رواية احفاد الطوبجي(1) الفصل التاسع عشر 19 - بقلم اميرة اسامه
يوسف...هقولك ياللي ديماً ظالمني وقولي أعمل ايه عشان مستعجل
مراد...قول ياعم المستعجل
يوسف...دكتور مجدي كلمني وعرفت ان البنت اللي أسمها خلود دي هتخرج انهارده
مراد....تمام وفين الموضوع
يوسف.....بص هو في حاجه مريبه في موضوع خلود وانا هحكيلك
مراد....خير أشجيني مع اني شايف زي ما دكتور مجدي قالك انت عملت اللي عليك وساعدتها خرج نفسك من الحوار ايه طلع وراها بلوه ولا أيه؟
يوسف....صراحه مش عارف بس كل اللي اعرفه ان وراها حكايه المهم هحكيلك
وبدا يوسف يحكيله حوار الشنطه وكل حاجه خلود قالتهاله لغايه طلبها انه يساعدها و يشوفلها سكن.
مراد....ايوه بس مش غريبه انها متعرفش الاماكن مع انها من القاهره.
يوسف...بصراحه هي غريبه ومش عارف هي بتقول الصراحه ولا لأ
مراد....انا رأيي انك تعتذر بطريقه شيك خصوصا انت عملت اللي عليك وزياده يعني و قفتلها و ساعدتها وكان ممكن تعرض نفسك للخطر و المسأله القانونيه بس الحمد لله دكتور مجدي كان متفهم و معملش محضر بالواقعه مع ان البنت كانت متدمره وكمان ساعدتها بالمبلغ العمليه اتكلفت خمسه وعشرين ألف وانت قولتلها الفين الشنطه اللي معاك فيها فلوس ودهب وانت خلتها معاك مع ان ده خطر فا بصراحه أنت عملت اللي عليك وزياده واهي خلاص اتحسنت و هتخرج فا انا شايف ان كده تمام اوي.
بصله يوسف بتفكير في كلامه
يوسف....يعني أنت شايف كده؟
مراد...والله ده رأيي هو انت شايف غير كده
يوسف....مش عارف والله يا مراد
مراد....بقولك أيه انت عايز تساعدها؟
يوسف....صدقني مش عارف بس جوايا أحساس بيقولي انها فعلاً محتاجه مساعده و حاسس اني مصدقها مش عارف ليه
مراد....لو عايز تكمل مساعدتك ليها كمل بس لازم الأول تعرف حكايتها وتثبتلك انها صادقه عشان تطمن أكتر الله أعلم هي وراها أيه.
يوسف....بصراحه انا اول مره اتحط في موقف زي ده و هي صعبانه عليا يعني والدتها ووالدها ميتين بتقولي ان ابن خالتها اللي عمل فيها كده فا لما ابن خالتها اللي عمل فيها كده امال لو رجعت هيعمل فيها ايه تاني
مراد...خلاص يبقي مفيش غير اللي قولتلك عليه تطلب منها تحكيلك وأظن ده ضمان لحقك
يوسف....طيب تمام بس لو كده انا ليا عندك طلبين
مراد...خير 🤨
يوسف...أول طلب تيجي معايا لو خلصت شغلك او لو مش وراك شغل كتير.
مراد....دي بسيطه انا فعلاً مش ورايا شغل كتير الطلب التاني ايه
يوسف....تفكر معايا أوديها فين انا المفروض الوقت أروحلها و أوديها علي السكن ده وأكيد مش هلحق ادورلها علي مكان صراحه فكرت أقعدها في مكان تبعنا بس مش عايز حد يعرف ويسألني ويرجع يغلطني وهو مش فاهم حاجه فا شوفلي انت مكان تبعك
مراد بتفكير عايز يقوله يوديها علي البيت الخاص بيه بس كمان مش عايز يعرفه حوار تقي عشان ميفهمهوش غلط.
يوسف....بتفكر في ايه؟
مراد....صراحه كده هو في حوار غريب حصل في نفس اليوم بردوا و مقولتش لحد عليه
يوسف...حوار ايه؟
حكاله مراد كل حاجه
يوسف....هو الحوار غريب فعلاً بجد بس اهي محلوله ايه رأيك نخليهم يقعدوا مع بعض
مراد...انت بتهرج لا طبعاً هو سكن للطالبات😒
يوسف...بضحك طيب نعمل ايه ماهو كمان اليوم ده كان غريب جداً بنتين يحصل معاهم كده في يوم واحد و الأتنين يطلبوا مكان تصدق بالله لولا ان الحوار مكانش مترتبله كنت قولت ان دي اشتغاله😂😂😂😂
مراد....ولا اشتغاله ولا حاجه هي فعلاً صدفه والدنيا مليانه حكايات غريبه عموماً ممكن نوديها الشقه اللي جمبها انت عارف يالا انت انا اللي خلاني قولتلك عشان ميجيش يوم وتشوفني هناك وتفهمني غلط😠
يوسف...بضحك عارف ان ماضيك اسود وسوابقك كتير😂😂 بس قولي هي دي البنت اللي هتشغلها هنا
مراد...ايوه هي عموماً يلا نروح ونكمل كلامنا في العربيه وبالمره نشوف تقي ونحاول نعرفها الحكايه علي الأقل يعني يتصاحبوا يسلوا بعض اي حاجه بقي.
يوسف....طيب يلا بينا.
...................
في تركيا
حس أيمن انه مش قادر يستني اكتر من كده عايز يتصل بصبا و يطمنها يادوب حس انه بدأ يبقي أفضل شويه أتصل عليها فوراً
حط الموبايل علي ودنه ودموعه نازله وابتسامته مش مفارقه وشه
صبا....الوووو ايوه يا حبيبي.
أيمن....بدموع أيوه يا صبا🥺
صبا...بفزع أيمن مال صوتك في ايه؟
أيمن....العمليه نجحت يا صبا🥺 نجحت يا حبيبتي
حطت صبا ايدها علي قلبها وفضلت دموعها تنزل بغزاره مش عارفه تضحك ولا تعيط مش قادره تدي الموقف حقه في التعبير المناسب
صبا....أنت بتتكلم جد
أيمن....والله بتكلم جد يا حبيبتي العمليه نجحت الدكتور نفسه مش مصدق وانا كمان مش مصدق كان عندي أمل بس مكنتش أعرف ان ربنا كرمه كبير أوي كده
صبا فضلت تعيط كتير مش قادره تتكلم ولا قادره تقوله اي حاجه وكأنها كانت محوشه كل الدموع دي طول ال3 سنين
أيمن...بفرحه مسح دموعه صبا أهدي يا حبيبي وأفرحي
صبا....مش قادره اصدق اننا خلاص هنرتاح ولا قادره اصدق كمان انك خبيت عليا معاد العمليه😭
أيمن...بأبتسامه حقك عليا مكنتش عايز أقلقك وكنت خايف يا صبا الدكتور كان عايز يعملهالي امبارح و أتفاجئت من السرعه دي طلبت منه أجلها انهارده عشان كان ورايا شغل مهم اعمله كنت فاكر اني ممكن أفضل تعبان كام يوم
صبا....طيب انت كويس حاسس بحاجه
ايمن...لا انا بخير يا حبيبتي كمان الدكتور قال اني ممكن اخرج عادي بس الافضل اني افضل لحد بكره عشان يطمن أكتر عارفه يا صبا انا من الفرحه هاين عليا اجري من المستشفي الوقت و احجز علي اول طياره و اجيلك
صبا....انا كمان فرحانه بجد ومش مصدقه بس خليك يا أيمن لحد ما الدكتور يطمنك اكتر
أيمن....حاضر يا حبيبي انا فعلاً هعمل كده عشان ابقي مطمن أكتر كمان هو قاللي في شويه تعليمات لازم أعملها و قاللي حاجه كمان مش عارف هقدر اتحملها ازاي
صبا...حاجه أيه دي؟
ايمن...قاللي ان مينفعش لمدة شهرين يحصل أي علاقه بينا لازم نستني ولازم قبل العلاقه دي اجيله هنا مره كمان يطمن عليا أكتر ويعرفني اذا كنت مستعد للعلاقه خلاص ولا نستني شويه
صبا....لا يا أيمن لازم تتحمل يا حبيبي يعني احنا صبرنا كل ده هنيجي في الاخر ونبوظ الدنيا مجاتش يا حبيبي علي الشهرين دول استحمل عشان خاطري
أيمن...انا عشان خاطرك هستحمل أي حاجه في الدنيا المهم ان الكابوس انتهي وانتي معايا بحبك يا صبا
صبا....بابتسامه وحب وانا بحبك اكتر يا حبيبي عشان خاطري خلي بالك من نفسك وانا كل شويه هطمن عليك
ايمن...ماشي يا حبيبي خلي بالك من نفسك❣️
صبا...وانت كمان لا اله الا الله
أيمن...محمد رسول الله.
حضنت صبا الموبايل بفرحه و غمضت عينها براحه وفجأه ظهر قدام عينها زيد وهو مقرب منها و بيبوسها فتحت عينها بسرعه و أتبدلت ملامح الراحه إلي أنزعاج ومن غير ما تحس قرب ايدها من شفايفها وفضلت تمسح فيهم بغضب وكأن لسه شفايفه طابعه علي شفايفها.😠
...............
في تركيا..
وصل مريم ونادر إلي المدينه اللي نقلوا ليها بعد ما صحيوا بدري مشيوا
أجر نادر بيت كان صغير بس عباره عن طابقين وفي سلم صغير يوصل للدور التاني كان فيه ثلاث غرف ومطبخ مساحته معقوله و أتنين حمام.
كان شكله حلو وهادي والاهم ان المدينه هاديه و متأثرتش بالزلزال خالص وكمان هرب ليها كتير من الناس .
نادر...حمدالله علي السلامه
مريم...الله يسلمك
نادر....البيت صغير بس حلو اوي
مريم...فعلا جميل وهادي بس يارب ميحصلش اي حاجه تاني
نادر...إن شاء الله خير بقولك ايه يلا اطلعي غيري عشان نخرج نتغدي بره ونتمشي شويه عشان انا زهقت اوي من القاعده انا مش متعود علي كده خالص خصوصا ان مفيش شغل اعمله
مريم....ماشي هطلع بسرعه مش هتأخر.
نادر....يلا بسرعه أحسن اسيبك وأمشي😎
مريم....جرب كده وأعملها انا هموت من الجوع😠
نادر...يا ساتر🙄
ضحكت مريم وطلعت بسرعه تغير.
............
قررت شمس انها متستسلمش و بمجرد ما قفلت مكالمتها مع سالم فضلت تلف علي شغل في كل مكان وتسأل في كل محل وكل مطعم وكافيه وكانها بتتحدي سالم انها هتلاقي ومش هتحتاجه ابداً ولا عمرها هتتذل لأي حد.
...............
اما عند تقي فا نزلت من بدري وهي كلها سعاده وحماس وبدأت تشتري كل اللي هي محتاجاه و ناقصها عشان تجيبه وتقدر تبدأ شغل من بكره في مجموعه الطوبجي.
.........
في قصر الطوبجي
زهره كانت صاحيه من النوم تعبانه جداً حاسه ان جسمها مكسر و معدتها تعبانه أطمنت عليها روح وصبا اكتر من مره و عملوها حاجه دافيه وخدت علاجها ونامت
صحيت من النوم كانت مرتاحه اكتر بكتير من الاول اتصل عليها قاسم.
زهره...بغضب الوووو عايز ايه يا قاسم😠
قاسم...الله وليه الدخله دي طيب مفيش وحشتني مفيش عامل ايه
زهره....لا مفيش 😠 مش عامل فيها مشغول ومش بتتكلم غير كل فين وفين يبقي لا في عامل ايه ولا وحشتني وروح شوف في ايه أهم مني تتشغل فيه.
قاسم....والله مافي في الدنيا اهم منك بس غصب عني يا حبيبي بحاول انجز في الشغل علي قد ما أقدر عشان ارجع زهقت
زهره...عليا انا بردوا قال زهقت قال ده انت القاعده عندك شكلها عجبتك😠
قاسم بضحك طب والله ابداً ديما ظلماني كده وبعدين تعالي هنا انتي بتغيري عليا ولا أيه😉
زهره...🙄انا ولا عمري
قاسم...بضحكه جذابه طب عيني في عينك كده😉
زهره....🥺وحشتني يا رخم
قاسم...بحب وانتي وحشتيني اكتر يا قلب الرخم طمنيني عليكي ايه اللي تاعبك روح كانت بتكلمني الوقت و قالتلي انك تعبانه.
زهره.....روح دي فتانه اوي قولتلها بلاش تقلقك
قاسم....والله ما فتنت هو الكلام جاب بعضه قوليلي مالك
زهره...ولا حاجه واخده برد جامد جسمي تاعبني ومعدتي بس روح وصبا عملولي كذا مره حاجه دافيه وبقيت احسن
قاسم....طيب يلا قومي خدي روح وروحوا للدكتور ولو مش قادره كلموا الدكتور يجي يطمنكم
زهره....دكتور ايه بس دول شويه برد صغيرين مش مستاهله يعني
قاسم....يازهره بلاش اهمال حتي لو حاجه بسيطه روحي وأطمني هتخسري ايه يعني
زهره....والله يا حبيبي انا احسن الوقت بكتير اطمن وبعدين انا شكلي كده بردت عشان انت بعيد عني 😍
قاسم...بابتسامه حب ااااه قولتيلي بقي مكاني في السرير سايب فراغ😉
زهره...بضحك انت قليل الادب علي فكره.
قاسم...الله مش انتي اللي بتقولي انتي اللي قليله الادب علي فكره واعترفي وقولي ان حضني وحشك🤨
زهره.....هو من ناحيه وحشني فاهو وحشني🙈 هتيجي امته بقي والله حاسه انك مسافر بقالك كتير
قاسم...هانت يا قلبي كلها بعد بكره وهتلاقيني جمبك في السرير بدفيكي😉😉
زهره....طيب يلا امشي يا قليل الأدب🙈🙈🙈
قاسم...طيب مفيش بوسه صغيره تصبيره لحد ما اجي
زهره....لا ويلا اقفل🙄
قاسم...بقي كده طيب انتي حره هروح العب بديلي😉
زهره...طب اعملها يا قاسم عشان ليلتك تبقي سوده😠😠
قاسم...طب هاتي بوسه يابت😠
زهره...بابتسامه امووووووه😍
قاسم...أهو كده😉 بحبك يا زهرتي
زهره...وانا بموت فيك
قاسم...عشان خاطري لو تعبتي تاني كلموا الدكتور متقلقنيش عليكي
زهره....حاضر يا حبيبي
قاسم...بوسيلي جنه و قوليلها انها وحشتني
زهره....حاضر يا حبيبي يلا باي
قاسم...باي ياقلبي❣️
...........
في مجموعه الطوبجي
دخلت ملك مكتب زيد بعد ما خبطت.
زيد...تعالي يا ملك.
ملك...أتفضل يا مستر زيد دي كل السيڤيهات اللي حضرتك طلبتها
زيد....التعيينات دي كلها من سنه زي ما قولتلكم؟
ملك...بالظبط دول من سنه كل الموظفين اللي اتعينوا في قسم المحاسبات كلهم فيهم تلاته كانوا في شهر اتنين يعني قبل حكايه السرقه بشهر وفيهم اتنين في شهر واحد وفي واحد في شهر 12 وبيتهيألي نركز اكتر علي الخمسه دول لان الباقي أتعين اغلبهم بعد حوار السرقه يعني كانوا في شهر اربعه بيتهيألي دول بعيد عن دايره الشك
زيد....طيب وشهر تلاته في حد اتعين.
ملك...لا خالص في القسم ده مفيش اي حد أتعين في شهر تلاته عشان كده بقول لحضرتك خلينا نركز مع الخمسه دول افضل يعني نكسب وقت.
زيد...تمام يا ملك انا تاعبك معايا عارف ان ده ملهوش علاقه بشغلك الاساسي خالص
ملك...تعب ايه بس يا مستر زيد وبعدين ده شغلي بردوا وانا تحت امرك اي وقت.
زيد...شكراً ياملك
ملك...طيب حالياً محتاج مني أي حاجه تاني؟
زيد....لحد الوقت لأ كده تمام الباقي ده بتاعي انا.
ملك...طيب عموما لو احتاجت اي حاجه أنا تحت امرك
زيد....ملك
ملك...ايوه يا مستر زيد
زيد...متقلقيش انا مش ناسي التجربه بتاعت التطبيق
ملك...بأبتسامه عارفه يا مستر زيد احنا كده كده مضطرين نستني لان بعد الحسابات الناقصه دي مضطرين نستني
زيد...تمام وانا اوعدك في اقرب وقت هنعمل اجتماع ونجرب التطبيق لأول مره بس نخلص من المشاكل اللي أتحطت فوق راسنا دي.
ملك...إن شاء الله كل حاجه هتتحل متشغلش بال حضرتك
زيد....إن شاء الله يا ملك شكراً مره تانيه يا ملك و تقدري تروحي مكتبك
ملك...العفو يا مستر زيد بعد أذن حضرتك.
زيد...اتفضلي
خرجت ملك ومسك زيد الموبايل اتصل بالجارد بتوع سالم قبل ما سالم ينزل.
زيد...الوو
أمين...ايوه با زيد باشا
زيد....أيوه يا أمين اسمعني كويس اللي هقوله ده مش عايز سالم ياخد علم بيه نهائي تبلغ الجارد التاني اللي معاك بكل اللي هطلبه وتأكد عليه يكون بينا.
أمين...تحت امر حضرتك اتفضل
زيد....بص يا أمين في قلق حاصل الفتره دي وانا مش مطمن عايز سالم يبقي تحت عينكم في كل لحظه مش عايزكم تغفلوا عنه ابداً
امين...اكيد يا زيد باشا احنا بنعمل شغلنا
زيد...لا يا امين انا عايزكم تعملوا اكتر من شغلكم ولو في اي وقت سالم قالكم انه مش محتاجكم تقولوا تمام وفوراً تخرجوا وراه من غير ما يحس انا مش عايز اي حاجه تحصل لسالم.
أمين...طيب هو في حاجه معينه المفروض نفهمها يعني عشان نبقي عارفين نركز في ايه بالظبط
زيد....تركزوا في كل حاجه يا أمين اي حاجه غريبه بتحصل اعرفها تركزوا في كل خطوه تركزوا حد ماشي وراكم ولا لا كل حاجه يا امين.
أمين...بتفكير ااااا طيب اا
زيد....في حاجه يا امين؟
امين...هااا لا لا خلاص مفيش
زيد...انطق يا امين في ايه؟
أمين...هو بصراحه في حاجه غريبه حصلت من كام يوم معرفش حضرتك عندك علم بيها ولا لأ انا هعرفك بس بلاش تعرف مستر سالم انك عرفت.
زيد...قول يا امين متقلقش؟
أمين....حضرتك عارف أدم باشا صاحب سالم باشا
زيد....باستغراب ماله ادم؟🤨
أمين....من كام يوم اتقابلوا في المطعم اللي في النايل ريتز و حصل حاجه غريبه تقريباً اللي فهمته يعني ان ادم باشا كان عايز يبدل دولارات مع سالم باشا
زيد...ايوه سالم قاللي.
أمين...الشنطه اللي فيها الدولارات بتاعت سالم باشا فجأه اختفت من تحت رجله والدنيا أتقلبت وعرف ان في بنت من الموظفين في المكان هي اللي سرقته هي الشنطه رجعت احنا رجعناها علي طول و مكانتش ناقصه دي اخر حاجه حصلت ومعرفش حضرتك عندك علم بيها وهتفيدك في حاجه ولا لأ.
زيد...غريبه سالم مقالش عموما انا هبقي اشوف الحكايه دي المهم نفذ اللي قولتلك عليه واي حاجه غريبه تحصل تعرفني
أمين...تمام يا زيد باشا.
زيد...سلام.
امين...مع السلامه.
قفل زيد واستغرب اللي حصل وقرر انه بعد ما يخلص شغله يروح بنفسه المكان يفهم الحكايه.
...............
في المستشفي
وصل مراد و يوسف سلموا غلي دكتور مجدي وبعدين راحوا لخلود سلموا عليها كانت جهزت لبست نفس العبايه اللي شافها بيها يوسف اول مره بس المرادي من غير نقاب.
مراد...حمدالله علي سلامتك يا آنسه خلود.
خلود...بصوت هادي الله يسلم حضرتك.
يوسف...اتفضلي يا آنسه خلود دي شنطتك و تقدري تشوفي اللي جواها و تطمني بنفسك.
بصتله خلود بابتسامه بسيطه
ايه اللي حضرتك بتقوله ده بس يا استاذ يوسف الشنطه كانت في أمانتك كفايه اوي اللي عملته معايا لحد الوقت بس المهم حضرتك خدت الفلوس بتاعت المستشفي اكيد.
يوسف...بابتسامه ايوه خدتها متقلقيش.
مراد....سيبونا الوقت من الفلوس يوسف قاللي يا آنسه خلود انك محتاجه سكن.
خلود...ياريت دي تبقي اخر خدمه تعملوها معايا.
يوسف...مش هكدب عليكي يا آنسه خلود واسف طبعاً انا أضطريت احكي لمراد و بالمناسبه مراد يبقي عمي وانا حكيتله علي الكلام اللي دار بينا وهو كان يعني.
خلود بابتسامه بسيطه هزت راسها قلقان صح؟
مراد...مش هكدب عليكي ده حقيقي بصي يا آنسه خلود الوضع اللي انتي كنتي فيه كان صعب اوي ومع كل ده انتي رفضتي انك تبلغي بتقولي انك متعرفيش اي حاجه هنا مع انك بتقولي بردوا انك من القاهره الحادثه نفسها كانت غريبه فا من غير زعل انا قلقان يكون في حاجه كبيره وابن اخويا يتورط فيها
خلود...بتفهم حقك طبعاً وليكم حريه الاختيار تساعدوني او لأ بس لو مش حابين بجد شكرً من قلبي علي مل حاجه عملتوها معايا ولو علي السكن انا هتصرف حتي لو تقدروا بس تعرفوني من بعيد لبعيد أسأل مين او مين سمسار يقدر يساعدني.
مراد...علي فكره احنا مفيش عندنا اي مانع اننا نساعدك بس علي الأقل نفهم ولا انتي رأيك ايه.
سكتت خلود شويه مش عارفه تقولهم ولا لا خايفه يستغلوا جهلها بالاماكن وعدم وقوف حد من اهلها جمبها خايفه لما يعرفوا انها ملهاش حد يأذوها إذا كان اللي من دمها آذاها امال الغريب هيعمل ايه اه هما ساعدوها بس خلاص مش قادره تثق في اي حد نزلت دموعها من غير ما تحس.
بص يوسف لمراد بعدم فهم لدموعها وسكوتها.
مراد...آنسه خلود انا مش قاصد اضايقك صدقيني.
بصتله خلود بدموع وضياع🥺💔
خلود....صدقني انا فاهمه وكمان انا عايزه احكي بس صدقني حالياً مش هقدر علي الاقل اسفه يعني محدش يفهمني غلط انا معرفكوش وخايفه اكون بتسرع بس انا عابزه اقولك اني مش حد وحش ولا ورايا مصيبه ولا كل اللي معايا في الشنطه ده انا سرقاه من حد كل الحكايه تقدر تقول اني هربانه من ناس لو وقعت في ايدهم اكيد مش هيرحموني انا عشت سنين معاهم محبوسه معرفش اي حاجه بره اه انا اتعلمت ودرست في معهد كمان بس مكنتش اقدر اروح اي خطوه غير وابن خالتي رجله علي رجلي كنت بخرج الاقيه و اقفلي و مكنتش بروح غير في الامتحانات صدقني انا مفيش طريق حفظاه غير طريق المعهد والبيت بس 🥺
وعشان اكون صادقه معاك اكتر الفلوس اللي معايا فعلاً مسروقه بس مش من حد غريب دول من اهلي وانا مسرقتش دي بنت خالتي هي اللي ساعدتني و ادتهملي و هربتني لان هي اكتر حد عارف انا حصل فيا ايه طول حياتي ورحمه امي و أبويا اللي بقوله ده حقيقه ومش هقدر حالياً اقول غيره حابين تصدقوا و تساعدوني هبقي مديونالكم بعمري مش حابين حقكم وكفايه اوي مساعدتكم ليا لحد الوقت🥺
بص يوسف لمراد بحزن وهز راسه بمعني ياريت نساعدها وحس مراد انها صادقه فعلاً في كلامها وانها محتاجه مساعده زيها زي تقي فا قرر انه يساعدها.
بعد وقت مش طويل وصلوا تحت البيت اللي قاعده فيه تقي
وطلع مراد ويوسف معاها بعد ما وصي الامن عليها يمكن الامن استغربوا بس محدش فيهم يتجرأ يسألهم عن اي حاجه.
فتح مراد الشقه كانت جمب شقه تقي في نفس الدور الشقتين قصاد بعض وفي بنيهم طرقه طويله كلها زرع و مرايات دخلوا كانت خلود مش مصدقه المكان اللي هي فيه و مصدومه ومش قادره تنطق كل اللي في بالها ان اكيد سعرها غالي جداً
مراد....اتفضلي يا آنسه خلود
خلود...انا هقعد هنا.
مراد....ايوه متقلقيش انا وصيت الامن عليكي واي حاجه تحتاجيها هتكلمي يوسف هتكلميهم تحت
خلود...بس اسفه يعني الشقه دي شكلها غالي اوي و...
مراد....بصي يا آنسه خلود البيت ده كله بتاعي والشقه دي فاضيه انا مش محتاجها ومفيش ليها ساكن الوقت تقدري تفضلي فيها المده اللي انتي حباها
خلود...بس انا مش هقدر اقعد فيها من غير فلوس
مراد...سيبك من حكايه الفلوس دي خالص الوقت فوقي و ارتاحي خالص وبعد كده فكري انتي عايزه ايه و ناويه علي ايه وبعدين ياستي نبقي نشوف حمايه الفلوس دي بصي يا خلود و اسمحيلي اقولك خلود من غير اي القاب يوسف ده ابني مش ابن اخويا بس وانتي تقريبا من سنه ومن سن ابني امير يعني زي بنتي
بالظبط انا أكيد مش هسيبك في الشارع وانا مصدقك عارف انك واقعه في مشكله وبردوا عارف انك مش حاله تتكلمي الوقت عموما اعتبري البيت ده بتاعك وبالمناسبه الشقه اللي قدامك فيها بنوته جميله من نفس سنك تقدروا تبقوا صحاب وتسلوا بعض
يوسف....ولو احتاجتي اي حاجه تقدري تتصلي بالإنتركوم اللي هناك ده علي الامن تحت دوسي بس علي رقم واحد هيردوا عيكي ويجيبولك اللي تحتاجيه بدل ما تنزلي وتتوهي ولو احتاجتي تكلميني ده المارت بتاعي فيه رقمي.
خلود...ايوه بس انا مش معايا غير موبايلي ده وبصراحه مش عايزه افتحه🥺
يوسف...بتفهم ممكن تبلغي الامن وهما يكلموني ولو تحبي اجيبلك خط جديد هجبلك واحد
مراد...كمان ممكن تطلبي من تقي وهي تتصل بينا.
خلود...انا مش عارفه اقولكم ايه والله الكلام رايح مني
مراد...متقوليش اي حاجه المهم بس تكوني مرتاحه يلا ارتاحي بقي وعيشي حياتك براحتك
يوسف....هبعتلك شوبه حجات مع الامن تحت لان البيت فاضي
خلود..لا لا معلش بجد شكرا انا هتصرف وهطلب منهم
يوسف...ابقي اطلبي اي وقت براحتك بس الوقت خليني ابعتلك شويه حجات بسيطه اتفقنا.
أبتسمت خلود وهزت دماغها مش عارفه تقولهم ايه علي كل اللي بيعملوا معاها راحت وقفت علي الباب تسلم عليهم في نفس الوقت اللي وصلت تقي فيه.
تقي....ايه ده هو حضرتك هنا
ابتسم مراد وبص لخلود اهي يا ستي جارتك القمر شرفت تعالي يا تقي
قربت منهم تقي بإحراج وعلي وشها ابتسامه جميله مدت ايدها سلمت علي مراد
مراد...تقي ده يوسف ابن اخويا
تقي...اهلا بيك
يوسف...اهلا يا تقي
مراد...ودي ياستي تقدري تعتبريها جارتك و تقدروا كمان تتسلوا مع بعض اسمها خلود
تقي...اهلا يا خلود
خلود...اهلا يا تقي
مراد....تقي عايزك تخلي بالك من خلود لانها كانت تعبانه ولسه خارجه من المستشفي
تقي...الف سلامه عليكي
خلود...شكرا الله يسلمك
مراد....علي فكره يا خلود تقي من بكره هتشتغل معايا في الشركه يعني هتبقي طول النهار مش موجوده وعلي المغرب هتبقي معاكي وطول المده دي متقلقيش مش هتبقي لوحدك البيت في ناس ساكنه وكمان الامن تحت يعني انتي مش لوحدك
خلود...تمام حضرتك
يوسف.... يلا يا خلود ادخلي انتي ارتاحي الوقت ولو احتاجتي اي حاجه بلغيني
خلود....حاضر شكراً مره تانيه ليكم❣️
سلموا عليها وبعدوا عن الباب وهي دخلت وقفلت
مراد....تقي عايزك تخلي بالك من البنت دي وبعدين هفهمك حكايتها اللي انا تقريبا مش فاهمها
ابتسمت تقي يعني ايه
مراد...بابتسامه والله ماعارف 😂
يوسف....البنت دي انا شوفتها وانا واقف في الاشاره فضلت واقفه سانده علي العربيه نزلتلها اساعدها اتفاجئت انها تقريباً واكله علقه محترمه وكانت بتموت وصلتها المستشفي ودخلوها عمليات فورا لان كان عندها نزيف في المعده تقريبا من الضرب وبعد كده لما فاقت لا رضيت تعمل محضر ولا راضيه تتصل باي حد من اهلها وبتقول ان اللي عمل فيها كده ابن خالتها وبس دي كل الحكايه وطلبت سكن مراد جابها هنا
بصتله تقي بأبتسامه إعجاب حضرتك شكلك كده ربنا مخليك الملاك بتاع الارض
مراد...بابتسامه مش اوي كده
تقي...لا والله دي مش مجامله حضرتك حد عظيم بجد
يوسف....مراد ده اجدع حد ممكن تعرفيه في حياتك
مراد...بضحك طيب بس بقي احسن ثانيه واحده وهعيط منكم🤨
تقي...طيب ليه مجبتهاش تعيش معايا
مراد....محبتش اضايقك يا تقي ولا احسسك انك مضطره توافقي علي اي حاجه تتفرض عليكي انا وعدتك اشوفلك مكان تحسي انه بتاعك
تقي...بالعكس مكنتش هضايق والله في النهايه ده بيتك
مراد.. لت ده بيتك انتي عموما هي جمبك خدي بالك منها عشان واضح ان نفسيتها تعبانه جدا وياستي لو بقيتوا صحاب وخدتوا علي بعض وحابين انكم تبقوا في مكان واحد ابقوا اعملوا اللي يريحكم في النهايه ده قراركم.
يوسف...بالظبط خصوصا ده افضل ليها هي كمان لان واضح انها معندهاش ثقه لسه في حد لو قدرتي تكتسبي ثقتها و ترتاحلك ابقوا خليكوا مع بعض وقتها.
تقي.. اطمنوا و سيبوها عليا
مراد...صحيح جبتي اللي ناقصك كله.
تقي...ايوه جبت كل حاجه
مراد...جاهزه للشغل بكره🤨
تقي...جاهزه طبعاً
مراد...هنشوف بكره ان شاء الله الساعه 8 بالظبط هتلاقي في باص صغير تبع الشركه هيوصلك كل يوم ويجيبك تمام
تقي...بسعاده تمام
مراد...طيب هنمشي احنا بقي
يوسف....فرصه سعيده يا آنسه تقي
تقي...انا اسعد والله طيب مش هتشربوا حاجه انا جبت بن علي فكره
ابتسم مراد لا خليها مره تانيه بقي يلا خدوا بالكم من بعض
تقي...حاضر سلام😍
مراد....سلام
يوسف...باي
تقي...باي
.............
في منزل الباشا
كاريمان كانت قاعده مبسوطه و طايره من الفرحه وكل شغلها انها تريح فيروز و تشوف كل طلباتها فيروز كانت مستغربه بس أفتكرت كلام روح ليها انها بمجرد ما هتحمل هتتغير معاها وفعلاً ده اللي حصل.
اما سما وكاميليا كانوا هيموتوا خصوصا سما.
كاميليا....انا مش فاهمه انتي عيزاني اعمل ايه الوقت
سما...تعملي كل اللي طلبته منك بالحرف وقت ما اقولك اني هبدأ تكوني انتي بره متبعاني وتدخلي في الوقت المناسب
كاميليا....ياسما انا بقول بلاش وخلينا نرجع بيتنا
سما ..وانا قولتلك اني مش همشي من هنا ابداً وهنفذ اللي في دماغي انتي مش شايفه اختك بقت عامله ازاي دي كأنها مبقتش شايفه حد غير فيروز
كاميليا....خبر الحمل لحس دماغها خالص.
سما....عشان كده لازم تمشي ورايا ولو كاريمان هانم نسيت وعدوها ليا وليكي انا بقي هنفذ بنفسي وخليها فرحانه بقي بست فيروز
كاميليا...طيب و هتعملي كده امته
سما....انهارده لما يرجع
كاميليا...ربنا يستر خليني كده ماشيه وراكي اما نشوف اخرتها
..............
مر الوقت وبدأ الموظفين يمشوا من مجموعه الطوبجي وفضل زيد قاعد يراجع في الورق و سرحان بيدون اسامي الخمسه اللي اتعينوا في ورقه مسكها في ايده وفضل باصص علي اساميهم بتركيز
فجأه رن موبايله كانت روح
زيد....حبيبه قلبي❣️
روح....والله العظيم انا زعلانه منك بجد🥺
زيد...ليه بس يا روح مقدرش علي زعلك.
روح...لو متقدرش علي زعلي بجد يبقي ترجع
كان الكلام قصاد زهره وصبا وجنه وفرح حست صبا بالتوتر وفضلت متابعه روح عشان تشوف هتوصل لايه هتقدر تقنع زيد ولا مش هيرجع كانت بتدعي انه ميرجعش ويفضل بعيد.
زيد...يا روح هو انا مسافر انا جمبك يا حبيبتي
روح....انت بالنسبالي مسافر بقالك كام يوم سايب القصر من غير اي سبب ومش بشوفك
زيد...يا حبيبه قلبي والله عندي شغل و حسيت اني محتاج تركيز مش اكتر عشان كده قولت افضل لوحدي.
روح...انا مليش دعوه بالكلام ده انا عايزه اشوفك ومش عايزه اي كلام كتير انت تيجي انهارده علي هنا وإلا والله هزعل منك بجد
زيد...طيب أسمعيني عشان خاطري وبلاش تنشفى راسك انا ورايا كام حاجه مهمه محتاج اركز فيهم وأوعدك هخلصهم وهجيلك أتفقنا
روح...لا متفقناش يا زيد وبجد لو مرجعتش هزعل منك كفايه اخوانك اللي مسافرين دول حاسه اني ناقصني حاجه كبيره وكفايه نادر اللي قلبي واجعني عليه ومرعوبه بسببه مش هتيجي انت كمان توجع قلبي 🥺
زيد....بتنهيده ياروح أسمعيني.
روح....خلاص يا زيد اعمل اللي يريحك يلا سلام
زيد...روح يا روح ااااااااه ليه بس كده ياروح والله انا ما ناقص.
حط زيد الورقه في جيبه وقام مشي علي الڤيلا حاسس انه مش قادر يركز خلاص
...............
زهره...ما تسيبيه ياروح هو مش قالك شغل
روح...قلبي مش مرتاح وولادي بعيد عني كده يا زهره.
زهره...يا حبيبتي ما كلهم مع زيد في الشغل كل بوم يعني مفيهوش حاجه
روح...براحته بقي انا قولت اللي عندي واياك ميجيش
صبا...سيبيه براحته يا روح هو مش صغير وبعدين دي مش اول مره يعني يروح الڤيلا هو ديماً بيروح لما بيكون عنده شغل ومحتاج يركز
روح.....وحشني ومش متعوده ولادي يبعدوا مره واحده كده عني
زهره...إن شاء الله كلها كام يوم وقاسم وايمن يوصلوا ونادر يجي هو كمان اول ما المطارات تفتح
روح...يارب يا زهره.
في الوقت ده وصلت ليلي قدام القصر بصتله بشوق كبير بقالها زمن مدخلتهوش وحشها قعدتها معاهم كلهم في الجنينه كلامهم وضحكهم وهزارهم قربت من البوابه وضربت الكلاكس اول نا البواب شافها فرح وسلم عليها وبسرعه فتحلها
روح...ايه ده دي ليلي.
زهره...ايوه هي 😍
دخلت ليلي ركنت العربيه ونزلت وراحت عليهم سلمت عليهم ورحبوا بيها كانوا فرحانين بوجودها جداً
ليلي....ايه ياروح عامله ايه الوقت عارفه انك هتتجنني علي نادر وكنت عايزه اجيلك من وقت ما حصل اللي حصل بس سامحيني مش عارفه اسيب مامي خالص
روح.. انا عارفه يا حبيبتي والله ربنا يشفيها نادر بطمن عليه الحمد لله هو احسن وانهارده راح مدينه تانيه فال انها امان وربنا يستر
ليلي...خير يا حبيبه قلبي هيرجع اطمني نادر قدها.
روح...يارب. انا مبسوطه اوي انك جيتي متتخيليش فرحتي بالاخبار اللي قالها راجح
زهره...ايوه بقي القمر هيجي يعيش معانا هنا😍
ليلي...بابتسامه ادعوا بس لمامي تقوم بالسلامه
روح .يارب يقومها بالف خير
صبا...طيب مفيش جديد في حالتها
ليلي.. لسه والله ياصبا شويه تقوم وتقول كلمتين وشويه ترجع تنام مش عارفه اخرتها ايه
زهره...خير اخرتها خير ان شاء الله
ليلي...يارب يازهره... وبصت علي جنه وفرح وابتسمت احنا بقينا قمرااات اوي
فرح...بحب وحشتيني يا ليلي😍🥺
ليلي...وانتي ياروح ليلي مشوفتكيش انتي وجنه من زمان كنتوا لسه صغيرين بس ماشاء الله بقوا عرايس ياروح
روح...يا اختي انتي كمان انتي بتكبري نفسك انتي اصغر منهم
ضحكوا كلهم علي طريقه روح
واندمجوا في الكلام مع بعض كانوا طايرين من الفرحه وليلي كانت مبسوطه جداً.
وطالت قعدتهم مع بعض من غير ما يحسوا
رجع راجح و داوود وامير وجلال وياسين وحتي سالم انضموا ليهم وقضوا وقت جميل جداً
في الوقت ده وصل مراد ويوسف.
اول ما شافها مراد ابتسم ووجه كلامه ليوسف
مراد....طيب بذمتك يا ولا يا يوسف مش انا محظوظ
يوسف...طول عمرك😉
مراد...يالهوي يا ناس قمرات تحس كده في نور خارج علينا كده مش عارف الاقيها منين ولا منيني
روح ولا ليلي ولا صبا ولا زهره ولا فرح وجنه ايه ده يا ناس بقي بالذمه في كده
روح...بضحك بكاش اوي طول عمره
مراد...طب والله ما بكش يعني حاجه حلوه لما اخواتي يبقوا متجوزين قمرات كده طب تصدقوا بالله
الكل.... لا إله إلا الله
مراد....روح وليلي اصغر من البت فرح وجنه
ضحكوا كلهم علي مراد
فرح..بضحك بقي كده يا مودي
جنه....صراحه عنده حق هو في حلاوه كده
مراد...بابتسامه بتفهمي يا بت يا بنت قاسم😉
قرب مراد من ليلي سلم عليها وحضنها والله وحشاني
ليلي...علي اساس يا سي مراد سألت عني من يوم ما جيت انا زعلانه علي فكره
مراد...حقك والله العظيم بس عارف انك هتعذريني مكنتش عارف غير اني اكلمك واطمن عليكي بس انتي عارفه راجح في الشغل مبيرحمش اوامر اوامر اوامر وهو قاعد جمب الست روح🤨
راجح....قاعد فين يا ابن الكلب ما انا معاكم كل يوم في الشركه هو انا عارف اتهني بروح طول ما عينكم علينا
ضحكوا كلهم علي راجح اللي طلع في مراد.
سالم....عاجبك انت كده بتحب تجيب الكلام لروحك😂😂
راجح...يستاهل ماهو لسانه طويل الواد ساكتله من ساعت ما دخل وقاعد يعاكس في روح مفيش ادب
مراد...لسه بتغير يا باشا بس الشهاده لله روح يتغار عليها حقك
راجح...بنرفزه حد يشيل ابن الكلب ده من قدامي😠
فضلوا كلهم يضحكوا مع بعض
أمير بهدوء قرب من فرح.
أمير...انتي كويسه
فرح. حست انها قلبها بيدق بعنف فظيع وبعد ما مانت بتضحك اختفت ضحكتها بسرعه
فرح...احممم اه يا امير بخير
امير....امال انا ليه حاسس انك مش بخير خالص
فرح.. ليه ما انا زي الفل اهو
امير...معاهم كلهم يا فرح بس معايا حاسس انك متغيره وانا مش عارف عملت ايه زعلك
فرح...معملتش يا امير مالك في ايه
امير...انا تمام بس بقولك علي اللي حاسس بيه من اخر مره اتكلمنا مع بعض وقولتي انك مش عايزاني اعلمك السواقه تاني وانتي متغيره ومش عارف ممكن اكون ضايقتك في ايه لو في حاجه قوليلي احنا عمرنا ما زعلنا من بعض
فرح...بأبتسامه بسيط اديك قولت عمرنا ما زعلنا من بعض يعني اكيد مفيش حاجه
أمير...بأبتسامه بسيطه اكيد
هزت فىح راسها وهي بتبتسم غصب عنها اكيد
امير....خلاص يبقي تأكديلي
فرح...أكدلك ازاي.
أمير....يوم الجمعه اخدك انتي وجنه وجلال ونخرج شويه مع بعض ايه رأيك.
فرح...احممم عادي ماشي وشيل من دماغك اني زعلانه منك دي مفيش حد بيزعل من اخوه صح يا امير🥺
قالت اخر جمله بنبره وجع كبيره لأول مره يحسها أمير خصوصا بعد كلام مراد معاه ان فرح بتحبه
أبتسم امير وهز راسه صح يا فرح بس احنا نش اخوات بس احنا اصحاب صح
فرح...اه صح🙂🥺
أمير...خلاص يبقي اتفقنا هنخرج سوا ماشي
فرح...ماشي.
الوقت بينهم وبين ليلي كان جميل وصمم راجح انها تتعشي معاهم وفعلاً قعدت لأنها كانت مشتاقه للمه بتاعتهم اوي.
..................
وصل حسام ومنذر كانت فيروز قاعده في الجنينه عشان زهقت
نزل حسام وسبق منذر عشان كان معاه تليفون
سلم حسام علي فيروز بحب
فيروز...يلا اطلع خد شاور وغير بسرعه عشان انا وابنك جعانين ولا اقوله انك مجوعنا🤨
حسام...بضحك لا وعلي ايه طالع يا افندم باس راسها وطلع بسرعه
كانت مبسوطه ومبتسمه دخل منذر بهدوء وهو عينه عليها بحب وهي مش واخده بالها
لفت فيروز وشها وبمجرد ما لمحته غير بسرعه منذر ملامحه وابتسم
منذر ...ازيك يا فيروز
فيروز...اذيك انت يا منذر عامل ايه
منذر..الحمد تمام عايش قعد جمبها علي الكرسي اللي قدامها ايه الاخبار وقاعده ليه في الجو ده مش برد عليكي
فيروز....لا الجو حلو بس زهقت قولت انزل تحت شويه
منذر....طيب تمام البيه ولا الانسه عاملين ايه
ضحكت فيروز وبصت علي بطنها
لحد الوقت بخير
منذر....إن شاء الله هيفضلوا زي الفل
فيروز...يارب يا منذر
ضحك منذر وبصلها حسام شكل عقله طار بالخبر وطول اليوم مش مركز وشكلي كده هطرده من الشركه🤨 بسببكم
ضحكت فيروز...مع اني يعني مش عارفه ليه حاسه انه مش فرحان
منذر...ازاي بس بالعكس هو فرحان جدا ليه بتقولي كده
فيروز...مش عارفه مجرد أحساس
منذر...لا خالص هو يمكن لسه متفاجئ و متاخد شويه يستوعب بس الخبر وهتلاقيه مبسوط جدا
فيروز...بأبتسامه عقبال ما نفرح بيك يا منذر❣️
منذر...انا😂😂 قولي يارب
فيروز....يارب.
...........
اما سما بمجرد ما لمحت حسام طالع وقفت علي باب الاوضه واول ما شافته مسكته من ايده وشدته لجوه اوضتها
حسام...بغضب انتي مجنونه انتي بتعملي ايه
سما....انا فعلا اتجننت با حسام انا عقلي بايظ من الصبح من التفكير أرجوك قولي انك لاقيت حل في المصيبه دي وبدأت تعيط عشان خاطري يا حسام اعمل حاجه
حسام...طيب ممكن تهدي شويه
سما...اهدي ازاي بس يا حسام قولي كل ما ابص في عين ماما اترعب سالتني انهارده ميت مره فيكي ايه وانا مش عارفه اقولها ايه
اقولها اني مبقتش بنت بسبب حسام ابن اختك 🥺
وفجأه فتحت كاميليا الباب وهي مصدومه😳
بص حسام وسما علي الباب بصدمه😳
كاميليا...انتي بتقولي ايه يا سما
قولي ان اللي انا سمعته ده مش صح🥺
اتكلم انت يا حسام قولي ان سما مش بتقول الحقيقه💔
حط حسام ايده الاتنين علي راسه يضغط جامد ومبقاش عارف ينطق من الصدمه💔
كاميليا...انطقوا ساكتين لييييييه
سما...انا هقولك كل حاجه عشان ارتاح 🥺
وقف حسام وهو حاسس انه خلاص بينهار
- يتبع الفصل التالي اضغط على (رواية احفاد الطوبجي) اسم الرواية