رواية احفاد الطوبجي(1) الفصل التاسع و الاربعون 49 - بقلم اميرة اسامه
البارت التاسع والأربعين.
.............
في صباح يوم جديد خرج نادر من القصر عشان يعاين بنفسه مشروع هندسي بعد وقت بسيط وصل نادر وقابل العمال تحت اطمن منهم علي ان الشغل ماشي كويس سابهم وطلع المبني بنفسه يلف فيه و يشوفه فضل يطلع المبني مكانش لسه كامل يادوب وصل للدور السابع وقف نادر في اخر دور يبص من فوق وفجأه حس بصوت غريب وحركه بص نادر بصدمه تحت رجله وهو بيحاول يسند علي الحيطه
وبدأ المبني يتهز جامد اوي وهو بدأ ينادي ويصرخ بكل صوته.
نادر....ألحقوني زلزال المبني بيقع💔
وفجأه بدأ المبني ينهار و ياخده وينزل ثواني وبقي عباره عن ركام واقع فوق نادر.
نادر...ااااااه اااااه ألحقوني💔 بموووت
حد سامعني انا هناااااا حس نادر بصوت وحركه بره.
بشمهندس ناااااادر يا بشمهندسسسس
نادر....انا هناااا انا هناااا.
سمعتك خلاص هنطلعك فوراً
اطمن نادر لما عرف انهم سامعينه وفجأه حس بصوت انين جاي من بعيد حد بيتوجع و سامع انفاس حواليه.
نادر.....مين في حد هنا في حد كان في المبني.
امممم ااااه
نادر....بصدمه مين💔 مين هنا
ألحقني يا نادر🥺💔أنا بمووووت
نادر....بصدمه اكبر انتي مين انتي مريم؟
الحقيني يا نادر انا بمووووت🥺
نادر....ازاي ؟ ازاي جيتي هنا يا مريم انا انقذتك مره ازاي تحصل تاني
مريم....ألحقني يا نادر انا بموووت🥺
نادر....بخوف مش هسيبك يا مريم متخافيش هنطلع مع بعض زي ما طلعنا قبل كده مش هسيبك يا حبيبتي متخافيش انا معاكي
بدأ نادر يسمع صوت حد بيشيل من عليه الطوب والركام وفجأه حس ان حد بيشده ويطلعه.
نادر....لا استني مريم مريم مريييييييم
💔🥺
وفجأه صحي نادر من النوم وهو بينادي علي مريم وبياخد نفسه بطريقه مرعبه كانه كان بيغرق.
حط ايده علي وشه وهو بيتنفس.
نادر....مريم مريم اعوذ بالله من الشيطان الرچيم💔 فيكي ايه يا مريم يارب يارب.
قام مريم دخل الحمام غسل وشه وخرج بص في موبايله الساعه كانت خمسه ونص الصبح.
خرج نادر من الاوضه ونزل تحت في الجنينه كابوس مزعج قلقه من النوم و اتسبب في قبضه بشعه في قلبه.
قعد علي الكرسي مش عارف يتصل بيها ولا لا خايف يتصل يعملها مشكله وفي نفس الوقت قلقان مش هيرتاح غير لو سمع صوتها.
في نفس التوقيت ده كان زيد قاعد في البلكونه بيشرب سيجار ومش قادر ينام هو كمان اول ما لمح نادر نزل يشوفه.
زيد...مالك يا نادر؟
نادر...بصله نادر وباين علي وشه الفزع ولسه الكابوس مسيطر عليه مريم يا زيد مريم؟
زيد...مالها انت كلمتها؟
نادر....لا كابوس فظيع يازيد كنت في موقع بتطمن علي الشغل وطلع مبني وفجأه وقع عليا نفس اللي شوفته وحسيت بيه وقت الزلزال شوفته تاني مريم كانت جمبي يا زيد وتلت مرات تعيد نفس الجمله الحقني يا نادر انا بموت💔🥺 مريم فيها حاجه يا زيد.
زيد...طيب اهدي و أستعيذ بالله ده مجرد كابوس.
نادر...مش كابوس يا زيد انا قلبي حاسس ان مريم فيها حاجه.
زيد....هيكون فيها ايه بس انت اكيد مش بتبطل تفكير فيها عشان كده شوفت الكابوس ده وبعدين لو فيها حاجه كانت كلمتك او الداده بتاعتها كلمتنا.
نادر...مش عارف يا زيد بس قلبي مش مطمن انا بفكر اتصل بيها بس خايف عزيز يشوف الموبايل.
زيد...لا طبعاً اوعي تعمل كده.
نادر...امال اعمل ايه انا مش هرتاح غير لو سمعت صوتها.
زيد....هنتصل بيها من اي موبايل مش تبعنا عشان لو جمب عزيز ميشكش في حاجه اهدي بقي.
نادر....ربنا يستر يارب قولي انت ايه اللي صحاك انت كمان؟
زيد....ابداً انا منمتش اصلا معنديش نوم
نادر....لسه مضايق ؟
زيد....لا عادي يا نادر متحطش في بالك انا قلقان بس علي ابوك يتعب تاني.
نادر....لا متقلقش هو زي الفل الحمد لله متزعلش منه يا زيد ابوك بيحبك علي فكره.
زيد...مقدرش ازعل منه وبعدين بيه من غيره كان لازم هيحصل كده صبا مش نصيبي يا نادر وانا راضي.
نادر...لا يا زيد صبا نصيبك واللي حصل لايمن اخوك ده ترتيب ربنا من البدايه وفكره بقي ان لو هي نصيبي ليه مكانتش ليك من الاول دي حاجه ربنا اللي يعلمها.
زيد....ونعم بالله عموماً اياً كان اللي هيحصل انا راضي بيه ماهو مش معقول بعد السنين دي كلها اجي الوقت واعترض.
نادر....ربنا هيراضيك يا حبيبي انا واثق انت عمرك ما كنت وحش يا زيد وطول عمرك واقف في ضهر الكبير والصغير جه الوقت اللي تفرح فيه من قلبك.
زيد...بتنهيده طويله اللي فيه الخير يقدمه ربنا قوم يلا ننام الكام ساعه دول قبل ما روح تصحينا.
نادر....النوم راح خلاص الكابوس طيره.
زيد...تعالي بس يلا قوم اقولك تعالي نام معايا😉
نادر...🙄اهو بعد الغمزه دي مينفعش اخاف علي نفسي منك😂🙈
زيد...اتنيل ويلا قدامي😒
ضحك نادر ولف زيد ايده علي رقبته وطلعوا سوا❣️
...............
بعد كام ساعه صحي الكل عشان يفطروا روح وليلي والبنات كانوا معاها في المطبخ بيجهزوا معاها الفطار والشغالين بيحولوا كل حاجه علي السفره وصمم راجح ينزل يفطر معاهم عشان زهق من الاوضه.
خرج راجح من الاوضه وهو ماشي بهدوء في نفس التوقيت خرج زيد من اوضته واول نا شاف ابوه ابتسم وراح عليه بسرعه.
زيد....الله الله ده ايه الصباح الحلو ده رايح فين يا باشا.
راجح....صباح الخير يا حبيبي ابداً زهقت من الرقده وروح مش سيباني في حالي مع اني بقيت احسن كتير و وحشني الفطار معاكم.
زيد...احنا اللي وحشنا اللمه معاك بس روح معاها حق عشان السلم ميتعبكش
راجح...ياولد ابوك لسه شباب وبعدين لو علي السلم مش طالع غير علي النوم خليني اقعد في الجنينه بره.
زيد....بقولك ايه تحب اظبطلك اوضه تحت لحد ما تبقي كويس اهو بدل ما تطلع وتنزل.
راجح...لا انا معرفش اغير الاوضه بتاعتي وبعدين انا لو تعبان مش هنزل سيبوني براحتي انتوا عارفين اني عمري ما حبيت الرقده مش كفايه اتفقتوا عليا كلكم عشان منزلش الشغل.
زيد....كمان عايز تروح الشغل🤨 اعمل حسابك انت مش هتعتب المجموعه غير لما يتعمل عليك كونسولتو والدكاتره تقول انك زي الفل.
راجح...يا واد هو حد يسمع كلام الدكاتره خد مني انا الكلام ابوك زي الفل.
زيد...بحب ديماً يا حبيبي❣️ يلا انزل واحده واحده.
راجح...زيد
زيد...ايوه يا حبيبي؟
راجح....انا هفاتح صبا انهارده في موضوع جوازك منها ومش عايز اي اعتراض .
اتغيرت ملامح زيد بحزن وبصله اعمل اللي يريحك يا حبيبي بس يعني مش وقته لما تبقي احسن
راجح....انا مش هبقي احسن غير لما اشوف ضحكتك يا زيد اوعي ياولا تفكر ان ضحك في وشي واهتمامك بيا ده هيخلوني احس انك كويس انت مش كويس يا زيد وقلبك لسه موجوع وانا مش هقدر اشوف الراحه وانت تعبان يا حبيبي.
زيد....صدقني انا بخير وبعدين كفايه عليا اشوفك كويس و بصحتك هعوز ايه تاني اكتر من كده.
راجح....مش كفايه يا زيد عشان تقدر تدي حب واهتمام وتضحك من قلبك لازم قلبك يكون رايق ومفيش حاجه وجعاه وانا مش هرتاح غير لما ارجع الحق لصحابه صبا حقك يا زيد.
ابتسم زيد لراجح وهز راسه بقله حيله ووصله للكرسي بتاعه وبدأ الكل ينزل وروح والبنات يخرجوا من المطبخ.
لمح زيد صبا جايه علي السفره وبصاله.
بص بسرعه علي الكرسي بتاعه وشده وقعد وطول الوقت عينه كانت في الطبق مش راضي يبصلها.
راجح....بقول ايه يا شباب.
قاسم....قول يا حبيبي.
راجح....أجازه الشغل بعد بكره عايز مراد وياسين يعزموا البنات هنا هنتغدا كلنا مع بعض وهنتكلم شويه.
مراد...🤨🤨 يخربيت شغلانت الخاطبه اللي طلعتلنا في المقدر نصيب😒
ضحكوا كلهم علي مراد.
راجح...مش عاجبك يا ابن الكلب.
مراد...لا يا اخويا عاجبني 😒واقولك اعمل اللي انت عايزه عشان انت مش هترتاح غير لما تعمل اللي في راسك وبصراحه المرادي انا معاك ومستعجل كمان😒🤨
راجح...بضحك طيب حلو الكلام ده وانت يا سي ياسين.
ياسين....هقول لملك حاضر😎
راجح....وانت يا سي يوسف مش ناوي تقول للجو بتاعك.
يوسف....😒مش لما ابقي اقولها اللي جوايا الاول يا باشا هو في حاجه بتيجي خبط لزق كده.
راجح....ياواد يا خايب هو في حاجه احلي من الخبط لزق ده الستات بتحب المفجأه.
قاسم....اكيد بس علي الاقل يعرف الاول شعورها من ناحيته مش يمكن هو مش في بالها اصلاً
مراد...بضحك وهو بياكل لا يا اخويا اخوك مسيطر والبت شكلها واقعه😎
يوسف....عيب عليك تيجي منك انت😒
راجح...الله ده واضح ان مراد يعرفها يعني مش موضزع سر ولا حاجه🤨
يوسف...ايه ما تنطق😒 اتسحبت من لسانك ومكمل اكل ولا كأنك عملت حاجه🤨
مراد....وانا مالي😂😂
راجح....مين يا ولا🤨
يوسف....ماهو انا عشان اكلمها لازم الاول اعرفكم هي مين و افاتحكم في الموضوع وبصراحه ده اللي مخليني استني لاني مش عارف ممكن تعترضوا ولا لا.
راجح...واحنا هنعترض ليه المهم تكون محترمه ومؤدبه وبنت ناس.
بص يوسف لمراد بحزن ورجع بص لراجح.
يوسف....هي ملهاش حد يا بابا و أهلها مش ولاد ناس للأسف بس هي غيرهم صدقني وعموماً انا بتكلم عن خلود.
الصمت دام ثواني يوسف كان بيوزع نظراته بين روح وبين راجح.
والكل ساكت.
روح...بأبتسامه كسرت الصمت خلود مؤدبه وجميله وهاديه لما شوفتها ساعت الحفله ولما شوفتها في فرح داوود وليلي بصراحه حبيتها ولا ايه يا راجح.
راجح....بص ليوسف وفضل رافع حاجبه وساكت.
في الوقت ده يوسف بدأ قلبه يدق وعرف ان ابوه رافض مفيش كلام🙈
راجح.....بقي انت يا يوسف مأجل الموضوع و مرتبك فاكر ان ابوك ممكن يعترض علي حاجه البت ملهاش ذنب فيها.
بصله يوسف بصدمه وابتسم يعني انت موافق😳
راجح...بضحك طبعاً يا يوسف لو عندي شك واحد ان خلود زي اللي سمعته عن عيلتها مكنتش وافقت بس هي نفسها اتحرمت من كل حاجه حلوه بسببهم مش هبقي انا والزمن عليها لو بتحبها بجد يا يوسف اتجوزها وانا مش هعترض ولو بتحبها بجد عوضها عن كل حاجه وحشه شافتها ولو علي الاهل احنا هنبقي اهلها❣️
قام يوسف جري من مكانه فضل يبوس في راجح والكل بيضحك عليه.
راجح...خلاص اوعي يا ولد اوعي بلاش بوس بقي😒
روح...بضحك تعالي في حضني😍
حضنها يوسف بحب
روح....مبروك يا سيدي وعلي فكره بقي انا كنت حاسه ان هي🤨
يوسف...ياروح انتي المفروض مكانك مش هنا انتي مكانك في المخابرات😂
امير...بضحك اه والله روح فظيعه تعرف عننا اللي احنا منعرفهوش عن نفسنا😂😂🙈
روح...بلاش انت هااا🤨
امير...حاضر يا باشا😂😂🙈
راجح...خلاص يبقي يوم الجمعه الكل يجي هنا عشان نتجمع مع بعض.
روح...ابقوا سيبولي ارقامهم عشان انا كمان اكلمهم ميصحش يعني مقولهمش.
راجح...طول عمرك بتفهمي في الاصول يا حبيبتي.
سالم...وهو بيقف انا همشي عشان بدأنا اهو😒😒
ياسين...خدني معاك لو فتحوا مش هيقفلوا🙄
راجح...شايفه ولادك غيرانين مني😒
روح...😂😂 ماهو انت السبب
مراد...خليك انت عامل فيها تعبان واقعد جمب الموزه بتاعتك ادلع اوي يا راجح يا طوبجي😒
راجح...ومتدلعش ليه اللي غيران يعمل زيي😂
ضحكوا كلهم وبعدين قاموا خرجوا وبدأوا يخرجوا بعربياتهم وراء بعض.
خرج زيد اخر واحد هو ونادر
راحت صبا وراه بهدوء من غير ما حد يحس بيها.
صبا....زيد!!
وقف زيد ونادر
زيد....بص وراه لما سمع صوتها أيوه يا صبا.
نادر...طيب هسبقك علي عربيتي.
زيد...طيب روح.
قربت منه صبا وبصتله
زيد...في ايه مالك ساكته ليه.
صبا....انت كويس يا زيد!؟
زيد...اه كويس
صبا....امال انا ليه حساك متغير وفيك حاجه هو انت زعلان مني في حاجه؟
زيد...لا يا صبا هزعل منك ليه انا بس كنت مش مظبوط الكام يوم اللي فاتوا و قلقان علي الباشا مش اكتر.
صبا....طيب ممكن اسألك سؤال؟
زيد...اكيد.
صبا....هو قبل ما خالوا يتعب انت ليه خرجت وانت.في الحاله دي.
سكت زبد وبص لبعيد.
صبا...لو في حاجه مينفعش اعرفها متقولش هو كان مجرد فضول مش اكتر عشان انت من بعد اليوم ده وانت متغير.
زيد...لا يا صبا انا زي الفل وبعدين اللي حصل اننا كنا بنتكلم في الشغل وكنت متعصب وخرجت بس كده وطبعاً مضايق عشان حاسس بالذنب يعني اكيد الباشا تعب بسبب طريقتي معاه.
حست صبا بالراحه وابتسمت بهدوء ماشي يا زيد المهم انك بخير
زيد...بهدوء تمام يا صبا محتاجه حاجه.
صبا...لا شكراً يا زيد.
زيد...يلا باي.
صبا...باي !!
رغم ان صبا ارتاحت من رد زيد وأقتنعت لكن كان جواها حاجه بتقولها ان في حاجه غير كده طريقه زيد وهروبه من عينها والجمود اللي بيتكلم بيه معاها شككوها اكتر و للحظه كده جالها هاجس ان ممكن يكون زيد بيعاملها كده عشان حس بالندم انه كان بيعاملها الفتره اللي فاتت بطريقه مختلفه متقدرش تنكر معاملته الجميله وقربه منها لمسته ليها كل ده بيقول ان زيد في حاجه جواه من ناحيتها وهي كمان بدأت تحس بحجات حلوه جواها ليه بس الواضح ان زيد ندم💔🥺
وقررت صبا انها تفوق من الحلم الجميل اللي حلمته وترجع تاني لعالمها الخاص وتبعد عن زيد بلاش ترمي نفسها وتحلم بحاجه هي مش ليها من الاساس.
..............
بعد وقت بسيط وصلوا الشركه وفضل نادر مع زيد مش سايبه.
زيد...يا جدع في ايه ما تروح علي مكتبك.
نادر...مش قبل ما تتصل بمريم وإلا والله هكلمها انا😡 واللي يحصل يحصل.
زيد....الله يخربيت الجنان اللي انا عايش فيه طيب أحنا عايزين تليفون مش تبعنا خالص وفنفس الوقت عايزين حد ثقه ويكون بنت
نادر....طيب مين مش عارف سكت ثواني وبعدين جاتله فكره فرح🙄 هي فرح.
زيد....لا طبعاً الموبايل بأسمها وعزيز مش سهل لو في حاجه فعلاً وعزيز اللي رد هيجيب الرقم🤨
نادر....يبقي مفيش غير ملك🙄
زيد...بتفكير ماشي ملك تمشي روح نادلها.
خرج نادر بسرعه يشوف ملك كانت لسه موصلتش من غير تفكير راح علي تقي كانت عند مراد في المكتب.
تقي....الحمد لله انكم اطمنتوا عليه ربنا يرجعه بالسلامه يارب.
مراد...يارب يا قلبي المهم طمنيني ايه الاخبار من غيري.
تقي...كله تمام بس الشركه كانت وحشه من غيرك❣️
مراد...بجد😉 وحشتك يعني.
تقي...اكيد يا مستر مراد وحشتني اوي
مراد....مستر مراد ووحشتني طيب اركبها ازاي دي🙈🙈
تقي..😂😂بقولك ايه استحملني لحد ما تطلع لوحدها
مراد...وانا في اديا ايه غير اني استحملك بس🤨
دخل نادر علي مراد في الوقت ده لما ملقاش تقي بره.
مراد...في ايه خضتني يخربيتك😡 انا لازم اركب ترباس من جوه بدل ما كل شويه مخبر يدخل عليا هلاقيها منك ولا من امير😡
نادر...😂😂ياعم براحه علي نفسك كنت بدور علي تقي بره قولت هلاقيها هنا اكيد🙄
مراد...وعايزها في ايه ان شاء الله🤨
نادر...ياجدع براحه غلي نفسك مش هاكلها متخافش عليها😒
ابتسمت تقي بإحراج...تحت امرك يا مستر نادر.
نادر....فين تليفونك يا تقي.
تقي...بره في الشنطه بتاعتي علي المكتب.
نادر...طيب هاتيه وتعالي ورايا.
تقي....حاضر
مراد...مسكها مراد من ايدها استني يلا تروح معاك فين وانتي علي طول بتروحي كده🤨😒
نادر...بضحك مش وقت غيره الله يسترك ده موضوع حياه او موت😂
مراد...فيها لا اخفيها🤨
نادر...طيب تعالي علي مكتب زيد وهفهمك.
مراد...يلا لما نشوف اخرتها وانتي قدامي ياللي بتوافقي علي طول😒
تقي...وانا مالي انا😂😂🙈
راحوا ملهم علي مكتب زيد و فهمهم نادر اللي هو عايزه.
تقي كانت واقفه مش فاهمه حاجه و متنحه كل اللي فهمته ان نادر بيحب واحده متجوزه😳
مراد....منك لله خليت البت تتصدم😒
نادر...تقي مش وقت صدمه وحياه امك كل اللي هقدر اقوله اني حاسس ان مريم في مشكله وعايز بس اطمن عليها كل اللي مطلوب منك تتصلي ولو ردت تديني الموبايل راجل اللي رد عليكي تقوليله ممكن أكلم أي أسم يجي في بالك متقوليش مريم خالص ماشي.
تقي...بتكلم واحده متجوزه😒
زيد...بضحك اشرب بقي😂😂
نادر...ياستي وربنا مش زي ما انتي فاهمه اقولك اعملي اللي بقولك عليه وهبقي احكيلك او مراد يحكيلك🙈
مراد...بضحك انا هبقي احكيلك كل خاجه يا قلبي😉
تقي بصتله بإحراج وضحكت🙈
نادر...لا مش وقت حب الله يسترك اخلصي😡
مسكت تقي الموبايل وكتبت الرقم وفاتحه الاسبيكر
سكتوا كلهم وركزوا في الحرس اللي بيرن فضل يرن لحد ما فصل.
تقي....محدش رد🙄
نادر...بقلق جربي تاني يا تقي.
اتصلت تاني وبردوا جرس ومحدش رد.
مراد....خير يعني يمكن مش سامعه.
تقي...او يمكن مش بترد غلي ارقام غريبه.
مراد...صح ممكن فعلًا🙄
نادر....بخوف انا قلبي مش متطمن.
زيد...عادي يا نادر هنجرب في وقت تاني او هنستني يمكن تشوف الرقم وتتصل هي.
نادر....تمام سجلي الرقم باسم مريم يا تقي عشان لو اتصلت عليكي تبقي عارفه رقم مين ولو اي وقت حد اتصل واحنا مش معاكي وطلع راجل زي ما قولتلك قولي اسم اي بنت تانيه ماشي.
تقي....ماشي تمام.
نادر....انا رايح المكتب خرج نادر وهو باين عليه مضايق.
مراد...ايه الحكايه ماله؟
زيد....شاف كابوس وحش ومن وقتها وهو حاسس ان مريم فيها حاجه وبيني وبينك لما مردتش انا كمان قلقت.
مراد....هيكون في ايه يعني ؟
زيد...مش عارف محدش يعرف ايه اللي بيحصل بينها وبين عزيز.
مراد....عموما هنبقي نجرب تاني وان شاء الله خير.
زيد...يارب.
مراد...طيب انا في مكتبي لو خصل حاجه يلا يا تقي.
خرجوا مع بعض وراحت تقي معاه و حكالها تقي كل الحكايه بتاعت مريم كانت مصدومه وبدأت هي كمان تقلق و تتعاطف معاها من غير ما تعرفها.
.............
نزل جلال يجيب قهوه من الكاڤيتريا ووقف يشربها تحت اتصلت عليه ميار وهو بيلعب في الموبايل فتح عليها بسرعه من غير ما يقصد
جلال...الو🙄
ميار...بضحك😂😂 انت قاعد علي الزرار ولا ايه خضتني
جلال...بضحك والله ابدا كنت بلعب في الموبايل فتحت غصب عني😂😂
ميار...طيب انت عامل ايه وبباك عامل ايه الوقت.
جلال...الحمد لله بخير بقي احسن كتير وانا زي الفل.
ميار....طيب الحمد لله انا قولت اطمن عليك وعلي بباك واشوفك بتعمل ايه.
جلال...ولا حاجه نزلت اشرب قهوه في الكاڤيتريا وراجع تاني.
ميار.....ماشي يا سيدي المهم انك بخير.
جلال...بقولك ايه انتي مش فاضيه انهارده؟
ميار....علي حسب ليه🙄
جلال...يعني انا شويه كده وكنت هخلع من الشركه ولو فاضيه اعدي عليكي ونتغدي سوا
ميار....اممم ماشي هقول لملك ولو قالت اوك هشوفك انا كده كده كنت نازله اجيب طلبات للبيت😂😂🙈
جلال...بضحك ايه ده انتي طلعتي ست بيت وكده😂😂
ميار.....علي قدي بدل ما انا قاعده مش بعمل حاجه😂😂
جلال...خلاص قوليلها وانا كمان هقولها ولو تمام هقابلك علي سته كده كويس.
ميار....اه كويس اوي.
جلال...اشطا يبقي اتفقنا😎 يلا اتكلي علي الله بقي صدعتيني😁
ميار....والله انا غلطانه اني عبرتك😒 يلا سلاااام😂
جلال...باي😂😂
.........
قفلت ميار واتصلت علي ملك قالتلها.
ملك....خير ان شاء الله🤔 خروجاتكم كترت.
ميار...ياستي سبيني في حالي بقي مش بدل ما انا قاعده لوحدي😒
ملك...ماشي يا ست ميار بس اياكي تتأخري واوعي تطلعي من غير ما تجيبي اللي قولتلك عليه🤨
ميار....لا متخافيش هجيب كل حاجه.
ملك...ماشي يا قلبي خدي بالك من نفسك.
ميار....حاضر بحبك يا ملوكه
ملك...وانا كمان يا قلب ملوكه😍
ياسين....في ايه ميار كويسه.
ملك...اه بتقولي ان جلال عايز يعدي عليها ويتغدوا سوا.
ياسين....🤨🙄 جلال الواد ده مش مطمني علي فكره🤔
ملك...بضحك ليه بس😂
ياسين...شكله بيلاغي اختك وانا مش هسكت علي الكلام ده🤨
ملك....جلال وميار 😂😂😂 ميتهياليش
ياسين...اسكتي انتي. وانتي فاهمه حاجه والنبي جلال شكله وقع وانا هستلمه😉
ملك...انت بتتكلم جد🙄
ياسين...اه والله العظيم اول مره اشوفه لازق لحد جلال دماغه رايحه منه ملوش في الجو ده خالص بس مهتم بميار اوي وعموما لو احساسي صح انا اول واحد هفرح😉
ملك....بقولك ايه بلاش تفتح الموضوع ده قدامه سيبهم كده مع نفسهم لما نشوف اخرتها.
ياسين...اكيد بس ان شاء الله اخرتها حلوه😉
.................
عند مريم وزينب
مريم كانت نايمه علي رجل زينب الدم نشف علي وشها و ايدها و وشها شاحب كانها ميته💔
زينب سانده ضهرها علي الحيطه وهي كمان شكلها تعبان اوي لانها مريضه سكر و بقالها كام يوم مخدتش الانسولين.
سمعت زينب الباب بيتفتح خافت ومسكت في مريم
فتحت مريم عينها بضعف وحاولت تقوم وتقرب من زينب.
وبمجرد ما الباب اتفتح ظهر قدامهم عزيز دخل وقفل الباب وراه😡
عزيز....ايه يا حلوه عامله ايه لسه بردوا مش عايزه تنطقي وتقولي الورق فين.
مريم...بضعف مش هتكلم يا عزيز ومش هرتاح غير لما تروح في داهيه.
عزيز...يبقي مش هتشوفي النور يا مريم هتفضلي هنا محبوسه.
مريم....مش هفضل كتير يا عزيز اطمن غيابي بيورطك اكتر💔
عزيز...بابتسامه شر عايزه تقنعيني ان الورق مع حد ولما تختفي هيطلعه طيب قولي حاجه غير دي اديكي اهو بقاله كام يوم مرميه زي الكلبه ومحدش سأل انتي ملكيش حد يا مريم غيري فا بلاش تلعبي معايا اللعبه الوسخه دي وقولي الورق فين وارحمي نفسك.😡
زينب....بتعب يا ابني اللي بتعمله ده مش صح مراتك تعبانه يا عزيز حرام عليك وانا مش حمل البهدله دي يا ابني
عزيز...لو خايفه عليها اتكلمي انتي
زينب....معرفش والله ما اعرف الورق كان في الزرع ولما شوفته مكانش في حاجه
عزيز...خلاص دي مش مشكلتي😡ولا ايه رايك يا مريم نلعب لعبه تانيه مع بعض طلع عزيز المسدس وحطه في وش زينب.
عزيز...بابتسامه شيطانيه انا هعد من واحد لتلاته لو خايفه عليها بجد قولي مكان الورق.
مريم...خرج داده زينب من لعبك الوسخ ده يا عزيز.
عزيز...واحد.
مريم....مش هنطق يا عزيز
عزيز....اتنين.
مريم....بدموع ارجوك بلاش حرام عليك
عزيز....تلاته داس عزيز علي المسدس الاتنين غمضوا عينهم برعب فضل عزيز يضحك😈😈
واضح انها بتحبك اوي يا زينب
عزيز....سبنا يا عزيز يا ابني وانا اوعدك هعرف مكان الورق وهديهولك وكل واحد فيكم يروح لحاله.
عزيز...مريم مش هتبعد عني والورق هاخده يعني هاخده.
مريم...بدموع وغضب طول ما فيا نفس يا عزيز مش هتاخد الورق و هوديك في ستين داهيه🥺😡
عزيز قام وقف بغضب الورق فيييييين
مريم....مش هدهولك😡
ضربها برجله في رجله بقوه انطقييسس
مريم...بصريخ من الالم مش هديهولللللللك😡😡🥺
عزيز....يبقي هموتك بأيدي يا بنت الكلب فضل يضرب فيها بكل قوته ومسكها من رقبتها يخنقها زينب كانت بتحاول تقوم مش عارفه من كتر ما هي تعبانه مسكت في رجله تشده
زينب...سيبها يا عزيز مريم هتموت في ايدك سيبها بقولللك🥺💔 يااااارب
رماها عزيز من ايده في الارض لما حس انها بتموت فضلت تكح وهي ماسكه رقبتها وبتحاول تاخد نفسها الدم مغرق وشها من تاني. والجروح اللي قفلت رجعت فتح تاني
خدتها زينب في حضنها وهي بتعيط بقهر.
عزيز....قدامك3 ايام يا زينب لو معرفتيش منها الورق فين واللي خلقني و خلقك انتوا الاتنين هتدفنوا مكانكم😡 وطول نا الورث مش في ايدي اعرفوا اني مش هسيبكم انتي اللي حضرتي العفريت يا مريم وريني بقي هتعرفي تصرفيه ازاي😡
خرج عزيز بكل غضب وقفل الجارد الباب وراه.
زينب....عشان خاطري يا مريم أنجدي نفسك يا بنتي عزيز مش هيرحمك قولي الورق فين قولي يا مريم عشان خاطري.
مريم راسها كانت علي الارض الدم نازل ودموعها نازله و هي في عالم تاني ابتسمت بهدوء وهي لامسه الارض وكأنها شيفاه مريم بصوت همس بسيط نااادر💔 و أفتكرت اخر مشهد حصل بينهم.
نادر...عايزه حاجه تاني؟
مريم...لا متنساش الشيكولاته
نادر....احلي شكولاته ياستي😉
مريم...🙈 إن شالله يخليك يا سي نادر
نادر ..انتوا كان عندكم عرق صعيدي او من الارياف 😂
مريم...😂😂 لا بس كان حلمي اكون ممثله😍
نادر....وهو بيلبس الكوتش وبيبصلها بجنب عينه علي فوق ومبقتيش ليه🙄
مريم...بابتسامه بسيطه هي جت عالتمثيل لو عَدتلك الأحلام اللي متحققش هَتقعد تعيط جمبي
نادر....خلاص لما أرجع عديلى 😉
مريم...ليه عايز تعيط🤨
نادر... لأ هحققهالك😉❣️
فاقت مريم وهي دموعها بتنزل بوجع🥺💔 علي صوت زينب.
زينب...مريم قومي يا بنتي قومي عشان خاطري
اتفتح الباب تاني و حطلهم الجارد مايه واكل وقفل تاني💔
............
مساء اليوم خرج زيد من شغله وراح علي الڤيلا بتاعته مقدرش يروح القصر عشان عارف ان راجح هيفاتح صبا مكانش قادر يعرف رد فعلها او رأيها وحب يكون بعيد.
اتصل علي روح في الوقت ده.
ردت روح عليه...ايوه يا حبيبي انت فين.
زيد...انا لخير يا حبيبتي بس كلمتك عشان متقلقيش انا هبات في الڤيلا مش راجع.
عرفت روح انه مش حابب يجي انهارده بالذات عشان هي كانت عارفه ان راجح هيكلم صبا
روح....ماشي يا حبيبي زي ما تحب بس متطولش عشان خاطري.
زيد...حاضر يا حبيبتي بابا كويس.
روح...زي الفل اطمن.
زيد...لو في حاجه كلميني.
روح...تمام يا حبيبي خد بالك من نفسك.
زيد...حاضر يا حبيبتي يلا سلام.
روح...سلام.
قفل زيد وطلع علي اوضته.
وروح راحت لراجح.
راجح....ده زيد؟
روح...اه بيطمني انه هيقعد في الڤيلا.
راجح....كنت واثق انه مش هيجي انهارده.
روح....هتكلم صبا امته؟
راجح...الوقت يا روح روحي ناديها وانا هستناكي في المكتب.
روح...حاضر يا حبيبي.
طلعت روح نادت صبا من اوضتها ونزلوا علي المكتب.
صبا....خير يا خالوا روح قالتلي انك عايزني.
راجح...اه يا صبا عايزك يا حبيبتي
صبا...تحت امرك يا حبيبي اتفضل.
راجح...قبل ما اقول اي حاجه عايزك تسمعيني يا صبا و متقاطعنيش ولازم تعرفي ان اياً كان ردك عليا مش هزعل قولي رايك بمنتهي الصراحه يا بنتي ولو حابه تستني وتفكري في كلامي خدي وقتك.
صبا...بابتسامه توتر خير يا خالوا قلقتني في ايه.
راجح...جايبلك عريس يا صبا.
بصتله صبا بصدمه وبعدين ابتسمت عريس انت اكيد بتهزر صح
راجح...لا يا بنتي مش بهزر
بصت صبا لروح...ما تقولي حاجه يا روح خالوا بيهزر معايا صح.
روح...لا يا حبيبتي مش بيهزر.
صبا....خالوا ايمن لسه مفاتش عليه حتي سنه وحضرتك بتقولي جايبلك عريس انتوا زهقتوا مني ولا ايه ياروح
روح...نزهق منك ايه بس يا حبيبتي
صبا...امال ايه انا مش فاهمه حاجه.
راجح....عارف انك مصدومه ويمكن كمان مش مستوعبه اللي بقوله بس يا صبا ايمن راح للي خلقه يا بنتي وانتي لسه صغيره وحلوه ومسيرك تتجوزي
صبا...ده كلام سابق لوقته خالص وبعدين انا مشتكتش
راجح...عارف بس مش هتفضلي العمر كله عايشه علي الماضي وانا مش عايز اموت غير وانا مطمن عليكي
صبا...بعد الشر عنك بس يا خالو🥺
راجح....قبل ما تعرضي مش تعرفي العريس الاول
بصتله صبا بخوف من الفكره نفسها🥺
راجح....توافقي يا صبا علي زيد؟
بصتله صبا بصدمه ومكانش عندها رد فعل معين مش عارفه تفرح ولا تزعل علي عشرتها لأيمن توافق ولا ترفض من جواها هي موافقه جداً بس اللي كان في عقلها كان متلغبط وسرحت في اللي حصل بوم ما زيد خرج وهو في اعلي قمه للغضب وبعدها خالها تعب ربطت الاحداث ببعض وخافت يكون ده اقتراح راجح وهو اللي رفض💔🥺
راجح....صبا انا عارف انك مصدومه ومش عايز منك رد الوقت بس يا بنتي لو وافقتي انا وروح هكون اسعد اتنين في الدنيا زيد وايمن واحد ولما هنشوفك مع زيد محدش فينا هيزعل علي الاقل احسن ما نشوفك في حضن حد غريب.
روح....صبا كلام راجح مش ضغط عليكي يا حبيبتي عشان توافقي علي زيد يمكن زيد مش هتلاقي حد في حنيته وقلبه بس كمان لازم تعرفي اننا هنحترم رأيك سواء بالموافقه او بالرفض سواء وافقتي علي مبدأ الجواز الوقت او حابه تأجليه شويه اياً كان رأيك ايه احنا مش هنزعل.
راجح....بالظبط محدش يقدر يجبرك علي حاجه ولازم تعرفي اني قبل ما افاتحك في الموضوع ده انا كنت ناوي اخليكي. تختاري ما بين سالم ونادر وزيد بس الواضح ان سالم ونادر في حد في حياتهم وانا مش هرضي اني اجبر ولادي علي حد غير اللي في قلبهم ولا هرضي انك ترتبطي بحد قلبه مشغول بحد تاني غيرك عشان كده قولتلك علي زيد.
روح...صبا انا عارفه ان الموضوع مش سهل لان عارفه انك بتتعاملي معاهم علي انهم اخواتك بس كمان صدقيني انا واثقه انك لو وافقتي هتحبي زيد
راجح...ها يبنتي عندك رد علي السؤال ولا حابه تفكري.
صبا....بشرود خالوا قبل ما اقول رأيي انا ليا عندك طلب.
راجح...قولي يا صبا.
صبا....انا محتاجه قبل ما اقول اه او لا اتكلم مع زيد ممكن🥺
راجح...طبعا ممكن حقك.
روح...بس زيد مش راجع انهارده هو في الڤيلا.
راجح...مش مهم تكلمه بكره
صبا...تمام بس ياريت اشوفه بره القصر لو سمحتلي يعني🥺
راجح....اكيد طبعاً اعملي اللي يريحك يا بنتي صبا اهم حاجه عندي انك تكوني مرتاحه ولو شايفه انك مش هتقدري أرفضي وانا والله ما هزعل.
روح...دي حياتك يا صبا واللي بنقوله ده مجرد رأي واقتراح وانتي ليكي حريه الاختيار سواء بالرفض او القبول ماشي يا صبا.
صبا...تمام يا روح🥺 بعد اذنكم.
روح....اتفضلي يا صبا.
خرجت صبا بسرعه وطلعت علي اوضتها كل حاجه فيها متلغبطه واكتر حاجه كانت مخوفاها اللي حصل خايفه تكون المشكله اللي كانت بينهم بسببها وزيد اعترض💔
..........
روح....ايه راجح حاسه ان صبا اضايقت
راجح....ده عادي يا روح هي بس متلغبطه.
روح...طيب تفتكر هتوافق ولا لا.
راجح...مش عارف بس بيتهيألي لو كانت رافضه اصلا كانت اعترضت
روح...عندك طيب تفتكر عايزه زيد في ايه.
راجح...يمكن عايزه تشوف هو موافق ولالا.
روح...رينا يستر بقي انا مش عايزه زيد يتوجع يا راجح
راجح...اطمني قلبي بيقولي انها هتوافق.
روح...يارب يا راجح يارب🙏🏻
..............
جلال...ها تؤمري بحاجه تاني يا ستي😒
ميار...بضحك لا حلو كده كفايه عليك
جلال....بقي انا يجي عليا يوم وادخل اتسوق حاسس اني ست بيت في نفسي منك لله😒
ميار....بقولك ايه اسكت شويه انا لو طلعت من غير ما اجيب اللي ملك عيزاه هتنفخني انا وانت
جلال...لا وعلي ايه تنفخنا😒 تحبي اجيبلك كمان عربيه غير دول😡
ميار....لا حلو كده خلصت خلاص😂😂
جلال...اشهد ان لا اله الا الله😫
راحت ميار علي الحساب
طلع جلال الڤيزا بتاعته
ميار...انت بتعمل ايه😒
جلال...ايه هحاسب ماشيه مع بنت اختك ولا ايه🤨
ميار...لا بس اكيد مش هتعمل كده وإلا هسيب الحاجه كلها واخرج
جلال...علي فكره عيب الكلام ده.
ميار...لا مش عيب وعشان خاطري بلاش تحاسب يا جلال مش هينفع صدقني.
جلال....ماشي يا ميار زي ما تحبي.
خلصت ميار وحاسبت وخدوا الحاجه علي العربيه.
بصتله ميار كان قالب وشه🙄
ميار...بضحك لا بقولك ايه متقلبش وشك عليا🤨
جلال....انا مش قالب وشي علي فكره😏
ميار...امال ايه اللي انا شيفاه ده بص يا جلال انا ممكن اقيل منك عزومه شيكولاته هديه لكن حاجه تخص البيت ولا انا ولا ملك هنقبل وبعدين انا بتعامل معاك براحتي اوي خليني افضل زي ما انا كده اصل لو عملتها مره عمري ما هروح معاك مشوار زي ده تاني وهتروح علينا تفاصيل حلوه زي اللي عشناها في الماركت يعني كنا بنضحك وميتين من الضحك ليه نخلي حاجه زي دي متتكررش تاني فاهمني.
جلال بأبتسامه ماشي يا ستي فهمتك وعلي فكره انا مكنتش اقصد اضايقك
ميار....ومين قالك اني اضايقت بس انا مش عبزاك انت اللي تضايق تمام😍
جلال....تمام😉
بعد وقت بسيط وصلوا تحت البيت
ميار....انت قاعد كده ليه انزل طلعني😡
جلال...اطلعك فين يلا اتكلي علي الله😒
ميار...خلي في شويه دم الشنط كتير يلا قدامي.
جلال....ملك لو شافتني هتنفخني عشان اخرتك🙄
ملك...والله لو عرفت انك ندلت معايا ومطلعتنيش بالشنط دي كلها هتنفخك
جلال...وعلي ايه انجري قدامي😡
ضحكت ميار وشالوا الشنط وطلعوا مع بعض.
ملك....مالسه بدري🤨
جلال....طب قولي عنك تسلم ايدك طلعي بقشيش وحطيه في جيبي😒
ملك...😂😂😂عايز بقشيش عيني
جلال....😂😂😂 بقولك ايه اختك عندك شنطكم في ايدكم هخلع انا.
ملك...تخلع فين تعالي اشرب حاجه.
جلال...لا مره تانيه بقي الوقت اتأخر يلا عايزين حاجه.
ملك...بابتسامه تسلم يا جلال
جلال...يلا باي ❣️
.............
طول الليل صبا مش مبطله تفكير ولا زيد عارف ينام هيتجنن ويعرف اللي حصل محدش كلمه راجح وروح مفيش أي خبر وهو بدأ يقلق فضل صاحي لحد الصبح مش عارف ينام وبعدين طلع علي الشركه فضل يشتغل ويشغل نفسه اكتر مش عايز يدي نفسه فرصه انه يفكر و الواضح ان محدش من اخواته يعرف حاجه لسه بعد ساعات من الشغل مشي زيد علي الڤيلا كان هيغير ويروح يطمن علي چورچ وبعدين يروح يسهر مع منذر كان عايز يشغل نفسه بأي طريقه.
طلع زيد علي اوضته خد شاور ولبس تيشرت وبنطلون چينس وقعد يلبس الكوتشي وهو بيلبس سمع صوت الجرس لبس بسرعه ونزل جري علي السلم..
زيد....ايوه.
فتحت زيد الباب لقي صبا قدامه.
فضل باصصلها ثواني.
زيد....صبا!!
صبا....محتاجه اتكلم معاك يا زيد.
بعد زيد عن الباب عشان تدخل
دخلت كام خطوه وبصتله.
صبا....شكلك كنت خارج عموما انا مش هعطلك خالص.
زيد...لا خالص انا كنت هروح اطمن علي چورچ وبعدين اروح لمنذر.
صبا...مين چورچ.
زيد...ده صاحب العوامه اللي بنقعد فيها انا ومنذر يعني موضوع طويل كده المهم تشربي ايه.
صبا....لا لا مش عايزه يا زيد انا جايه بس اتكلم معاك وهمشي علي طول.
زيد....صباااا انتي مش معطلاني علي فكره انا كنت خارج عشان انا مش عايز اكون لوحدي لكن معنديش حاجه مهمه يلا تشربي ايه.
صبا...طيب اي حاجه مش فارقه والله.
راح زيد علي مكنه القهوه عمل ليه وليها وبعدين رجع وقف قدامها تحبي تفضلي هنا علي البار وتقعدي هناك.
صبا....حتي دي مش فارقه زيد عادي خلينا هنا.
زيد...تمام قرب منها القهوه وقعد علي الكرسي التاني قدامها وبصلها مالك يا صبا خير انا سامعك.
صبا...بملامح حزينه ومحرجه ومشاعر متخبطه فضلت تدعك أيدها الاتنين في بعض. زيد انت اكيد عندك خلفيه بالموضوع اللي روح وخالوا فاتحوني فيه.
زيد....برد مقتضب اكيد.
صبا....بتنهيده طويله زيد انا تقريباً منمتش من امبارح ثانيه واحده ودماغي هتتفجر من كتر الصداع.
زيد...بنبره حزينه للدرجادي الموضوع ده مزعج اوي كده بالنسبالك؟
صبا بلمعه دموع في عينها لا يا زيد مش اللي فهمته ده.
زيد...امال ايه يا صبا؟ فهميني؟
صبا.... زيد انا لما خالو كلمني هو وروح يمكن قالوا كتير اوي بس انا مقدرتش اركز فيه🥺 كل اللي ركزت فيه هو الطلب نفسه والمفروض انهم مستنين ردي بس انا طلبت منه وقت اقوله فيه رأيي بس لما اقعد معاك الاول.
زيد....وانا تحت امرك يا صبا عايزه تقولي ايه؟
صبا....مقدرتش تسيطر علي دموعها وصوتها اتخنق انا مش عايزه اقول حاجه انا عايزه أسألك بس كام سؤال وترد عليا🥺
زيد....هرد عليكي يا صبا بس بلاش الدموع دي عشان خاطري.💔 وقبل ما تقولي اي حاجه صبا انتي لو مش موافقه انا مش هزعل صدقيني.
صبا....ليه مش هتزعل عشان ده طلب اتفرض عليك من خالوا وروح؟🥺
زيد....لا يا صبا انتي بتقولي ايه صبا انا عايز أتجوزك .
صبا....طيب في كام سؤال هتجنن واعرف اجابتهم وبلاش تقاطعني ارجوك.
زيد...قولي يا صبا.
صبا....زيد انا مقتنعتش خالص بحكايه ان في مشكله في الشغل هي اللي خليتك تشد مع خالوا وبعدها خالوا يتعب و يجيله ذبحه ولما خالوا فتح معايا الكلام علي كول كده وهو لسه مخفش اوي ربطت الاحداث ببعض ومش لاقيه اي رد علي سؤالي غير ان خالوا اجبرك علي كده وانت اتخانقت معاه ومشيت طيب لو انا فاهمه صح يبقي ليه الفتره اللي فاتت حسستني اني قريبه منك وان في حاجه جواك ليا والغريب ان انا كمان مش هكدب عليك يا زيد كنت مبسوطه🥺💔 طيب لو جواك حاجه بجد ليه اضايقت لما خالوا عرض عليك تتجوزني بلف وبدور في نفس الدايره من امبارح كأني في متاهه
لدرجه اني بدأت اشك ان اللي حسيته معاك ده كان مجرد تفكير منك عشان تعرف ليه ايمن انتحر واللي حسيته معاك مش حقيقي ولو فعلاً انت عايز تتجوزني ممكن يا زيد تكون عايز تتجوزني عشان توصل للحقيقه🥺💔
زيد....يااااا يا صبا هو انتي شيفاني مش راجل للدرجادي عشان العب بمشاعرك
صبا اول حاجه عايز اقولهالك شيلي من دماغك اني قربت منك او اني عايز اتجوزك عشان موضوع ايمن صبا انا سايبك براحتك لما تحسي انك عايزه تتكلمي اكيد هتتكلمي بس انا لو عايز اعرف يا صبا مكنتش مضطر خالص اني اتجوزك علي فكره ومن اول يوم عرفت ان ايمن انتحر مكنتش سكت اه مش عايز روح وابويا يموتوا بحسرتهم بعد الخبر ده مش عايز اخواتي يدخلوا في اكتئاب اكتر بس الاهم عندي ان محدش يتهمك بأي حاجه لاني واثق ان في حاجه كبيره انتي مخبياها فا حوار ايمن بره موضوع جوازي منك.
اما اللي حستيه معايا الفتره اللي فات اظن يا صبا انتي ناضجه كفايه عشان تفهمي شعور اللي قدامك ولو كان عندك شك واحد في الميه في شعوري من ناحيتك مكانش زمانك بادلتيني نفس الشعور وبقيتي مبسوطه زي ما قولتي.
اما بقي بخصوص المشكله اللي حصلت اه يا صبا مكانتش مشكله شغل وكان بسبب ان راجح باشا فتح الحوار ده بس اللي جنني وقتها انه حط نادر وسالم معايا في نفس الاختيار وانا مقبلتش ده صبا سواء خالك فتح الموضوع ده او لا انا كنت هفتحه معاكي ومعاهم كلهم بس الطريقه اللي اتفتح بيها الحوار مقدرتش اتحملها وكانت فوق طاقتي ليه وعشان ايه واللي حصل جوه اكيد هحكيلك بس مش الوقت.
صبا...امال امته يا زيد؟
زيد....لما اعرف ردك يا صبا ولو كان اه اوعدك ان اول يوم هيتقفل علينا فيه باب واحد هحكيلك كل حاجه هتسمعي مني حكايه ميتهيأليش ممكن تصدقيها ولو لأ هكتفي بس اني قولتلك ان اللي حصل فعلاً مكانش ليه علاقه بالشغل
صبا....انت ليه مصمم تبعدني عن إجابه الأسئله اللي بسألها
زيد....بالعكس انا مش ببعدك وزي ما قولتك ايمن حكايته بعيده خالص عن طلبي للجواز منك.
احساسي ناحيتك كان صادق يا صبا
عايزه ترتاحي اكتر يا صبا💔
بصتله صبا وهزت راسها🥺
زيد....انا بحبك يا صبا💔
بصتله صبا بصدمه 😳🥺
ابتسم زيد بوجع وقرب مسك ايدها
زيد....بحبك وعايز اكمل معاكي اللي جاي كله قولتي ايه يا صبا لسه عايزه وقت تفكري💔
هزت صبا راسها بلأ وهي دموعها بتنزل.
زيد....بوجع قوليها يا صبا قوليها عشان خاطري موافقه نتجوز💔
صبا...بأبتسامه من بين دموعها 🥺 قبل ما اقولك الرد بتاعي عندي حاجه تانيه عايزه اقولها
زيد....قولي يا صبا.
صبا.... معرفش ازاي وليه و امته 🥺
بس انا بحبك يا زيد🥺
رفع زيد وشه لفوق وهو بيخرج من صدره اكبر تنهيده في الدنيا تنهيده شايله معاها وجع وحزن ودموع وآهات مش مصدق اللي سمعه كان كفايه عليا يسمع منها انها موافقه تتجوزه لكن ربنا كان حابب يفرح قلبه برد تاني خالص
بصلها وهو مبتسم مش عارف يقول ايه محسش بنفسه غير وهو بيشدها من علي الكرسي لحضنه🥺
دفن زيد وشه في رقبتها وهو بيهمس بنبره صوت هاديه وجذابه.
زيد....بحبك يا صبا فوق ما خيالك يصورلك 🥺 استنيت اللحظه دي سنين كتير اوي.
الجمله آثارت انتباه صبا سابت حضنه وبصتله باستغراب سنين؟
زيد...بأبتسامه مش بقولك يا صبا اني عندي كلام كتير اوي.
صبا...طيب قوله عشان خاطري.
زيد...عشان خاطرك اعمل اي حاجه بس اوعدك اننا هنفضل نتكلم للصبح يوم ما يتقفل علينا باب واحد اتفقنا❣️
صبا...اتفقنا❣️
خدها زيد في حضنه تاني وباس راسها بحب بقولك ايه.
صبا....نعم؟
زيد...يلا نمشي ونروحلهم نبلغهم اتفقنا
صبا....ماشي اتفقنا❣️
مسكها من ايدها خدت شنطتها وخرجوا مع بعض وكل واحد فيهم طاير من السعاده و سعاده زيد تحديداً مكانش ليها وصف.
وهما في الكريق لتصل عليه منذر.
زيد...الوو.
منذر...انت مش قولت جاي فينك يا عم هموت من الجوع.
زيد....بسعاده منذر انا رايح علي القصر بس هجيلك.
منذر...في ايه عمي تعب ولا ايه.
زيد...لا لا كله تمام بس هوصل صبا واجيلك.
منذر...صبااا🙄 لا مش فاهم.
زيد...بابتسامه هجيلك انهارده بالذات مينفعش مجيش يا صاحبي
منذر....بأبتسامه طب طمني حصل ولا ايه😳
زيد....بضحك ايوه يا سيدي.
منذر....ياااااااه طب احلف😂😂🙈
زيد...متبقاش رغاي بقي قولت هجيلك
منذر...طب بالله عليك ما تتأخر مش هقدر استني🙈
زيد...حاضر مش هتأخر والله❣️
منذر...يلا سلام يا حبيبي😍
زيد....سلام يا صاحبي❣️
- يتبع الفصل التالي اضغط على (رواية احفاد الطوبجي) اسم الرواية