رواية قلب وكبد الفصل السادس 6 - بقلم حور طه

  

 رواية قلب وكبد الفصل السادس 6 -  بقلم حور طه

يونس كان يقترب منها وهو ينظر لها بحب وهي تقف امام المراه وتلم شعرها وتلبس البالطو الابيض لتستعد الى عملها ولا تشعر بوجوده وتلتفت لتصطدم به وباستغراب__

يونس انت بتعمل ايه هنا؟؟

يونس ولا كانه سمع منها حاجه اقترب عليها اكثر وسحب لها رباط شعرها لينفرد ويرى جماله كان ينظر لها وكانه اول مره يراها

فريده بارتباك تلم شعرها تاني وتحاول تخرج______

يونس انت بتعمل ايه احنا في المستشفى

يونس لا يسمح لها بالذهاب فاقترب عليها اكثر _______ شعرك جميل قوي مثل خيوط الذهب

فريده متوتر من هذا القرب ______

سيبني يونس عشان عندي شغل

يونس يمسك ايدها ويشدها لحضنه_____

ليه عايزه تبعدي عني ما هو مكانك الوحيد في حضني

فريده تضبط انفاسها ______

يونس لو سمحت سيبني لحد يجي دلوقتي

يونس ______

ما يهمنيش مين اللي يجي انا تعبت من كتر البعد عنك

فريده تلتفت علي بحب ______

طيب ليه كنت بتبعدني عنك؟؟

يونس______

لو كان عقلي قدر يبعد عنك في قلبي ما قدرش كان دايما معاكي وحشتيني قوي

فريده الابتسامه حب فهي لاول مره تشعر بحب حبيبها لها______

انت كمان وحشتني قوي بس انا عايزاك تستوعب ان احنا في المستشفى مش في البيت ممكن لو سمحت تمشي ولما ارجع البيت نتكلم

يونس وكانه اخذ قرار الافراج ان يطلق تلك المشاعر المخباه منذ سنين ليلف ذراعي عليها بلهفه واشتياق_____

انا هاخدك ونمشي حالا مش هقدر ابعد عنك تاني

فريده بضحك _______

انا كلها كام ساعه وهخلص شغل لو حابب استناني ونروح مع بعض تقدر تستنيني هنا وانا هخلص وارجع على طول

يونس وهو يغرق بعيونها _______

مش عايزك تبعدي عني

فريده_______

انا عمري ما بعدت عنك انت اللي دايما كنت بتبعدني

بس ممكن اعرف ايه اللي غيرك فجاه كده

وقبل ان تسمع رده كانوا ينادوا عليها في الميكروفون لحاله مستعجله ______

هنكمل كلامنا بعدين دلوقتي وقت الشغل بعد اذنك

يونس______

هو انا ازاي كنت هقدر اعمل كده واجرحها

فلاش باك قبل ساعات👇

______________________

يونس يرن هاتفه ويعلن عن اتصال وكان الرقم مجهول

الماذون______

بطايقكم يا عرسان علشان نخلص باقي الاجراءات

مايا تدي له بطاقتها يرجع الماذون يعيد كلامه على يونس اللي كان مازال ينظر الى شاشه التليفون وهو يرن ولا يتكلم______

بطاقتك يا عريس

يونس يقف ليستعد للخروج__________

ممكن تستنى شويه

خرج بعيد عنهم ورد على الاتصال_________

عايز ايه

8

الشخص المجهول _________

مش وقته

يونس باستغراب________

هو ايه ده اللي مش وقته

الشخص المجهول_______

اللي انت عايز تعمله ده مش وقته المسلسل لسه في حلقات كتير وانا هنا المخرج والمؤلف ما ينفعش انت تيجي وتخلصه وانا لسه ما قلتش فركش

يونس بعدم فهم______

ما تنجز وتقول انت عايز ايه

الشخص المجهول باختصار______

فريده

يونس بخوف______

ملكش دعوه بفريده انا هطلقها وهخرجها من حياتي نهائي بس انت ما تقربش منها

الشخص المجهول_______

انا عايزك تقرب لها مش تبعدها وبلاش تكسر قلب البنت واديها حقها كعروسه.. فريده جميله ما فيش عين تشوفها وما تقعش في غرامها

يونس_________

لكن انا ما حبيتهاش وهتخرج من حياتي وكانها ما دخلتهاش

الشخص المجهول_____

بس انا عارف انك بتحبها واديني سمحت لك انك تقرب لها لازم تشكرني

يونس بانفعال_______

انت عايز توصل لي ايه بالظبط انا ما بقتش فاهمك

الشخص المجهول________

مش مطلوب منك انك تفهم المطلوب منك انك تنفذ

يونس بغضب_________

علشان تقتلها هي كمان انا مش هسمح لك انك تقتل حد بريء تاني وملوش ذنب

الشخص المجهول________

لو خايف عليها لازم تحبها لانك لو ما حبيتهاش للاسف هي هتموت وهتخسر حياتها

ينهي المكالمه ويتركه الى حيرته

مايا ____________

في ايه يا يونس يلا الماذون مستعجل

يونس لسه واقف مكانه ومش عارف يفكر ولا يعمل ايه سابها واخذ عربيته ومشي بدون ان ينطق كلمه واحده

_________عوده من الفلاش باك_________

كان يمشي وراها في المستشفى ولا يقدر ان يبعد عنها وكان ينظر لها باستمرار بحب واشتياق فهو يكتم تلك المشاعر من سنين والان اخد اذن الافراج للتصريح بها كان يشعر بالسعاده لاول مره وهو يتابعها بنظراته في كل مكان تذهب اليه وكان يشعر بالراحه وهو يترك مشاعره تسير باتجاهها بعد ان تاكد ان الشخص المجهول لن ياذيها اذا اقترب منها

سيف________

يونس انت بتعمل ايه هنا؟

يونس وهو ما زال ينظر لها وهو تايه_________

المكان اللي تكون هي موجوده فيه يبقى مكاني انا

سيف بابتسامه يبص له ويرجع يبص على فريده ______

وانت مش مكفيك بتتغزل فيها في البيت جايه بتتغزل فيها في المستشفى حرام عليك سيب البنت تشوف شغلها احنا على وش تخرج

يونس ________

في ايه يا عم ما تروح تشوف العيانين بتاعتك ولا دور على بتول واتغزل فيها انت كمان

سيف بنبره حزينه_________

بتول ما خلاص ما بقتش موجوده ضيعتها بايدي

يونس بجديه___________

في ايه يا ابني مالك انت متخانق انت وبتول

سيف بتنهيده_________

ما تشغلش بالك انت~~ انا عايزه اعرف انت ازاي تعمل الفرح من غير ما تعزمونا كنتم مستعجلين قوي كده

يونس بتلقائيه_______

لا ما انا كمان ما اتعزمتش

سيف باستغراب________

نعم انت كمان ما اتعزمتش لا مش فاهم

يونس يرجع ينظر لفريده_________

ولا انا فاهم بس جوازنا كان احلى حاجه حصلت

سيف_________

لااااا انت حالتك ميؤوس منها النهارده ان حد يفهم منك حاجه

____________________

عندي الشخص المجهول

خليل ______

انت ليه بتقربهم من بعض

الشخص المجهول______

ليكون انتقامي ممتع

خليل بعدم فهم______

فين الانتقام في قربهم من بعض انت كده بتكافئهم هتخليهم يحبوا بعض

الشخص المجهول_______

هم كده كده بيحبوا بعض لكن اظهار المشاعر يحتاج الى وقت وانا لا املك هذا الوقت فاجبرتهم على اخراجه لاكمل طريقي

خليل ما زال لا يفهم ما يسعى خلفه_______

ازاي عايز تنتقم من الاثنين دول والمفروض انك تخلي حياتهم عذاب بس انت كده هتخليهم يقربوا من بعض اكثر وهيبقوا في حياتهم سعداء فين انتقامك في اللي انت بتعمله ده

الشخص المجهول يبتسم بخبث________

هم مش برده بيسالوا اللي محكومه عليه بالاعدام نفسك في ايه قبل ما تموت انا بديهم اللي نفسهم فيه عشان لما اخده منهم استمتع بيها

_____________________

وبعد انتهاء الدكتور من الكشف كانت تنتظر ما يقولوا لها وبتوتر ________

انا مش هقدر اخلف تاني يا دكتور

الدكتور يطلع على الفحوصات_________

للاسف في الوقت الحالي مش ممكن بس يمكن مع العلاج يكون في امل

ساره بدموع لا تعرف انا تمنعها من التساقط_______

بس ازاي مش هقدر اخلف تاني يا دكتور ما انا حملته وخلفت ما كانش في اي حاجه

الدكتور________

للاسف يا مدام ساره انت حصل لك مضاعفات في الولاده هي اللي اتسببت في المشكله اللي عند حضرتك دلوقتي

ساره هنا تتاكد من كلام الشخص المجهول وبدموع _____

يعني الكلام ده طلع حقيقي

الدكتور يشرح لها________

حضرتك عندك مشاكل في المبايض وانه مش بيستجيب لهرمونات الغده النخاميه وبالتالي مش بيقدر يخرج بويضات في الحجم المناسب للاخصاب وتكوين جنين

ساره تخرج من عند الدكتور وهي تايهه والخوف يزداد بقلبها ولا تعرف ماذا تفعل فهي الان تاكدت من كل كلمه قالها لها الشخص المجهول ولكن حسمت الامر بداخلها وعزمت على انها تنفذ كل ما طلبوا منها لتحافظ على ابنها بعد ان تاكدت انها لن تستطيع ان تنجب مره اخرى

وهنا فريده هتاخدها من توهت افكارها_______

ساره انت بتعملي ايه هنا يا حبيبتي

ساره كنت عارفه مش كده________

فريده بتوتر عارفه ايه يا حبيبتي قولي لي انت بتعملي ايه هنا بتزوري حد

ساره بدموع ______

ليه خبيتي عليا يا فريده كنت فاكره اني مش هعرف

فريده ___________

يا حبيبتي قولي الحمد لله وربنا يخلي لك يوسف ويملا عليك الدنيا في ناس كتير محرومه من انها يكون لها طفل لكن انت ربنا اكرمك بيوسف لازم تقولي الحمد لله وترضى بقضاء ربنا

ساره تحضنها بانهيار __________

انا خائفه ما اعرفش احافظ عليه يروح مني هو كمان

فريده بعطف تقعدها على احد الكراسي______

حبيبتي اهدي ليه بتقولي كده ربنا يخليه لك ويحفظه لك يا رب

ساره_______

ياسين كان عارف اني مش هعرف اخلف تاني صح

فريده_______

هو اكيد ما حبش ان هو يقول لك حاجه زي كده وانت كنت لسه تعبانه بس اكيد يعني كان هيقول لك في الوقت المناسب

ساره تمسح دموعها_______

انا لازم امشي دلوقتي

فريده بقلق _________

حبيبتي تعالي استني في المكتب عندي وهكلم ياسين يجي ياخدك

ساره_______

لا ما تقلقيش انا كويسه ارجع على البيت لوحدي هكلمك تاني

فريده__________

ماشي يا حبيبتي خلي بالك من نفسك

_____________

يونس ياتي من خلفها ويلف زراعيه عليها______ افتكر بقى انك خلصت كده كل شغلك يلا بقى نرجع على البيت

فريده بابتسامه تبعدوا عنها قليل________ مش قادر انت تقتنع ان احنا في المستشفى وفي ناس حوالينا ما ينفعش اللي انت بتعمله ده

يونس بحب ______انت اللي مش قادره تقتنعي اني مشتاق لك

فريده______

بتحبني

يونس يمسكها من ايدها عشان يخرجوا من المستشفى______

انت لسه كل ده بتسالي انت عارفه ان انا ما حبتش بنت غيرك

فريده بضحك_______

طيب استنى انا لسه ما غيرتش هدومي وبعدين حاجتي جوه

يونس يركبها العربيه_______

هبعت السواق يجيب لك حاجتك لكن دلوقتي انا مش هسمح لاي حاجه تاخدك مني

فريده بحب______

تعرف ان دي اول مره تسرح لي بمشاعرك من وقت ما قررت ان انت تسيبني

يونس يمسك ايدها________

وانت لسه بتحبيني

فريده_______

بما اني اتجوزتك تفتكر الرد هيبقى ايه

يونس بضحك _______

اكتر حركه مجنونه ما توقعتهاش منك انا اقوم النومي ولقيتك مراتي

فريده تغمز لها بابتسامه_______

ما تعودتش اني اتنازل عن املاكي وانت ملكي

يونس ________

من الليله دي حياتي انا وانت هتتغير وهكون بس ليكي

فريده ______

يعني خلاص قررت انك واخيرا تطلع من الاوضه الضلمه اللي كنت حابس نفسك فيها

يونس بابتسامه_______

انت اجبرتيني نخرج منها باسرارك وعنادك صدقيني انا مش عايز اي حاجه غيرك

فريده تلمس خده بحب _________

وانا مش هسيبك ابدا هفضل طول عمري جنبك

يونس يشغل العربيه عشان يتحرك بيها وفجاه يشوف سيف وهو يظهر عليه القلق كان يحاول ان يوقف تاكسي_______

هو سيف ماله في حاجه متغيره اليومين دول

فريده اول ما تشوفه تنزل من العربيه _____

سيف في ايه وفين عربيتك

سيف بخوف________

اسواق جابني واخذ العربيه وراح بيها التوكيل

يونس ________

طب يا ابني انت مالك كده في حاجه حصلت ولا ايه

سيف بتردد________

بتول كلمتني وقال الكلام غريب كده وما فهمتش منه حاجه والخط فصل بعديها خايف لو تكون عملت حاجه في نفسها

فريده بخوف ________

انتم مستنيين ايه يلا اركبوا العربيه خلينا نروح ونشوفها انا قلت لك اللي انت عملته ده هتكون نتيجته صعب جدا

سيف بانهيار____

انا السبب لو حصل لها حاجه مش هسامح نفسي

يونس _____

تمام ايهده انت وهي مش وقت اللي انتم بتعملوه ده خلونا الاول نطمن عليها

يونس يسوق العربيه ويتجهوا الى منزل بتول …

 

• يتبع الفصل التالي اضغط على (  رواية قلب وكبد) اسم الرواية