رواية احفاد الطوبجي(1) الفصل التاسع و الثلاثون 39 - بقلم اميرة اسامه
.................
طلع أمير الأوضه بتاعته عشان يلبس دخل خد شاور و لبس ووقف يسرح شعره.
وسرح في فاطيما بقالها يومين مش بتتصل بيه اول كام يوم من السفر كان بتتصل علي طول وصوتها فرحان اوي و متحمسه بس بعد ما بدأت شغل وهو اللي بيكلمها ديماً و فات يومين من غير ما تكلمه خالص ولما بيتصل بيها بتكنسل أو ترد بسرعه وتقوله مشغوله .بس خروجه مع فرح حسسه بالذنب وقرر يتصل بيها ويطمن عليها كان مشوش جداً ومتلغبط شعوره بالميل ناحيه فرح كان مخلي فاطيما تصعب عليه وعشان كده كان بيحاول يسمع بنصيحه روح و يحاول يكون جمبها لحد ما ياخد قرار صح في حياته.
اتصل علي فاطيما ثواني وكانت ردت عليه.
امير....ازيك يا فاطيما عامله ايه
فاطيما...بخير يا امير انت اخبارك ايه.
امير...تمام طمنيني اخبار الشغل ايه مبسوطه ولا لا
فاطيما....اه جداً بس انا الوقت مش عارفه اكلمك خالص يا امير بعدين نبقي نتكلم.
امير...استني يا فاطيما انا محتاج اتكلم معاكي انا من يوم ما سافرتي وانا مش عارف اتلم عليكي خالص
فاطيما....يا حبيبي انا قولتلك اني مشغوله جدا راعي اني لسه ماسكه الشغل هنا جديد وبعدين الحياه هنا ملهاش علاقه بمصر خالص حتي شغل بابي في مصر مش زي شغله هنا خالص هنا إلتزام وشغل جد مش هزار وانت عارف انا عايزه اخد الموضوع جد
واحقق نفسي في وقت قليل
امير...وانتي شايفه بقي ان انا اللي معطلك ومش مراعي شغلك
فاطيما....مقولتش كده يا امير بقولك بس استحملني شويه.
امير...وانا مستحملتكيش في ايه يا فاطيما اليوم في 24 ساعه مش قادره تخصصي حتي نص ساعه نتكلم فيها واطمن عليكي.
فاطيما....انت بتقول كده عشان مش عارف انا مضغوطه ازاي الموضوع مش زي ما انت متخيل يا امير الشغل هنا كأنه خليه نحل محدش بيقعد وبابي واثق فيا بزياده ومشيلني شغل كتير اوي
غير الميتنج اللي بخرج ليه والشغل اللي بخلصه من البيت
امير...تمام يا فاطيما ربنا يوفقك عموماً لما تحسي انك فاضيه او عايزه تكلميني انا موجود سلام
فاطيما...امير استني.
امير...سلاااام.
قفل أمير و ساب موبايله علي التسريحه وخد نفس طويل و قرر انه مش هيتصل بيها غير لما هي تكلمه.
دقايق ودخل جلال عليه الاوضه.
جلال...ايه خلصت ولا لا احنا جاهزين.
امير....بخنقه ظاهره عليه اه تمام خلصت.
جلال...انت مالك شكلك مضايق.
امير...لا خالص مصدع شويه بس
جلال...لا بقولك ايه بلا مصدع بلا نيله هتخرج يعني هتخرج.
امير...ياعم أنا قولت مش هخرج يلا بينا انا جاهز.
خرج امير هو وجلال كان البنات واقفين مستنيه بره و معاهم زهره
جلال...يلا بينا
امير....ايه يا زهره ماتيجي معانا
زهره...لا اجي فين انت عارف انا مليش في الخروج وبعدين انتوا شباب زي بعض
امير....شباب ايه بس انتي قمر تعالي بجد وغيري جو
زهره...حبيب يا امير والله ما قادره وبعدين اسيب قاسم لمين.
امير...ياستي يجي معانا يغير جو هو كمان.
زهره....لا خلينا احنا مره تانيه المهم عشان خاطري خلوا بالكم من فرح وجنه وبلاش جنان يا جلال بالموتسيكل عشان خاطري.
امير...اطمني هما هيركبوا معايا في العربيه مش معاه.
جلال...هتوصيني عليهم بردوا يا زهره اكيد هنلعب ونعمل اللي احنا عايزينه هنا لكن في الشارع هما في عيني متخافيش
زهره....انا مطمنه عليهم طبعا عشان انتوا معاهم والمهم انت كمان خلي بالك من نفسك
جلال...حاضر يا حبييتي نمشي بقي ولا هتأخرينا😒
زهره...بضحك لا يلا روحوا😍
جنه ...باي يا مامي😍
زهره...باي ياقلب مامي.
فرح...باي يازهره😍
زهره....باي يا قلب زهره.
نزلوا تحت ودخلت زهره اوضتها تاني تغير قابلتهم روح.
جلال....قلب جلال من جوه عايزه حاجه.
روح...عيزاك تخلي بالك من البنات انت وهو تحطوهم في عينكم فاهمين😒
امير...اطمني جنه وفرح معايا في العربيه.
روح...واخت ملك كمان حطوها في عينكم وبلاش جنان عشان خاطري يا جلال بالموتسيكل ده
جلال...بقول ايه مفيش حد من الجيران فاضي يجي يدينا الوصايا العشر ما خلاص بقي كرهتوني في الخروج😒
روح...اتربي وقول حاضر😒
جلال...😂😂حاضر يا قلبي حلو كده
روح....انا تاعبه نفسي معاك ليه أمير البنات في عينك ماشي.
امير....حاضر يا حبيبتي متخافيش نمشي بقي🤨
روح...ما تمشي وانا ماسكه فيكوا😒😒🙄
امير....😳 لا خالص يلا قبل ما ارجع في كلامي
فرح...باي يا مامي 😍
جنه...باي ياروح😍
روح...باي يا حبايبي❣️
نزل يا سين في الوقت ده واتقابلوا وهما بيركبوا
امير...ايه ده انت هنا لسه انا فكرتك هتخرج علي طول.
ساسين...لا رجعت عشان اغير وكمان ملك كانت حابه تغير هنروح علي هناك ناخدهم.
جلال...اشطا طب يلا بينا.
ركبوا كلهم واتحركوا بالعربيات
وقت بسيط وكانوا واقفين تحت بيت ملك
كلمها ياسين عرفها انهم وصلوا ثواني وكانوا قدامهم تحت.
ميار...ايه ده الله شكله تحفه😍
جلال...ايه رأيك 😉
ميار...حلو اوي بجد.
ملك...ماشاء الله شكله حلو بجد
جلال....طبعا مش انا اللي راكبه😎
ياسين...طب ايه يلا احنا.
ملك...جلال عشان خاطري خد بالك من ميار وبلاش تركب البتاع ده هي مجنونه زيك وانا مش ناقصه مصايب
جلال...يا أختااااااااي تصدقي بالله والله أدلق عليه بنزين و أولع فيه😒😒😒😒
ملك...بضحك ليه بس.
امير...بضحك اصل زهره وصتنا وروح كمان 😂
ياسين ..وانا بوصيكم تاني البنات محدش فيهم يركب تمام يا جلال🤨 وانتوا التلاته تركبوا مع امير
امير....يا سيدي اطمن البنات هيركبوا معايا حاضر.
جلال...😏 مش فاهم انا عندي مرض معدي ولا ايه بالظبط
ياسين....🤨 عاجبك ولا لا
جلال.....اتكل علي الله يا ابو لهب بقي يلا يا ست ملك انتي كمان😒
ملك...😂😂 يلا باي خدوا بالكم من نفسكم
جلال....حاضر يا ماما😒🔪🔪
ملك...امشي بسرعه قبل ما يضربنا😂😂😂
ياسين....😂😂 سلام
..........
في ڤيلا الباشا.
وصل حسام ومنذر كانت فيروز قاعده هي وكاريمان كأن مفيش حاجه حصلت اما سما وكاميليا رجعوا علي بيتهم.
منذر...مساء الفل
كاريمان...مساء النور يا حبيبي.
حسام....قرب من امه باسها بصتله وهي مش طيقاه عامله ايه يا حبيبتي.
كاريمان...الحمد لله.
قرب حسام من فيروز مساء الفل وقبل ما يوطي يبوسها بعدت فيروز لوراء .
بصلها حسام بأستغراب.
فيروز...بأبتسامه بسيطه معلش يا حبيبي عندي برد جامد .
حسام...الف سلامه يا قلبي طيب تحبي نروح لدكتور
فيروز....لا مش مستاهله دول شويه برد انا بس مش عايزه اعديك
منذر....الف سلامه عليكي .
فيروز...الله يسلمك يا منذر.
منذر...طيب انا هطلع اخد شاور وهنزل علي طول
كارميان....تمام يا حبيبي.
طلع منذر بسرعه
حسام...انا كمان هاخد شاور وانزل عشان نتعشي.
كاريمان...لا استني يا حسام تعالي انا عيزاك شويه بخصوص الشغل
مش هنتأخر عليكي يا فيروز
فيروز...خدي راحتك يا طنط انا هروح أشوفهم في المطبخ عملوا ايه.
كاريمان....ماشي يا حبيبتي❣️
قامت فيروز عملت نفسها دخلت المطبخ وراحت كاريمان مع حسام علي المكتب.
كاريمان....قعد 😡
حسام...في ايه يا ماما مالك وشغل ايه اللي عايزه تكلميني فيه.
كاريمان...انا قولت كده عشان مراتك متسمعش اللي هقوله.
قربت فيروز من المكتب عشان تسمع.
حسام...قلقتيني يا ماما في ايه بس.
كاريمان...في اني مصدومه ومش عارفه اتصرف او حتي افكر ولا عارفه انت ازاي ممكن تعمل اللي عملته ده انت وسما😡😡
بصلها حسام بصدمه😳😳 وأرتباك حضرتك بتقولي أيه أنا مش فاهم؟
كاريمان...بغضب لا انت فاهم كويس انا بقول ايه يا حسام انا عرفت كل حاجه عرفت اللي عملته مع سما وعرفت كمان جوازك منها.
حسام...ماما وطي صوتك ارجوكي مش عايز فيروز تحس بحاجه انا فهمك كل اللي حصل.
كاريمان...كل اللي حصل فهمته خلاص انا في المصيبه اللي جدت.
حسام...مصيبه ايه فيروز عرفت حاجه😳
كاريمان....هو ده كل اللي فارق معاك فيروز تعرف😡 اطمن بعد المصيبه دي فيروز هتعرف هتعرف.
حسام...طيب فهميني في ايه؟
كاريمان....سما حامل يا حسام😡
حسام...😳😳 انتي بتقولي ايه لا مستحيل اللي في بطنها ده لازم ينزل.
كاريمان....قصدك ينزلوا سما حامل في توأم.
حسام...😳😳 ايه!! توأم أزاي؟ وعرفت أمته ؟ وليه مقالتش؟
كاريمان...سمعتها بالصدفه هي و كاميليا بيتكلموا في الاوضه و كاميليا هتتجنن طيب أول مره وقولت مش في وعيك ومتعرفش عملت كده أزاي طب والمره التانيه ليه عملت كده يا حسام فهمني بتتسلي ببنت خالتك
حسام...لا والله يا ماما انتي فاهمه غلط ازاي بس أتسلي بيها اللي حصل اول مره كان غلط انا عارف بس مكانش مقصود معرفش حصل ازاي صدقيني مش فاكر اي حاجه كل اللي فاكره إني صحيت لقيت اللي حصل حصل وانا فضلت معاها كنت بحاول ادور علي حل ودماغي كانت هتنفجر سمعتنا كاميليا مره تانيه واحنا بنتكلم مع بعض وهي اللي اقترحت موضوع الجواز كضمان
لحق فيروز خافت عليها وانا مكانش قدامي حل غير اني أوافق
هي قالتلي شويه وطلقها عشان يكون معاها ورقه تثبت انها اتجوزت قبل كده كنت هعرفك والله وقت ما ده يحصل بس.
كاريمان...بس ايه يا حسام لما الموضوع كان ماشي بالخطه دي ايه اللي حصل ازاي حصل بينكم علاقه تاني وليه؟
حسام....ضعفت يا أمي صعبت عليا وحسيت بمشاعر تجاهها وقيل ما تقولي ولا كلمه والله ما عارف ازاي بس هو ده اللي حصل
كاريمان...جميل يعني اول مره كان غصب عنك والمره التانيه كان بإرادتك لا والله براڤو عليك واحنا كنا فين هااااا 😡
حسام...ارجوكي ده مش وقته خالص احنا في المصيبه اللي حصلت.
كاريمان...و ناوي علي ايه بقي يا استاذ سما لسه عارفه بخبر حملها البنت مصدومه من وقتها عشان كده مقالتلكش
حسام...انا مش عارف دماغي واقفه خالص.
كاريمان....فكر في اي حاجه إلا إن الحمل ده ينزل🤨
فيروز...😳🥺💔
حسام....بتقولي ايه انتي عيزاني اقولها تسيب الحمل طب ازاي.
كاريمان....ليه وانت كنت عايزها تنزله يا حسام😡.
حسام...لا بس بجد انا مش عارف افكر صعب اطلب منها حاجه زي دي وكمان انا مش هقدر اخليها تعمل كده دول مهما كان حته مني.
كاريمان....مفيش غير حل واحد.
حسام...ايه هو ألحقيني بيه؟
كاريمان....سما لسه حملها في اوله يعني بطنها مش هتبان هنخفي علي خبر جوازك منها لحد ما فيروز تولد فيروز لو عرفت اللي حصل هتنزل الحمل ومش هتقعد معاك لحظه
حسام....ولو كمل تفتكري هتفضل؟!
كاريمان....اكيد طبعا العيل اللي هتجيبه هيخليها تتنازل عن اي حاجه يمكن تتعصب تغضب لكن في النهايه هترضي بالأمر الواقع ومش ممكن تخلي ابنها يجي الدنيا وابوه مش معاه ولا ايه؟
حسام....معاكي حق يبقي لازم تعرفي كاميليا وسما الكلام ده.
كاريمان...طبعاً هعرفهم لازم اطمن كاميليا معنديش إستعداد أخسر اختي كفايه اللي هي فيه.
حسام...طيب ومنذر هنعمل معاه ايه هنقوله؟
كاريمان....انت مجنون اكيد لا اخوك لو عرف هيطربق الدنيا فوق دماغك انت مش عارف هو بيعز فيروز قد ايه و بيخاف علي زعل زيد قد ايه اه انت اخوه بس مهما كان بيحبك متنساش ان زيد غالي عنده اوي وديماً كان هو الدرع الحامي لفيروز وياما وقف قصادنا عشانها.
حسام...خلاص يبقي منذر كمان مينفعش يعرف.
كاريمان...بالظبط وانت حاول تبان طبيعي علي قد ما تقدر واه متنشاش سما يا حسام دي مهما كان مراتك وام احفادي🤨
حسام...متقلقيش سما في عيني.
كاريمان....طيب يلا نخرج زمان اخوك نازل مش عايزينوا يشك في اي حاجه.
جريت فيروز بسرعه وخرجت علي الجنينه مسكت قلبها دموعها نازله مش قادره تسيطر عليها نفسها تصرخ نفسها تقول اااه بعلو صوتها عشان تخفف الوجع اللي جوه قلبها بس مكانتش عارفه
في لحظه حب عمرها طلع بالقذاره دي في لحظه كاريمان اللي فكرتها أتعدلت معاها باعتها في ثانيه عشان جايلها احفاد تاني كل مره كانت بتسمع حاجه كان تفكيرها في الانتقام بيزيد اكتر سمعت كلام علي قد ما سمعت من سما وكاميليا و حتي كاريمان لكن بمجرد ما سمعت من حسام كانت بالنسبالها الضربه القاضيه لقلبها اللي حبه💔🥺
......................
في غرفه زيد مسك موبايله وعمل أتصال.
زيد...سامر باشا عامل ايه
سامر...بخير يا زيد باشا
زيد...مفيش اخبار جديده.
سامر....ملهمش آثر يا زيد للأسف كأنهم فص ملح و داب المشكله انهم ملهمش مكان محدد حتي الشقه اللي كانوا قاعدين فيها كانت مفروش لعبوها صح وكأنهم كانوا عاملين حساب اليوم ده
زيد...يعمي ايه هفضل في القلق والتوتر ده انا مش بنام يا سامر طول الوقت قلقان خايف علي اخواتي واهل بيتي كلهم بمجرد ما حد يخرج من البيت ببقي هتجنن وفي نفس الوقت مش عايز أنقلهم التوتر ده و أحسسهم إننا محبوسين .
سامر...أهدي بس يا زيد أنا بعمل كل اللي بيطلع في أيدي ومش عايزك تكون متوتر بالشكل ده
زيد...أزاي بس يا سامر أزاي انت مش عارف الراجل ده و أبنه و سخين ازاي عندهم استعداد يعملوا اي حاجه مقابل الفلوس ومقابل أنهم ينتقموا انت نسيت اللي حكيتهولك علي اللي ولاده عملوا في أخويا انا اخويا كان بين الحياه والموت بسببهم.
سامر....يازيد انا متفهم كل اللي بتقوله ومقدر قلقك بس لازم تعرف بعد اللي حصل مستحيل يعملوا حاجه علي الاقل هيختفوا شويه لحد ما الدنيا تهدأ خالص ميتهيأليش هما بالغباء ده صدقني اللي يعمل كل الخطه دي بالذكاء ده مستحيل يقع في غلطه زي دي هما الوقت بعد ما أتقبض علي الأتنين اللي اللي كانوا مجندنهم هيختفوا تماماً أطمن.
زيد...سامر لازم نخلص من الحوار ده بسرعه عشان عاملي وش في دماغي هيختفوا بس مسيرهم يظهروا ومحدش فينا عارف هيظهروا امته لازم نكون سابقينهم بخطوه أرجوك.
سامر...حاضر يا زيد أطمن وبلاش توتر نفسك بالشكل ده سيب كل حاجه عليا وخير إن شاء الله.
زيد...تمام يا سامر انا عارف اني تاعبك معايا بس أعذرني.
سامر...كلام ايه اللي بتقوله ده يا زيد انا بعمل شغلي مفيش تعب واكيد مش هتخلي عنك.
زيد...حبيبي ياسامر يلا هسيبك تشوف شغلك بقي.
سامر...تمام يا حبيبي لو في جديد هبلغك.
زيد...تمام مع السلامه.
سامر....سلام.
قفل زيد ونزل يقعد مع الشباب تحت.
.............
عند جلال وامير والبنات.
جلال....يا بنتي ما تبطلي زن اختك و أخويا لو عرفوا أني ركبتك هيعلقوني.
ميار....😂لا متقلقش مش هيعلقوك ولا حاجه هما بس هيعلقوك في حاله واحده لو وقعتني 🙄 بتعرف تسوق ولا ايه.
جلال....لا جايب سواق😒
ميار...خليك جدع بقي دي لفه بسيطه.
بص جلال لأمير🙄
امير....بضحك انا مليش دعوه 🙄😂😂
جلال...واطي و بياع😒
فرح....بقولك ايه دي هي لفه عامل حوار ليه يلا قوم بقي😒
ميار...اهي قالتلك فرح لفه صغيره قوم بقي كفايه اكل😒
جلال...شوف مين بيتكلم طفسه هانم بنفسها😒
ضحكوا كلهم علي جلال
وقام ركب علي الموتسيكل وبصلها يلا أخلصي😒
كانوا قاعدين في كافيه القاعده بتاعته علي الشارع.
ركبت وراه ميار وهي مبسوطه اوي شغل جلال الموتسيكل وفضل يروح ويجي بيها وهي مبسوطه.
امير....اهو اللي كان خايف ما صدق ومش هيقعد في ليلته دي😂😂😂
فرح...هو بصراحه ركوبه جميل اوي تحس انك طاير .
جنه...انا عايزه لفه🙄
امير...بضحك أمك لو عرفت هتعلقنا كلنا😂😂
جنه....مامي علي طول بتخاف أصلاً وبعدين ماهو ماشي براحه اهو😒
أمير...قولت لأ يا جنه🤨
جنه...لفه واحده خليك جدع بقي عشان خاطري يا أمير.
امير....أنتي سمعتي أنا قولت أيه صح وبعدين زهره موصياني عليكي مش هزعلها مني اكيد وانتي ركبتي امبارح في القصر كذا مره يعني جربتيه😒
قامت جنه وقعدت جمبه و مسكت ايده.
جنه...عشان خاطري يا أمير دي لفه صغيره وبعدين يعني في القصر حاجه وفي الشارع حاجه هنا المكان اوسع عشان خاطري🙏🏻
بصت فرح علي ايد جنه ورغم انها عارفه ان جنه بتتعامل مع الكل علي انهم اخواته وانها ملهاش في حوارات الحب والكلام ده إلا إنها حست بالغيره وفضلت تهز رجلها جامد.
أمير....أنتي بتزني كتير ليه قولت لأ يعني لأ يا أما والله هاخدكم ونروح.
فرح....بغيظ ما تسيبها تركب يا امير اديك شايف جلال ماشي عادي يعني مدخلش في شجره😠
أمير....هو انتي بقيتي محامي ليها ولا أيه مش فاهم انتوا مش بتسمعوا الكلام ليه انتي وهي😡
بصتله فرح بغيظ وسكتت وفضلت تهز في رجلها وفضلت باصه علي جلال وميار وهما رايحين جايين و بيضحكوا ومبسوطين وأول ما لقت جلال بيقرب من المكان اللي هما قاعدين فيه و هيركن قامت مره واحده وراحت عليه
بصلها امير بسرعه وقبل ما يسالها راحه فين كانت ركبت وراء جلال.
جلال...يابت انزلي مش قادره
فرح...هي جات عليا يا رخم أشمعني ميار يلا خدني لفه.
ميار....يلا خدها بقي متبقاش رخم😂😂😂
جلال...أمري لله😒
فضل جلال رايح جاي بفرح و أمير متعصب رافع حاجبه و باصصلها بغضب ورجله بتتهز جامد
وفرح ولا في دماغها كل اللي كان في دماغها انها تضايقه وبس.
راح جلال وجه كذا مره بيها وبعدين ركن
جلال...يلا انزلي بص لجنه تعالي انتي كمان هي جات عليكي🤨
بصت جنه لامير🙄🙄
امير...بأبتسامه بسيطه روحي يا جنه بس أمسكي كويس.
جنه....حبيبي يا امير😍😍
جريت جنه ركبت وراء جلال.
وقعدت فرح وهي مش طايقه نفسها.
ميار...فروحه هروح التويلت وهاجي علي طول.
فرح...بأبتسامه تمام يا ميار.
قامت ميار و سابتهم لوحدهم.
مسكت فرح العصير بتاعها تشرب منه ولا كأنه قاعد جمبها
قرب امير منها اوي بس مكانش باصصلها.
أمير....براڤو عليكي يافرح المهم أنك مبسوطه.
فرح....بأبتسامه بسيطه ايه انت زعلت عشان قومت و خليتك تقوم جنه كمان احسن تزعل منك.
أمير...لا خالص وهزعل من ايه؟
فرح....مش عارفه والله بس انت كنت مصمم اوي ان جنه متقومش من جمبك شكلك كنت خايف عليها اوي عموما متخافش مش هيحصلها حاجه.
امير...بصلها باستغراب وفهم انها غارت بس بردوا كان مضايق منها
مسك امير كف ايدها وداس عليه بغضب😡
فرح....اااه امير ايدي🥺
امير....مره تانيه يا فرح لو قولت حاجه و كسرتيها متلوميش غير نفسك ماشي.
فرح...أمير 🥺
أمير....انا مش هعيد كلامي انا لما قولت لأ قولت ليكم انتوا الأتنين وانتي ولا كأنك سامعه قومتي و روحتي ركبتي وراء جلال كلامي كان هوا صح😡
فرح....علي فكره انا ركبت وراء اخويا يعني.
امير....قاطعها امير بغضب اخوكي تركبي وراه في البيت لكن الشارع لأ عاجبك منظرك وانتي راكبه وراه و هدومك مرفوعه😡
فرح...علي فكره هدومي مترفعتش
امير...بغضب وانا قولت اترفعت😡 وكلامي يتسمع يا فرح انتي فاهمه ولا لأ.
فرح....بزعل حاضر يا امير 🥺
ساب امير ايديها وفضل يهز رجله
وهو مضايق.
...............
عند ياسين وملك.
كانت ملك قاعده في كرسي جنب الشباك وياسين قاعد جمبها.
ملك...ياتري ميار بتعمل ايه.
ياسين...هتكون بتعمل ايه مبسوطه سيبيها المهم الاكل عجبك
ملك... اه اوي وكنت جعانه خالص.
ياسين....بألف هنا😉
ابتسمت ملك بإحراج وبعدت وشها عند الشباك
قرب ياسين ايده من دقنها وجاب وشها ليه❣️
ياسين....انا قولتلك اني عايزك في موضوع صح.
ملك...بإرتباك من لمسته ابتسمت وبصتله ايوه وانا سمعاك.
ياسين....طيب يا ستي انا هتكلم ومش عايز اسمع رأيك غير لما اخلص تمام.
حست ملك إن قلبها بيدق جامد ابتسمت بإحراج تمام.
ياسين...بجديه ملك بصي يمكن احنا أتقربنا من بعض اوي الفتره دي يمكن تعرفي عني حجات وفي حجات لسه متعرفيهاش
ملك...بكسوف تمام.
ياسين....انا مليش في اللف والدوران يا ملك يمكن لما بكون عايز اقول حاجه بقولها علي طول بقالي فتره عايز اتكلم معاكي بس كنت مأجل الكلام لحد ما احس اني خلاص لازم اتكلم
ملك...في ايه يا ياسين قلقتني.
بصلها ياسين بحب وقرب راسه منها اكتر
ياسين....ملك انا بحبك❣️ وعارف كمان انك بتبادليني نفس الشعور
ابتسمت ملك واتوترت اكتر وفضلت تلعب في شعرها مسك ياسين ايدها وضحك
ياسين....سيبي شعرك في حاله🤨
ملك....اااا ياسين انا هقوم اروح
قاطعها ياسين مش هتروحي في اي مكان غير لما اخلص كلامي يعني مش هتهربي يا ملك.
كانت حاسه ملم انها هتفقد الوعي من كتر السعاده و الإحراج
ملك...ياسين عشان خاطري🥺
ياسين....ملك اسمعيني انتي عشان خاطري انا كان لازم اقولك اللي حاسس بيه بقالي فتره واثق من احساسي بحبي ليكي بس كنت حابب اتأكد من مشاعرك ناحيتي و أتأكدت صدقيني مش غرور بس انا مكنتش هتكلم غير لو حسيت ان في جواكي حاجه ليا اتقربنا من بعض علي طول بنتكلم في ما بينا مشاعر جميله رغم إننا معترفناش بيها بس خلاص جه الوقت اللي نعترف باللي جوانا وانا اعترفت يا ملك فاضل انتي عايز اسمعها منك وبعد كده سيبي الباقي عليا.
ملك....ياسين🥺 انا انا مش عارفه اقول ايه أنت فاجئتني
ياسين...قولي اللي جواكي يا ملك وانا هفهمه❣️
ملك....بأحراج مش عارفه يا ياسين❣️🙈
أبتسم ياسين ومسك أيدها اكتر
ياسين....قوليها يا ملك❣️انا محتاج اسمع اللي جواكي قولي انا صح ولا غلط
بصتله ملك بحب❣️وعيونها مدمعه🥺
ملك....انت عارف يا ياسين اللي جوايا من غير ما أتكلم.
بصلها ياسين بحب يعني انا صح؟
حست ملك ان أيدها تلجت ومبقتش قادره تتمالك اعصابها
بصتله وهزت راسها من غير ولا كلمه❣️
ياسين....انا عايز أسمع منك يا ملك مش عايزك تسكتي قوليها يا ملك عشان خاطري.
ضحكت ملك ونزلت دمعه من عينها
ملك...ايوه بحبك أرتحت🥺
ابتسم ياسين ورفع راسه لفوق وهو بيتنهد تنهيده طويله❣️😍
ياسين...بحب اخيراً😉 قرب كف ايدها من شفايفه وباسها بوسه طويله❣️
فضلت دموعها تنزل بسعاده.
ياسين...بحب مسح دموعها بحبك يا ملك من اول يوم دخلتي في الشركه وانا حاسس بحجات غريبه بتحصلي يوم ما حصل بينا في الشغل و قولتي انك هتقدمي استقالتك كنت مرعوب تعمليها بجد وقتها كنت لسه بكابر وعايز أثبت لنفسي أن عادي تمشي بس لما زيد اقنعك كنت طاير من الفرحه❣️ قدرتي تخلي ابو لهب اللي مكانش بيفكر في اي حاجه غير شغله وبس لواحد بيحب الحياه وشايفها بعيونك حركتي قلبي من غير ما تحسي ولا حتي تبذلي مجهود يا ملك الوقت اللي كنت بكلمك فيه في الموبايل كان بيبقي احلي وقت بضيعه معاكي مكانش بيكفيني الشويه اللي بشوفك فيهم في الشغل كنت ببقي عايز افضل معاكي طول الوقت حتي لو علي الموبايل
بصلها ياسين بحب❣️
ياسين....تتجوزيني يا ملك❣️
بصتله ملك وهي خلاص مش قادره تستحمل اكتر من كده🙈
ملك....انت بتقول ايه🥺
ياسين...بقول اللي لازم يحصل انا عايز اكمل معاكي يا ملك عايز علاقتنا تكون صح قولتلك اني لا بتاع لف ولا دوران انا بقول اللي بحسه من غير ما افكر فيه وانا الوقت مش عايز اي حاجه غير انك تقولي موافقه.
ملك....ياسين انا الكلام راح مني صدقني .
ياسين....عارف😉 وحاسس بأيدك المتلجه يمكن انا فاجئتك بس كمان مش قادر استغني عنك ياملك قولي موافقه عشان خاطري.
ملك....طيب انت مش شايف ان الخطوه دي لسه عليها شويه.
ياسين...اكيد انا مقولتش اننا هنتجوز بكره انتي اكيد عارفه الظروف اللي مرينا بيها بس قريب وداوود هيتجوز ملك لان بعد موت مامتها مبقاش ينفع تفضل لوحدها هنستني شويه يتجوزوا وبعدين احنا كمان نتجوز قولتي ايه محتاجه تفكري.
ملك...بحب لا خالص🥺
ياسين...يعني موافقه❣️
ملك...بدموع موافقه يا ياسين🥺
باس يا سين ايدها بحب وبصلها وانا اوعدك يا ملك انك مش هتندمي وربنا شاهد عليا إني هخليكي اسعد بنت في الدنيا
بحبك يا ملك❣️
ملك....وانا بحبك اوي🥺
ياسين....بلاش عياط بقي 😉😍
ملك...بسعاده حاضر❣️🙈
...............
في قصر الطوبجي
كان قاعد زيد و سالم ونادر ومراد ويوسف في الجنينه.
اتكلموا في مواضيع كتير
وفجأه قاطع كلامهم زيد.
زيد....مراد انا جايبلك عروسه😉
مراد...🤨عروسه ليا انا انت يالا انت وأبوك اشتغلتوا خاطبه وانا معرفش😒
زيد...بضحك حاجه زي كده😂
سالم...ومين دي اللي امها داعيه عليها😂😂
زيد....تقي🤨🙄
مراد..الله 🤨 هو امير اتكلم معاك في حاجه؟
زيد....صراحه 🙄 اه
نادر...هو في ايه🤨
سالم...شكل كده في حوار واحنا نايمين علي ودننا.
مراد...اتلهي انت وهو الوقت 😒 بقولك ايه يا زيد انت وابن الكلب اللي اسمه امير شيلوا الحكايه دي من دماغكم
زيد...ليه يا مراد البت حلوه ومؤدبه ملهاش حد بتحبك
مراد....يا زيد بلاش هبل انا قد ابوها.
زيد....انت اكتر حد عارف ان مش بالسن يا مراد.
يوسف...اوبا لا فهموني انا من بدري حاسس ان في حاجه بس كنت بكدب نفسي.
مراد...حاجه ايه يا اهبل انت مفيش الكلام ده طبعا🙄
زيد..انا هفهمكم حكالهم زيد اللي امير قاله كله.
سالم...طيب ولما البت بتحبك وشيفاك كل حاجه بالنسبالك فين المشكله.
مراد...السن يا سالم بقولك دي في سن امير تقريبا ازاي بس اظلمها معايا.
نادر....وانت هتظلمها في ايه وبعدين سيب الكلام ده لحد باين عليه الشكل.
مراد...ماهي يا ريتها بالشكل يا نادر
زيد...معاك حق هي مش بالشكل بس الكلام ده ينطبق علي واحد مش فاهم الدنيا ومش بيقدر اللي معاه انما انت فاهم ومقدر وعارف ان تقي معاك هتكون سعيده بجد
مراد....لا لا مش ظابط الموضوع خالص صدقني.
يوسف...مراد انا كنت شاكك في تقي وبصراحه البت باين عليها بتحبك بجد انت مش بتشوف بتبقي عامله ازاي لما بتشوفك
مراد...احساسها غلط يا يوسف انا بالنسبالها واحد انقذها من الموت وقف معاها في محنتها جبتلها سكن جبتلها شغل خلتها تشوف الحياه بشكل تاني رجعتلها الامل اللي كانت فقداه رجعتلها ثقتها في نفسها فا طبيعي تتعلق بيا
زيد....علي فكره يا مراد يمكن يكون كلامك صح بس كام واحد في حياتنا بيعمل كده وبيقف معانا في حياتنا والحب اللي جوانا بيكون عادي صدقني تقي حبتك لشخصك يا مراد شافت في الراجل الكامل شافت معاك الامان والحمايه والحب والحنان هي عارفه فرق السن كويس اوي ومع ذلك سايبه نفسها للحب ده عشان هي بتحبك بجد
مراد...معاك يا زيد بس بردوا انا خايف اظلمها خايف تندم مع الوقت تقي لسه صغيره كمان عشرين سنه هتبقي هي لسه في الاربعينات وانا راحت عليا تفتكر هتفضل تحبني.
زيد...اه افتكر طبعا الست عايزه ايه يا مراد غير راجل يفضل حاطتها جوه قلبه قبل عينه عايزه ايه غير راجل يحتويها ويحسسها انها ملكه ماهي ممكن تتجوز شاب من سنها ومع الوقت تندم عشان مش بتلاقي عنده حاجه يقدمهلها غير حلاوة البدايات
سالم...طيب قولي بعيداً عن السن في سبب تاني يخليك ترفض.
مراد...لا خالص تقي جميله وبريئه وتتحب ووو🙄
سالم...بضحك الله الله وايه كمان😂😂😂😂
مراد...تصدق انا غلطان اني قاعد معاكم😒
سالم...استني بس بلاش تهرب لما انت شايف كل ده ايه المانع انك تسيب نفسك زي ما زيد قال
نادر....الفرصه بتيجي مره يا مراد مش يمكن تكون تقي حظك من الدنيا وبعدين ابنك مبسوط وموافق عليها فين المانع بس
مراد...يا ولاد أفهموا.
زيد...افهم انت يا زيد تقي بتحبك واللي انا شايفه انك معندكش مانع وكل اللي فارق معاك و مخوفك السن حط انت بس السن علي جنب وسيب قلبك يقرر وصدقني انا واثق انك هتاخد خطوه.
مراد....بتنهيده طيب سيبوها علي ربنا بس وهنشوف الدنيا هتاخدنا لحد فين.
نادر...علي المأذون إن شاء الله😉
................
عدت كام ساعه وصل جلال وامير والبنات تحت بيت ميار عشان يوصلوها.
ميار....بجد شكراً اوي علي الخروجه الخلوه دي اتبسطت معاكم اوي
جنه...احنا اتبسطنا معاكي اكتر 😍
فرح....وانا كمان اتبسطت والله
جنه...عايزين نكررها بقي تاني
ميار....إن شاء الله.
جلال...عدي الجمايل بقي وعلي فكره اللفه المرادي كانت فري بس بعد كده هتبقي بفلوس😒
ميار...بضحك انت بقيت مادي كده ليه😂😂😂
جلال...الشغل شغل 😂😂بقول ايه اوعي تقولي لملك احسن تقول لأبولهب🙄
ميار....😂😂😂لا اطمن اول ما تسالني هعترف🙈
جلال....احيه 😂😂
امير...صحيح ملك جات ولا لسه.
جنه...كلمتها واحنا راجعين قالت ان هما كمان راجعين خلاص.
جلال....طيب تمام يلا اطلعي انتي بقي وهنفضل واقفين لحد ما تطلعي تبصيلنا عشان نطمن عليكي.
ميار....تمام سلام يا بنات 😍
جنه...باي يا ميار.
فرح...سلام يا حبيبتي❣️
طلعت ميار وفضلوا واقفين لحد ما طلعت وبصتلهم
وبعدها مشيوا بالعربيه.
طول الطريق امير وفرح ساكتين جنه بتلعب في موبايلها وجلال ماشي وراهم.
شويه ووصلوا القصر ركنوا ونزلوا
كان الشباب لسه قاعدين في الجنينه مع بعض.
مراد...اهلاً بالصايع بتاع الموتسيكلات😒
جلال....اهلاً بقدوتي في الحياه😂
مراد...تقصد ايه يا واطي🤨
يوسف....يقصد ان انت اللي معلمه الصياعه😂😂😂
نادر....البيت ده مفيش في حد عدل كله بيهدي النفوس😂😂
قاسم...أتبسطوا يا بنات
جنه...اوي يا بابي
فرح...الحمد لله يا حبيبي.
جلال...فين روح والباشا
سالم....طلعوا ناموا من شويه.
جنه...وفين مامي وصبا.
قاسم....طلعوا بردوا من شويه بس اكيد لسه صاحين.
امير...طيب انا طالع انام انا كمان
مراد...مالك يالا🤨
امير...مفيش بس مصدع من قبل ما نخرج وخلاص فصلت.
بص زيد بهدوء علي عينه هو وفرح وسكت.
جنه...طيب انا هطلع انام انا كمان
قاسم...خديني معاكي انا مش قادر خلاص.
جنه...ياسلام قاسم باشا هيطلع معايا بنفسه.
مراد....بكاشه زي أبوها🤨
جنه....😂😂😂
قاسم...بضحك تربيتي😂😂
طلعوا كلهم وراء بعض وطلع زيد جمب جنه.
زيد....اتبسطتي؟
فرح....اه يا حبيبي اوي.
زيد...امال مالك حاسس انك مش مبسوطه ليه؟
فرح...لا خالص يا حبيبي بس تعبنا فعلاً اوي.
زيد....ماشي يا حبيبتي المهم انكم أتبسطوا.
فرح....الحمد لله❣️
طلعوا علي اوضهم وشويه ورجع ياسين وهو مبسوط و طاير من الفرحه ودخل علي اوضته.
.............
في صباح يوم جديد راح الكل علي شغله.
عرف يوسف من المحامي ان الجلسه اتحدد معادها بعد اربع ايام.
اتصل علي خلود يطمن عليها.
يوسف...الوو
خلود...الو ازيك يا يوسف
يوسف....بخير طمنيني انتي عليكي
خلود...الحمد لله بخير والله.
يوسف...بقيت احسن
خلود...بحاول يا يوسف.
يوسف....ليه بس نبره الحزن والتشاؤم دي انتي خلاص بقيتي في امان المفروض تكوني فرحانه
خلود...اكيد فرحانه بس غصب عني والله اللي انا فيه مش سهل ومش سهل عليا اني ابقي مستنيه بفارغ الصبر اشوف عيلتي كلها راحت.
يوسف....هما اللي عملوا في نفسهم كده يا خلود مينفعش الوقت تحسي بالندم.
خلود...بالعكس انا مش حاسه بالندم بس مش عارفه ليه زعلانه اوي كده.
يوسف....صعبانين عليكي يا خلود.
خلود...اكيد لا اللي عملوا مكانش بسيط بس كمان كان نفسي يكون ليا اهل وسند يا يوسف انا كنت أستاهل بكون ليا عيله واهل افتخر بيهم و يحبوني صدقني يا يوسف انا عملت معاهم حجات كتير حلوه بس عمرهم ما شافوها طول الوقت الجحود والطمع كان مسيطر عليهم هما عمرهم اصلاً ماشافوا حاجه حلوه لبعض انت عارف يا يوسف اوقات كتير كنت بحس رغم انهم متفقين عليا بس مكانوش بيحبوا بعض.
يوسف....انتي عارفه يا خلود معني انهم يقفوا قصاد بعض وكل واحد فيهم يتهم التاني عشان ينجي بنفسه دي لوحدها تعرفك أنهم مكانوش بيحبوا غير نفسهم المفروض متزعليش عليهم ولا تزعلي علي أي حاجه حلوه عملتيها عشانهم ولازم تعرفي يا خلود ان مش كل الاهل سند كل واحد فينا ليه 24 قيراط بياخدهم علي هيئه رزق وانتي رزقك مكانش في أهلك بس لازم تعرفي اننا موجودين معاكي وبقينا أهلك.
خلود...طبعا عارفه يا يوسف ياريتكم فعلاً كنتوا اهلي بجد بس صدقني ربنا عالم غلاوتكم في قلبي.
يوسف...ايوه كده شويه تفاؤول وكلام حلو يا شيخه😂😂
خلود....حقك عليا يا يوسف بهدلتك معايا اوي يا ريتنا عرفنا بعض في ظروف غير دي.
يوسف....المهم اننا أتعرفنا علي بعض مش مهم الظروف يا خلود الظروف دي أحنا بايدنا نغيرها للأحسن وانا واثق فيكي وعارف انك قويه وهتقدري تعدي المحنه دي علي خير
خلود...يارب يا يوسف نفسي اصحي من الكابوس ده بقي نفسي أبدأ حياتي من جديد.
يوسف....هتبدأي يا خلود وهتحققي كل حاجه نفسك فيها انتي مش محتاجه لأي حد عشان يقويكي انتي تقدري وبردوا هقولهالك تاني انا معاكي وكلنا جمبك.
خلود...ربنا ما يحرمني منكم ابداً
يوسف...ولا منك يا خلود المهم جاهزه للجلسه؟
خلود....جاهزه بس خايفه اوي
يوسف...متخافيش كلنا هنكون معاكي اطمني.
خلود...ادعيلي يا يوسف.
يوسف....انا واثق في ربنا وعارف انه هيقف معاكي و هترتاحي.
خلود...يارب بجد شكرا يا يوسف علي دعمك و وقوفك جمبي
يوسف...متقوليش كده يا خلود انا معملتش اي حاجه المهم بس تكوني كويسه هشوفك يوم الجلسه.
خلود...إن شاء الله.
يوسف...لو احتاجتي اي حاجه كلميني يا خلود.
خلود....حاضر يا يوسف❣️
يوسف....يلا هسيبك الوقت ترتاحي وانا اكمل شغل.
خلود...ربنا يوفقك يارب❣️
يوسف....باي يا خلود
خلود....في أمان الله ❣️
ابتسم يوسف...في امان الله❣️
يمكن يوسف وقف مع خلود وساعدها عشان هي كانت محتاجه لدعم مفكرش يستغل ضعفها ولا ساعدها عشان حبها
لكن كميه الراحه والرضا والقبول اللي فيها رغم اللي مرت بيه مقدرش يوسف يلاقيهم في أي حد بسيطه وهاديه في كل تفاصيلها رغم ضعفها لكن الرضا والثقه في ربنا مدينها قوه غريبه
ابتسم يوسف و ساب الموبايل علي المكتب و كمل شغله
...................
قبل البريك بشويه سالم اختفي من الشركه وكانه لقي وجهته😉
ولأن شمس كانت حاسه إنه هيكرر
نفس الزياره ليها في المطعم تاني قررت انها تلعب معاه زي ما بيلعب معاها بس بطريقتها💪
وصل سالم المطعم ودخل قعد
اول ما شمس شافته ابتسمت بشر😈😈 دخلت علي المكان المخصص اللي بتشيل فيه شنطتها ولبسها طلعت إزازه حبر صغيره وأبتسمت😈💪
خرجت بعد ثواني وراحت ناحيته.
اول ما شافها سالم ابتسم بهدوء رفع نضارته وبصلها
سالم...أهلاً أهلاً بالويتر المحترفه🤨
شمس...اهلاً سالم باشا نورت المكان.
بصلها سالم باستغراب من هدوءها وترحيبها بيه🤨
سالم...غريبه
شمس...ايه الغريب بس؟
سالم...مش عارف كنت متوقع تتخانقي معايا ومتبقيش طايقه وجودي زي ما بتعملي 🙄
شمس....يا خبر يا افندم ده حضرتك صاحب مكان.
سالم...😒😒😒انتي عملتي حسابك المرادي وجبتي السم بجد ولا ايه مش مطمنلك.
شمس....بأبتسامه لا متقلقش انا مش بعرف اموت فرخه هموت بني ادم ده كلام ساعت غضب 😒 انا اخري المايه اللي رشتها عليك.
سالم...🤨🙄 لو علي المايه ماشي بس بردوا مش مرتاحلك😒
شمس....طيب خلينا في المهم تحب تاكل ايه هتختار ؟
ولا اخلي الشيف يأكلك علي ذوقه😊😒😒🔪
سالم....طيب هو انا ممكن أقول حاجه ولا هتضايقي
شمس...لا طبعاً اتفضل
سالم...انا عايز اكل علي ذوقك انتي يا شمس❣️
ابتسمت شمس بهدوء تمام انا هختارلك😊 بعد اذنك
بصلها سالم بصدمه😳😳🙄
وبسرعه اتصل بزيد حكاله
زيد...بضحك😂😂😂😂 انا لو مكانك اقوم اجري
سالم...ياجدع انت بتضحك علي ايه 😒 هتغابي عليك
زيد...انت مقولتش يعني انك بتروح ورجلك خدت علي المكان
سالم...أعمل أيه طيب مش لاقي سبب أروحلها بيه؟
زيد....ماشي يا سيدي.
سالم...هو ايه اللي ماشي انت هتسيبني🙄
زيد...😂😂😂😂 هو انت مخطوف يا سالم
سالم....مش مطمنلها وربنا انت متخيل ان شمس تبتسم في وشي وتقولي حضرتك صاحب مكان وكمان تأكلني علي ذوقها🤔
زيد...صراحه لأ الموضوع في أنه😂😂😂😂 وانا لو في نفس الوضع هخاف
سالم....بقولك ايه أقولها تاكل قبلي🤔🤔
زيد....امال فين الحب يا عندليب عايز تضحي بالبت😂😂
سالم....ماهي لو حطالي سم هتخاف تاكل وانا هفهم🤔 وبعدين انت بتضحك علي ايه متستفزنيش😡
زيد...طيب اعمل ايه بس بقولك ايه متقلقش لو عايزه تموتك كانت موتتك من زمان😂😂😂
سالم....يعني اطمن🙄
زيد...علي حسب مش اوي😂😂
سالم...بضحك 😂😂تصدق ان انا راجل مش مظبوط عشان كلمتك
زيد...اقولك ايه طيب ماهي فعلاً هدوءها مريب وفي حاجه وراها 😂😂😂😂
سالم....مش يمكن تكون بدأت تسامحني🤔
زيد...😂😂😂بتحلم
سالم...ربنا يطمنك أمشي يا زيد من وشي 😒قال وانا اللي متصل بيه يطمني.
زيد...بقولك ايه ابقي طمني عليك بدأت اقلق😂😂😂
سالم...هبعتلك لوكيشن المكان لو جرالي حاجه متبقاش تعترف عليها انا مسامحها 😂😂😂😂
زيد....يخربيت طيبت قلبك😂
سالم....لا احترم نفسك هو انا جلال
زيد...😂😂😂لا يا واطي مقصدش والله😂😂
سالم...طب سلام انت الوقت عشان الاكل وصل
زيد...سلاك ابقي طمني
سالم...اوك باي.
قفل زيد وبصلها بأبتسامه حطت الاكل هي والبنت اللي معاها وبصتله.
شمس....تحب تشرب حاجه مع الاكل😊
سالم...🙄🙄🙄🤔🤔🤔 لا هبقي اشرب قهوه بعد الاكل عشان تفصل مفعول السم😒
ضحكت شمس بهدوء غصب عنها و سابته ومشيت.
في البدايه كان خايف ياكل بس سمي الاه وبدأ ياكل الأكل كان حلو اوي نسي نفسه وفضل ياكل بنهم😍😍
بعد ما خلص اكل وحس انه كويس اطمن جاتله شمس بالقهوه
شمس....قهوه حضرتك يا سالم باشا جبتها بنفسي 😊
يعني حاولت أعمل بنصيحتك عشان أكون ويتر محترفه
سالم...بشك😒 هدوءك مش مريحني🤔
شمس....بأبتسامه اطمن يا سالم باشا أنت بس متعرفنيش كفايه عشان تثق فيا 😊
سالم...🙄ماشي
مشيت شمس وشرب قهوته كان طعمها حلو و مظبوطه شرب السيجاره بتاعته مع القهوه حاسس انه مبسوط بس من جواه قلقان😂😂🙈
بعد وقت بسيط جاتله شمس و معاها الحساب.
شمس....الحساب 😊
سالم...بصلها وهو رافع حاجبه حط الحساب وبصلها صراحه كنت شاكك فيكي بس تسلم ايدك الاكل حلو والقهوه جميله.
شمس...بأبتسامه بألف هنا يا سالم باشا عموما نورتنا وهنستني زياره حضرتك مره تانيه مدت ايدها بأبتسامه تسلم عليه.
سالم...🙄🙄 مد أيده وسلم عليها وهو مستغرب الوضع بالكامل. كمان بتسلمي عليا ؟؟شمس انتي سخنه؟🙄
شمس....لا خالص انا تمام.وبصتله فجأه🤨
سالم...ايه😳
شمس...لا متقلقش في بس حاجه علي وشك امسحها
قرب سالم أيده من خده ومسح بكفه علي وشه.
حاولت متبتسمش🙈
سالم...خلاص.
شمس ...لا لسه في هنا كمان.
قرب سالم ايده تاني وبقي يمسح في وشه.
سالم...تمام كده.
ابتسمت شمس وبصتله...اه تمام بس في حاجه بسيطه لسه قربت هي ايدها من وشه وبقت تمسحله في كل مكان في وشه
وهو باصصلها باستغراب🙄🤔
ابتسمت شمس....كده تمام نورت يا باشا.
سالم....انا ماشي😒🙄
شمس.....مع السلامه يا سالم يا باشا نورت المكان.
مشي سالم وهو كل سويه يبص وراه مش مطمن
الناس كانت بتبص عليه بطريقه غريبه وهو مش مركز معاهم
راح علي عربيته ولا سأل في نظرات الناس أبتسم بفرحه حس ان شمس فعلاً شكلها بدأت تسامحه وكانت لطيفه معاه جدا
اول ما ركب دور العربيه وطلع بيها بص في المرايه اللي قدامه
سالم...بفزع بسم الله😳😳😳
يابنت الل....😡😡😡
اتصل علي زيد تاني.
زيد...ايه يا بطل انت بخير🤨
سالم....الحبر بيطلع بأيه يا زيد
زيد...بضحك حبر😂😂 وده وصلك ازاي اوعي تقول شمس.
سالم...بغضب هي زفت😡 وديني لا هربيها
زيد...طيب فهمني؟😂
سالم....انا قولت في حاجه غلط جيبالي الحساب وبتسلم عليا تخيل بتمدلي ايدها وتسلم قال وايه في حاجه في وشك ومكفهاش اللي هببته انا قربت ايدها تمسحلي وشي وانا معرفش انها مغرقه ايدها حبر وهي بتسلم عليها بقيت شبه الرجل الأخضر بس انا أزرق😡
زيد...بضحك بقولك ايه اقفل لحظه.
قفل زيد وثواني وكلمه ڤديو كول
سالم...انت بتستظرف وحياه اهلك عايز تتفرج😡
زيد....نهاااار اسود انت مش نافع😂😂😂😂😂خدتلك كام اسكرين للذكري.
سالم...ياجدع متستفزنيش اطلع الهباب ده ازاي😡
زيد...انت عايز عمليه تجميل عشان ترجع زي ما كنت😂😂
سالم....انا غلطان اني عبرتك🤨
زيد...استني بس بقولك ايه جرب كده جاز.
سالم...وانا اجيب الجاز منين😒
زيد...😂طيب هات كده كحل او بص ممكن سبرتوا من اي حد بتاع عربيات
سالم....انت بتهرج يا زيد😡
زيد...مكانس قادر يمسك نفسه ولله ما بهرج طيب بص ممكن بنزين😂😂😂
سالم...ما اولع في روحي واخلص😡
زيد...بضحك طيب صحيح شوف امين او شريف هما مش معاك هما هيتصرفوا
سالم...لا مش معايا انا مخدتهمش وانا ماشي😒
زيد....بخوف انت بتهرج يا سالم ما احنا اتفقنا يا اخي نلتزم شويه😡😡😡😡
سالم...ياعم متقلقش خليني في الهباب ده انا مش هعرف ارجع الشركه بشكلي ده😡😡
زيد...طيب تعالي وانا هستناك تحت ادخل من البارك هتلاقيني واقفلك.
سالم....واسوق عادي بمنظري ده
زيد....اه انجز وتعالي يلا😡
سالم...طب اقفل يلا جاي خليك واقفلي بكل المواد الكيماويه دي وهات معاك ولاعه بالمره عشان لو منفعش اولعوفي روحي واخلص.
زيد...😂😂😂طيب انجز
سالم...سلام.😡
قفل واتصل عليها.
اول ما شافت رقمه ضحكت.
شمس....ايه يا سالم باشا نسيت حاجه هنا ولا ايه.
سالم...وديني يا شمس لو مسكتك ما هحلك😡
كتمت شمس ضحكها...مش فاهمه حضرتك تقصد ايه🙄
سالم....لا والله عموما مت عليش بقي دي تاني مره تنتصري عليا بس والله يا شمس ما هسيبك
شمس...بضحك تعيش وتاخد غيرها يا باشا😂
سالم...بابتسامه غيظ عض علي شفايفه هعيش بس مش هاخد غيرها خافي علي نفسك بقي ماشي😡
شمس....خاف انت علي نفسك يا سالم واه صحيح كنت فكراك غير كده خالص طلعت اهبل😡
سالم....اهبل🤨 وديني لا هربيكي واعرفك الاهبل ده هيعمل فيكي ايه انا تمشيني بالشكل ده.
شمس....علي الاقل شكلك كده بقي احلي بكتير.
سالم....كنتي حاطه الحبر في ايدك صح؟
شمس....هتفرق معاك😏
سالم...اه عايز اعرف هتشيلي الهباب ده من ايدك ازاي😡
ضحكت شمس و كتمت ضحكها
شمس....مش انت عامل فيها مفتح امسحه انت بقي🤨 سلام
سالم....سلام يا جودزيلا😡😡
قفلت شمس وفضلت تضحك لدرجه انها سالت نفسها امته اخر مره ضحكت من قلبها بالشكل ده
...........
وصل سالم في البارك الخاص بالمجموعه كان حاطت ايده علي حرف وشه ومخبي نفسه كان زيد واقفله
واول ما شافه وقع علي نفسه من الضحك😂😂🙈
قرب منه سالم وضربه في كتفه😡😡😡
زيد...ااااه 😂😂😂انت بتتشطر عليا انا وانا مالي
سالم...أنجز لو حد شافني كده هنتجرس😡
زيد...طب اثبت خليني اشوف المصيبه اللي في وشك دي 😂
سالم....تفتكر هتطلع🤔
زيد...ادينا هنجرب😂😂
سالم...بطل ضحك هطلع غضبي عليك😡
زيد...طيب اثبت فضل زيد يحط كحول علي المناديل ويمسح
سالم...ايه الاخبار🤔
زيد...🙄هو بيسيح اكتر علي وشك بس هيطلع متقلقش😂😂
سالم...هاين عليا اروح اجيبها من شعرها😡
زيد...شلفططك خالص انا بقول نعملك عمليه زي فيلم face off
ونشيل وشك خالص😂😂
سالم...اضحك و اتريق اوي مضطر استحملك عشان محتاجلك يا واطي😡
زيد...طيب اخلص بهدلت ايدي منك لله
سالم...ايه كميه المناديل دي
زيد...كمان مش عاجبك ده وقت توفير😂😂😂
سالم...اخلص يلا😡
فضل زيد يمسح استخدم كميه مناديل قد كده لحد ما اخيرا مسح وش سالم خالص.
سالم...الحمد لله اهو كده
زيد....تسلم ايدي رجعتك زي ما كنت صاغ سليم.
سالم...صاغ سليم ايه انا حاسس ان وشي بيطلع نار من البتاع ده.
زيد...اقل واجب انت مستخدم ازازه كحول كامله😂😂 كريم مرطب بقي قبل ما وشك يبوظ
سالم....ماشي يا جودزيلا يا انا با انتي😡😡
زيد.....😂😂😂جودزيلا
سالم...😂😂😂اه هي جودزيلا
زيد....طب والله انا حبيتها اوي😂😂😂😂
سالم...حاسس علي لال ما تسامحني وترضي عني هكون جثه
زيد....انت لازم في اقرب وقت تتجوزها شمس لازم تعيش معانا 😂😂😂
سالم....طب اطلع يلا يا اخويا ورانا شغل😡
زيد...يلا بينا😂😂😂😂
- يتبع الفصل التالي اضغط على (رواية احفاد الطوبجي) اسم الرواية