رواية كيف تسرق قلبا الفصل الثالث 3 - بقلم زهرة الربيع
كيف_تسرق_قلبا_3
كان بيخبي شكله مني بس كان واضح ان عينيه فاتحين وعنده شامه جنب دقنه
وحيد اندهش لان الملامح دي موجوده في اخوه بس طبعا استبعد الموضوع خالص ايه دخل اخوه بموضوع زي ده
ولسه هيتكلم بسمه قالت ...كمان بيستعمل ايده الشمال لما اداها العلبه ادهالها بايده الشمال
هنا وحيد بلع ريقه بارتباك وبقى متوتر لان كل حاجه بتدل على انه اخوه ده غير ان اخوه كمان ما رضيش يمشي معاهم وفضل جنب البيت ولما رجع ملقاهوش
بدأ يتصل على يزن بس الرقم مغلق اتنهد وقال.... انا بفكر في ايه يزن دخلو ايه بكده.... يا رب ما يكونش اللي في بالي صح
عند جنات كانت بتبكي على الكنبه مسحت دموعها ودخلت وراه الاوضه بسرعه هي بتقول.... طب احنا ممكن نعمل اتفاق
بس بصت بعيد بكسوف بسرعه لما لقيته بيغير هدومه وقالت بتوتر... انا.. انا اسفه مكنتش اعرف
يزن ضحك جامد وهو بيلبس وقال... مش معقول مكسوفه يا بتاعت البارات والعرفي
جنات قالت وهي باصه للباب بغضب.. البس هدومك ونتكلم بلاش كل شويه تلقيح
يزن ابتسم وقال..دي مش هدومي دي هدوم صاحب الشقه..انا هدومي ادتها لبتاع البيتزا ابن المحظوظه والبركه فيكي
جنات قالت بضيق..وانا مالي و
بس اتفاجئت لما حاوط وسطها بايديه بقوه بقى يستنشق شعرها وقال بهمس... وحشتني الريحه دي ...فيكي حاجه مش موجوده في اي ست اشتقت لها قوي
بقلم....زهرة الربيع
جنات اتوترت وحاولت تفك ايديه وهيه بتقول ....يزن بيه لو سمحت يزن بيه ابعد ارجوك
بس كان زي السكران وبقى بيبوسها بالقوه
بقيت تحاول تخلص نفسها من بين ايديه او تدفعوا بس كان جسمها ولا حاجه بين ايديه
فضلت ثابته مكانها وبقت تبكي جامد
يزن استغرب وسابها بسرعه ولفها ليه وقال ...في ايه مالك بتعيطي ليه
جنات قالت ببكا... علشان مش عارفه اخليك تسيبني.. سيبني لو سمحت
يزن ضحك بخفه ورفع وشها ليه وبص على ملامحها ودموع عينيها اللي على خدودها وقال بهمس عند شفايفها ...قربك جنه يا جنات
جنات رفعت عنيها وهيه بتبصله بدموع وقالت... طب ربنا يكرمك سيبني امشي زمانهم بيدوروا عليا وخطيبي لو عرف هتبقى مشكله
يزن بصلها بضيق شديد لما قالت خطيبي وقال.. انت عرفتي الراجل ده منين ده نجدت طاهر المهندس المعروف
جنات قالت باستغراب...انت تعرفه
يزن قال ...طبعا اعرفه واعرف انو متجوز واعرف مراته كمان و كل عيلته ....بتحبيه يعني
جنات قالت بدموع ...هو كان بيعمل مشروع عندنا بعد كده اتقدم لي.. هو فعلا متجوز وعنده ولد بس مش مرتاح مع مراته و
قاطعها يزن وقال بسخريه...وطبعا مراته ما تعرفش انه بيتجوز دلوقتي
جنات هزت راسها بالموافقه وقالت... هو هيتجوزني في البلد قدام كل الناس... وهيجيب لي شقه كمان وقالي هيجيب لي خدامه وهيشتري لي عربيه نزلت دموعها هي وبتتكلم وقالت مرات عمي بتقول ده راجل فرصه.. وهو هيسافر عند مراته وهيرجع يقعد معايا ايام هيعمل لي فرحي في اكبر قاعه اتقطعت كلامها بدموع ما قدرتش تكمل وكانت دموعها بتنزل
يزن حس بوجع في قلبه مع دموعها ورفع وشها ليه وبص لعيونها وقال ....انتي صغيره وزي القمر ايه اللي يحبرك على جوازه زي دي وراجل زي ده يروح يلاقي واحده من سنه والمفروض يعترف لمراته كده في اي وقت ممكن يطلقك
جنات قالت بدموع ...اهو احسن من قعدتي هناك..احنا ابونا وامنا اتوفوا بدري وسابونا عند عمي ومراته والظاهر اننا تقلنا قوي عليها بقى الموضوع يوجع قوي....المهم انت هتروحني ولا انام انا ما نمتش من الصبح
يزن ضحك بحزن وقال... لا نامي
نامت على السرير بضيق وهي بتقول بغضب...ادي انت كمان
بلوه من بلاوي الدنيا الي عامله معايا عقد مدى الحياه...مكانش ناقصني غيرك
زين ضحك وهو بيبصلها وهيه نايمه وحاسس بحزن عليها قرب منها وشدها لحضنه
جنات حاولت تدفعه وقالت ...يعني مش هعرف انام كمان
يزن قلب بهمس ..انا هانيمك خليكي في حضني كده هترتاحي
جنات قالت بضيق... يا سيدي انا مرتاحه من غير حضنك وفر حضنك لنفسك وقوم من على السرير بقى.. ولا اقوم انا
يزن قال بغضب مصطنع... اتخمدي يا بت اوعى عشان بتساهل معاكي تسوقي فيها يلا نامي
جنات قالت بغضب..لا مش هتخمد مش هينفع انام جنبك مش هقدر ...ايه رأيك نام انت وانا هقعد صاحيه
يزن ضحك على عصبيتها ومحبش يضايقها اكتر وقام وقال..خلاص نامي انا هنام على الكنبه
جنات اتنهدت بحزن ونامت بقلق منو
ابتسم وراح نام على الكنبه
بعد شويه اتأكد انها نامت وراح جنبها وهو بيتسحب نام جمبها وبقى يبعد شعرها من على وشها وبقى يقربها ليه اكتر لحد ما نام هو كمان
في صباح يوم جديد قامت من النوم لقت نفسها في حضنه بقت تتامل ملامحه وقالت... ايه الجمال ده يلاا على الصبح...حد يصحى على القمر ده.. ده انت احلى مني اكيد امك مش مصريه او ممكن يكون ابوك مش مصري بس اخوك وحيد مش شبهك تبقى امك شافت لها شوفه في موسم السياحه ملهاش تاني
هنا فتح عينيه بزهول وقال... بتقولي ايه
جنات اتسعت عينيها بزهول وقالت... انت.. انت انت صاحي ولسه هتجري مسكها شدها بسرعه على السرير وقال....موسم سياحه ايه يا وا،طيه
جنات قالت بارتباك ....بهزر يعني يا يزن اكيد مش اكون بتكلم جد
يزن بص لعيونها جامد وقال ...عاجبك انا ها
جنات تاهت في عيونه وقالت... انت تعجب اي حد
يزن قرب منها اكتر وقال... انتي كمان عجباني من اول يوم
جنات قالت بهمس ...كذاب
يزن قرب منها قوي وقال...تحبي اثببتلك
جنات هزت راسها بالرفض بسرعه
وهو ابتسم وقال بهمس... بس انا نفسي قوي اثبت لك...ولسه هيقرب
جنات دفعته وقامت بسرعه وقالت احنا هنفضل هنا لامتى
يزن ابتسم وقال.. ليه خايفه مني
جنات اتنهدت وقالت بضيق .. يزن بيه انا مخطوبه ...لو سمحت انا ممكن اعوضك عن الفلوس اللي اخذتها باي حاجه تقولها لو عايز قدهم كمان بس ارجوك مش هينفع نفضل هنا اكتر من كده زمانهم بيدوروا علينا
يزن قرب منها وبص لعيونها وقال ...تمام انا عايز تعويض عن الفلوس وهرجعك
جنات بصتلو بسعاده وقالت... موافقه عايز كام
قرب منها قوي وقال ...عايزك انا لما جبتك الاوتيل جبتك علشان عايزك وبعد ما روحتي مني كنت بدور عليكي عشان عايزك مش عشان الفلوس ودلوقتي برده نفس الطلب عايزك يا جنات احنا هنا لوحدنا ..وحط اديه على وسطها وشدها عليه بقوه وقال... محدش هيعرف حاجه
و لسه هيقرب من شفايفها بس دفعته بقوه وقالت بغضب ...انت فاكرني ايه انا شرحت لك اللي حصل وقلت لك ليه روحت هناك وليه كنت عايزه اسرقك كانت غلطه مني اني افكر كده واعتذرت وهدي لك الفلوس بتاعتك خلصنا خلاص ...انا مش زي ما انت فاهم
يزن بصلها بغضب وقال...و انا قلت اللي عندي فكري ودوريها في دماغك واعرفي ان دي الطريفه الوحيده اللي ممكن تمشي بيها من هنا.... ودخل ياخد دش
بقلم...زهرة الربيع
جنات قعدت على السرير بحزن وقالت... يا رب اعمل ايه يا ترى عاملين ايه في البيت دلوقتي
في البيت كانوا الليله كلها بيدوروا وطلبوا البوليس بس قالو مش هيقدرو يتصرفو الا بعد الاختفاء ب 24 ساعه
كانت بسمه بتبكي ووحيد جنبها بيحاول يهون عليها ووالدة وحيد قاعده جنب مرات عمها اللي كانت حزينه جدا وقالت... الو،سخ الوا،طي اقوله خطيبتك اتخطفت هو واصل ويقدر يجيب البوليس ويقدر يعمل كل حاجه يقولي انا ما اقدرش اتدخل في موضوع زي ده لحسن مراتي تعرف بس لو عايزين فلوس انا جاهز ...يا لهوي على اللي عملته في البنت
والده وحيد اتنهدت وقالت.... ما هو ما تزعليش مني انت اللي غلطانه برده بنت صغيره وقمر زي دي ليه تخطبوها لواحد متجوز ومخلف ومداري على مراته
مرات عمهم نزلت دموعها وقالت... انا لوحدي في الدنيا يا اختي وابتديت اتعب وما بقتش قادره وكنت عايزه اطمن عليهم بدل ما اسيبهم لكلاب السكك هنا
والدة وحيد اتنهدت وحاولت تخفف عنها
وحيد راح على جمب وناده لامه راحتلو وقالت...في ايه..
وحيد قال بغضب ....شكله ابنك له ايد في الموضوع ...عامل البيتزا اللي جيه فيه مواصفات كثيره منه
امه قالت بزهول ... انت بتقول ايه يزن دخلوا ايه بموضوع زي ده
وحيد قال بهمس ...يزن امبارح ما رضيش يروح معانا وقال هيتمشى... هيتمشى فين هنا و هو ميعرفش المكان اصلا ..ولما رجعت هنا ملقتوش ولا هو ولا العربيه كانو موجودين ومن امبارح ما جاش على البيت تقدري تقولي لي هو فين لحد دلوقتي
امه ارتبكت جدا من كلامه وقالت.... انت بتفتكر في ايه يزن مش ممكن يعمل كده..هيعمل كده ليه اصلا
وحيد قال باستغراب ...مش عارف بس في الحفله كان بيبص للبنت بطريقه مش طبيعيه يمكن عجبته و
بس امه قالت بسرعه... لا لا يزن مش من النوع ده خلينا نستنى لبكره ونشوف لو ما رجعش وانت حاول ترن عليه
وحيد قال بغضب... برن له تليفونه مغلق ربنا يستر
عند يزن خلص حمام وطلع وهو لابس بنطلون وبس و بيصفر برواق
اخذ المفاتيح من البنطلون الي قلعه وحطها في البنطلون اللي لبسه
جنات بقت تبص للمفاتيح في جيبه وابتسمت بخبث وووو
يا ترى جنات ناويه تعمل ايه اللي جاااي خطيييبر... التفاعل على الفصل اللي فات مش حلو يلا ارفعو الريتش اكتر من كده لو حابين نكمل واعملو مساركات يا حلواتي علشان توصل للكل ابدأو يلااااا🏃♀️🏃♀️
ومتنسوش مسابقتنا لسه مستمره امتى ما الصفحه تكمل 500رأي هنزلكم اسكربت حصري كامل بدون اي لينكات هينزل على بارتين او تلاته في نفس اليوم اللي معملش رأي يدخل على الصفحه ويختار كلمة التوصيه والاراء ويكتب رايو في صفحتنا وشكرا للقمرات اللي بلفعل شاركو برأيهم العزيز جداعلى قلبي 😘
•تابع الفصل التالي "رواية كيف تسرق قلبا" اضغط على اسم الرواية