رواية عروس اخي السمارة الفصل الرابع 4 - بقلم زهرة الربيع
4_كنت عارف ان اخوك بيعشقها يا مروان وروحت برضو خطبتها ولا كانك تعرفني ولا كأني اخوك
مروان قال بارتباك..انت..انت طول عمرك بتاع بنات..وانا قولت اهي بنت زي غيرها ولما روحت اخطبهالك ..
بس قاطعو عابد وقال بغضب..روحت تخطبهالي فحليت في عينك وقولت لا دي خساره فاخويا دي انا اولي ببها مش ده الي حصل
مروان سكت وعابد نزلت دموعه و قال بوجع...انا بسبب الي انت عملتو اضطريت اسلك اوسخ طريق علشان اخليها ليا...ومكنتش ناوي اتجوزها في فرحك ..كنت ناوي اخليها هيه توقف الجوازه..بس لما معملتش كده مبقاش قدامي غير اني اخطفك..انا مغلطتش معاك يا مروان انت الي غلطت
وقرب منو خطوات وقال بدموع...فاكر..فاكر قولتلي ايه لما رجعت البيت وقولتلي انك خطبتها لنفسك...يومها قولتلي كل شيئ نصيب ودي بقت خطيبة اخوك انساها ولاقي غيرها..دلوقتي هقولك نفس الجمله يا مروان ..دي بقت مرات اخوك..انساها وشوف غيرها
مروان بصلو بغضب وقال..فاكر..فاكر انا قولت ايه..ومش هنسى انك مسمعتش الكلام ومعتبرتهاش خطيبه اخوك..دلوقتي انا من حقي كمان معتبرهاش مراتك
عابد مسكو من قميصه بغضب وقال قصدك ايه
مروان دفعو بغضب وقال..الي سمعتو..وهيجي يوم وافاجأك زي ما فاجأتني
قال كده بغضب وسابو ومشي وعابد بقى يبص لطيفه بغضب شديد
سماره كانت واقفه بتبصلو بزهول ومش مصدقه الي سمعتو وهو اتنهد والتفت ناحيه الحمام هيروح لها واتصدم لما لقاها واقفه بتبصلو بدموع واتأكد انها سمعتهم
عابد اتنهد وقال..مش عيب واحده في سنك وتلمع اوكر
سماره طلعت وهيه بتبصلو بزهول وقالت بدموع...الي..الي سمعتو ده
قاطعها وقال بسرعه...كلو صح...انا عايزك من زمان مكنتيش لوحدك الي بتستني الصبح علشان تشوفيني...انا كمان..بس لما بعتو مقدرش يقاوم سحر سماره...وابتسم بسخريه وقال..خان اخوه علشان كده استحليت خيانتو
سماره ضربتو قلم سريع وهيه بترتجف ودموعها بتنزل
حط ايده على خده بزهول وقال...هو انتي اكيد كنتي قاصده تبو،، سيني صح
سماره قالت بغضب ودموع لا قاصده اضربك..والمفروص اقتلك..بتقول استحليت خيانتو .انت استحليت خيانتي انا..ليه تعمل فيا كده يا غبي..ليه..كنت تقدر تحكيلي الي حصل وانا هقف ضد الدنيا كلها علشانك ليه...ليه تعمل فيا الي عملتو وتكرهني فيك
عابد شدها عليه وقال بسرعه..اشس..اوعي تقولي كده تاني..انتي يستحيل تكرهيني..انتي بتعشقيني زي ما بعشقك..والي يحب ميكرهش
سماره دفعتو بغضب شديد وقالت بزعيق..لا كرهتك..كرهتك اوي..انت ..انت عيشتني اسوء ايام حياتي..خلتني احس اني بخون اخوك بجوازي منو حسستني انك عمرك ما فكرت فيا..ليه ده انا كنت هموت لما عرفت اني حامل..ده انا كنت هقتلو عارف يعني ايه هقتلو
عابد شدها ليه بقوه لما قالت كده ونزلت دموعه بغزاره وقال ..الحمد لله انك انتي وهو بخير..انا اسف اسف يا سماره حقك عليا..كل حاجه باظت فوق دماغي فجأه ومعرفتش اتصرف..كنت فاكر اني خلاص هتجوزك وتبقي ليا اتفاجأت بيه داخل يقولي انو خطبك ليه هو وانو حدد الفرح بعد شهر ونص..انا انا الاول حاولت اهدى بس اتفاجأت انك وافقتي عليه ..الغضب عماني وسيطر عليا وفي ليلتها دخلت عندك وعملت الي عملتو..انا اسف
مكنتش بوعي كل الي فكرت فيه انك تبقي ليا وتوقفي الجوازه..
وبصلها وقال..بس انتي موقفتهاش..متكلمتيش يا سماره سكتي..وعدت الايام وانا مستنيكي تقولي اي حاجه...فكرت اتكلم انا وخفت تتفضحي علشان كده جات في بالي اخطفو واتفقت مع عمك وحكيتلو الي حصل
سماره اتسعت عنيها بدهشه وهو بعد وقال بحرج..حكيتلو يوم الفرح وقولتلو اني انا الي هتجوزك ويمشي الجوازه من غير ما يقولك..والا هفضحك وافضحو
سماره بصتلو بدهشه وقالت..وبتقولها قدامي
عابد بصلها وضحك وقال...ده الي حصل اكدب يعني
سماره بصتلو بغضب وقالت...لا متكدبش ودي تجي عادي فيها ايه لما تقولي انك هددت عمي بفضحتو وفضحتي اصلا مبقاش فيه حاجه ممكن تكرهني فيك اكتر من كده
ولسه هتروح للدولاب شدها عليه وبص لعيونها وقال...بس انتي مش بتكرهيني ومستحيل تكرهيني انتي عشقاني دايبه فيا
سماره بصتلو بتحدي وقالت..ومين بقى الي ضحك عليك وقلك كده
عابد قال بسرعه..عنيكي
سماره قالت ...عنيا
قرب منها وقال...اه عنيكي بصتلي وقالت..سماره بتحبك يا عابد..وانا شاهده وقلبها شاهد
سماره ابتسمت لا اراديا وقالت...بطل تثبيت علشان مش بياكل معايا..متتعبش نفسك
ولسه هتمشي شدها عليه جامد وقال..واتعب نفسي ليه.. هيه المسكينه ناقصه تعب انا..انا عايز اريحها شويه ممكن
سماره بصتلو باستغراب بس اتفاجأت لما قرب منها في لحظه جميله نستو اسمو
سماره قالت بكسوف ..عابد..وبعدين
عابد قال .الله بخربيت عابد وسنين الي جابو عابد
سماره ضحكت بخفه وعابد قال بهمس طب ايه..احنا اتصافينا مش كده وصافي يا لبن حليب يا قشطه ولا ايه يا قشطه
سماره دفعتو بخفه وبعدت وقالت..لا متصافيناش...انا سمعت وجهة نظرك وكلها غلط..مكانش يصح تعمل معايا كده..ولحد ما اسامحك تخليك بعيد عني
عابد ابتسم وقال ماشي كلامك..وقرب وقال..هتقل على الرز لحد ما يستوي..مع اني تعبان وجعان اوي
سماره ابتسمت وبصتلو شويه واتلاقت عيونهم وقالت بهمس..بتحبني من امتي
عابد ابتسم وهو بيبصلها جامد ورد بسرعه من اول يوم اتولدت فيه
سماره ضحكت بخفه وقالت...هو انت تعرفني من اول يوم اتولدت فيه
ابتسم وقال بسرعه...لا بس اتولدت يوم ما عرفتك...ويوم ما حبيتك كان اول ايام عمري والباقي ميتحسبش
سماره بقت تبصلو باعجاب شديد واتملت عيونها دموع وقالت..ياريتك ما كنت عملت كده..كان زمانا مبسوطين
عابد قرب منها وقال...ونقدر نبقى مبسوطين هيه بس فرصه واحده ولسه هيكمل ..تليفونو بقى يرن
حاول يتجاهلو بس هيه جريت على التليفون تجبهولو بتحاول تتهرب منو بس اتصدمت باسم المتصل الغريب جدا قالت بزهول...ايه...نانا..نانا التعبانه وبصتلو بغضب وقالت...مين دي يا بتاع الفرص
عابد قال بارتباك وسرعه..واحده تعبانه ملناش دعوه..ليس على المريض حرج
ضربت التليفون في صدرو وهو سندو بالعافيه كان هيقع وقالت..انا الي غلطانه جاتك القرف
ومشيت بعصبيه على الحمام
عابد اتنهد وقال بصوت عالي.انتي زعلتي ليه دلوقتي انتي عارفه عندها ايه مفيش انسانيه خالص حطي نفسك مكانها
بقلم....زهرة الربيع
سماره قالت بصوت عالي وغضب...هاجي اهزأك
عابد اتنهد بضيق وبص للتليفون وقال..وانتي كمان ده وقتك هو انا اسعاف
بعد شويه خرجت بعد ما لبست فستان تنزل بيه وكانت جميله جدا وقفت تلف حجابها وهو قرب وقال...هتفضل مكشر في وش حبيبك كده كتير
سماره قالت بسخريه..وانت امتى بقيت حبيبي بقى
عابد قال بهمس ...من زمان وانا حبيبك وانتي روح قلبي من جوه
سماره اتنهدت وهيه مش قادره تزعقلو ولا تاخد موقف بسبب قربو وقالت بارتباك..طب ممكن تبعد شويه علشان اعرف ازعق ...قصدي اعرف اتكلم
عابد ضحك جامد ولفها ليه وبص لعيونها وقال..مش لوحدك الي بتتوتري من قربي على فكره
سماره قالت بغيظ..ايه نانا كمان بتتوتر
عابد قال..نانا..مع نانا الاجواء هيه الي بتتوتر
ضربتو في صدرو بغضب وقالت...يعني ايه بتعجبك
عابد قال بضحك..اوي هكدب يعني...تعجب اي حد
سماره قالت بدموع..هيه..هيه حلوه
عابد ابتسم وقال...مش احلى منك
سماره قالت بتوتر..انا مسألتكش احلى ولا لا
عابد ابتسم وقال..مش شرط تسأليني مش اتفقنا عيونك بتقولي كل حاجه
سماره نزلت عيونها وقالت بابتسامه...عنيا دول فتانين قوي
عابد ابتسم وقال بعشق واضح في عيونه...دول عشقي ومبيخبوش عني ابدا ...اه من قربك يا سماره..يمزج ويعذب زي السجاره.. والنفس بالسوء اماره
سماره ابتسمت وبقت تبص لعيونه بعشق ولسه هيقرب دفعتو وبعدت عنو بسرعه وقالت وهيه بتجري..خاف على صحتك السجاير خطر
ونزلت وهيه بتجري
ابتسم وحط ايده في وسطو وقال بصوت عالي...على العموم براحتك..بعد كده متزعليش من نانا..اديني قافل المستشفى وبرضو الحاله ناشفه
سماره سمعتو وضحكت ونزلت وهيه بتحاول تمشي براحه علشان الطفل الي في بطنها
عابد اتنهد بابتسامه ولسه هيروح يستحمى افتكر ان سماره نزلت واخوه تحت قلق لاحسن يضايقها شد قميص ليه من الدولاب ولبسو بسرعه ونزل جري
عند سماره كانت بتعملو فطار ومبسوطه جدا وبتكلم مرات عمها وقالت...كنت هقع من طولي يا مرات عمي لما شوفتو قدامي
ردت مرات عمها وقالت..الحمد لله ان حصل كده يا ضنايا انا لما عمك حكالي الي حصل وان عابد قلو على كل حاجه مصدقتش..الحمد لله ان الموضوع اتلم ..مش انتي تمام ولا بيضايقك في حاجه
سماره ابتسمت بسعاده وقالت..لا مش بيضايقني...انتي عارفه اني معشقتش غيره من صغري
واتنهدت لما قرب منها وقالت...طب مع السلامه انتي يا مرات عمي وقالت بضيق مصتنع...ابعد احسن حد يدخل
بس اتصدمت لما اتفاجأت انو مش عابد ..وقال...خليهم يجو..انتي حقي بتاعتي انا يا سماره ووووو
عااااااش يا بنات كملتو العدد وانا عند وعدي اجمل بارت اهوه هديه لعيونكم...الروايه التانيه هتنزل حالا يلا اجمد تفاااااعل
•تابع الفصل التالي "رواية عروس اخي السمارة" اضغط على اسم الرواية