رواية العاصي الفصل الاربعون 40 - بقلم كنزي حمزة

 رواية العاصي الفصل الاربعون 40 - بقلم كنزي حمزة 

العاصي 

الفصل الاربعون

صعدو جميعا الي غرفة غزل التي نقلت لها  بعد ان وضعت ذلك العنيد الذي جاء الي الدنيا ليكون خليفة لعمه في كل شيء حتي اسمه الذي اصر اباه ان يطلقه عليه 

وعندما  دلفو الغرفه وجدو روقيه تحاول ان ترضعه من زجاجه رضاعه خارجيه ولكنه رافض كما رفض ايضا ان يرضع رضاعه طبيعيه

حمزه:وبعدين بقي ولاااا أحنا هنبتدي العند من دلوقتي

غزل بدموع وتألم:اه طب وبعدين ده مش راضي يرضع ولا من البيبرونه ولا مني

الطبيب:ماتقلقيش يا مدام هو لسه مولد شويه كده ولما يجوع هيبدء يرضع

فضالي:متأكد يا دكتور  ان مافيش حاجه تمنعو من الرضاعه دي ولده بقالها بتاع ساعتين دلوقتي وهو لعيط ولا عايز يرضع

عاصي بسخريه:رضعوه لبن جمال هههههههههههه

الطبيب:لاء طبعا دا غلط علي الولد جدا 

فضالي:ماتخدش في بالك يا دكتور اصله شكله طالع لعمه هههههههه

الطبيب:اه طب عن اذنكو بقي وتركهم وذهب

غمزه وهي تحمله:الله دا حلو خالص وصغنن اوي. 

دارين:حمدلله علي سلامتك ياغزل ابنك جميل اوي مشاء الله

غزل:الله يسلمك يا حبيبتي وعقبال مانفرح بيكي

احمد وهو يمسك يدها بحب:قريب اوي ان شاء الله قومي بس انتي بالسلامه وشدي حيلك كده عشان تحضري فرحنا

فضالي:عين العقل يا حبيبي الف مبروك يا ولاد

روقيه:مبروك يادارين الف مبروك يا حبيبتي

بس ما قولتليش  انتو جيتو ازاي  هو احمد مش كان في مأموريه وعاصي في الموقع

احمد:لاء ماهو انتو بعد ما مشيتو الفيلم بدء هههههه

بدء عاصي يحكي لهم كل ما حدث من بعد ما خرجو بغزل 

حتي ذهبو بلفتايات الي المنزل ليغيرو ملابسهم البيتيه وتلبس غمزه حجابها الذي اضطر عاصي ان يشلح قميصه حتي يداريه عن عيون الناس ثم توجهو اليهم

فضالي:يا ولاد.........  انتهزو فرصة اننا اترعبنا علي البنت وخرجنا كلنا  واتسحبو زي الكلاب

زين بعد ان صعد بجانب غزل: بس بابي عاثي وبابي احمد ضلبوهم وقتلوهم كلهم

احمد:والله يا حضرة الظابط زين لولاك انت كنا ممكن نتأخر عليهم بس انت ايه الشجاعه دي ياعم دا انا هدخلك الشرطه من النهارد ههههه

دارين :زين دا حبيبي البطل اللي دافع عننا انا وغمزه ووقف قدام الناس الوحشه دي لوحده لاء وكمان كان مخبي تليفونه عشان يكلم باباه

عاصي:يسلملي حبيبي البطل اللي بيحمي البنات ويدافع عنهم ده

زين:هههههههه انا اول ما سوفتهم وهما بياخدو مامي جليت علي اوضتي واخدت تليفوني ولما لقيت اللاجل جاي خبيته جوه هدومي وعملت نفسي باستخبي منه ام هو مسكني ومس ساف التليفون

فضالي:ربنا يحميك يا حبيبي ونشوفك بطل قد الدنيا

احمد:يارب يلا بينا بقي يا استاذ زين عشان نروح ونسيبهم بقي يستريحو 

فضالي:ما لسه بدري يا ولاد خليكو معانا

احمد :معلش عشان غزل ترتاح ودارين كمان هي وزين اللي شافوه النهارده كان صعب عليهم. سلام بقي ونبقي نشفوكو في السبوع ان شاء الله 

الجميع: مع السلامه

//////////////////بقلمي/كنزي حمزه///////////////////////////

 وفي سيارة احمد وضع صغيره الذي غفي علي كتفه وهو يحمله علي المقعد الخلفي اما هي فجلست في المقعد الامامي  بجانبه

دارين: مش هاتقولي بقي ايه حكاية السلسله دي

احمد:مالها هي مش عجباكي ولا ايه بس انا فاكر كويس اني لما جبتها ليكي في عيد ميلادك كنتي فرحانه بيها اوي

دارين:انا فعلا كنت فرحانه بس مش بيها لاء عشان منك انت ومن ساعة ما جبتها ليا وانا مش بقلعها بس مش كنت اعرف انك بتراقبني بيها

احمدوهو يقبل يدها: يا حبيبتي انا عملت كده عشان كنت خايف عليكي انتي كنتي بعيد عني قبل عمي الله يرحمه ما يموت

  كنت خايف يحصل ليكي اي حاجه وانا بعيد عنك عشان كده جبتلك السلسه والقلب اللي فيها ده عملته ماخصوص 

عند الصايغ بحيث اني اعرف افتحه واحط في عدسة الكاميره اللي متوصله بالسلسله بتاعتي دي عشان تبقي تحت عيني علطول وكمان عملت لزين واحده زياها

دارين بحزن:وياتري بقي كنت بتشوفني  وانا بقعد اعيط من معملتك الزباله دي ليا

احمد:ايوه يا دارين ودموعك كانت بتقطع قلبي بس انتي لازم تعرفي اني كنت بعمل كده عشان خايف عليكي  كنت ببعدك عني عشان مش عايزك تلقي نفس مصير ندي ياحبيبتي

دارين:الله يرحمها ده قدرها يااحمد وانا لو مكتبلي اني اموت زيها هبقي راضيه بس ابقي عارفه اني حبيبتك

احمد: بعد الشر عليكي ياحبيبتي طبعا حبيبتي ومن هنا ورايح انتي وزين هاتبقو كل حياتي واول ما نروح وبابا يوصل هاكلمه عشان نتجوز وتبقي بتاعتي 

دارين:وهتعملي فرح وتجبلي فستان ابيض

احمد:احلي فرح واحلي فستان ابيض أحلي عروسه في الدنيا

😍😍😍😍😍😍😍😍😍😍😍😍😍😍😍😍

رجعو الي بيتهم واستلقت هي علي الفراش براحه فهيا لا تريد اي شيء في الحياه سوي النوم الان 

بينما تركها هو نائمه وذهب ليحضر لها المانجو

 ولكن اين سيجدها الان ونحن في هذا الشتاء ايعقل ان توجد مانجو في شهرفبراير

  وبعد مرور اربع ساعات من البحث المتواصل  حضر وقد وجدها اخيرا وجلب منها العديد من الصناديق

عاص :غمزه انتي لسه نايمه يا حبيبتي قومي جبتلك المانجه

قفزت هي من علي الفراش بفرحه مثل الأطفال  تصفق بيديها

غمزه: بجد طب هات بسرعه الله دا انا نفسي فيها اوي وامسكتها وبدأت تتشممها بأنفها وگأنها تستنشقها

 اندهش هو مما تفعله وعقد حاجبيه مستفهما

عاصي: علي فكره دي بتتاكل مش بتتشم بس

 جلست مره ثانيه علي الفراش وهي تأكلها بقشرها 

غمزه:ايوه ايوه منا هاكلها اهو بس ريحتها  واحشاني اوي

اجحظت عيناه مما تفعله:ايه اللي انتي بتعمليه ده 😦

 القشر مش بيتاكل يا حبيبتي وبعدين انتي ليه محسساني انك جايه من رحله انتي مش واخده بالك انك كنتي مخطوفه

غمزه بعد ان قضت علي المنجايه ياعيني: عادي يعني كنت عارفه انك هاتيجي تنقذني

عاصي بتأفف مما تفعله: انقذك لواعرف اني هاشوفك بالمنظر ده كنت سيبتك ومش عبرتك

تركت المنجايه الثانيه من يدها ونظرت له بشر وابرقت العبرات في عيناها ثم هبت واقفه وترجلت سريعا الي خارج الغرفه 

ذهبت الي المرحاض اغتسلت ثم خرجت لتجده واقف امامه ينتظرها لم تعيره اي اهتمام ودلفت الي داخل غرفة صغيرهم واغلقت في وجه الباب وجلست علي الفراش تبكي بشده

مزال مندهش مما تفعله به ولكنه تحلي بالصبر

 وفتح الباب ودلف اليهاجلس بجانبها علي الفراش واجتذبها الي مكانها المعهود داخل احضانه

عاصي: ليه ده كله بس يا حبيبتي دا انا بهزر معاكي

غمزه:اوعي سيبني انا اصلا مش طيأك

عاصي:كده برضو تخونك المانجه اللي لفيت عليها اربع ساعات لحد ما لقيتها

غمزه:وكمان بتعايرني  مش كفايه قرفان مني وانا بكلها  هو انا يعني اللي طلبها دا البيبي اللي انت عايزاه

عاصي:اعيرك ايه بس يا روحي وبعدين يا ستي  انتي تطلبي اللي انتي عايزاه سواء انتي او البيبي  وانا عليا التنفيذ

غمزه:انت بتقول كده وخلاص بس بقيت مش بتحبني

عاصي :نعم يا ختي اومال بحب مين يعني انا 

ومتمرمت عشان مين انا 

وكنت هاموت عشان خاطر مين انا

غمزه بضحكه مثل الاطفال: ههههه عشاني انا 

عاصي وهو يحتضنها جيدا ليقرب وجهه من عنقها ويستنشق عبيرها ويقبلها قبل رقيقه

طبعا عشانك انتي يا قلبي  هو انا ليا غيرك انتي يا حبيبتي 

زجته من قربها وابتعدت عنه سريعا لتجري مره اخري الي المرحاض 

 وبدأت تفرغ ما بداخل جوفها   امام عيناه وهي تتألم

 اعدلها هو بعد ان انتهت وبدء يغسل لها وجهها ثم جففه لها بالمنشفه وحملها بين يديه وتوجه بها الي غرفتهم

 وضعها في الفراش بكل رقه ودثرها جيدا بالغطاء

غمزه:عاصي انا تعبانه

عاصي: معلش يا حبيبتي هانت انتي خلاص قربتي تخلصي التلات شهور الاولنين والحمد لله انك ماتعبتيش كده في 

الاول

غمزه:اه الحمد لله سيبني بقي انام ثم اعطته ظهرها وغطت في نوم عميق

 وقف هو مندهش منها

  ما الذي  يحدث ابهذه السرعه غفت 

عاصي: يارتني ما اتمنيت اني اشوف دلعك يارب ترجعي جامده تاني وتهند بقلة حيله ليغلق ضوء الغرفه ويغفو بجانبها

😤😤😤😤😤😤😤😤😤😤😤😤😤😤😤

انها الثالثه فجرا وهذا اللعين لا يريد الكف عن الصراخ وقف حمزه يأنب نفسه  ويصرخ في وجهه

حمزه:يابني بس بقي الله يهدك زي ماهديت حيلي  دانت عيل رزل زي عمك بالظبط يالاااا

غزل:حرام عليك يا حمزه ماتقلوش كده

حمزه:اعمله ايه يعني رضاعه والحمد لله رضع

تغير وغيرتله اعمله ايه تاني

غزل:الله انت بتزعق ليه ماهي مامي قالتلك دخلني عندها تحت عشان تقعد هي معايا وانت اللي مش رضيت

حمزه:تقعد معاكي ايه يا شيخه حرام عليكي انتي مش شايفه منظرها عامل ازاي ما هي كمان حامل وتعابنه واختك حامل وتعبانه 

وانا قربت اتجنن من صوت الواد اللي مش راضي يبطل صريخ ده اسكت يابني بقي حرام عليك

غزل بدموع:خلاص هاته واخرج بره روح الاوضه التانيه وملاكش دعوه بينا بقي

حمزه بغضب:انتي هتعيطي انتي كمان ايه الجنان اللي انا فيه ده بطلي هبل وعياط  وارحميني بقي

دق باب شقتهم وذهب ليفتح وهو يحمل هذا الجرو المتمرد عليه ليجد والده  ومن خلفه روقيه التي تصعد الدرج بوهن ليقف امامه

فضالي:ايه في ايه ماله الواد بيصرخ كده ليه

حمزه:انا عارف ياابا الواد بيصرخ وامه بتعيط وانا خلاص قربت اتجنن منهم هما الاتنين

روقيه:معلش ياحمزه هاته يمكن جعان ولا عنده مغص 

حمزه وهو يعطيه لها:انا عارف بقي انا عملتله كل حاجه هو رزل مش راضي يسكت ابن سبعه زي عمه شكله طلعله في كل حاجه الواد ده

دلف عاصي وعينه ممتلئه  بالنوم ليهتف فيه:يزيدك فخر يا حيوان انو يطلع لعمه

 هاتي يا ماما الواد ده  تعالي يا سي عاصي يلي هاتجبلي الكلام من اولها 

اندهشو جميعا عندماحمله وبدء يملس عي ظهره بحركه دأريه ليهدء الطفل ويغفو سريعا بين يديه

حمزه: ده نام انت عملت ليه ايه 

عاصي:هههههه تصدق شكلي هاخد منك الواد ده  ونبقي انا وهو صحاب

حمزه:ده من هنا ورايح كل ماهيعيط هاتلاقيه عندك واخيرا هنام

اخذته روقيه من بين يديه وهتفت:عقبال ماتفرح بابنك يا حبيبي

 انت هاتبقي اب حنين ياعاصي هاته بقي اما ادخله ينام في سريره

 وانت بقي يا حمزه اتفضل انزل نام مع بابك تحت

حمزه:تحت تحت بس المهم انام ههههههههه

😅😅😅😅😅😅😅😅😅😅😅😅😅😅😅

مرت الايام سريعا واليوم هو يوم فرح احمد ودارين التي كانت كالاميره في ثوب الزفاف الذي تم في افخم الفنادق في قاعه مثل قاعات القصور

 وتواجد فيه صفوة المجتمع من اصدقاء والده مدرين الامن واللوأت

 وايضا عدد كبير من اصدقاء احمد الضباط  كما عزم ايضا عاصي واخوه واصدقاءهم سامح وحازم وخالد

وانضمت الي دارين غزل وغمزه واسراء وزوجة سامح التي تعرفو عليها اخيرا 

كما حضرت اخته معهم والتي لفتت نظر خالد جدا بجمالها الهاديء ولبسها المحتشم حتي انه لم يصبر وطلب يدها من اخيها في الفرح  

اما ذلك الصغير فكان وسيم جدا في حلته الصغيره ظل يرقص مع عاصي واحمد وهو يضحك كثيرا

  الي ان انتهي الفرح وصعد العروسان في غرفتهم التي حجزها لهم احمد 

واخذ عاصي الصغير معه الي منزله

وداخل سيارة عاصي

زين بغضب:انا عايس اعلف هو ليه النهالده باسات قالك خده معاك هو مس كل مله بيقول لاء واسمعني خد دالين بس يعني

نظر عاصي الي غمزه وبدء يضحك عليه:هههههههه معلش يا حبيبي النهارده بالذات مش هاينفع تبات معاه

زين:ليه بقي ان ساء الله  يعني لما يباتو في الفندق الجميل ده مس يلضي يخليني ابات معاه

عاصي:هههههههههه معلش اصله النهارده محتاج يركز مع دارين شويه

غمزه بشهقه:ههه اسكت يا عاصي ايه اللي انت بتقوله للولد ده 

زين بخوف:هه دي سمانها خايفه منه تلاقيه هايسعق ليها جامد دلوقتي

عاصي بعد ان انتباته كريزة ضحك افقدته السيطره علي نفسه:هههههههههههههههه بص هي من ناحية هاتخاف فهي اكيد هتخاف اصله هايضربها جامد اوي هههههههههههههههه

غمزه:بطل بقي اللي انت بتقوله ده الولد هيصدق كده

عاصي:الله مش هي دي الحقيقه ولا انتي ياعني ماكنتيش خايفه يوم جوزنا

غمزه:ممكن تغير الموضوع ده بقي 

عاصي:ماشي بس بصراحه الفرح كان حلو اوي شوفتي الواد خالد اول ماشاف اخت سامح عمل ايه دا راح خطبها منه الله غمزه مالك سرحتي في ايه

غمزه:هاه ابد مافيش فعلا الفرح كان حلو اوي وهي كمان كانت اموره اوي في حجابها وفستانها 

عاصي:بصراحه انا مكنتش متوقع انها من كتر ماحبتكو تقتنع تلبس الحجاب زيكو من نفسها كده

غمزه:احنا كمان حبيناها اوي هي طيبه وغلبانه

عاصي:مالك يا حبيبتي ايه اللي زعلك

غمزه:مافيش حاجه ياعاصي انا كويسه اهو

عاصي:بس انا عارف انتي زعلانه ليه وعارف كمان اني ان شاء الله هاعرف اصالحك  

غمزه:تقصد ايه 

عاصي:ولا حاجه يلا خلاص وصلناانزلي  وانا هاركن العربيه واشيل زين واطلع وراكي

ركن سيارته وصعد بالصغير الغافي خلفها 

 ودلفو الي شقتهم وارقد الصغير في فراشه ثم توجه اليها داخل غرفتهم 

وقفت امام المراءه تفك حجابها وتنظر الي نفسها في المرأه فقد بدء بطنها يمتليء بشكل ملحوظ مع انها مزالت في الشهور الاولي وقف هو من خلفها يحتضنها بحب ويتحسس بطنها

عاصي:تعرفي ان شكلها وهي زي الكره كده حلو اوي

غمزه:ياسلام دي بس عشان لسه صغيره انما بكره لما تكبر هاتضحك علي شكلي

عاصي:هههههه بالعكس دا انا هاحب شكلك اوي بقولك ايه ماتيجي اقطعلك سوسته الفستان ده

غمزه:هههههههه لالا حرام عليك دا لسه جديد اوعي تعملها يا عاصي 

عاصي:يا ستي فداكي اجبلك غيرو تعالي بس يا شيخه اشمعني احمد يقطع فاستين النهارده يعني  ههههههههه

غمزه:انت حطه في دماغك كده ليه ماتشيله منها بقي ههههههههه

عاصي وهو يحملها:موافق وهاحطك انتي بداله هههههههه 

😉😉😉😉😉😉😉😉😉😉😉😉😉😉😉😉

 صعد بها الي غرفتهم في الفندق  دلف بها وهو يحملهاواغلق الباب من خلفه

 وكأنه يراها لأول مره حين فجأته بلبسهاذلك الحجاب الذي ازادها جمال علي جمالها

  انزلها برفق بجانب الفراش وامسكها من زراعيها لينظر اليها بكل حب لتقطع هي هذا الصمت وتنظر اليه بوجهها الممتلئ  بحمرة الخجل. 

دارين: مالك ياأحمد  بتبصلي كده ليه

احمد:معجب متيم عاش وبحبك يا قلب احمد

دارين وكادت ان تنهار:بس بطل  اسكت انا ممكن يغمي عليا من الكلام الحلو ده

احمد:عمري ماهبطل من هنا ورايح انتي مش هاتسمعي غير الكلام الحلو ده يا قلب احمد بس دلوقتي يلا غيري فستانك والبسي اسدالك عشان نصلي سوي ونبدء حياتنا برضا ربنا علينا

اومأت له برأسها وتركها وذهب هو ليغير ملابسه في المرحاض

بينما فتحت هي حقيبة الملابس الخاصه بها ولكنها تفجأت انه لا يوجد بها سوي اسدال للصلاه  وبعض المنامات الداخليه الخاصه بالعرأس

 فعلمت انه هو من ابتاع لها هذه الاشياء فهي ليس لها ام او اخت حتي تحضر لها كل هذه  الاشياء او حتي تفهمها ما تقوله كل ام لأبنتها في يوم مثل هذا

خرج هو من المرحاض ليجدها تقف كما هي

احمد:ايه ده انتي لسه مالبستيش يا حبيبتي

دارين:البس ايه بالظبط هو في حاجه هنا تتلبس

احمد:ههههههه طبعا كل الحاجات دي بتتلبس لأحمد حبيبك بس 

دارين:لاء طبعا دي حاجات عيب اوي انامش هالبسها

احمد:احسن برضو مالهاش لازمه بصي انتي تلبسي الاسدال وبعد الصلاه اقلعيه عادي خالص

اجحظت عينها مما سمعته للتو:انت بتقول ايه 

احمد :ههههههههه دارين ابوس ايدك ما تخلينيش اتهور طب اقولك حاجه انا ممكن اساعدك واختار ليكي حاجه تلبسيها

بصي البسي ده وكانت عباره عن منامه طويله سمراء اللون ذات حماله رفيعه و قماشها شفاف جدا

 ولكنه لم يفردها لها وضع الاسدال فوقها وهتف:يلا بقي يا حبيبتي

دارين:يوووه طيب هاروح اهو

دلفت الي داخل المرحاض وشلحت فستانها وامسكت ما اعطاه لها في يدها ولكنها وجدته لا يداري شيأ فأمسكت اسدال الصلاه ولبسته وتمسكت به سريعا  وتوضأت وترجلت خارج المرحاض وهي خجله جدا

ابتسم هو لها بحب واقترب منها

احمد:يلا بقي عشان نصلي

دارين بهمس:اه يلا بينا

صلي احمد بها  وبعد ان انهي صلاته وضع يده علي رأسها وقال دعاء الزواج  واوقفها امامه مره تانيه وبدء يفك حجابها

احمد:دارين

دارين:نعم 

 احمد:مش عايزك تخافي مني عايزك تحبيني وبس

دارين:طب مانا بحبك وانت عارف

احمد بمكر وهو يقترب منها:لاء مش عارف عرفيني بتحبيني اد ايه

رفعت وجهها لتلتقي فيروزتهما معا ليأخذها في قبله طويله وهو يجذب اسدالها من عليها ليغرقها في نعيم حبه 

💖💖💖💖💖💖💖💖💖💖💖💖💖💖💖ادعموا الصفحة ب 10 تعليقات لانها مقيدة 🥺❤️❤️

 •تابع الفصل التالي "رواية العاصي" اضغط على اسم الرواية