رواية احفاد الطوبجي(1) الفصل الحادي و الثلاثون 31 - بقلم اميرة اسامه
..........
عزيز...مريم مراتي
مراد...كنت مخبي فين القمر دي يا عزيز.
مريم...بإبتسامه بسيطه ميرسي.
عزيز...والله مش مخبيها بس هي مريم كده لا بتحب الجو بتاعنا ولا بتحب تظهر اصلا ولا ايه يا حبيبتي.
ابتسمت مريم من غير تعليق وهي قلبها مش مبطل دق.💔
عزيز....ده زيد باشا الطوبجي مريم مراتي .
زيد...فرصه سعيده
مريم...ميرسي.🥺
سالم....فرصه سعيده يا مريم هانم.
مريم...انا اسعد🥺
نادر....فرصه سعيده يا مدام.
بصتله مريم بوجـ ـع وحزن وخـ ـوف واكتفت بأنها تهز راسها.💔🥺
و قف عزيز يكمل كلام مع مراد والمستشار والناس اللي معاهم وفضلت مريم واقفه جمبه مش عارفه تعمل ايه ولا تروح فين بتحاول تبعد عينها عن نظرات نادر وفي نفس الوقت عايزه تكلمه عايزه تقوله حاجه ومش عارفه.
سالم....زيد نادر قرب يطلع نار من عينه وانا مش فاهم حاجه.
زيد....احنا لازم نمشي بأي طريقه انا مش ضامنه.
سالم...يا أبني طب فهمني.
زيد...سالم مش وقتك لما نمشي.
قرب زيد من نادر.
زيد....نادر يلا بينا نمشي احنا من غير ما حد يحس و هنبقى نكلم مراد والشباب نعرفهم اننا مشينا.
نادر....مشيني من هنا يازيد انا مش طايق نفسي.
زيد...طيب يلا بهدوء كده قبل ما حد يلمحنا.
شافته مريم وهو ماشي مع أخواته وبيبعد.
مشيت من جمب عزيز بهدوء لمحتها داده زينب اللي كانت واقفه جوه الڤيلا جنب الباب بتتابع الحفله وعينها على مريم
واول ما شافتها مرتبكه و بتتلفت راحت وراها.
مشيت مريم ورا نادر عايزه تلحقه وهو بيمد بسرعه.
مريم...ناااادر.
وقفوا كلهم ووقف نادر بصدمه توقع انها مش هتيجي وراه و هتـ ـخاف
بصوا كلهم بسرعه عليها وبص زيد لنادر.
زيد....نادر مش هينفع نقف يلا.
مريم....أرجوك استنى انا محتاجه اتكلم معاه.
نادر.....وانا مش عايز اتكلم معاكي ولا حتى اسمع صوتك.
مريم....لا هتسمعني يا نادر
زيد...طيب مريم مريم من فضلك ده لا مكانه ولا وقته صدقيني اللي بيحصل الوقت ده مش صح خصوصاً ليكي انتي.
مريم...مش مهم اي حاجه المهم نادر يسمعني ويديني فرصه اشرحله🥺
سالم....بابتسامه بسيطه مدام مريم زيد بيتكلم صح ده مش وقته عشان عزيز.
مريم....وانا قولت مش هاممني حاجه انا عايزه بس اتكلم مع نادر.
نادر...بغضب وانتي هيهمك ايه صحيح😡 ده جوزك اللي تعرف واحد وتخبي انها متجوزه تعمل اكتر من كده لأنها بايعه القضيه ورخيصه😡
مريم....بدموع والنبي بلاش انت بالذات تظـ ـلمني يا نادر 🥺
نادر.....اوعي تفكري ان دموعك دي هتخيل عليا 😡 كنت مغفل مره مستحيل اكررها تاني
زيد....يا مريم عشان خاطر ربنا امشي الوقت و أمسكي الكارت بتاعي اهو كلميني وقت تاني وابقي أشرحي اللي انتي عيزاه وقتها بس امشي الوقت يلااا.
مريم....وانا قولتلك مش همشي طول ما هو شايفني بالشكل ده مش هقدر.🥺
نادر.....متتعشميش أشوفك بشكل غير ده 😡
مريم....مش يمكن لو سمعتني تغير رأيك💔
نادر....أسمع ايه هاااا انتي في لحظه قررتي تختفي وانا كنت هناك بدور عليكي زي المجنون همـ ـوت واعرف روحتي فين ولا مين اللي خدك كويسه ولا فيكي حاجه الف سؤال والف سيناريو زي الزفت أترسموا قدام عيني في الوقت ده وانا معرفش جرالك ايه كنت بنادي عليكي في الشارع كأن عيله صغيره تايهه انا نزلت مصر تاني يوم على طول من اختفائك لما ملاقتكيش قولت انزل اشوفك هنا في مصر ولو ملاقتكيش هرجع أقلب عليكي تركيا بس نزلت و أتفاجئت بمـ ـوت أخويا كنت بين نارين و أضطريت افضل هنا بس منستكيش يا مريم كنت بلف عليكي الشوارع هنا انزل الصبح وأدور مسبتش مكان حكيتيلى عليه إلا و روحته حتى المقطم روحت مع نفسي كذا مره على أمل إني الاقيكي و بعدين الصدفه تحط قدامي صور العزاء و ألاقيكي كنتي موجوده هناك.
حاولت أوصلك وبردوا معرفتش
انا بس عندي سؤال واحد ليكي
جيتي العزاء ليه يا مريم جيتي ليه وانتي مقرره انك تختفي ايه كنت صعبان عليكي و جايه عشان تواسينى ولا كنتي جايه وعارفه اني مش في مصر اصلاً وجيتي ازاي أصلاً مصر يا مريم انا في وسط ما انا في العزاء و دماغي معاكي وواثق انك لسه في تركيا
فجأه تيجي مصر وتحضري العزاء سافرتي ازاي وامته😡 وعملتي فيا كده ليه.
زيد....يا نادر أرجوك مش وقته
مريم...بدموع انا فعلاً متوقعتش انك جيت مصر بس كنت عايزه اكون مع روح في اليوم ده بس صدقني والله العظيم انت مش فاهم حاجه.🥺💔
قربت منها داده زينب في الوقت ده وهي مش فاهمه اللي سمعته.
زينب....تعالي يا بنتي الباشا هيشوفك
نادر...ولا عايز أفهم يا مريم مفيش حاجه ممكن تقوليها تبرر اللي حصل مفيش حاجه تخليني أسامحك على وجـ ـع قلبي عليكي وانا بدور عليكي زي المجنون💔
وبعد كل ده المدام تطلع متجوزه
زيد...بتنهيده غضب ارجوكي لو سمحتي خدي مريم من هنا بسرعه
زينب...يابنتي تعالي معايا انتي مش ناقصه مشـ ـاكل.
مريم....مش همشي غير لما يفهم 🥺💔
لمح سالم عزيز جاي من بعيد هو ومراد عليهم.
سالم...عزيز جاي علينا🙈
زيد....امسحي دموعك بسرعه وبص جمبه لمح تربيزه وراه بخطوه واحده عليها كاس في عصير شده بسرعه من غير ما عزيز يلاحظ ودلقه على فستان مريم.
بصوله كلهم بصدمه من رد فعله
حط زيد الكاس في أيد نادر وبصله.
زيد...انت وقعت الكاس عليها من غير ما تقصد و هي متعصبه منك تمام.😡
مراد.....انتوا واقفين هنا وانا بدور عليكم.
عزيز....مريم بتعملي ايه هنا؟
زيد....أسفين يا عزيز باشا بس نادر وقع عليها العصير من غير ما يقصد والمدام أضايقت شويه.
عزيز...بإبتسامه حصل خير يا حبيبتي.
نادر....بتنهيده اسف مكنتش اقصد هي اللي كانت ماشيه مش واخده بالها.
عزيز....محصلش أي حاجه يا نادر باشا زينب روحي يلا مع المدام خليها تغير الفستان.
زينب...تحت امرك يا عزيز باشا.
مشيت مريم معاها وهي هتمـ ـوت🥺💔
سالم....واضح ان المدام عصبيه شويه
عزيز...انا اسف جداً والله ولو حصل منها اي حاجه امسحوها فيا انتوا عارفين ان الستات بيحبوا يهتموا بظهرهم اوي.
مراد....مش تاخد بالك يا عم نادر أديك زعلت المدام مننا.
عزيز.....لا خالص مفيش حاجه والله.
نادر....معلش بقى يا باشا انا مضطر امشي وابقى اعتذر للمدام بالنيابه عني.
عزيز...الله هو الباشا زعل ولا ايه؟
نادر...لا والله خالص بس لسه ورانا مشوار مهم
زيد.....معلش بقى زي ما نادر قالك كده وكمان في بكره عندنا شغل.
عزيز....كان الله في العون وبجد نورتوني اوي واتبسطت انكم جيتوا.
مراد....احنا اتبسطنا اكتر يا عزيز.
عزيز...ايه ده بقى انت ماشي انت كمان.
بصلهم مراد وهو حاسس إن في حاجه معلش بقى يا عزيز أنت عارف الشغل ورانا ورانا.
عزيز....انت هتقولي عارف طبعاً
اتكلموا شويه كان سالم بلغ باقي اخواته و لمحهم كلهم جايين من بعيد مع داوود.
سلموا على عزيز وبعدين انطلقوا
بالعربيات وراء بعض.
فضل نادر ساكت طول الطريق وهو قاعد جمب زيد.
كلهم مكانوش فاهمين اي حاجه
وصلوا بعد وقت بسيط القصر
كانت روح صاحيه هي وصبا وزهره وفرح وجنه وقاعدين في الجنينه وراجح نام.
نزل نادر وهو مش طايق نفسه.
روح....نادر نادر
زهره...في ايه.
روح....معرفش ربنا يستر.
مراد.....ما تقف يالا و تفهمنا في ايه.
زيد....سيبه الوقت يا مراد سيبه.
طلع نادر بسرعه على اوضته وسابهم.
روح...في ايه ماله نادر.
زهره....ماله يا قاسم؟
قاسم...والله ما عارف في ايه يا زيد.
مراد....ما تقول يا زيد اللي حصل انت ولا سالم.
سالم....انا مش فاهم اوي بردو بس اللي فاهم زيد يفهمنا هو.
روح...اخوك ماله يا حبيبي.
زيد....نادر شاف مريم يا روح.
روح...مريم مين؟
زيد....مريم اللي كانت معاه وقت الزلزال في تركيا.
روح....ايه ده انا ازاي صحيح مسألتهوش بعد ما رجع عنها ده كان بيقول انها مش معاها اي حاجه ازاي نسيت أسأله سبتها ازاي ومع مين لوحدها كده.
زهره...كلنا أتلخمنا في اللي حصل يا روح.
روح....ايوه بس هو شافها فين انا مش فاهمه؟
زيد...شافها في الحفله يا روح قبل حـ ـادثه ايمن بيوم نادر كلمني كان في حاله مش طبيعيه متعصب وبيزعق وعايزني اتصرف و احجزله بأي طريقه لان المطارات كانت فتحت بس مكانتش بتاخد غير عدد بسيط حاولت افهم منه حالته دي بس مقالش وكان متعصب اوي أتدخلت وقدرت أحجزله على طياره الساعه عشره الصبح مقولتش انه جاي عشان عارف ان روح هتفضل قلقانه لحد ما يوصل وبعدين اللي حصل لأيمن شغلني كنت معرف السواق و الجارد يروحولوا وهو جه على المقابر زي ما شوفتوا عرفت بعدها انه في نفس اليوم اللي كلمني فيه كان خارج يجيب حجات من بره وكانوا كويسين جدا لما رجع اتفاجئ ان مريم سيباله رساله ميدورش عليها وبتشكره على كل اللي عمله معاها بس انا لما شوفت الرساله كلامها مكانش يطمن مرضتش اعرف نادر طبعاً وبس بعد كام يوم من مـ ـوت ايمن نادر لمح صورتها في العزاء
روح....ايه جات العزاء؟
زيد..اه وده معناه انها وصلت مصر اصلاً يا في نفس اليوم اللي نادر جه فيه يا وقت ما اختفت بس جات ازاي ومين اللي طلعها من هناك وهي لا معاها فلوس ولا ورق مش عارف.
قاسم.....نادر مكانش يعرف انها متجوزه عزيز.
روح....ايه؟ متجوزه
زيد....لا مكانش يعرف بعد ما شوفنا صورتها كانت ظاهره لوحدها اصلا حاولت اعرف بطريقتي حاجه عنها معرفتش لحد ما شوفناها انهارده في الحفله وعزيز عرفنا عليها على أنها مراته.
مراد.....طب وليه كدبت عليه؟
زيد....هي مكدبتش عليه يا مراد هي مقالتش اصلاً انها متجوزه ولا معروف هي أختفت ليه مره واحده ولما هي عندها القدره انها تيجي مصر بالسهولة دي كانت مفهماه ليه انها لا معاها ورق ولا فلوس
سالم....اكيد كانت بتلعب عليه
يوسف....انتوا متأكدين طيب انها هي.
ياسين...يا ابني انت غبي بيقولك اسمها مريم وهي نفس الشكل
زيد....مش بس كده مريم جات ورانا واحنا ماشين وحاولت تفهم نادر مكانش هاممها عزيز يشوفها او حد يلمحها كل اللي كانت بتعمله بتعيط و منهاره و مصممه تحكيله حاجه.
زهره....هتحكيله ايه دي طلعت متجوزه .
جلال....طيب هو زعلان ليه الوقت انا بردوا مش فاهم.
زيد....أخوك للأسف حبها
روح...حب واحده متجوزه انت بتقول ايه بس.
زيد....مكانش يعرف يا روح مقالتش.
قاسم....انا شايف ان اللي حصل لحد كده كفايه و يحمد ربنا انه عرف حقيقتها قبل ما رجله كانت تغرز اكتر خصوصا ان جوزها معروف.
داوود...انا كمان رأيي كده.
زيد....انا أول مره أشوف نادر في حالته دي ومش سهل عليه يعدي زي ما انتوا بتقولوا نادر حبها بجد والغريب اللي حسيته ان مريم كمان حبيته💔
سالم....معاك حق يا زيد انا كمان حسيت بكده اوي دي كانت منهاره وكل اللي كان فارق معاها ان نادر يسمعها.
روح...انتوا بتقولوا ايه انتوا الاتنين اكيد اتجننتوا حب ايه و حبيته ايه تحب واحد غير جوزها ازاي بس🥺
زيد....في حاجه مش مفهومه في الحكايه ياروح صدقيني لو كنتي شوفتيها كنتي هتفهميني ومن إصرارها قلبي بيقولي ان في حاجه كبيره خصوصا الست اللي كانت معاها دي تقريباً شغاله او مربيه كانت بتقولها يلا قبل ما عزيز يجي انتي مش ناقصه مشـ ـاكل معاه.
روح...حتى لو في بينها وبينه مشـ ـاكل ده مش مبرر لخيانتها ليه.
زهره...صراحه انا مع روح.
روح....الكلام ده يتقفل عليه خالص و ميتفتحش تاني ابداً ونادر انا ليا كلام معاه بعدين وكويس اوي ان ابوه نايم وإلا كان شاط فينا اكتر وهو مش ناقص.
زيد...سيبيلي انا نادر يا روح هتكلم معاه بطريقتي وإن شاء الله خير.
داوود....بس سيبه انهارده يا زيد لوحده بلاش تضغط عليه كفايه الصدمه اللي أتصدمها انهارده.
زيد...اكيد يا داوود أكيد.
طلعوا الشباب والبنات كان امير بعيد معاه تليفون بعد ما طلعوا لقى روح لسه واقفه وباين عليها الصدمه.
أمير...ايه يا روح روقي كده خير إن شاء الله ويلا اطلعي أرتاحي.
روح....بحزن هتيجي منين الراحه بس يا أمير يظهر انك كان معاك حق لما طلبت مني اقرب من فرح
وقتها كنت شايفه اني مقصرتش معاها واني بحاول اكون جمب الكل
امير....ماهو انتي عملتي كده فعلاً يا روح.
روح....لا يا أمير انا كنت فاكره كده كنت فاكره اني سايبه وجـ ـعي جوايا وقريبه من الكل طلع الوجـ ـع مسيطر عليا من غير ما أحس
لا حسيت بفرح و بوجـ ـعها ولا حسيت ان مراد ويوسف متغيرين وكل واحد فيهم شايل هم البنات اللي لقوهم ولا حسيت بوجـ ـع نادر لما جه ولا حتى سألته بعدها عن اي حاجه انا اول مره اعرف الوقت ان زيد كان عارف انه جاي أصلاً كنت فاكره انه جه صدفه وحتى البنت اللي كانت صعبانه عليا نسيت اسأله عنها
أمير....حتى لو زي ما بتقولي يا روح ليكي عذرك يا حبيبتي اللي حصل مش سهل علينا مابالك انتي عشان خاطري بلاش تأنبي في نفسك كل شويه والمهم انك عرفتي اهو وجه دورك تقفي معاهم بجد.
روح...بحزن معاك حق.
امير...يلا اطلعي أرتاحي هاتي أيدك❣️
طلعت روح معاه رغم وجـ ـعها على نادر وحزنها على فرح والأمور الغير مستقره الفتره دي..
..............
داده زينب يا بنتي بطلي عياط واحكيلي في ايه مرضتيش تغيري و تنزلي تاني ومن ساعت الناس دي ما مشيت وانتي ممـ ـوته نفسك عياط انا مفهمتش اي حاجه من اللي حصل تحت يا مريم فهميني يا بنتي طمنيني.
مريم...فاكره يا داده لما قولتلك اني قعدت مع شاب مصري بعد الزلزال.
زينب....ايوه فاكره وقولتي انه وقف معاكي وساعدك وكان سبب في انه ينقذك من المـ ـوت.
مريم...بوجـ ـع اهو هو ده نادر يا داده اللي كنت واقفه معاه💔🥺
زينب....طيب وليه كان بيتخانق معاكي انا مش فاهمه.
مريم....عزيز لما بعتلي نبيل وشريف الجارد بتوعه كان نادر في الوقت ده بيشتري حجات من بره و معرفش اني مشيت معاهم سبتله رساله عشان اعرفه اني بخير وطلبت منه ميدورش عليا وشكرته على كل حاجه عملها معايا.
ولما جيت اخوه مـ ـات وروحت العزاء بتاعه مع عزيز
زينب....هو ده اللي اخوه مـ ـات.
مريم...ايوه مكنتش هروح بس مقدرتش حبيت ارد ولو جزء بسيط اوي من اللي عمله معايا نادر بس مكنتش اعرف انه هناك🥺💔 هو ما شافنيش بس انا اللي شوفته
ومن يوم اللي حصل ونادر قالب عليا الدنيا ومش مصدق اني انا كويسه لانه عارفه اني مكانش معايا ورق يرجعني مصر ولا فلوس.
زينب....طب وليه يا بنتي معرفتيهوش في رسالتك ان جوزك وصلك الحمد لله وهيرجعك مصر.
مريم....بوجـ ـع وصوت عالي نسبياً لانه مكانش يعرف اني متجوزه اصلااااا🥺💔 ميعرفش.
زينب....مريم اوعي يا مريم تكوني
مريم....ايوه حبيته يا داده حبيته فوق ما تتصوري هو انا مش من حقي أحب و أتحب مش من حقي اختار الروح اللي تتقبلها روحي
انا مصدقت يا داده الاقي حد احس انه شبهي قلبي وروحي متعلقين بيه
زينب....بوجـ ـع وطي صوتك طيب يا بنتي ابوس ايدك عزيز لو سمع مش بعيد يقتـ ـلك.
مريم....والله والله ما بقت فارقه انا قلبي بيتقـ ـطع يا داده ومحدش فيكم حاسس بيا ده انا كنت مصدقت اعيش يومين مصدقت عرفت اسرق من الدنيا ضحكه لحظه حلوه مشاعر محستهاش قبل كده انا قبله كان قلبي شاخ وحسيت بالعجز في روحي
نادر عمل فيا اللي مكنتش اتوقعه قلب كياني وخلاني لأول مره اكون متمرده على وضع اتفرض عليا بجد🥺💔
زينب.....مريم متنسيش انك متجوزه ومش متجوزه اي حد ده عزيز اللي انا وانتي عارفين عنه كل حاجه.
مريم...بوجـ ـع عارفه وصدقيني مفيش غير نادر اللي هيطلعني من المستنقع ده بس هو خلاص مش هيسمعني هو مش شايفني اصلا
نادر انقذني من المـ ـوت وانا مـ ـوته بأيدي🥺💔
زينب....طب بطلي عياط عشان خاطري واهدي كده وهنفكر صدقيني لو حبك زي ما بتقولي هيفضل عنده فضول يعرف عملتي كده ليه لو طلعك بره حياته بسرعه يا مريم تعرفي انك انتي بس اللي حبتيه مش هو وخديها من واحده ياما شافت في الدنيا الراجل ده وهو بيتكلم معاكي تحت كان موجـ ـوع اوي والراجل ميتوجـ ـعش كده إلا لو حب بجد يا مريم.
ابتسمت مريم من وسط دموعها يعني ممكن يسامحني ويسمعني🥺
زينب....بحب اه يا مريم ممكن واللي بيحب بيسامح ويغفر المهم الوقت تقومي تغسلي وشك وتاخدي دش دافي و متخليش حاجه تبان عليكي الحفله خلصت وشويه وعزيز هيطلع بعد ما طارق صاحبه يمشي ولو سألك عن اي حاجه قولي انك مزاجك اتقلب لما العصير وقع عليكي ماشي.
مريم...حاضر يا داده 🥺💔
زينب...يلا قومي يا حبيبتي وخليها على الله صدقيني هنلاقي حل ماشي.
مريم...حاضر.🥺
...........
في صباح يوم جديد صحيت مريم ونزلت تفطر مع عزيز كانت ساكته خالص.
عزيز....مش بتاكلي ليه يا حبيبي
مريم...شبعت.
عزيز....بإبتسامه بسيطه كان لزومه ايه اللي حصل امبارح بس يا قلبي.
مريم....ايه ده؟
عزيز....الطلعه اللي طلعتيها في ولاد الطوبجي انا عارف انك كنتي نازله الحفله غصب عنك بس مينفعش انك تعاقبيني و تحرجي ضيوفي دول مهما كان ضيوف في بيتنا.
مريم...هو انت متخيل اني ممكن أحرج حد عشان أعاقبك يا عزيز؟
عزيز...امال تسمي اللي حصل ده بايه ده الراجل كان باين عليه انه مضايق و مقعدش بعد اللي حصل لا هو ولا اخواته عيله الطوبجي دي عيله تقيله يا مريم في البلد ومش بيروحوا لأي حد ووجودهم امبارح كان حاجه مهمه ليا.
مريم....قولتلك يا عزيز اني مش ممكن احرج حد عشان أضايقك وعلى فكره هو أصلا كان ماشي بسرعه و خبط فيا يعني بيا او من غيري هو كان ماشي أصلا واه انا اضايقت لما وقع العصير عليا بس متعدتش حدودي معاه😠
عزيز....ماشي يا مريم حصل خير بس من فضلك خلي بالك بعد كده وياريت تتحكمي في اعصابك المره الجايه.
قامت مريم وهي بتنفخ.
عزيز....على فين؟
مريم....قولت شبعت😠
عزيز...بألف هنا يا حبيبتي❣️
مريم...في سرها بني ادم مستفز
خلص عزيز فطاره وخرج على الشركه.
فضلت مريم قاعده في اوضتها راحه جايه تفكر وهي الكارت بتاع زيد في ايدها.
وأخيراً قررت تتصل عليه.
رن موبايل زيد وهو في مكتبه.
زيد....الووو
مريم...بارتباك صباح الخير حضرتك استاذ زيد؟
زيد...ايوه مين حضرتك؟
مريم....انا مريم ؟
زيد....مريم؟🤨 اه اهلا يا مريم هانم.
مريم....اهلا بحضرتك
زيد...معاكي؟
مريم....انا ليا طلب عند حضرتك
زيد ..لو هقدر أعمله مش هتأخر
مريم....عايزه اشوف نادر انهارده
زيد...مدام مريم صدقيني نادر مش في أحسن حالاته وانا شايف ان الموضوع لازم يخلص على كده
مريم....بدموع لااا والنبي ما تقول كده انا من حقي اشوفه و اتكلم من حقي اقول عملت كده ليه وازاي حصل اصلاً حتى لو انا غلطانه المفروض يكون ليا الحق في تبرير غلطي ده صح.
زيد....انا فاهم صدقيني انا يمكن انا الوحيد اللي عرفت حكايتك مع نادر وكنت قالب الدنيا عليكي معاه بس الوقت الوضع متغير انتي متجوزه وبصراحه من غير زعل انا معنديش مبرر لكدبتك دي مع اني بردوا متعاطف معاكي معرفش ليه؟
مريم....عشان انا مش بكدب عشان ربنا واحده اللي عالم الحقيقه عشان خاطري يا استاذ زيد خليك معايا ولو فعلا بتحب نادر و متعاطف معايا زي ما بتقول اديني فرصه و خليني اقابل نادر ولو فضل على موقفه بعد ما يسمعني صدقني انا هنسحب من حياته بس على الأقل اكون خدت الفرصه دي.
زيد....وانا موافق بس انا مش عارف نادر هيوافق ولا لأ.
مريم...مش لازم تقوله عشان خاطري اعمل نفسك عايزه معاك في مشوار في اي حاجه وخليه يجي 🥺 وحياه روح عندك ساعدني انا الوقت مليش غيرك.
زيد...بإبتسامه ماشي يا مريم طيب اقابلك امته وفين؟
مريم....نتقابل الساعه خمسه في المقطم هبعتلك اللوكيشن بتاع المكان
زيد ...تمام يا مريم هكون عندك في المعاد بس أرجوكي خدي بالك عشان ميكونش حد وراكي
مريم...اطمن هكون هناك قبل ما تيجي.
زيد...تمام اشوفك على خير سلام.
مريم...سلام.
قامت مريم وبدأت تجهز في نفسها عشان الوقت يعدي وقبل المعاد بساعه كانت لبست خدت مفاتيحها ونزلت لقت الجارد بتوع عزيز والسواق واقفين بره
راحت على العربيه وقبل ما تطلع جالها الجارد والسواق ومصممين يكونوا معاها اتعصبت عليهم و مسكت موبايلها تتصل على عزيز.
اول ما شاف عزيز رقمها ابتسم بحب.
عزيز....ايوه يا مريوم
مريم...بعصبيه انا بس عايزه افهم حاجه هو انت بتبقى مبسوط وانا مضايقه بتبقى سعيد وانا على اخري بتبقى في قمه النصر وانت مخليني تحت امرك😠 هو انت ليه بتعمل فيا كده يا عزيز🥺
عزيز...في ايه مريم مالك يا حبيبي بس.
مريم....انا مخنـ ـوقه وعلى اخري حبيت انزل واشم هواء عايزه اخرج بعربيتي نفسي اسوق وابقى لوحدي محتاجه اجيب حجات واعمل شوبينج من وقت ما كل حاجه راحت في الزلزال وانا ناقصني حجات كتير.
عزيز....طيب وانا من امته قولتلك متخرجيش وتجيبي كل اللي نفسك فيه يا مريم
مريم....مش دي القضيه يا عزيز بس كمان انا مش مجبره اني اروح واجي وانا مع رجالتك ارحمني يا عزيز انا بكرهه الجو ده بجد بيتعبني مبعرفش ابقى مرتاحه وهما معايا عايزه اكون براحتي لو فاكر ان دول هيمنعوني اني اختفي من على وش الدنيا تبقى غلطان واظن انا عملتها قبل كده كتير ورغم ان رجالتك كانوا عينهم عليا قدرت قبل كده اخرج وقدرت اسافر من غير ما تعرف
عزيز....هو انتي فاكره لما بخليهم يبقوا معاكي بخليهم عشان يراقبوكي يا مريم يا حبيبتي افهمي انا بحبك وبخـ ـاف عليكي وده امان ليكي مش اكتر.
مريم....من ايه امان من ايه فهمني انا محدش يعرفني لاني مش بظهر اصلا ارجوك يا عزيز بلاش تزود المشـ ـاكل بينا وخليني براحتي.🥺
عزيز....حاضر يا مريم اخرجي وانا مش هخليهم يجوا معاكي بس لو اتصلت بيكي اي وقت ارجوكي ردي وطمنيني.
مريم.....ماشي يا عزيز وصدقني لو خلتهم يمشوا ورايا وديني يا عزيز ما هتشوف خلقتي تاني.
عزيز.....قولتلك خلاص يا مريم اعملي اللي انتي عيزاه بس ممكن تاخدي داده زينب معاكي على الاقل اكون مطمن.
مريم....حاضر يا عزيز هاخدها وعلى بال ما اقولها تجهز تكون بلغت رجالتك يبعدوا عني خالص يا اما وديني هقتـ ـلهم😠
ابتسم عزيز على كلامها ماشي يا مريم حاضر يلا باي يا حبيبتي.
مريم...سلام.
قفلت مريم وراحت قالت لزينب تجهز عشر دقايق بالظبط كانت مريم خرجت بداده زينب بره الڤيلا خالص
وطول الطريق تبص في المرايه لحد ما اتأكدت ان فعلاً مفيش حد خرج وراها.
....................
في مكتب أمير كان بيخلص خلاص شغل و بيلم حاجته عشان يخرج اتصلت عليه فاطيما وطلبت تقابله ضروري.
وصل امير بعد وقت بسيط للمكان
قابل فاطيما وقعدوا مع بعض شويه.
أمير....ايه يا فاطيما قولتي ان في حاجه مهمه عيزاني فيها.
فاطيما....انت عارف اني انا و مامي هنسافر لبابي امريكا خلاص
نقضي معاه شويه لانه مش هيقدر ينزل الفتره دي خالص بسبب شغله.
أمير...اه عارف في حاجه ولا ايه.
فاطيما....لا بس يعني انا كنت بفكر من فتره اني اساعد بابي في الشغل انا و شادي اخويا وممكن نقعد هناك شويه مش مده بسيطه زي ما قولتلك.
أمير....قد ايه يعني؟
فاطيما...مش عارفه بس ممكن ست شهور.
امير...ست شهور يا فاطيما طيب ما تقعدي هنا وتظبطي انتي شغله هنا وشادي يفضل معاه هناك.
فاطيما....اصلا شادي مسافر بالعافيه هو عايز يفضل هنا عشان خطيبته وغالباً هو شهر واحد وهينزل.
امير...اممم يعني شادي مش هاين عليه يسيب خطيبته وانتي عادي تقعدي هناك .
فاطيما....مقولتش عادي بس كمان دي فرصه يا امير وانت عارف اني من زمان نفسي اجرب الشغل والعيشه هناك هناك الدنيا مفتوحه اكتر فرص النجاح وتحقيق الذات متوفره اكتر.
امير...مقولتش حاجه بس افرضي عجبتك العيشه والشغل والنجاح هناك هتفضلي.
فاطيما....وافرض حبيت اعمل كده ايه المشـ ـكله
امير...المشـ ـكله اننا هنبقى بعيد عن بعض يا فاطيما.
فاطيما....وليه نبقى بعيد ما انتوا ليكم شغلكم هناك بردوا ممكن انت اللي تمسك اي حاجه ليها علاقه بامريكا.
امير....شغل ايه اللي بره يا فاطيما انتي تقريبا فاهمه غلط يا حبيبتي احنا كل شغلنا هنا واي سفر او اي حاجه بتخلص بره البلد بتبقى صفقات بيبقى مؤتمرات ميتنج شغل اتحدد في بلد بره عشان صعب هما يجوا هنا ولو حصل وفي شغل بره البلد بيبقى في بلاد محدده اغلبها دول عربيه للمشاريع الهندسيه بيبقى تصدير سيراميك مش اكتر
فاطيما.....طيب وفيها ايه لو سافرت وعملت بيزنس خاص بيك ونبدأ هناك مع بعض.
أمير...فيها كتير يا فاطيما اولهم اني مستحيل اسيب اهلي و أصحابي وناسي مستحيل أبدأ من الصفر في حاجه مفهمش فيها مستحيل اتخلى بسهوله عن إمبراطوريه الطوبجي
فاطيما...طب وانا يا امير؟
أمير...انتي ايه انتي المفروض موجوده معايا والمفروض انك كنتي هتبقي جزء من العيله دي
فاطيمه...كنت؟
امير..اه يا فاطيما كنتي بس واضح انك غيرتي رأيك.
فاطيما...لا يا امير مغيرتش رأيي بس كمان انت عارف ان ده حلمي وفرصه زي دي لما تجيلي مينفعش اسيبها انت المفروض تشجعني.
امير....وانا مقولتش سيبي حلمك ونجاحك يا فاطيما بس كمان لازم تعرفي ان قصاد الحلم ده ممكن تخسري حجات كتير اوعي تفكري اني بمسكك من ايدك اللي بتوجـ ـعك انا مش ضد نجاحك يا فاطيما بس ده لو في نفس المكان اللي انا فيه لكن تبعدي وكمان عيزاني ابعد معاكي مستحيل
فاطيما.....امير انت خـ ـايف تقابل مامتك هناك؟
امير.....بابتسامه سخريه وحتى لو انتي فاكره اني لوقابلتها انا او هي هنعرف بعض اكيد مش خـ ـايف يا فاطيما بس انا عندي مبدأ أبويا أخواتي أهلي صحابي عشرتهم عمرها ما تهون عليا و مستحيل أبعد عنهم بصي يا فاطيما خلينا منسبقش الاحداث سافري وشوفي حياتك هناك هتبقى عامله ازاي هتقدري تنجحي وتحققي نفسك ولا لا هتقدري ترمي كل حاجه وراء ضهرك بما فيهم انا وتكملي هناك ولا مش هتقدري وبعدين نبقى نعرف الدنيا هتاخدنا لفين.
فاطيما....انت مش عايز تجرب حتى يا امير مش يمكن انت كمان تقدر تعيش عادي.
امير....انا اقدر اكون معاكي في اي مكان يا فاطيما مش فارق معايا بس المكان ده هيكون في ابويا واهلي ولا لأ. فاطيما انتي ليكي غلاوه في قلبي وانتي عارفه بس لازم تعرفي ان غلاوتك قدام غلاوه اهلي عمرها ما هتكسب وده مش تقليل منك صدقيني بس اللي مالهوش ماضي واصل عمره ما هيكون ليه لا حاضر ولا مستقبل فكري يا فاطيما وانا معاكي في اي قرار🙂❣️
أتنهدت فاطيما وبصتله وهي بتفكر في كلامه كانت واثقه من البدايه انها مش هتقدر تقنعه بتحبه ومش هتقدر تخسره بس كمان هي بتحلم ولازم تجرب
..............
نادر....هو مشوار ايه اللي انت رايحه ده و واخدني معاك فيه.
زيد....انت بترغي كتير ليه شويه وهتعرف.
بص نادر على الطريق لقى زيد بيطلع بيه المقطم بصله بسرعه.
نادر....زيد هو احنا رايحين نقابل مريم؟
بصله زيد ورفع حاجبه اشمعني.
نادر....مش محتاجه ذكاء انت عمرك ما خدتني مشوار شغل للمقطم😠
زيد...امممم وجهه نظر بردوا طب افرض ايه المشـ ـكله؟
نادر....المشـ ـكله اني مش عايز اشوفها يا زيد 😠 ومن فضلك يا ترجع يا تنزلني.
وقف زيد على جنب وركن العربيه وبصله.
زيد....انزل لو كلامك ده من قلبك بجد انزل لو معندكش فضول على الأقل تعرف ايه اللي حصلها انزل
لو معندكش فضول تعرف منها ازاي نزلت مصر من غير فلوس ومن غير ورق انزل ولو معندكش فضول تعرف ليه خبت عليك جوازها من عزيز انزل.
لو الاحساس اللي جواك من ناحيتها اللي انا حسيته ده وصلي غلط يبقى انزل.
نادر....بعصبيه انت معايا ولا معاها دي طلعت متجوزه😠
زيد...انا لا معاك ولا معاها انا مع قلوبكم اللي بتتوجـ ـع ومفيش تفسير لوجـ ـعها والمفروض اني لما الاقي عند مريم إجابه لتفسير الوجـ ـع ده امسك فيه على الاقل يا ترتاح يا تفضل متعـ ـذب..
نادر....وانت فاكر انها حتى لو قالت حاجه مقنعه انا هرتاح ولا مريم هتبقى ليا بقولك دي طلعت متجوزه ايه بقى عادي كده يا زيد باشا اعرف واحده متجوزه.
زيد...أحترم نفسك وخلي بالك من كلامك من امته وانا بشجع على معرفتكم بستات متجوزه 😡 بس كمان غريبه انها تفضل معاك الوقت ده كله في تركيا عايشه معاك ومحدش يسأل عليها وغريبه انها متحكيلكش حاجه عن عزيز خالص انت نفسك قولتلي ان حياتها رغم ضحكها بس غامضه وده بيأكد ان في حاجه وصراحه انا عندي فضول اعرف وعشان كده وافقت اقابلها معاك ها اكمل ولا هتنزل.
بصله نادر بغضب ورجع راسه سند على الكرسي وبص عالطريق.
ابتسم زيد ودور العربيه وطلع على المكان.
دقايق بسيطه ووصلوا كانت هي لسه موصلتش.
ركن زيد عربيته على حرف الهضبه بتاعت المقطم.
نادر...ما تدوس عجله كمان خلينا نخلص😡
زيد...بضحك ايه خـ ـايف على عمرك اوي😏
نادر....واخـ ـاف من ايه انا الفندق اتهد على دماغي وطلعت منها😏
زيد...يا جاااامد انت قلبك مـ ـات ياض يا نادر 🤨
نادر....ممكن اعرف سبب لروقانك ده😡
زيد....بضحك انا رايق😂😂🙈 بلاش ادعي عليك و اقولك اشوفك رايق زيي يا ابني ده انا بسببكم كلكم قربت اشتغل في الشؤون الإجتماعيه تصدق بالله يا نادر انا نفسي أحللكم كل مشاكلكم عشان الاقي وقت افكر في مشاكلي😡
نادر....و انت عندك مشاكل اصلا😡
زيد...بسخريه ماهو اللي ميعرفش يقول ايه؟؟😡
بس عارف انت صح هتعرف منين وانا عامل فيها سوبر هيرو كده وعامل فيها حمامه السلام بلا نيله عليا 😡😡😡
نادر...بضحك خلاص يا عم اهدى شويه انا مش جاي أخليك تفكر في نفسك الوقت.
جات في الوقت ده مريم لمحها زيد بتركن عربيتها وراء عربيته.
زيد...مريم جات.
بص نادر في المرايه اللي جنبه واتنهد تنهيده طويله.
زيد....قسماً بالله يا نادر تطلع فيها قبل ما تعرف هرميك من هنا انت فاهم.
نادر....حاضر هنزل اخدها بالحضن واقولها وحشتيني.
زيد...😒 نفسك انت انا عارف🤨
نادر....مش بقولك رايق.
زيد....طب انزل ياعم القرفان😡
نزل زيد واول ما مريم شافته نزلت بهدوء وبصت لزينب خليكي انتي يا داده.
زينب...حاضر 💔 مريم بهدوء يا بنتي
هزت مريم راسها وقربت بهدوء من زيد مدت ايدها ليه.
زيد....ازيك يا مدام مريم.
مريم....بخير شكراً بجد أنك جيت وجبته معاك.
زيد....مفيش شكر ولا حاجه وبصله كان نادر نزل سند على الباب مديهم ضهره وبيشرب السيجاره بغضب.
زيد....ناااادر.
خد نادر نفس وبصله ومشي بهدوء عليهم وهو بيخـ ـانق الحجاره تحت رجله راح وقف جمب زيد سند ضهره على العربيه وربع ايده وبص لزيد وتجاهل مريم خالص🤨 معاك يا زيد.
زيد....بهدوء كده هتتكلموا ومن غير عصبيه اظن انتوا كبار بما فيه الكفايه هي من حقها تدافع عن نفسها وانت من حقك تعرف إجابه أسئله كتير في دماغك والوقت هسيبكم شويه عشان تتكلموا براحتكم.
مريم...بلهفه لا🥺
بصولها الاتنين.
مريم...اااا اقصد يعني من فضلك خليك معايا انا عيزاك تسمع اللي هقوله من فضلك.
نادر...ايه خايـ ـفه مني احسن ارميكي من هنا متخـ ـافيش يا مريم مش هعمل كده😡
زيد....انا قولت احنا مش عيال يا نادر صح😡 وبص لمريم.
مريم. واسمحيلي اقولك مريم يعني من غير ألقاب
مريم....طبعاً
زيد....متقلقيش انا هكون جمبك وهو هيسمعك بهدوء.
مريم....بحزن كبير صدقني انا مش خايـ ـفه منه انا اللي عيزاك تكون موجود ااااه ومعايا حد يا نادر حابه اعرفك عليه.
شاورت مريم لداده زينب تنزل.
فتحت داده زينب الباب ونزلت وقربت منهم مسكت مريم ايدها وقربتها ليهم.
مريم....دي داده زينب يا نادر حكيتلك عنها دي الست اللي ربتني وكانت ليا اكتر من أم.
داده زينب ده نادر وده اخوه استاذ زيد.
زينب....اهلا يا ابني ....اهلا يا ابني.
نادر....اهلا بحضرتك.
زيد....اهلا بيكي يا ست الكل.
مريم....انا عارفه يا نادر انك عايز تسأل أسئله كتير اوي وانا هجاوبك على كل حاجه من غير حتى متسأل.
نادر....لا في سؤال مهم افتكرته وعايزك تجاوبي عليه
مريم..أسأل؟🥺
نادر....لما عرفتي اني رجل اعمال قولتيلي وانتي بتضحكي شكلك مش باين عليك عشان معلوماتي عن رجال الاعمال انهم مغرورين وديماً متعصبين زي ما بتشوفي في التلفزيون عرفت منك انك لا كان ليكي علاقه من بعيد ولا حتى من قريب برجال الاعمال كدبتي ليه يا مريم وانتي نفسك متجوزه رجل اعمال ليه أسمه😡
وسؤال كمان بفكر فيه من امبارح
مريم...ايه هو🥺
نادر....لقاءنا ده يا مريم كان مجرد صدفه ولا كان حاجه مترتبلها😡
مريم...بوجـ ـع مش هقدر الومك على شكك فيا يا نادر حقك تقول اكتر من كده بكتير بس لازم تعرف اني اكيد مش مزقوقه عليك لأني أضعف من كده بكتير.
نادر....بغضب امال عملتي كده ليييييييه😡😡
زيد...نادر😠
مريم....انا عمري ما رتبت اني اعمل حاجه في حياتي اصلاً 🥺
كل حاجه بتحصل صدف واحلام.
هحكيلك يا نادر بس خليني ابدأ من الأخر.
يوم ما خرجت يا نادر تجيب الحاجه خمس دقايق والباب خبط كنت فكراك نسيت حاجه وراجع تاخدها اتفاجئت بالجارد بتوع عزيز.
وبدأ مريم تحكيله التفاصيل اللي حصلت بعد خروجه لحد ما كتبت الرساله وبعدها بساعات كانت في مصر.
مريم....ده اللي حصل بعد ما خرجت يا نادر🥺
نادر....وجوازك من عزيز اللي خبيتيه عليا تسميه ايه؟😡
مريم....انا لو اقسمتلك بأي حاجه عشان تصدق اني نسيت معاك كل حاجه مش هتصدقني🥺💔
نادر...بسخريه نسيتي جوزك وانك متجوزه لا جديده دي🤨
مريم....اه يا نادر نسيته انا كنت هناك اصلا عشان انساه لما قولتلك اني متعوده اسافر لوحدي واني موجوده سياحه مكانش صح انا فعلا متعوده اسافر بس في التوقيت ده سفري مكانش سياحه سفري كان نسيان وظهورك في حياتي و حياة ربنا ساعدني انساه وانسى نفسي وانسى كل الوجـ ـع اللي شوفته🥺
انا قولتلك قبل كده يا نادر اني كل حاجه في حياتي حلم واني بخـ ـاف من الاحلام عشان بصحى منها على كابـ ـوس وحلمي معاك يا نادر انتهى وصحيت على كابـ ـوس بمجرد ما رجالة عزيز لقيتهم قدامي🥺💔
نادر....بغضب انا مش عايز اسمعك يا مريم صدقيني مش هقدر اصدقك ولا هقدر اتعاطف معاكي على كدبك ده كله صحيح امك وابوكي وعلاقتك معاهم كانوا كدبه بردوا😡
مريم...لا لا دول اكبر سبب في الجحيم اللي عيشته يا نادر صدقني عزيز يمكن يكون جوزي بس على الورق جوزي بالإجبار جوزي اللي اتفرض عليا وبقى سجن مش عارفه اخرج منه.
نادر...ايه جوزوكي غصب عنك 😡 عشان كده فكرتي انك تخونيه صح.
زينب....بعد صمت مريم مش خاينه مريم دي ست البنات اسمعها يا ابني وبلاش تبقى انت والدنيا عليها🥺
نادر....اسمع ايه بس انا مش لاقي مبرر واحد للي بتقوله اتجوزتيه ليه لما انتي مش بتحبييييييه😡
مريم.....بغضب ووجـ ـع وقهره عشان أغتصبنييييييييييي🥺💔
نادر...😳
زيد....🙈💔
مريم...عزيز كان ابن صاحب بابي كان صاحب عمره اشتغله وجمعوا فلوس مع بعض واول فلوس جمعوها مكانش بشقاهم يا نادر بابا اشترى حتت أرض في قنا كان حابب يبني عليها مصنع ولما بدأوا في الحفر لقوا تحت الارض آثار سابوا الارض والحفر وكل حاجه وخدوا اللي ظهر تحتها واختفوا فتره والد عزيز هو اللي باع كل حاجه ووهم الي باعله انه معاه غيرهم عشان يطمعه ويقدر يديهم سعر كويس ولما باع بالسعر اللي طلبه بقى يتهرب من الراجل ده لحد ما في يوم الراجل وصله فضل يحاول معاه والد عزيز قاله كنت بضحك عليك عشان اخد السعر اللي انا عايزه الراجل مصدقهوش وهدده يقـ ـتل مراته قدام عينه وفضل والد عزيز مصمم لحد ما الراجل فعلا قتـ ـل والدة عزيز على اساس انه يخـ ـاف ويتكلم بس متكلمش والراجل قتـ ـله هو كمان في الوقت ده عزيز كان شايفهم من الشباك لانه دور ارضي وفضل مستخبي وبعد ما مشيوا جري على بابي حكاله كل حاجه وقاله ان بباه رفض يتكلم ويقول مين شريكه ومن يومها عزيز بقى ابن لبابا اللي كان بيحلم يكون عنده ولد🥺💔 وقرر يربيه معايا ويعيش كأنه واحد مننا وقتها عزيز كان عنده 15 سنه وانا عشر سنين عاش عزيز معانا بقى ايد بابي اليمين وبقى يعتمد عليه في كل حاجه خلص تعليمه وبقى شاطر في شغله جداً لحد ما بقى عنده 22 سنه وانا كان عندي 17 طول الفتره دي كان عزيز هادي جدا ديما ساكت اوقات تحسه خـ ـواف اوقات مهزوز اوقات في جبروت لايمكن يكون في بشر وده بسبب مـ ـوت والده ووالدته اللي شافهم قدام عينه🥺💔
هدوء واحترام عزيز كان وجهه للكل إلا انا يا نادر 🥺💔 انا اللي كنت بشوف وش عزيز التاني الوش المريض طول الوقت كان بيحاول يلمسني يقرب مني في الاول لما كان يلاقيني اتعصب واقوله هقول لبابي ومامي يفضل يعيط ويتحايل عليا ويقولي مش عارف عملت كده ازاي 🥺كان بيصعب عليا كنت بفضل اهدي فيه واخده في حضني لانه اخويا اللي اتربى معايا💔 لحد ما عجبته اللعبه يا نادر وش الملاك والشيطان اللي كان بيغير فيهم بإحترافيه كانت لعبته المفضله
وفي يوم كان في حفله كبيره معموله في الڤيلا اتعملت على شرف عزيز لانه بقى مدير تنفيذي للشركه رسمي وقدر في وقت بسيط يحقق نجاح فا بابي حب يحتفل بيه.
في اليوم ده انا تعبت وصدعت طلعت اوضتي ارتاح شويه ولاقيته جاي ورايا قاللي طلعتي ليه وفضل يتحايل عليا انزل قولتله هاجي وراك على طول.
كان شكله مبسوط اوي باللي حققه أبتسمت و باركتله لقيته خدني في حضني في الاول مشكتش لحظه انه يلبس وش الشيطان بسرعه 🥺
لكن ثواني و أتحول عزيز دخل وقفل الاوضه بالمفتاح يمكن عزيز وقتها كان جسمه صغير ورفيع جداً بس القوه اللي كانت عنده في اللحظه دي تهد الجبل اللي احنا واقفين عليه أكتفى بس انه يحط ايده على بوئي والأيد التانيه كتف بيهم ايدي 🥺💔
وقتها كان كنت اضعف من كده بكتير مقدرتش اقاوم مقدرتش ابعد نفسي كان مكتوم كنت بصـ ـرخ بكل طاقتي بس صوتي مش بيطلع 🥺 حسيت وقتها ان الدنيا بتسود في عيني لاني كنت بدأت اتخنق بجد وهو مكانش واعي ولا حتى حاسس اني بمـ ـوت تحت ايده.
مسابنيش غير لما دمرني🥺💔
وانا بمجرد ما شال ايده من عليا مكانش الصريخ ليه لازمه لانه مسابش حاجه أصـ ـرخ عليها💔
كنت شيفاه وانا نايمه وهو بيحاول يلبس زي المجنون ويظبط الاوضه كنت شايفه ملامح وشه وهو واقف يبتسم ويهز راسه كأن في حد قدامه اللي فهمته وقتها انه بيحاول يرجع وش الملاك بيدرب نفسه هيتعامل ازاي كأن مفيش حاجه حصلت بعد ما يخرج من الاوضه.
وفعلاً ده اللي حصل خرج وانا فضلت على وضعي ده شويه حاسه اني في كابـ ـوس قمت بسرعه غيرت هدومي وانا بصـ ـرخ ومحدش سامعني بصيت عليهم من الشباك الكل فرحان وطاير بيه🥺💔 بابي ومامي معاه في كل خطوه وانا فوق مدبـ ـوحه🥺
بس اللي دبــحني أكتر تاني يوم حاولت طول الليل اهدي أتلم على اعصابي وتاني يوم قررت اني أرمي في وشهم القنبله واقولهم ان اللي انتوا ربيتوا وكبرتوا وفخورين بيه اوي كده دبــ ـح بنتكم.
فضل ساكت وهما اتصدموا
بس كلمته ليا قدامهم خلتهم يبقوا في صفه.
قاللي انه ما يعضش الايد اللي اتمدتله ميكـ ـسرش ابوه وامه اللي ربوا ميقربش من اخته بس لو انتي غلطتي مع حد وحابه تلبسيهالي انا مستعد ألبسها عشان بابا ميتكـ ـسرش قدام حد💔
كان عنده هدوء اعصاب وإتزان غير طبيعي لدرجه تخليك تصدقه وانت مغمض عينك انا نفسي شكيت في نفسي من كتر ما كان صادق في كلامه بقيت اصـ ـرخ واقولهم كداب بس هما مصدقونيش 🥺💔 كانوا بيثقوا فيه ثقه مش طبيعيه كانوا شايفين انه بار بيهم ومطيع واخلاقه مفيش زيها
حاولت كتير بس محدش صدقني
لحد ما بابي قرر يكتب كتابي عليه وقتها وافقت بس صممت ان مش هيحصل إشهار او إعلان لجوازنا غير بعد ما اخلص دراستي .
هما رفضوا بس هو اقنعهم 🥺 وقاللهم سيبوها براحتها كان عامل فيها برئ لدرجه مرعـ ـبه💔
محدش صدقني غير داده زينب كلهم كانوا شايفين اني غلطت مع حد غيره واتهمته هو 🥺💔
بابي من كتر ما هو كان نفسه في ولد كلام عزيز بالنسباله كان مقدس داس عليا عشانه وداس عليا عشان شغلهم المشبوه اللي انا بس اللي كنت اعرفه🥺💔
عزيز كان بيجي يحكيلي كل حاجه عشان يكـ ـسرني ويهز صوره ابويا قدام عيني 🥺
كان طول الوقت بيعرفني اني دخلت جحيم مستحيل اخرج منه إلا بطلوع روحي وقدر يثبتلي فعلا بالورق شغلهم اللي كان كله آثار وسلاح تجاره في الدهب والالماظ المسروق كل حاجه تتخيلوها🥺💔
وقدر عزيز يخلي بابي يسقط من قدام عيني 🥺 ولما روحت اقول لمامي في الاول مصدقتنيش وكانت بتعاملني معامله وحشه طول الوقت شايفه اني كسـ ـرتها بس لما أثبتلها بردوا مبقتش معايا بقت مع نفسها🥺 وطول الوقت كانت كارهه الكل الأكتئاب وقعدتها لوحدها دمروها🥺
حتى وهي بتمـ ـوت وبتطلع في الروح رفضت اني افضل معاها🥺
وبقيت لوحدي وبعدها بابي كمان مـ ـات وعزيز اتفرض عليا ومش بس كده🥺💔
قدر يخلي بابي يكتبله كل حاجه املكها بيع وشراء خلي حياتي ومستقبلي وكل حاجه تحت رحمه عزيز🥺
مش هقول ان عزيز متغيرش يمكن اتغير ويمكن كمان بيحبني بجنون حب يخـ ـوف عنده استعداد يعمل اي حاجه بس انسى الماضي واسيب نفسي عشان احبه بس انا مستحيل اعمل كده انا بكرهه من كل قلبي🥺💔
مش هقولك يا نادر ان بعد جوازنا سلمتله نفسي 💔 يمكن من يوم جوازنا عزيز ملمسنيش غير مرتين وكانوا غصب عني وكل مره يفضل يعيط ويتأسف لحد ما بقى يقدر يتحكم في نفسه عشان بس يخليني ارضي عنه.
مريم… صدقني يا نادر انا مكدبتش عليك في حرف🥺💔
انا يمكن اللي حكيته ده الموضوع من بره لكن التفاصيل والايام كانت بتعدي ازاي محكتش عنها حاجه وصدقني لو حكيت هتصدق انا قد ايه اتوجـ ـعت🥺
نادر انا مصدقت لقيتك عشان خاطري مش هقولك متبعدتش بس هقولك لو ناوي تبعد متبعدش وانت شايف اني خاينه او كدابه متبعدتش وانت شايل ذكرى وحشه مني 🥺
نادر....بوجـ ـع شد مريم من ايدها لحضنه💔
وفضلت مريم تعيط بوجـ ـع وهي ماسكه فيه بأيدها الأتنين💔
اتنهد زيد وهو بيبص حواليه قلقان يكون في حد وراها.
وزينب...واقفه دموعها نازله على مريم.
خرجها نادر من حضنه ومسك وشها بأيده وبصلها بوجـ ـع💔
نادر....مصدقك يا مريم ومش عارف اقول ايه انا جوايا وجـ ـع وحزن وغضب مش منك بس من كل حد كان سبب في اللي حصلك.
انا حالياً يا مريم كل كلمه حابب اقولها راحت بس هقولك حاجه واحده بس 🥺 أي وقت هتحتاجيني هتلاقيني جمبك💔
لو عليا يا مريم مش هسيبك لحظه بس انتي حالياً ست متجوزه وانا مليش اي حق اني اتدخل
مريم...بوجـ ـع فاهمه يا نادر وانا مطلبتش منك ولا حاجه ...🥺
نادر...بس انا موجود ويوم ما هتحتاجيني هتلاقيني معاكي.
زيد...مريم انا كمان معاكي انتي مش لوحدك ويوم ما تحسي انك واخده قرار في حياتك محتاجه حد يدعمك فيه هتلاقيني انا ونادر وكل شباب الطوبجي في ضهرك.
ضحكت مريم من بين دموعها بوجـ ـع🥺💔🙈
ابتسم زيد وطبطب على راسها
وابتسم نادر وهي دموعه نازله🥺
نادر....يلا روحي يا مريم عشان ميحصلكيش مشكله
مريم...حاضر🥺
مسكتها زينب ومشيت بيها كام خطوه.
نادر...بوجـ ـع مررريم💔🥺
لفت مريم وبصتله🥺نعم
نادر....لو عزيز لمسك او فكر بس يضايقك كلميني وانا مش هيكفيني فيه عمره💔
ابتسمت مريم بحب وهزت راسها
وراحت على عربيتها ركبت ومشيت من قدامه بسرعه.
بصله زيد بوجـ ـع...مطلبتش منها تطلق ليه يا نادر💔
نادر...لانها ما نطقتهاش يا زيد 💔
استنيت انها تقولها بس مقالتش
مريم حكت كل حاجه وحشه حصلت من البني ادم ده ومذكرتش ولا مره انها طلبت منه الطلاق💔 او انها عايشه معاه غصب عنها.
زيد...طيب ماهي عايشه غصب عنها.
نادر....وليه مطلبتش ده حتى من قبل ما اظهر انا؟
ايه اللي يجبرها تعيش مع واحد زي ده؟
زيد....عشان مكانش عندها اللي يخليها تطلب يا حمار💔 كانت متعايشه واحد واخد منها كل حاجه هتعيش فين وازاي بس لما لقتك جات واتكلمت وفضحت سره قدامك.
نادر...وليه مطلبتش💔🥺
زيد....كانت مستنياك تطلب اكيد مش محتاجه ذكاء عمرها ما هتقولها بعد ما عرفت حكايتها او لما عرفت انها متجوزه يمكن فكرت من الرجاله اللي بيفرق معاهم البنت متجوزه ولا لأ.
نادر....بوجـ ـع💔 في كل الأحوال لازم مريم تعرف هي عايزه ايه لازم تحس انها مش ضعيفه ولازم تحس انها تقدر تاخد قرار
زيد...وانت ناوي تعمل ايه لو عرفت انها مش ضعيفه وانها تقدر تاخد قرار.
نادر....مش هسيبها يا زيد انا مصدقت لقتها💔🥺
ابتسم زيد وطبطب على كتفه.
- يتبع الفصل التالي اضغط على (رواية احفاد الطوبجي) اسم الرواية