رواية احفاد الطوبجي(1) الفصل الحادي والعشرون 21 - بقلم اميرة اسامه
البارت ده يعتبر بيحكي اللي حصل خلال اليوم الكارثي في البارت العشرين والاحداث الصغيره اللي متكلمناش عنها
وكمان هيفكركم بكل حاجه حصلت للناس اللي نسيت اشوف بقي احلي تفاعل وعايزه اقولكم ان البارت 22 هيبقي قنبله بمعني الكلمه😁✋🏻🙂
البارت الحادي والعشرون..
...............
كنت أظن أن الأيام التي أعيشها هي أسوأ أيام حياتى ولم أكن أعلم أن السيئ لم يأتي بعد !!
ولكن هذا اليوم تحديداً لم يكن مجرد يوم عابر بل كان كابـ ـوساً صعب نسيانه حتى ولو طال العمر
شعور مؤلـ ـم أن تكون مصدر قوه لكل من حولك وأنت في أمس الحاجه لم تستمد منه القوه .
شعور مميت أن ترى كل من حولك يتألمون و أنت مضطر تداوي جراحِهم و لم تعير إهتمام لآلام قلبك وتاركه ينـ ـزف بلا رحمه.
دائماً كنت سند لكل من يميل ظهره و تناسيت أنحناء ظهري
دائماً كنت مصدر أمان لكل من حولي في الوقت الذي كنت أفتقد فيه الامان والخـ ـوف ينهش في قلبي.💔
دائماً كنت من أنصت و أقدم الحلول و النصائح ولم أجد من يسمعني ولم أجد يوماً حلاً لما أعانيه.
الحياه بطبيعتها مرهقه و لكن كنت دائماً أتصدى لها حتى جاء هذا اليوم عَلمتُ أن كل ما فات من شقاء لا يضاهي شقاء ووجـ ـع هذا اليوم وما جاء من بعده من توابع ضربه تليها ضربه تليها ضربه
حتى أقسمت أنني أقف على حافه الهاويه جسد بلا روح فا روحى قد فارقت الحياه وجسدي مازال حي يدافع ويسدد الضربات عن كل من حولي حاولت على قدر المستطاع أن أتمالك نفسي و أتمسك بأخر نفس لدي حتى أبعد هذا الهجوم الشرس عن كل من حولي ولكني كنت بحاجه إلي الإنهيار و مع الأسف!! حتى الإنهيار لم يكن أمر سهل ولم يكن الضعف أختيار مباح لي ! 💔
أحياناً تكون بحاجه إلي أن تنهار
و تتخلى عن قناع القوه الذى تتظاهر به دوماً و تتمنى أن تختلي بلحظه ضعف تعبر بها عن آلـ ـام قلبك ولكن في هذا اليوم تحديداً كانت القوه أمر أجبارى والضعف مجرد ضيف تمناه قلبك ولم يجد لديه مكان داخله💔
فإذا كانت لدي أمنية وحيده في هذه الحياه فأريد فقط ان أصـ ـررررررخ
💔زيد💔
.....................
الكارما تعود من جديد بكل قوه وجبروت هجوم شرس على الجميع وكأن هذا اليوم كان بمثابه تصفيه حسابات من الجميع احياناً ندفع ثمن غلطات الغير وأحياناً ندفع ثمن غلطات لم نكن نعلم انها غلطات من الأساس.
ولكن الكارما لم تفرق بين الغلط الكبير والصغير ولا تفرق بين الغلط المقصود والغير مقصود
كلها مجرد ديون وحان وقت السداد !!
قبل عدة ساعات 🔥🔥
في تركيا..
دخل نادر البيت بعد لف وتدوير ساعتين على مريم اللي اختفت في لمح البصر.
قعد نادر على الكرسي اللي جمب الباب فقد الأمل انه يلاقيها وتعب من كتر الجري وصوته إتنبح من كتر ما نادى عليها.
لكن من جواه شعور بعدم الراحه شايف انه مقصر في حقها عايز يخرج من تاني يمكن يلاقيها فضل رايح جاي و يبص من الشباك يمكن ترجع خرج تاني بسرعه فضل يلف حوالين البيت
وفي كل ركن وكل شارع كان عامل زي اللي ابنه ضاع منه وسط زحمه مش عارف عملت كده ليه وايه السبب مشيت راحت فين وهي مش معاها فلوس ولا اي هويه تخليها ترجع بلدها سأل نفسه الف سؤال مش عارف هي فعلاً اللي كتبت بأيدها وهي اللي مشيت ولا في حد كان مراقب خروجه و خطفها بس لو ده اللي حصل مين هيخطفها ويعرفها منين و مصلحته ايه؟
تعب نادر من الأسئله اللي ملهاش إجابه رجع على البيت وهو حاسس روحه بتتسحب منه مسك موبايله وفتح الصور اللي اتصورها معاها.. وبمجرد ما شاف صورتها ابتسم ابتسامه وجـ ـع وحزن
صوره مطلعه فيها لسانها وصوره مبهدل وشها بالآيس كريم وصوره تانيه وهي بتضحك من قلبها وصوره وهي بتجري وراء الحمام اللي في الارض
يمكن قعدوا مع بعض حوالي ثلاث اسابيع لكن كانوا بالنسباله و بالنسبالها عمر بحاله
احساس اول مره يعيشه معاها كان حاسس انه في حلم جميل بس مكانش يعرف انه هيصحى منه بالطريقه دي💔
بص نادر للصوره
نادر...ليه كده يا مريم ؟عملتي فيا كده ليه ؟ لما أنتي كنتي ناويه تختفي ظهرتي ليه من الاول انا كنت عايش حياتي عادي ومرتاح
لما ظهرتي كنت فاكر ان حياتي اللي فاتت من غيرك ملهاش اي لازمه واني اخيراً لقيت نفسي اللي بدور عليها طول عمري طلعتي وهم كبير سبتيني تايهه لانا عارف أزاي هرجع تاني لحياتي ولا عارف أزاي اكمل اللي جاي من غيرك ولا عارف حتى انتي كويسه ولا فيكي حاجه انا مش عارفها.
مسك نادر موبايله واتصل على زيد وهو حاسس انه بينهار.
في الوقت ده كان زيد راجع القصر بعد غياب ايام واللي رجعه زعل روح منه.
زيد...الووو
نادر....بحزن ايوه يا زيد
زيد...ايوه يا نادر مالك صوتك ماله انت كويس.
نادر...مش كويس يا زيد انت فين؟
زيد...انا رايح على القصر عشان روح مش بطله زن عليا طمني في ايه؟
نادر.....انا عايز ارجع مصر حالاً يا زيد.
زيد...ايه؟ ترجع ازاي المطارات لسه مقفوله؟
نادر...بعصبيه وصوت عالي لاااا سمعت انها فتحت انهارده الرحلات مش كتير بس المهم انها فتحت
زيد...طيب ممكن تهدى قولي بس في ايه
نادر....انت مبتفهمش بقولك عايز ارجع يا زيد اتصررررف
زيد...طيب طيب أهدى انت بس وانا هتصرف بس قولي طيب و طمني انت فيك حاجه
نادر....زيد انا لو فضلت هنا اكتر من كده هيجرالي حاجه
زيد....حاضر يا حبيبي خلاص ارجع وبعدين انت بتقول ان المطارات فتحت احجز وتعالى
نادر...هو انا لو عارف احجز كنت كلمتك بقولك مش بياخدوا رحلات كتير و اغلبها حالات حرجه لازم تطلع بره البلد المطارات زحمه بطريقه مرعـ ـبه الكل عايز يطلع بره البلد ومحدش عارف ولا حد سأل فيهم😠
زيد...طيب متقلقش انا هتصرف
نادر...بعصبيه هتتصرف ازاي بقولك مش بياخدوا اي حد
زيد...بنفس العصبيه ممكن تخرس بقى قولتلك هتصرف انا ليا علاقاتي اللي هتخليك تكون هنا في اقرب وقت اديني بس ساعه ولا اتنين اكون ظبط الدنيا عندك وهرجع اكلمك
نادر...ماشي يا زيد وانا مستني.
زيد....خلي بالك من نفسك وشويه و هرجعلك سلام
قفل نادر الموبايل وحطه جمبه بعنف ورجع راسه لوراء وهو على اخره.
............
عند مريم ركبت مع الجارد العربيه
وهي باصه للطريق وكل ما المسافه بينها وبين نادر تبعد تحس قلبها بيتقبض و بتتخنق مكانتش بتتكلم واحد من الجارد سايق العربيه والتاني قاعد جنبه وهي وراء لوحدها دموعها نازله في صمت🥺
نبيل....الووو ايوه يا عزيز باشا مريم هانم معانا اطمن
عزيز...هي كويسه؟
نبيل...ايوه بخير و طالعين حالا على المطار.
عزيز....ادهالي.
لف نبيل وهو بيدلها ايده بالتليفون
نبيل....مريم هانم عزيز باشا عايز يكلم حضرتك.
بصتله مريم ومدت ايدها وهي بتترعش حطت الموبايله على ودنها.
مريم...ااا االو
عزيز....حمدالله على سلامتك يا حبيبتي
مريم....الله يسلمك.
عزيز....انتي كويسه طمنيني عليكي.
مريم....بخير... هو هو انا هسافر ازاي؟
عزيز...اطمني يا حبيبتي ومتفكريش كتير انا مظبط كل حاجه
مريم....انا مش معايا باسبور🥺
عزيز....عارف و متقلقيش قولتلك انا مظبط كل حاجه هترجعي هتلاقيني مستني في المطار خلي بالك من نفسك ماشي؟
مريم....حاضر🥺
عزيز...هاتي نبيل.
مدت مريم ايدها بالموبايل ورجعت سندت تاني على الشباك وهي دموعها بتجري بهيستريا على خدها وكل اللي بتفكر فيه هو نادر وبس!!!
عزيز....نبيل تخلي بالك منها كويس انت فاهم
نبيل...طبعا يا باشا متقلقش هتبقى بخير
عزيز....قبل ما تطلع الطياره تعرفني وهتوصلوا هتلاقيني في المطار.
نبيل....تمام يا باشا مع الف سلامه.
................
بعد حوالي ساعه كان وصل زيد وصالح روح وبعدين طلع اوضه يرتاح وينام شويه.
قبل ما ينام اتصل على نادر.
رد نادر بسرعه...ايوه يا زيد
زيد....جهز نفسك طيارتك الساعه
عشره الصبح.
نادر....لسه هستنى عشره الصبح يا زيد.
زيد...بعصبيه في ايه يا نادر😠 إحمد ربنا اني قدرت الاقيلك مكان في الطياره اصلاً انت مش شايف البلد عندك عامله ازاي انا عشان ارجعك شايل جمايل فوق كتافي قد كده لكل حد ساعدني انك تكون بكره في مصر وبعدين انا مش فاهم في ايه مالك متسربع كده ليه انت عامل مصيبه وانا مش عارف😠
نادر....بتنهيده اقفل يازيد اقفل الله يرضى عنك انا على اخري
زيد...بقلق طيب طمني يا نادر قولي في ايه متخـ ـوفنيش عليك
نادر....والله مافي حاجه اطمن انا بخير كل الحكايه اني مخنـ ـوق ومش طايق اقعد في البلد دي دقيقه لما هاجي هحكيلك كل حاجه
زيد...طيب خد بالك من نفسك يا حبيبي وانا هكلم السواق و الجارد بتوعك يكونوا عندك على معاد خروجك
نادر....ماشي يا حبيبي ربنا ما يحرمني منك.
زيد....بحب ولا منك يا حبيبي♥️يلا خد بالك من نفسك وانا هكلمك الصبح قبل ما تطلع الطياره.
نادر...تمام يلا سلام.
زيد....سلام.
قفل زيد معاه واتصل بلغ الجارد و السواق وقفل ونام.
.............
وصل قاسم وزهره في العياده عشان يطمنوا على الحمل
جنه...هو احنا مش هندخل بقى
زهره....البنت قالت في كشف جوه هو هيخرج واحنا ندخل وبعدين مستعجله على ايه🤨
جنه...ودي عايزه سؤال عايزه اشوف اخويا طبعاً
زهره....اخوكي😒!! خلاص عرفتي انه اخوكي مش اختك
قاسم...بضحك بنت ابوها بصحيح😉
جنه...بس بقولك ايه يا سي بابي اوعى تفكر انه لو جه ولد انا هسيبك تحبه اكتر مني😠
زهره...بضحكه شماته قابل بقى بنت ابوها 😂😂أحسن اهي قلبت عليك
قاسم...طيب بزمتك في حد يبقى عنده بنت زي القمر كده ويحب حتت عيل صغير اكتر منها🙄
فرح...🙄بيثبتك خدي بالك
قاسم....يابت اسكتي متسخنيهاش
فرح...بضحك الله مش بعرفها اللي هيحصل اصل ده اللي حصل معانا اوعي يغرك يعني ان احنا عشر اخوات راجح باشا يوم ما سي جلال شرف كان طاير من الفرحه كانه مخلفش غيره بس يظهر ان اخر العنقود ده بيجي ياخد الحب والدلع كله😁
جنه....بت انتي اسكتي انتي هتخليني اكره الواد ده قبل ما يجي😠
زهره...بضحك ما تسكتي يا فرح انتي جايه تهدي النفوس🙈🙈
ثواني وخرجت المساعده تبلغهم ان الدكتور منتظرهم دخلوا جوه وبعد السلام بدأ الدكتور يسألها شويه أسأله.
وبعدين طلعت عشان يكشف عليها.
بمجرد ما جهاز السونار لمس بطنها ظهر البيبي على الشاشه.
جنه...ايه ده الله ده بيتحرك
فرح...ماشاء الله 😍
زهره....😳 دكتور هو ازاي كبير كده لما كنت بشوف جنه وهي لسه بيبي كانت صغيره في الاول
قاسم...بضحك قولي ماشاء الله وبعدين جنه كانت صغيره اوي لما اتولدت البيبي ده شكله وزنه هيبقى حلو واعرف اشيله.
ضحك الددكتور ...ماشاء الله بس هو وزنه مش زايد ولا حاجه هو يعتبر في بدايه الوزن يمكن كمان يكون ناقص حوالي 100 جرام واضح انك مش بتاكلي كويس.
زهره...🙄🙄كده و ناقص 100 جرام امال لما يعدي 9 شهور هيبقى عامل ازاي هيخرج يجيب الأكل بنفسه ويرجع
قاسم بضحك لا محدش يحسد ابني لو سمحت خليه ياكل براحته اديكي شايفه الدكتور بيقول ناقص 100 جرام.
ضحك الدكتور بأستغراب
الدكتور....معلش بس لحظه واحده واضح ان في حاجه غلط تسع شهور ايه حضرتك يا مدام زهره تقصدي خمس شهور ويمكن أقل
بصوا كلهم للدكتور بصدمه
زهره....خمس شهور ؟؟ حضرتك تقصد ايه انا مش فاهمه حاجه
الدكتور....انتي حامل في الشهر الرابع
زهره...ايه رابــــع😳
قاسم ضحك وبعدين اتصدم رابع😳 ازاي يا دكتور بس
الدكتور....والله الحسابات قدامي عالجهاز بتقول كده
زهره...بصدمه ازاي ؟ أكيد في حاجه غلط انا مفيش عندي بطن اه انا حاسه اني وزني زاد شويه حركتي قلت بس مفيش اي عرض من اعراض الحمل حسيت بيها حتى التعب اللي حصلي مطولش هما يومين تلاته لكن ساعت جنه كنت تعبانه وبرجع من أول شهر لحد الشهر الخامس أزاي اوصل للرابع وانا لا حاسه بغثيان ولا نوم ولا تعب انا شكيت انهم شويه برد في معدتي مش اكتر
الدكتور....كل حمل اعراضه مختلفه عن الحمل اللي قبله
زهره....طيب ازاي انا البريود كانت بتجيلي عادي.
الدكتور....اخر معاد ليها كان امته؟
زهره....بتفكير لا بصراحه مش فاكره هي يمكن فعلاً متأخره بقالها شويه وتقريباً مكنتش مركزه امته بالظبط لأن اخر مره شوفتها كانت ممكن من شهرين لكن كان ممكن تنزل في اليوم مره وحاجه بسيطه جداً لدرجه اني كنت فاكره انها خلاص ممكن تتقطع و متجيش تاني.😳
الدكتور...بإبتسامه اولاً في ناس ممكن تحمل والدوره الشهريه تفضل تنزل في معادها عادي كل شهر بتبقى حالات فرديه زي ما في ناس ممكن تحمل عادي جداً أثناء الرضاعه يعني الكلام اللي بيتقال ان لازم اللبن ينشف من صدر الام عشان تقدر تحمل ده كلام لا اساس له من الصحه
اما بالنسبه لنزولها في حالتك ممكن تكوني عملتي مجهود وقتها بس ربنا عداها على خير والحمد لله الحمل كويس جداً انتي بس محتاجه تغذيه وفيتامينات لأن من كلامك انتي مش بتاخدي حاجه خالص.
زهره....فعلاً انا اصلاً كنت فاكره ان ده أول شهر.
الدكتور....تمام انا هكتبلك شويه ڤيتامينات والمره الجايه عايز الوزن بتاع البيبي يزيد
قاسم...بفرحه اطمن يا دكتور انا هفضل وراها بالأكل لحد ما يزيد.
الدكتور....بضحك دي مهمتك يا بطل.
فرح...بسعاده الله يعني كمان خمس شهور هيكون عندنا بيبي😍
قاسم...ان شاء الله.
زهره...طيب يا دكتور انا ليه بطني مش كبيره؟
الدكتور....اطمني بمجرد ما تدخلي في السادس هيبدأ حجمه يتضاعف.
قاسم....طيب يا دكتور هو كده النوع بتاعه مش المفروض يبان ولا لسه بردوا.
ابتسم الدكتور وبصله مستعجل اوي.
قاسم...بسعاده بص لزهره ورجع بصله بصراحه عايز أعرف.😍
الدكتور....لو على النوع يا سيدي هو بان فعلاً بس الأول قولي نفسك في ولد ولا بنت.
بص قاسم لزهره لمح دموعها نازله أبتسملها بحب ♥️
قاسم....بصراحه مش عارف يمكن أول ما عرفت إن زهره حامل أتمنيت يكون ولد بس الوقت لما عرفت ان البيبي كلها خمس شهور ويكون قدام عيني إتلغبطت وسواء ولد او بنت صدقني هكون مبسوط.
الدكتور....وانتي يا مدام يا زهره؟
زهره....بصت زهره لقاسم لو بنت هكون مبسوطه طبعاً عشان هتكون صاحبه جنه ولو ولد هكون مبسوطه عشان قاسم❣️
جنه...بفرحه وانا بقى ولد او بنت مش فارقه المهم يكون ليا اخ او اخت.
فرح....طب ما تشوف كده يا دكتور يمكن توأم😂
ضحكوا كلهم على فرح.
الدكتور....لا هو واحد بس وبص لقاسم بإبتسامه مبروك ولي العهد يا بطل.
حس قاسم انه طاير من الفرحه مسكته زهره من ايده بحب باس قاسم كف ايده وحمد ربنا في سره وهو حاسس ان قلبه هيخرج من مكانه من كتر فرحته.
جنه....مبروك يا مامي😍
فرح....مبروك يا حبيبي ياربي في عزك يارب
حضنها قاسم بحب عقبالك يا احلى فروحه في الدنيا.
جنه...مبروك يا سي بابي بس خليك فاكر جنه هي رقم واحد
شدها قاسم لحضنه ده هيبقى ضهرك و سندك 🥺
جنه....انا عندي احلى ضهر وسند انت يا بابي ربنا يخليك ليا ويجي هو على خير♥️
بعد وقت بسيط خرجوا من العياده مشاعرهم متلغبطه فرحانين على مصدومين خصوصا زهره اللي كانت مش بتنطق مبتسمه و دموعها نازله لكن فرحتها متتوصفش♥️
مسك قاسم الموبايل اتصل بروح.
كانت الوقت ده مع ليلى في المستشفى بعد ما جالها مكالمه ان والدتها تعبانه جداً
بعدت روح وردت عليه.
روح...ايوه يا حبيبي.
قاسم...بفرحه ولي العهد جاي يا روح زهره حامل في ولد و مش بس كده كلها خمس شهور ويكون معانا الدكتور قال انها حامل في الرابع و مكناش نعرف.
روح...بفرحه وهي صوتها واطي يا حبيبي ماشاء الله مبروك يا ابن عمري مبروك يا حبيبي🥺 فرحت قلبي يا قاسم ربنا يقومك بالف خير يا زهره هي كويسه.
قاسم....بضحك الحمد لله بس يظهر الصدمه كلت لسانها مش بتتكلم ومن ساعت ما عرفت وهي بتعيط😂
روح...باركلها يا حبيبي لحد ما أرجع
قاسم...ترجعي انتي فين يا روح انتي مش في القصر.
روح...لا يا حبيبي احنا مع ليلى في المستشفى جالها تليفون وقالوا ان والدتها تعبانه اوي وانا وراجح وداوود معاها.
قاسم...ياساتر يارب طيب والدتها عامله ايه.
روح...والله ما عارفه يا قاسم شكلها تعبانه اوي من وقت ما وصلنا و الدكاتره رايحين جايين الكل بيجري ومحدش بيطمنا ولا بيقول في ايه وليلى حبيبتي منهاره ومرعـ ـوبه.
قاسم....خير ان شاء الله طيب انا هوصل زهره والبنات و هجيلكم على طول.
روح...خليك مع زهره و هطمنك.
قاسم...لا مينفعش لازم اكون معاكم مش هتأخر
روح...ماشي يا حبيبي خد بالك من زهره.
قاسم...حاضر يلا سلام يا روح.
روح...سلام.
قربت روح من راجح بهدوء وقالتله .
بصلها راجح وهو حاسس انه طاير من الفرحه.
راجح...بتتكلمي جد يا روح؟
روح...اه والله العظيم قاسم لسه قايلي انه ولد
راجح...يا مانت كريم يارب🙏🏻
روح...هو هيوصلهم ويجي الوقت.
هز راجح راسه بسعاده كان نفسه يجي بسرعه و ياخده في حضنه
داوود... ليلى ممكن تهدي شويه
ليلى...اهدى ازاي يا داوود ده مفيش اي حد بيطمنا الكل بيجري واللي بيدخل مش بيخرج انا مرعـ ـوبه على مامي عشان خاطري يا داوود اعمل حاجه🥺💔
داوود....حاضر يا حبيبتي حاضر
قربت منهم روح...ليلى يا حبيبتي اللي بتعمليه ده مينفعش
ليلى....قلبي مش مطمن يا روح
روح....متقوليش كده خير أن شاء الله الوقت حد يخرج يقول اي حاجه تريحنا.
خرج في الوقت ده الدكتور
جريت عليه ليلى بسرعه وهما وراها.
ليلى....دكتور مامي فيها ايه؟
داوود ...طمنا يا دكتور ايه الاخبار
الدكتور...أدعولها انا مش هقدر أخبي عليكم حالتها متأخره جداً احنا عملنا اللي علينا ولو ال 24 ساعه الجايين عدوا على خير نقدر نطمن وقتها ونحاول نسرع في موضوع المتبرع ده وندور في كل مكان على حد يتطابق معاها ويكون موافق انه يتبرع المهم بس ان الساعات الجايه تعدي على خير.
راجح....اعمل كل اللي تقدر عليه يا دكتور.
الدكتور....اطمن حضرتك كل اللي هنقدر عليه هنعمله صدقني احنا مش مقصرين الباقي ده بتاع ربنا وحضرتك فاهمني طبعاً
راجح...اكيد طبعاً ونعم بالله
ليلى....طيب ينفع اشوفها 🥺
الدكتور...للأسف لأ مش هينفع خلينا بس نستنى الوقت الخطر ده كله يعدي وبعدين هخليكي تشوفيها بعد أذنكم
مشي الدكتور و قربت روح من ليلى خدتها في حضنها وانهارت ليلى💔
..............
أما عند خلود بعد صدمتها في مـ ـوت تسنيم و إتهام أهلها بأن هي اللي قتـ ـلتها مقدرتش خلود تتحمل
اكتر من كده وفجأه بعد انهيار و صريـ ـخ اسودت الدنيا في عينها ووقعت خلود بين ايدهم على الارض.
شالها يوسف و رفعها على الكنبه.
مراد....تقى بسرعه هاتي مايه او برفان يلا
تقى....بخـ ـوف حاضر حاضر جريت تقى جابت برفيوم خدها يوسف بسرعه من ايدها وبدأ يرش على ايده و يشممها جابت تقى مايه وفضلت ترش على وشها و تدلك صدرها بسرعه عشان تفوق.
تقى...خلود خلود يا حبيبتي فوقي والنبي.
يوسف...خلود... خلود... سمعاني يا خلود.
مراد....انا هتصل على الدكتور
بدأت خلود تحرك عينها وتفوق
يوسف...لحظه يا مراد اهي فاقت الحمد لله.
مراد...هاتي اي عصير يا تقى بسرعه.
تقي....حاضر
مراد....خلود انتي بخير
بصتله خلود من غير اي كلام حاسه انها لسه مش مستوعبه ولا مجمعه اللي حصل هزت راسها بلأ
يوسف...طيب تحبي نجيب دكتور
خلود....بصوت ضعيف لأ🥺
تقى...خدي يا خلود أشربي يا حبيبتي.
خلود...مش عايزه 🥺مش عايزه حاجه أنا لازم اقوم بسرعه.
يوسف....تقومي فين؟
خلود...انا لازم أمشي من هنا حالاً لازم ارجع البيت الوقت أكيد في حاجه غلط.
مراد...ترجعي فين مينفعش طبعاً
تقى...خلود اهدي كده يا حبيبتي عشان نعرف نفكر خصوصا بعد الكلام اللي خالتك قالته.
خلود...بصتلها خلود بضياع وهي دموعها نازله أفكر في ايه يا تقى دي بتقول تسنيم مـ ـاتت 🥺 أنتي عارفه يعني أزاي أعرف ان تسنيم حصلها حاجه وافضل هنا.
يوسف...ولما ترجعي هتعملي ايه افرضي مثلا شكت فيا وحست اني من طرفك وقالت كده عشان عارفه انك هترجعي.
مراد....صح وارد جداً
خلود...و أفرض ان هو ده اللي حصل وتسنيم مـ ـاتت أسيبها🥺
أسيب اكتر حد وقف معايا اسيب اللي عرضت نفسها للمـ ـوت بسببي وهربتني مستحيل انا لازم امشي حالاً🥺💔
مسكها يوسف من ايدها..و أفرضي ده اللي حصل فعلاً أفرضي تسنيم مـ ـاتت وهما السبب في مـ
ـوتها هتروحى تعملي ايه هترجعيها تاني ولا انتي فاكره اصلاً لما تروحيلهم بنفسك انتي فاكره انهم هيسيبوكي كده عادي ولا هيعملوا فيكي زي ما عملوا فيها ولا هتضيعي اللي عملته تسنيم عشانك في لحظه غضب
خلود...بأنهيار لا اهرب و أسيب حق اللي دفعت حياتها عشاني
انت مش فاهم حاجه🥺 انت عارف لو ده فعلاً حصل انا همـ ـوت بجد تسنيم لو مـ ـاتت تبقى مـ ـاتت بسببي وانا بكل جبن اهرب وكأن اللي راحت دي كلبه ولا ليها لازمه💔
مراد....خلود يوسف ميقصدش كده بس لو ده حصل فعلاً و أتهام خالتك بقتـ ـل تسنيم يبقى انتي كده في خـ ـطر وأكيد هما بلغوا وطبعاً انتي عارفه ده معناه ايه.
خلود...بس انا مقتـ ـلتهااااش🥺💔
و مقدرش اعمل كده.
يوسف....وهتثبتي ده ازاي وانتي هربتي في نفس اليوم اللي هي اتقتـ ـلت فيه وكمان واخده الفلوس و الدهب تفتكري حد هيصدقك.
خلود.....انا لا عايزه فلوووس ولا دهب وهوديهم في ستين داهيه و هجيب حقها هسلم نفسي واللي يحصل يحصل.
تقى....يبقى لازم تفكري الاول يا خلود لازم نتأكد اصلا ان فعلا تسنيم مـ ـاتت مش مجرد لعبه.
خلود...ولو اتأكدنا🥺
تقى....يبقى ساعتها نفكر المفروض نتصرف ازاي عشان نثبت انك معملتيش كده.
خلود...انا فعلاً معملتش كده والله العظيم ومش هاممني اني اثبت عكس كده عادي انا أمته اصلاً كنت عايشه انا كده كده ميـ ـته من سنين مش هتفرق
يوسف....لا هتفرق يا خلود على الاقل ترجعي حق تسنيم و تقفي معاها زي ما وقفت معاكي و متضيعيش اللي هي عملته عشانك ولو هي حياتها راحت بسبب وقوفها معاكي يبقى رجوعك ليهم بعد اللي حصل غلط و بتضيعي حقها و بتظـ ـلمي نفسك
مراد...خلود بصي تقى ويوسف بيتكلموا صح لازم نتأكد الأول انا هبعت اتنين من رجالتي المنطقه عندكم و يحاولوا يعرفوا من بعيد لبعيد اللي حصل ولو أتأكدنا ان اللي خالتك قالته ده صح لازم كمان نتأكد هما بلغوا ولا لأ ولو فعلاً متهمينك في قتـ ـلها لازم نشوف محامي و طبعاً ورق المستشفى و الحادثه اللي حصلتلك هيفيدونا كتير.
يوسف...صح يا مراد يلا بقى كلم الرجاله فهمهم يعملوا ايه.
مراد....حالاً.
.............
في نفس التوقيت وصل ياسين وجلال تحت بيت ملك
كانت واقفه تحت البيت مستنياهم و باين عليها الخـ ـوف والقلق حاطه موبايلها على ودنها وشكلها بتحاول تتصل على ميار
أول ما لمحت عربيه ياسين جريت عليهم.
ياسين....ايه يا ملك عرفتي حاجه.
ملك...بخـ ـوف لا لا يا ياسين ميار موبايلها مقفول انا مرعـ ـوبه.
جلال...اهدي بس يا ملك هي طيب مقالتلكيش انها نازله تشتري حاجه تتمشى تزور حد من صحابها.
ملك...لا خالص مقالتش وهي مش متعوده تخرج من غير ما تقولي انا لقتها متصله بيا مرتين موبايلي كان سايلنت نسيت افتح الصوت بس كانت متصله على الساعه سته الوقت الساعه عشره يعني حتى لو كانت بتتصل عشان تقولي انها نازله كان زمانها رجعت.
جلال...طيب اهدي خير ان شاء الله
ياسين....طيب تعرفي حد من صحابها ممكن تروحله.
ملك...صحابها كلهم بعيد عننا مستحيل تروحلهم الوقت.
ياسين....في اي حاجه حصلت بينكم طيب من بعد اخر مره
ملك....لا خالص انا من يوم اللي حصل مش بتكلم معاها اصلا خالص وكنت زعلانه منها بس محصلش حاجه تاني تخليها تعمل كده ياسين انا دماغي واقفه مش عارفه اتصرف ولا عارفه اروح اشوفها فين عشان خاطري والنبي قولي اعمل ايه.
ياسين...بتفكير مش عارف طيب تعالي نلف بالعربيه نشوفها حتى في المحلات اللي قريبه منكم يمكن تشتري حاجه
ملك....تشتري ايه؟ كل حاجه موجوده في البيت.
ياسين...متعقديهاش يا ملك يمكن في حاجه ناقصه نزلت تشتريها يلا بقى متضيعيش وقت.
جلال....ايه ده مش دي ميار اللي بتعدي و جايه.
بصت ملك بسرعه هي وياسين وبمجرد ما لمحتها بتعدي و بتقرب منهم جريت عليها بغضب
ملك....أنتي كنتي فين😠
ميار....بصدمه في ايه يا ملك في حاجه حصلت.
ملك....ايه البرود اللي انتي فيه ده بقولك كنتي فين😠
قرب منها ياسين وجلال بسرعه
ياسين....اهدي يا ملك خلاص المهم انها كويسه اطلعوا أتكلموا فوق يلا عشان مينفعش تتكلموا في الشارع.
ملك...بعصبيه وخـ ـوف ظاهر على نبره صوتها وملامحها مش هطلع غير لما أعرف الهانم المحترمه كانت فين.
أيـــــه 😠 بقى كيف عندك تقلقينى عليكي بقى كيف عندك تشوفيني مش مرتاحه مره أروح أجيبك من قسم ومره أدور عليكي في الشارع.
بصتلها ميار بحزن ونزلت دموعها
ياسين....مـــلك ايه اللي بتقوليه ده قولتلك مينفعش الكلام في الشارع يلا اطلعي.😠
ميار....وليه مينفعش الكلام في الشارع سيبها تقول اللي هي عيزاه
بص جلال شمال ويمين ورجع بصلهم.
جلال...يا جماعه وحدوا الله اطلعوا يلا الناس راحه جايه بتبص علينا.
ملك...وانا قولت مش طالعه غير لما اعرف الهانم كانت فين.
ياسين...بغضب مفيش فايده فيكي يعني قرب منها مسك ايدها ومشي بيها على البيت وهو شاددها وراه. يلا يا ميار تعالي.
جلال...يلا يا انسه ميار اطلعي معلش هي كانت مرعـ ـوبه عليكي متزعليش منها.
بصتله ميار وهي دموعها نازله و معلقتش وطلعت وراهم.
طلعت ملك المفاتيح فتحت الباب بعصبيه ودخلت وهما دخلوا وراها.
ملك....ادينا طلعنا اهو ممكن بقى اعرف اختي المحترمه كانت فين.
ياسين....ملك الكلام بالطريقه دي مش هينفع انتي كنتي عايزه تطمني عليها و أديكي أطمنتي عايزه تعرفي بقى كانت فين أهدي عشان تفهمك خصوصا ان الوقت مش متأخر اوي يعني.
ملك...اديني سكت بس خليها تتكلم قبل ما أفقد اعصابي.
ياسين...لا إله إلا الله يا بنتي اهدي بقى هي عيله صغيره ما هي قدامك كبيره وعارفه بتعمل ايه.
ميار....سيبها تقول كل اللي هي عيزاه تقريباً أنا أتعودت خلاص على طريقه ملك الجديده
ملك....انتي كمان مش عجبك😠
ميار.....أنتي لا مديانى فرصه أتكلم ولا مديانى فرصه افهم ايه اللي حصل لكل ده
ملك....انتي ازاي بقيتي بارده كده
ميار....أنتي اللي عايزه تشوفيني كده وبما اني مش فاهمه اي حاجه خليني أجاوبك على حسب ما فهمت لو بتسألي أنا كنت فين
فا انا زهقت ونزلت أتمشى شويه و أتغديت بره وسط الناس عشان تعبت من الأكل لوحدي لأن حضرتك من يوم ما جيتي طلعتيني من القسم زي ما بتقولي وانتي محرمه كل حاجه بينا🥺
ولو مضايقه عشان مخدتش الإذن فا ممكن تشوفي موبايلك هتلاقيني أتصلت بيكي كذا مره لحد ما فصل و مكنتيش بتردى معرفش مسمعتيش ولا مكنتيش حابه تردي.
ولو جيتي و ملاقتينيش و حاولتي تتصلي بيا و لقيتي موبايلي مققول فا انا موبايلي خلص شحن و مخدتش بالي منه غير من شويه لما أستغربت أنك متصلتيش بيا لقيته مقفول فا قومت مشيت على طول.
أظن انا رديت على كل الأسئله اللي عايزه تعرفيها🥺 متقلقيش يا ملك انا مش بعمل حاجه غلط ومينفعش كمان افضل أتحاسب على غلطه حصلت وانا مليش ذنب فيها.
نزلت دموع ميار بانهيار خدت نفسها بتنهيده كلها وجـ ـع وبصتلها
أنك تحبي حد من قلبك يا ملك ده مش ذنب وأنك تثقي في البني أدم اللي المفروض بحكم حبك ده لازم يكون في ثقه مش ذنب ولا غلط.
مش ذنبي اني حبيت من قلبي و أتغدر بيا مش ذنبي اني وثقت في الشخص الغلط .
نصحتيني كتير أيوه بس كمان اللي بيحب من قلبه صعب يصدق اي حاجه في اللي بيحبه خصوصا لو ممثل كبير زي تامر كان لازم آذاه يكسـ ـرني عشان أصدق وانا خلاص صدقت أنه مكانش ينفع يتحب ولا كان ينفع أثق فيه
وصدقت أنك كنتي صح وأكيد انا مش بالغباء اللي يخليني أروحله من تاني ده لو شاكه يعني اني كنت معاه 🥺
عارفه يا ملك أنا كان نفسي بعد اللي حصل معايا ده الأقيكى وخداني في حضنك زي ما طول عمرك بتعملي ويمكن المرادي بالذات كنت محتاجه حضنك اوي لأني أتوجـ ـعت اوي يا ملك💔🥺
بس مش عيزاكي تزعلي لان رغم اني عارفه ان عصبيتك و طريقتك معايا ده خـ ـوف عليا إلا إني اول مره اشوفك بالقساوه دي🥺💔
قالت ميار اخر جمله وجريت على اوضتها بسرعه وقفلت وراها.
فضلت ملك باصه عليها بحزن وحست بوجـ ـعها وانها زودتها معاها فعلاً
ياسين....ليه كده يا ملك؟ على فكره بقى ميار عندها حق.
ملك....بحزن انا مليش غيرها يا ياسين من حقي اني اخـ ـاف عليها واحميها.
جلال....مع احترامي ليكي يا ملك عارفه انتي عملتي زي ايه بالظبط
بصتله ملك من غير ولا كلمه.
جلال...عملتي زي الدبه اللي قتـ ـلت صاحبها .
ياسين....صح يا جلال..أختك مغلطتش يا ملك اللي بيحب مش بيشوف عيوب اللي بيحبه حتى لو كل الناس أجمعت انه وحش الإنسان مبيتعلمش يا ملك غير لما يجرب و أظن التجربه اللي مرت بيها هتخليها أقوى هتخليها تعرف تختار صح بس كان واجب عليكي بعد اللي حصلها منه تلاقيكي في ضهرها بتقويها و بتاخديها في حضنك مش تبعديها عنك و مبتكلميهاش مابتاكليش معاها متجنباها وكأنها وباء أنتي غلطتي يا ملك ولازم تاخديها في حضنك لان الوقت اللي هي فيه صعب تعدي منه لوحدها.
بكره انتي اجازه يا ملك قضي اليوم معاها وحاولي تصلحي اللي حصل بطريقتك انتوا ملكوش غير بعض .
جلال...بإبتسامه صح كده
ياسين...يلا هنمشي احنا بقى ولو حصل حاجه كلميني.
ملك....مش عارفه اشكركم ازاي انا اسفه اني قلقتكم و عطلتكم
ياسين...متقوليش كده احنا ديماً معاكي انتي وميار.
ملك....شكراً
ياسين...يلا تصبحي على خير
جلال...سلام يا ملك.
ملك....سلام.
................
في منزل الباشا.
كانت فيروز قاعده هي وسما بيضحكوا و بيهزروا مع بعض.
والقاعده طالت بينهم.
فيروز....معلش يا سما هسيبك انا بقى واطلع ارتاح شويه في الاوضه قبل ما حسام يجي.
سما...طبعا يا حبيبتي اطلعي يلا.
قربت منها كاميليا
كاميليا...على فين يا فيروز.
فيروز....هطلع ارتاح شويه فوق يا طنط تعبت من القاعده.
كاميليا...اطلعي يا حبيبتي
قربت كاميليا من سما اللي كانت مبتسمه وبتلعب في خصله من شعرها وبتلفها على صوابعها.
كاميليا....بسخريه ايه ده كله بقى قاعده كل ده مع فيروز ضحك وهزار ورغي كمان مبقتش فهماكي يا بنت كاميليا.
ضحكت سما وبصتلها...لزوم الشغل يا قلب سما
كاميليا...مش فاهمه؟ هو انتي بردو كنتي عايزه تطيرها وميبقاش في غيرك.
سما...حصل و هيحصل بس تقدري تقولي يا كاميليا هانم ان فيروز بالنسبالي بقت كارت محروق اللي عيزاه أتحقق وبقيت حرم حسام الباشا هيفيدني بايه بقى اني ابقى وحشه مع فيروز و افضل أعاملها زي الاول انا اه كنت الاول قبل الخطه دي عايزه أمحيها من على وش الدنيا مش بس أطيرها لكن بعد الخطه بقى في ترتيب تاني من ناحيه اني ابعدها عن طريقي انا وحسام هيحصل بس لازم تكون بطريقه ذكيه شويه طريقه تخليني بعيد و مليش يد في أي حاجه بالعكس انا لازم أبان حمل وديع كمان
كاميليا....مش سهله انتي بردوا يا سما.
سما....انا مش سهله في أي حاجه تخصني 😈
و إن جيتي للحق هي اللي غبيه وأكلت الطعم أتقلي انتي بس يا كوكي وشوفي بنتك وهي بتنفذ خطتها
كاميليا...اديني قاعده و بتفرج بس يا خـ ـوفي انتي اللي تخسري يا بنت كاميليا.
سما...لا من الناحيه دي متقلقيش انا لايمكن اخسر😉
واه صحيح يومين بالكتير وعايزين نرجع بيتنا
كاميليا...ياسلام بالسهوله دي؟
سما....اكبر جزء من الخطه أتنفذ وجودنا هنا مبقاش ليه لزوم باقي الخطه هنفذه بس من بعيد لبعيد😉
كاميليا...ربنا يستر.
......................
في نفس التوقيت اللي روح و راجح فيه مع ليلى فالمستشفى.
كانت كوارث كتير بتحصل و أهمهم تعدي أيمن على صبا 🥺
و أنتصار سالم على شمس💔
................
وصلت شمس العنوان اللي بعتهولها سالم.
وقفت تحت البيت كان في مكان راقي وهادي جداً
بصت شمس على البيت جسمها كان متلج و بتترعش عينها كلها دموع لكن حبساها كانت حاسه ان الرؤيه بالنسبالها مش واضحه
عايزه تجري من المكان ده بسرعه عايزه ترجع في كلامها معاه يمكن لسه الوقت ما فاتش لكن مكانش في قدامها اي بديل مفيش فلوس تملكها مفيش شغل والدتها لازم تعمل العمليه لان حالتها متأخره جداً.
حسمت شمس امرها وقررت انها تطلع وفعلاً طلعت
ومكانتش تعرف ان في عيون مرقباها من بعيد .
أمين....الجارد الخاص بسالم شريف مش دي البنت اللي سرقت الشنطه من سالم باشا؟
شريف...ايوه هي.
أمين....غريبه ودي ايه اللي جابها هنا وليه واقفه تبص على البيت كده.
شريف....دي طلعت يمكن سالم باشا علقها و أتصافوا بعد ما خد الشنطه وبعدين ماهو طلب مننا شويه طلبات وقال أمشوا انت اكيد عشان يخلاله الجو
أمين....مش عارف بس ميتهيأليش
في حاجه غلط أنا لازم ابلغ زيد باشا.
شريف....ما بلاش بدل ما سالم باشا يطين عيشتنا
أمين....لو في حد ممكن يطين عيشتنا بصحيح هيبقى زيد باشا لان هو اللي مأكد علينا نعرفه كل حاجه بتحصل لا تكون البت دي وراها مصيبه ولا تكون جايه تأذيه
شريف...انت هتقلقني ليه خلاص كلمه واللي يحصل يحصل بقى.
مسك أمين موبايله واتصل على زيد مكانش بيرد حاول مره و اتنين و تلاته وعشره وبردو مش بيرد
أمين...وبعدين ده مش بيرد
شريف....جرب تاني طيب
أمين....دي عاشر مره يفصل ومبيردش
شريف...خليك وراه يمكن مش سامعه او أقولك أبعتله كمان عالواتس آب وعرفه اللي حصل.
امين....تمام فتح الواتس آب وبعتله ڤويس.
زيد باشا رد عليا ضروري في حاجه مهمه بخصوص سالم باشا.
في نفس التوقيت ده كانت شمس طلعت ودخلها سالم.
سالم...نورتي ياااا شموسه😈
اتفضلي.
دخلت شمس وهي مرعـ ـوبه
قرب سالم منها الشنطه وفتحها
سالم....المبلغ اللي طلبتيه و فوقيه مبلغ زياده كمان موجودين في الشنطه وتقدري ترجعي الشغل كمان من بكره لو تحبي. اي طلبات تاني.
شمس....بصوت مهزوز شششكراً
سالم...هااا قوليلي بقى تحبي تشربي كاس الأول
شمس....انا مش بشرب
سالم....بضحكه عاليه مش بتشربي حلوه وجديده بس من امته غريبه دي بطلتي😉
شمس....بعصبيه بسيطه بطلت ايه بقولك مش بشرب.🥺
سالم...وماله أهو على الأقل تكوني فايقه عشان متنسيش اليوم ده عمرك كله 😉 يلاااا
مشي سالم على الاوضه ومشيت هي وراه وهي مرعـ ـوبه فتح الباب
ووقف على جنب ومد دراعه قدامها كأنه بيرحب بيها للمكان اللي هتنتهي فيه حياتها.
دخلت بخطوات مرعـ ـوبه وبمجرد ما دخلت في وسط الاوضه قفل سالم الباب ومع صوت قفل الباب اتفزعت وغمضت عينها برعـ ـب
حست شمس بيه بيقرب وبيقف وراها وبيقرب من رقبتها
بعدت خطوه وبصتله وشها كان شاحب ومفيهوش نقطه د م.
سالم....ايه؟
شمس...بدموع فتحت شنطتها وطلعت منها ورقتين وبصتله
سالم....بأستغراب ايه ده؟
شمس....يمكن وجودي هنا يخليني مليش الحق في اي طلب ممكن اطلبه ويمكن كمان الطلب ده متأخر اوي بعد ما جيتلك بنفسي ووافقت على اللي أنت عايزه بس أنا ليا عندك اخر طلب ياريت توافق عليه.
سالم...خير؟!
شمس....ده عقد جواز عرفي مش عايزه احس اني بعمل حاجه غلط او حرام مش عايزه امي تمـ ـوت بحسرتها لو عرفت اني فرطت في شرفي أرجوك وافق ومش هنسالك الجميل ده ابداً
ضحك سالم بكل صوته...جميل
وهو انتي فاكره يوم ما احب اعمل جميل هعمله معاكي انتي بالذات. 😠
شمس....لو مضايق عشان الطريقه اللي خدت بيها الفلوس اول مره انا عرفتك عملت كده ليه
سالم.....هو انتي فاكره ان مشكـ ـلتي الفلوس ؟ ابتسم بسخريه دي مش اول مره عادي يعني أتعودت منك على كده غبيه اوي انتي
بصتله شمس باستغراب من كلامه.
سالم....لا وكمان ممثله شاطره عيزاني اربط اسمي باسمك انتي طب قولي كلام غير ده كان ممكن يحصل زمان ايام ماكان سالم الطوبجي لسه زي ماهو بس خلاص سالم الطوبجي بتاع زمان مـ ـات واللي قدامك الوقت ميربطش اسمه بأي حاجه رخيصه
غمضت شمس عينها بوجـ ـع
سالم....هاااا جاهزه ولا غيرتي رأيك😉
سابت شمس من أيدها الورقتين وقعوا على الارض
ابتسم سالم وقرب منها داس برجله على الورق وخدها على السرير💔🥺
.................
عدى حوالي ساعه وزيد لسه مردش على أمين وأمين مش مبطل اتصال عليه.
في نفس الوقت ده خرج زيد من المستشفى وهو ماسك صبا
مصدوم ومش عارف ينطق حاسس انه في كابـ ـوس ومش قادر يفهم أي حاجه
ركبها العربيه وراح ركب مكانه بصلها وقبل ما يقول كلمه رن موبايله اللي كان سايبه في العربيه.
بص زيد على الموبايل لقاه امين رد عليه وهو تايه.
زيد....ايوه يا امين.
أمين...زيد باشا انا بكلمك من بدري وحضرتك مش بترد
زيد...بفزع في ايه يا امين؟
أمين....البنت اللي سرقت سالم باشا جت من حوالي ساعه في الشقه الخاصه بالباشا وواضح ان في حاجه غلط بتحصل سالم باشا طلب مننا نجبله حجات وقال روحوا انتوا واضح كده انه ناوي على شـ ـر انا قولت أبلغ حضرتك
زيد...بصدمه أمين أنت مشيت؟
أمين...انا تحت البيت لسه.
زيد....اطلع بسرعه يا أمين هد الباب عليه أوعى تخليه يقربلها يا امين انت فاااهم 😠 رقبتك قصاد أذيه البنت دي فاهم ولا لأ انا جاي حالا
امين...حاضر يا باشا حالا هنطلع.
قفل زيد واتحرك فوراً بالعربيه واتصل على سالم وهو مرعـ ـوب حاسس انه بينهار اليوم غريب من بدايته كله صدمات
سالم مكانش بيرد حاول كذا مره وهو متعصب و صبا جمبه في دنيا تانيه
وأخيراً رد عليه سالم بكل هدوء وإبتسامه نصر ظاهره في صوته
سالم.....ايوه يا باشا😉
زيد....ساااالم أوعى تلمسها يا سالم ورحمت أمك أوعى تلمسها
سالم كان بيسمعه وهو مش فاهم حاجه من زيد.
زيد....برجاء ورحمه أمي و أمك اوعى تلمسها هتعيش بذنبها طول عمرك أنا ربع ساعه وهكون عندك وهفهمك كل حاجه انت سااامع لو اذيت شمس هقتـ ـلك انت فاهم يا غبي😠
قفل زيد في وشه بص سالم على الموبايل بأستغراب في نفس الوقت اللي سمع فيه خبط جامد على الباب بص على شمس
كانت منكمشه على نفسها دموعها نازله و مغطيه نفسها بالملايه وبصاله برعـ ـب من الخبط
سالم...قومي البسي بسرعه
هزت شمس راسها بهيستريها ورعـ ـب من غير ولا كلمه💔
خرج سالم فتح الباب لقى الجارد في وشه
امين....بقلق من سالم سالم باشا زيد باشا طلب مننا نطلع لسعادتك ووووو
سالم...بغضب انتوا لسه موجودين تحت
امين...اااا لا لا احنا كنا
سالم...امشي من هنا انت وهو زيد لسه قافل معايا حالا وجاي اتفضلوا
امين...ايوه بسسس
سالم...اتفضلواااااااا😠
شريف...تمام تمام يا باشا يلا يا امين.
بص امين لشريف بقله حيله ونزلوا.
دخل سالم كانت شمس لبست هدومها و واقفه مرعـ ـوبه.
بصلها سالم بقرف ثواني وتكوني
مش موجوده هنا شنطه الفلوس بره يلااااا😠
هزت شمس راسها وخرجت بسرعه من الأوضه مسكت في ايدها الشنطه وبسرعه كانت خرجت من الشقه كلها💔🥺
- يتبع الفصل التالي اضغط على (رواية احفاد الطوبجي) اسم الرواية