رواية احفاد الطوبجي(1) الفصل الرابع 4 - بقلم اميرة اسامه
البارت الرابع..
في أوضه صبا وأيمن.
أيمن كان قاعد بيلعب في موبايله
خرجت صبا في الوقت ده من الحمام بعد ما خدت شاور أول ما جت عينها في عينه أبتسمت بهدوء وبسرعه بعدت عينها عنه وراحت على التسريحه تسرح شعرها.
أبتسم أيمن و قفل الموبايل قام بهدوء راحلها وقف وراها وهي قاعده على كرسي التسريحه وبصلها في المرايه بحب
ابتسمت صبا بتوتر وكمل تسريح شعرها
حست بأيد أيمن بتاخد منها الفرشه وبدأ هو يسرحلها شعرها
كملت صبا في أبتسامه التوتر وهي ساكته و بتفرك أيدها في بعض لحد ما وقف أيمن تسريح مره واحده ومسكها من كتفها بهدوء قومها ولفها ليه
وقفت صبا قدامه وهي منزله وشها في صدره مش قادره ترفع عينها في عينه.
قرب أيمن من خدها باسها بهدوء
وبدأ ينزل بنفس الهدوء على رقبتها يطبع قبلاته الحاره و يمرر أيده بجرأه على جسمها
غمضت صبا عينها بقوه وهي كل جزء فيها بيتنفض.
رفع أيمن وشه ليها أبتسمت صبا غصب عنها مسكها أيمن من أيدها وراح بيها علي السرير.
.............
في ڤيلا الباشا بعد ما كاميليا وسما مشيوا.
طلعت الشغاله تنادي على حسام و تبلغه ان العشاء جاهز
دقايق بسيطه ونزل حسام مكانش ليه نفس ياكل بعد اللي حصل لكن كالعاده ميقدرش يكـ ـسر لوالدته كلمه ولا يقدر يعترض قدامها على اي حاجه حتي لو كانت الحاجه دي الأكل.
كاريمان....حبيب ماما يلا يا حبيبي العشاء جاهز وكمان خليت
عفاف تحطهولك بره في الجنينه.
حسام....بس انا مكانش ليا نفس والله يا ماما.
كاريمان...ليه بس يا حبيب ماما حتى لو قولتلك عشان خاطري
حسام....بأبتسامه عشان خاطرك يا حبيبتي أعمل اي حاجه
خرج حسام معاها بره وبدأ ياكل وهي بَصاله بحب بعد ما خلص الأكل جابتلهم الشغاله القهوه وفضلوا يتكلموا مع بعض.
كاريمان...مش عَيزاك تضايق يا حبيبي ولا تزعل نفسك ولو على الكلام اللي فيروز قالته أنا مسمحاها يا حبيبي دي مهما كان زي بنتي كفايه أنها مراتك يا حبيبي.
حسام....بس مكانش ينفع ابداً اللي قالته أنا لولا منذر وقف قدامي وبعدها عني كنت عرفتها أزاي تتكلم معاكي بالشكل ده.
كاريمان....لا يا حبيبي مينفعش مهما كان دي بنت ناس مينفعش ابداً تهينها أينعم هي زودتها شويه بس عادي فيروز زي بنتي ويمكن تكون اضايقت بسبب موضوع الحمل اللي مش راضي يكمل معاها ده بس كمان لازم تعرف حاجه يا حسام صدقني يا حبيبي
انا مغلطتش فيها ولا قصدت ابداً أني أجـ ـرحها ولا حتي قصدت أن يكون في مشكله بينكم بسببي
انا بس لما عرفت أن دكتور شاكر وصل من أمريكا قولت أوديها ليه يكشف عليها و يشوف المشكله فين مهما كان هو دكتور شاطر أوي وأكيد عنده الحل
حسام....أنتي معملتيش حاجه غلط يا أمي عشان تبرريها الغلط عندها هي عشان هي المفروض تشكرك أنك بتعملي لمصلحتها مش تقلب الدنيا بالشكل ده
كاريمان....بمسكنه ربنا عالم يا حبيبي انا خـ ـايفه على مصلحتها و مصلحتك أنا أكيد مش هتمنالكم غير كل خير أنا أم ومن حقي افرح بأبني وأشوف ولاده مش كفايه أخوك الكبير رافض الجواز و معرفش رافض ليه لحد الوقت عايش بدماغه و قاهرني معاه انا من حقي يا حبيبي أشوف ولادكم و أشوف عيله الباشا كل يوم بتكبر وأنت و أخوك ليكم عزوه وسند أمال مين بعد عمر طويل هيورث كل ده مش انتوا واولادكم من بعدكم انا ملحقتش أفهمها كل ده لقيتها طلعت فيا وهاتك يا بهدله.
حسام...بغضب معاش ولا كان اللي يبهدل فيكي يا أمي وعموماً أنا هخليها تيجي لحد عندك و تعتذرلك
كاريمان...لا يا حبيبي انا لا عيزاها تعتذر ولا حاجه وأنت كمان انسى اللي حصل مش عيزاك انت و مراتك تتخانقوا بسببي ولو على اللي أخوك عمله في كاميليا وبنتها
انا راضتهم وبكره هكلمهم تاني اعتذرلهم عن اللي عمله منذر
حسام....انا كمان هبقى أروحلهم بكره لو قدرت وهعتذرلهم بنفسي المهم انتي منكونيش زعلانه
كاريمان....بأبتسامه حب ربنا ما يحرمني منك ابداً طول ما أنت موجود في حياتي عمري ما هزعل ابداً يا حبيبي
في الوقت ده وصل منذر وفيروز
دخل منذر وركن العربيه.
ولمحهم قاعدين في الجنينه بص على فيروز حس انها متوتره
منذر....أنزلي يا فيروز يلا
فيروز....بس يا منذر انا...
منذر....انزلي و أطلعي على أوضتك ملكيش دعوه بأي حاجه أنا هخلص كل حاجه الوقت كويس انهم لسه قاعدين ولا أنتي مش واثقه فيا؟
فيروز....لا طبعاً متقولش كده شكراً يا منذر
منذر...بأبتسامه عارفه دي المره الكام اللي تقوليلي فيها شكراً وأنا اقولك مفيش بينا شكر؟ أبتسم منذر وبصلها بهدوء أنزلي يلا يا فيروز.
فتحت فيروز الباب ونزلت نزل منذر كمان وقربوا منهم واول ما قربوا مشيت فيروز كام خطوه بإتجاه الڤيلا
حسام....فيرووووز
وقفت فيروز من غير ما تبصله
منذر...كويس انكم لسه منمتوش عايزكم سيب فيروز تطلع يا حسام ترتاح
حسام....في كلام بينا مخلصش يا منذر
منذر...وأنا قولتلك بعدين مش وقته اطلعي يا فيروز علي أوضتك.
طلعت فيروز بسرعه على اوضتها وسابتهم.
قعد منذر بهدوء وحسام متعصب
حسام....ممكن أعرف في ايه يا منذر ؟ انا مش راضي اكـ ـسرلك كلمه عشان انت أخويا الكبير بس كمان مينفعش تكـ ـسر كلامي قدام مراتي.
منذر...بهدوء والله لما كلامك ده يبقى من صوت دماغك مش هقف قدامك و هسيبك منك ليها ومش هندخل
كاريمان...تقصد ايه يا سي منذر؟
ما انت كلامك نصه بقى ألغاز
منذر....ولا ألغاز ولا حاجه يا أمي بس انتي فاهمه كلامي وحسام كمان فاهم
حسام....لا يا منذر أنا مش فاهم حاجه خالص مراتي غلطت في امي قدامي و ليها عندي حق التربيه.
منذر....اولاً مراتك متربيه أحسن تربيه يا محترم وإلا ما كنتش أنت بنفسك أتجوزتها ثانياً وده الأهم يا حسام أنا وأنت جينا في الوقت اللي فيروز بترد فيه على أمك مسألتش أنت بقى نفسك ليه أيه اللي حصل يخليها تقف ترد على أمك بالشكل ده ليه قبل ما تعمل اللي أنت عملته.
حسام....والله اللي أنا أعرفه مهما حصل من أمي مينفعش أبداً تقف قدامها وتتكلم معاها بالشكل ده
كاريمان....وبعدين هو حصل مني أيه يا منذر أنا كل اللي قولته اني هاخدها ونروح لدكتور شاكر يطمن عليها.
حسام....تقوم بدل ما تشكرها تقف تتكلم معاها كده
منذر....ببرود وهو بيبصلهم هااا خلصتوا
كاريمان....بعصبيه خلصنا أيه ومالك بتتكلم بالطريقه دي ليه انا قاعده هنا اهدي في أخوك و أحنن قلبه على مراته عشان ميبقاش في زعل بسببي مع اني مش عاجبني اللي حصل بالمره
و وقوفها قصادي بالشكل ده في الوقت اللي المفروض ابني الكبير هو اللي كان ردلي اعتباري ووقفها عند حدها.
منذر...أميييي أرجوكي من فضلك كفايه بقى أردلك اعتبارك من ايه و أوقفها عند حدها ليه أمي انتي عارفه أني طول عمري حقاني وعمري ما وقفت في صف الظـ ـلم
كاريمان....انا ظالمه يا منذر؟
منذر...مقصدش يا أمي بس لما تدخلي في حيات حسام ومراته بالشكل ده أيوه تبقى ظالمه لما كل يوم يعدي وانتي منكده على فيروز بكلامك و تحولي النقاش بينك وبينها لمشكله في الأخر اللي بتروح ضحيتها فيروز تبقى ظالمه
كاريمان....يااااه انت شايفني وحشه أوى كده يا منذر شايفني قاصده أدمر حيات ابني ومراته طب ده أنا مش طالبه أي حاجه غير أنى اشوف ولادهم ازاى شايفني بالبشاعه دي؟
منذر....العفو يا أمي بس طريقتك دي غلط حسام بيحب فيروز وفيروز بتحب أبنك كان في بينهم قصة حب جميله بس من بعد جوازهم أتحول الحب ده لخناق ومشـ ـاكل يوميه وكل مشـ ـكله أنتي بتكوني سببها
كاريمان.....أنا يا منذر أنا سبب مشـ ـاكلهم؟
منذر...ايوه يا أمي واعذري صراحتي لو هتو.جعك بس انا أبنك ولو مش هكون مرايتك اللي تواجهك بغلطك وقت ما تغلطي يبقى مستحقش أكون ابنك ولا استحق أكون اخوك الكبير يا حسام لما أقولك امك غلط واسيبك تدمر حياتك مع مراتك
حسام....بس ماما مغلطتش يا منذر دي خـ ـايفه عليها وانا كمان مغلطتش مهما كان حبي لفيروز بس في الاخر دي أمي ومقبلش عليها أي حاجه تجـ ـرحها.
منذر....في دي معاك حق بس لو الجـ ـرح ده مقصود لكن لما يكون رد فعل يبقى مش من حقك تجـ ـرح مراتك غير لما تعرف اللي حاصل
لازم تعرف يا حسام أن لكل فعل رد فعل وحتى لو طريقه فيروز في الرد على أمك جارحه لازم ندور عالسبب اللي وصلها للحاله دي الاول قبل ما ناخد أي خطوه
كاريمان...وأنت شايف بقى ياسي منذر ان امك هي السبب في اللي حصل.
منذر....انا كام مره من يوم ما حسام وفيروز أتجوزوا قعدت معاكم القاعده دي كام مره طلبت منك متدخليش في حياتهم
كاريمان...هو خـ ـوفي على مصلحة ابني تدخل في حياته مع مراته
منذر...ايوه يا أمي تدخل ومفيش اي حد في الدنيا ليه الحق انه يدخل بين راجل ومراته حتى لو كان الحد ده أمه.
يا أمي لازم تعرفي أن احنا كبرنا وبقينا رجاله وحسام أبنك راجل و أتجوز وبقى مسؤول مبقاش العيل الصغير اللي تقوليله اعمل ده ومتعملش ده أنا عارف ان حسام بيحبك و متعلق بيكي جداً وقريب منك أوي انا مش ضد ده بس أنا ضد أنه يجـ ـرح مراته ويهينها قدام الكل وكمان يحاول يمد ايده عليها عشان بس يرضيكي طب هي فين كرامتها فين هتحس معاه بالأمان ازاي وهي شيفاه اول واحد بيجي عليها
حسام....انا بحب فيروز وعمري ما قصدت أجي عليها يا منذر كل الحكايه اني مبستحملش اشوفها واقفه قصاد أمي
منذر....بس يبقى جينا لمربط الفرس سمعتي يا امي بيجي عليها عشان بتقف قدامك وترد عليكي
كاريمان....سمعت وعرفت أن المطلوب مني اقول للبرنسس فيروز الطوبجي والنبي يا فيروز لما تيجي تردي عليا وتقلي ادبك عليا ابقى شوفي جوزك على وصول ولا لأ.
منذر...لو أني شايف في كلامك نبره سخريه بس مش هو ده قصدي وانا عارف انك فاهمه قصدي اوي يا كريمان هانم
كاريمان....وأيه هو قصدك بقى اللي انا فهماه يا سي منذر ايه المطلوب مني؟
منذر....المطلوب منك حاجه بسيطه اوي و متزعلش يا امي سيبيهم في حالهم بلاش تدخلي في حياتهم ولو ابنك مستعجل على الخلفه و فارقه معاه أوي اكتر من فيروز يقدر ينفصل عنها بهدوء و يتجوز غيرها ولا ايه يا حسام
حسام...أيه اللي بتقوله ده يا منذر مستحيل طبعاً أنا بحب فيروز وأنت عارف ده كويس.
منذر....سمعتي يا امي اظن الكلام واضح أرجوكي طلعي نفسك بره حياتهم أعتبريهم مش ساكنين معانا في الڤيلا سيبيهم يأقلموا نفسهم على أي وضع ربنا هيكتبهولهم لو انتي نفسك تكوني جده وعندك احفاد وتفرحي بحسام ميتهيأليش هتخـ ـافي على مصلحة فيروز اكتر منها فيروز نفسها تكون أم زي أي ست نفسها يبقى عندها ولاد أكتر ما انتي نفسك يكون عندك أحفاد لأنها في النهايه ست و الأمومه بالنسبه لأي ست شئ مفروغ منه.
أرجوكي يا أمي متخربيش حياتهم واستني و متستعجليش على رزق ربنا اللي شايله لأبنك سيبيهم يعيشوا حياتهم بسعاده مش يمكن لما المود العام يتغير و تبطلي تحطي فيروز تحت ضغط تحمل وربنا يكرمهم والحمل يكمل
كاريمان....ماشي يا منذر مش هتدخل تاني ومش هيكون ليا أي اثر في حياتهم و أعتبروني كمان ضيفه تقيله على حياتكم
بصلها منذر بأبتسامه ومسك ايدها باسها لأ يا أمي أنتي صاحبة بيت مش ضيفه ووجودك أهم حاجه في حياتنا بس سيبي كل حاجه تمشي بهدوء
وانت يا سي حسام يلا اطلع راضي مراتك وسيبني انا قاعد مع كاريمان هانم شويه عشان عايزها في كلمه
ابتسم حسام لمنذر ماشي يا منذر
منذر...حساااام
حسام...نعم
منذر ...فيروز بتحبك متزعلهاش وبلاش تخليها تندم انها أتجوزتك حسسها بالأمان يا حسام خليها تستخبى وراك بدل ما تستخبى منك.
ابتسم حسام وهز راسه وسابهم وطلع.
فضل منذر مبتسم لحد ما حسام اختفى من قدامه.
كاريمان....هتفضل ديماً حمامه السلام كده مع الكل ومبتجيش غير عليا
منذر...ليه بتقولي كده يا أمي انتي عارفه انا بحبك قد ايه
كاريمان...بأماره ما انت ديماً واقف في صف بنت الطوبجي وناصفها عليا ايش حال أن ما كنتش دخلت مع أخوك سمعتها بنفسك بترد عليا.
منذر....من غير زعل يا أمي أنتي اللي ادتيها الفرصه لو مكنتيش أدخلتي في حياتها بالشكل ده وجـ ـرحتيها قدام طنط كاميليا وسما مكانش كل ده حصل لو مكنتيش كلمتيها بطرف مناخيرك و قللتي منها وسمعتيها كلام يجـ ـرح مكانش كل ده حصل مفيش واحده يا امي هتسمع من حماتها او من اي حد بيقولها انتي معيوبه وهتسكت خصوصا لو دوستيلها عالجـ ـرح بكل قوتك يا امي انتي ست زيك زيها وانتي اكتر حد ممكن يعرف الموضوع ده يجـ ـرح ازاي عايز بس أسألك سؤال
كاريمان....أتفضل
منذر...لو عندك بنت وظروفها نفس ظروف فيروز هتقبلي عليها اللي بيحصل فيها
سكتت كاريمان و متكلمتش
منذر...شوفتي اديكي سكتي أعتبريها بنتك يا أمي و حسى بِوجـ ـعها
كاريمان....على فكره يا منذر انا مابكرهش فيروز بس كمان أنا بحب أبني ونفسي اشوفه سعيد
منذر....سعادته الكامله موجوده في حياه هاديه مفيهاش مشـ ـاكل
كاريمان....وفي الاولاد كمان يا منذر من حقه يبقى اب وانا من حقي ابقى جده وأشوف أحفادى قبل ما أمـ ـوت
منذر...وهي حقها تكون أم يا أمي
وأنتي ربنا يديكي الصحه صدقيني لو عملتي ايه عشان تشوفي اللحظه اللي هتكوني فيها جده مش هتشوفيها غير لما ربنا يشاء مش أنا اللي هقولك الكلام ده يا أمي
كاريمان....بتنهيده ماشي يا منذر هسكت و هحط جزمه في بوئي يارب تكون مبسوط
منذر....بأبتسامه هبقى مبسوط لو شوفتك انتي كمان مبسوطه وتبطلي تفكير في أي حاجه تنكد عليكي وهبقى مبسوط لو شوفت حسام وفيروز عايشين في هدوء واحنا بعيد عن حياتهم الشخصيه أوعديني تكون اخر مشكله.
كاريمان...حاضر يا منذر أوعدك
ابتسم منذر وباس ايدها بحب وبعد ثواني بسيطه أستأذن منها وطلع يرتاح.
...............
في اوضه فيروز
دخل حسام بعد ما خبط لقاها قاعده على طرف السرير ودموعها نازله مسحت فيروز دموعها بسرعه وقامت وقفت وهي بصاله.
قرب منها حسام بهدوء وقف قدامها.
حسام....انا اسف يا فيروز حقك عليا.
بصتله فيروز بحزن ونزلت دموعها من غير ولا كلمه
قرب حسام منها بحب مد ايده مسح دموعها.
حسام....حقك عليا يا حبيبتي أنا أسف مش عارف رفعت أيدي عليكي أزاي سامحيني يا فيروز
أنا عارف أني غلطت وعارف ان قلبك كبير و هيسامح
فيروز...بدموع لحد أمته يا حسام
لحد أمته هفضل أسامح و أقبل أعتذارك أنا تعبت🥺
تعبت من كل حاجه تعبت من تغيرك معايا وتعبت من تدخل مامتك و إهانتها المتعمده ليا ديماً
حسام....ماما بتحبك والله يا فيروز هي بس نفسها تفرح بولادنا
فيروز....بتحبني؟بأمارة ايه يا حسام أحنا من يوم ما اتجوزنا وأنا ما شوفتش معاها يوم حلو
مفيش مره قعدنا مع بعض أو أتجمعنا حتى على سفره واحده و محاولتش تضايقني مفيش مره طول ما أنت مش في الڤيلا مجـ ـرحتنيش بكلامها وياريت بيني وبينها ده قدام اي حد أختها بنت أختها حتى الشغالين اللي في البيت حسام أنا مش واحده من الشارع عشان استحمل كل الإهانات دي أنا من عيله وعيله كبيره كمان لو بس عرفوا حاجه واحده من اللي بشوفها في البيت ده مش هيخلوني على زمتك ثانيه واحده بس أنا باقيه عليك عشان بحبك 💔 عشان عندي أمل أنك تقف معايا ولو مره واحده وتكون سندي بجد
حسام....وأنا مش سندك يا فيروز؟
فيروز....كنت فاكره كده للأسف كل مره مامتك بتجـ ـرحني فيها بستحمل عشانك وبقول حسام هيقف معايا حتى لو بكلمه بسيطه لكن للأسف بلاقيك تاخد صفها
حسام...فيروز انا بحبك وأنتي عارفه ده كويس بس كمان مقدرش اقف قدام أمي
فيروز...وانا مطلبتش منك تقف قدامها بس كمان طالبه منك تقف معايا تقويني تعمل أي حاجه تخليني أعدي اي حاجه مامتك بتعملها معايا
حسام....حاضر يا فيروز وأنا يا ستي أوعدك أنها هتكون اخر مشكـ ـله وماما مش هتتعرضلك تاني بأي كلمه تضايقك
فيروز....أتمنى ده يا حسام عشان انا بجد تعبت🥺💔
....................
وصل داوود الڤيلا عند ليلى ومعاه الدكتور.
أول ما شافته ليلى من الشباك نزلت بسرعه تفتح.
فتحت ليلى الباب وهي وشها كله دموع.
ليلى....داوود🥺💔
داوود...أهدي يا ليلى الدكتور هيطمنا عليها الوقت
الدكتور....الأوضه فين
ليلى....اتفضل أتفضل معايا
طلعت ليلى بسرعه على درج الڤيلا وداوود والدكتور وراها
داوود....أدخلي مع الدكتور يا ليلى وانا هقف هنا.
دخلت ليلى بسرعه وراء الدكتور من غير أي كلمه.
الدكتور....ممكن تقوليلي ايه اللي حصل.
ليلى....مفيش كانت كويسه ومره واحده قالتلي انها حاسه بدوخه وتعب وطلبت مني اطلعها اوضتها
طلعتها و نيمتها عالسرير حسيت فجأه أن جسمها تقل عليا بصيت عليها لقتها فاقده الوعي خالص
الدكتور....طيب هي بتشتكي من حاجه معينه؟
ليلى...بوجـ ـع مامي مريضه كانسر
عندها كانسر في الكبد وجزء كبير جداً من الكبد حصله تلف والمفروض أننا كنا مسافرين بقالنا فتره طويله بره والمفروض كانت هتعمل عمليه إستئصال بس منفعش الحاله متأخره وبعدين عرفت من الدكتور أن لازم نعملها زراعه كبد كان في حاله هتتبرع ليها وكانت متوافقه معاها جداً
بس لأخر وقت رفضت
الدكتور....طيب هي اول مره يحصلها كده.
ليلى....لا دي تاني مره بس المره الاولى كنا مسافرين وحصلها كده في المستشفي وفضلت يومين في العنايه وبقت افضل
فضل يفحص الدكتور والدتها وفتح عينها وبدأ يسعفها حس ان حالتها متأخره جداً
ليلى....ها يا دكتور طمني هي مش بتفوق ليه؟
قام الدكتور وقف... أتفضلي معايا بره.
خرجت ليلى معاه وهي مش فاهمه اي حاجه
داوود....خير يا دكتور في ايه
الدكتور....للاسف يا داوود باشا هي لازم تتنقل حالاً للمستشفي كل ثانيه بتعدي فيها خطر على حياتها أنا حاولت اسعفها بس هي مش بتستجيب النبض ضعيف ولازم في اسرع وقت تكون في المستشفي
نزلت دموع ليلى بوجـ ـع بصلها داوود بحزن ورجع بص للدكتور
داوود....طيب اتصرف يا دكتور احنا جاهزين ننقلها فوراً
الدكتور....تمام انا هطلبلها الاسعاف حالا وياريت حضرتك تجيبي معاكي كل الاوراق الخاصه بحالتها واي تقارير طبيه
داوود...تمام يا دكتور بلغ المستشفي واحنا هنجهز كل حاجه.
نزل الدكتور على تحت يبلغ المستشفي تجهز مكان بسرعه
وأول ما مشي سندت ليلى على الحيطه أنهارت مكانتش قادره تقف على رجلها
قرب منها داوود بسرعه رفعها قبل ما تقع ومن غير ما يحس خدها في حضنه
ليلى....مامي هتروح مني يا داوود
مش هقدر والله ما هقدر استحمل أنها تضيع مني.🥺💔
داوود...ليلى اسمعيني كويس انا عارف أنك مش مستحمله بس مش وقت أنهيار خالص أقفى عل رجلك عشان خاطرها
ليلى.....مش قادره يا داوود
داوود...هتقدري يا ليلى انا معاكي مش هسيبك أجمدي عشان خاطري أنا كمان يا ليلى
ليلى....طب قولي يا داوود مامي هتمـ ـوت صح🥺💔
داوود...بحزن لا يا حبيبي مش هتمـ ـوت ان شاء الله هتخف وهتبقى كويسه صدقيني بس لازم لما تفوق تشوفك قويه وماسكه نفسك مينفعش تشوفك ضعيفه كده كفايه اللي هي فيه
ليلى.....انا خـ ـايفه يا داوود خـ ـايفه اوي💔
داوود....خـ ـايفه وأنا جمبك يا ليلى انا عمري ما هسيبك لحظه هفضل جمبك طول الوقت اهدي بقى عشان خاطري ويلا جهزي كل حاجه طلبها الدكتور عشان أول ما الإسعاف تيجي نطلع وراهم على طول.
ليلى....حاضر 🥺
عدى وقت بسيط كانت عربيه الاسعاف وصلت نقلوها بسرعه
على العربيه
ليلى كانت مش قادره تتحمل منظر والدتها بالشكل ده رايحه خالص في ايدهم ومش دريانه بالدنيا.
مسكها داوود من أيدها وخدها على العربيه بتاعته وطلع وراء الإسعاف وصلوا المستشفى بعد وقت مش طويل أوي خدوها بسرعه الدكاتره منهم
بعد داوود شويه عن ليلى وأتصل بزيد.
كان في الوقت ده زيد وأخواته خرجوا من مكان سهرتهم ومروحين.
زيد....الوووو ايوه يا داوود
داوود....أنت فين يا زيد
زيد...ايه يا داوود مال صوتك في حاجه حصلت ولا ايه انتوا كويسين؟
داوود.... متقلقش مفيش حاجه انا بس روحت لليلى.
زيد...في حاجه؟
داوود....والدتها تعبت اوي ونقلناها بالاسعاف
زيد...طيب تحب أجيلك؟
داوود...لا لا ملوش لزوم انا بس بكلمك عشان شكلي كده مش هعرف أرجع الوقت خالص وعشان لو حد سأل عليا محدش يقلق
زيد...اطمن يا داوود انا هتصرف خليك انت مع ليلى وبلغها سؤالي ألف سلامه على والدتها
داوود...الله يسلمك.
زيد....لو احتجتني كلمني هتلاقيني عندك فوراً
داوود...ماشي يا حبيبي
زيد...سلام يا داوود
داوود...سلام.
............
سالم....في حاجه ولا ايه داوود كويس.
زيد....والدت ليلى تعبت ونقلوها بالاسعاف على المستشفى وكان بيعرفني عشان منقلقش عليه
نادر....طيب نروحله بدل ما يبقى لوحده.
زيد...لا لا خلينا احنا هو لو احتجنا هنروحله يلا بينا
...........
في غرفه أيمن وصبا.
قام أيمن مره واحده من على السرير وهو بيرفع بأيده الغطاء من عليه بغضب
قعد على طرف السرير ضهره
عـ ـارى بيتنفس بسرعه
بصت صبا عليه كان ضهره ليها رفعت نفسها بهدوء سحبت عليها الملايه أكتر كل ملامح وشها خـ ـوف ورعـ ـب وكأنها منتظره
المـ ـوت🥺 خدت نفس طويل
وقامت بهدوء دخلت على الحمام
بصت لنفسها في المرايه
لمحت جسمها كله علامات زرقاء مختلطه باللون الاحمر الداكن🥺
صوابع ايده بارزه على كل جزء في جسمها وكأنها كانت في معركه
مسحت دموعها و دقايق بسيطه خرجت من الحمام بهدوء وهي عينها زايغه في كل مكان في الجناح الخاص بيهم لمحته قاعد على كرسي قريب من البلكونه الخاص بغرفتهم
راحت بخطوات بطيئه عليه قعدت على الكرسي اللي قدامه
مدت كفها على رجله وقبل ما تلمسه رفع ايمن وشه ليها بكل غضب سحبت ايدها بسرعه بخـ ـوف قبل ما تلمسه.
صبا...أيمن حبيبي م..
قاطعها أيمن بحزن...ليه ليه يا صبا بيحصل معايا كده ليه
صبا....حبيبي أنا قولتلك بلاش
أيمن...بغضب وصوت عالي هو ايه اللي بلاااااش
صبا....بدموع وطي صوتك يا ايمن أرجوك.
أيمن...قوليلي يا صبا العيب في مين هااا العيب فيا ولا فيكي
صبا....عيب مين قال ان في عيب بس
أيمن....كل ده ومفيش عيب أيه بتواسيني ولا انتي مبتحسيش
بصتله صبا بوجـ ـع.. انا مبحسش يا أيمن؟
أيمن....لما متبقيش عارفه أن مفيش عيب تبقى مبتحسيش
صبا...لا يا أيمن مش صح كل الحكايه اني مش عيزاك تكون مضايق
أيمن....اه بتاخدينى على قد عقلي يعني ولا تكوني حاسه بشفقه من ناحيتي😡
صبا....لا يا أيمن مش صح اكيد عارفه ان في حاجه مش طبيعيه بس كل الحكايه اني مش حابه أزود جـ ـرحك ولا عايزه اوجـ ـعك عشان انا حاسه بيك بس كفايه كده يا أيمن
أيمن....كفايه ايه ؟
صبا....لازم تسمع الكلام لازم نروح لدكتور لازم..
ايمن...بمقاطعه دكتور تاني انتي ايه مبتفهميش انتي عارفه يعني ايه دكتور وكشف يعني فضيحه
صبا....من أمته زياره الدكاتره فضيحه يا ايمن ؟
أيمن....شكلك مش عارفه انا مين يا هانم ومجرد ما اسمي بس يتعرف انا هتفضح
صبا....خلاص نسافر بره قولتلك كتير اوي نسافر وانت اللي رافض عشان نفس السبب
أيمن....عشان احنا مش مجرد رجال اعمال محصورين في مصر وبس احنا العين علينا في كل مكان
صبا....و أفرض يعني زي ما بتقول. معنى كلامك إننا هنفضل طول حياتنا كده مستحيل يا أيمن دي متبقاش عيشه
ايمن...بغضب ايه زهقتي مني😡
صبا...بهدوء مسحت دموعها يا حبيبي مش كده انا عمري ما أزهق منك أبداً بس كمان لازم تحس بيا شويه يا أيمن اوعى تفكر ان الموضوع ده مآثر عليك انت بس انا كمان الموضوع مآثر عليا يا ايمن لازم تفهم اني بقيت اخـ ـاف من اللحظه دي بقيت اخـ ـاف تطلب مني اننا نقضي وقت مع بعض لان اللي بيحصل بعد كده بيرعـ ـبنى و بيحول حياتنا لجـ ـحيم خناق ونكد وكلام يوجـ ـع منك كأني ليا ذنب في اللي بيحصلك يا أيمن الحياه اللي أحنا عايشنها دي مش حياه زوجيه طبيعيه لو عليا أنا يا سيدي راضيه اعيش معاك من غير أي علاقه كفايه اكون معاك وبس
أيمن ...ايييييه صعبان عليكي 😡
صبا...أنت ليه مصمم تفهم كل كلامي غلط؟🥺
أيمن...عشان أنتي كلك على بعضك غلط عشان بارده ومبتحسيش عشان أكتشفت إن العيب فيكي أنتى 😡
صبا....انا؟💔🥺
أيمن....أيوه انتي اللي مش عارفه تكوني ست من أول ما أتجوزتك و أنتى ملكيش في أي حاجه بقيت أعلمك أزاي تكوني ست بجد في السرير و كأني متجوز طفله بقيت أطلب منك وأفهمك أزاى تندمجى معايا وقت العلاقه زي أي زوجه طبيعيه وأنتي مفيش كأن اللي نايمه معايا دي جماد مبتحسش
أنتي اصلاً مش عارفه يعني ايه علاقه ولا عارفه يعني ايه متعه العلاقه ديماً خـ ـايفه وديماً مكسوفه
لا قادره تثيـ ـريني ولا أنا قادر اشوف فيكي ست بجد عشان كده مش قادر أمارس معاكي اي علاقه طبيعيه لو في حد فينا محتاج يروح لدكتور يا صبا فاهو انتي لازم تروحي تعالجي البرود اللي فيكي ده الاول عشان انا اقدر اكمل معاكي علاقه.
بصتله صبا وهي عندها ذهول مصدومه من كلامه و إتهامه ليها بالبرود مصدومه أن بعد ما إتحملته كل ده بيتهمها إن ألعيب فيها هي.
صبا...بوجـ ـع ودموعها نازله من غير توقف💔 العيب فيا انا يا أيمن بعد كل السنين دي جاي الوقت تتهمني إن العيب فيا أنا🥺
أنت بجد شايف إن أنا اللي محتاجه أروح لدكتور شايف إني بارده وإني مش ست تقدر تكفيك كاراجل بتقولي أنا يا أيمن اني من اول ما أتجوزتك وأنا مليش في حاجه. كنت عايزني يبقى ليا تجارب قبلك يا أيمن عشان أعجبك في السرير كان لازم اكون ست خبره عشان تبقى مبسوط طب ماهو لو انت شايف كده مروحتش اتجوزت رقاصه ليه مروحتش ليه اتجوزت ست ليها في كل حاجه
هو مش المفروض بردوا ان الراجل بيتبسط ان الست تعرف كل حاجه عن العلاقه من خلاله هو ولا انا اللي غبيه ومش فاهمه انتوا بتفكروا أزاي؟💔
أيوه يا ايمن لما اتجوزتني مكانش ليا في أي حاجه ولا كنت اعرف يعني ايه علاقه جنـ ـسيه بين الراجل ومراته طول عمري متربيه في وسطكم مليش إختلاط بأي حد بره حتى لما كنت بدرس زمايلي في المدارس وفي الجامعه كانوا محدودين كنت بختار اللي شبههي و اصاحبه مكانش في حد فيك انت و أخواتك و خيلاني بيسيبوني لوحدي عشان اكون خبره زي ما انت عايز حتي روح بالرغم من اني انا وهي قريبين من بعض بس عمرها ما اتكلمت معايا في حاجه زي دي لا هي شخصيتها تتكلم في حاجه زي دي ولا انا عندي جرأه أسألها لما خالو جه و قاللي انك طالب ايدي منه مقدرتش اقوله لأ ولا قدرت اعترض مكانش في حب ليك في قلبي بس قولت مع الوقت هحبك زي ما بتحبني وربنا واحده اللي عالم اني حاولت اعيش معاك بما يرضي الله قولت العشره هتخليني احبك وفعلا حبيتك بس انت مصمم كل مره تضيع الحب ده من أول جوازنا وانت استأمنتني على سرك وانا حفظته لحد يومنا ده ولحد يومنا ده يا أيمن وانا لسه بنت زي ما انا💔
مش هكدب عليك و أقولك إن أخر معلوماتي في الجنـ ـس هو اني أتحول من آنسه لمدام لكن اي حاجه تانيه كنت بتعلمها معاك في البدايه مكنتش عارفه في ايه بيحصل معاك غلط مكنتش عارفه يعني ايه العلاقه مش بتكمل لكن بعد كده عرفت وكنت بسكت مكانش عندي حتي الجرأه اني أشيل عنك لأن كنت بتحرج منك
وكنت بخـ ـاف من تحولك المفاجئ
بعد كل محاوله فاشله
بعد كده بقيت اخـ ـاف كل ما تطلبني و أقولك بلاش وأنت اللي كنت بتصمم وعشان مرجـ ـحكش كنت بوافق مع إني كنت ببقى شايله هم اللي هيحصل بعد فشل المحاوله طلبت منك كتير نروح لدكاتره مكنتش بتوافق وكنت بتتعصب ومفيش حاجه في ايدي غير اني أسكت بشوف في عيون روح وخالوا وكل اللي في البيت سؤالهم يا تري ليه مأخرين الحمل لحد الوقت وبحمد ربنا إن سؤالهم ده بشوفه بس في عينهم عشان خايـ ـفه يبان عليا اي حاجه و لأني معنديش رد هقولهم ايه هقولهم لما الأول أكون مدام نبقى نفكر في الخلفه والولاد🥺🥺💔
بتتهمني انا يا أيمن بالبرود
أنت اناني اوي🥺
بصلها أيمن بحزن وغضب ومشاعر متخبطه من غير ولا كلمه
صبا....أيوه أناني عمرك ما فكرت فيا كل اللي فارق معاك هو نفسك وبس شايف ان الكون كله بيقف عندك في إكتمال العلاقه مفكرتش إني نفسي أكون أم مفكرتش إني حقي أعيش حياتي زي أي ست في الدنيا أنت علمتني كل حاجه يا أيمن في العلاقه كل اللي كنت بتقولي عليه رغم أنه كان صعب عليا بس عملته وحاولت اشيل الإحراج بيني وبينك وقولت مش عيب ولا حرام ده جوزي عملت كل حاجه قولتلي أعملها عشان نقدر نعمل علاقه كامله وكل مره كنت بحسسك انه عادي ومش فارق معايا طول ما احنا مع بعض هيجي يوم وتحصل بس أنت فسرت كل ده على أنه برود
كملت صبا بأنهيار
لاااااااا يا أيمن💔 انا مش بارده انا ست غصب عنك وعن أي حد
مضايق اوي وبتجيب الحق عليا عشان محسساك ان الموضوع مش فارق معايا وشايفني محتاجه دكتور يعالج البرود اللي عندي
عايزنى أقولك كام مره كنت بتضايق وبتوجـ ـع ان العلاقه دي مش بتكمل هااا😡💔
ولا عايزني أقولك كام مره قربت مني و لمستني و خلتني مش على بعضي وحاسه بنار جوايا مستنياك تطفيها وللأسف مبتقدرش💔
هااا يا أيمن مبتدرش ليه ولا لسه عايز تسمع أكتر
عايزني أحكيلك كام مره بندمج معاك فيها من لمستك و بتثير مشاعري كاست و بوصل معاك لمرحله إني خلاص قربت أوصل للحظه اللي أي ست بتستناها في نهايه أي علاقه وفجأه وبدون مقدمات بتسيبني في نص العلاقه
جربت تسأل نفسك انا بحس بايه في الوقت ده طبعاً مجربتش كل اللي بيشغل تفكيرك اني بارده واني معملتش اللي عليا كاست
انا كل اللي كنت أعرفه عن العلاقه ان الراجل بس هو اللي بيستمتع بيها لكن مع الوقت و الخبره اللي انت علمتهالي عرفت اني بحس زيي زيك عرفت ان الست ليها غرايز زي الراجل بالظبط محتاجه تعيش مع جوزها حياه طبيعيه محتاجه تكون أم 🥺💔
ومع ذلك انا سكت وحاولت مبينش أي حاجه من اللي جوايا حاولت أداري عن الكل و أولهم انت اللي انا بحس بيه لا فرق معايا اني لسه بنت ولا فرق معايا اكون ام ولا فرق معايا كمان شعوري اني احس اني ست🥺
وفوق كل ده بتجيب اللوم عليا
مبسوط الوقت يا ايمن لما ضغطت عليا و خلتني اقولك انا شايله قد ايه وساكته مبسوط اني جـ ـرحتك بكلامي اللي كتمته جوايا وانت ترجمته على انه برود مني
انا تعبت تعبت ومبقتش قادره أتحمل صدقني اللي بيحصل ده فوق طاقتي
ايمن...بوجـ ـع صبا انا بحبك والله العظيم بحبك انا اسف انا عارف اني غلطان عارف اني جيت عليكي كتير عارف اني وجـ ـعتك بكلامي بس غصب عني عارف اني اناني عشان بجيب اللوم عليكي بس كمان اقولك ايه اقولك اني مش راجل اقولك اني عندي نقص أوعي تفكري يا صبا اني مبحسش بيكي بس وقت ما بحس ان مفيش فايده وبشوفك انتي كمان مستنيه اللحظه دي مبحسش بنفسي غصب عني يا صبا صدقيني انتي مش عارفه انا جوايا ايه انا اسف انتي جيتي على نفسك كتير كفايه انك صاينه سر ولحد يومنا ده مفضحتنيش قدام ابويا واخواتي استحمليني شويه يا صبا انا والله مش وحش وبحبك بس صدقيني غصب عني والله العظيم 🥺
سند أيمن راسه على صدر صبا وهو بيعيط وفضلت هي كمان تعيط مش عارفه هي بتعيط عليه ولا على نفسها ولا على إهانته ليها ولا على كلامها ليه اللي واثقه انه وجـ ـعه💔 فضلت صبا جمبه لحد ما راح في النوم غطته وخرجت من الاوضه كلها مش قادره تقعد فيها حاسه انها بتتخـ ـنق خرجت بهدوء كان الكل نايم والشباب لسه مرجعوش نزلت على الجنينه تقعد مع نفسها شويه وتحاول تخرج الوجـ ـع اللي جواها سابت دموعها تنزل وهي بتفكر في اللي حصل🥺
عدى حوالي ساعه وهي على نفس قعدتها شارده وبتفكر في كل يوم عدي من بعد ما أتجوزت
في الوقت ده وصل الشباب القصر
دخلوا بعربياتهم لمحتهم صبا من بعيد وهما كمان لمحوها كان يادوب الليل قرب يروح مسحت دموعها بسرعه و خدت نفس طويل وحاولت تبتسم عشان مَيبانش عليها.
نزل سالم وهو لسه بيغني واخواته وراه بيردوا عليه قرب سالم من صبا وهو مبتسم وبيغني
سالم...ناس مني ومن دمي😉 محدش فيهم شال همي محدش كان خيره عليا فين خالي وفين عمي😂💃
نادر.....اللي بيحب البحراوي يرفع ايده لفووووق😂😂
أبتسمت صبا غصب عنها ايه الفرح اللي انتوا داخلين بيه ده الدنيا لسه ليل وخالوا لو شافكم مش هيسكت🙈
سالم....طب ده لو شاف مزاجنا عالي كده مش بعيد يسهر معانا المره الجايه
صبا...بضحك البحراوي واكل دماغك ياسالم
سالم...بضحك الله وماله مش برجع مبسوط😂
صبا...ربنا يبسطك يا سيدي بس خـ ـاف من خالوا بقى لما أفتن عليك الصبح انت واخواتك🤨
يوسف...الله وليه كده بس يا صبا احنا أخواتك بردوا
ياسين....هي ديتها شيكولاته وهنكـ ـسر عينها زي ما كـ ـسرنا عين زيد بالعشاء😂
صبا...بضحك اااه قولتولي وانا اللي فاكره زيد قابلكم صدفه مش كنت رايح لمنذر يا زيد ضحكوا عليك بالعشاء.
ابتسم زيد والله ابداً متفهمنيش غلط انا مليش في خروجات الصيع دول كل الحكايه ان منذر اعتذر و قولت اروحلهم اشوفهم بيهببوا ايه
سالم...ياجدع متنكرش ان القاعده عجبتك😂😂
جلال....اه والله واتبسط كمان شايفه الضحكه
زيد....بضحك الله يخربيت شكلك منك ليه أطلع يلا يا نبطشي على أوضتك نام وخد الصيع دول معاك ومتنساش تاخد المطبلاتي اللي وراك ده
أمير...بضحك طب يلا ناس مني ومن دمي
سالم...اييييوه محدش فيهم شال همي
أمير...محدش كان خيره عليا
سالم...فين خالي وفين عمي💃
فضل زيد وصبا يضحكوا عليهم وهما ماشين يغنوا ويرقصوا
زيد...مش هيرتاحوا غير لو خدتلهم مره الباشا معايا
صبا...بضحك حرام عليك خليهم يتبسطوا
زيد....اه قولي كده بقى الواد ياسين اغراكي بالشيكولاته 🤨
صبا....بضحك مش هنكر بس انت كمان ضحكوا عليك بالأكل
زيد...بضحك ماهو بصراحه كنت جعان🙈
ضحكت صبا وسكتت.
بصلها زيد باستغراب....صحيح أنتي ايه اللي مقعدك هنا لحد الوقت انا فكرتكم نمتوا كلكم
صبا....بأبتسامه وتوتر اااه ايوه هما كلهم نامو وانا ااا يعني مش عندي نوم قولت انزل اشم هواء في الجنينه.
زيد....انتي كويسه يا صبا؟
بصتله صبا ثواني وظهرت لمعه في عينها تهـ ـدد بانهيار لكن بسرعه اتراجعت صبا وأبتسمت اه كويسه والله مفيش حاجه أيمن بس نام ومحبتش اقلقه فا قولت انزل هنا
زيد....أوعي يكون الواد ده مزعلك أعلقهولك على باب القصر.
ابتسمت صبا... لا قلبك ابيض مفيش حاجه صدقني 🙂
أبتسم زيد وحس انها بتكدب عليه واضح من ملامحها ان في مشكله بينها وبين أخوه لكن محبش يضغط عليها وفجأه عينه جات على رقبتها ولمح العلامات المطبوعه عليها.
حست صبا انه لمح رقبتها حطت ايدها على رقبتها بسرعه و بعدت وشها الناحيه التانيه عشان تداري الأرتباك اللي هي فيه. ااا انا هطلع انام عشان انت عارف روح بتصحى بدري هي وزهره فا عشان مسيبهمش يحضروا الفطار لوحدهم انت مش هتنام
ولسوء حظها لما رفعت أيدها بان زرقان في دراعها من الجنب لمحه زيد.
بسرعه مسك زيد ايدها بصتله صبا بصدمه وهي مش فاهمه
زيد...ايه ده يا صبا اللي في ايدك ده🤨
صبا...في ايدي ايه هو ده
زيد...وهو بيحرك ايدها اهو يا صبا باين الزرقان ده
صبا...اااه اااه ده بعد ما انتوا مشيتوا اتخبطت في الباب جامد بس مكنتش أعرف انها علمت
فضل زيد يمرر عينه عليها واثق انها بتكدب... صبا أيمن اللي عمل في ايدك كده؟
صبا...أيمن لا و هيعمل كده ازاي انا اللي اتخبطت
زيد....هو انتي شايفه منظر ايدك كويس يا صبا دي مش خبطه دي صوابع معلمه أيمن مد ايده عليكي ؟
صبا...ايه اللي انت بتقوله ده لأ خالص دي عمرها ما كانت طريقه ايمن ابداً وبعدين احنا أصلا مش متخانقين يعني حتي ده نايم ووو
زيد...و بتكدبي يا صبا؟
بتداري عليه باين في عينك من اول ما وصلنا انك مش على بعضك عموما انا هشوف شغلي معاه
صبا....زيد من فضلك استني انت فاهم غلط
زيد....اللي انا فاهمه ان ولاد الطوبجي مبيمدوش ايدهم على ست اللي انا فاهمه ان ستات عيله الطوبجي يتحطوا على الراس من أول روح كبيره البيت لحد جنه بنت قاسم. وانتي وزهره بالذات زيكم زي روح ستات القصر ده يعني ليكم معامله سبسيال و على قد حبي و معزتي لزهره بس انتي اكتر يا صبا انتي مش بس مرات اخويا انتي بنت عمتي.
صبا...بابتسامه زيد صدقني والله انا عارفه اللي انت بتقوله بس والله مفيش حاجه من اللي في بالك دي وبعدين انت عارف ايمن اكتر مني كمان ايمن دي عمرها مكانت طريقته ولا حد فيكم اصلا
زيد....ماشي يا صبا هعمل نفسي مصدقك .
ابتسمت صبا بتوتر و حبت تغير الكلام....طيب انا هطلع انام بقى عشان تعبت تصبح علي خير
زيد....وانتي من أهله يا صبا
وقف زيد ولع سيجاره وعينه عليها لحد ما اختفت من قدامه
ومن جواه واثق ان صبا مخبيه حاجه.
............
- يتبع الفصل التالي اضغط على (رواية احفاد الطوبجي) اسم الرواية