقعت فحب ال…وغمز
مليكة ضربتة على قفاة وقالت:بس ياعبيط يابن العبيطة
رسلان بصدمة:ايدة …دا بحد ..انتي ضربتيني …مليييييييييييييكة وراح رافعها من قفاها وهو بيقول :انتي قد الحركة دي ؟
مليكة بخوف مصتنع :اسفين يباشا اعتبرني عيل وغلط وراحت باستة من خدة سماحة المرادي
رسلان بحدة مصتنعة:المرادي بس ونزلها
مليكة:احمم يلا بقى اتصل بية
رسلان وهو بيدعي عدم الفهم:اتصل بمين؟
مليكة:انت هتستعبط
اتصل بعزام
رسلان برفعة حاجب:عزام حاف
مليكة بهزار:لا بالجبنة
رسلان أداها بالقلم وهو بيقول بتريقة:ياخفة دمك السم
مليكة بجدية:طب يلا بقى اتصل بية
رسلان بمزاح:حاضر يختى مستعجلة عالهم يالوزة
مليكة:نينيني ظريف ،انجز بقى
اتصل رسلان على عزام فرد بسرعة وكأنة كان مستني الاتصال اصلا
عزام بلهفة:الو
رسلان:الو..ازيك ياعمي
عزام:الحمد لله يابني
خير في أي
رسلان:صراحة …اممم مليكة يعني
عزام بحزن:موافقتش صح ..عادي يبني قدر الله وماشاء فعل
دا نصيب ونا مش زعلان وهتفضلوا بردك ولاد صاحبي الغا…
رسلان بمقاطعة:اي ياعمي كل دة انا كنت بقول ان مليكة موافقة
عزام بصدمة:انت بتهزر …قول انك بتهزر
رسلان بضحك:لا والله مش بهزر هي فعلا موافقة
عزام بفرحة لا توصف:صدقني انا المعروف دا عمري …عمري ف حياتي ما انساة
انا بجد بشكركوا جدا جدا جدا
رسلان:لا شكر على واجب ياعمي
عزام بسربعة:طيب طيب يابني كدة بإذن الله احنا هنجوزهم على يوم الجمعة الجاية عشان زي ماقولتلك الاستعجال ف الموضوع دا احسن عشان نشوف لو في تأثير هيحصل ولا لا وهل هي هتعرف تقنعة ولا لا و
رسلان:اهدي ياعمي اهدي بكرة بإذن الله هجيلك ونتفق على كل حاجة
بس اهدي
انا اسف بس لازم اقفل دلوقت عشان في حاجة مهمة لازم اعملها
عزام بفرحة:طيب يبني سلام بقى عشان معطلكش وقفل
رسلان:دا هيتجنن من الفرحة
مليكة بشرود:اكيد مش ابنة
رسلان بصلها ولاحظ شرودها وقال:في أيه
مليكة ببسمة:مفيش يلا بقى قوم حضرلي الأكل
رسلان باستنكار:نعم يختي…غوري يابت
مليكة:طيب طيب
ونا الي كنت فاكرة انك بتحبني
وبتعملي الأكل الاسبوع الي قاعدة معاك فيهم
اتاريك زبالة ،يلا خيرها ف غيرها اما اتجوز بقى يبقوا يأكلوني
رسلان بدراما:لاحظي ان كلامك قاسي وبيجي عالجرح
مليكة بدهشة:ايه ،نعم يخويا ولا انت بتستعبط ياه صح
رسلان بملل:امم …مليكة غوري اعملي طفح لنفسك عشان هروح الجامعة
عشان في شوية حاجات كدة هعملها
مليكة:طيب يخويا مهو دا الي انا باخده منك
انا قايمه وقامت
رسلان بضحك : استني ونبي لحظة
في حاجه هموووووت واقولها
مليكه باستغراب:اتفضل ها
رسلان بضحك_ انا مكنتش متخييييل اننننننننك تسيبيييييني يامليييكاااااااااااااااااااا عاااااااااااة
مليكه وطت وجابت الشبشب وهي هتحدفه عليه
راحلها بسرعه ومسكه بضحك وهو بيقول :خلاص خلاص
هههههههه يلهوي على شكلك
لا بس الترند لايق عليكي
……….
عدى الوقت بسرعة
وتاني يوم رسلان راح لعزام واتفقوا وبعد إلحاح كبير كبير كبير من عزام وافق رسلان ان الجواز يبقى يزم الجمعة
)مش سهل عزام دا بردو)
…….
يوم الجمعة الساعة خمسة المغرب
كانت مليكة ورسلان في بيت عزام وكان المأذون قاعد وبيكتب الكتاب
ووقف عند امضة العروسين
ومليكة مضت
وعزام خلى غيث يمضي بانة ضحك علية وفهمة ان دي أوراق تبع الشهر العقاري لفيلا الساحل بتاعتة
وبعد مدة كان الماذون خلص واستأذن ومشي
مليكة بتوتر وهي بتبص لرسلان:ايه ..مش يلا نمشي
رسلان بسخرية:نمشي فين بقى ياجحشة انتي
ما خلاص بيتك هنا
مليكة بخوف:لا انا رجعت فكلامي مش عايزة اقعد هنا
عايزة اروح،….عايزة ماما
رسلان بضحك:بس يماما
يلا روحي لعريسك وربنا يكون فعونك بقى
وبص لعزام وقال بجدية:ونت ياعمي…انا سلمتك جوهرة عيلتنا يعني لو فيوم جت زعلانة او اشتكت او حد جة عليها هنا صدقني مش عايز اقول على الي هيحصل ساعتها
رجاء بسرعة:لا والله متخافش يبني
دي مليكة دي بنتي الي مخلفتهاش ويشهد ربنا انها أمانة عندنا وهنعاملها احسن من اي حد وكأنها بنتنا
متخافش يحبيبي
وراحت باست راس مليكة ومليكة حضنتها
عزام :متخافش يبني طول منا عايش مليكة عمرها ما هتزعل ولا حد هيجي عليها
وكمان متقلقش مهما حصل مستحيل تنجرح من. غيث
رسلان بتفكير وهو بيبص لمليكه الي حس انها خايفه قال:اتمني فعلا يلا سلام انا ماشي بقى وراح عند مليكة وقال:هخدها شوية ف الجنينة قبل ما امشي
رجاء بحنان:خدها يابني
رسلان مسك ايد مليكة وخدها الجنينة وقعدوا على البرجيلة وخدها فحضنة وقال:في أيه
مليكة عيطت وقالت وهي بتدخل ف حضنة وبتمسك فيه جامد :مش عايزاك تسيبني …ازاي هعيش مع ناس اول مرة اشوفها
ومش هصحى على خناقك بس..انا خايفة اوي من غيرك
رسلان رفع وشها من حضنة وهو بيحاوط وشها بايدة وقال بحنان:يروحي انتي بتعيطي لية بس وبعدين منا معاكي ف الجامعة ويا ستي بيت اخوكي مفتوح دايما ابقى تعالى واقعدي معايا وباتي كمان ولو فيهم راجل يبقى يتكلم
ومتقلقيش اوي كدة من حتة الخناق دي الجاي احلى مع غيث
وعايزك تعرفي كمان انك ممكن تلاقيني جايلك هنا اتخانق معاكي على فرد الشرابات بتاعتي ها يحرامية
مليكة ضحكت وسط عياطها وقالت:يحيوان ياعرة بقى دة كل الي همك يعني انا بقولك خايفة من غيرك
ونت تقولي فرد الشرابات
دنت قليل الاصل بصحيح
رسلان بضحك أداها على قفاها وقال وهو بيزقها:اوعي بقى اما امشي
عايز بيتي وسريري ياة سريري وحشني ومحدش هيتخانق معايا تاني ولا هياخد مني فلوس تاني يااااااااة
مليكة بغيظ:بقى كدة هااا
طب حزاري تيجي جنب الأكل الي انا كنت جايباة بقى مدام هي كدة عفانة بعفانة بقى
رسلان ضحك وقام وقف ووقفها
وحضنها وباس خدها وقال:متقلقيش يروحي هعملهم كلهم وهروح اكلهم للحيوانات وهفرجك فيد كول
مليكة زقتة :غور ياغلا وراحت ساكتة ودخلت وقبل ماتدخل وهي واقفة عند بابا الفيلا الداخلي بصتلة بحب وهي بتقول بصوت عالي:خلي بالك من نفسك هتوحشني امواة
وجريت على جوة
وهي بتضحك
راحت عند رجاء وقال:هو فين الواد جوزي دا
فين اوضتة
رجاء ببسمة:اخر اوضة فالطرقة الي فوق
مليكة جريت عالسلم وراحت عالاوضة كانت هتخبط بس وقفت عند اخر لحظة وهي بتقول لنفسه لا لا تخبطي اية انتي اهجمي
ودخلت من غير ماتخبط ومن غير ما تفتح النور
وراحت قعدت على الكنبة وفردت رجليها
غيث باستغراب:نعم يماما فية حاجة
مليكة:لا رد
غيث :ماما؟؟؟
مليكة وهي مغمضه عنيها :انا مش امك يحلاوتها
غيث قام اتعدل وقال بدهشة:مين ف الاوضة
مليكة:انا قدرك لسود يعيوني
غيث قام من السرير خالص وبدأ يتتبع الصوت وراح عند الكنبة وهو بيحسس على الهوا:مين
مليكة وهي لسة نايمة ومغمضة عنيها :انا الملامين
غيث حسس بايدة لمس وش حد فرجع ورا بسرعة وقال :مين ف الاوضة
مليكة:انا مراتك يحبيبي
غيث بحده:نعم!!!
مليكة:نعم الله
اي مش عاجبك ولا ايه
غيث:مراتي ازاي انتي اتجننتي
مليكة وهي لسة مغمضة عنيها:بس يبابا سيبني أنام
ولو مش مصدقني روح اسأل ابوك
غيث سكت وقرب ايدة وهو بيحسس ف الهوا
لحد ما مسك وشها راح شاددها من شعرها جامد وهو بيقول:قوميلي قوميلي دنتي نهارك اسود
انتي مين باعتك يابت
ها عايزة تموتيني
مليكة بصراخ:عااااا يابن المفترية اية الي بتعملة دا
انت اتجننت
غيث:بقى انا بردو الي اتجننت
- يتبع الفصل التالي اضغط على (رواية اخرجتني من الظلام) اسم الرواية