رواية احفاد الطوبجي(1) الفصل الثالث و الاربعون 43 - بقلم اميرة اسامه
🔥...........🔥
دخلت روح علي سالم الأوضه
و معاها يانسون.
روح....ايه يا حبيبي طمني عليك عامل ايه الوقت
سالم....بخير يا روح تعبتي نفسك ليه.
زيد...يابختك يا عم سالم متدلع اخر دلع😉
روح....كام مره قولت بلاش تاكلوا
حاجه من الشارع انتوا مش هتكبروا ابداً
زيد....رمرام😒🙄
سالم....ليك يوم خد بالك😒 وبعدين ياروح يظهر ان معدتي كانت تعبانه.
روح...طيب يلا اشرب اليانسون لحد ما اعملك شوربه.
سالم...لا أبوس ايدك بلاش اكل انا خلاص مش هاكل تاني ابدا😭
زيد....أتربيت يا عيني😂
روح....هي الشوربه اكل يلا اشرب بلاش دلع مش هتأخر عليك
خرجت روح وسابتهم مع بعض
سالم...بقولك ايه اجري وراها قولها متعملش اكل انا مش طايق اشم ريحه اي حاجه😭
نام زيد جمبه وهو بيضحك تصدق سريرك مريح اوي
سالم....😒انت بتستفزني ما تقوم يا جدع انت روح اوضتك🤨
زيد...الوقت بس قوم روح أوضتك ولما كنت هتموت قولت لشمس كلمي زيد🤨
سالم...اسكت يا زيد اناكنت هموت والله أنا بفكر بلاش اشوفها في المطعم تاني🙈
زيد...بس بقولك ايه كان شكلها خايف عليك.
سالم...ياعم خايفه ايه دي كانت خايفه أموت وتروح في داهيه.
زيد...أسمع مني والله كان باين عليها.
سالم....بجد🙄
زيد...عيب عليك اللي حصل انهارده ده في مصلحتك علي فكره وانا واثق انه هيقربكم من بعض.
سالم...يارب يا زيد قبل ما اموت علي ايدها🥴
زيد...😂لا متخافش يا اخويا انت زي القرد
سالم...بقولك ايه انت هتقابلها ليه؟
زيد....انت مش عايز الأمور تهدأ بينكم شويه سيبها عليا بقي.
سالم... اما نشوف ياكش يارب بس لما تعرف إنك من ريحتي متموتكش😂😂
زيد...😂😂ليه وانا هفأ زيك ولا أيه.
سالم....هفأ😒طب يلا اجري غور من اوضتي.
زيد....ماشي تشكر يا ذوق انا رايح أغير هدومي علي بال ما روح تحضر العشاء وباقي المقاطيع ينزلوا.
سالم....ماشي وانا هحاول افوق كده وانزل.
زيد...ماشي
...............
عند شمس بعد ما وصلت دخلت خدت شاور وخرجت قعدت في أوضتها وفضلت سرحانه مع نفسها تفكر في اللي حصل
أبتسمت بهدوء وبعدين فاقت😳
شمس....مستحيل ياشمس يمكن صعب عليكي ضعفه وهو تعبان لكن انتي بتكرهيه🥺
ثواني وجرس الباب رن
قامت بسرعه تفتح الباب كانت صفيه.
شمس....تعالي يا طنط صفيه اتفضلي
صفيه....قوليلي كلتي ولا لأ.
شمس....لا والله لسه انا يادوب خدت شاور وخرجت.
صفيه....طيب خلاص متعمليش أكل عمك احمد خرج راح عزاء اخو واحد صاحبه وانا عملت شاورما و هناكل سوا.
شمس....البقاء لله طيب تعالي يلا ادخلي وانا هجيب اطباق واجي.
صفيه...طيب يا حبيبتي.
دخلت شمس وخرجت بالأطباق.
صفيه...اتأخرتي ليه مش قولتي انك هترجعي بدري عشان تشتري حجات للبيت.
شمس....منفعش يا طنط صفيه الشغل كان كتير
صفيه...ربنا يرزقك يارب يا شمس يا بنتي يلا كلي وقوليلي رأيك.
شمس...أكيد حلوه زيك تسلم أيدك يارب.
صفيه....تسلمي من كل شر يا حبيبتي.
بدأت شمس تاكل وهي سرحانه.
بصتلها صفيه و أبتسمت ايه سرحانه في ايه الأكل مش عاجبك
شمس...ابداً والله دي حلوه اوي.
صفيه...امال مالك سرحانه في ايه.
شمس....هو لنا ممكن أسألك سؤال يا طنط صفيه.
صفيه....طبعاً
شمس.....هو يعني كرهه؟
صفيه....كرهه؟ ده شعور صعب أوي يا شمس حد يحس بيه بتوصليله لو البني أدم اللي وصلك للشعور ده عمل فيكي حجات وحشه كتير.
شمس...وأزاي أعرف اني وصلت للشعور ده.
صفيه....تبقي مش عايزه تشوفيه تاني تهربي من أي مكان هو فيه متبقيش عايزه تسمعي صوته نفسه متبقيش طيقاه لو حد جاب سيرته قدامك يبقي عندك احساس ان حتي اللي بيجيب سيرته ده انتي مش طيقاه هو كمان بيبقي عندك استعداد تخسري كل حاجه حتي لو أكل عيشك في مقابل انك متجتمعيش بيه.
شمس....طيب وهو ينفع أنك تحبي حد بعد ما كنتي بتكرهيه؟
صفيه.....لو حبتيه يا شمس يبقي انتي عمرك ما كرهتيه وارد تكرهي شخص كنتي بتحبيه لو خذلك لو آذاكي لو حسيتي ان اللي قدمتهوله مطمرش فيه لكن مستحيل الشخص اللي كنتي بتكرهيه تحبيه مهما عمل لأن اللي خلاكي تكرهيه من البدايه أكيد مش هيتمحي بسهوله من قلبك
شمس...ليه مش بيقولوا ما محبه إلا بعد عداوه.
صفيه....اه بس العداوه هنا مش مفهومها الكرهه العداوه هنا يعني اول ما أتعرفتي علي حد أتخانقتوا سوا حصل بينكم سوء فهم وصل لمشكله يعني اختلاف في وجهات النظر و مستحيل اني اكرهه بني ادم لمجرد ان رأينا مختلف وجهات نظرنا مختلفه أساءنا الظن ببعض في اول تعارف عشان كده بيتقال ما محبه إلا بعد عداوه
لكن الكره مفهوم تاني خالص الشخص اللي بتكرهيه يا شمس لازم يكون ليكي معاه سابق معرفه وعمل معاكي موقف خلاكي كرهاه.
شمس....طيب ولو حد عمل معاكي حاجه كبيره اوي وفعلاً كرهتيه بس بمجرد ما تحسي انه حصله حاجه او تعب حسيتي ان قلبك أتخطف او قلقتي بجد عليه ده يبقي اسمه ايه.
صفيه....يبقي أسمه غلاوه يا شمس لو كرهتيه مكنتيش هتخافي عليه يا بنتي لو كرهتيه مكانش قلبك أتخطف عليه واكيد اللي عمل فيكي حاجه وصلتك انك تحسي بالكره من ناحيته بردوا اكيد عمل معاكي حاجه كويسه توصلك انك تحسي بالخوف عليه.
شمس...بسرحان وحزن ولو معملش حاجه كويسه 💔
ازاي بس احس بالخوف عليه بعد ما كنت بكرهه؟
صفيه....يبقي الشخص ده يا شمس بيحبك بجد من قلبه.
بصتلها شمس بأستغراب بيحبني؟
صفيه...اه مستغربه ليه؟ اللي يقدر يمحي الكره من قلبك بعد ما وصلك ليه ويزرع مكانه حب يبقي فعلاً بيحبك لأن مشاعره صادقه وقدرت توصل لقلبك وبسهوله بدل الكره ده بالحب.
شمس...وفي الحاله دي المفروض اعمل ايه.
صفيه....تفتحي صفحه جديده يا بنتي وصفي قلبك و سامحي الحياه مش مستاهله خصوصا لو انتي من جواكي حابه انك تسامحيه ليه نضيع عمرنا في صراعات وكره لما ممكن نبدأ من جديد.
شمس.....طيب و الأذيه أزاي انساها؟
صفيه....الوقت يا شمس كفيل ينسيكي اي وجع ومش بس الوقت المواقف طول ما الشخص اللي قدامك مواقفه معاكي كلها حلوه غصب عنك هتلاقي نفسك نسيتي من غير مجهود.
شمس...طيب وأزاي يا طنط صفيه تقدري تسامحي نفسك علي أذي أتسببتي فيه بأيدك لنفسك وأيه اللي المفروض اعمله عشان ربنا يسامحني.
صفيه....لو علي ربنا فا ربنا كبير بيسامح بسهوله وبسرعه ومش طالب كتير كل اللي طالبه توبه من القلب وتوقفي قدامه وانتي بتعيطي و بتطلبي منه السماح هيغرلك كل حاجه ولو علي نفسك يا بنتي قدملها الحلو و راضيها هتنسي الحلو ديماً يا شمس بيمحي الوحش.
شمس...بالسهوله دي سهل تمحي نقطه سوده في حياتك؟
صفيه...بأبتسامه جميله طبعاً احنا حياتنا كلها نقط سوده ومواقف كتير بتعدي مع الأيام وجعها بيقل وكل ما بنعمل حاجه صح بنحس ان النقط السوده بتختفي
الدنيا مش مستاهله يا شمس نفضل نأنب في نفسنا أو نفضل حاطين حواجز بينا وبين بعض طول ما اللي قدامك بيحاول ينسيكي اللي عمله يبقي باقي عليكي طول ما انتي عايشه لسه قدامك فرصه تراضي فيها ربنا وتخليه يغفرلك طول ما بتحاولي تصالحي نفسك هتسني كل النقط السوده دي.
شمس....بحب انا بحبك اوي يا طنط صفيه وبحب نصايحك وبحب اتكلم معاكي اوي.
صفيه...وانا كمان بحبك اوي يا بنتي طبعاً انا مش هسألك مين اللي وجعك ولا عملتي ايه في نفسك ولا ليه حاسه ان ربنا مش هيسامحك لان أهم حاجه عندي تعملي باللي قولتلك عليه يوم ما احس انك مرتاحه ده اهم حاجه عندي انتي جميله يا شمس و لأخر يوم في حياه امك كنتي تحت رجلها واكتر حاجه تخلي ربنا يرضي عنك انك كنتي بتراضي امك و باره بيها عيشي حياتك يا بنتي انتي لسه المشوار قدامك طويل بس اهم حاجه عشان تكملي صح متكرريش الغلط❣️
شمس...بأبتسامه معاكي حق❣️
..................
نزل زيد من اوضته بعد ما خد شاور وغير لقي روح وزهره مع بعض بيجهزوا الأكل والشغالين بيحضروا معاهم.
زيد....ايه ياروح محدش نزل لسه انا جعان.
روح....قربت خلاص يا قلب روح الوقت ينزلوا بس امير وجلال وصبا وفرح وجنه بره في الجنينه وعمالين يصوتوا وصوتهم عالي معرفش بيهببوا ايه🤨
زيد..بابتسامه طيب انا هروح أشوفهم.
روح...ماشي يا حبيبي هخلص وانادي عليكم.
خرج زيد بهدوء بص عليهم في الجنينه مكانش لاقيهم بس سمع صوتهم جاي من جنب الجنينه
لف زيد ومشي بهدوء صوتهم طالع ومش عارف بيعملوا ايه🤨
امير....اهي والله شايفها.
جلال...وسع كده انا هحاول امسكها.
فرح...يخربيتك انت بجد هتمسكها😳
جنه....😂😂ده خواف.
جلال...عيب عليكي والله لا اجيبها واحدفها عليكي.
جنه...والله اخلي جدو يعلقك😂
صبا....بلاش هبل يا جلال انا بخاف من الحجات دي والنبي🙄
فرح...انتي مصدقاه دي لو نطت علي ايده هتلاقيه بيجري وعامل فيها فار.
امير...بضحك بقول ايه تعالي نبعد شويه عشان انا اللي هعمل فيها فار الوقت😂
فرح....وانا اللي فاكره اني هتحامي فيك😂😂
امير...مين ده لو مسكها والله هكون اول واحد بيجري وسايبكم😂😂😂
صبا....واطي😒
جلال...اسكتوا بقي شويه مش عارف اجيبها بتنط😂😂
صبا...نهار اسود ده بيتكلم بجد🙄
جلال...امال بهزر استنوا دي بتدخل في الزرع والزرع بيشوك🧐
بعدت جنه لوراء و أمير وفرح كانوا بيبصوا عليه من بعيد وصبا واخده ساتر ومستعده للجري هي كمان وزيد واقف بيتفرج عليهم من الجنب وهيموت ويعرف حلال بيهبب ايه🤨
جلال...أهي مسكتها😂😂🐸
اول ما طلع جلال الضفدعه
صرخوا كلهم لف أمير وفرح من الناحيه الخلفيه و جريت وراهم جنه و سابتهم وجلال وراهم
صبا صرخت وجريت بسرعه تلف عكس الإتجاه بتاعهم وهي بتجري بسرعه خبطت في حضن زيد و مسكت في رقبته من سرعه جريها وخلطها فيه رفعها زيد بأيد واحده وبقت في حضنه🙈
اول ما جلال شاف زيد خاف وجري وهو في ايده الضفدعه
جلال...احيييييه زيد
امير....ابعد من هناااا
فرح....عااااا والنبي لا يا جلال.
جنه....يا زيييييد😭
جلال كان بيجري وراهم خوف من زيد وهما فاكرينه بيجري وراهم عشان الضفدعة في ايده😂🙈
بعدوا و صوتهم بعد شويه
وفضل زيد وصبا علي نفس وضعهم هي لافه أيدها علي رقبته بخوف وهو دافن وشه في رقبتها وفي دنيا تانيه مع ريحتها اللي بتقتله
زيد...بصوت هامس متخافيش.
صبا...حست صبا ان صوته جاي من مكان بعيد رغم همسه إلا انه ليه صدي كأنها بتحلم فتحت عينها بهدوء و إحراج مش قادره تتخيل الوضع اللي هي فيه الوقت في حضن زيد وزيد رافعها من الارض و لافف ايده الأتنين علي وسطها 🙈❣️
حركت صبا نفسها بهدوء من جوه حضنه وهي قلبها بيدق بعنف وخرج صوتها ضعيف جداً ممكن تنزلني.
ابتسم زيد ونزلها بهدوء وفضل باصصلها وشها كان أحمر ومش قادره ترفع عينها فيه بتحاول تلعب في شعرها عشان تخفف التوتر.
زيد....متخافيش خلاص مشي.
صبا...بإحراج وعينها في الأرض زيد انا اسفه مكنتش اعرف انك واقف انا كنت بجري وفجأه لقيتك قدامي بس انا كنت خايفه من الضفدعه اوي🥺
ابتسم زيد بحب في حد يخاف من الضفدعه😉
صبا....انا بخاف من اي حيوانات اصلا ومش بحب المسهم
قرب زيد أيده من دقنها رفع وشها ليه وفضل ماسك دقنها بصوابعه
بصتله صبا رغم إحراجها لكن ابتسمت بهدوء ابتسامه جميله وفضلت تبعد عينها عنه.
زيد....هاتي ايدك.
بصتله صبا وتنحت.
زيد...متخافيش هاتي أيدك يلا.
مسكت صبا ايده وراحوا علي القصر جوه كان عباره عن فوضي الكل بيجري وبيصرخ.
اول ما دخل من الباب ساب ايدها
روح...وهي ماسكه معلقه خشب في ايدها.
والله لو قربت لا هيبقي نهارك اسود يا جلال😡
جلال...بضحك حتي انتي ياروح دي ضفدعه هو اسد😂
جلال....انت ياض معفن ازاي ماسكها اصلاً😡
داوود...بضحك عيل مقرف.
جلال...بلاش انت يا داوود
داوود...وديني لو قربت مني لا هضربك😂
مراد....يا ابني حرام عليك روح وديها مكانها😒
ياسين...بضحك وريني كده.
فرح كانت واقفه هي وجنه وامير وزهره وراء روح
روح....انت هتمسكها يا ياسين🙈
ياسين....يابنتي متخافيش مش بتأذي والله.
قرب زيد منه هات البتاعه دي كده😡
ياسين....انا مالي هو اللي جابها🙄
نادر....بضحك وهو واقف وراء الكرسي جالكم اللي هيروق عليكم.😂
زهره...ارميها والنبي يا زيد الواد ده هيولدني قبل معادي😭
زيد....ارميها ده ايه هات يا ياسين
مسك زيد الضفدعه من ايد ياسين وبسرعه حري ياسين من قدامه وهو بيضحك.
زيد....تعالي يا نادر انت ويوسف.
جلال...وهو بيستخبي اوعي حد يجي😂😂😂
نادر...ماسكها كويس😂
زيد..هاتولي الواد ده ماسكها يلا.
فضل جلال يجري وهما يجروا وراه طلع جري علي فوق وقبل ما يدخل اوضته ويقفل علي نفسه
قفشه نادر و يوسف وشالوا ونزلوا بيه😂🙈
مراد...تستاهل بقولك ايه يا زيد حطها في صدره😂😂
زيد...بضحك من غير ما تقول يا برنس اعتبره حصل.
جلال...والنبي لا خلاص والله كنت بهزر
راجح...ربيه ابن الكلب المتشرد ده😒
حطوا علي الارض وفضلوا مكتفينه
قفشه زيد وحط الضفدعه في صدره وفضل ماسك التيشرت عشان متجريش وجلال بيضحك وبيرفس في الارض بايده ورجله
جلال....خلااااااص يا زييييييييد.
زيد...قول حرمت🤨
جلال...والمصحف حرمت😂😂 شيلها بتعمل حجات مش مظبوطه😂😂
زيد...اعتذر لكل اللي خوفتهم يا واطي🤨
جلال....الله يخربيت أهللللللك بتهببي ايه يا وااااطيه😂😂
زيد...اعتذر🤨
جلال...اسف والله اسف شيلها بقي هتغتصبني والمصحاااااف😂😂😂
داوود...خلاص يا زيد حرم😂
طلع زيد الضفدعه وبصله
زيد....كررها تاني والمره الجايه مش هحطها في صدرك 😉
ياسين....كررها والنبي يا جلال عشان يحطهالك في حته تانيه😂😂😂😂
ضرب راجح ياسين علي راسها ما تخليك مؤدب في بنات يا ابن الكلب انت التاني😂😂😂
روح....مشيها والنبي يا زيد بقي وياريت ترميها بره خالص.
زيد...متخافوش خلاص
نزل قاسم من اوضته كان نايم شويه اول ما رجع.
قاسم...هو في ايه؟
زيد...بغيظ قرب من وشه الضفدعه ما لسه بدري كنت نايم مع أهل الكهف😒😒🐸
قاسم...بفزع نط ورجع لوراء يا ابن الكااا😳🙄🙄🙄
ضحكوا كلهم علي قاسم وفضل زيد يضحك عليه🙈
راجح ...ما تكمل يا كبير 😒
قاسم...بضحك لا موأخذه يا باشا والله خضني😂😂🙈🙈 منك لله يا زيد.
راجح....والله ما عرفت اربي فين الاكل يا روح😒
روح...بضحك يلا يا حبيبي الاكل جاهز😂😂
زهره...مش عارف تمسك لسانك😂😂
قاسم....أتخضيت اعمل ايه😂
دقايق بسيطه ورجع زيد وقعد معاهم الكل كان بيضحك علي قاسم وقاسم بيضحك ومكسوف من ابوه🙈🙈😂
قضوا مع بعض الوقت في ضحك وهزار و زيد وصبا كانوا مبسوطين وبيضحكوا من قلبهم
بعد وقت طويل قضوا مع بعض طلعوا علي اوضهم
مكانش قادر زيد يتخطي الحضن اللي حصل من غير أي تجهيز وكأن الحضن ده كان بمسابه الروح اللي رجعتله فضل زيد مبتسم و المشهد مش راضي يروح من باله ابداً
ونفس الوضع كان عند صبا ويزيد عليهم الإحراج ❣️🥰
بعد وقت طويل من التفكير والسعاده ناموا اخيراً❣️🙈
................
في صباح يوم جديد ملئ بالأحداث
راح يوسف جاب خلود وقابلوا مراد وطلعوا علي صاحب القناه عشان المقابله بتاعت الشغل
في البدايه كانت خلود متوتره جداً لأبعد حد وكل شويه تتحايل عليهم يمشوا حاولوا يطمنوها ويدوها ثقه في نفسها قابلوا مالك القناه كان شخص لذيذ ومريح في التعامل قدرت خلود تتخطي التوتر شويه بسيطه
اتكلموا في حجات كتير في البدايه ملهاش علاقه بالشغل عشان خلود تفك وبعدين بدأوا كلام وكان مراعي جداً توتر خلود
وبعد حوالي ساعه ونص من المقابله اتفقوا علي كل حاجه ووقعوا كمان عقد مع بعض وعشان خوفها وتوترها اقترح عليهم ان هيحصل في البدايه زي تجربه منها خلود تتعود علي وقفه الكاميرا وفنفس الوقت تتدرب قبل ما تطلع بث مباشر وعشان يطمنها اكتر عرفها ان مش هيتم التصوير قبل شهر ونص يكون اتعمل دعايا للبرنامج وكل حاجه جهزت وده طمن خلود اكتر لكن في المقابل هي المفروض تبدأ شغل علي طول عشان تتعود علي كل فريق العمل يعرفوا بعض ويكسر حاجز توترها خالص.
مشيوا بعد وقت بسيط من الأتفاق
وراح يوسف يوصلها.
يوسف...مبروك يا خلود.
خلود...الله يبارك فيك يا يوسف.
يوسف...بقول ايه مش عايزين بقي خوف ولا توتر احنا عايزين اسد 🤨
خلود....اسد ايه بس احنا لسه مبدأناش وكنت مرعوبه.
يوسف....ليه بس كده دي خطوه حلوه يا خلود وبعدين علي فكره ده طبيعي انا لو حد قاللي تعالي اقف قدام كاميرا هترعب.
خلود...شوفت بقي.🥺
يوسف...ايوه بس بمجرد ما اتعود لازم اكون محترف وانسي الخوف ده خالص حطي الموضوع قدامك يا خلود علي انه تحديد مصير. هيتعمل هيتعمل فا يتقدمي احسن ما عندك يا الخوف هيرجعك ميت خطوه خليكي واثقه في نفسك وعلي فكره انا واثق فيكي جداً
خلود...بجد يا يوسف يعني تفتكر هقدر والناس هتحبني.
يوسف....اه هتقدري يا خلود ولازم تعرفي ان الشغل ده بدايه ليكي في كل حاجه هيخليكي تتجرأي اكتر هتكتسبي ثقه وقوه في نفسك مكنتيش عارفه انهم موجودين فيكي اصلا اتحدي نفسك يا خلود وحطي الظروف اللي مريتي بيها دي كلها قدام عينك كا حافز ليكي انك تعدي 💪
ابتسمت خلود وبعدين بصت للطريق ان شاء الله هقدر ❣️
يوسف...بأبتسامه ان شاء الله
............
وصل زيد في المكان اللي حددته شمس كافيه قريب من المكان اللي بتشتغل فيه عشان متبعدش
قعد حوالي ربع ساعه.
وطلب قهوه.
جات شمس في الوقت ده كانت يا دوب خرجت من شغلها.
شمس...مساء الخير
قام زيد وقف وسلم عليها
زيد...مساء النور يا شمس.
شمس...بإحراج أسفه جداً علي التأخير يا استاذ زيد بس كان لازم أسلم الشيفت بتاعي.
زيد....لا خالص انا مش بقالي كتير هنا يعني يادوب لسه هشرب القهوه.
شمس...طيب كويس اوي
زيد....ها تحبي تشريي ايه بقي؟
شمس....لا ملهوش لزوم انا يا دوب اعرف حضرتك عايزني في ايه وهمشي علي طول.
زيد...متقلقيش مش هأخرك وبعدين هنشرب واحنا بنتكلم.
شمس....خلاص يبقي قهوه مظبوط.
زيد....للويتر قهوه مظبوط من فضلك.
الويتر...تحت أمرك
فضلت شمس تبص لبعيد مان باين عليها الإحراج والتوتر
زيد....انا عارف انك متوتره ويمكن كمان متبقيش حابه القاعده دي خالص.
شمس...لا خالص بالعكس ليه حضرتك بتقول كده يعني كفايه ذوقك معايا امبارح.
زيد....انا معملتش حاجه يا شمس و اسمحيلي اقولك شمس كده من غير القاب وانتي كمان قوليلي زيد.
شمس...طبعاً اكيد
زيد...بصي يا شمس اولاً عشان مبقاش بلف وبدور انا حبيت اني اقابلك عشان اتكلم معاكي في موضوعك انتي وشمس يمكن الخطوه دي انا استنتها من بدري بس كنت حابب اسيبك شويه
شمس...استاذ زيد انا🥺
زيد...احنا اتفقنا زيد بس من غير استاذ و أسمحيلي عايزك بس تسمعيني شويه وبعدين هسمعك تمام.
شمس...تمام اتفضل يا زيد.
زيد...انا يمكن عرفت اللي حصل في المطعم بخصوص الشنطه قبل ما سالم يقولي الجارد بتاعه هو اللي بلغني بالحكايه واستغربت ان سالم ماقالش اي حاجه وكان بيتعامل عادي شكيت في الموضوع وروحت بنفسي اعرف من صاحب المكان اللي حصل ولما طلبت منه اشوف الكاميرات بصراحه اتصدمت صدمتي فيكي يا شمس كانت في الشبه الفظيع بينك وبين حبيبه سالم اللي اكيد عرفتي حكايتها منه بس صدمتي الاكتر اني بقيت شاكك انتي فعلا شمس ولا انتي شهد انا عارف وواثق ان شهد اتوفت بس ازاي؟
بسمع كتير عن المثل اللي بيقول يخلق من الشبه اربعين بس مكنتش اعرف ان ممكن يكون الشبه مطابق للحد الكبير ده لدرجه اني مش هكدب عليكي للحظات كده شكيت ان شهد كان ليها توأم وبدأت اعمل كل تحرياتي عنك وعرفت وقتها ان فعلاً والدتك تعبانه وأنك تعبتي معاها أوي وعرفت كمان ان مفيش صله قرابه تجمعك بشهد
ومن هنا حسيت اني بواجهه مشكله كبيره وبدأت اخاف عليكي من اخويا لان سالم مكانش يعرف ان شهد ماتت احنا قولناله انها سافرت وهربت بره مصر عشان ميدورش عليها خوفنا عليه وقتها لانه كان خارج من تعب وعمليه وغيبوبه ولاني كنت واثق ان رغم اللي شهد عملته ده ألا انه لسه بيحبها واكيد خبر زي ده كان هيأثر عليه والحقيقه ان حتي بعد ما عدي وقت طويل مرضيناش نقوله و قدرنا ننسيه الموضوع او احنا تخيلنا أنه نسي لحد ما انتي ظهرتي وهو خبي علينا اللي حصل وقتها عرفت ان سالم بيدبرلك حاجه عشان ياخد حقه منك او من شهد وبعد اللي حصل لشهد ده روحنا لوالدها كان معاه ابنه الصغير واديناله مبلغ وخليناه يسيب البلد عشان سالم ميعرفش ولانه طماع وافق وخد الفلوس وابنه واختفي.
بس مش دي المشكله قبل ما تظهري انتي بحوالي سنه ونص اتفاجئت انهم رجعوا تاني ومش بس كده دول بيحوموا حوالين الشغل وبيراقبوا سالم طول الوقت ومن يومها وانا عيني علي سالم انا ورجالتي لاني خايف عليه
ومؤخرا عرفت انهم دخلوا اتنين موظفين الشركه عشان ياخدوا من ورانا فلوس ويقدروا يعرفوا كل تحركات سالم كل ده حصل لحد ظهورك وحكايتك اللي كانت بالنسبالي غريبه وعرفت الجارد ان عينهم تبقي علي سالم ويوم اللي حصل بينك انتي وسالم وقتها كان في مشكله خاصه خلتني مشوفش الموبايل واول ما الجارد شافك فضل يكلمني بس معرفش يوصلي ولما عرف جريت علي هناك كنت بكلم سالم زي المجنون عشان ميقربش منك ويأذيكي انا مكنتش عارف وقتها ايه نوع الأذيه اللي مستنيكي وللأسف روحت كنت انتي مشيتي ودي كانت اول مره سالم يعرف اصلا اني عارف حوار الشنطه كان مستغرب بس لما حكيتله كل حاجه وعرف ان شمس مش هي شهد سالم كان منهار حرفياً يمكن غلطه الوحيد ان الأنتقام عماه لدرجه انه محاولش يسأل عنك ويعرف انتي مين انا مش ببرر اللي سالم عمله هو غلطان ومذنب وحتي لو انتي كنتي شهد مكانش ينفع يعمل كده بس اوقات يا شمس لما بتحبي من قلبك بجد و يتغدر بيكي مبتعرفيش تتحكمي في افكارك و في نفسك وده اللي حصل مع سالم وقتها الشبه بينكم الطريقه اللي جمعتك بيه كلها حجات تطلع من شهد عشان كده مستحيل سالم كان يشك إن انتي حد تاني غير شهد.
صدقيني يا شمس سالم إنسان طيب اوي ومسالم وجدع انا مش بقولك كده عشان هو اخويا والله العظيم بس دي حقيقه يمكن انتي متعرفيهوش يمكن كمان تكوني مش طيقاه بسبب اللي حصل بس اللي انا متأكد منه ان سالم حبك وعايز يتجوزك مش بس عشان يعوضك او يصلح الغلط اللي حصل بس انا راجل واقدر افهمه كويس سالم حبك بجد يا شمس
وعلي فكره مفيش مخلوق واحد يعرف اللي حصل ده غيري انا وسالم حتي الجارد اللي كان بيساعدني وبيراقب سالم ميعرفش اللي حصل
شمس....بدموع زيد يمكن كل اللي قولته انا مصدقاه بس انا مش عارفه أتخطي اللي حصل لان انا كمان غلطت مش سالم بس ودي اكتر حاجه تعباني حتي لو سالم كويس وحتي لو اللي حصل ده كان غصب عنه وإنه مقدرش يتحكم في نفسه بس صدقني انا حاسه ان علاقتنا لو كملت مش هتكون ناجحه وهيفضل الماضي يطارد فيا انا وهو واكيد العلاقه دي هتنتهي بالفشل لانها من البدايه كانت غلط.
زيد....مش شرط يا شمس مش يمكن اللي حصل ده نصيب عشان تكملوا مع بعض وبعدين محدش فيكم يا شمس خسران اي حاجه لا انتي ولا هو ولو لا قدر الله العلاقه دي فشلت زي ما بتقولي علي الاقل هتفشل بس وانتوا مصلحين غلط اولا سالم بعيداً عن انه حبك هيفضل عايش بذنبك طول العمر وثانياً انتي كمان حياتك اتدمرت هتكملي ازاي بعد اللي حصل هتعيشي عمرك من غير جواز افرضي جه عليكي وقت وحبيتي هتعملي ايه هتقولي ايه ولا حاجه هتفضلي متعذبه لا انتي قادره تعيشي مع اللي حبتيه ولا قادره تقوليله سبب رفضك جربي ياشمس ادي نفسك فرصه حاولي تعرفي سالم اكتر انا واثق انك هتحبيه وهتحبيه كمان سالم يتحب يا شمس وبردوا هقولك مش عشان اخويا احنا كلنا عيوب يا شمس بس اوقات العيوب دي بتخفي الحلو اللي جوانا واللي يستاهل يظهر.
شمس....بس انا خايفه بجد🥺
زيد...بأبتسامه بصي يا شمس انا هقولك سر يمكن لأول مره اتكلم فيه يمكن قولته لسالم في لحظه غضب يوم ما روحت عشان الحقك بس مقولتش كل تفاصيله بس هقولك انتي
انا واحد من الناس يا شمس اللي اتأذيت علي ايد سالم من غير ما يقصد ولحد يومنا ده اتحرمت من اكتر إنسانه قلبي حبها و يمكن انا تعبان اوي ومحدش حاسس بيا بس سامحت سالم لاني عارف ان شهد كانت مأثره عليه اوي لدرجه انه كان ممكن يأذي اقرب الناس ليه من غير ما يحس سالم محتاجك يا شمس محتاج يشوف الدنيا بعينك نحتاج ايد تتمدله محتاج يلاقي حد يطلع من جواه كميه الحب الكبيره اللي في قلبه
علي فكره هقولك حاجه وهتستغربي انا مبسوط اوي باللي بتعمليه في سالم.
ابتسمت شمس غصب عنها.
ضحك زيد...اه والله متستغربيش ويمكن اللي بتعمليه ده هو اللي علق سالم بيكي اكتر أينعم لما كلمتيني امبارح وعرفت انه تعب كنت هموت من القلق عليه وخوفت تكوني عملتي في حاجه😂 بس لما شوفته زي القرد قدامي ارتاحت
شمس...علي فكره انا مش شخصيه انتقاميه خالص والله بس لما بشوفه بحس اني عايزه اعمل فيه اي حاجه تضايقه ويمكن كمان لما بشوفه بيفكرني باللي عملته في حق نفسي اكتر من اللي هو عمله بكرهه نفسي اكتر ما بكرهه صدقني لاني شايفه ان الغلط الاكبر كان عليا فا بطلعه عليه.
زيد....ابتسم زيد وسرح في البوسه اللي باسها لصبا وايمن عايش وبصلها بأبتسامه حزن كلنا ياشمس بيجي علينا اوقات ونضعف والضغف ده بيخلينا نعمل حجات غلط نندم عليها بعدين يعني مش انتي لوحدك بصي يا شمس انا هقولك علي حاجه وبعد سنين كتير عارف انك هتيجي وتقوليلي اني كنت صح
انتي وسالم هتبقوا احلي قصه حب هتتحوزوا وهتجيبوا ولاد وهتتخطوا الماضي وهتنسوا الوجع صدقيني❣️
شمس....بأبتسامه يابخت سالم بيك❣️ بجد انت حد جميل اوي طول عمري بتمني يكون ليا اخ ولد يكون ضهر ليا اتمنيته كتير اوي وقت ما ماما كانت تعبانه لاني كنت تعبت كان نفسي يكون ليا أخ يشيل معايا التعب ويطبطب عليا بس للاسف مفيش.
زيد...من اللحظه دي اعتبريني اخوكي ومش انا بس عايز اقولك ان عندك اخوات كتير اوي احنا عشر اخوات يا شمس 8 رجاله وبنتين عارف انك هتحبيهم اوي
شمس ..بابتسامه صدمه عشره ماشاء الله مكنتش اعرف🙈
زيد...بضحك اه والله عشره المهم يعني انك هتكوني مبسوطه معانا هتحبي روح اوي و هتعوضك عن كل حاجه انا واثق.
شمس...روح؟
زيد....اه دي الملكه الام😊❣️
بصي يا شمس بنا اني من اللحظه دي بقيت اخوكي فا انا هقولك حاجه تبقي سر بينا.
شمس...اتفضل.
زيد...استمري فاللي بتعمليه متستلميش بسهوله عايزك تجنني سالم وتربيه عايزه يحبك اضعاف الحب اللي شايفه في عينه
شمس....بأبتسامه غريبه في البدايه كنت فكراك بتقنعني اوافق علي طلبه.
زيد...انا فعلاً عايزك توافقي علي طلبه بس مش علي طول علي الاقل لما انتي من جواكي تبقي واثقه ان سالم بيحبك ومش بيعمل كده عشان يريح ضميره فهماني يا شمس سالم اه اخويا بس هو في الاخر راجل والضرر كله بيبقي للست وانا مش عايز اشوفك مضروره ابدا انا كان عندي أختين الوقت بقوا تلاته وزي ما بتمنالهم كل خير اكيد بتمنالك كل خير لنا مش عايز حاجه غير اني اشوفكم متخطين الماضي ومبسوطين مع بعض بس بردوا يعني ميمنعش من وقت للتاني تحسسيه ان في امل🤏😉 حرام هو صعبان عليا بردوا
شمس....انا بجد مش عارفه اقولك ايه علي كلامك معايا يمكن كنت متحفزه للقاء ده من امبارح بس بعد ما قابلتك انا حاسه اني ارتاحت كتير اوي.
زيد....ودي اهم حاجه عندي مش عايزك تقلقي او تخافي انا جمبك انتي وسالم ومش هرتاح غير وانا شايفكم مع بعض
شمس...ممكن سؤال
زيد...اكيد؟
شمس....مين فيكم الاكبر
ضحك زيد وبصلها هو الكبير
شمس.....يابخته بيك بجد❣️
زيد....شكراً يا شمس وانا مش عايز اعطلك اكتر من كده مبسوط بجد اني اتعرفت عليكي واتكلمنا.
شمس...انا اكتر والله العظيم.
زيد...طيب تسمحيلي بقي اوصلك عشان الوقت اتأخر.
شمس...بس مش عايزه اعطلك.
زيد...لا خالص انا مش ورايا حاجه نمشي يلا.
شمس....تمام يلا😍
..............
رجع زيد علي القصر سالم كان مستنيه وهيتجنن ويعرف حصل ايه.
سالم...ايه ياعم كل ده بتهبب ايه ده كله.
زيد...ولا خاجه قعدنا واتكلمنا وبعدين وصلتها وجيت.
سالم....طيب وايه اللي حصل قدرت تقنعها.
زيد...لا طبعاً هو انت فاكر الموضوع سهل😒 انا قولتلك من الاول هتتعب معاها بس علي الاقل حاولت اخليها تهدي عليك شويه.
سالم...طب وايه هتهدي؟
زيد....مش عارف والله يا سالم البت مش طيقاك خالص😒 بس لازم تحاول معاها كتير ولا ايه نفسك قصر
سالم....بحزن ياعم لا قصر ولا حاجه بس كنت متخيل مقابلتك ليها دي تخلق خطوه جديده بينا
زيد....انت حاول واعمل اللي عليك يا سالم وبعدين يعني كونها انها تسمعني ونتكلم سوا خطوه حلوه ولا ايه.
سالم....تمام يا زيد مسالتش عليا🙄
زيد....😒😒بقولك مش طيقاك هتسأل عليك
سالم...طيب ياعم شكراً علي المعلومه 😡 يلا اتكل علي الله.
مشي سالم وهو متنرفز فضل زيد يضحك عليه.
زيد....احسن عشان تتربي يا واطي😂😂🙈
...........
في منزل ملك
ملك....قوليلي بقي ايه حكايتك مع جلال🤨 يعني شايفه كده بقيتوا تخرجوا كتير اتصاحبتي علي امير وفرح وجنه بتتكلموا علي طول في الموبايل في ايه هاا🤔
ميار...بأبتسامه ولا حاجه عادي 🙄
ملك...عليا انا بردوا🤨
ميار....طيب اقولك بصراحه
ملك...اكيد.
ميار....حاسه في حاجه غريبه بينا هو مقالش حاجه وانتي اكيد عرفاه مجنون وطاقق بس ديماً بحس من تصرفاته انه مهتم بيا وبصراحه لنا حاسه اني مشدوده ليه اوي
ملك....انا بحب جلال اوي يا ميار بس هو زي ما قولتي مجنون وانا مش عيزاكي يا حبيبتي تتعلقي بحد وتتوجعي خصوصاً انتي مش بقالك كتير خارجه من التجربه بتاعتك.
ميار ...متقلقيش يا ملك انا اكيد كش بهرب من علاقه قديمه في وجود جلال بس بجد احساسي معاه مختلف رغم كل الجنان اللي فيه بس بحسه مختلف طيب محترم ودي اكتر حاجه شدتني ليه.
ملك...بحب انا اكيد مش همنعك انتي كبيره بما فيه الكفايه بس لازم تعملي كنترول علي مشاعرك عيشي اللحظه واتبسطي بيها يا ميار بس من غير ما تعلقي قلبك علي الأقل تحسي منه ان فعلا في خاجه من ناحيته ليكي فهماني.
ميار...فهماكي يا ملوكه ومتخافيش عليا😍
ملك....طول ما انا عايشه ومهما كبرتي هفضل اخاف عليكي يا ميار وعموما انا مبسوطه انك اتكلمتي معايا😍
ميار...بحب دخلت في حضنها ربنا نا يرحمني منك😍
ملك....ولا منك😍
...........
في فيلا عزيز
نزلت مريم بهدوء من أوضتها كان عزيز نايم في أوضته راحت بهدوء علي المكتب وهي بتتسحب فتحت درج المكتب وبدأت تدور في اوراقه وتشوف مخبي ايه جديد
وفي عز ما هي مندمجه وبتدور بسرعه دخل عزيز عليها المكتب لما سمع صوت حركه.
اول ما مريم شافته الورق وقع من ايدها وبصتله بصدمه ورعب واضح علي ملامحها.
عزيز...بأستغراب وشك كن شكلها مريم؟ انتي بتعملي ايه عندك؟
مريم...اااأنا مفيش بس كنت عايزه اصور البطاقه بتاعتي ولما جيت اصورها لقيت المكنه مفيهاش ورق فا كنت بدرو علي ورق عشان احطه في المكنه واصوره.
قرب منها عزيز بشك وراح علي المكتبه فتح درج صغير وطلع منه رزمه ورق حطها قدامها علي المكتب.
عزيز....الورق اهو يا مريم بس مقولتليش بتصوري بطاقتك ليه بقي؟
مريم...بتفكير اااا لأ عادي بس كنت بتفرج علي حاجه اون لاين وعجبني شويه حجات كده فا طلب مني ورق من ضمنهم البطاقه
عزيز.....🙄🤨 غريبه موقع اون لاين يطلب صوره بطاقه جديده دي وبعدين انتي بتصوريها ليه علي الورق اصلاً بيتهيألي يعني علي حد معلوماتي انك بتدخلي رقم الڤيزا والعنوان ولو فرضنا يعني انه طلب البطاقه بتبعتيها صوره علي الموبايل مش صوره علي ورق هتبعتيها ازاي دي بالفاكس؟
حست مريم انها ورطت نفسها
مريم....بابتسامه انا بردوا استغربت اصل الموقع ده اول مره اشتري منه حاجه تفتكر انه فيك يعني ومش مضمون🙄🥺
عزيز.....بأبتسامه بسيطه اه افتكر اوي لان مفيش حد بيشتري حاجه وبيبعت اوراق ليه هما كل اللي عايزينه ويهمهم الفلوس بس عادي جربي حتي لو ضحكوا عليكي فداكي اي فلوس يلا صوري فين البطاقه🤨
مريم....ااااا يا خبر انا شكلي نسيتها فوق عموما خلاص بلاش هبقي اشوف موقع تاني من اللي بشتري منهم احسن بردوا ما يكون موقع اي كلام ونصب.
عزيز....انا رأيي كده بردوا😊
مريم.....ااا اسفه علي اللغبطه دي بس انت خضتني هلم الورق واطلع علي طول
عزيز...لا سيبي كل حاجه في مكانها انا هرتبهم زي ما كانوا واطلعي انتي ارتاحي😊❣️
بصتله مريم بنص ابتسامه وعينها راحه جايه بتوتر
مريم...طيب تصبح علي خير.
خرجت مريم بسرعه وطلعت علي اوضتها وهي حاطه ايدها علي قلبها.
اما عزيز فا راح حد الورق من الارض وفضل واقف سرحان
عزيز....يا تري وراكي ايه يا مريم🤨؟
.......
في صباح يوم جديد تحديداً في المجموعه الكل كان بيشتغل ومركز
دخلت بسرعه فرح علي امير.
امير....في ايه😳
فرح....تعالي شوف كده بسرعه الشغل ده عملته صح ولا غلط😍
امير...كل الخضه دي عشان الشغل
فرح...طبعاً انا واثقه ان المرادي عملت صح
امير...وريني كده يا ستي قام امير وقف قدامها وخد منها الورق وفضل يبص فيه
فرح...هاااا صح؟
امير...بأبتسامه براڤو عليكي صح😍
فرح....بجد والنيي.
امير...والله العظيم مش قولتلك انك محتاجه بس تركزي اكتر هتعمليها
فرح....شكراً يا امير بجد انت السبب في كل ده.
مسك امير أيدها بحب انتي اللي شاطره يا فروحه باس كف ايدها كانت عين فرح بتطلع قلوب😍
في الوقت دخل مراد
امير....بقولك يا امييي🤨
اول ما فرح شافت مراد بعدت بسرعه والورق وقع من ايدها
مراد....فرح سبينا شويه عشان عايز امير في شغل
فرح بتوتر وهي باصه في الارض حاضر جريت بسرعه من قدامهم واول ما خرجت قرب مراد بغضب من امير ومسكه من هدومه
مراد....فهمني بقي ايه اللي شوفته ده 🤨
امير...بضحك في ايه ياعم ما براحه انت شوفتني واخدها في حضني.
مراد....فرح لا يا امير وديني اخسرك فيها
امير...ليه كل ده يا مراد انا عملت ايه.
مراد....انا قولتلك علي مشاعر فرح بالنسبالك لكن مش هسمحلك تلعب بمشاعرها ابدا انت فاهم
امير....انا بلعب بمشاعرها؟
مراد...امال اللي شوفته ده ايه؟
امير....انا مش وحش اوي كده يا مراد وعلي فكره لنا شكلي كده حبيت فرح.
بصله مراد شويه وبعدين ساب هدومه.
مراد.....🤨حبيتها ازاي؟
امير.....حبيتها يا مراد مفيهاش ازاي ويمكن كنان كنت بحبها ومستني حد يديني زقه زي اللي ادتهالي.
مراد....اوعي يا امير تكون بتضحك عليا انت اه ابني بس انت عارف غلاوه البت دي عندي دي اول فرحه تدخل قلبي بعد اللي حصل زمان من امك وقتها كان في مشاكل كتير ومفيش حاجه فرحتني غير يوم ولادتها.
امير...بابتسامه والله العظيم ما بكدب عليك اه انا لسه مقولتلهاش حاجه بس اديني بقولك اهو وعلي فكره عشان تعرف اني بتكلم جد انا حكيت لروح كل حاجه وهي عارفه اني بحبها.
مراد...بابتسامه طب ومستني ايه؟
امير....افرح بيك الاول يا عريس😉 وبعدين انا مستني شويه علاقتنا تبقي اقوي اعترفلها لسه شويه احنا لسه صغيرين معجزناش زي ناس😉
مراد....مين ده اللي عجز يا ابن الكلب طب اوصل انت بس لسني وهنشوف وقتها مين اصغر من التاني🤨
امير...بحب ياعم بضحك معاك متبقاش قفوش كده وبعدين الناس كلها عارفه انك اخويا الكبير😉😉
مراد...بحب اضحك عليا اوي عموما انا مبسوط❣️
امير...بجد❣️
امير...والله العظيم البت بتحبك وانت لو لفيت الدنيا مش هتلاقي زيها علي الاقل متربيه علي ايدك وقدام عينك ومن دمك.
امير...خلاص يا عم بقي هعيط في ايدك😂😂
مراد...يلا يا واطي انا رايح علي المكتب.
امير...استني هنا انت كنت جاي ليه؟🤨
مراد...نسيت والله لما شوفتك بتبوس ايدها دمـ ـي فار😒
امير...بضحك كوبايه لمون بقي تروق عليك😂😂
مراد....ماشي يا ابن الكلب يا صابع😒
خرج مراد علي مكتبه وفضل امير يضحك عليه
.............
بعد حوالي ساعه راح امير علي مكتب مراد عشان يسأله عن حاجه في الشغل
في الوقت ده تقي كانت دخلت لمراد ومعاها فنجان قهوه.
تقي...مستر مراد عملتلك قهوه
قام مراد من مكانه وراح خد منها القهوه وهو مبتسم جات في وقتها يا قلب مستر مراد
ابتسمت تقي بحب
مسك مراد ايدها باسها 😉
في الوقت ده دخل امير علي مراد
امير....ياااااا كسفتك يا حازم🙈
تقي...بابتسامه وإحراج بعد اذنكم
مراد...😒🤨 بزمتك في شحط زيك كده يدخل زي الطور من غير ما يخبط😡
امير...بضحك معلش يا برنس دي غلطتك منورتش اللمبه الحمراء ليه😂
مراد...لمبه حمراء في عينك يا صايع😡
امير...بضحك شوف يا اخي كلمه بخ ما بتروحش من ساعه كنت مروق عليا عشان بوست ايد فرح اجي انا والاقيك.بتعمل نفس اللي عملته مش عيب عليك يا قدوتي😂😂😂😂
ضحك مراد غصب عنه😂🤨
في فرق يا صايع يا ابن الكلب ياللي فاكر نفسك هتعمل نمره عليا انا هتجوز تقي والموضوع عندي جد لكن انت ايه ؟ انا عارف ان فرح بتحبك لكن مش واثق لسه في حبك عشان كده كنت هاكلك بسناني🤨
امير...متحاولش قفشتك خلاص وبقينا واحد واحد متساويين يعني😎
مراد...المعلم محدش يتساوي بيه يالا🤨
امير...ماشي يا برنس الطوبجي😉
مراد...كنت عايز ايه 😡
امير...تخيل نسيت😂 ماهو كاس وداير ياباشا
مراد...يلا ياض من هنا بدل ما اعمل فيها اب واروقك😂😂
امير....طب والله بحبك
مراد...وانا كمان يا جزمه غور يلا خليني اشرب القهوه بمزاج😉
امير...عيش مع القهوه يا برنس😉
فضل مراد يضحك ويشتمه في سره😂😂🙈❣️
..............
في مكتب زيد قفل مع فيروز الموبايل وبعدين اتصل علي صبا
اول ما لمحت رقمه أتلغبطت وقلبها دق بعنف❣️
صبا...الوو
زيد...بابتسامه ايوه يا صبا
صبا....خير يا زيد في حاجه؟
زيد....اه انا ليا عندك طلب مهم؟
صبا...اتفضل🙈
زيد...الاول لو في حد جمبك ابعدي مش عايز حد يسمع اللي هقوله؟
صبا...انا في الاوضه بتاعتي يا زيد
زيد...طيب حلو اوي انتي اكيد فاضيه صح؟
صبا...ايوه فاضيه
زيد...طيب انا عايزك خلال ساعه بالظبط تكوني في الڤيلا عندي
اتصدمت صبا من طلبه وسكتت ثواني.
صبا....الڤيلا عندك ليه؟
ابتسم زيد وعرف انها اتوترت
زيد....دي حكايه طويله هتعرفيها لما تيجي
صبا...بخوف زيد انت عرفت حاجه عن ايمن؟
زيد....بتنهيده لا يا صبا معرفتش الموضوع لا يخصك ولا يخص ايمن وقولتلك اني هعرفه منك بس في الوقت اللي تشوفيه مناسب ليكي
صبا....امال في ايه فهمني؟
زيد...متقلقيش يا صبا هتروحي هناك هتلاقي فيروز هتفهم علي كل حاجه وانا هخلص شغل واجي عليكم المهم مش عايزك تقولي راحه فين
صبا....طيب أقول ايه اكيد روح هتسألني هي او زهره؟
زيد...بتفكير اممممم قولي انك راحه تقابلي فيروز تقعدوا مع بعض شويه وتتمشوا بس تكوني لابسه عشان متديش حد فرصه انه يقولك هاجي معاكي.
صبا....طيب قول لفيروز عشان لو روح كلمتها يبقي ملامنا واحد
زيد....سيبيها عليا انا هكلمها الوقت.
صبا...طيب انت كده قلقتني وانا مش فاهمه حاجه.
زيد....متخافيش يا صبا لما توصلي فيروز هتقولك كل حاجه وانا هاجي اخدكم.
صبا...هتخدنا فين.
زيد....صبا بلاش اسأله كتير هتعرفي كل حاجه والله بس يلا عشان الوقت الجارد هيمشوا وراكي انا فهمتهم ودي مفيهاش نقاش
صبا...حاضر يا زيد.
زيد...اول ما تخرجي عرفيني انك لوحدك وكله تمام.
صبا....ماشي 🙄.
بعد وقت بسيط قدرت صبا تخرج من القصر وقالت لروح زي ما زيد قالها.
اتصلت عليه بلغته.
زيد...ايه يا صبا طمنيني؟
صبا...متقلقش انا لوحدي ورايحه علي الڤيلا خلاص.
زيد...تمام فيروز في الطريق وانا هخلص وهجيلكم تكوني انتي عرفتي كل حاجه ومش هوصيكي يا صبا اللي هتعرفيه محدش يعرفه غيرنا تمام.
صبا...بقلق حاضر يا زيد تمام.
........
بعد حوالي 3 ساعات وصل زيد الڤيلا وركن عربيته.
اما في الداخلي عند فيروز وصبا
صبا...بحزن متأكده يا فيروز من الخطوه دي مش هتندمي.
فيروز...بقوه رغم دموعها اللي نازله متأكده يا صبا وأكيد مش هندم الخطوه دي كانت لازم تحصل من زمان بس واضح اني كنت متأثرة اوي بحب حسام وخلاني ماشيه وراه زي العاميه.
هتصدقيني يا صبا لو قولتلك اني بجد بحتقر نفسي عشان كنت بحب البني ادم ده وبستغرب ايه اللي كان مخليني مستحمله فين الميزه اللي تفرقه عن غيره عشان اقبل علي نفسي كل الإهانات دي وادوس علي كرامتي معاه هو وامه.
صبا....الحب بيخلينا نتغاضي عن حجات كتير يا فيروز متزعليش من نفسك انتي كنت صادقه معاه بس هو ميستاهلش الحب ده.
فيروز...بوجع فات وقت الكلام ده خلاص يا صبا المهم اللي جاي وانا خدت قرار ان ضربتــ ـى هتعلم وتوجع.
دخل زيد في الوقت ده
زيد...مساء الخير
صبا...مساء النور
فيروز...مساء النور يا حبيبي
قرب زيد منها مسك أيدها الأتنين باسهم بحب
زيد....انتي كويسه.
فيروز...بأبتسامه جداً❣️
مسح زيد دموعها وبصلها بقوه.
زيد....دموع بنت راجح الطوبجي تنزل علي راجل يا فيروز😡 مش واحد زي ده مش هكرر كلامي تاني مفهوم.
فيروز....حاضر يا زيد
زيد....مستعده ؟
فيروز....اه يا حبيبي بيتهيألي خلاص فات وقت طويل ولازم نمشي بقي هو قاللي انه مروح علي الڤيلا.
زيد...طيب يلا يا حبيبتي
فيروز....انا هستناكوا بره.
خرجت فيروز وفضلت صبا باصه عليها بحزن وبعدين بصت علي زيد.
صبا....زيد مش شايف ان ممكن نهدأ ونلاقي حل.
زيد...بغضب حل ايه😡 انا اختي مش هتعيش لحظه مع الزباله ده وامه😡
صبا...بخوف بس فيروز انا حاسه انها موجوعه💔
زيد....لما تتوجع شويه احسن ما تعيش عمرها كله في وجع
صبا....طيب ممكن تمسك اعصابك في اللي جاي عشان علاقتك انت ومنذر متتأثرش.
زيد...اللي بيني وبين منذر ملهوش علاقه بكل ده احنا علاقتنا اقوي بكتير وانا عن نفسي مش هدخل صحوبيتنا في مشكله اختي واخوه بس لو هو قرر يخلي العلاقه كلها واحده يبقي هو اللي اختار مهما كان غالي عندي مش هيبقي اغلي من فيروز😡
صبا....تمام يا زيد
زيد...صبا.. فيروز فهمتك كل حاجه محدش ياخد خبر باللي بيحصل ده انا ملاقتش قدامي غيرك يساعدنا ونثق فيه.
صبا...اطمن يا زيد متقلقش
زيد....يلا بينا خرجوا مع بعض وركبوا العربيه ومشيوا.
بعد حوالي ساعه ونص وصل زيد ڤيلا الباشا
ونزل هو وصبا مسندين فيروز وباين عليها التعب.
دخلوا جوه واول ما شافوا فيروز تعبانه اتصدموا حري غليها منذر بلهفه وبعديه حسام
منذر...فيروز في ايه يا زيد مالها فيروز
حسام...مالك يا حبيبتي حصل ايه ياصبا.
كاريمان...حد يرد يا ولاد مالها.
زيد....خير ان شاء الله ااا صبا معلش طلعي فيروز ترتاح لحد ما اتكلم معاهم
صبا...حاضر بعد اذنكم.
طلعت صبا معاهم وفضلوا قلقانين
منذر...ما تتكلم يا بني ادم فيروز مالها😡
زيد....صبا كلمتني وهي بتعيط وقالتلي ان فيروز تعبت مره واحده جريت عليهم خدتهم وطلعت بيها علي المستشفي ولما وصلنا كانت بتنزف وللأسف الدكتور اضطر يعملها عمليه إجهاض لان البيبي مات في بطنها
صدمه اصابت الجميع😳
حسام...انت بتقول ايه ازاي ده حصل.
منذر...مستحيل 💔
زيد...الدكتور قال ان حملها كان في خطر وهي مش حاسه المهم طبعاً انتوا عارفين الظروف اللي بنمر بيها من بعد ايمن الله يرحمه وكمان حالياً بنجهز لجواز داوود خلاص وفيروز طلبت مني اني معرفش حد عشان محدش يأجل حاجه هي عايزه فرحه داوود وليلي متتكسرش وكمان روح والباشا ما صدقنا خبر يفرحهم وهي مش حابه تزعلهم الوقت وبعدين اكيد يعني كاريمان هانم زي روح بالظبط وهتقدري تخلي بالك منها ولا ايه.
كاريمان....ااا اه طبعاً يا زيد
زيد ..ومش هوصيكم مش عايز حد عندنا يعرف حاجه الوقت لحد ما داوود بس يتجوز وبعدين نشوف هنعمل ايه.
منذر ..بوجع اطمن يا زيد طيب فيروز حالتها ايه💔
زيد...اكيد تعبانه يا منذر مس سهل غليها تفقد البيبي المرادي كمان خليكوا جمبها من فضلكم
منذر...فيروز في عيني يا زيد متوصنيش.
زيد...بابتسامه عارف يا صاحبي وانت يا حسام؟
حسام...بتوتر اه متقلقش عليها طبعاً
زيد....طيب كويس
نزلت صبا في الوقت ده
زيد...طيب يا جماعه انا مضطر ارجع صبا عشان محدش يحس بحاجه كمان لسه هترجع تاخد عربيتها.
منذر...ماشي يا حبيبي اطمن عليها.
زيد....ماشي يا منذر يلا سلام
كاريمان....بصدمه سلام.
خرج منذر وصلهم لحد بره وفضل حسام وكاريمان ساكتين وباصين لبعض🙈
- يتبع الفصل التالي اضغط على (رواية احفاد الطوبجي) اسم الرواية