رواية احفاد الطوبجي(1) الفصل السادس و الخمسون 56 - بقلم اميرة اسامه
البارت السادس والخمسين..
.................
وصل منذر وزيد علي المطار
وقفت كاريمان تودع منذر.
كاريمان...يلا يا حبيبي تعالي بقي اسلم عليك عشان ادخل.
منذر...هتوحشيني خدي بالك من نفسك
كاريمان...وانت كمان يا حبيبي زيد مش هوصيك علي منذر.
زيد...طبعاً مش محتاج توصيه يا كاريمان هانم وصيه انتي عليا.
كاريمان....لا ده منذر بيحبك متقلقش
منذر...اول ما توصلي تفتحي الخط اللي جبتهولك وتكلميني.
كاريمان...ماشي يا حبيبي يلا اشوفكم علي خير.
منذر.....مع السلامه يا حبيبتي❣️
كاريمان...سلام يا زيد ❣️
زيد...مع السلامه🙏🏻
دخلت كاريمان وفضل منذر واقف شويه لحد ما اطمن عليها.
زيد...ايه يا عم هتبات هنا.
منذر...ياعم لا هبات ولا نيله يلا بينا
زيد.....بقولك ايه ما تيجي نروح نطمن علي چورچ.
منذر....تعالي انا مليش مزاج اروح والعوامه وحشتني.
زيد...طيب يلا بينا.
بعد وقت مش طويل اوي وصلوا علي العوامه.
چورچ....واحشني اوي يا ولاد بقالكم كتير مجيتوش هنا مع بعض.
منذر...حقك علينا يا چورچ عارفين اننا مقصرين بس مواعيدنا مش راضيه تظبط مع بعض خصوصاً من بعد موت حسام كل حاجه بقت فوق راسي.
چورچ...الله يرحمه انا عاذركم يا حبايبي والله وبعدين محدش فيكم مقصر ولا حاجه انتوا علي طول بتسألوا.
زيد....بس الدكتور مطمني عليك يا عم چورچ وبيقولي أنك هتبقي عريس😉
چورچ...بضحك طب قول ارجع كويس عريس مره واحده.
منذر...وليه لا هو زيد احسن منك ولا ايه أشمعنب هو بقولك ايه يا جورچ تيجي نحسده.
زيد...اعوذ بالله ياعم اسكت انا ناقص😂😂
چورچ....لا حرام سيبه ده انا مصدقت فرحت بحد فيكم😂
زيد...بقول ايه ياعم چورچ انا مش عايز اعذار وهتيجي كتب الكتاب انا بقولك من الوقت اهو هبعتلك السواق يجيبك ويرجعك.
چورچ...وانا عندي اغلي منك هجيلك يا زيد.
زيد....ان شاء الله بقول ايه يا چورچ بقي عشان الموضوع ده عاملي قلق في راسي انا عايز اجيب المحامي ونرجعلك العوامه بأسمك من تاني انت بقيت زي الفل اهو.
چورچ....اسمع يا زيد يا ابني انا عارف انكم عايزين ترجعوا العوامه بأي طريقه
بس حتي لو بقيت احسن شويه من الاول انا مليش حد غيركم اورثه العوامه دي ولو موت العوامه هتروح للحكومه وانا عايزها تفضل موجوده يعني سواء انا تعبان ولا بقيت كويس مش هرجعها بأسمي تاني وريحني بقي واقفل علي الموضوع ده خالص.
زيد...بقله حيله وانا اللي بقول عليك طيب ياچورچ طلعت راسك انشف مننا.
چورچ....اديك عرفت يا سيدي أقفل بقي الموضوع ده خالص.
زيد...ماشي ياسيدي ما تقوم يا عم منذر تجيبلنا قهوه.
منذر....ماشي
...........
في صباح يوم جديد صحي سالم بنشاط وسعاده عشان المفروض انهم هيروحوا يطلبوا ايد شمس.
دخل زيد عليه الاوضه وبص من الباب.
زيد.....انا قولت اجي ارخم عليك وأصحيك بس مكنتش اعرف انك صاحي طبعاً ان مكنتش وصحي من بدري في يوم زي ده مين هيصحي مبروك يا عريس.
سالم...بضحك الله يبارك فيك يا عم بس ايه رأيك في النشاط ده كله.
زيد...بضحك روح لو عرفت انك صاحي من نفسك هتيجي تطبق في زماره رقبتك ده انت وجلال بتطلعوا روحها يا عيني.
سالم...بضحك طب تعالي أدخل.
زيد....لا انا هنزل الجنينه اشرب سيجاره احد ما الفطار يجهز.
سالم...ادخل بس عايزك.
زيد....ماشي ياعم دخل زيد وقفل وراه وراح قعد علي سريره ايه خير
سالم...بص بقي انا من امبارح بفكر في الحوار ومش لاقي حل
زيد...ولع السيجار بتاعه وبصله اه ده كده الموضوع كبير حوار ايه؟
سالم....انا لحد الوقت مش عارف مين هيجي معانا واحنا بنطلب شمس وطبعاً انت عارف شمس تقريباً لوحدها ملهاش غير بنت خالة مامتها وصفيه جارتها وشايف يعني ان لو كذا حد راح معانا هتبقي رخمه اوي ومش عايزها تضايق
وبصراحه مقدرش اقولهم مين يجي ومين ميجيش مش عايز حد يزعل خصوصاً انهم كلهم فرحانين وتقريباً مصدقوا يخلصوا مني وعايزين يشوفوا شمس وانا مش عارف اعمل ايه.
زيد....هو ده الحوار 😒 خلاص يا عم سيبها عليا انا هتصرف.
سالم...هتعمل ايه.
زيد...ياجدع قولتلك سيبها عليا واحنا بنفطر هقولهم بس انت عايز مين معاك
سالم....عادي والله مش هتفرق انا لو عليا عايزهم كلهم بس صعب اوي والاهم ان انت اول واحد عايزه مع راجح وروح لان شمس عرفاك
زيد....تمام بص ابوك وروح وانا وممكن مراد بما انها شافته بردوا لما كانت تعبانه.
سالم....ايوه بس كده مفيش غير روح بس هي اللي ست ناخد فيروز اختك ايه رايك.
زيد...بلاش فيروز عشان متتعبش خليها مرتاحه خد فرح اختك لانها مش هتبطل زن وفي نفس الوقت فرح عشريه ومتكلمه شمس هتحبها وهتفك لما تلاقي حد صغير معاها.
سالم...طيب حلو اوي انت بقي تتولي المسؤوليه دي وتقولهم كلهم.
زيد...متقلقش سيبها عليا انا دي
سالم....تمام طيب يلا ننزل نفطر عشان شويه وهخرج قبل ما نروحلها اجيب حجات كده.
زيد....بغمزه ورد وشيكولاته وحوارات العرسان دي عارفها😉
سالم...بضحك اتعلم يالا من اخوك الكبير😎😎😎
زيد....بضحك ماشي يا كبير يلا بينا.
............
زيد بلغ الجميع علي الفطار والكل تقبل الموضوع بصدر رحب وسالم قالهم ان بعد ما يطلبوها هيبقي يجيبها يوم تتعرف عليهم كلهم
سالم خرج بعد ما فطر راح يجيب ورد وشيكولاته وجابلها خاتم شيك عشان يلبسهولها بعد قراءه الفاتحه.
..............
في المساء
سالم كان بيلقي النظره الاخيره علي شكله قبل ما يخرج كان لابس بنطلون لونه كافيه فاتح وعليه قميص ابيض زرايره الاولي مفتوحه كان شكله حلو اوي واللي كان مخليه احلي ابتسامته اللي مفارقتش وشه.
دخل عليه جلال وامير ويوسف
جلال كان ماسك بوكس هدايا من الكرتون بيطبل عليه وهما داخلين وراه بيرقصوا.
جلال....حلال عليك ست الحلوين عرفت يا عريسنا تنقي رشوا الملح يا ناس مالعين ورقصوني انا من حقي.
وقف سالم وسطهم يرقص 🙈😂
دخل مراد وراهم.
مراد....والله انت بتهرج يا سالم امك وابوك واقفين تحت مستنيك وانت بترقص هنا 😡
وفجأه.
مراد.....وادلع يا عريس يا ابو لاسه نايلون😂😂🙈
فضلوا يضحكوا ويرقصوا مع بعض
دخل عليهم زيد وهو باصصلهم بغضب.
زيد....والله يا مراد انك اعيل منهم ياجدع قولتلك نادي عليه وقفل الفرح اللي هما عاملينه تطلع ترقص معاه.
مراد...بضحك معلش اندمجت شويه😂😂😂
زيد...بضحك طب يلا يا اخويا اخلص 😂😂😂
نزل سالم مع زيد والشباب الكل باركله وبعدين خرجوا راحوا علي شمس.
زيد...بابتسامه بص لفرح في المرايه
طبعاً انتي مبسوطه.
فرح...طبعاً حاسه اني كوين في نفسي ياعيني كلهم مش طايقني عشان جيت معاكم وهما لا😂😂
زيد...طيب ادعيلي بقي عشان انا اللي قولت فرح تيجي سالم كان عايز فيروز😜😜
فرح...ايه ده بجد🤨
سالم...تصدق انك مش جدع 😒 بت يا فرح متصدقهوش انا كنت عايزكم كلكم والله بس قولت فيروز يعني علي اساس انها كبيره ومتزعلش يعني.
فرح....عموماً مش موضوعنا الوقت نبقي نتحاسب بعدين🤨🤨 ونطت من الكنبه باسته في خده مبرووووك ياسولي😍
سالم...بضحك يابنت المجانين الروچ طبع🙆♀️🙆♀️
زيد....😂😂احسن ادخل علي شمس بالروچ خليها تنفخك وتلبسك الورد.
سالم...البتاع ده مش بيتشتل ليه منك لله يافرح الكلب🙈
فرح...بضحك معلش كنت متحمسه شويه😂😂😂 استني هديلك وايبس
طلعت فرح من شنطتها وايبس وادتهوله.
فضل سالم يمسح في الروچ لحد ما أتشال
سالم....كده تمام عارفه لو قربتي مني تاني هحدفك بره العربيه🤨
فرح...بضحك واهون عليك يا سولي😂😂🙈
سالم....😒😒لا يا اختي متهونيش.
..............
في شقه شمس
كان موجود معاها قريبه نامتها وبناتها الاتنين وصفيه جارتها.
لبست شمس فستان ازرق تحت الركبه بحاجه بسيطه واخد شكل الجسم وبكم هادي جداً مفيهوش اي دوشه بس شيك اوي.
خرج بره الاوضه تشوفهم كان باين عليها التوتر.
صفيه...الله اكبر زي القمر يا شمس.
امال....ربنا يتمملك بخير يا شمس زي القمر يا حبيبتي.
سالي....ايه رأيكم في المكب اب بتاعي
صفيه....قمر تسلم ايدك هادي ورقيق
سالي...مالك يا عروسه ساكته ليه.
شمس....مش عارفه بس حاسه اني متوتره اوي.
صفيه....هي اي عروسه بتبقي كده متخافيش هتعدي وهيبقي احلي يوم في عمرك
شمس...يارب يا طنط صفيه المهم شكلي كده تمام ولا في حاجه اظبطها.
صفيه...لا كده حلو اوي.
شمس...طيب وشعري انا بقول ارفعه احسن.
امال...ماله شعرك بس ماهو حلو اهو والله.
شمس....طيب تمام🥺
سالي...بضحك شمس روشتي انا و وساره جوه ومن الصبح وهي متوتره.
امال....الله مش عروسه ويلا بلاش رغي انتي وهي ادخلوا ظبطوا الدنيا جوه في المطبخ حضروا الفناجين وكوبايات المايه والعصير.
سالي....ماشي ياستي يلا يا ساره.
فضلت شمس راحه جايه وتدخل اوضتها وتدخل المطبخ التوتر كان باين عليها اوي.
نص ساعه بالظبط وجرس الباب رن اول ما شمس سمعت الجرس قليها وقع في رجلها وجريت بسرعه علي أوضتها.
فتحت أمال وصفيه كانت واقفه جمبها كان في المقدمه سالم.
سالم...بابتسامه مساء الخير.
امال....مساء النور نورت اتفضل.
صفيه...ازيك يا استاذ سالم دي ست امال قريبه شمس وده العريس يا ست امال.
سالم...اهلا بحضرتك
امال...بأبتسامه اهلا وسهلا الف مبروك اتفضل.
وقف سالم علي جنب وبدأ يعرفهم بأهله رحبوا بيهم ودخلوا قعدوا.
امال....اهلاً وسهلاً نورتوا الدنيا.
روح...شكراً ليكي ده نوركم.
راجح...البيت منور بأهله.
سالم...معلش اتأخرنا شويه عن معادنا بس انهارده في ماتش والدنيا زحمه جداً
صفيه....ده لسه لما يخلص كمان كويس انكم عرفتوا تيجوا
سالم...بأبتسامه ست صفيه دي بقي ياروح تبقي جارة شمس بس ست طيبه جداً وتقريباً هي اللي ديماً واخده بالها من شمس.
صفيه....الله يسعدك يا ابني ده من ذوقك
روح....واضح انها ست طيبه الجواب بيبان من عنوانه
صفيه...كلك ذوقك يا هانم في الحقيقه شمس ملهاش غير ست امال قريبة والدتها وغيري وبنعتبرها أمانه من بعد وفاه والدتها ست امال كمان مش بتسيبها والله بس المشكله انها ساكنه بعيد اوي عننا.
امال....فعلاً المسافه بينا كبيره بس حاجه صفيه الله يبارك في عمرها واخده بالها منها
روح....ربنا يخليكم ليها و تفضلوا سندها في الدنيا
مراد....أمال فين عروستنا؟
امال....ثواني وهجيبهالكم حالاً
دخلت امال اوضه شمس كانت واقفه معاها البنتين جوه سالي وساره.
امال....يلا يا شمس بيسألوا عنك بره.
شمس....انا حاسه اني هيغم عليا
امال...تعالي بس يلا متخافيش انا معاكي
مسكت أيدها وخرجت بيها.
امال...بابتسامه عروستنا الحلوه جات اهي.
ابتسمت شمس بتوتر رهيب
شمس....مساء الخير.
مراد...اهلاً بالعروسه.
قربت شمس تسلم عليهم علي قد فرحتها وابتسامتها لكن توترها كان طاغي عليها وكان جواها حاجه مكسوره مضيعه فرحتها
روح...بابتسامه تعالي ياشمس.
سالم...بأبتسامه دي روح ياشمس امي
شمس....اهلا بحضرتك
خدتها روح في حضنها بهدوء وسلمت عليها.
سالم....ده راجح باشا ابويا.
شمس....بأحترام اهلاً بحضرتك
راجح...اهلا بيكي يا عروسه مش كنت تقول يا سالم ان عروستنا قمر كده.
ابتسمت شمس بأحراج.
سالم...ودي بقي فرح المجنونه الصغيره اختي واخر العنقود❣️
فرح...بابتسامه قربت من شمس وحضنتها ازيك يا شمس.
شمس....بأبتسامه الحمد لله.
سالم....وطبعاً مراد وزيد شوفتيهم قبل كده.
سلمت شمس عليهم.
مراد....بضحك وطبعاً ده العريس 😂
ابتسمت شمس وسلمت علي سالم بإحراج وبعدين الكل قعد.
خرجت امال بالعصاير وقدمتها وقعدت معاهم.
راجح....ندخل بقي في الموضوع علي طول ولا ايه.
صفيه...طبعاً اتفضل.
راجح....اكيد يا شمس انتي عارفه احنا موجودين هنا ليه؟
شمس...بصوت ضعيف ايوه.
راجح...واحنا جايين انهارده عشان نطلب ايدك لسالم قولتي ايه.
امال...قبل اي حاجه المفروض جوزي وابو بناتي يكون معانا انهارده بس هو بيعتذر لان هو شغله كله سفر وحالياً هو مش موجود في القاهره فا انا بعتذر بالنيابه عنه.
راجح....لا خالص واحد يا هانم وبعدين اكيد هنتشرف بيه الايام الجايه .
امال...الشرف لينا يا أفندم.
مراد...قولتي ايه يا عروستنا؟
شمس...بإحراج كبير كانت خلاص هتعيط موافقه🥺🙈
راجح ...علي بركه الله الف مبروك.
زغرطت امال وبناتها بفرحه كلهم ضحكوا بسعاده.
راجح...طيب احنا مبدأياً كده هنقرأ الفاتحه وهنتفق الاول علي كل حاجه
انا راجل يمكن ابان متفتح شويه بس في الحقيقه انا دقه قديمه شويه ومليش في جو الخطوبه وبفضل ان تلبيس الشبكه يبقي مع كتب الكتاب علي طول.
صفيه...عداك العيب
راجح....عشان كده كنت عايز اعرض عليكي يا شمس اننا نكتب الكتاب في اسرع وقت
بصتله شمس بتوتر وللحظه حست ان السرعه دي وراها معرفتهم باللي حصل وشعورها ده وصل لراجح من نظرتها عشان كده اتكلم علي طول.
راجح....المفروض ان بعد اسبوعين من الوقت منتظرين اكتر من فرحه في عيلتنا يعني انتي وسالم مش اول فرحتنا اخواته ومراد اخويا هيتجوزوا وهيتكتب كتابهم بأمر الله وانا كنت عايز الفرحه تبقي الف فرحه فالو معندكيش اعتراض يبقي يتكتب كتابكم معاهم في القصر عندنا قولتي ايه؟
شمس...بأرتباك كتب كتاب اااا انا
مش عارفه
راجح...فكري علي مهلك لو حاسه انك مش جاهزه الوقت عادي اختاري المعاد اللي انتي حباه ولو حابه ان كتب كتابكم يكون يوم لوحدكم بردوا حقك
شمس....لا مش كده بس انا متفجأه مش اكتر🥺
امال....خير البر عاجله وانا شايفه يا شمس ان ده أفضل علي الأقل قلبنا يطمن عليكي يا بنتي من القاعده لوحدك دي.
روح....هو كتب الكتاب هيتم وبعدها سالم يجهز المكان وبعدين نحدد الفرح هيبقي قدامك وقت لو حابه تجهزي فيه اي حاجه تخصك.
راجح...بالظبط يا شمس مبدأياً كده في حاجه احب انك تعرفيها انا ولادي عشره سايب كل واحد براحته اللي حابب يطلع وياخد مراته بره يتفضل بس انا بحب او بفضل اننا كلنا نعيش مع بعض في القصر كل واحد مقفول عليه الجناح بتاعه شعور العيله ده شعور ميتقدرش بتمن عشان كده انا محبش انهم يبعدوا عني.
الولاد هيبقوا اخواتك وسندك والبنات هيبقوا بردوا اخواتك وسرك الحمد لله ربنا رزقني بولاد كلهم بيحبوا بعض وبيخافوا علي بعض محدش فيهم ممكن يضايقك ابداً حتي البنات اللي اختاروهم يكملوا معاهم حياتهم ميتخيروش عنك انا هكون زي والدك وروح مش هتلاقي احن منها في الدنيا وانا واثق انك هتحبيها من قلبك مراد وداوود اخويا الصغير ممكن تعتبريهم اعمامك بس انا عارف مع الوقت هتعتبريهم اخواتك الكبار انا واثق انك هتحبيهم كلهم بس كلامي ده مش معناه انك توافقي علي طلبي و لو عندك اعتراض في العيشه معانا من بكره انتي وسالم تشاورا علي المكان اللي يعجبكم
قولتي ايه؟
شمس....لا خالص انا معنديش اي اعتراض وموافقه اعيش معاكم🙈
راجح...بسعاده طيب الحمد لله وبردوا انا عند وعدي لو حسيتي انك مش حابه تكملي في نفس المكان تقدري تخرجي منه اي وقت.
صفيه....هي هتلاقي زيكم فين بس ماشاء الله استاذ سالم ابن حلال ومحترم واكيد ميتخيرش عنكم.
سالم...تسلمي يا ست صفيه❣️
مراد...بضحك تخرج تروح فين هي لو جربت تعيش معانا يوم مش هتقدر علي بعدنا ده انتي مستنيكي شويه مجانين في البيت هيموتوا ويتعرفوا عليكي.
فرح...بابتسامه اه وكلهم مش طايقني عشان انا اللي.حيت معاهم😂
ضحكت شمس علي فرح اللي كانت عفويه وتدخل القلب.
روح...طيب كده انتي وافثتي علي المكان بالنسبه لكتب الكتاب.
سالم...بضحك خلاص يا روح هتوافق طبعاً مفيش تأجيل😉
بصتله شمس بابتسامه وصدمه
مراد....شوف مستعجل ازاي🤨
امال....طبعاً مش عريس😂
شمس...بأبتسامه موافقه❣️🙈
السعاده كانت هتنط من عين سالم بعد موافقتها باركوا كلهم لبعض
راجح....طيب طلباتك ايه يا ست البنات وطلباتك يا ست امال
امال...بإحراج والله ما عارفه اقول ايه
راجح...تقولي كل اللي انتي عيزاه انتي زي امها واي ام في الدنيا بيكون ليها طلبات
شمس...بابتسامه بسيطه وحزن باين في عينها بعد اذنك يا طنط امال طبعاً بصت لراجح. انا مليش اي طلبات خالص كل اللي عيزاه اني اعيش في سلام وبس وسط عيله
راجح.....وانتي زي بناتي يا شمس لو علي العيشه فا انا بوعدك انك معانا هتكوني سعيده وراضيه بس لو علي الأصول فا بما اني زي ابوكي وانتي زي فرح وفيروز بناتي فا كل حقوقك هتاخديها هتختاري احسن شبكه تشاوري عليها هتنزلي مع سالم تختاري كل حاجه لتجهيز الجناح بتاعكم علي ذوقك هديه مني ليكي مهر مليون جنيه زي ما عملت مع البنات اللي اخواته اختاروهم كل حقوقك هتاخديها قولتي ايه.
امال بصتلها بسعاده هي وصفيه والبنات ابتسمت شمس وهزت راسها
شمس....انا مش محتاجه اي حاجه صدقني كفايه بس اني اكون معاكم ووو
قاطعها راجح....ده حقك يا شمس يا بنتي سمعونا بقي زغروطه
زغرطوا البنات وامال وبعدين قرأوا الفاتحه.
طلع سالم خاتم شيك جداً من جيبه و لبسهولها قدامهم
سالم...بابتسامه مبروك يا شمس.
شمس....بسعاده الله يبارك فيك.
حضنتها روح بحب الكل كان مبسوط جداً حضن زيد سالم وباركله.
راجح....طيب بأمر الله يوم الجمعه الجايه بما انه يوم احازتنا من الشغل فا انا يشرفني انكم تزورونا عشان شمس تتعرف علي باقي العيله قبل كتب الكتاب.
امال....ان شاء الله.
صفيه...باذن الله الشرف لينا.
كملوا قعدتهم مع بعض شويه وبعدين استأذنوا ومشيوا.
جبل كبير من الهموم نزل من علي قلب سالم والفرحه مكانتش سيعاه
حتي شمس يمكن محستش ان فرحتها كامله زي باقي البنات وفرحتها كانت مكسوره بسبب الغلطه اللي ارتكبتها في حق نفسها لكن مقدرتش تنكر ان قلبها شايل جزء كبير من السعاده❣️
..........
بعد ما وصل سالم واخواتوا احتفلوا بيه تاني علي طريقتهم
طلع علي اوضته وكلمها.
سالم.....الوو
شمس....بابتسامه وإحراج ايوه.
سالم....القمر عامل ايه😉
شمس...الحمد لله تمام هو انت روحت.
سالم...اه وصلنا من شويه بس المجانين اخواتي كانوا بيحتفلوا بيا بطريقتهم مصدقت هربت منهم وطلعت فوق عشان اكلمك المهم مبسوطه يا شمس.
شمس...الحمد لله يا سالم
سالم...بحب علي فكره شكلك كان زي القمر😉
ابتسمت شمس وسكتت.
سالم....انا مش بعاكس علي فكره بس دي حقيقه😉
قوليلي ايه رأيك بقي في الباشا وروح
شمس....طيبين اوي بباك فيه منك كتير علي فكره
سالم.....انا شبه ابويا🤨 بجد.
شمس ..اه والله فيه منك وفرح اختك جميله اوي حسيت انها طيبه وعلي طبيعتها.
سالم....بصي مش عشان هي اختي ولا هما اهلي بس بجد هما كلهم طيبين وانا واثق انك هتحبيهم اوي يا شمس.
شمس....انا حبتهم فعلاً يمكن زيد اخوك هو اللي اتعاملت معاه وبجد محترم وطيب اوي ولما شوفت فرح حسيت انها واخده منه فا اكيد كلهم طيبين ويتحبوا.
سالم....طب وانا فين 🤨
شمس...بضحك لا انت فوق البيعه انا اصلاً وافقت عليك عشانهم🙄
سالم...بضحك بقي كده 😂ماشي يا ستي شكراً بقولك ايه
شمس....نعم.
سالم....عايزك بقي تختاري كل حاجه الفاره الجايه تخص الجناح انا صراحه فاشل جداً في الحوار ده انتي اختاري وانا عليا التنفيذ انا اه مهندس بس الديكورات بتاعتكم دي مبتجيش معايا وانا حابب المكان اللي هتعيشي فيه يكون كله علي ذوقك اتفقنا
شمس...اتفقنا ان شاء الله
سالم...لما تيجي يوم الجمعه هفرجك علي الجناح وانتي عيشي بقي
شمس....ان شاء الله يا سالم❣️ وشكراً علي الخاتم والورد والشيكولاته.
سالم.....دي حاجه بسيطه يا شمس انتي تستاهلي اكتر من كده بكتير بحبك يا شمس وربنا يقدرني واقدر اسعدك.
شمس...بأبتسامه اتنهدت ان شاء الله يا سالم انا واثقه فيك❣️
كلمه بسيطه قالتها بعفويه لكن تأثيرها كان كيير علي سالم و وعدها بينه وبين نفسه انه يكون قد الثقه دي❣️
.................
مر كام يوم بسرعه وجه يوم العزومه
طلب راجح من ولاده انهم يعزموا البنات عشان يتعرفوا علي شمس هما كمان وشمس تتعرف عليهم
راح سالم لشمس عشان يجيبها كان معاه امين بعربيه تانيه
ركبت هي معاه هي وصفيه وامال وبناتها وجوزها راحوا مع امين.
اتعرفوا علي بعض كلهم قضوا وقت جميل جداً شمس حبتهم جداً في البدايه كانت مكسوفه ومش علي بعضها
لكن الروح بتاعتهم وخصوصاً جلال خلوها تاخد علي جوهم وتتأكد ان موافقتها في العيشه معاهم كان قرار صح.
ورغم صدمه الكل في الشبه اللي بينها وبين شهد لكن محاولوش يركزوا في النقطه دي وعدوها.
فرجتها روح والبنات علي الجناح بتاع سالم كان حاجه كده وهم لدرجه انها قالت هو مش محتاج تغيير لكن سالم صمم ان كل حاجه فيه تكون علي ذوقها.
التعارف مر علي خير الكل كان سعيد
وبدأ تجهيز حفله كتب الكتاب وبدأ العد التنازلي
في خلال الفتره اللي قبل كتب الكتاب مريم استلمت الفلوس اللي هي ورثتها اللي كانت بره الشغل الشمال سواء لوالدها او لعزيز واللي قدرتها الحكومه بحوالي 15 مليون جنيه.
قررت مريم انها تسيب القصر وتاخد مكان ليها هي وداده زينب وكفايه اوي لحد كده في البدايه راجح مكانش عايزها تمشي ونادر اكتر حاولت معاها روح والبنات عشان يقنعوها لكن هي صممت خصوصاً ان لسه مفيش بينها وبين نادر حاجه رسميه احترم راجح تفكيرها وقرارها و وافق وقررت مريم تأجر ڤيلا صغيره لان كده كده هي مش هتعيش فيها كتير بعد جوازها من نادر
واقترح عليها ياسين انها تأجر ڤيلا تبع الكمباوند بتاعهم كانت عباره عن ڤيلا دور واحد بجنينه معقوله فيها حوالي 3 غرف كانت شبه البيت اللي عاشت فيه مع نادر في تركيا وبمجرد ما شافتها حبتها اوي وقررت تاخدها وصممت بعد عذاب معاهم انها تدفع تمن إيجارها.
وقررت تستثمر المبلغ اللي معاها في مشروع تبدأ بيه حياتها ❣️
..................
مراد ويوسف كانوا اكتر اتنين بيسابقوا الوقت عشان خلاص بعد كتب كتابهم بكام يوم فرحهم قدروا يخلصوا المكان بتاعهم تقي وخلود كانوا زيهم بيسابقوا الوقت خصوصاً خلود اللي كانت مضغوطه جداً مابين شغلها وبين التجهيزات كانت بتحاول تصور حلقات كتير عشان لما تاخد أجازه الجواز متبقاش أهملت شغلها.
.............
صبا كانت في الفتره دي كلامها قليل جداً باين عليها التوتر كانت حزينه
زيد كان ملاحظ عليها كل التغييرات دي سألها اكتر من مره لكن كان ردها انها بخير ومفيش اي حاجه.
وقبل كتب الكتاب بيومين🔥🔥🔥
وصل زيد من الشغل هو واخواته طلعوا علي اوضهم ياخدوا شاور وينزلوا
بعد ما خلص خرج زيد من اوضته لما وصل مكانش شاف صبا كان حاسس انها وحشته وكان نفسه يعرف مالها هي بتقول مفيش بس هو حاسس بتغييرها.
راح زيد علي اوضتها وخبط علي الباب
مره والتانيه لما مفتحتش فتح الباب بهدوء
صبا كانت قاعده علي ركنه صغيره في اوضتها وشارده كأنها في عالم تاني
كانت ماسكه في ايدها برواز صغير ليها هي وأيمن💔🙈
كل ما الوقت كان بيمر وتحس صبا انها هتقول السر لزيد تحس انها خايفه وتضايق انها هتضطر تكشف سر أيمن اللي آمنها عليه.
لكن زيد مكانش يعرف كل اللي بتفكر فيه وبمجرد ما قرب منها ولمح في ايدها البرواز أتصدم وربط تغيرها الفتره دي بالبرواز اللي في أيدها.
اول ما قرب وشافته صبا قامت بسرعه بتوتر وسابت البرواز علي ضهره في الكنبه.
صبا....ااااا زيد انت دخلت ازاي خضتني🥺🙈
زيد....بملامح صدمه ووجع انا خبطت علي الباب يا صبا بس انتي مردتيش فا قلقت عليكي وفتحت بس واضح انك كنتي سرحانه💔
صبا....حست من نبرته انه أضايق واكيد شاف الصوره وفهم غلط لا خالص بس مسمعتش يا زيد ووو.
زيد....ماشي يا صبا عموماً انا قولت اجي اطمن عليكي لاني رجعت وملاقتكيش تحت ولما سألت عليكي روح قالتلي انك في أوضتك من بدري
صبا.....بأبتسامه بسيطه كلها توتر حمدلله علي سلامتك انا كنت هغير الوقت وانزل عشان نتعشي مع بعض.
زيد....تمام يا صبا يلا انا هنزل.
صبا.....ماشي هاجي وراك🥺
خرج زيد وقفل وراه وحس انه لو قعد اكتر من كده في القصر مش هيقدر يتحكم في اعصابه دخل علي الجناح بتاعه لبس في اقل من خمس دقايق وخد مفاتيحه وحاجته ونزل بسرعه.
روح....ايه ده انت خارج تاني ولا ايه يا زيد.
زيد....معلش يا حبيبتي بس چورچ كانت تعبان شويه هروح ابص عليه واحتمال اروح علي الڤيلا هبات هناك محتاج اخلص شويه شغل قبل كتب الكتاب انتي عارفه الايام الجايه هنبقي مشغولين ومراد ويوسف مش هيبقوا معانا.
روح....زيد انت كويس؟
ابتسم زيد بهدوء اه يا حبيبتي انا بخير.
روح....في حاجه حصلت بينك انت وصبا
زيد...لا خالص ليه بتقولي كده
روح...انت كنت جاي كويس والوقت شكلك ميطمنش.
زيد...خالص انا بس قلقان علي چورچ مش اكتر اطمني يلا همشي انا بقي عشان متأخرش سلام يا حبيبتي .
روح....سلام يا زيد.
خرج زيد بسرعه من القصر وراح علي الڤيلا بتاعته💔
نزل الكل من اوضهم عشان بتعشوا سوا
صبا كانت بتدور بعينها علي زيد
راجح...فين زيد.
روح...زيد خرج من شويه بيقول ان چورچ صاحب العوامه تعبان شويه وراح يطمن عليه واحتمال يقعد في الڤيلا اليومين دول.
راجح...ليه هو في حاجه ولا ايه.
روح...كانت عينها علي صبا وحست بتغييرها لا خالص بيقول محتاج يركز عشان يخلص شغل وراه قبل كتب الكتاب.
راجح....ربنا معاه يارب يلا ياولاد كلوا
بدأوا كلهم ياكلوا صبا كانت بتاكل قدامهم بس ملهاش نفس أضايقت من نفسها عشان هي واثقه انه شاف البرواز وعارفه انه مشي بسبب كده
بعد وقت بسيط قامت صبا
صبا...الحمد لله.
راجح....علي فين يا صبا انتي مكلتيش.
صبا....شبعت والله يا خالو الحمد لله تسلم ايدك يا روح
روح....بألف هنا يا صبا.
طلعت صبا علي اوضتها بسرعه واول ما دخلت اتصلت علي زيد.
سمع زيد وهو في الطريق موبايله بص فيه لقاها صبا قفل الصوت ومردش
اتصلت بيه كذا مره لكن بردوا مردش عليها كان حاسس انه مخنوق.
وصل زيد علي الڤيلا ركن عربيته ودخل.
بص في الموبايل لقاها متصله خمس مرات و بعتاله رساله.
فتح رسالتها.
صبا....زيد أنت كويس ليه مش بترد عليا ممكن ترد وتطمني.
قفل زيد الموبايل خالص وطلع علي اوضته
صبا....اول ما الموبايل أتقفل وشافت انه شاف رسالتها ومردش كانت هتتجنن وأتأكدت انه زعلان بجد حاول اكتر من مره تتصل وتبعت رساله لكن مستقبلهاش.
.............
في صباح يوم جديد قام زيد بدري حس انه مش قادر خالص يروح الشغل ولا ليه مزاج يتكلم مع اي حد.
اتصل علي ياسين.
ياسين...صباح الفل انت فين مجتش ليه الشغل.
زيد.....مش هقدر اجي يا زيد انا صاحي لحد الصبح بخلص في شغل ومقدرتش انام عموما انا بعتلك كام ايميل كده وشويه حجات تخص الشغل تقريباً خلصت كل حاجه يعني متقلقش.
ياسين....تمام يا زيد خلاص ريح انت انهارده وانا هشوف الدنيا كده فيها ايه.
زيد....تمام يا ياسين يلا سلام.
ياسين....سلام.
.........
قفل زيد وبص في موبايله لقاها متصله كتير وهو موبايله مقفول و باعته رساله تانيه.
صبا.....زيد ليه مش بترد انت شوفت رسالتي واكيد عارف اني قلقانه عليك من فضلك رد عليا زيد انا عارفه انك ولا روحت لچورچ ولا في شغل محتاج انك تروح الڤيلا عشانه انا عارفه انك مضايق بس اكيد انا عندي مبرر والمفروض تديني فرصه افهمك بس الاهم طمني عليك لو سمحت🙏🏻
أكتفي زيد بأنه يبعت رساله بسيطه من كلمتين وبعدها قفل موبايله تاني.
زيد....انا بخير..
فتحت صبا المسدچ واول ما شافتها حاولت تتصل تاني لكن كان قافل موبايله حست انها هتتجنن كانت عايزه تشوفه بأي طريقه وتتكلم معاه بس فكرت انه في الشركه متعرفش انه مراحش.
اما عند روح كانت بتحاول تكلمه موبايله كان مقفول بدأت تقلق
فا قررت تتصل بحد من اخواته عشان متقلقش راجح عليه.
نادر....ايه يا قلبي عامله ايه.
روح....بخير يا حبيبي بقولك ايه فين زيد بكلمه موبايله مقفول.
نادر....لا زيد مجاش يا روح كلم ياسين الصبح وقاله انه كان شغال لحد الصبح و ملحقش ينام ومش هيقدر يجي هو في الڤيلا بتاعته واكيد قفل الموبايل عشان يعرف ينام.
روح...طيب يا حبيبي المهم انه بخير يلا شوف اللي وراك.
نادر....ماشي يا حبيبتي يلا سلام.
قفلت روح معاه وقررت انها تروحله قبل ما الوقت يعدي ويرجعوا من الشغل.
.............
وصلت روح مع السواق ودخلت من باب الجنينه لمحته قاعد في الجنينه قدامه فنجان قهوه والطفايه مليانه سجاير.
اول ما شافها قام بسرعه بقلق.
زيد...روح انتي بتعملي ايه هنا في حاجه حصلت.
روح...في ايه ياواد هو انا مينفعش اجي اشوفك ولا ايه 🤨
زيد...بابتسامه لا مش كده بس اتخضيت فكرت في حاجه.
روح...علي أساس اني لازم تجيلك بمصيبه يعني.
زيد...ياحبيبتي انتي تيجي اي وقت
بصت روح علي السجاير وبعدين بصتله.
روح....كنت متأكده ان خروجك من الڤيلا كان وراه سبب وانت قولت لا مفيش حاولت اعمل نفسي مصدقاك بس قلبي ماريحنيش لحظه والوقت وبعد كل السجاير دي انا صدقت أحساسي و كدبتك يا زيد ومش همشي غير لما اعرف مالك.
زيد....بأبتسامه بلاش دور جو المخابرات ده معايا ياروح.
روح....والله مضايق منه يبقي تقولي مالك من غير مناهده.
زيد...طيب تعالي بس ندخل جوه وأعملك حاجه تشربيها
روح...انا مش جايه اتضايف انا عايزه اروح قبل ما يرجعوا
زيد...تعالي بس.
دخلوا جوه عملها زبد القهوه وراح قعد جمبها.
روح...قولي بقي فيك ايه؟
بصلها زيد من غير ولا كلمه مش عارف يقول ايه يقولها انه اضايق انه شاف صبا ماسكه صوره ايمن يقولها انه غصب عنه حس بالغيره من اخوه هيبقي من حقه اصلاً انه يضايق وهل هي هتتقبل ده ولا هتضايق في النهايه ايمن هو اللي ابنها🥺💔
روح...بأبتسامه حزينه يااااه كل ده كلام جواك عايز تقوله ومش قادر تطلعه.
عموما يا زيد انت مش عايزه اعرف السبب اللي ممكن يكون ضايقك بس انا جايه عشان حاجه اهم
زيد...خير يا روح؟
روح....من اول ما الايام بدأت تعدي وكتب كتابك من صبا يقرب وانا حاسه بتغيير منك انت وصبا.
زيد.....انا مش متغير يا روح يمكن صبا هي اللي متغيره لكن انا لا.
روح...بابتسامه بيتهيألك يا زيد انت مركز مع صبا لدرجه انك مخدتش بتلك من نفسك بس انا مركزه معاكم انتوا الاتنين. تغيير صبا تغيير طبيعي لاي ست او بنت داخله علي حياه وعلاقه جديده خصوصاً لما تكون العلاقه دي مع حد كانت تعرفه بس عمرها ما توقعت انها تتجوزه زيك كده يا زيد.
اما انت يا زيد فا تغييرك اكبر بكتير ويمكن انا الوحيده اللي حاسه بيك عشان انا مريت بكل حاجه انت مريت بيها ويمكن كمان يا زيد انا ظروف جوازي من ابوك كانت اصعب منك بكتير.
زيد...مش فاهم.
روح...بص يا زيد اولاً بالنسبالك انت وصبا سهل ان الست لما جوزها يموت او تنفصل عنه انها تجرب حظها مره تانيه وتتجوز خصوصاً لو زي صبا لسه حلوه وصغيره ولسه حياتها قدامها طويله. مش عيب ولا حرام ده حلال ربنا وياما حصلت ان الست تتجوز اخو جوزها لو توفي.
بس بتبقي صعبه اوي علي الراجل انه يتجوز مرات اخوه او يقربلها زي اي علاقه بين الزوج وزوجته وهي دي النقطه اللي مشتركه بيني وبينك يازيد
انا كمان الموضوع كان صعب عليا فوق ما تتخيل كنت مستصعبه اوي اني اتجوز راجح بعد حياه اختي الله يرحمها يمكن راجح كان بيمر بنفس الشعور بس هو وقتها كان محتاجني عشانكم و اظن انه يتجوز اخت مراته اسهل شويه من انه يتجوز مراته اخو فا عشان كده الموضوع بالنسباله كان اسهل منه ومنك يا زيد.
لما وافقت علي راجح اول فتره كنت بموت حرفياً لو بس سمع صوته مع ان هقولك سر محدش يعرفه غير راجح ويمكن عرفه مؤخراً لما تعب
روح....حب راجح لحياه خلاني غصب عني حبيته واتمنيت اني الاقي حد زيه وقتها كنت اعتبر مراهقه طول الوقت وانا مع نفسي زي اي بنت لما بتسرح في فارس احلامها مكنتش بسرح بخيالي غير معاه لحد ما أيقنت اني بحبه من قلبي بجد كنت بحاول ابعد طول الوقت عنه هو وحياه لاني مستحيل اكون انا البنت اللي تبوظ حياه اختها وعشت حياتي طبيعيه وانا بحاول اسيطر علي شعوري وعمر ما حاجه بانت عليا ابداً لحد ما ماتت حياه وحصل موضوع الجواز وقتها حسيت اني بكره نفسي وبكره راجح وفضلت فتره بعد ما كنت بحبه مابقتش قادره اتقبله في حياتي وشويه شويه انا وهو بقينا نقرب لحد ما رجعت تاني ورجع حبه في قلبي اللي هو كان موجود اساساً وحياتنا بقت طبيعيه والحب اللي عيشته مع راجح لايمكن حد يصدقه واللي بينا صعب اي حد يحس بيه❣️
يمكن يا زيد انت الوقت بالاحاسيس اللي بتمر بيها رجعتني سنين كتير اوي
بس لما بفتكرها ببتسم من قلبي لان بعد كل السنين دي اكتشفت ان عشت احلي ايام حياتي هتقدر تتأقلم بسرعه يازيد.صدقني الوجع اللي انت حاسس بيه وضميرك اللي بيأنبك طول الوقت من غير اي سبب من ناحيه أيمن هيختفي لان انا واثقه ان ايمن هيجيلك في حلمك في يوم من الايام ويقولك انه مبسوط و مطمن علي صبا معاك شعورك بتغيير صبا هيخف تدريجياً بمجرد ما يتقفل عليكم باب واحد يمكن تقابل حجات كتير بعد ما تكتب كتابك عليها وتبقي علي اسمك حاول تكون بتتصرف بعقلانيه وهدوء وتسيطر علي نفسك وتحترم الاحاسيس اللي هي بتحس بيها كلها لان زي ما قولتلك كل ده مش هيختفي غير لما يتقفل عليكم باب واحد وتعيشوا زي اي زوجين طبيعين انت طبعاً فاهمني وانت عارف ان انا بالنسبالكم شايله خالص من بينا الجزء اللي فيه إحراج ومن صغركم بتكلم معاكم بكل صراحه انت راجل كبير يا زيد واكيد فاهم ان المشاكل والتغييرات والمواقف الصعبه بين الراجل ومراته اغلبها بيدوبوا من بعد ما يحصل بينهم علاقه ويبقوا روحين في جسم واحد وكل اللي انتوا حاسين بيه ده هيختفي مع الوقت صدقني فاهمني يا زيد.
زيد...بابتسامه حزينه فاهمك يا روح طبعاً بس انا مش عارف ليه حاسس بحجات المفروض محسش بيها
روح...زي ايه يا زيد قولي يمكن افيدك انا مريت بمواقف متتعدش صدقني وقدرت اتخطاها صارحني مش يمكن اكون مريت بنفس اللي جواك واقدر افيدك.
زيد...بحزن روح انتي عمرك غيرتي او حسيتي بالغيره من حياه بعد ما اتجوزتي الباشا.🥺
ضحكت روح بهدوء وبصتله كتير يا زيد اوي لدرجه اني لما اتجوزت راجح وبدأت حياتنا تبقي طبيعيه زي اي زوجين في مره نزلت من اوضتي اشوفكم وانتوا بتلعبوا لقيته واقف قدام المكان اللي متعلقه عليه الصور وبينضف صوره حياه بالمنديل وكان بينضف باقي الصور بس انا وقفت عند صوره حياه وحسيت ان قلبها مسكت فيه النار بصوره لايمكن تصدقها وراجح حس بيا بس ما اتكلمش وقتها ودي كانت احلي حاجه في راجح لما بيحس ان في موقف ممكن يتحول لمشكله بيتخطاه بس عمره ما بينساه غير لما يتكلم فيه ويخلصه وطبعا زي اي ست غيرتها بتدمر الدنيا خدت جمب وطول الوقت كنت بعيط قدر راجح بطريقته يثبتلي اني جوه قلبه وقتها انا زعلت من نفسي قولت ايه الجنان ده اغير من اختي دي حياه دي كانت روحي بس صدقني يا زيد الغيره ملهاش كبير
عادي اغير من اختي حتي لو كانت ميته يمكن يبان الحوار جنان بس دي حقيقه ده شعور ربنا خلقنا بيه وغصب عننا وانت ممكن تغير من ايمن لازم تعرف يازيد انك هتواجه مواقف كتير انا شوفتها مع راجح زي موقف الصوره زي اني كنت اتجنن لما الاقيه سرحان وانا عارفه انه سرحان فيها زي انه يغلط في اسمي ويقولي حياه بدل روح ودي شوفتها كتير لحد ما هو نسي يقول اي حاجه غير اسمي لما كنا نروح مكان غصب عني يقولي المكان ده جيت في انا وحياه الاكله دي حياه كانت بتعملها حلو ويحكيلي ويتفاجئ انه قال كلام ممكن يضايقني ويسكت بعد كده عرفت ان العشره بتحكم علي البني ادم انه يكون ليه ذكريات صعب ينساها بسهوله وان العقل عايز وقت طويل يخزن فيه ذكريات اجمل وتاخد مكان الذكريات الاولي وعرفت اني لازم اكون أهدا وافكر بحكمه وبعد كده هو اصلا مبقاش يشوف غيرالذكريات اللي قدرت أعملها جوه عقله لدرجه انا اللي بقيت افكره بحجات بينه وبين حياه لما اتأكدت من حبه ليا.
باختصار كل ده ممكن تشوفه مع صبا يازيد ولازم تتصرف فيه بهدوء ولازم تعديه والغيره حق مشروع يا حبيبي حتي لو من اخوك وده مش معناه انك بتكرهه بالعكس بس دي طباع في الراجل فهمت يا حبيبي.
زيد...بأبتسامه سند ايده علي الكنبه وبصلها كنت عارف انك رومانسيه بس مكنتش اعرف انك معلمه ياروح😉
روح...ياواد أتلم😒 وبعدين هي مش رومانسيه قد ماهي خبرات في الحياه والحب عموماً يا زيد بيخليك تعمل المستحيل عشان توصل لقلب اللي بتحبه وتسيطر عليه يا اختي انا عارفه هفضل اعلم في العيال دي لحد امته ده ايه النيله دي🤨
زيد...بضحك ياستي خلاص انا غلطان وبعدين مش انتي اللي جيتي تتكلمي 🤨
روح....اه جيت يا سيدي ويلا عشان هاخدك معايا الوقت يلا قوم🤨
زيد...ماتسبيني انهارده كمان خليكي حلوه🤨
روح....يلا قوم اخلص بكره كتب كتابه وعامل فيها مضايق و عايز يقعد مع نفسه قال وانا بقول عليك واخد من راجح قال تيجي ايه انت في رومانسيه راجح ولا احتواءه للمواقف جيل ايه المهبب ده😒 اطلع هات حاجتك علي ما اشرب القهوه اللي بردت دي🤨
زيد....بصلها بطرف عيونه اهدي يارح😒🙄
روح...يلا اخلص مش فضيالك انا 😡
طلع زيد بسرعه وهو بيضحك
روح....زيد🙄
زيد...نعم ياروح .
روح....افهم من كده انك مشيت امبارح بسبب الغيره🤨
زيد....بصلها بتنهيده.
دخلت عليها بعد ما خبطت مرتين لقتها سرحانه وماسكه برواز في صورتهم وهما متجوزين انا مضايقتش ولا حتي غيرت من ايمن يا روح بس الموقف ضايقني.
روح...بأبتسامه لو مكانتش حست انها هتقدر تكمل معاك حياتها مكانتش وافقت يا زيد واتأكد ان صبا اكيد عندها تفسير خصوصاً ان هي كمان مكشره طول الوقت ومضايقه زيك اكيد عرفت انك اضايقت بسبب كده اديها حتي فرصه تصالحك مش مشيت وقاعدلي هنا لوحدك😒
زيد...بأبتسامه معاكي حق حالاً هكون جاهز😉
روح...ضحكت بحب بعد ما مشي ربنا يسعدكم يا حبيبي ويفرح قلبي بيك يا ابن قلبي❣️
وللحديث بقي....
حبايبي حقكم علي راسي الناس اللي علي واتباد
انا عارفه اني بقصر في حقكم كتير بس بجد انا علي بال ما انزل وارد علي رڤيوهات الناس
بنسي خالص الواتباد حقكم عليا ابقوا انتوا فكروني
انا بعتبركم اهلي واخواتي واكيد هتبسط لو حد فكرني معلش ربنا عالم بضغوط الحياه يا حبايب قلبي
يارب متكونوش زعلانين مني وتسلمولي علي كلامكم الحلو اللي بقرأه وبستناه والله العظيم.
- يتبع الفصل التالي اضغط على (رواية احفاد الطوبجي) اسم الرواية