رواية احفاد الطوبجي(1) الفصل الخمسون 50 - بقلم اميرة اسامه
..............
وصل زيد قصر الطوبجي واول ما وصل أتفتحت البوابه دخل بسرعه كان حاسس انه طاير.
ركن زيد وبص لصبا بحب.
زيد....يلا.
صبا....بتوتر زيد انا هقف في الجنينه هنا أشوف صبا واحطلها اكل وادخل انت.
زيد....هدخل لوحدي روح وخالك زمانهم علي اعصابهم.
صبا....زيد انا مش هعرف بجد عشان خاطري ادخل انت.
زيد...بأبتسامه انتي مكسوفه ولا ايه🤨
صبا....بصراحه اوي🥺 عشان خاطري ادخل انت
زيد...طيب انزلي بس يلا.
نزلت هي وهو وراح مسكها من ايدها.
صبا...انت بتعمل ايه يا مجنون سيب ايدي يعني انا مش قادره ادخل لوحدي كده كمان هتمسك ايدي.
زيد...بضحك طيب خلاص مش همسك ايدك بس مش هدخل من غيرك.
صبا...بلاش والنبي يا زيد انا حاسه اني هموت🥺
زيد...بعد الشر عليكي كده كده الباشا مش هيرتاح غير لما يسمعك ويبص في عينك ويتأكد انك موافقه من قلبك
صبا...يبص في عين مين والله هعيط🥺🙈
زيد...لو مدخلتيش بالذوق همسك ايدك وادخل بيكي يلا خدي نفس طويل كده وندخل مع بعض يلا بقي.
صبا....طيب بص
زيد...بحب بصيت😉
ابتسمت صبا غصب عنها وبصتله
صبا...لما ندخل تقوله ان احنا عايزينه في المكتب ماشي🥺 بصراحه مش هقدر اقول موافقه قدامهم كلهم.
زيد....اولاً الشباب كلهم عرفوا اللي حصل جوه قاسم اكيد قال لزهره وداوود شرحه وروح اكيد قالت لفيروز يعني من الاخر احنا اتجرسنا خلاص ادخلي قدامي بقي يلا🤨
صبا....وهي حاطه ايدها علي قلبها ربنا يطمنك.
زيد....هتكلم انا يا صبا اتفقنا❣️
صبا....اتفقنا.
دخلوا مع بعض جوه كانوا قاعدين كلهم تحت علي حظها.
صبا...بصوت واطي هيغم عليا والله🥺
زيد...امسكي نفسك🤨 مساء الخير
الجميع...مساء النور.
سالم....هاجج انت كده علي طول عامل زي الطير اللي محدش بيعرف يقفشه🤨
زيد...مش احسن ما اقعد في خلقتك😒
فيروز...ايه ده انتوا كنتوا فين.
بصت صبا لزيد بتوتر.
راجح...تعالوا ياولاد
صبا.....حاولت تتجرأ شويه وتمسك نفسها قبل ما يغم عليها خالوا ممكن تيجي المكتب انت وروح🥺
بص الشباب كلهم لبعض
مراد...الله ده بقي في اسرار من ورانا يا داوود🤨
داوود....ايوه واخد بالي🙄
زبد...تعالي يا مراد انت وداوود كمان.
سالم...واحنا ايه شفافين واخد بالك يا قاسم🙄
قاسم...بضحك با جدع اسكت بقي متبقاش رخم😂
راجح....اتلم يا صايع منك ليه مش وقتكم خالص😡
سالم...حاضر يا باشا✋🏻🙂
دخل راجح وروح وداوود ومراد و وراهم صبا
بص زيد لسالم...اتقل عليا😒🔪
سالم...الله يسهلك🙄😂
فضلوا البنات يسألوا بعض في ايه محدش فاهم حاجه.
.........
دخلوا و قفلوا الباب وراهم صبا كانت واقفه حاسه انها زي الطفل اللي عمل غلطه و هيتعاقب🙈
راجح....خير يا ولاد طمنوني.
روح راحت وقفت جمب صبا وبصتلها كانت حاسه انها مش قادره تقف علي رجلها
روح...انتي كويسه.
صبا....الحمد لله.
روح...طيب طمنيني🥺
راجح....اتكلمتي مع زيد يا صبا؟
صبا...ايوه يا خالوا.
راجح....وردك ايه يا حبيبتي؟
قلبها كان بيدق جامد اوي بصت لصبا عايزه تقوله انطق انت🥺
زيد...صبا وافقت يا باشا.
روح...بفرحه بجد مبروووك حضنت روح صبا وزيد مع بعض طبطب زيد علي ضهرها.
داوود...بسعاده مبروك يا حبيبي قلبي طاير من الفرحه
زيد...حبيبي يا داوود الله يبارك فيك.
مراد....تعالي ياواد في حضني😍
حضنه زيد وطبطب علي ضهره
قرب داوود من صبا وحضنها
داوود....وقالها بهدوء في ودنها عملتي الصح يا بنت اختي مش هتندمي يا صبا.
بصتله صبا وهي دموعها في عينها وابتسمت حبيبي يا داوود❣️
مراد بضحك حضن صبا انا عايزك تركزي علي لون العين هااا عايزين عيال ملونه😂😂❣️
راجح...هتعيش وتموت لسانك عايز قطعه🤨
رجعت روح خدت صبا في حضنها تاني وبصوا كلهم لراجح
راجح....بس انا عايز اسمعها منك يا صبا
صبا...بإحراج موافقه يا خالو🥺
راجح...خد نفس كله راحه وبصلها تعالي في حضني يا بنت الغاليه حضنها راجح بحب.
وبعدين قرب من زيد بصله بحب.
راجح....اظن كده هتسامحني يا زيد
قرب منه زيد بسرعه وحضنه بحب
زيد....متقولش كده يا بابا انسي وخلينا في الوقت❣️
صبا كانت مستغربه كلمه راجح بس قررت تأجل اي سؤال لحد ما يتقفل عليهم باب زي ما زيد قال.
مراد...كنت عايز تفرح بواحد لاحق بقي ياعم راجح علي العرايس والعرسان😂😂
راجح...فرحوني انتوا بس وملكوش دعوه بأي حاجه.
مراد...ربنا يفرح قلبك يا حبيبي بس المهم هنعملها ازاي دي و امته.
داوود...خلاص بقيت مستعجل يا اخويا😒😒
مراد...الله هو اتجوز مش عاجب متجوزش مش عاجب 🤨
راجح ...هتتجوز يا اخويا متستعجلش علي رزقك وعموماً هنأجل الكلام في الترتيبات ده لحد اليوم بتاع العزومه لما البنات تيجي.
مراد...ناوي علي ايه يا عم الخاطبه😂
راجح...بضحك يعني ينفع بعد العمر ده كله اضربه ما تكبر بقي😂
داوود....اضربه ومحدش هيحوش😂
روح...بقول ايه احنا هنقولهم ايه بره دول اكيد هيموتوا ويعرفوا في ايه.
زيد...بسخريه مش سالم بره يبقي مش هيهدي غير لما يعرف.
راجح...بقول ايه خلينا نفرحهم كفيانا حزن.
مراد....صح يا راجح خليهم يفرحوا يلا نقولهم.
بصت صبا لزيد وفضلت تهز راسها بلأ😳
ضحك زيد وهز كتفه🙄
خرجوا كلهم روح مسكت ايد صبا
روح...بضحك ايدك متلجه كده ليه🙈
صبا...برجاء والنبي ياروح خليني اطلع وقولوا انتوا🥺
روح....في ايه يابت مالك عامله ليه كده زي اللي عامله عامله.
صبا...علي اساس ولادك هيسيبوني في حالي اوي🙈
ضحكت روح عليها وقربوا منهم.
سالم....خير حاسس كده ان وراكم مصيبه😂😂
جلال....مالكم صحيح خارجين وراء بعض زي رجال المافيا كده ليه😂😂
صبا....اهو بدأوا الحفله من قبل ما يعرفوا🥺
روح...مالكيش دعوه بيهم دول متربوش واللي هيتكلم هضربه😒
راجح....اسكت يا صايع منك ليه واسمعوني انا عندي ليكم خبر حلو.
الشباب كلهم ابتسموا وفهموا
قام سالم من مكانه بسرعه وداي علي رجل جلال كان قاعد في الارض
سالم...طب احلف كده ان اللي فهمته صح
جلال..اااااه رجليييييي😫😫
داوود....رجله يخربيتك 😂😂
سالم....سيبك منه قولوا صح.
راجح....صح يا سيدي باركوا لزيد وصبا يا ولاد زيد طلب ايد صبا وصبا وافقت.
قام الشباب كلهم جريوا علي زيد وبقوا ينطوا فوقيه بفرحه.
زهره وليلي قاموا حضنوا صبا وباركولها رغم صدمتهم إلا انهم فرحوا
ابتسمت فيروز بسعاده وراحت حضنت صبا وباركتلها وراجت علي زيد خدته في حضنها بحب.
ووشوشته بهدوء في ودنه...مبروك يا قلبي وعلي فكره كنت حاسه بيك يا زيد.
بصلها زيد باستغراب وهو بيضحك.
فيروز....بحب متستغربش كان باين في عينك يا حبيبي وديماً مكنتش بحب ابص فيهم عشان قلبي كان بيتوجع عليك.
غمزلها زيد بحب طيب وحسيتي بيا انا بس محستيش بحاجه تانيه.
ضحكت فيروز وبصتله اللي بحبهم من قلبي بحس بيهم يا زيد.
زيد....عايزين نتكلم كتير يا فيروز.
فيروز....حاضر بس خلينا في الوقت وفرحتي بيك انت وصبا اللي متتوصفش.
حضنها زيد بحب وفضل يسلم عليهم كلهم.
جنه وفرح كانوا في دنيا تانيه قاعدين مربعين في الارض وبيبصوا عليهم مش مستعوبين اللي حصل😳
جلال...بضحك ولا يا امير بص كده علي جنه وفرح😂😂😂
امير....احيه هما مالهم عاملين كده ليه😂😂
جلال...مش مستوعبين شكلهم😂😂
امير....فرح اقفلي بوئك ده😂😂😂
فرح...انت فاهم حاجه.
امير....اتقلي هفهمك😂😂
جنه...طب وانا😳
امير...هفهمك بردوا بس مش الوقت😂😂😂
بعد وقت طويل من السعاده والفرح
طلعت صبا علي اوضتها تحاول تختفي من كتر الإحراج🙈
خرج زيد وسابهم راح لمنذر
وخرج امير وجلال وفرح وجنه الجنينه.
فرح...بقول ايه انا لو مفهمتش اللي حصل جوه هتشل😫
جنه...وانا كمان مش مستوعبه وبعدين انتوا كنتوا عارفين حاجه الكل فرح كده مره واحده وفجأه حسيت اني عايشه في عالم تاني.
امير...ولا حاجه اقعدوا هفهمكم اللي حصل وبدأ امير وجلال يحكولهم اللي حصل يوم المشكله والاعترافات اللي سمعوها.
جلال...بس هو ده كل اللي حصل.
جنه...حبيبي يا زيد انا الوقت فهمت كلامه اللي قالهولي.
امير....كلام ايه؟
جنه... يوم ما طلبت منه يتكلم مع بابي ويحاول يقنعه اني ادخل معهد التمثيل
قاللي وقتها كلمه وحسيت انه وهو بيقولهالي حزين جداً قاللي انا هقنعه ولتمسكي بحلمك يا جنه عشان الانسان طول ما هو محققش حلمه مش بيكون راضي عن حياته زيد كان يقصد نفسه🥺
فرح كانت بتسمع حكايه زيد وهي قلبها موجوع عشانه سرحت و افتكرت كلامه
اوعي يا فرح تحبي من طرف واحد اوعي تكوني سبب في وجع قلبك💔
فرح....انتوا عارفين برغم اننا عايشين في بيت واحد وديماً مع بعض بس واضح كده ان محدش فينا يعرف حاجه عن التاني واول واحد مكناش حاسين بيه هو زيد ديماً واقف مع الكل وبينصح فينا طول الوقت بيحاول يخلي الكل مبسوط وراضي عن حياته وهو اكتر واحد كان تعبان فينا.
امير....المهم انه وصل لحلمه و قلبه ارتاح مش مهم الماضي يا فرح
جلال...امير معاه حق وانا اتحداكم لو زيد بعد اللي حصل ده بيفكر في اللي فات زيد اتولد من جديد بعد ما وصل لحب عمره❣️
جنه...انا كنت مستغربه بصراحه بس بعد اللي سمعته انا فرحانه عشانه اوي بجد.
فرح...وانا كمان مبسوطه عشانه اوي ربنا يكمل فرحته علي خير❣️
...........
وصل زيد عند منذر واول ما خبط عليه زيد فتح منذر وبسرعه خده في حضنه وهو بيضحك وطاير من السعاده
منذر..أخيراااااااا😍😍😍
زيد...بضحك نزلني يا ابن المجانين ضهرك هيوجعك🙈
منذر....طيب قول انه حصل
زيد...هنا علي الباب بزمتك ينفع😂
منذر....ياعم ولو في الحمام انا راضي بس قول انه حصل.
زيد....بضحك حصل ياعم
رجع منذر حضنه تاني وهو مش مصدق.
زيد....لو ضهرك قفش مليش فيه😂😂
منذر....قلبي هيقف من الفرحه يا زيد والله العظيم انا كنت متخيل ان لو ايه حصل الفتره دي مش هفرح من قلبي بالشكل ده بس بجد انا مش عارف اسيطر علي فرحتي.
حضنه زيد بحب...ربنا ما يرحمني منك ابدا وافرح بيك قريب يا صاحب عمري
منذر....هتصدقني لو قولتلك ان فرحتي بيك كأنها فرحتي لنفسي يا زيد
زيد...من غير ما تقول اي حاجه مصدقك والله العظيم
منذر...طب ادخل ادخل يلا تحكيلي كل اللي حصل واياك تنسي حرف انا عايز تفاصيل التفاصيل.
زيد...🤨مالك ياض بقيت عامل زي خالتي اللتاته كده ليه ما قولتلك حصل
منذر....لا وحيات امك😡 ده كله إلا الموضوع ده يلا قدامي.
زيد...بضحك طب اعملي قهوه😂
منذر...هعملك😍
زيد....و ساندوتشين عشان واقع😂
منذر...هعملك😒
زيد....وهاتلي طفايه😂😂
منذر....هجبلك🔪😡
زيد....ووووو
منذر...طلاق تلاته لو ما حطيت لسانك في بوئك و حكيت هروقك😡🔪🔪
زيد...بضحك عنيف اوي😂😂
منذر....احكي يلا 😂😂
وبدأ زيد يحكيله كل اللي حصل
زيد....بس يا سيدي وهو ده كل اللي حصل
منذر...بأبتسامه جميله و شرود انا مش مصدق نفسي والله يا زيد حاسس اني بحلم اقولك علي حاجه
زيد...قول❣️
منذر....انا وانت من كتر ما حكايتنا غريبه اوي و مستحيله تخيلت وتوقعت فيها كل حاجه إلا انها تنتهي نهايه سعيده كنت بحاول ارضي بالامر الواقع ولما كنت بشوفك تعبان اوقات كتير كنت بحاول اهون عليك لان عارف مفيش فايده بس بعد اللي حصل معاك صدقني عرفت ان مفيش حاجه بعيد عن ربنا و النهايه بتاعتك يا صاحبي خلت في عندي امل بجد انا فرحان لدرجه متتوصفش نفسي ادخلك قلبي تشوف فرحته عامله ازاي بيك بس مش عارف❣️❣️❣️❣️
زيد....يا حبيبي منذر صحيح انا كمان كنت عارف ان النهايه مقفوله وعمري ما كان عندي امل حتي لو بسيط ويمكن كنان اتصدمت زيك بس ربنا كبير يا صاحبي ولازم تعرف ان انت كمان ربنا هيراضي قلبك صدقني انت تستاهل كل حاجه حلوه❣️ و فرحتك بيا دي عندي بالدنيا ويمكن فرحتك دي الحاجه الوحيده اللي كنت متوقعها❣️
منذر...طب ايه هنفرح بيكم امته.
زيد...لسه مش عارف الباشا بيفكر في ايه عازم البنات بكره وهنشوف ناوي علي ايه بقولك صحيح انت معانا بكره
منذر...لا معاكم ايه خلوها كده قاعده عائليه جميله انت بس عرفني الاخبار الجديده.
زيد....عائليه ايه ياض😡 انت مش من العيله ولا ايه وبعدين روح والباشا موصيني تيجي مش عايز اسمع اعتراضات هتيجي يعني هتيجي
منذر....خلاص سيبها للظروف
زيد...مفيش ظروف هتيجي قولت
منذر...خلاص يا عم هاجي😍
زيد...طمني روحت لامك انهارده.
منذر....اه روحتلها
زيد....طيب وايه الاخبار
منذر...زي ما هي والله يا زيد طول الوقت نايمه بالمهدئات واول ما تصحي تفضل تنادي علي حسام تصرخ وتعيط منهاره مش قادره ترضي بالواقع.
زيد....هتاخد وقتها يا منذر وفي الاخر هتسلم
منذر...يارب يا زيد خايف يجرلها حاجه.
زيد....هيجرلها ايه بس محدش بيموت وراء حد يا منذر هي بس لسه تحت تأثير الصدمه بس الوقت كفيل يخليها تهدي والوجع يخف
منذر...يارب
زيد...طيب واخبار القضيه ايه.
منذر....مستني الجلسه بتاعت المحكمه كمان عشرين يوم
زيد....خير ان شاء الله يا حبيبي طيب والشغل عامل ايه.
منذر...اهو الشغل ده حكايته حكايه والله يا زيد كل حاجه بقت فوق دماغي مش ملاحق لدرجه ان الشيطان مش مبطل زن وعايز اصفي كل حاجه
زيد...تصفي ايه بلاش هبل تضيع تعبك انت و أبوك في لحظه كده وبعدين هتصفي وتعمل ايه هتقعد من غير شغل ولا هتبدأ من الاول ولا هتحط الفلوس في البنك وتعيش علي الارباح
منذر....عقلي مشوش خالص والله يا زيد
زيد...ده طبيعي عشان اللي حصل بس انت قدها يا صاحبي و انا كمان معاك انا واخواتي وقت ما تحتاج حاجه احنا معاك.
منذر...عارف والله يا زيد انا بس حاليا محتاج حد يكون بدالي في الشركه لاني مش ملاحق علي الشركه والمصنع.
زيد...سيب دي عليا هنشوف حد ثقه و هنظبط الدنيا.
منذر...ماشي ياعم المهم الوقت خلينا في موضوعك انت بلاش نضيع فرحتي بيك❣️
زيد...اهو ده الكلام حط كله وراء ضهرك هتروق وتحلي والله يا صاحبي 😉😍
منذر...اللهم امين❣️
............
عند مريم وداده زينب.
زينب....يلا يا حبيبتي كلي عشان خاطري.
مريم...بتعب مش قادره خلاص كلي انتي يلا انتي كده هتتعبي وسكرك هينزل اكتر
زينب....انا كويسه يا حبيبتي والله قوليلي حاسه بأيه.
مريم...مش حاسه بجسمي نفسي في مسكن عشان يخفق الوجع اللي حاسه بيه ده.
زينب....مريم اللي احنا فيه ده مش حل اديله يا بنتي الورق و أشرطي عليه يطلقك وبعد كده نمشي وربنا كريم مش هينسانا.
مريم....مستحيل يا داده🥺 انتي فاكره ان لو الورق وصل لأيد عزيز هيسبني كده بسهوله انا كده كده ميته
زينب...لا والنبي ما تقولي كده عمري ما هسمح لأي حد يمس منك شعرايه
مريم...صدقيني يا داده لو عزيز وصل للورق مش هيسبني عايشه واللي بيحصل فيا الوقت اهون كتير لو قولتله الورق فين🥺
زينب....يبقي تهربي يا مريم مفيش حل غير كده.
مريم...اهرب ازاي اديكي شايفه هما بيفتحوا الباب يحطوا الاكل ويقفلوا ده حتي الحمام بيفضلوا سايبنا طول اليوم ومش بنخرج غير مره واحده وبالعافيه
و سايبين هنا جردل كأننا مساجين🥺💔
زينب....عشان كده بقولك اهربي بصي مفيش حل غير الشباك اللي فوق ده.
مريم...وهي بتبص للشباك مستحيل يا داده ده بعيد اوي هوصله ازاي ولو وصلتله ده صغير مش هنعرف نخرج منه.
زينب...بدموع انتي هتعرفي وانا هساعدك🥺
مريم....تقصدي ايه انا لايمكن اخرج من غيرك🥺🥺💔
زينب...مريم أسمعيني ده الحل الوحيد يا بنتي لو أنتي خرجتي من هنا هتقدري تلحقيني لكن لو فضلنا هنا هنموت السكر بينزل من جسمي كل شويه وانتي تعبانه.
مريم....مش هخرج واسيبك عزيز لو عرف اني هربت مش هيرحمك
زينب...هيعرف ازاي اسمعيني هما مش بيدخلوا علي طول يادوب بيحطوا الاكل وندخل الحمام ومش بيسألوا علينا غير تاني يوم في نفس الوقت وعزيز مش بيجي هنا كتير سايبنا ليهم
بصي احنا نعدي انهارده ونستني بكره اول ما يدخلوا يحطوا الاكل ويدخلونا الحمام ويقفلوا بعدها تخرجي جري هيبقي معانا وقت طويل تتحركي فيه وتنقذيني انتي قدها وانا واثقه فيكي محدش هيخرجني من هنا غيرك.
مريم...بدموع مش هقدر اسيبك🥺💔
زينب...يامريم اجمدي شويه وفكري صح يا حبيبتي انا معاكي وعارفه انك هتقدري ومش هتتخلي عني
مريم....طيب نهرب سوا🥺
زينب...ازاي بس الشباك عالي مش هقدر عليه وبعيدن اديكي شايفه الفاتحه عامله زي فتحت الشفاط مش هتخرجني انا جسمي مليان عنك يا حبيبتي بس انتي هتعرفي.
مريم....حتي لو وافقت هوصل ازاي للشباك ده مفيش حاجه في الاوضه اقف عليها.
زينب...بدموع هتقفي علي ضهري يا مريم🥺💔
مريم...مش هتقدري💔🥺
زينب....بابتسامه من بين دموعها لا هقدر انتي مستقليه بيا ولا ايه ضهري ده ياما شالك وانتي صغيره وجه الوقت اللي يشيلك وانتي كبيره وبعدين انتي خفيفه يا مريم هتطلعي بسرعه ولازم نشيل بعض انا هشيلك وانتي هتنقذيني صح يا مريم🥺
حضنتها مريم وفضلوا الأتنين يعيطوا🥺💔
...............
في صباح يوم جديد
صحي الكل بكل نشاط كان يوم اجازه
والمفروض انهم بليل هيتجمعوا مع بعض.
روح....فرح فين زيد الفطار خلاص بيجهز انا روحت صحيته شوفيه كده نام تاني.
فرح...حاضر يا مامي هطلعله بصت لصبا بأبتسامه صباح الخير يا عروسه😉😂😂
صبا...😡😡شششش ايه فضيحه اسكتي😡
فرح...مكسوفه من ايه حد يطول يبقي احلي عروسه😂😂😂🙈
صبا...امشي يا بت من هنا امشي😡🔪
طلعت فرح جري علي فوق تشوف زيد خبطت ولما مسمعتش صوت فتحت
فرح...يانهار زي الفل انت لسه نايم دي روح هتطلع تتجنن عليك.
زيد....عايزه ايه امشي من هنا بدل ما اقوم اضربك انا جاي متأخر من عند منذر مش قادر روحي قوليلها لما يصحي يبقي يفطر😡
فرح....هي قالتلي متزليش غير بيه يلا قوم بلاش كسل انت ناسي ان عندنا عزومه.
زيد...ايه هقوم انا اعمل الاكل امشي يا بت من هنا😡😡
فرح....بضحك طيب مش تقوم تصبح علي عروستك اللي كل شويه تبص علي السلم عشان تلمح طلتك 😉😉
زيد...بضحك يابت هضربك والله 😂
فرح...مش ماشيه 😒
زيد...مش هتمشي يعني.
فرح...اه🙄
زيد...هزعلك🤨
فرح....متقدرش 😁
زيد...طب تعالي سحبها زيد علي السرير وفضل يزغزغ فيها وهي تضحك🙈
فرح....خلاص حرمت والله والنبي كفايه بغيرررر يا زيد😂😂
زيد...هتتلمي وتسبيني في حالي ولا لا🤨
فرح...خلاص مش هعمل حاجه تاني
زيد...قولي اسفه🤨
فرح...اسفه خلاص😂😂😂
سابها زيد وقعد جمبها.
فرح...ياساتر عليك ده علي كده جلال اطيب منك بغرقه بالمايه ولا بينطق🙄
زيد...لا يا شيخه بأماره ما بشوفه بيجري وراكي زي الثور الهايج😒
فرح...😂😂😂 هو بس🙄
زيد...😂😂😂 يابت هضربك يلا قومي من علي سريري خلاص انا قومت
فرح...لا مش قايمه سريرك حلو اوي🙄
زيد....انتي يابت جبتي الرخامه دي منين😒
فرح....من جلال وجنه وامير😂😂
زيد...بهتوا عليكي يعني😒
فرح...حاجه زي كده المهم
زيد...خير🤨
فرح...انا طالعه مخصوص عشان اقولك مبروك ❣️
زيد...بابتسامه الله يبارك فيكي يا فروحه مع انك يعني امبارح فصلتي متنحه 😒
فرح...بضحك صراحه مكنتش فاهمه اوي بس جلال وامير فتنوا علي اللي حصل معاك انت وبابي🙄
زيد..قولتيلي جلال وامير هاا😒🔪
فرح...لا ما احنا اللي فضلنا نرخم عليهم بصراحه وعايزه اقولك يا زيد يمكن كنت مصدومه من اللي بسمعه بس لما عرفت كل حاجه افتكرت كلام ليا🥺
زيد...كلام ايه؟
فرح....يعني لما اتكلمت معايا بخصوص امير يوم ما كلمتني كنت مستغربه غضبك لان انت في العادي عمرك ما قسيت علي حد فينا كان كل همك وقتها ان بلاش اكون سبب في وجع قلبي واني احب من طرف واحد وفهمتك الوقت يا زيد.
زيد....فرح انتوا اهم حاجه عندي في الدنيا ومحبش ابداً ان حد فيكم يمر باللي انا مريت بيه ولو قسيت عليكي فا ده عشان بحبك.
فرح...عارفه يا حبيبي ومن قبل ما اعرف اصلا حكايتك انا كنت عارفه انك خايف عليا.
زيد....بس خليني اقولك سر كده علي الماشي ويفضل بينا اتفقنا🤨
فرح..بأبتسامه اتفقنا.
زيد...انا شايف ان امير بيحبك و أتعلق بيكي اللي كان هيجنني وقتها اني كنت بشوف امير بيتعامل معاكي عادي بس الوقت الوضع مختلف الواد وقع ومش معني كلامي ده انك تدلقي عليه🤨
فرح...بحب بجد يا زيد🙄
زيد...اه يا اختي بجد مالك يابت عينك بتطلع قلوب ليه🤨
فرح...بضحك الله مش انت اللي بتقول كلام حلو😂😂
زيد...بضحك حبيبه قلبي انا واثق فيكي و واثق في امير بس انا يهمني يكون امير بيحبك اكتر بكتير ما انتي بتحبيه
فرح...اكيد يا زيد وانا عارفه قصدك❣️
زيد....ربنا يفرح قلبنا بيكم❣️
فرح...حضنته ويخليك ليا يا احلي واحن اخ في الدنيا.
زيد....يلا يابت هغسل وشي واجي بدل ما روح تطلع تعلقنا🤨
فرح...يالهوي روح اخلص بسرعه لا تقول طلعت أرغي و أعطلك🏃🏃🏃
زيد...😂اه يا بيت مجانين🙈
..........
نزل زيد بعد وقت بسيط وراح وقف في المطبخ وعلي غير العاده كان فاكك خالص بيضحك
زيد....ايه ياروح صحوا زيد صحوا زيد والفطار اصلا لسه مجهزش🤨
بص لصبا وغمزلها😉
ابتسمت صبا وبعدت عينها عنه بسرعه.
روح...ايه مالك صاحي فايق عليا ليه وبعدين لازم حضراتكم تنزلوا والاكل علي السفره😡
زيد....امال نعمل ايه🙄
روح...تعالي ساعد معانا😒
زيد....كل الشعب اللي واقف معاكي في المطبخ ده مش مكفي😒
روح...امشي يا زيد امشي خلاص جايين اهو😒
زيد...بسرعه بقي ماشي😉
روح...بضحك الواد ده ايه اللي جراله علي الصبح😂🙈
دقايق بسيطه وقعد الكل مع بعض
الوقت كان بيجري بسرعه
البنات بتجهز
تقي....خلود ايه رأيك في الفستان ده ولا ده احلي.
خلود...الاتنين حلوين اوي بس انا بحب اللون ده اكتر هيبقي عليكي حلو.
تقي...طيب قوليلي هتلبسي ايه انتي كمان.
خلود...مش عارفه انا اصلا بصراحه محروجه اوي اول مره اروح بيتهم وحاسه اني عايزه ارجع في كلامي🙈
تقي...هو انتي اول مره تشوفيهم.
خلود...لا بس المرتين اللي شوفتهم كان في احتفال والدنيا زحمه محدش مركز مع حد
تقي...طيب وايه يعني وبعدين هنبقي موجودين كلنا ومستر مراد قاللي ان ملك واختها كمان رايحين
خلود...بضحك يابت بطلي مستر مراد اللي بتقوليها دي الراجل هيطفش منك يا مصيبه😂😂😂
تقي...😂😂😂🙈اعمل ايه مش راضيه تيجي معايا خالص حاسه لو قولتله مراد كده من غير لقب صعبه.
خلود...ولا صعبه ولا حاجه بس انتي كده هتحسسيه انك شايفه فرق السن اللي بينكم
تقي...بضحك لا هو يا حبيبي اتعود خلاص😂😂😂🙈
خلود...لا بجد.حاولي تناديه باسمه انتي هتبقي مراته يا هبله تخيلي كده تتجوزوا وتصحي من النوم وتقوليله صباح الخير يا مستر مراد😂😂😂🙈
تقي...بت انتي هتفوقي عليا😂😂 خلاص هحاول.
خلود...لازم تحاولي علي الاقل انهارده انتي متخيله في وسط القاعده كده بعد ما الكل عرف انكم ارتبطوا وتقوليله مستر مراد😂😂😂
تقي....بس بقي هعيط والله شكلي انا اللي مش هروح😂😂😂🙈
خلود...طب خلاص خلاص😂😂 قوليلي بقي البس الفستان ده.
تقي...اوباااا حلو اوي🙈 مشوفتهوش قبل كده.
خلود...ده جبته وانا راجعه من الاستوديو عديت جبت شويه حجات عشان التصوير.
تقي...بقينا نخرج لوحدنا وصيعتي علي
الاخر😉😉
خلود...والله ولا صعت ولا حاجه بس اتعودت خلاص وبيني وبينك الخروج لوحدي الفتره دي خلاني حفظت الشوارع وبقيت اعرف حجات كتير.
تقي...مع الوقت يا قلبي هتبقي عامله زي البوصله متقلقيش😂😂😂
خلود...طيب يلا بلاش رغي خلينا نخلص بقولك صحيح انا حبت شيكولاته امبارح وانا جايه شوفتيها
تقي...اه شكلها تحفه وشيك اوي😍
خلود....ماشي😍
اه صحيح نسيت اقولك
تقي...قولي.
خلود...عرفتي ان يوسف لقي مشتري للبيت والمحل 🙄
تقي...احلفي😳
خلود...اه والله واتفق معاه علي كل حاجه ويومين كده وهنخلص يكون الراجل حضر فلوسه.
تقي...طيب الحمد لله ده خبر حلو اوي😍
خلود...الحمد لله يا قلبي😍 يلا نلبس بقي.
تقي...يلا❣️
................
عدي الوقت بسرعه ووصل البنات قصر الطوبجي بعت مراد لتقي وخلود عربيه
وبعت ياسين لملك وميار عربيه جابوهم لحد القصر.
سلموا علي الكل ورحب بيهم الجميع اطمنوا علي راجح وصحته وخدتهم روح علي طول علي الغداء .
وصل منذر وهما قاعدين.
منذر..انا اسسسسف علي التأخير راحت عليا نومه خليكم مكانكم نسلم بعدين.
روح...بضحك لو مكنتش جيت كنت موتك🤨
زيد...قعد يلا حماتك بتحبك😉
ضحك منذر وزق زيد جلال من جمبه وقعد منذر
زيد...قوم شوفلك كرسي
جلال....ياجدعان انا نفسي حد يحترمني قبل ما اموت😒
منذر...بضحك يعني ينفع افضل واقف وانت قاعد تاكل😒😒
جلال....مش خدت الكرسي سمعوني سكاتكم بقي😒 عيشه ابه دي ياربي بس.
روح...اقعد برطم بالكلام كده😒
جلال...وسعي خديني جمبك بلاش البصه دي 😒
راجح...معلش يا بنات مترباش نعمل ايه
ضحكوا كلهم علي راجح وكملوا اكل.
ياسين....ايه القمر ده😉
ملك....انت كمان شكلك حلو اوي😍
ياسين....طيب مفيش حاجه كده ولا كده😉
ملك...بضحك احترم نفسك وبطل تتكلم هيبصوا علينا🙈
ياسين...ما يبصوا بعاكس القمر😉
جلال....بتتوشوشوا علي ايه هااا🙄
ملك...بصوت واطي اه يا جلال الكلب
ياسين....ما تبص في طبقك وخليك في حالك 😒
روح...بضحك بصت لخلود ها يا خلود اخبار البرنامج بتاعك ايه.
خلود...بإحراج وصوت هادي كله تمام الحمد لله خلاص اول حلقه هتبقي يوم الاثنين وخايفه اوي.
روح....ليه بس بلاش تخافي عشان تقدري تقدمي كل اللي عندك.
خلود....انا مليش في جو البرامج والميديا والحجات دي ومش عارفه ازاي هقدر اقدم برنامج اصلا
راجح....بعد اول حلقه هتتعودي وبعدين لو عندك حلم لازم تحاربي لحد ما توصلي متخليش خوفك يلغي تفكيرك
جلال...اسمعي كلام الخبره كلها🙄
منذر...بضحك والله با عمي انا لو مكانك اقومه من علي الكرسي ده كمان😂
راجح...هو حر هياخد طبقه ويخرج ياكل في الجنينه😒
جلال...بضحك بيوقعونا في بعض يا باشا ده انا بمجد في كلامك😂
امير...بصوت واطي لفرح علي فكره شكلك زي القمر وانتي رافعه شعرك كده
حست فرح بإرتباك وبصتله وهي مبتسمه ووشها احمر🙈
امير...بابتسامه وشك احمر كده ليه انا بقول اللي شايفه 😉وبعدين خليكي طبيعيه كده احسن حد باخد باله اني بعاكسك ولا حاجه.
فرح بصتله وهي بتضحك امير انت شارب ايه انهارده.
امير...نسكافيه واتنين قهوه😉
فرح...😂🙈ودول عملوا معاك الدماغ دي
امير...وانا قولت ايه غلط بس هو حرام اقول عن رأيي في القمر اللي جمبي.
فرح...بإحراج امير بجد مالك🙈😂
امير...اقولك مالي وتفضلي هاديه كده ومتخليش حد ياخد باله🤨🙄
فرح...مش فاهمه تقصد ايه🙄
امير...قربي شويه.
فرح...بس يا مجنون.
امير...هقولك كلمه والله.
فرح..بإرتباك لا مش عايزه اسكت🙈
امير...طب بلاش قطعتي برزقك بس بقولك ايه انا جاتلي فكره حلوه
فرح...فكره ايه🙄
امير..استني بس اصل اللحظه دي مينفعش تعدي كده لازم تبقي ذكري نفتكرها😉
فرح....ذكري ايه انا مش فاهمه.
امير...الوقت تفهمي قرب امير الطبق بتاعه وحط فيه رز
وفضل يلعب في الطبق بالمعلقه
لحد ما كتب بالرز ( بحبك)
فرح كانت بتتكلم معاهم ومش واخده بالها مسكت كوبايه المايه تشرب
امير...فرح.
بصتله فرح وهي بتشرب
شاورلها امير بعينه غلي الطبق وغمزلها😉
اول ما شافت فرح الكلمه بخت في وشه المايه واتنطرت من علي الكرسي وهي شرقانه وبتكح.
امير...لا إلا إلا اللللله😂😂😂😂
لمح مراد الكلمه وفضل يضحك🙈
روح..في ايه مالك
زهره...بسم الله الرحمن الرحيم اخبطها علي ضهرها يا قاسم.
زيد.....فرح مالك🤨
فرح...وهي بتاخد نفسها لا مفيش بس شرقت.
امير...ينفع كده حمتيني يا شيخه😂
مراد...انت ابن كلب واطي🙈
امير...بضحك وانا عملت ايه بس انا باكل في امان الله حمتني متبقيش تقعدي جمبي تاني😒🙄
زيد...بضحك بعد ما لمح الكلمه هو كمان قام راح لفرح انتي كويسه😂🙈
فرح...اه الحمد لله كويسه كلوا يا جماعه انا زي الفل🙈
مسك زيد شوكه وبص لامير وبوظ الكلمه وقرب من ودنه حلوه اللوحه دي😒😒😒😒🔪😡
امير...والمصحف هعترف بكل حاجه😳
زيد...مش وقتك هااا😒🔪
امير...بضحك يا ختااااي انا اللي غلطان
مراد...بشماته مش عامل فيها حبيب اشرب بقي يا دكر 😂
امير...انت مش هتسيبني صح😂
مراد...ولا اعرفك😂
خلصوا اكل وخرجوا كلهم بره في الجنينه يبدأوا سهرتهم ويعرفوا راجح عايزهم في ايه.
.................
اما عند مريم وزينب دخل الجارد زي كل يوم حطولهم الاكل ودخلوا زينب الحمام عشان متقدرش تستحمل بسبب السكر وبعدها قفلوا عليهم وسابوهم.
راحت زينب تسمع صوتهم🙄
ورجعت لمريم.
زينب....شغلوا التلفزيون وقاعدين يلا يا مريم مفيش وقت.
مريم...بتعب هتقدري يا داده.
زينب...ايوه هقدر يلا بقي ومن غير صوت ماشي.
مريم...ربنا يستر يارب🥺 قربت منها مريم وحضنتها اوي
مش هسيبك لحظه اول ما ابقي في امان واوصل لنادر هنبلغ فوراً
زينب...ماشي يا حبيبتي خلي بالك من نفسك يا مريم ومن الطريق.
مريم...ربنا يستر متخافيش
زينب...اجري يا مريم ولو حسيتي بالتعب اوعي توقفي كل ما تتعبي افتكري كل لحظه صعبه عدت عليكي متستسلميش ابدا واتاكدي ان بهد التعب راحه كبيره يا مريم متخافيش انتي قويه وانا واثقه فيكي.
مريم...بحب هقدر يا داده متخافيش🥺
زينب...يلا بسرعه انا هوطي وانتي بسرعه اقفي علي ضهري وهحاول ارفع نفسي معاكي براحه
مريم....حقك عليا🥺💔
زينب....يلا يا مريم يلا وطت زينب وخدت وضع الركوع سندت مريم علي الحيطه ورفعت رجلها وحاولت تقف علي ضهر زينب كان الوضع صعب مع تعب الاتنين مره واتنين والتالته قدرت مريم تقف مكانتش طايله اوي
شاورتلها زينب بهدوء علي كتفها حركت مريم رجلها ناحيه كتف زينب وبدأت زينب ترفع ضهرها بتعب كبير قدرت مريم تطول الشباك وتتعلق فيه وتخف الحمل عن ضهر زينب واول ما اتعلقت حط زينب كفوفها تحت رجل مريم تدفعها بيهم لفوق.
حاولت مريم تدخل جسمها بمرونه لحد ما قدرت تخرج وتسحب نفسها بره وفجأه وقعت علي الارض
كتمت وجعها وقامت بسرعه تبص حواليها وجريت بهدوء نطت من فوق السور وفي لحظه بقت في الشارع
بقت بتجري وهي مبتسمه ودموعها نازله نفسها تصرخ من فرحتها جريت كتير لحد ما بعدت شويه بس حست بالتعب بدري لان هي اصلا كانت تعبانه بس ملام زينب كان بيقويها اكتر المكان شبه مقطوع مفيش ولا عربيه عدت لحد الوقت
مقدرتش توقف جري ضربات قلبها ونفسها كانوا مرعبين نسيت تعبها وجسمها اللي مكسر من الضرب
وكل اللي هاممها تنقذ نفسها وتنقذ زينب من جحيم عزيز اللي خلاص اتفتح عليهم
و كملت الجري في طريق مفيش فيه روح ولا نور بين كل عمود نور والتاني مسافه كبيره كل شويه تمسح دموعها عشان الرؤيه توضح قدامها وترجع تقف وتسند بأيدها علي الارض تاخد نفسها وتقوم من تاني تجري🥺💔
..............
في قصر الطوبجي..
خرج زيد من جوه اول ما أمير لمحه جري عليه
امير...والمصحف كنت هقولك.
زيد...وحيات امك😡
امير...🙄من الاخر كده اه بحبها وعايز اتجوزها كمان.
زيد..عارف يا اخويا😒
امير....هو انا مفصوح اوي كده.
زيد..اه وفضيحتك بقت بجلاحل ولسه بعد اللي هعمله فيك عايز تموتها يا صايع في حد يعترف لحد بحبه كده.
امير...طب اعمل ايه فكره وجات في بالي معرفش انها هتتكل بدري😂🙈 المهم انت مش زعلان صح.
زيد...علي حسب😡
امير....والله العظيم بحبها وبخاف عليها زيك واكتر فرح اختي
زيد...نعم يا رووح امك😡😡
امير....لا مش كده اقصد يعني اني بخاف عليها😂😂🙈
زيد...بأبتسامه و ناوي علي ايه🤨
امير....هخطبها من عمي ونتفق علي كل حاجه.
زيد..ماشي يا امير 🤨 هنشوف
امير...ماخلاص بقي قولت بحبها 😒
زيد..ايه مش عاجبك كمان🤨
امير...انا نطقت بس يعني انا عايز الحواز يتأجل شويه عشان كده مرضتش افاتح حد بص يا زيد كلام جد بقي اولا الفتره الجايه واضح ان في افراح كتير والكل هيبقي مشغول ثانياً انا عايز اعمل كل حاجه لفرح بنفسي من غير مساعده اي حد انت عارف اني لسه ببدأ المشوار.
زيد....بحب ياض اللي تحتاجه شاور عليه وانا معاك.
امير...بأبتسامه ترضهالي يا زيد و ترضاها لفرح
زيد...اكيد لا بس احنا واحد يالا🤨
امير...في اي حاجه إلا الحاجه اللي تخصني انا وهي.
زيد...بأبتسامه لا جدع ياض عجبتني
امير...يعني هتقف معايا🙄
زيد...ومع ابوك😉 بس تحطها في عينك وبلاش تنطيط هااا عيني عليكم ديماً
امير...ياعم لا تنطيط ولا نيله انا مرزوع قدامك في الشغل والبيت اطمن فرح في عيني❣️
زيد...طب تعالي في حضني بقي❣️
حضنه امير بحب
زيد...مبروك مقدماً
امير...الله يبارك فيك يا صاحبي.
زيد...عجبتني انا لقطه اللوحه دي😉
لا صايع زي ابوك😂😂
امير....ياجدع عيب عليك متصغرناش هو اي حد يعترف بالحب يبقي حبيب😂😂😂😂
زيد...طب غور ياض من قدامي يلا😂
امير...يلا نروحلهم ونشوف ابوك اللي علي رأي مراد عامل فيها خاطبه😂
زيد...احترم نفسك يالا😒
قعدوا كلهم مع بعض
وبصلهم راجح بأبتسامه جميله.
راجح...طبعاً اكيد اغلبكم عنده فضول يعرف سبب يعرف سبب العزومه دي وفي الحقيقه انا راجل اعرف الاصول والواجب وكان المفروض القاعده دي تتعمل في مكانكم وفي بيتكم بس انتوا طبعا عارفين الظروف اللي كنت بمر بيها والدكاتره مانعين عني الخروج الفتره دي وبصراحه انا مش قادر استني وانتوا زي ولادي اكيد هتعذروني ولا ايه.
ملك...طبعاً يا مستر راجح.❣️
تقي....اكيد حضرتك ارتاح واحنا نيجي لحد عندك.❣️
راجح....طيب طبعا عشان ندخل في الموضوع علي طول ومنلفش وندور
هبتدي بالكبير مراد طالب ايدك يا تقي علي سنه الله ورسوله❣️
بصتلهم تقي بصدمه😳
ضحكوا كلهم عليها ومسكتها خلود من ايدها بحب❣️
مراد...بضحك طيب مهدها واحده واحده ينفع تخطبها في وشها كده😂
سالم....وشها احمر 😂😂😂
تقي...بضحك وارتباك انا اتخضيت🙈
روح....المفجأه الحلوه مفيش احلي منها يا تقي ومراد عرفنا كلنا برغبته في الجواز منك وطبعاً زي ما راجح قال هو مستعجل بس اعتبري القاعده دي قاعده موافقه مبدايه وان شاء الله هنروح نطلبك من والدتك وكل حاجه تتم علي حسب الاصول.
تقي....ااا انا مش عارفه اقول ايه لحضرتك.
روح...مبدأياً كده قوليلي روح من غير حضرتك
مراد...والنبي اسكتي يا روح مش لما تقولي مراد الاول دي بتقولي مستر مراد😒😒
ضحكوا كلهم علي مراد وتقي 😂
تقي....خلاص هقولك روح بس موعدكش اقولك حاجه غير مستر مراد🙈🙈🙈
راجح....طب ايه قولتي ايه.
تقي...بفرحه موافقه ❣️ بس يعني بخصوص موضوع اهلي يعني يمكن مستر مراد..
قاطعها مراد بجديه تقي اي حاجه تتحط علي جنب إلا الأصول ومهما كان في خلاف الاصول بتقول اني اطلبك من اهلك انتي مش اقل من اي بنت.
الجمله كانت صادقه و تبين قد ايه مراد حابب ياخد خطوه صح لكن وجعت خلود اوي من غير ما يقصد بسرعه اتجمعت في عينها الدموع وبصت في الارض وهي سرحانه وبتكلم نفسها.
كنتي فاكره ان ممكن حلمك يتحقق يا خلود الاحلام مفيش احسن منها لكن وقت الجد لازم الراجل يلاقي الاهل اللي يحط ايده في ايدهم وانتي ملكيش حد وعمرك ما هتبقي زي اي بنت🥺💔
راجح.....مراد بيتكلم صح يا تقي وعموما مراد حكالي كل ظروفك واحنا مش عايزين غيرك لمراد انتي هتبقي في وسطنا هنبقي اهلك وانتي بنتي انا وروح والكل هنا اخواتك.
تقي...بفرحه اكيد مفيش كلام بعد كلام حضرتك ❣️🙈
راجح...طيب ادي اول واحد خلصنا منه.
بص ياسين لملك وغمزلها دورنا هااا😉
ضحك علبه الكل وبصت ملك في الارض كان نفسها الارض تتشق وتبلعها🙈
راجح...بضحك مستعجل ده علي طول ودمه حامي وعشان نختصر عليه الوقت اللي مستعجل ده انا طالب ايدك لياسين يا ملك ويسعدني يا بنتي انك تشرفين وتنوري عيلتنا انتي وتقي قولتي ايه يا بنتي
ملك....مش عارفه اقول ايه طيب بعد الكلام الحلو ده🥺🙈 انا اللي هتشرف بوجودي معاكم
ياسين...قولي موافقه🤨
ملك...بضحك موافقه🙈😍
جلال....تحت تأثير السلاح 😂😂
حضنتها ميار بفرحه والكل باركلهم.
راجح...صحيح نسيت اقولكم احنا عندنا عروسه وعريس من قبلكم هنفرح بيهم قريب زيد وصبا ❣️
باركتلهم ملك وتقي بفرحه.
داوود.....وانا عريس من قبلكم ولسه عريس انا وليلي🤨
مراد...انت يا باشا هتفضل عريس انت ولولا القمر وربنا يارب يكتر افراحنا المهم المعاد أمته بقي يا راجح ريقي نشف يا راجل.
راجح....هقول كل حاجه بس انا لسه مخلصتش كلامي لسه عايز اطلب ايد اهم عروسه خلود.
رفعت خلود وشها ليه بصدمه🥺
وغصب عنها بصت علي يوسف
رفع يوسف عينه بعيد كأنه مش فاهم حاجه🙄
راجح.....خلود يا بنتي طبعاً انا اعرفك من وقت بسيط اوي بس انا راجل كبير لف وشاف الدنيا دي كلها واقدر اقيم البني ادم انا شوفتك مرتين ودي. التالته بس انتي جميله وقلبك طيب ومعدنك نضيف والواد اللي قاعد قدامك ده شاور علي يوسف واول ما بصتله غمزلها😉
قالي انه عايز يطلب ايدك ويتجوزك قولتي ايه؟
خانتها دموعها للاسف ومبقتش عارفه ترد حضنتها تقي من كتفها وهمست جمب ودنها.
تقي....بطلي عياط وقولي موافقه الحلم بيتحقق يا خلود وانا اللي كسبت🥺❣️
قامت روح وقعدت جمبها ومسكت ايدها.
روح....هكون مبسوطه لو وافقتي وبقيتي بنت جديده من بناتي❣️
خلود....بحزن وابتسامه ونبره وجع
انا مش عارفه اقول ايه الكلام راح بس انا مليش حد حضرتك تحط ايدك في ايده اكيد حضرتك هارف ظروفي كلها واناااا🥺
مراد...بوجع حس بكلامه 🙈💔
خلود انا اسف بحد لو كنت قولت كلام لتقي ووجعك من غير ما اقصد صدقيني والله والله ما قصدت انتي عارفه غلاوتك عندي واحنا اهلك
خلود....لا والله حضرتك مقولتش حاجه غلط دي حقيقه 🥺
راجح...اسمعيني يا خلود نصيحه لوجه الله يا بنتي محدش فينا بيختار اهله ولا حياته ده طريق وبمزاجنا غصب عننا هنمشي فيه انا راجل يا خلود بدأت حياتي وانا مجرد عامل بسيط بس عامل كان ليه طموح وحلم فضلت وراه لحد ما حققته وانا بقدر وبحترم جدا الشخص اللي عنده طموح واحلام ومبدائ الشخص اللي مفيش وقعه تهزه وتخليه مكانه اوعي تفتكري يا خلود ان اللي حصل معاكي ده نهايه الدنيا لان لو نهايه الدنيا مكانش زمانك قاعده وسطنا الوقت بالعكس انا شايف واحده عندها طموح واحلام شايف واحده ميأستش كملت واتولدت من جديد واحده كلها طاقه وحيويه وماشاء الله بدأت الحلم وقريب مفيش بيت في مصر مش هيبقي عارفك انا عايزك ليوسف يا خلود وكلي شرف انك تكوني زوجه لابني اعتبريني ابوكي وروح امك مراد وداوود خيلانك اعمامك الشباب كلهم اخواتك لو ربنا خد منك اخت فاهو عوضك بغيرها لو ربنا خد الاهل فا كلنا اهلك ونسبك يشرفني يا بنتي.
كلام بسيط طبطب بيه راجح علي قلب خلود لكن ادمع عيون الكل ❣️
خلود...بدموع وانا موافقه❣️🥺
خدتها روح في حضنها وتقي والبنات كلهم والفرحه كانت مش سايعه الكل
راجح....طيب خلينا بقي نتكلم في الجد الجواز هيتم بس اكيد مش كله مع بعض هنبدأ بالكبير مراد❣️ من بكره تبدأ تجهز الجناح بتاعك
ياسين...علي فكره كلنا ينفع نجهز عادي مع بعض🙄
راجح...شوف الواد مستعجل ازاي🤨
بالدور خلي افراحنا تبقي كتير
عموما خليني افرح بأخويا الاول و افرح بزيد ابني ❣️ وعموماً ابداوا كلكم اجهزوا عشان الكل هيبقي وراء بعضه لان خلود بعد جواز تقي مش هبقي مطمن عليها تفضل لوحدها
ملك....هو انا ممكن اقول حاجه
راجح...اكيد
ملك...طبعا انا عارفه ان حضرتك حابب ان ولاد حضرتك ميبعدوش عنك ودي حاجه جميله جدا بس انا مش هقدر اجي واسيب اختي هي ملهاش غيري
راجح....من غير ما تقولي يا ملك ميار اختك زي فرح وجنه ميار هتيجي معاكي هنا ماقلقيش انا عامل حساب كل حاجه.
ميار...بإحراج طيب اسمحواي معلش اقول كلمه طبعا شكرا لحضرتك بجد وحضرتك حد جميل جدا وشكرا لملك اللي طول عمرها شايله همي بس لازم تعرفي يا ملك اني مبقتش صغيره اما حابه افضل لوحدي وكمان صعب اوي اسيب بيتنا واجي هنا فا اعذروني مش هقدر.
ملك...وانا مستحيل اسيبك يا ميار واغيب عنك انا لما بتنزلي تجيبي حاجه مش بطمن غير لما بتبقي قدامي
راجح...بقولك ايه يا ملك الكلام ده سابق لوقته وسيبي ميار عليا صح يا ميار😉
ابتسمت ميار بإحراج ان شاء الله خير
روح...محدش فيكم هيسيب التاني كلنا من اللحظه دي بقينا عيله واحده.
راجح...وحاجه تانيه مهمه عايز اقولها لعرايسنا كل حقوقكم هتاخدوها زي ما قال الكتاب المهر هديه مني ليكم اما الشبكه والمؤخر والكلام ده بتاع عرسانكم مليش دعوه بيه.
مراد...بحب طول عمرك مفيش احن منك يا حبيبي.
جلال...وعشان بقي الاخبار الحلوه دي انا جايبلكم تورتايه عشان نحتفل كلنا
روح....بضحك اول مره تعمل حاجه خلوه.
جلال...متصدقوش والله كل مره اعمل حاجه حلوه يقولول اول مره تعمل حاجه عدله محدش هنا حاسس بقيمتي😏😏 تعالي معايا با زفت شيل التورته.
امير...بضحك وانا مالي انا😂😂
دخل امير وجلال يجيبوا التورته مع بعض وخرجوا واتجمع الكل بحب مع بعض السعاده اللي كانت في عيونهم كانت كبيره اوي❣️
لمس زيد ايد صبا ومسك ايدها بحب.
بصتله صبا بإحراج ومسكت ايده.
زيد....بحبك اوي❣️
صبا...وانا بحبك😚
حط منذر ايده علي كتف زيد
منذر...براحه علينا يا عم احنا لسه سناجل بردوا😉
ضحكت صبا وأتحرجت🙈
زيد...اعوذ بالله يا عم انا ما صدقت اخواتي اتلهوا وبطلوا رخامه تقوم تنط انت كده.
سالم...احنا في ضهرك علي فكره هااا😉
نادر....فاكرنا مش واخدين بالنا.
زيد...نهااار اسود لا بقول ايه انت ا لازم يتفك أسركم قريب كده عينكم هتبوظ حياتنا
نادر...ايدي علي كتفك جوزي وانا اشيل عيني😂😂
سالم...وانا كمان🤨🤨
منذر....بضحك هي جات عليا خايف علي نفسك جوزنا😎
فضلوا يضحكوا والشباب استلموا زيد وصبا🙈
وصبا هتموت من الاحراج و زيد مش راضي يسيب ايدها😂❣️
في الوقت ده وصلت اخيراً مريم بعد معاناه وجري كتير قدرت توصل لشارع في عربيات ووقفلها واحد ومراته لما شافوا حالتها وصلوها
طلبت منهم مريم ينزلوها قبل مكان القصر بشويه كانت خايفه لما عزيز يعرف ويدور عليها يوصل بأي كاميرا لرقم العربيه ويعرف هي نزلت فين
كملت مريم جري بكل قوتها وهي مش قادره خلاص مجهودها بيروح فاقده اتزانها كل ثانيه تسند علي الارض دموعها مش بتقف واول ما لمحت القصر خدت نفسها 🥺💔
فضلت تقرب وتجري وبدأت تنادي.
اما في الداخل.
نادر.....خد حته التورته بتاعتي وجوزني
زيد...ياض اعقل جرالك ايه.😂
سالم...احنا مش هنسيبك انهارده غير لما تحوزنا😂😂
منذر....حاسس سالم هيتحول وبدات اخاف منه المتحرش ده😂😂
زيد....يعملها ما هو واطي😂😂😂
مريم.....ناااااااااااادر
نادر...بضحك ولا ياسالم شكلنا بقي وحش اوي ياسين ويوسف هيتجوزوا واحنا لا😂😂😂
مريم...نااااااااادر
منذر...بضحك عاملين زي عوانس الفرح😂😂😂
زيد...انحرك يا اخويا انت وهو واحنا نجوزكم قبلنا.
نادر...بضحك لا عيب انت الكبير بردوا😂😂😂😂😂وفجأه قطع نادر ضحكه وبص بتركيز
زيد...بضحك الواد ماله قطع مايه ونور ليه😂😂
نادر....سمعتوا حاجه؟
سالم....اكيد صوتك الداخلي بيقولك اتجوز😂😂😂
منذر ..ايوه صح هو صوتك الداخلي😂
مريم...ناااااااااادر💔🥺
بصوا الشباب كلهم لبعض
نادر....مريممممم💔🥺
زيد...اقفل الصوت ده يا جلال.
روح..في ايه ياولاد ايه الصوت ده.
راجح....مين دي في ايه😳
وقفت مريم علي البوابه اخيراً ومسكت بأيدها القضبان نااااااااادر💔🥺
جري نادر هو والشباب وراه.
نادر.... للجارد افتحوا البوااااااابه.
فتحوا بسرعه واول ما فتحوا وشافوا مريم اتصدم نادر من شكلها.
مريم.....الحقيني يا نادر انا بموت🥺💔 وفجأه وقعت مريم بين ايده
نادر...مرررررررريم💔
وللحديث بقيه..
- يتبع الفصل التالي اضغط على (رواية احفاد الطوبجي) اسم الرواية