رواية قلب وكبد الفصل التاسع 9 - بقلم حور طه

   

 رواية قلب وكبد الفصل التاسع  9 -  بقلم حور طه

كانت تجلس امام المراه وهي تضع المرطب على يديها ووجهها وهو يتاملها بنظرات عاشق ويقترب عليها ويحضنها _______

حبيبي اللي ناسيني من ساعه مجاله حد غيري

ساره تقف وتلتفت علي بابتسامه حب_______

من اولها كده هتغير من ابنك

ياسين________

ما انت من ساعه ما الحج يوسف شرف وانت راكناني على الرف لو يوسف هو الابن فالاساس هنا

ساره تقرص خده بدلع_____

هقول ايه طفل مزعج بس بحبك !!! هخليهم يحضروا لك العشا

ياسين يسحبها تاني لحضنه______

طيب طفلك عايز يشبع من حبك اللي حرماه منه ده من وقت ما الاخ حضر بصي خليه يبات مع ماما اليله

ساره تتركه بفزع وتشيل يوسف وتحضنه_______

لاااا انا ما فيش حد هياخد ابني مني مش هسيبه يبعد عني

ياسين باستغراب من خوفها_______

في يا حبيبتي مالك خفت ليه كده

ساره ترجع يوسف على السرير تاني وتحضن ياسين وكانها تتخبى في حضنه ولا تشعر الا ودموعها تتساقط بحرقه

ياسين حاسه انها فيها حاجه وبعدها عنه قليل وشاف دموعها ويمسحها بحنان_______

مالك يا حبيبتي في ايه بس لازمتها ايه الدموع دي

ساره من وسط دموعها________

ليه خبيت عليا ليه ما قلتليش ان انا مش هعرف اخلف تاني

ياسين________

حبيبتي ده مش مهم احنا ربنا رزقنا بيوسف هيملى علينا دنيتنا ما تفكريش في اي حاجه تضايقك

ساره بخوف انا خايفه على يوسف مش هقدر اعيش من غيره ياسين

ياسين مش فاهم خوفها ده ولكن مسح دموعها باطمئنان_______

حبيبتي انت ويوسف في امان ما تخافيش انا مش هسمح ان يحصل لكم اي حاجه اطمني

ساره بانهيار________

ليه حياتنا دايما مهدده والخطر مش بينتهي تعبت من فقدان كل حد بحبه مازن وتيته رقيه ماتوا وسيف وبتول حبهم اتحكم عليه بالاعدام وكل واحد فيهم هيروح في حته وهيبعدوا برده عننا حتى يونس وفريده اتجوزوا لكن مش مرتاحين مرض يونس متحكم في سعادته ودلوقتي انت ويوسف حياتكم انتم كمان في خطر ليه كل ده بيحصل مع الناس اللي بنحبهم

ياسين يضمها الى حضنه________

تمام يا حبيبتي اهدي انا جنبك وما تخافيش كل المشاكل دي هتتحل بس انت اهدي

ساره______

ارجوك ياسين انهي الخلاف اللي بينك وبين عمي وانزل اشتغل معاه كفايه بقى المشاكل دي والعداوه اللي بينكم دي لازم تنتهي

ياسين_________

يا ساره انت عارفه رايي في الموضوع ده انا مستحيل اشتغل معاه

ساره تحاول تقنعه ________

عشان خاطر ياسين اشتغل مع عمي وسيب المطعم انا مش عايزه اخسرك ولا اخسر ابني

ياسين بغضب_______

البني ادم ده هو اللي طلب منك صح اني اشتغل معاه هددك

ساره________

لا باباك ما هددنيش انا اللي عايزاك تنزل تشتغل معاه

ياسين______

يعني هي طقت في دماغك فجاه كده اني انزل واشتغل معاه

ساره بهدوء_________

يا حبيبي انت لو اشتغلت مع اونكل يعقوب هتعرف هو بيشتغل في ايه

ياسين بضيق _______

اخر اهتماماتي اني اعرف عنه حاجه

ساره مش عارفه تعمل ايه عشان تقنع ياسين ينزل الشركه وتعرف تنفذ خطتها عشان تاخد الملف وتحمي ابنها من الشخص المجهول اللي دايما بيهددها بحياته________

يا حبيبي علاقتك بباباك لازم تتحسن بقى مش معقول هتفضل متخاصم معاه كده على طول

ياسين بعدم اهتمام _______

ايه الجديد مش فاهم على العموم كده افضل لينا

ساره بانفعال_______

الجديد اني مش عايزه ابني يتربى في الجو المتوتر ده اعمل ده علشان خاطر ابننا يا ياسين انهي العداوه دي بقى للدرجه دي مش خايف على ابنك وعليا

ياسين بحب_________

يا حبيبتي انا ما عنديش اغلى منكم انتم الاتنين في الدنيا دي واعمل علشانكم اي حاجه بس

ساره_________

ما فيش بس ياسين انزل الشركه معاه وانهي الحدوته دي بقى عشان خاطري

ياسين يبوس ايدها بابتسامه _________

عشانك ارمي نفسي في النار حاضر لو شغلي مع بابا هيريحك انا موافق

ساره واخيرا تتنفس براحه وتحضنه بفرحه________ ربنا يخليك لنا يا حبيبي

ياسين بتعجب من فرحتها المبالغ فيها ________

بس على فكره الشغل مع يعقوب الدميري يعني برمي نفسي في جهنم مش في النار

ساره بابتسامه ________

مش للدرجه دي ده ابوك مش ابليس يعني

ياسين تلقائيه_______

والله انت مخدوعه في حماكي !!! جعاااااان

ساره _______

دقائق والاكل يجهز

ياسين يمسك ايدها وينظر لها بنظرات تفهمها ______

بس برده يوسف هيبات مع جدته الليله

ساره بحب ________

حاضر يا طفلي المزعج !!! وبكره كمان هيبقى في حفله كبيره على شرفك بمناسبه نزولك الشركه

ياسين ________

ااااه ده انت مخططه لكل حاجه بقى🤨

ساره تبعت له بوسه على الهوا ______

بحبكككككك❤

🖤🥀🖤🥀🖤عند يونس & فريده🖤🥀🖤🥀🖤

فريده هتخرج من الحمام بعد ان غيرت ملابسها وكان يونس يجلس على المكتب ويقلب فيها كتبها وينظر لها وبداخله كلام كثير ولكن يصمت

فتقرر ان تجذب اهتمامه وتحكي له عن تجاربها في كليتها لتخرجه من حاله الصمت هذه وبهزار_________

تعرف في اول اسبوع في كليه الطب بشري و دايما بنسمع عن المشرحه بس النهارده اول مره ندخلها بجد .. كنا متخيلين نلاقي جثه و التشريح يتعمل قدامنا و كده و خيالات كتير ..

بس الواقع مختلف تماما

الجثه من كتر ما هي محفوظه ف ماده الفورمالين الحافظه بقت عامله زي البلاستيك و بالكاد قادرين نتعرف ع أجزاء الجسم

طبعا مقولكش انك مش قادر تفتح عينيك اصلا علشان اول مره عينك تتعرض ل فورمالين

يونس كان مازال يستمع لها في صمت وهي تتكلم مثل الاطفال ولا يستطيع ان يعرف كيف لها ان تكون شخص مزيف وكاذب يتحول من ملاك الى شيطان بهذه السرعه او يمكن هي بتتصرف على طبيعتها وده جزء من علاجها وان كان خطا منه لما اصدق مشاعره وصدق انها تبادله نفس المشاعر لهذا تريد ان تكون معه كحبيبه

انما الحقيقه ان هي معه كطبيبه لمريض يجب ان يتعالج وليست حبيبه

فريده تكمل بمرح لتجعله يبتسم ولو قليل وتضع يدها على كتفه__________

كنت رايحه احضر محاضره الباطنه و معديه ع الأقسام الداخليه ف لقيت راجل كبير ف السن بيناديني و بيشاورلي ع الاكل اللي جنبه علشان جعان و عايز ياكل .. المهم ضميري الإنساني خلاني وقفت معاه لحد ما خلص اكل و بعدين عطيته ميه و شكرني لانه بقاله يوم كامل مأكلش حاجه و انا لسه طالعه من الاوضه و سمعت صوت الدكاتره و التمريض و زعيق كتير طالع من الاوضه عباره عن “مين عطاله الاكل و الميه” و لما سألت في اي اكتشفت ان المريض ده المفروض مخليينه صايم علشان يعملوله منظار ..

ومع انتهئ اخر عباره رجعت للخلف بدون انتباه وتتشنكل وهياا تقول_______

ف الوقت ده كان لازم استخدم سرعتي واجررررري…

يونس يمسكها ويشدها على حضنه قبل ان تقع وينظر لها وقلبه يشتد الم وحقد ______

حتى في حنيتك مؤذيه تمتلكين وجهك الملائكه يخدع كل البشر ببراءته

فريده بدهشه من كلامه ولا تعرف لماذا قال مثل هذه الكلمات وتنظر لها بحب وهي ما زالت بحضنه_______ الملاك لا يمكنه ان يخدع بل هو عاشق

يونس تاثر بكلماتها ولكن سرعان ما تذكر ما قالته لعبد الرحمن امام البيت ويبعدها عنه ويضرب الكاس بالجدار بغضب ويجرح يده

فريده بخوف _______

ايه اللي انت عملته ده يا يونس خليني اشوف ايه تجرحك

يونس بدموع متحجره وتحذير _______

انت لا يمكن تشوفي جرحي ابعدي

فريده باصرار وخوف تنظف الجرح وتضمضه بعنايه ثم تقول له ________

الحمد لله الجرح سطحي والنزيف واقف

يونس يقول بداخله________

الجرح الحقيقي ما زال ينزف بداخلي ولا تستطيع ان تعالجيه يا دكتوره

فريده وكانها قرات ما يدور بافكاره_______

اديني فرصه اضمت كل جراحك لتشفى

يونس ما زال ترن جملتها باذانه________

اطمن يا بابا يونس بالنسبه لي مش اكتر من مريض بساعده يتعالج ومش هيكون اكثر من كده مش هو ده اللي انا احبه يابابا؟؟

ثم يتجه الى الباب ليخرج من الاوضه وينظر لها بقهر ووجع _________

للاسف يا دكتوره انت فشلتي في علاج اول مريض ليكي

عايزه لما ارجع ما لقيتيش في الاوضه دي تشوفي لك اوضه ثانيه تقعدي فيها

ينهي كلامه ويذهب من البيت ويتركها مع حيرتها

فريده________

ليه بتقول كده وكان قلبك مجروح حيرتني معك يا يونس وكان قلبي ما يهواش الا اللي يعذبه ويحيره

🖤🥀🖤🥀🖤🥀🖤🥀

في احد الاماكن المهجوره بعيد عن عيون الناس يوجد الكثير من الرجال المسلحين واشكالهم لا تفسر غير برجال عصابات او مافيا يمسكه برجل وزوجته ويعلقوهم كل منهم على عمود ويوجد رجل اخر يكبر في السن قليل ويحمل بيده طفل لا يتعدى السبع سنوات كان الطفل يصرخ من شده بكائه وكان بكاؤه وكان مثل وداع لاحدهم

الام تصرخ وهي مقيده وتقول_________

يونس

وياتي الشخص المقنع الذي صوته يشبه صوت الانسان الالي ويوجه كلامه للرجل الكبير الذي بيده الطفل_____

قل لي يا دكتور من ستختار بنتك وجوزها ولا حفيدك

حازم وهو يخبئ الطفل بحضنه كي لا يرى ذلك المشهد البشع ثم ينظر الى ابنته وزوجها وقلبه كاد ان ينفطر عليهم وعلى الحاله الذي هم عليه ولا يعرف من هذا الشخص المقنع ولماذا يريد قتله فهو لا يفعل شيء يضر به احد فهو طبيب يعمل لانقاذ ارواح الناس ولا يفكر حتى فيه المقابل فمن هذا الرجل الذي يريد منه الانتقام لهذه الدرجه وبانفعال ______

انت مين وليه عايز تاذي عيلتي

الشخص المقنع بغضب ________

لقد اعطيتك حق الاختيار ولكنك لم تعطيني نفس الحق فانا عادل حتى في انتقامي

حازم لا يفهم ماذا يقصد بكلامه_________

انا عمري ما اذيت حد انت مين وليه بتعمل كل ده هتستفاد ايه لما تموت عيلتي طيب على الاقل قل لي انا عملت لك ايه عشان يكون ده عقابي

الشخص المقنع بتحذير_______

لا تضيع وقتي في الكلام الفارغ لقد انتهى وقت الكلام من زمان والان هو وقت الفعل واخذ الحق من ستختار بنتك وجوزهاولا حفيدك

هنا تعلو صرخات منال بنت حازم_________

اختار يونس يا بابا عشان خاطري يا بابا اختاري يونس هو لسه طفل

احمد الزوج_______

اختار يونس يا عمي هو محتاج انه يعيش لسه ما شافش حاجه من الدنيا

حازم ينظر ليونس الذي بحضنه بدموع ومن الجهه الاخرى ينظر الى ابنته الوحيده وزوجها الذي يعتبره مثل ابنه وقلبه ينشق نصفين بينهم ولا يعرف ماذا يفعل فهذا ليس اختيار انما هو موت في تلك الحالتين وينظر بداخل عيونهم ويقول بوجع_______

كيف علي ان اختار بينكم فان اخترتكم سيموت حفيدي وستموتون انتم ايضا من بعضه واذا اخترت حفيدي واخترت موتكم فسوف يكبر ولا استطيع النظر اليه واقول له اني اخذت قرار موت والديك لتنحرم منهم باقي عمرك فانا لا استطيع الاختيار

ثم يرجع ينظر الى الشخص المقنع بترجي_________

سيب بنتي وجوزها وابنها يعيشوا ويمشوا وقتلني انا انا جاهز لاي حاجه انت عايزها بس سيبهم

الشخص المقنع بقسوه ولا يتنازل عن ما يريد فعله______ للاسف يا دكتور اسمك مش نازل في العرض عندي انت هتعيش بس ميت اختار وان لم تعطيني قرارك الان ساختار انا والقرار سيكون اسوء بكثير لانه سيكون حكم بموت بنتك وجوزها وحفيدك معاك دقيقه وتعطيني قرارك النهائي

احمد ومنال في اصوات خوف ورعب مما يحصل حولهم يقولوا لحازم بترجي ___________

اختار يونس فهو المستقبل وانعاش هو سنعيش نحن بداخله

حازم بانهيار يضم الطفل الى صدره ويقول_____

يونس

الشخص المقنع تعلو صوت ضحكته وكانه ليس انسان بل وحش يفقد كل معاني الانسانيه ويؤشر بالمسدس ناحيه احمد بالاول ويقتله ثم ينظر الى حازم بحقد ويقول______

الان ستعيش الم الابن وستعيش به باقي عمرك وتتعذب لانك اخذت قرار موت بنتك بنفسك

ثم يطلق على منال ويقتلها

 

• يتبع الفصل التالي اضغط على (  رواية قلب وكبد) اسم الرواية