رواية احفاد الطوبجي(1) الفصل الخامس و العشرون 25 - بقلم اميرة اسامه
................
فضل زيد واخد روح في حضنه وسايبها تعيط وتحاول تخرج اللي جواها زيد كان متخيل روح ممكن تنهار وتصرخ كان خايف عليها لما تسمع الخبر يحصلها حاجه لكن إتفاجئ بكم وجع مكتوم وصمت رهيب حتي الدموع بتنزل من غير صوت وخاف عليها أكتر من الكتمان ده روح كانت في الوقت ده تشبهه زيد الي حد كبير حتي الانهيار اللي كان هيريحها أتخلت عنه عشان كل اللي حواليها وخوفها الاكبر كان علي راجح اللي ساكت ومنزلش حتي دمعه واحده
خرجها زيد من حضنه حضن وشها بأيده ومسح دموعها بصباعه بهدوء
زيد....بتوجع🥺روح أنا مش لاقي كلمه اقولهالك تريحك. أول مره اقف قدام وجعك ومقدرش اقول حاجه.
رفعت روح ايدها مسكت ايده.
روح.....عشان مفيش حاجه تتقال يا زيد طول عمري امنيتي الاولي والأخيره اني يوم ما أسيبكم تكونوا عشره زي ما انتوا و ماينقصش منكم واحد ويومي يكون قبل يومكم عمري ما تخيلت ولا حتي جه في بالي أني أفارق حد فيكم وانا لسه عايشه
الوجع اللي جوايا يازيد ميتوصفش حاسه ان في حد جه بكل قسوه قطع حته من قلبي 💔
من وقت ما صحيت الصبح كان في وجع غريب في قلبي في قبضه خنقاني وأول مره في حياتي أعرف يعني أيه قبضه القلب والخوف اللي بيتملك منك وانت مش عارفه سببه من اول ما صحيت ولقيتك انت وسالم وايمن وصبا مش موجودين علي الفطار وانا قلبي واجعني كانوا فاكرني مضايقه عشان انتوا مش بتفطروا معانا بس مقدرتش أقولهم اللي جوايا لاني كنت حاسه ان في حاجه هتحصل و خوفت انطق بيها
بس مكنتش عارفه ان القبضه اللي في قلبي دي فراق أيمن🥺
زيد....بحزن روح يا حبيبتي انا مش هقولك أدعيله و أترحمي عليه ولا هقولك انتي مؤمنه ولازم ترضي بقضاء الله لأن الكلام ده علي قد ماهو صح علي قد ما هو مش هيطفني نار الفراق اللي جوه قلبك. بس هقولك حاجه واحده بس انا طول عمري بشوفك اقوي ست في الدنيا بشوف جواكي طاقه حب لكل اللي حواليكي تكفي العالم و تفيض مينفعش لما يحصل موقف زي اللي احنا فيه ده ويكسرنا منلاقيش روح جمبنا
يمكن ده اكتر وقت بابا محتاجك فيه انتي شايفه حالته اخواتي محتاجينك صبا محتجالك وليلي كمان اللي مبقاش ليها حد محتجالك كل دول محتاجين منك كلمه طبطبه محتاجين حضن يترموا فيه والاهم اني انا محتاجلك ياروح !!! أووووي 💔
حضنته روح بحب وهي دموعها نازله.
روح....انا جنبك يا ابن عمري وطول ما انا عايشه هفضل جنبكم كلكم💔
رفع زيد وشه وبصلها...ربنا يخليكي لينا وميحرمناش منك ابداً طمنيني صبا حرارتها عامله ايه.
روح....الحراره رجعت تاني بعد ما راحت بس أدتها العلاج وفضلت معاها لحد ما بقت احسن تاني.
زيد...تابعيها ياروح ولو فضلت تعبانه نجبلها دكتور ومعلش هتعبك معايا منذر بعت يجيب اكل ابقي ادخلي خليكي معاها لحد ما تتأكدي انها كلت والاهم تأكلي بابا💔
روح....حاضر يا زيد🥺
زيد...هنزل اشوفه وارجعلك باس راسها ونزل.
كان منذر بياخد الأكل من الجارد
منذر...تعالي يا زيد الاكل وصل يلا
خده.
زيد...اخد ايه انا مش هعرف اسيطر علي كل دول لوحدي تعالي معايا.
منذر....جاي طبعاً مش هسيبك يلا بينا.
شال زيد ومنذر الاكل وطلعوا علي فوق
زيد...منذر بقولك ايه ادخل لجلال و أمير
منذر....تمام حطوا الاكل كله علي تربيزه كبيره في وسط الطرقه الكبيره اللي بتودي علي الغرف.
منذر...خبط علي جلال وفتح.
جلال...تعالي يامنذر.
منذر....امسك دي من ايدي كده ومن غير نقاش تخلص كلها واعمل حسابك زيد هيرجعلك بعد عشر دقايق ويشوفك كلت ولا لأ.
جلال....مسح دموعه والنبي يا منذر قوله اني كلت قدامك خلاص.
منذر....اكدب يعني علي اساس اني هسيبك تنام من غير اكل يلا كل بسرعه لو عايز تنام.
خرج منذر و سابه وراح لامير قاله نفس الكلام.
اما عند زيد خبط علي قاسم ثواني و فتحله الباب كانوا لسه بهدومهم وزهره قاعده علي الكرسي حزينه
قاسم...تعالي يازيد.
قرب زيد منه شنطتين وبصله وبص لزهره.
زيد.....قاسم واقف علي رجله من الصبح اكيد مش هتسيبيه ينام من غير اكل..وبص لقاسم زهره حامل وتعبت واظن شكلها باين عليه التعب ولازم تاكل يعني محدش فيكم يقول مليش نفس يلا بالف هنا❣️
ابتسم قاسم لزيد وطبطب علي كتفه مشي زيد وسابه وقفل قاسم الباب.
راح زيد خد شنطتين تانين وخبط علي روح .
روح....ادخل
فتح زيد لقاهم قاعدين حزن الدنيا في عينهم قرب من راجح باس ايده وراسه وقعد علي ركبه وهو بيبتسم بهدوء مريح جداً
زيد....انا عارف ان محدش لينا ليه نفس ياكل والاكل اصلا مش هيتبلع وملهوش اي طعم بس روح مش هتدوق الأكل لو مغصبتش عليها وبص لروح وبابا مش هياكل ياروح غير لو غصبتي عليه وبيتهيألي محدش فيكم هيه ن عليه التاني صح.
ابتسم راجح بوجع وطبطب علي
خد زيد بحب.
مسك زيد ايده باسها وقام وقف وبص لروح.
زيد...الاكل ملهوش دعوه بالحزن ياروح عشان خاطري انا مش هقدر اشوف حد فيكم تعبان لو بجد بتحبوني كلوا 🥺🙏🏻
روح....حاضر يا حبيبي ويلا روح انت كمان كل و متسبش منذر يروح الوقت يا زيد الوقت اتأخر اوي.
زيد....من غير ما تقولي يا حبيبتي اكيد مش هسيبه كفايه تعبه معانا انهارده يلا يا حبيبتي الاكل هيبرد تصبحوا علي خير.
روح...فين اكل صبا عشان اكلها.
زيد...خليكي انتي يا حبيبتي انا هخلي فرح وجنه ياكلوا معاها ويأكلوها
روح....ماشي.
...........
يوسف....يا جدع انت حد مسلطك عليا بقولك مليش نفس.
منذر...خلاص هقول لزيد يجي يتصرف معاك.
يوسف....هات يا منذر الاكل واطلع من دماغي يلا.
منذر...ماكان من الاول😒
...........
خبط زيد علي فرح ودخل وكان معاه جنه
فرح...تعالي يازيد
زيد...لا تعالي انتي الاكل جه وانا عايزك تروحي تاكلي انتي وجنه مع صبا عشان روح مع بابا جوه تاكلوا وتأكلوها مفهوم وتعرفوها لو مكالتش انكم هتنادوا عليا
فرح....بحزن حاضر يا زيد
زيد....يلا.
راحت فرح وجنه خبطوا عليها ودخلوا.
فرح...عامله ايه الوقت ياصبا
صبا....بخير
جنه....حطت أيدها علي راسها الحمد لله الحراره نزلت
فرح...طيب يلا بقي كلي واحنا هناكل معاكي
صبا...معلش يا فرح مش قادره مليش نفس كلوا انتوا يا حبيبتي
فرح...كلنا ملناش نفس يا صبا بس زيد مصمم يأكل الكل ولو مكلتيش هيجيلك بنفسه
جنه....وانا هموت وانام دماغي هتنفجر خلينا ناكل عشان يرضي يسبنا.
هزت صبا راسها وخدت منهم الاكل كانت خايفه عينها تيجي في عينه نظراته ليها طول العزاء من بعيد كانت شيفاها وعارفه انه مش هيرتاح غير لما يعرف ايه اللي وصل اخوه لكده فا حبت تتجنبه بأي طريقه حتي لو كانت مش هتقدر تبلع الاكل💔🥺
.............
مراد....ياجدع انت رخم كده ليه بقولك تعبان وعايز انام
منذر....هنادي علي زيد ويشوف شغله معاك.
مراد...عليك انت وزيد في ليله واحده انت بتهددني.
دخل زيد في الوقت ده
زيد...عايز تنام تقوم تاكل انجز يا مراد انا مش قادر اقف علي رجلي
مراد....اعوذ بالله منك هات يا سي زفت انت كمان الاكل خليني اخلص
منذر...ماكان من الاول😒
مراد....ششش اسكت بقي خرج الواد الزنان ده من هنا.
زيد...يلا يا منذر راجعلك تاني🤨
راح زيد علي داوود اداله اكل ليه واكل لليلي. عشان توافق تاكل
وفضل يلف عليهم هو و منذر اتأكد ان نادر وسالم كلوا وفضلوا واقفين لحد ما فتحوا الأكل قدامهم وكلوا وبعدين راح لفيروز كان حسام بايت معاها في اوضتها.
خبط زيد و فتحله حسام.
زيد....امسك يا حسام ده اكلك انت وفيروز هتعرف تأكلها ولا اكلها انا
حسام...متقلقش هتاكل
زيد....فيروز
فيروز...بدموع ايوه يازيد
زيد....متنسيش انك حامل يا حبيبتي يلا كلي عشان خاطري.
فيروز....حاضر🥺
زيد....تصبحوا علي خير.
منذر......كان واقف بره علي جنب وسامع صوتها ونبرته الحزينه كان قلبه بيتقطع ونفسه يكون مكان حسام فضل يهز راسه برفض لأفكاره اللي بتهاجمه من الصبح
زيد...يلا يا منذر عشان تغير وتاكل .
منذر...لا انا كده مش هلحق خلاص انا يادوب اروح
زيد....هو انت فاكر اني هسيبك تروح الوقت يلا يا منذر الله يرضي عنك
منذر....مش هينفع والله انا الصبح هتلاقيني عندك
زيد....منذر انا حرفياً قلبي هيقف ورجلي مش شايلاني يلا بلاش تتعبني اكتر
منذر....يا زيد
زيد....يلاااا
خده زيد وراح الجانب التاني من القصر للغرفه بتاعته
دخل زيد طلعلوا غيار وطلع لنفسه
زيد....امسك ادخل خد شاور ولو عايز تاكل الاول كل
منذر ..وانت هتعمل ايه
زيد.....انا عايز اخد دش وانام شويه
منذر....لااااااا هو انت فاكر اني هسيبك من غير اكل
زيد....منذرررر اطلع من دماغي
منذر....علي جثتي والله يلا يا زيد وإلا والله هقوم امشي حالاً
زيد....بتنهيده طب قوم يلا غير هدومك وبعدين ناكل
منذر...اما اشوف اخرتها معاك.
...........
في غرفه صبا بعد ما البنات سابوها.
دموعها مكانتش راضيه تقفل فضلت باصه علي موبايلها من بعيد وكأنها بتحاول تعرف الرسايل اللي ايمن باعتها فيها ايه فضولها كان مموتها لكن كانت خايفه فضلت تقاوم كتير لحد ما لقت نفسها بتمسك الموبايل وبتسمع اول رساله.
1- ايمن بدموع صبا ردي عليا عشان خاطري.
2-صبا انا اسف يا حبيبتي مش عارف عملت كده ازاي.
3- صبا ارجوكي اديني فرصه اصلح اللي حصل.
4-اطلبي مني اي حاجه في الدنيا هعملهالك انا عارف اني مستاهلكيش بعد اللي عملته بس صدقيني مكنتش في وعيي
5-انا عارف اني مهما قولتلك اعذار مش هتسامحيني بس اديني فرصه انتي طول عمرك بتسامحي و بتعدي
6-أنا بس عايز اطمن عليكي يا حبيبتي قوليلي انك كويسه
نزلت دموع صبا بقهر وهي بتحاول تكتم صوتها سابت الموبايل وحطت ايدها علي وشها وانهارت نبره صوته و جعتها يمكن آذاها و وجعها وسابلها ذكري بشعه لليوم ده ويمكن كمان حست للحظات انها كرهته واقسمت ماتعيش يوم واحد معاه بس بعد الحادثه كانت بتتمني انه يعيش وهتنسي اللي حصل متوقعتش انه يموت أحساسها بالذنب انها سبب موته كان قاتلها و فضلت تعيط كتير لحد ما نامت.💔
..................
بعد كام ساعه كان النهار طلع علي قد ما زيد كان هيموت وينام علي قد ما كان مش عارف ينام كأن النوم طار من عينه نام منذر بعد ما اطمن ان زيد نام لكن زيد مكانش نايم كان عامل نفسه نام عشان منذر يطمن ويرتاح بعد تعب اليوم.
مسك زيد موبايل ايمن اللي استلمه من المستشفي مع كل متعلقاته و كان واثق انه اكيد بعد اللي حصل حاول يتواصل مع صبا كان جواه فضول هيموته ويعرف اي حاجه عن سبب زعلهم اللي انتهي بانتحاره 🥺 وزي ما توقع كانت صبا اخر حد ايمن باعتله رسايل علي الواتس وسمع كل الرسايل اللي كان باعتها ليها سمع صوت اخوه وهو بيعيط و بيترجاها مقدرش يفهم اي حاجه غير ان صبا ملهاش ذنب يمكن زيد من جواه غضب انها سبب انتحار اخوه لكن واضح من كلام ايمن ان هو اللي آذاها والدليل انه معترف بغلطه بس ايه هو السبب للغلط ده مقدرش يفهم اي حاجه.
قلق منذر وبص جمبه لقي زيد قاعد علي الكرسي شارد.
منذر....زيد انت منمتش؟
زيد....مش عارف انام يا منذر
منذر....ياشيخ حرام عليك نفسك انت كده هتقع من طولك يا زيد ريح عقلك شويه مش كده بجد
عينك بتقفل وانت بتقاوح في ايه مش فاهم.
زيد....غصب عني يا منذر دماغي بتتفرتك خلاص.
منذر....استهدي بالله يا زيد كل حاجه بتاخد وقتها يا صاحبي والجرح لسه في أوله.
بصله زيد بوجع....أيمن مامتش في حادثه عاديه يا منذر 🥺 ايمن انتحر
منذر...😳😳😳انت بتقول ايه؟
زيد...اللي سمعته اخويا انتحر
منذر...ليه وايه السبب؟
زيد....صدقني مش عارف هتجنن واعرف السبب.
منذر....وانت ايه اللي عرفك اصلاً
فتح زيد موبايله وفتحله الڤديو اللي الشاب بعتهوله
اتصدم زيد اكتر وهو سامع الشباب وشايف منذر ماشي عكس الاتجاه والعربيه طارت
بصله منذر بصدمه ايه ده ؟ مستحيل ليه عمل كده ليه كان في حاجه حاصله كان عنده مشكله ايمن من يوم ماجه من السفر وهو حد تاني بيضحك ومبسوط وكان تمام.
زيد....ده اللي انا كنت فاكره يا منذر بس قبل الحادثه بيوم كلهم مكانوش في القصر مكانش في غير ايمن وصبا و الشغالين كنت نايم صحيت علي صوت صريخ صبا جريت زي المجنون💔 لقيت ايمن تقريباً كان فاضله ثواني ويقتلها في ايده محستش بنفسي غير وانا بضربه في وشه نظرته ليا وقتها كأنه كان واحد مغيب وفاق جري من قدامي وخدت صبا ودتها المستشفي كانت تعبانه اوي وبعد ما خرجنا طلبت مني مترجعش وتروح اي مكان خدتها علي الڤيلا عندي لحد الصبح وبعدين حصل اللي حصل.
مقدرش زيد يحكيله تفاصيل الحكايه واكتفي باللي قاله.
منذر....مش يمكن كان شارب؟
زيد....مستحيل ايمن عمره ماشرب وشكله مكانش باين عليه انه شارب هو كان تايهه وفي حاجه وجعاه بس مش عارف ايه هي🥺
منذر...يبقي الحكايه عند صبا.
زيد....رفضت تتكلم يا منذر وقالتلي اعرف منه لو عايز بس هو فين💔🥺
منذر...طيب وهما هنا في القصر معرفوش حاجه؟
زيد....لا روح و بابا راحوا مع ليلي قبلها المستشفي و كل واحد من اخواتي كان في مكان محدش حس ولا حد يعرف ان ايمن مات منتحر اصلاً ومش عارف اقولهم ايه انا عرفت كل ده من الشاب اللي وصله قبل ما الكل يجي.
منذر....بوجع انت شايل ازاي كل ده لوحدك🥺
زيد....ياريتها تيجي علي كده وبس كل واحد من اخواتي حاله مقلوب والدنيا بايظه انا تعبان اوي
منذر....هون علي نفسك يا زيد كل حاجه ليها حل ان شاء الله.
زيد...يارب يامنذر🥺
منذر...تعالي يازيد عشان خاطري ارتاح شويه حتي لو مش هتنام افرد جسمك علي الاقل.
قام زيد وسمع كلامه حط راسه علي المخده وفضل منذر قاعد جمبه لحد ما زيد غمض عينه غصب عنه ونام🥺 وفضل منذر قاعد جنبه و باصصله بحزن💔
...............
بعد كام ساعه كان الكل صحي الشغالين بدأوا يحضروا الفطار
وكل اللي يصحي ينزل تحت ويفضل قاعد ساكت يمكن القصر كان مليان اشخاص لكن السكوت الرهيب و الحزن كان مخيم علي المكان كأنه مفيهوش أي حد.
منذر كان بيحاول علي قد ما يقدر يفك الجو شويه هو اللي كان بيقومهم ياكلوا وكان مهتم بيهم
قعدوا كلهم علي السفره الأكل بيتبلع بصعوبه بس كل واحد فيهم كان بياكل قدام التاني عشان يشجعه كانوا شايلين هم بعض.
حسام....حبيبتي انا مش عايز اسيبك بس في شغل كتير متعطل هروح بدل منذر و هخلص علي طول و أرجعلك.
فيروز....ماشي يا حسام.
حسام....لو احتاجتوا اي حاجه كلموني هخلص وارجع تاني يا عمي
راجح....شوف شغلك يا ابني ربنا يوفقك💔
منذر.....لو في حاجه كلمني.
حسام....تمام هستأذنكم انا.
راجح....وصلي جوزك يا فيروز.
حسام...لا لا خليها تفطر انا همشي. علي طول سلام يا حبيبتي.
كملوا اكل بكل هدوء روح في دنيا تانيه بتحاول تهتم بصبا وليلي وزهره وفيروز و راجح وهي موجوعه اكتر من الكل.
داوود....كلي يا ليلي يلا عشان خاطري.
ليلي....بحزن حاضر🥺
جلال كان قاعد بيتحرك كتير وشكله تعبان.
روح....مالك يا جلال انت كويس يا حبيبي.
جلال....اه يا حبيبتي متقلقيش.
روح....مقلقش ايه انت صوتك كنان شكله تعبان.
جلال....مفيش والله بس مش عارف حاسس اني مش مظبوط شويه في حاجه موقفه رجلي ومش قادر اقعد.
مراد....اكيد من الوقفه بتاعت امبارح كل واطلع ارتاح تاني.
روح...لو فضلت تعبان تروح للدكتور.
ياسين...متشيليش هم يا روح لو فضل كده هاخده اكشف عليه.
جلال...كشف ايه متكبروش الموضوع هو اكيد زي ما مراد قال.
قطع كلامهم راجح بسؤاله 💔
راجح.....أيه اللي حصل لأيمن يا زيد💔
بصوله كلهم وبعدين رجعوا بصوا لزيد اللي ارتبك وبص لمنذر كانه بيقوله الحقني💔
زيد...بأرتباك يعني ايه مش فاهم.
راجح.....انا مش داخل دماغي حكايه الحادثه دي وسمعت الدكتور بيتكلم عن انه كان ماشي عكس الطريق وايه اللي خلي اخوك يروح طريق السخنه انت كنت هناك قبلنا واكيد تعرف حاجه.
صبا كانت متوتره و كانت خايفه زيد يتكلم بصتله بسرعه كأنها بتترجاه ميجبش سيره اللي حصل🥺
بصلها زيد وبسرعه بص لراجح.
زيد....ايوه الدكتور لما روحت قاللي انه عمل حادثه و خبط في عربيه نقل كبيره والناس اللي جابوه انا شوفتهم هناك قالوا ان هو اللي غلطان كان ماشي بسرعه جداً الخبطه كانت قويه وخلت العربيه أنحرفت علي الطريق المعاكس ليه بس هو ده كل اللي حصل.
روح...بدموع أيمن عمره ما ساق بسرعه طول عمري بقول ان هو وقاسم سواقتهم هاديه ومش متهورين زيكم🥺
زيد....بحزن يمكن الفرامل سابت منه ياروح مش عارف🥺 بص بطرف عينه علي صبا ورجع بص لراجح.
راجح....وايه اللي خلي اخوك يروح طريق السخنه وليه صحي من بدري خرج راح علي الشركه مش عادته يعني يخرج قبل ما نصحي ونروح وراء بعض.
زيد....اااا مش عارف معرفش.
بص راجح لصبا....هو مقالكيش ياصبا خارج بدري و رايح فين.
صبا...ااااا انا.
زيد...بسرعه لحقها اااا انا صحيت بدري بردوا خرجت كان عندي مشوار في البنك عشان الكرديت بتاعتي كان فيها مشكله ولقيت صبا كانت راجعه تاني علي اوضتها وسألتني هو أيمن فين كانت بتحسبه تحت لانه خرج وهي نايمه.
بص راجح لصبا كانت صبا من جواها بتتنفس براحه ان زيد لقي مخرج يخرجها منه.
راجح....مقالش رايح فين ؟
صبا....لا مقالش حاجه نمنا عادي وصحيت ملقتهوش وكلمته كان غير متاح.
راجح....الحمد لله علي كل حال.
بصت صبا لزيد وكأنها بتشكره 🥺
وفضل منذر وزيد يبصوا لبعض بتوتر.
مراد.....اياً كان اللي حصل رايح فين صحي بدري ليه هو قدر ربنا الحمد لله ادعوله يا جماعه بالرحمه وياريت نهون شويه علي نفسنا يا راجح وبلاش تفكر في حجات هتتعبك ومش هتفيدك
راجح....انا بس عايز اعرف اللي حصل عايز اعرف ليه راح في طريق مش طريقه.
داوود....ايمن من فتره كان بيقولي ان في شاليه عاجبه اوي في السخنه كان عايز يجيبه لصبا في عيد ميلادها و يعملهالها مفجأه يمكن كان رايح عشان كده🥺
بصتله صبا بوجع ونزلت دموعها غصب عنها .
صبا....بعد اذنكم🥺
قامت صبا وطلعت بسرعه علي فوق فضل زيد عينه عليها 💔
روح...الصبر من عندك يارب🥺
مراد....ارجوكم كفايه بجد محدش مستحمل أدعوله وبس لا روح ولا صبا ولا احنا متحملين.
راجح....ربنا يرحمه ويغفرله💔
في الوقت ده اتصل الجارد بتاع يوسف عليه يقوله اخر اخبار عرفها عن موت تسنيم.
يوسف....ايوه يا سعيد.
سعيد....يوسف باشا انا اسف اني بكلمك الوقت عارف انه مش وقته والله بس كان لازم اكلمك.
يوسف...في ايه يا سعيد ؟
بدأ سعيد يكلمه ويقوله علي كل اللي حصل وكل اللي عرفه
ومع كل حاجه يقولها كان يوسف يرد عليه بكلام غريب اثار فضول وقلق كل اللي قاعدين و بدأوا يركزوا معاه.
يوسف....يعني انا مش فاهم هو كده فعلاً في بلاغ ضدها.
سعيد....شكلها كده يا باشا.
يوسف اندمج مع سعيد ونسي وجودهم وانهم سامعينه خالص.
يوسف ...تمام يا سعيد روح انت ارتاح بقي ولو احتاجتك هكلمك سلام.
راجح....في ايه يا يوسف ومين دي اللي متهمه في قضيه قتل
اتصدم يوسف وبصله وبص لمراد
داوود...في ايه يا يوسف ما ترد.
يوسف...ااا اصل.
زيد...بصوت واطي لكن مسموع لمنذر اللي كان قاعد جنبه مصيبه جديده💔
طبطب منذر علي كف ايده.
راجح...اصل ايه ما تنطق.
مراد....انا هحكيلك يا راجح.
راجح...هو انت عارف في ايه؟
يوسف....انا طلبت مساعدة مراد وهو ساعدني
راجح...ساعدك في ايه؟
بدأ يوسف يحكيلهم كل حاجه حصلت في نفس اليوم اللي حصل فيه الزلزال عند نادر حكالهم كل حاجه حصلت مع خلود من بدايه ما شافها لحد ما خرجت من المستشفي وراحت قعدت مع تقي.
وعلي ذكر اسم تقي اللي هما عارفين انها اشتغلت قريب عن طريق مراد
بص راجح لمراد....وتقي دي مش اللي بتشتغل معانا في الشركه ايه اللي كان مقعدها في البيت اصلاً هي كمان.
اضطر مراد يحكي اللي حصل معاه بخصوص تقي هي كمان في نفس اليوم المشؤوم.
زيد...اللللللله هو كان بوم مايعلم بيه إلا ربنا🙈
يوسف....هو ده كل اللي حصل لما عرفت ان بنت خالتها ماتت وان هي متهمه بقتلها انهارت كلمت الجارد يروح المنطقه بتاعتهم ويحاول يعرف اي حاجه وهو لسه مكلمني قدامكم قاللي ان من كلام الناس عن اهلها انهم وحشين جداً محدش بيحبهم وان تسنيم اللي ماتت كانت احسن حد فيهم وان خلود كانت نادراً لما حد بيلمحها وانها في خالها و مؤدبه ومش شكلهم لا هي ولا تسنيم قالوله كمان ان لما تسنيم اتقتلت اتهموا خلود فيها والمفروض ان حالياً من وجهه نظر القانون هي هربانه بيقولي ان الناس هتتجنن واثقين ان خلود متعملش كده في تسنيم بالذات بس هروبها غريب بالنسبالهم.
راجح.....ايوه يا ابني بس انت ليه تدخل نفسك في حاجه زي دي من الاساس.
وانت يا مراد يا عاقل ياكبير مش قلقان لا يتقدم فيك بلاغ انك خاطف البنت دي.
مراد...لا طبعا اولا تقي مش قاصر ثانيا محدش اصلا سأل عليها من وقتها والدتها فاكره انها عند اختها واختها فاكره انها عند والدتها وفي النهايه مكنش ينفع اشوفها بترمى نفسها من فوق الكوبري و اسيبها وماساعدهاش يا راجح
روح.....طيب تقي دي وزي ما قولت في النهايه هي مش وراها حاجه بس خلود يا يوسف أنت كده متستر علي واحده هربانه.
يوسف....يا روح هي اصلا مش هربانه من قضيه قتل لانها اصلا مكانتش تعرف دي كانت هتتجنن واجبلها خط عشان تكلمها اتصدمت حرفيا اسألي مراد خلود كانت هربانه بعد العلقه اللي كلتها بقولك كانت سانده علي العربيه وهي بتموت لحقتها علي اخر لحظه دكتور مجدي قاللي انه عملها نزيف قوي في معدتها من الضرب كان بيحاول ديماً يغتصبها بموافقت اهلها كان بيفضحها كل شويه في الشارع عشان يخليها تتنازل عن حقها.
زهره...اعوذ بالله هو في اهل كده.
راجح...لا حول ولا قوة إلا بالله.
يوسف...صدقني يا بابا لو شوفتها وسمعتها هتعرف انها صادقه وهتصعب عليك.
راجح...ايوه يا يوسف معاك بس كمان هي لازم تسلم نفسها طول ماهي هربانه بتأكد جريمه القتل عليها.
قاسم....انت بتقول انها عملت عمليه في نفس اليوم يعني في تقرير طبي يثبت الضرب ده ويثبت حالتها وده في حد ذاته يثبت برائتها لأن مفيش واحده هتبقي واكله كل الضرب ده وعندها نزيف وتقدر تقتل وتسرق وتهرب مستحيل.
يوسف....بالظبط احنا بس كنا مستنين سعيد يجيبلنا الاخبار الحقيقه ونتأكد انهم بلغوا والتقرير معانا اصلاً صدقوني انا مكنتش هكمل كنت هساعدها اني اوديها المستشفي وخلاص بس هي صعبت عليا ملهاش حد متعرفش حاجه خالص بره نطاق البيت بتاعهم مقدرتش اسيبها.
زيد...كلم استاذ مصطفي المحامي اشرحله اللي حاصل واعرف منه موقفها في القضيه وانا ليا حد حبيبي في المباحث هخليه يعرفلي من بعيد لبعيد اخر تطورات القضيه واللي هيقولوا عليه هتعمله.
راجح...ولو قالوا تسلم نفسها زي ماقولت يبقي هتعمل كده.
يوسف...انا معنديش اي مشكله تمام.
روح....ربنا يستر💔
..................
عدي حوالي 3 ايام الوضع زي ماهو حاله الحزن مسيطره علي الجميع ديماً كل واحد فيهم قاعد في الاوضه بتاعته مش بيخرجوا غي عشان ياكلوا مع بعض الجو كان كئيب جداً في خلال ال3 ايام دول كانت صبا بتحاول متخرجش ابدا من اوضتها علي قد ما تقدر مكانتش قادره تواجه عيون الكل حزنهم كان بيقتلها و بيحسسها بالذنب اكتر كانت خايفه تواجهه زيد خصوصا بعد ما حاول يداري عليها ويخبي اللي حصل بينها وبين ايمن كانت عارفه ان اكيد زيد وراه حاجه ومش هيعدي اللي حصل و هيحاول يعرف السبب.
وفي يوم صحي الجميع فتره الحداد خلصت وقرروا يرجعوا لشغلهم وحياتهم الطبيعيه.
نزل زيد بدري شويه عنهم لمح صبا قاعده في الجنيه شارده ودموعها نازله بوجع كبير💔
محستش بوجوده ولا بانه واقف بقاله شويه.
بصت صبا جمبها لمحته واقف اتخضت وبصتله من غير ولا كلمه وهي قلبها بيدق كأنها شافت شبح.
زيد.....ياتري يا صبا دموعك دي دموع حزن ؟ولا ندم؟ ولا ذنب ؟
قامت صبا وقفت وبصتله تقصد ايه؟🥺
زيد....انتي فاهمه يا صبا قصدي كويس انا متكلمتش في اللي حصل عشان صعب اتكلم فيه بس بيتهيألي جه الوقت اللي تحكي فيه من حقي اعرف ايه اللي حصل لاخويا.
صبا.....كنت واثقه يا زيد أنك هنحملني ذنب اللي حصل لايمن 🥺
زيد.....انا مقولتش كده ياصبا ولو عندي شك واحد في الميه انك سبب في انتحار اخويا مكنتش سكت ابداً
صبا...بصدمه🥺🥺انتحار؟
زيد....بوجع ايمن انتحر يا صبا مماتش في حادثه عاديه طلعلها الڤديو حطه قدام عينها
دموع صبا كانت بتتسابق وهي شايفه وسامعه
صبا....مستحيل مستحيل أيمن يوصل بيه التفكير لكده الأنتحار مكانش حل🥺
زيد....ايوه حل لايه بقي؟ هاااا انا عايز اعرف ايه اللي يخليه يوصل للحاله دي قبلها بيوم اشوفه لأول مره بيمد ايده عليكي بالشكل ده وبعدها اسمع من الدكتوره كلام غريب انا مش قادر افهمه وان بعد تلات سنين من جوازكم صبا لسه بنت!!! طب ازاي وتاني يوم اخويا يموت منتحر.
حطي... نفسك ...مكاني.... يا صبا تفهمي ايه من كل الحجات اللي مش راكبه علي بعضها دي هاااا انتي لو مكاني قوليلي عقلك كان هيبقي عامل ازاي الوقت انتي عارفه انا جوايا أيه عارفه عقلي عامل ازاي انا مش حاسس بدماغي يا صبا دماغي بتتفرتك
صبا....بقهر فضلت تعيط ومش قادره تنطق💔🥺
زيد....لا لا لا انا مش عايزك تعيطي ولا عايزك تسكتي انا عايزك تتكلمي عايزك تريحيني.
صبا انا خدت موبايل ايمن وكل متعلقاته و لاقيت ايمن بعتلك رسايل كتير وهو بيعيط و بيحاول يراضيكي و بيطلب منك تسامحيه انا عارف انه مش من حقي اتدخل في خصوصياتكم بس غصب عني انا واحد اخوه انتحر.
وطبعا انتي مردتيش لان الوقت اللي بعتلك فيه انا كنت معاكي في المستشفي وموبايلك كان هنا والغريب اني مكلمتش ايمن ولا هو كلمني بس الراجل اللي كلمني قال انه انا كان اخر حد مكلمني لما شوفت الوقت كان نفس الوقت اللي كنت مع سالم فوق ولقيت انه مش متصل رنه وخلاص لا ده ست دقايق يعني انتي اللي رديتي عليه ايه اللي حصل ودار بينكم يوصله للانتحار مش عارف يمكن من كلامه في الرسايل واضح ان انتي معملتيش معاه حاجه توصله لكده بس كمان انا عقلي بيوديني في حتت وحشه يا صبا💔
صبا....تقصد ايه يا زيد؟
زيد....3 سنين متجوزين وانتي لسه بنت طب ازاي؟ انا بحاول اجيبها شمال ويمين مش لاقي غير سبب واحد انك طول الوقت بتمنعي نفسك عنه وهو خلاص كان جاب اخره واللي تمنع نفسها عن جوزها السنين دي اكيد ملهاش اي عذر غير انها.
صبا....انها ايه يازيد ؟انت شايفني ازاي اوعي يكون المعني اللي وصلي هو ده اللي تقصده🥺
زيد...بوجع💔 انا لولا انك متربيه وسطنا كنت شكيت ياصبا بس مش لاقي تفسير.
صبا.....وادام مش لاقي تفسير فا انت حكمت عليا اني بحب حد غير اخوك او ان في حد في حياتي عشان كده رافضه ايمن يقربلي صح يا زيد🥺💔
زيد....صبااا انا عايز اعرف اللي حصل و صدقيني مش هقول لاي حد بس ارحميني شويه و ريحيني💔
صبا.....ولو عايز تقول يا زيد قول وانا بقولهالك اهو انا لاخر يوم ليا مش هتكلم اللي كان بيني وبين جوزي مش من حق اي حد يعرفه
زيد...جوزك ده اخويا وانتحر انتي واعيه للي بتقوليه😠
صبا....اه واعيه يا زيد انت كل اللي ليك عندي اني اقسملك اني عمري ما خونت اخوك ولا في حد كان سبب اني امنع نفسي عنه ولا كنت اعرف انه ممكن يكون بالضعف ده ويموت نفسه غير كده مش هتكلم انت فاهم🥺
زيد.....وانا مش هرتاح غير لما اعرف ياصبا💔
سابها زيد وراح ركب عربيته وطار والجارد بتوعه وراه
فضلت صبا تعيط مش مستوعبه تفكير زيد ولا قادره تصدق ان ايمن انتحر💔
................
ساعات بتعدي الكل بيحاول يشتغل ويشغل نفسه الجو العام في الشركه كان كئيب علي غير العاده حتي الموظفين ساكتين اغلب الوقت بيشتغلوا وبس
لحد ما جه معاد البريك.
نزل ياسين و ملك علي الكاڤيتريا ونزل بعدهم جلال شربوا قهوه وفضلوا ساكتين.
ملك....انا عارفه ان اللي حصل صدمه بس لازم تحاولوا تخرجوا منها علي الاقل عشان مامتكم و مستر راجح .
جلال.....البيت كئيب اوي ياملك ومحدش قادر يتخطي اللي حصل.
ملك...طبيعي اللي حصل مش سهل بس كمان لازم تحاولوا انا مريت بالتجربه دي مع بابا وماما وعارفه انه احساس وحش بس مفيش حزن بيرجع اللي راح.
ياسين...وهو باصص للقهوه بشرود
مفيش حاجه بترجع فعلاً بس الشعور نفسه صعب احساس انك فجأه تلاقي حد منك مبقاش موجود وحش اوي لا انتي قادره تكملي من غيره ولا انتي قادره تفضلي كده الحياه بتمشي وانتي لسه واقفه عند وجع فراقه.
جلال...عارفه يا ملك طول عمري انا مش قريب من ايمن اه بحبه واخويا بس هو كان ديما مع نفسه ليه طبع غريب و ديماً جد اوي مش زي باقي اخواتي وعمري ما روحت حكيتله عن حاجه كان اخري معاه ايه الاخبار عامل ايه اضحك معاه علي اي حاجه وخلاص مكانش في بينا تفاصيل
كتير بس لما عرفت الخبر انه بس عمل حادثه كنت بجري وانا قلبي واجعني ولما مات حسيت ان في حاجه جوايا اتكسرت عمري ما تخيلت اني ازعلي بالشكل ده اه اخويا وبحبه بس كان عادي يعني مش قريب مني بس لما مات اكتشفت قد ايه انا بحبه 💔
ملك....ده اخوك يا جلال ومش شرط تكون قريب منه عشان تتوجع عليه.
ياسين...ربنا يرحمك يا حبيبي.
ملك....يارب ويصبركم وان شاء الله هتطلعوا من المحنه دي قريب.
ياسين...يارب يا ملك.
جلال...بقول ايه انا هطلع مش قادر اقعد حاسس اني تعبت تاني.
ياسين...بردوا احنا لازم نروح للدكتور انهارده.
ملك...هو ماله؟
ياسين...مش عارف بيقول انه رجله واقفه ومش بيقدر يقعد هنروح ونشوف في ايه.
ملك...خير ان شاء الله.
حلال...يارب يلا انا طالع.
ياسين...استني خدنا معاك ورانا شغل كتير.
جلال...يلا.
..................
في مكتب سالم كان قاعد فاتح اللاب توب وماسك القلم في ايده لكن سرحان وفي دنيا تانيه.
خبط زيد ودخل ومحسش سالم بيه.
زيد.....سالم.
سالم...هاااا ايوه يازيد
زيد....انت كويس؟
سالم....الحمد لله بس انا مش كويس.
قعد زيد قدامه وبصله سالم انا عايزك زي الاول عشان طول ما انت في الحاله دي مش هنعرف نحل اي حاجه.
سالم....انا عايز اروح لشمس يا زيد؟
زيد....مش الوقت يا سالم سيبها شويه مينفعش تشوفك الوقت خالص لانها مضمنش انها تقدر تتحكم في اعصابها وبعدين انا مخلي شريف في المكان عندها بيتابعها من بعيد ومن يوم ما دفنت والدتها وهي مش بتتحرك من البيت.
سالم....لا تكون عملت في نفسها حاجه ؟
زيد...اطمن هي بخير شريف بيشوفها بتفضل قاعده في البلكونه من بليل لحد الفجر يعني بخير سيبها تاخد وقتها ياسالم عشان تقدر تسمعك وتسمعني ماشي.
سالم....حاضر يا زيد. سكت شويه وبعدين بصله زيد ينفع أسألك سؤال؟
زيد...طبعاً.
سالم...انا مش قصدي حاجه والله بس هتجنن واعرف اجابه السؤال ده.. هو يوم اللي حصل لما جتلي بعد ما نزلنا انا لمحت حد معاك في العربيه
بصله زيد وهو مصدوم.
سالم....هي صبا اللي كانت معاك؟
خدت نفس طول وخرجه بهدوء كأنه شايل حمل جواه.
زيد....ايوه هي.
سالم...بأستغراب زيد انا عارف ان انت بتح...
زيد....بعصبيه متكملش بدل ما اقوم ابوظ وش اهلك وانت مش ناقص😠 صبا مرات اخويا يا سالم
سالم...انا مقصدش بس يعني انت قولت لبابا انك شوفتها الصبح وانت خارج و..
زيد....الكلام اللي هقوله لو خرج يا سالم صدقني هتزعل مني
سالم ..في ايه يازيد انت مش واثق فيا
زيد....واثق بس انا مكنتش عايز اتكلم هقولك بس نش عايزك تحسس صبا اصلا انك عرفت
سالم...تمام.
زيد....اليوم اللي جتلك فيه منت رجعت القصر عشان روح وطلعت انام كانت ليلي موجوده اللي عرفته بعد كده ان والدتها تعبت والكل راح وراها معادا ايمن وصبا المهم صحيت علي صوت صريخ جريت لقيت ايمن اخوك قاتل صبا من الضرب.
سالم...نعمممم مد ايده عليها طب ازاي ده عمره ما عملها.
زيد...ده اللي هيجنني محستش بنفسه غير وانا بضربه في وشه خد مفاتيحه و خرج بسرعه ومن بعدها ايمن مرجعش البيت.
سالم...يعني مكانش بايت زي ماقولتوا.
زيد...لا انا لحقت صبا بالكلام لما حسيتها مرتبكه.
وطبعا بعد ماضربها صبا كانت ضايعه واغم عليها و الاوضه كانت متدمره من اللي اخوك عمله فيها
خدتها وجريت بيها علي المستشفي وبعد ما خرجنا امين كلمني وجيت عليك وحصل اللي حصل وبعدها ودتها علي الڤيلا عندي كانت رافضه تروح ومصممه علي الطلاق ولحد الوقت مقالتش السبب.
سالم...هيكون ايه اللي حصل ايمن ملهوش في الستات عشان اقول انها شافته مع حد او حاجه.
زيد....لا طبعا الموضوع غير كده المهم اللي قولته ميخرجش لاي حد مفهوم.
سالم...تمام يا زيد
زيد....يلا انا هقوم اشوف اللي ورايا وزي ماقولتلك متتحركش خطوه غير لما اقولك
سالم....ماشي.
خرج زيد راح علي مكتبه قعد علي الكرسي بأرهاق شديد دقايق ولقي نادر داخل عليه المكتب وشكله غريب.
نادر....زييييد
زيد....في اييييه. خصل حاجه.
نادر.....مريم يا زيد
زيد...يا اخي حرام عليك انا قطعت الخلف خلاص بسببكم مالها مريم.
نادر....بص كده.
زيد...ايه ده؟
نادر....دي الصور بتاعت العزاء شوفتها الوقت بالصدفه هي دي مريم يا زيد والله انا متأكد كانت خارجه من العزاء و متصوره وفي صور بتحاول تخبي وشها.
زيد....يمكن شبهها.
نادر...هي يا زيد هي هو انت تعرفها.
زيد...لا معرفهاش بس انت متأكد انها نزلت مصر اصلا
نادر....معرفش بس هي اللي مجنني هي جات ليه وفي حد فيكم يعرفها ولا لا.
زيد...مش عارف يا نادر بس انا لاعمري شوفتها مع روح ولا مع اي حد في البنات
نادر....طيب وهنعرف ازاي
زيد...اممم سيبها انا هحاول اعرفها بطريقتي من روح او من اي حد وهقولك.
نادر....انا هتجنن جات امته ونزلت ازاي
زيد...قولتلك هعرف خلاص
نادر...ماشي يازيد
زيد...يلا اتكل علي الله 😒
..............
في مكتب مراد
كان قاعد بيشتغل خبطت تقي عليه ودخلت.
مراد...تعالي يا تقي.
تقي...بابتسامه بسيطه انا لقيت حضرتك مطلبتش القهوه بتاعتك قولت اجيبهالك.
مراد...جات في وقتها والله ياتقي
تقي...بالف هنا.
قعدت تقي قدامه وبصتله...حضرتك شكلك تعبان اوي
مراد....اوي والله ياتقي اول مره ابقي حاسس اني مش قادر اشتغل ولا ليا نفس اعمل حاجه.
تقي....انا مش متعوده اشوف حضرتك كده انا من يوم ما شوفتك وانا بستمد قوتي منك ديماً شيفاك كلك طاقه وتفاؤول
مراد...غصب عني يا تقي موت ايمن كان صدمه لينا كلنا.
تقي...عارفه بس خلاص ربنا عايز كده هنعمل ايه.
مراد...ونعم بالله.
تقي....بحزن بصتله عشان خاطري مش عايزه اشوفك كده انا بجد قلبي واجعني عليك نفسي اعملك اي حاجه بس مش عارفه ايه هي.
🥺
بصلها مراد ثواني ابتسم بارتباك
مراد....متقلقيش انا بخير أطمني.
تقي....طيب اثبتلي.
مراد....اثبتلك ازاي.
تقي....تقبل عزومتي علي العشاء يوم الخميس.
ضحك مراد وبصلها اشمعني يوم الخميس.
تقي بأبتسامه جميله اصل انا هقبض اول مرتب ليا يوم الخميس وبيني وبينك كلام في سرك يعني انا عليا دين لحد كده🙄 فا قولت قبل ما ابدأ اسدد ديني ده اخد منه حاجه بسيطه واعزمك.
مراد...بأبتسامه شقيه علي فكره انا عارف مين صاحب الدين وممكن اتوسطلك عنده يسامح فيه😉
تقي...لاااا انا بحب اسدد ديوني
مراد....خلاص ممكن اخليه ياخد منك الدين علي اجزاء .
تقي...لو كده ممكن😂المهم انك موافق .
مراد...لو علي العزومه موافق بس هتوديني فين؟
تقي....اممم والله بسبب الدين اللي عليا فا احنا مضطرين اننا نروح مكان بسيط بس هيعجبك
موافق
مراد.....والله انا موافق حتي لو هناكل علي عربيه فول في الشارع يا ستي.
تقي...بضحك مش للدرجادي يعني انا مش مفلسه اوي كده😂😂
بصتله تقي بأبتسامه انا مبسوطه عشان قدرت اضحكك شويه.
مراد....وانا مبسوط انك حاولتي شكراً يا تقي وشكراً علي القهوه.
تقي...والعزومه كمان عد الجمايل 🙄
مراد...بضحك والعزومه كمان ياستي.
تقي...يلا هسيب حضرتك تكمل شغل محتاج مني حاجه.
مراد....لا شكرا يا تقي🙂
................
عدي حوالي عشر ايام الكل بيحاول يشتغل الحزن زي ماهو لكن الكل بيحاول يبان قوي قدام التاني عشان يهونوا علي بعض
اما عند جلال كان كل يوم يتعب اكتر وطول الفتره دي بيتهرب من ياسين عشان ميروحش للدكتور كانه طفل. بمجرد ما ياخد المسكن يقوله انه تمام لحد ما حس انه مش قادر وصمم ياسين ياخده للدكتور وفعلاً راحوا في مستشفي الدكتور مجدي دكتور العيله.
.......
جلال.....ياعم قولتلك مش عايز اجي كنت خدت مسكن وخلاص.
ياسين...هتفضل تاخد مسكن طب وبعدين مانت بتتعب تاني مش حل لازم نعرف فيك ايه.
جلال....هدخل اقوله ايه مش عارف اقعد.😒
ضحك ياسين وبصله انا صراحه اول مره اشوف واحد بيشتكي انه مش عارف يقعد.
جلال...اضحك اضحك ماانت مش حاسس بيا.
ياسين...بضحك ياض ماانا جبتك اهو للدكتور عشان يكتبلك علي علاج يخليك تقعد😂😂
جلال...منك لله 😒
خرجت المساعده نادت عليهم.
ياسين...يلا
جلال...يلا ايه وربنا ما هتيجي معايا .
ياسين....في ايه ياض😂
جلال...ياعم اقعد بقي خليني ادخل انا اشوف في ايه.
ياسين....هو انت داخل تعمل كشف طبي 😂
جلال...بقولك ايه اقعد ومتعصبنيش
ياسين...طيب يا سيدي ادخل يلا وانا هستناك.
دخل جلال وفضل ياسين مستنيه بره غاب حوالي نص ساعه
وبهدين خرجت المساعده تنادي علي ياسين
المساعده...استاذ ياسين دكتور مجدي عايز حضرتك جوه
حس ياسين بالقلق ودخل وراها بسرعه.
ياسين...اهلا يا دكتور مجدي.
مجدي...ازيك يا ياسين تعالي اتفضل
ياسين...بقلق خير يا دكتور جلال في حاجه ولا ايه.
مجدي....انا نادتلك عشان تقنعه
ياسين...اقنعه بأيه بص ياسين لجلال اللي كان شكله مضايق جداً
مجدي....جلال لازم يدخل عمليات الوقت حالاً
ياسين...بخوف اييه هو ماله يا دكتور وعمليه أيه؟
مجدي....عمليه البواسير.
بصله ياسين وهو مبتسم ومصدون وبعدين ضحك نعم بواسير؟😂😂
جلال...اهو اتفضل يا دكتور انا قولتلك بلاش
مجدي...بضحك انا مش فاهم انت رافض ليه انت اصلا مينفعش تروح بص ياسين جلال عنده البواسير متضخمه جداً وبعد ما كشفت عليه في دم نزل ودي بدايه مش مبشره ممكن يحصله نزيف
ياسين....طيب ودي بتاخد وقت او صعبه.
مجدي...لا بتاخد وقت ولا صعبه يا سيدي بس لازم يعملها.
ياسين...خلاص اتكل علي الله.
جلال...هو ايه اللي اتكل علي الله انا مش هعمل حاجه😠
ياسين كان واقف ميت من الضحك من منظر جلال
جلال....ياجدع انت متستفزنيش.
ياسين...سيبك منه يا دكتور وشوف شغلك
مجدي.....يا جلال دي عمليه بسيطه ومتقلقش ساعتين بالكتير بعد ما البنج يروح هتروح.
فضل جلال رافض بأستماته ومجدي وياسين بيقنعوا فيه بكل الطرق لحد ما اخيراً وافق.
دخلوه اوضه خاصه عشان يجهزوا للعمليه.
وياسين...بيحاول يكتم ضحكه
جلال....ياسين اتمسي عشان هزعلك.
ياسين...انا مش فاهم انت مضايق ليه.
جلال....مضايق ليه وهو ده مكان اتنيل اعمل فيه عمليه وبعدين انا ليه تجيلي البواسير دي اصلا انا عمري ما كلت حاجه حراقه ولا ليا فيها اصلا😠
ياسين...بضحك ياعم عادي بتحصل في احسن العائلات
جلال...بقولك ايه متعرفش اي حد انت فاهم
ياسين....وهنقولهم ايه وانت راجع عامل عمليه.
جلال...بعصبيه اتصرف يا سي زفت 😠انا كده كده هخرج زي ما قال الدكتور مش هقعد هنا نبقي نقولهم اي حاجه.
ياسين...طيب تمام متقلقش مش هنطق🙄
جلال...ياسييييين شكلي هيبقي زباله😒
مقدرش ياسين يمسك نفسه وفضل يضحك خلاص والله متقلقش😂😂😂🙈
دقايق عدت وجم خدوا جلال اللي كان داخل معاهم مش طايق نفسه
وبمجرد ما دخل قرر ياسين يقول للكل😂😂🙈 منها يفضحه ومنها يغير المود العام ليهم
اتصل علي نادر اول واحد
نادر...الووو
ياسين...انت فين يا نادر.
نادر....انا داخل غلي القصر جلال عمل ايه.
ياسين...بضحك مش قادر يسكت هيعمل عمليه الوقت حالا
فرمل نادر العربيه بخوف ايه عمليه ايه.
ياسين....بضحك صوته مش مفهوم
نادر...انت يالا انت شارب ايه ايه اللي بيضح
فضل ياسين يضحك ومش قادر يمسك نفسه خلي نادر يضحك غصب عنه
نادر.....انت يالا في ايه😂
ياسين....بقولك ايه والنبي ما تتأخر عايزكم تيجوا قبل ما يخرج ولما تيجي هقولك😂😂
نادر...طب قولي عمليه ايه
ياسين...بضحك البواسير😂😂😂
نادر....نعم😂😂😂😂انا جاي
......
اتصل ياسين علي باقي اخواته وهو فطسان من الضحك وكلم روح
روح...انت يا زفت بتضحك علي ايه واخوك ماله عمليه ايه.
ياسين....البواسير يا روح😂
روح...بواسير ايه هو اخوك عمره كل حاجه حراقه ده لو الفلفل الاسود زايد شويه في الاكل مش بياكل.
ياسين...وربنا ما اعرف بس دكتور مجدي قال لازم بعملها حالا
روح...طب اقفل اقفل يا زفت انا جايه.
ياسين...بقولك ايه ياروح هاتيله جلبيه بيضه وانتي جايه😂😂😂
روح ...اقفل يا جزمه😒
...............
وقت بسيط و راحت روح وراجح واخواته الشباب ومراد وداوود.
رغم حاله الحزن اللي معرفوش يخرجوا منها لكن عمليه جلال كانت هي الحاجه اللي تضحكهم من قلبهم ورغم الحزن اللي جواهم إلا ان روح الفكاهه موجوده في دمهم ومن اول ما راحوا و الشباب مش مبطلين ضحك.
خرج اخيراً جلال من غرفه العمليات وهو نايم علي وشه في الترولي.
واول ماشافوه مقدروش يفصلوا ضحك.
جلال كان واخد بنج نصفي بس مدروخ ومش في كامل وعيه من البنج.
الممرضين حطوا علي السرير
واطمن راجح عليه من دكتور مجدي وقالهم انه كويس واول ما البنج يروح ويقدر يحرك رجله هيمشي عادي.
خرج وسابهم معاه في الاوضه.
روح....جلال حبيبي انت كويس
جلال...بدروخه اه انا فل🥴
زيد...بضحك جلال حاسس بحاجه.
جلال....حاسس اني اتفضحت وهجبلكم العار🥴
ضحكوا عليه كلهم
جلال...وهو مغمض ايه الاصوات دي انت قولتلهم يا ياسين
ياسين...بضحك كلهم هنا ياقلب يا سين.
جلال...ربنا يفضحك يا شيخ🥴
ياسين...عملوا فيك ايه جوه😂
بدأ جلال يهيس ويضحك بهيستريا وهما يضحكوا علي ضحكه.
جلال...بضحك قول معملوش ايه😂😂 انا اول ما دخلت روحت علي السرير لقيت الممرضه بتوقفني بتقولي لحظه انت رايح فين
جلال...قولتلها هطلع قالتلي طيب اقلع الاول😂😂😂
فكرتني بفيلم سلام ياصاحبي شخلل عشان تعدي😂😂
مراد والشباب عينهم كانت مدمعه من الضحك وروح بتضحك بهدوء وتسكت فيهم صعبان عليها وفنفس الوقت ضحكه وطريقته وهو بيحكي تفطس من الضحك
زيد....وقلعت يا رخيص😂
جلال....قولتلها اقلع ايه قالتلي اقلع البنطلون😂كان نفسي اديها في وشها بس كنت في مركز ضعف😂😂
مراد...الله يخربيت شكلك😂
سالم...بضحك ومخدتش بنج كلي ليه يا فضيحه علي الاقل متحسش انك مفضوح قدامهم
جلال...اسسسسسكت مش انا طلبت من دكتور مجدي بس ربنا ينتقم منه قاللي لا😂😂
راجح...بأبتسامه وطي صوتك يا جزمه الراجل يسمعك
جلال...ياعم مايسمعني مش كفايه فضحني😂😂😂
قاللي مش هينفع قلعت وطلعت علي السرير وانا زي ما ربنا خلقني😂😂😂 بنام علي ضهري لقيت دكتور التخدير قاللي انت بتعمل ايه قولتله لا بقولك ايه انا مش هنام علي وشي انا راجل اوي😂😂😂😂
ضحكوا كلهم عليا وقاللي لا هتاخد الاول البنج في ضهرك.
نادر....بضحك ادفع نص عمري واشوفك وانت قالع والكل بيتفرج عليك😂😂😂
جلال...اخوك اتعمل عليه حفله😂😂 كنت عايز اقوم اجري دكتور مجدي بيقولي متخافش دي بسيطه عايز اقوله انا مش خايف انا عايز الكل يخرج بس
مراد....كان في كام واحد معاك😂😂
روح ..اسكتوا بقي بلاش رخامه🥺😂😂
جلال...انا مش فاكر بس شعب مصر كان جوه دكتور مجدي ومعاه مساعد ودكتور التخدير وخمس ممرضين لا وكلهم بنات😂😂😂
وقعدوا بقي يحكوا قصص حياتهم اتكلموا في السياسه واتكلموا عن العربيات واتكلموا في تربيه القطط😂😂😂 انا مالي انا بتربيه القطط وايه المواضيع اللي ملهاش علاقه ببعض دي
ياسين...مخدوش رأيك في العربيات😂😂😂
جلال...بضحك هستيري دكتور مجدي بيقولي ايه رأيك في اللي حاصل في البلد عايز اقوله ياعم اتنيل اخلص وسبني في حالي😂😂😂
لا وكان بيشرح للدكتور اللي معاه والممرضين واقفين يتفرجوا وانا تحت ايدهم في ذمه الله😂😂😂 السرير تحتيي متلج بس انا من الاحراج جايه مايه من كل حته🙈
زيد....بضحك الله يخربيتك مش قادر 😂😂🙈
جلال..ااااااه 🥺💔
روح...بس بقي سيبوه
سالم...هو بيضحك كده ليه
راجح...واخد بنج مدروخ هو مش دريان اصلا باللي بيقوله
رجع ضحك تاني بهيسرتيا وهما يضحكوا عليه.
جلال...دكتور مجدي بيقولي بعد العمليه هترتاح قولتله لما تخلص هبقي تعبان ولا هقدر امشي
الدكتور المساعد جنبه قاللي لا طول مافي بنج انت كويس بس بعد البنج ما يروح هتحس بتعب
عايز اقوله أسسسسسكت سيبني اتفاجئ ياللي ربنا ينتقم منك متضيعش عنصر المفجأه😂😂
مراد...ااااه بطني وجعتني من الضحك.😂😂🙈
جلال....بعد ما خلصوا العمليه لقيت دكتور مجدي جايبلي حاجه كبيره كده علي منديل بيقولي بصي طلعنا منك ايه😂😂
عايز اقوله ياعم مش عايز اشوف انجز فضحتني لا وبيقولي ايه احنا حطينالك فتيل
بقوله يعني ايه فتيل قاللي ده شاش وقطن عشان ميحصلش نزيف حسيت وقتها اني اتصدمت بقوله حطيتوه فين😂😂😂
ضحك عليا هو والموجدين معاه قاللي هيكون فين يعني😂😂سؤال غبي انا عارف بس بطمن علي مستقبلي
زيد...بضحك طب وده هيفضل فيه كده ولا هيشلوه قبل ما نروح.
جلال...بضحك انا حاسس اني هعيش عمري بيه😂😂 انا كل اللي مجنني الوقت هعرف اعمل حمام تاني ولا خلاص المكان اتسد بالشاش والقطن😂😂😂
ياسين....الله يخربيتك ولا ياجلال فوق انت هتقتلني لو عرفت انت بتقول ايه😂
داوود ....حرام عليكم اسكتوا بقي انتوا فضحتوا كويس ان مفيش حد من البنات جه وشافه بالمنظر ده😂😂😂😂
جلال....هي جات عليهم كنتوا جيبتوهم 😂😂😂
سكت ثواني وبدأ يعيط البنج مخليه مش مركز في ردود افعاله
روح...بس ياحبيبي انت كويس والله اسكتوا بقي بلاش تضايقوه🥺
زيد....احنا حينا جنبه هو اللي مش مبطل ضحك وفضح نفسه.
رجع جلال ضحك تاني جبتلك العار يا راجح باشا😂😂😂 دكتور مجدي كان عامل عليا حفله😂😂😂😂
فضلوا كلهم يضحكوا وقعدوا معاه وفات اكتر من ساعتين كان بدأ جلال يحرك رجله وفاق خلاص من التهييس اللي كان فيه
زيد...ايه هو مش المفروض كده يمشي بقي.
ياسين.....اه دكتور مجدي قاللي اول ما يحس انه قادر يقف يمشي علي طول.
بصله جلال 😒 ده انت هتشوف ايام سوده مني
ياسين...وانا عملت ايه بس الحق عليا بجبلك اممك و ابوك و اخواتك عشان متبقاش لوحدك😂😂😂
نادر......ده انت كنت عامل دماغ عنب😂😂
سالم...قلعت البنطلون يالوزه😂
جلال.....بلاش انت ياكبير أخوك اتفضح علي الفضائيات لا ومش مكفيهم الفضيحه حاطين شاشه قدامهم 😂😂😂 والله كنت خايف يطلع بث مباشر ويفرج الشعب المصري عليا😂🙈
زيد...طيب قوم يا مصيبه يلا عشان البسك هدومك
جلال...والمصحف ما يحصل 😂😂😂 كفايه كده عليا اوي انا اتشافت انهارده بما فيه الكفايه
زيد.....هي جات علي اخوك ياواطي😂😂
جلال...اه يا اخويا جات عليك علي الاقل دول معرفهمش ومش هعتب المستشفي دي تاني يمكن ينسوا لكن انا في وشك علي طول😂😂😂
روح...طيب هساعدك انا ومش هبص والله بس مش هتقدر
جلال....لا ياروح انا كويس والله هلبس لوحدي خرجيهم بقي عشان البس
سالم...انا مش قادر اقوم 😂😂
جلال...بضحك والله ماقادر انجز قبل ما احس بالوجع الله يباركلك
ياسين...ولا يا جلال روح جيبالك جلبيه بيضا عشان تلبسها
جلال...والمصحف ما يحصل 😂😂 جلبيه بيضه ليه هو طهور بقولك ايه اخرج عشان مش طايقك😒
راجح...مش هتقدر تلبس بنطلون
جلال...والنبي ياحاج سيبني في حالي الله يباركلك😂
راجح...بضحك الحق عليا يلا قوم البس.
خرجوا كلهم بعد ما روح خرجتهم بالعافيه
ظقايق عدت وفتح جلال الباب وهو لابس الجلابيه فطسوا كلهم من الضحك
مراد...لبست الجلابيه يعني😂
جلال....مقدرتش البس البنطلون ربنا مايوقعك في ضيقتي يا مراد😂😂😂😂🙈
ياسين.....شكل يونس الشلبي في العيال كبرت
جلال....ماشي يا ياسين الكلب ليك يوم😂😂😂
ضحكوا كلهم عليه وبعدين خرجوا من المستشفي راحوا علي القصر
- يتبع الفصل التالي اضغط على (رواية احفاد الطوبجي) اسم الرواية