رواية احفاد الطوبجي(1) الفصل الثالث و الثلاثون 33 - بقلم اميرة اسامه
البارت الثالث والثلاثون.
............
بعد ما تعاطفوا مع قصه مريم و كلوا مع بعض الكيك وهزروا
طلعوا على أوضهم عشان يرتاحوا.
وقف أمير يعمل فنجان قهوه خصوصا ان اليوم ده الشغالين كانوا أجازه.
دخلت روح تاني المطبخ قبل ما تطلع اوضتها.
روح...انت لسه مطلعتش يا حبيبي.
أمير...لا يا روح هعمل فنجان قهوه وهطلع اشربه فوق.
روح...ما قولنا بلاش قهوه بليل عشان متسهركش عندك شغل بكره.
أمير....بضحك لا انتي مش فاهمه ياروح القهوه بالنسبالي منوم أشربها من هنا و أدلق من هنا على طول🥴
روح....بضحك انت وقاسم وايمن الله يرحمه هما كمان القهوه مش بتسهرهم أبتسمت روح بحزن
لما كان أيمن في ثانويه عامه وكان يقعد يذاكر و يطبق عشان عنده امتحان الصبح كنت أدخل عليه بفنجان قهوه عشان يفوق كده ويركز أسيبه شويه و أرجع بعد ساعه جيباله عصير أو حاجه ياكلها ألاقيه في سابع نومه أول ما أصحيه ويكتشف انه نايم يقوم يتنطط ويبقى متعصب كان لازم ياروح تعملي قهوه قولتلك الف مره بلاش القهوه🙈
أمير....بإبتسامه الله يرحمك يا حبيبي بس هو فعلاً معاه حق انا القهوه بتعمل معايا كده عمري ما شربتها و فوقتني لدرجه اني اوقات لما دماغي تبقى مشغوله ومحتاج أريحها شويه أعمل قهوه عشان تنيمني و مفكرش في اي حاجه😂😂🙈
سندت روح ضهرها على حرف التربيزه و ربعت ايدها.
روح....أممم قولتلي بقى طيب وانت الوقت عملت القهوه عشان بتفكر ولا عشان معندكش نوم و عايزها تنيمك.
أبتسم امير وبصلها🤨 الأتنين✌️
روح...بضحك طب عايز تنام وفهمنا بس ياترى بقى مش عايز تفكر في ايه.
أمير....مفيش حصل حاجه كده ومن وقتها دماغي شغاله.
روح...حاجه ايه؟
أمير...بتنهيده فاطيما كانت من فتره قيلالي انها هتسافر امريكا لباباها هي ومامتها و اخوها هيقضوا معاه وقت وينزلوا بس قالتلي عايزه تشوفني وتكلمني في موضوع و اتفاجئت انها بتقولي هتقعد ست شهور وهتشتغل هي و أخوها هناك الفتره دي وبعدين اخوها هينزل وهي حابه تكمل هناك يعني حلمها ونفسها تحقق نفسها و انا عارف من زمان انها فعلا نفسها تكمل مع والدها هناك.
روح...طيب وفين المشكله ادام هي مِشَركاك معاها في أحلامها.؟
أمير....المشكله ياروح ان الوقت مبقاش مجرد حلم تروح وترجع فاطيما عايزه تستقر هناك وتعكس الحياه تنزل هنا اجازات وحياتها هتكون هناك والأهم من كل ده انها عيزاني اسيب كل حاجه هنا واروح معاها هناك نبدأ مع بعض
روح....تروح هناك وتسيبنا؟ طب وانت قولتلها ايه؟
امير....قولت لا طبعاً لا أقدر أسيب مراد ولا اسيبكم ولا اسيب شغلي ولا حتى بلدي مش هعرف انا عمري ما سبتكم يا روح وحتى سفريات الشغل عمري ما عملتها لأني مش هعرف اركز واشتغل وانا بعيد عنكم اه بسافر وبروح و باجي بس بيكون اجازه ودلع مش اكتر و بسافر لاني بسافر مع اخواتي لكن لوحدي لا.
ابتسمت روح بحب عشان جملته عن الشباب انهم اخواته.
روح...ربنا يخليكم لبعض يا حبيبي طيب انا عايزه أسألك سؤال لما هي عرضت عليك الموضوع وانت رفضت فين المشكله.
أمير....المشكله يا روح ان انا حالياً عقلي مشتت بطريقه غريبه لدرجه ان لما فاطيما قالتلي كده محستش اني اضايقت بالعكس حسيت اني عادي وحسيت كمان ان ممكن يكون ربنا عمل كده عشان اقدر اركز واعرف انا عايز ايه وعشان أقدر اكون مع فرح لوحدها من غير ما حد يشاركها فيا والحقيقه احساسي ده ضايقني جداً وحسيت اني وحش اوي و بظـ ـلم فاطيما مع اني بردو
حاولت على قد ما اقدر مبينلهاش اني عادي و قولتلها تفكر وتسافر و تجرب و تقعد المده اللي قالت عليها و تشوف هي عايزه ايه وانا معاها تفتكري كلامي ده كان صح ولا غلط؟
روح...صح جداً..
بص يا أمير انا عارفه انك بتمر بمرحله صعبه جداً والوضع اللي انت فيه مش سهل ابداً خصوصاً انك بتحاول تحدد مشاعرك رايحه فين او مع مين مفيش حد في الدنيا يا أمير يقدر يحب شخصين يمكن في حياتنا ناس كتير بنحبها
لكن بدرجات متفاوتة وفي ناس حبنا ليهم بيكون قد بعض يعني مثلاً انت بتحب عمك راجح وعمك داوود بس اكيد بتحب مراد اكتر لانه ابوك بس احنا مش مختلفين انك بتحبهم كلهم يمكن تكون بتحب اخواتك كلهم بس هتلاقي كام شخص فيهم بتحبهم قد بعض و متقدرش يومك يمشي من غيرهم والباقي عادي بس انت بتحبهم ..فا خلينا نكون متفقين انك ممكن تحب أخواتك قد بعض بالظبط صحابك قد بعض لكن عمرك ما هتعرف تحب بنتين زي بعض مينفعش الاتنين يكونوا في قلبك بنفس النسبه.
أمير....انا عارف بس حاسس اني تايهه.
روح....عايز نصيحتي يا امير؟
امير...طبعاً
روح....اولاً متزعلش من قرار فاطيما ولا تتهمها بالأنانيه انها مثلا فكرت في حلمها وطموحها اكتر ما فكرت في علاقتكم بالعكس كلنا معرضين نتحط في الأختبار ده انت نفسك تقريباً في نفس الأختبار بتحاول تشوف نفسك هتقدر تكمل مع مين مش انانيه منك بالعكس لازم تقرر عشان متظـ ـلمهاش او تظـ ـلم فرح.
خليها تسافر و تجرب وتنجح وتحاول وأنت خليك جمبها و متتغيرش في معاملتك معاها اديها فرصه أنها تفكر وتختار هتكمل بيك ولا من غيرك وانت كمان ادي نفسك فرصه و سيب موضوعكم يمشي زي ما هو وزي ما هي هتفكر تكمل في امريكا ولا تنزل تكمل معاك انت كمان وهي بعيده قرر انت عايز تكمل معاها ومفتقدها بجد ولا هتلاقي نفسك مع فرح فهمتني يا أمير.
أبتسم امير بحب فهمتك يا روح❣️
.................
في صباح يوم جديد.
أتجمع الكل على الفطار وزي العاده ميخلاش الفطار من غير شقاوه جلال ودمه الخفيف.
روح....زهره مش بتاكلي ليه.
زهره...مش عارفه يا روح من ساعه ما صحيت وانا حاسه ان في حاجه تقيله على صدري كأني واكله كتير ومش قادره اتنفس.
قاسم....طيب نروح للدكتور انهارده.
روح...بس ده طبيعي البيبي بيكبر وبيضغك عليكي وعلى نفسك وعلى كل حاجه
مراد....انتي في الكام الوقت يا ام عتريس🤨
زهره....😠اقول عليك ايه يا زيد انت اللي طلعت عليا ام عتريس دي انا داخله السادس خلاص.
زيد....وانا مالي هو الاسم شكله عجبهم وصراحه لايق عليكي انتي وقاسم 🤨
قاسم...بضحك حرام عليك يا مفتري الواد هيبقى عتريس قاسم😂😂😂
جلال...على الأقل ألاقي حد اسمه أوحش من اسمي😂😂😂
راجح....أصطبح على الصبح يا ابن الكلب 😒
يوسف....طيب ايه انتوا ناوين تسموا ايه صحيح؟
جنه....محدش هيسمي غيري🤨
قاسم...اهو اتفضل يا سيدي مصممه تسمي اخوها.
روح....بإبتسامه حقها دي هي الكبيره لازم هي اللي تسمي.
يوسف...و ناويه تسمي ايه يا ست جنه هانم🤔
جنه....هسميه عُدي 😍
يوسف...حلو عُدي😉 لا بتفهمي يا بت.
جلال....طبعاً بتفهم بص لراجح بطرف عينه شايف الاسامي اللي تفرح يا حاج😒
راجح...بإبتسامه أطفح وانت ساكت.
جلال....ماشي يا حاج هطفح بس متنساش اني يوم القيامه هقف قدام ربنا وأقوله اني مش راضي عن أسمي🥴 وحسابك بقى مع ربنا.
راجح....عايز تقف قدامي يوم القيامه يا ابن الكلب طب حلو اوي ابقى اقف انا كمان وأعد لربنا البلاوي اللي عملتها فيا🤨
جلال....الله في ايه يا باشا محدش يعرف يضحك معاك ابداً
ضحكوا كلهم على جلال وراجح و مناغشتهم لبعض و اول ما سكتوا ثواني أتكلمت فرح.
فرح...بابي انا كنت عايزه اطلب من حضرتك حاجه؟
راجح....عيوني يا فرح عايزه ايه ؟
فرح...بترقب وعيون زايغه🙄 انا كنت حابه يعني أنزل معاكم المجموعه و أشتغل.
راجح....تشتغلي طب ليه اللي اعرفه ان انتي وفيروز مالكوش في الشغل.
فرح...بالعكس انا بس مكنتش حاسه اني قد الخطوه دي او بمعنى اصح مكانتش الفكره مسيطره عليا اوي كده.
فيروز هي من البدايه اللي محبتش موضوع الشغل
راجح...انا معنديش مانع طبعاً ظبطي مع زيد وهو يتصرف.
فرح...حطت ايدها على وشها 🙈زيد يبقى مش هشتغل🥴
زيد...ليه ان شاء الله من أمته انا بمانع ان حد فيكم يشتغل.
ياسين...لحظه بس يا زيد بس يافرح انتي ناقصك ايه عشان تشتغلي؟
فرح...ولا اي حاجه بس محتاجه احس اني بعمل حاجه مفيده وأكيد مش لازم يعني يكون ناقصني فلوس.
ياسين....انا مش ضد شغلك على فكره بس مجرد سؤال وانتي حره.
زيد....وانا معنديش مانع يافرح
فرح....بسعاده بجد😍
زيد...اه بجد بس لازم تعرفي ان احنا في الشغل حاجه وفي البيت حاجه تانيه خالص.
جلال....🥴جبتي لنفسك وجـ ـع الدماغ مش فاهم يعني ربنا باعتلك الراحه لحد عندك ترفضيها ليه بس 😒 ده انتي هتتنفخي
فرح....بقولك ايه اطلع منها انت.
زيد....سيبك من الواد التافهه ده شوفي حابه تنزلي من امته وهتنزلي تدريب
فرح....ماشي😍 هو ينفع من بكره
زيد...ينفع طبعاً المهم تكوني جاهزه.
فرح...وانا جاهزه جداً
زيد...خلاص يبقى من بكره تنزلي.
قاسم....مبروك عليكي يا فروحه❣️
فرح...حبيبي يا قسوم😍
سالم....مش اوي كده هي مش هتعمر كتير خصوصا مع زيد🙄
نادر....بضحك طبعاً ده الباشا سلمها تسليم أهالي لزيد يعني ابو لهب الكبير اوي😂😂🙈
زيد....خليك في حالك انت وهو وبلاش تخـ ـوفوها من قبل ما تشتغل وعلى فكره بقى فرح قدها وانا عارف انها في مده بسيطه هتكون عارفه كل كبيره و صغيره
فرح....حبيبي يا زيد يارافع من معنوياتي 😍 تصدق بالله انا هرفع راسك بالعند فيهم.
زيد...بحب وانا متأكد يا فروحه.
جلال....حلاوه البدايات🥴
روح...بضحك بطل يارخم طب تصدق هتبقى احسن منك🤨 على الأقل تبقى اول واحده من عيله الطوبجي في الجنس الناعم تشتغل معاكم.
جلال.....الطموح مفيش احسن منه🥴
امير...بضحك يا جدع انت رخم اوي 😂😂
راجح....طب يلا بلاش رغي هنتأخر على الشغل
زيد...انا جاهز وهسبقكم
ياسين...قوم يا ابو نص لسان قدامي يلا🤨
جلال....سلام يا روح😍
روح...سلام يا حبيبي.
راجح...سلام يا حبيبتي.
روح....خلي بالك من نفسك يا حبيبي.
قاسم....روح مش هوصيكي على زهره لو تعبت كلميني هجيلكم فوراً
روح....امشي انت على شغلك بس ومتقلقش عليها.❣️
...............
وصل الجميع على المجموعه ودخلوا على مكاتبهم.
جلال....صباح الفل يا ملوكه.
ملك....صباح السكر يا سي جلال.
جلال....ميار اخبارها ايه؟
ملك...بخير الحمد لله بتسلم عليك انت وياسين وامير.
جلال...ايه اللمه دي كلها😒 ما كانت سلمت عليا انا بس ولا مش مكفيها🤔
ملك...بضحك أمسحها فيا انا المرادي عيله وغلطت يا جلال باشا.
جلال....مستر جلال لو تكرمتي😎
جه ياسين من وراه...بترغي في ايه يا مستر زفت عندنا شغل قد كده😡
كتمت ملك ضحكها.
جلال...ياجدع عيب أحترمني شويه مش اصول دي 😒وبعدين الواحد مينفعش يحافظ على بريستيچه قدامك ابداً
ياسين...طب يلا يا أبو برستيچ أبدأ شغل بص لملك بإبتسامه صباح الخير.
ملك....وهي بتضحك 😂صباح النور.
جلال...اه الضحك والأحترام لملك حلو إنما انا لا😒
ياسين....سيبك من الواد ده وتعالي يلا ورايا بالورق عندنا شغل كتير.
ملك....حاضر انا جاهزه😂😂🙈
جلال...اضحكي يا اختي اضحكي يارب تغلطي ويتحول لأبولهب ومحدش ينقذك من ايده.
ملك....خليك في حالك انت عشان شكلك بقى وحش اوي😂😂
جلال...ليكي حق ما انا بقيت ملطشه🤔
ملك...يا ابني انت بتتشطر عليا انا ليه ماهو قدامك اهو😂😂
ياسين....يلا قولت سيبك منه لو فضلنا جمبه مش هنخلص.
ملك....طب يلا😂😂😂
دخل ياسين ودخلت وراه على طول ملك قفلت الباب ولفت وشها لقت ياسين واقف قدامها مراحش على مكتبه أتخضت ورجعت خطوه لوراء.
ملك....ايه بتبصلي كده ليه؟
ياسين.....🤨انتي جيتي امته
ملك...جيت قبلكم بحوالي تلت ساعه ليه ؟
ياسين....يعني من ساعت ما جيتي ما فكرتيش تبصي على موبايلك مره واحده🤨
ملك....امممم لا ولا فتحته من وقت ما نزلت من البيت هو في حاجه.🙄
ياسين.....فين موبايلك؟
ملك...في جيبي🙄
ياسين...طلعيه🤨
طلعت ملك الموبايل وفتحته لقت ياسين متصل بيها 3 مرات وباعت ماسدچ على الواتس.
ملك...🙄🙄🙄بص متسجل على الشاشه انك اتصلت وبعتت مسدچ يعني مش فتحت الموبايل اصلاً ولو فتحته مكانش هيظهر اتصالك.
ياسين.....مفتحتيهوش ليه؟
ملك...ابداً والله بس يعني نزلت على طول ركبت الباص وطول الطريق كنت ملخومه في تظبيط الورق ولما جيت كملت لحد ما انتوا جيتوا.
ياسين....امممم🤨ماشي يا ملك.
ملك...طب ايه انت زعلان والله انا مش بكدب انا حقيقي كنت عايزه اخلص بأي طريقه لأني نمت على نفسي بليل وملحقتش أخلص.
مسك ياسين كف ايدها بجرأه وكأنها بقت حركه لا إراديه.
ياسين.....اكيد مش زعلان منك يا ملك بس كنت عايز اطمن عليكي مش اكتر ولما مردتيش قلقت أكتر
ملك....بتوتر من لمسه ايده سحبتها بهدوء ورجعت شعرها لوراء اااا لا متقلقش انا بخير بس زي ما قولتلك كنت مشغوله وبعدين الموبايل سايلنت
ياسين....طيب الموبايل ميتعملش سايلنت تاني ولو ضروري أوي يتعمل سايلنت يبقى تخلي الرقم بتاعي vip عشان يرن اي وقت تمام.
ملك...بإبتسامه ٱحراج مخلوطه بسعاده حاضر 😍
ابتسم ياسين وغمزلها طب يلا ورانا شغل كتير.😉
ملك....حاضر يلا🙈
....................
عند شمس.
كانت شغاله في المطعم ورايحه جايه مبسوطه جداً بشغلها الجديد كل الموظفين اللي في المكان كويسين جداً معاها ولحسن حظها مكانتش بتواجهه اي ضغوط في مكان شغلها الجديد ودي كانت اكتر حاجه مخـ ـوفاها لكن عدت على خير و أطمنت وقدرت تتأقلم بسرعه وبدأت تدي كل طاقتها في المكان والغريب انها المرادي في شغلها كانت قويه بتشتغل بأحترافيه مفيش خـ ـوف ولا قلق عكس ماكانت شغاله قبل كده في الاول كانت ديما قلقانه ومتوتره لان كان كل هدفها تنقذ والدتها كانت بتشتغل بس عشان تجمع مبلغ معين وده خلاها متركزش
لكن المرادي على الرغم من أحتياجها للفلوس عشان تديهم لسالم إلا أنها كانت مقرره تنجح بجد مقرره ان مفيش أي حاجه تدوس عليها تاني ولا تكـ ـسرها.
عدى بيها الوقت ساعه وراء ساعه لحد ما خلص معاد الشيفت بتاعها مشيت من المكان كان صابح تاني يوم عليها أجازه
قررت شمس تستغل اليوم ده وتجهز فيه أكلها طول الاسبوع عشان يادوب تروح تاكل على طول بس لأول مره تبقى مش عارفه تعمل ايه قررت تتصل بصفيه.
صفيه...ايوه يا شمس عامله ايه يا حبيبتي.
شمس...الحمد لله يا طنط صفيه بخير حضرتك كويسه.
صفيه...في نعمه يا بنتي خير في حاجه ولا ايه.
شمس....صراحه اه بصي يا طنط انا بكره بأمر الله اجازه وحضرتك عارفه اني برجع متأخر وببقى هلكانه ولو قدرت اقف على رجلي عشان اكل بيبقى اخري ساندوتش جبنه وكوبايه شاي فا بما اني بكره اجازه حابه اعمل كام اكله واخليهم على التسويه بس انا مش عارفه اجيب ايه وعيزاكي تساعديني.
صفيه...بإبتسامه بس كده عيني هقولك على كام حاجه تجيبيها ولما تيجي هقولك تعملي بيهم ايه.
شمس....تمام🙂 حفظت شمس الطلبات وراحت جابتها كلها وروحت على البيت دقايق وصفيه طلعتلها.
شمس.....بصي بقى يا طنط من ناحيه الطبخ بعرف اطبخ الحمد لله بس البيت ده متطبخش فيه حاجه من فتره كبيره كنت معتمده عالدليڤيري لاني مكنتش بلحق اعمل حاجه حتى يوم اجازتي كنت ببقى مع ماما طول اليوم.
صفيه...الله يرحمها يا حبيبتي.
شمس...يارب يا طنط المهم انا مش عارفه اعمل ايه بقى بالحاجه دي.
صفيه....بصي يا سيتي انتي لوحدك يعني اللي جبتيه ده مش هيأكلك اسبوع بس ده ممكن يقعد معاكي عشر ايام كمام
وبدأت صفيه تقولها تعمل ايه.
وشويه وسابتها ونزلت وبدأت شمس تجهز كل الأكلات اللي قالتلها عليهم صفيه وتجهزهم على التسويه وتشيل في الفريزر
لحد ما خلصت كل حاجه على قد تعبها لكن محستش بنفسها غير وهي بتخلص حاجات كتير اوي
من غسيل لترويق ولما حست بالتعب قررت تسيب شويه حاجات لتاني يوم.❣️
وبعد تعب اليوم خرجت شمس بأكلها وهي حاسه بالسعاده والإنجاز بحياتها اللي بدأت لحد كبير تستقر.
...................
في المجموعه
كان الشغل لسه مستمر في الوقت ده منذر كان بيحاول يوصل لزيد بأي طريقه لكن كان عامل موبايله على وضع الطيران عشان يخلص اللي وراه.
لما حس منذر انه مش عارف يوصله قرر يتصل بياسين.
ياسين....منذر باشا
منذر ...حبيبي يا ياسين اخبارك
ياسين...بخير الحمد لله ايه اللي فكرك بيا ولا متصل غلط ولا ايه في ليليتك دي🤨
منذر....بقولك ايه مش وقت رخامتك دي انا عايز زيد ضروري.
ياسين....زيد؟! طب متصلتش عليه ليه.
منذر....يعني انا مستنيك تفكرني اني معاه موبايل مش ناقصه غباء وحياة امك اخوك موبايله مقفول.
ياسين....ااااه قولتلي كده وعايزني اروح اقوله صح طب مش رايح🤨
منذر...انجز يالا😡😡
ياسين...طب براحه طيب شغال عند اهاليكم انا🤨
منذر....بقولك ايه انا مش فايقلك متبقاش تقعد مع جلال كتير ويلا خلصني 😡
ياسين....طب متتعصبش خليك معايا🤨
منذر....معاك😡
راح ياسين على مكتب زيد خبط وفتح.
زيد...تعالى.
ياسين...خد ياعم صاحبك الرخم اللي شبهك😡
زيد...منذر؟
ياسين...سبحان الله مقولتش حاجه انا😏 اه منذر
خد زيد منه الموبايل وهو منذر بيشتمه😡
زيد...بضحك أعصابك يا باشا.
منذر....انت فين يا زيد😡
زيد...في ايه يالا بتزعق ليه انا في الشركه.
منذر.....موبايلك مقفول ومش عارف اوصلك.
زيد...طب في ايه طيب؟
منذر....عايزك تنزل وتيجي حالاً على العوامه عند چورچ.
زيد...ليه في حاجه ولا ايه.
منذر....اه چورچ تعبان وطلبنا عشان نروحله.
زيد....ايه تعبان ازاي😳
منذر...وانا ايش عرفني انا في الطريق رايح على هناك
زيد....طيب انا هجيلك حالاً
منذر....تمام هقابلك هناك وابقى افتح الزفت ده😡
زيد...طب يلا سلام.
ياسين...في ايه مين اللي تعبان؟
زيد....ده چورچ صاحب العوامه اللي بنروح فيها وطلب يشوفنا.
ياسين.....خير ان شاء الله
زيد....بقولك ايه انا احتمال مرجعش تاني لو في اي حاجه ابقى كلمني.
ياسين....متشغلش بالك روح انت بس.
زيد....سلام.
ياسين....سلام
..................
بعد وقت بسيط وصل زيد كان منذر وصل قبله.
دخل زيد بسرعه على العوامه قابله منذر ودخله على الأوضه اللي بيقعد فيها چورچ
قرب زيد منه بسرعه ومسك أيده
زيد....ايه ياچورچ مالك ايه عايز تعرف غلاوتك عندنا ولا ايه.
چورچ....بتعب من غير ما تقول يا زيد عارف وانتوا كمان عارفين غلاوتكم عندي وعارفين اني مليش غيركم❣️
زيد....ايه يا حبيبي فيك ايه طلبتله دكتور ولا لأ يا منذر.
منذر....مرضيش وقال ان الدكتور جاله ومشي قبل ما نوصل.
زيد....طب في ايه طيب.
منذر....والله ما أعرف قاللي لما يجي زيد عشان مش هيقدر يتكلم غير مره واحده.
زيد...بقلق مش وقت كلام الوقت هنروح بيه المستشفى نطمن عليه الاول.
چورچ....يا زيد يا حبيبي متقلقش انا بخير اقعد بس انا عايزكم
زيد...بخير ازاي انت شكلك تعبان اوي ايه اللي حصلك احنا كنا لسه معاك من كام يوم كنت كويس.
چورچ...التعب لما بيزيد يا حبيبي بيقلب كيان البني ادم في ساعه💔
زيد....طيب نطمن عليك طيب وبعدين هنسمع اللي انت عايز تقوله.
چورچ...اقعد بس وبلاش تناهد معايا وبعدين هعمل اللي يريحكم.
منذر...متحاولش من ساعت ما وصلت وانا بتحايل عليه مش راضي.
زيد...طيب قول انا سامعك.
چورچ....اقعد يا منذر.
منذر....حاضر.
و بدأ چورچ كلامه.
چورچ....اللي هقوله ده تسمعوا من غير ما تقاطعوني خالص.
هز زيد ومنذر راسهم.
چورچ....قولتلكم قبل كده ان مفيش حد دخل العوامه دي إلا وكان وراه حكايه وكنت انا من اول الناس اللي حكايتهم اتكتب في كل شبر في العوامه دي.
أول يوم جيت في هنا كنت شخص تاني حد مقرر يخلص من حياته خالص كان وقتها عندي 22 سنه صاحب العوامه دي كان راجل كبير في السن من اول ما خطيت برجلي فيها كان مراقبني وحاسس ان فيا حاجه فضل واقف اكتر من ساعه مربع ايده و باصصلي وانا كنت قاعد في نفس المكان بتاعكم التربيزه بتاعتكم كانت التربيزه اللي قعدت عليها لاول مره💔
مش فاكر يومها قعدت ساكت وباصص للنيل وانا بعيط قد ايه؟
كل اللي فاكره ايد الراجل ده وهي ماسكه فيا وبيشدني بكل قوته قبل ما ارمي نفسي.
منذر....كنت هتنتحر😳
چورچ.....كانت لحظه ضعف كنت وقتها مش شايف اي حاجه في الدنيا غيامه سوده على عيني وجـ ـع في قلبي حاسس ان جوايا جمره ومش هتطفي إلا لو رميت نفسي في المايه💔
زيد....وليه كنت عايز تعمل كده يا چورچ🥺
چورچ.....أخويا💔 كان السبب دمر حياتي ووقف قصادي وسرق مني فرحتي اللي كبرت معايا من وانا صغير
زيد....بصدمه اخوك😳
منذر....انت ليك اخ يا چورچ.
چورچ....اه كان ليا اخ وليا اهل بس قررت يومها اني ميبقاش ليا حد وحتى مـ ـوتي محدش يعرف بيه💔
انا أصلاً صعيدي من قنا سبتها يوم ما وصلت على العوامه ومن يومها مروحتهاش ولا حد فيهم سأل
زيد....عمل ايه لكل ده يا چورچ؟
چورچ....كان توأمي
زيد...😳😳
منذر..😳ايه؟
چورچ....من صغرنا كنا ديماً مختلفين بس هو كان سبب الاختلاف ده كان بيغير مني كان شايف اني مميز عنه في المدرسه في البيت حتى في شغل ابويا في الارض كان بيضايق من نجاحي ييضايق لو سمع من حد كلمه كويسه عني اني اهدى واحسن منه كان بيضايق من قرب امي ليا مع اني كنت بحبه اوي ومكانش ليا يد في حب الناس ليا وللأسف وقتها مكنتش شايف كل اللي بقولكم عليه ده كنت شايفه حد طيب بيحبني زي ما بحبه بيتمنالي الخير زي ما بتمناله وهو طول الوقت كان بيحاول يكـ ـسرني لحد ما في يوم فتحتله قلبي وعرفته مين اللي قلبي اختارها عشان تكمل معايه.
استغل كل حاجه قولتهاله ولأن الشبه بينا كان كبير لدرجه انه مفيش حد بيقدر يعرفنا من بعض غير امي كان بيعمل كل حاجه وحشه في البنت اللي حبتها عشان يخليها تكرهني.💔
امي كان نظرها ضعيف اوي وفي يوم صحيت على كابـ ـوس لما عرفنا انها مش شايفه خالص وفقدت نظرها اللي كان ممكن يكون سبب برائتي في كل حاجه وحشه عملها بأسمي 💔
بدأ يبوظ الشغل في الارض على انه انا ويروح هو يصلحه لأبويا
بدأ يعلي صوته على الناس ويستقوي عليهم على انه انا والناس تروح تشتكي لابويا بدأ يتطاول على حبيبتي لحد ما كرهتني وخلى أبوها يشوفها وهي في حضنه بالغصب وراح ابوها لأبويا عرفه على اللي عملته واللي مليش ذنب فيه.
كل ده كان بيحصل وانا بنكر واقول مستحيل كنت وقتها بدأت اشك فيه لان مفيش حد ممكن يعمل كده غيره في البدايه كان هو كمان بينكر ويطلع فيا بجبروت واتغير معايا تماما وظهر وشه الحقيقي بس في الوقت ده كان قدر يستولي على ثقه ابويا بالكامل وبدأ ابويا يعاملني اسوأ معامله ويعامله هو احسن معامله في الحقيقه هو قدر يشيل الشغل وقدر ينجحه قدر يعمل حجات كتير عشان بس يثبت انه كويس
والأصعب من كل ده انه قدر يقرب من حبيبتي ويحاول يثبت انه هو اللي يستاهلها لحد ما حبيته.
وفي يوم طلب من ابويا انه يتجوزها على اساس انه يلم الكلام اللي حصل ويلم البلاوي اللي المفروض عملتها بداله ابويا شافه راجل ومسؤول ووافق وراح طلبها من ابوها و ابوها وافق وهي كمان وافقت في الوقت انا كنت بنهار خسرت كل حاجه مره واحده مكانش في حاجه في ايدي اعملها غير اني اروح في حضن امي واعيط🥺💔
لحد ما امي مـ ـاتت من حسرتها عليا حاولت تقف معايا كتير بس ابويا رفض يصدقها لدرجه انه اتهمها بدلعها ليا 🥺💔
وبعد مـ ـوت امي بأربع شهور اتجوز اخويا حبيبتي 🥺💔
وكان هو نفس اليوم اللي قررت فيه امشي و اسيب الدنيا لاني مكنتش مستحمل أشوفه وهو داخل بيها أيده في أيدها🥺
ومش عارف ازاي وصلت للعوامه ووقتها شريط اسود بقى يمر قدام عيني بكل حاجه كان بيعملها فيا وانا مكنتش واخد بالي منها
وقررت اخلص من حياتي 💔
بس صاحب العوامه لحقني على اخر لحظه عرف حكايتي وفضل ورايا لحد ما خرجت من حالتي دي واشتغلت معاه سنين كتير مكنتش بعمل اي حاجه في حياتي غير اني بشتغل وبس فاقد كل حاجه جوايا كأن قلبي خالي من اي مشاعر وبقت تسليتي الوحيده اني اسمع حكايه كل واحد يدخل المكان عدى على وجودي معاه 8 سنين كان وقتها عندي 30 سنه وفي يوم الراجل ده تعب وقرر انه يكتبلي العوامه دي بأسمي لأن هو كمان كان وحيد معندهوش وريث وكان عارف اني هحافظ على العوامه لأنها بقت كل حياتي.
وكملت من بعده وبقيت صاحب العوامه💔
زيد....واخوك وابوك
چورچ...معرفش عنهم حاجه من يوم ما سبت البلد بس مش هو ده المهم من حوالي 8 سنين أكتشفت اني عندي سرطان في الرئه💔
زيد...😳😳 انت بتقول ايه؟
منذر....وليه مقولتلناش💔
چورچ....معرفتكم مكانتش هتزود ولا هتنقص يا منذر انا كنت بتعالج اصلاً
منذر...بس لو كنت قولتلنا كنا فضلنا معاك ودناك احسن مكان تتعالج فيه.
چورچ....لما عرفت وقتها كنت مرحله تالته وانا مش دريان العلاج كان مجرد ان عمري يطول شويه لكن مش علاج للمرض والوقت انا في المرحله الأخيره خلاص عشان كده لازم أعمل أهم خطوه.
زيد....خطوه ايه💔
چورچ...بابتسامه حزن انا كتبت العوامه بأسمك انت ومنذر وفاضل بس أمضتكم المحامي في الطريق
زيد....انت بتقول ايه مستحيل طبعا العوامه دي بتاعتك وهتفضل بتاعتك وانت هتخف وهتبقى كويس.
چورچ....انا خلصت كل حاجه يا زيد ومش باقي غير امضتكم زي ما قولت وارجوك متعارضنيش لا انت ولا منذر العوامه دي لايمكن تروح لحد غيركم انتوا الوحيدين اللي تستحقوها عارف انكم تقدروا تجيبوا احسن مكان بس كمان عارف غلاوه المكان ده عندكم💔
وانا مش هقدر أديه لحد غيركم ولا هقدر أسيبه يروح لناس متستاهلش و تتحرموا منه مش عايز يوم مـ ـوتي يكون نهايه العوامه و نهايه حكايات كتير فيها
عايز كل حاجه تفضل زي ماهي كملوا من بعدي زي ما انا كملت مع صاحبها💔 يظهر كده ان العوامه دي بتتورث لأصحاب الاوجاع اللي زينا🥺💔
انا كتبتها بأسمكم انتوا الاتنين زي ما المكان ده جمعكم من سنين انتوا الاتنين و صيتي ليكم تفضلوا ايد واحده اوعوا تسيبوا بعض ومهما اختلفتوا أوعوا تبعدوا وخلوا ديماً العوامه هي سبب لمتكم 🥺💔
زيد...بحزن طيب انا موافق بس بشرط تشيل حكايه المـ ـوت دي من راسك انت هتعيش وهتكمل وهتفضل مشغل العوامه وهنفضل احنا بنيجي فيها عشان نزود سطور في حكايتنا بس وانت معانا.
منذر....هتبقى كويس يا چورچ وهتفضل في وسطنا احنا منقدرش ندخل المكان وانت مش فيه.
چورچ....قولتلك يا منذر قبل كده كل مكان ليه ذكرى وحكايه وحتى لو مـ ـوت هفضل معاكم وحكايتي والذكرى بتاعتي هتفضل ملازماكم
❣️
الموقف في الوقت ده كان أقوى من اي كلام او تعبير عن الشعور اللي كانوا حاسين بيه
وصل المحامي وحبوا يريحوا چورچ ومضوا على الورق وبقت العوامه ملك ليهم بيع وشراء
وصمم زيد ياخد چورچ على المستشفى.
وفعلاً أتحجز ورغم ان حالته ميؤوس منها إلا ان الدكاتره بدأوا معاه برنامج علاجي خاص بيه🥺
وبعد يوم شاق رجعوا لبيتهم وهما حزنهم ووجـ ـع زايد حكايه جديده.
حكايه وجـ ـع چورچ💔
اللي تقريباً بنسبه كبيره تشبهه حكايتهم هما حبوا واللي فاز بحبهم اخواتهم رغم أختلاف الاحداث💔🥺
.........
في ڤيلا عزيز.
داده زينب.....يا بنتي طب انتي بتديني الورق ده ليه الوقت.
مريم....بدموع مش عارفه يا داده بس الورق ده لازم يتشال مع حد انا واثقه فيه وانا مش بثق في حد غيرك.
داده زينب...طيب قوليلي انتي عيزاني اعمل بالورق ده حاجه معينه.
مريم....صدقيني مش عارفه انا حاسه اني تايهه و متلغبطه كل الحكايه اني مش عايزه الورق ده يبقى معايا مبقاش ينفع خلاص خصوصا الورق اللي وقع تحت ايدي الصبح لو عزيز اكتشف ان الورق ده أختفى هيقلب الدنيا وانا مش عيزاه يعرف انه معايا.
داده زينب....وانتي فاكره ان لو عزيز شك فيكي مش هيشك فيا؟
مريم...عشان كده عيزاكي تخفي الورق ده بطريقتك انا حالياً دماغي واقفه خالص ومش قادره افكر داده أرجوكي ساعديني الورق اللي معاكي ده يا اما يكون سبب نجاتي من تحت ايد عزيز يا اما سبب مـ ـوتي وفي الحالتين الورق ده لو مخلصش روحي من تحت ايده هيخلص ارواح كتير اوي🥺💔
داده زينب...بحزن بعد الشر عليكي مفيش حاجه ممكن تأذيكي طول ما انا عايشه يا مريم
مريم...داده انا ليا عندك طلب ؟
داده زينب....عنيا ليكي يا حبيبتي
مريم....لو جرالي حاجه الورق ده توصليه لنادر واخواته هما هيقدروا يتصرفوا انا واثقه
داده زينب....ايوه يا بنتي بس الورق ده في بلاوي و مستحيل حد يحط نفسه في وش النار كده او يدخل نفسه في سين وجيم
مريم....صدقيني يا داده نادر واخواته سمعتهم سبقاهم بجد واللي اعرفه عنهم من نادر او من كلام الناس عليهم انهم بيحاربوا الفساد ديماً ومفيش حد هيقدر يقف في وش عزيز غيرهم.
داده زينب.....طب أفرضي رفضوا.
مريم....يبقى مفيش حل غير انك تقدميها للشرطه واتمنى يكون ده حل كويس ومحدش فيهم يداري على عزيز🥺💔
داده....زينب حاضر يا مريم بس لازم تعرفي اني هعمل كده وانتي معايا ومش هسيب حاجه تحصلك ابداً
مريم....ان شاء الله يا داده بس الاول هنخبي الورق ده فين🥺
داده زينب....الورق ده لاينفع يكون معاكي ولا معايا مفيش غير حل واحد بس
مريم....ايه هو؟
داده زينب.....ندفنه وسط الزرع اللي في جنينه الڤيلا عند الباب الخلفي المكان ده عزيز مش بيروحه خالص.
مريم.....بس في جنايني مسؤول عن الجنينه والزرع ممكن يلاقيه
داده زينب....لا ما هو انا هدفنه في الزرع بتاعك بتاع الريحان هو مش بيقرب منه وعارف انك بتهتمي بيه بنفسك.
مريم....خلاص اعملي كده وياريت الوقت قبل عزيز ما يجي💔
داده زينب....ماشي خير يا حبيبتي اطمني.
مريم.....يارب 🥺💔
.........
عند شمس نامت على نفسها من التعب في مكانها على الكنبه قدام التلفزيون.
سمعت صوت الباب بيخبط
صحيت من النوم وهي مخضوضه بصت في الساعه كانت لسه 11
قامت من مكانها وهي بتحاول تفوق
فتحت الباب.
شمس.....😳وفجأه
- يتبع الفصل التالي اضغط على (رواية احفاد الطوبجي) اسم الرواية