رواية احفاد الطوبجي(1) الفصل السابع و الخمسون 57 - بقلم اميرة اسامه
البارت السابع والخمسين🔥
...............
وصلت روح وزيد علي القصر
أول ما صبا شافته داخل قلبها دق وفرحت لكن كانت زعلانه منه عشان مردش عليها غير بكلمه واحده وبعدها قفل الموبايل.
زيد...بأبتسامه مساء الخير.
زهره....العريس جه كنت واخد روح مننا ليه يا سي زيد.
روح....انا كنت بعمل مشوار وهو كلمني وجينا سوا.
زيد...اهي قالتلك يا أم عتريس🤨
زهره....😂😂😂والله يا زيد لما يكبر لا هقوله انك بتقول عليه عتريس.
زيد...لا خلاص خليكي محضر خير😉
فيروز عامله ايه
فيروز.....يخير يا حبيبي.
فرح...بضحك فيروز ناقص شويه وتلطم
زيد...ليه بس.
فرح....عشان شبه البطيخه في الفستان😂😂😂😂
فيروز...اتلمي يا جزمه😒
زيد....سيبك من المجنونه دي انتي زي القمر في كل حالاتك❣️
فيروز.... ربنا يخليك ليا يارافع من معنوياتي😍
زيد....عامله ايه يا صبا😉
صبا...بابتسامه بسيطه بخير.
روح.....ايه اخبار العشاء طبعاً انا مش موجوده محدش فيكم هيهتم🤨
زيد....اه ياروح ياريت تشوفي الاكل بسرعه انا واقع من الجوع ولسه ورايا مشوار.
فيروز....هو انتوا مش بتقعدوا ابداً كلكم علي طول طايرين من البيت كده😒
زيد....ما تخليكي في حالك يا رخمه🤨😒
فيروز....😂😂😂طب تصدق كنت راحه اساعدهم يستعجلوا الامل بس مش راحه.
زيد...بضحك لا خليكي جدعه قومي يلا.
ليلي....انا راحه مع روح يا زيد عشان خاطر عيونك.
زيد....والله انتي اللي فيهم😉
زهره....بقي كده🤨
زيد...اه لو عاجبك بقول ايه صحيح فين العيال دي محدش ظاهر ليه.
فرح....في اوضهم بيجهزوا عشان هياكلوا ويطيروا زي حضرتك🥴
زيد....ماشي يا رخمه قومي يلا انجزي مع روح يلااا😡
قاموا كلهم دخلوا.
زيد....صبااا.
وقفت صبا وبصتله.
قرب منها وبصلها وهو رافع حاجبه🤨
زيد...وحشتيني🤨
ابتسمت صبا بس حاولت تخفي ابتسامتها بسرعه شكراً
زيد...لا والله🤨 مشوفتش انا الضحكه دي يعني؟
صبا...انا علي فكره بقي يازيد انا مضايقه منك بجد🥺
زيد....بحب ليه بس ؟ انا مقدرش علي زعلك.
صبا....انت عارف ليه يازيد وشوفت كلمتك قد ايه وفي الاخر اقولك طمني عليك تبعتلي انا بخير و تقفل الموبايل وكأني كده أطمنت .
زيد...حقك عليا كنت حاسس اني مضغوط شويه وعايز اخلص حجات مهمه ورايا.
صبا.....هو ده بس اللي خلاك تمشي و متردش يعني يا زيد😒
زيد...🤨🙄 يعني بس انا تمام وبعدين قولتلك حقك عليا بقي خلاص هو في عروسه تفضل مقموصه كده.
صبا....اه انا🥺
ضحك زيد عليها وبصلها بحب.
زيد....وانا ميهونش عليا زعلك وعموماً يا ستي انتي اكيد عارفه ايه اللي خلاني أضايقت
صبا....زيد انت مش فاهم حاجه وحتي مدتنيش فرصه افهمك🥺
زيد....دي غلطتي حقك علي قلبي يا احلي صبا بس وبعدين انا مش فاهم غلط ولا حاجه كل الحكايه اني أضايقت ومش عارف ليه بس خلاص بقي متزعليش ❣️🙏🏻
صبا...بأبتسامه بسيطه خلاص مش زعلانه المهم انك بخير.
زيد....انا بخير طول ما انتي بخير ها جاهزه لبكره.
صبا....ان شاء الله جاهزه❣️
زيد...طيب يلا بينا ندخل
صبا...انت رايح فين تاني صحيح.
زيد...مشوار كده سريع مفجأه😉
صبا...يعني مش هتقولي😍
زيد..بضحك لا مش هقولك 😜
صبا....احسن وانا مش عايزه اعرف😜🏃🏃🏃
زيد...خدي يابت🤨
بعد ما اتعشوا خرج زيد راح مشوار وسالم راح مشوار هو كمان.
مراد ويوسف راحوا لتقي وخلود كانوا بيجهزوا اخر لمسات للفرح عشان مفيش وقت.
ياسين وجلال راحوا لملم وميار عشان يجيبوا حاجات نقصاهم لكتب الكتاب.
والكل كان مشغول جداً
اما في القصر كان المسؤولين عن تجهيز الحفلات وصلوا وقف معاهم نادر وقاسم وداوود وامير وكانوا بيشرفوا علي كل حاجه.
مرت كذا ساعه وصل مراد ويوسف كان الوقت اتاخر داخل علي الساعه 3 صباحاً.
مراد.... يلا يا بنات حمد الله علي السلامه.
خلود...تعبانكم معانا اوي 🙈
مراد....تعبكم راحه يا خلود المهم انتي وتقي في اي حاجه نقصاكم الفرح خلاص قدامه 3 ايام.
خلود....انا خلصت كل حاجه خلاص
تقي...وانا كمان مفيش اي حاجه نقصاني .
يوسف...عموماً شوفوا كده وراجعوا نفسكم عشان لو في اي حاجه نقصاكم اخرنا بكره نقدر نجيبها اليومين الجايين محدش فيكم هيقدر يجيب اي حاجه.
خلود....لا كده احنا تمام
مراد....طيب الحمد لله يلا تعالوا نطلع معاكم الحاجه دي عشان انا فصلت خالص والصداع هيفرتك دماغي.
تقي...انت لسه مصدع بعد المسكن
مراد....اه انا محتاج انام عشان اتظبط شويه.
تقي....طيب خلاص يلا امشوا انتوا واحنا هنطلع الحاجه مع بعض.
مراد...لا الحاجه كتير يلا انزلي يا حبيبي.
تقي...بأبتسامه حب حاضر.
نزلوا كلهم مع بعض وشالوا الحاجه وطلعوهم فوق.
يوسف....خلود انا عايز اشرب.
خلود....حاضر ادخل طيب اقعد حالاً هجبلك.
قعد يوسف و فضل مرتد واقف علي الباب.
تقي....انت مش كويس خالص شكلك تعبان اوي.
مراد...لا يا حييبي صداع بس لما هنام هرتاح.
تقي....سلامتك يا حبيبي❣️
مراد....سلامتك يا ايه🤨
ابتسم تقي ووشها احمر.
مراد....بضحك ياريتني صدعت من زمان😉
تقي....بعد الشر عليك يارب انا وانت لا
مراد....باس كف ايدها لا ياقلبي متقوليش كده بس مفيش بقي واحده مراد😉
تقي...بضحك ربنا يخليك ليا يا احلي مراد في الدنيا.
مراد....اخيرااااا😂🙈🙈 ياشيخه تعبتيني
تقي...بس متتعودش علي كده😂
مراد...المهم اني سمعتها مره من نفسي 😂😂😂😂🙈
خلود....جابتلهم مايه شربوا وسلموا عليهم ومشيوا❣️
.....................
الوقت كان بيمر والساعات بتجري القصر كله جهز لحفله كتب الكتاب البسيطه اللي كانت هتقتصر علي الأهل والصحاب وبس.
الكل نام ساعات بسيطه كانوا مشغولين جداً بكل الترتيبات.
في صباح اليوم.
الكل صحي بدري علي غير العاده من غير ما ييغلبوا روح.
ونزلوا كلهم فطروا مع بعض الساعده كانت مرسومه علي وشوشهم وسعاده روح وراجح بيهم كانت اكبر بكتير
بعد الفطار خرج ياسين ويوسف ومراد وسالم راحوا عشان ياخدوا البنات ويوصلوهم علي غرف حجزوها ليهم في فندق ومعاهم متخصصين التجميل اللي هيجهزوهم.
سالم....شمس انتي مش لوحدك معاكي هنا البنات في الاوض جمبك لو احتاجتي اي حاجه بلغيني.
شمس...بإحراج مختلط بسعاده حاضر ياسالم.
سالم...انا لازم امشي عشان اجهز بس قبل ما امشي متأكده مفيش حاجه نقصاكي خالص.
شمس...لا والله انا معايا كل حاجتي متقلقش.
سالم...تمام يا حبيبي شويه كده وهيطلعولك الاكل تاكلي ياشمس ماشي.
شمس....حاضر يا سالم❣️
سالم....مسك أيدها باسها بحب وبصلها مش هتأخر عليكي يلا باي
شمس....باي خدت شمس نفس طويل كله راحه وسعاده و أطمئنان❣️
..........
الجو في القصر مكانش مختلف كتير
وصل المكب أرتست للبنات الموجودين وعلي رأسهم صبا اللي دخلت اوضتها هي والميكب ارتست ومخرجتش منها خالص عشان زيد ميشوفهاش.
زيد....كان خارج من اوضته لمح فيروز.
فيروز....علي فين يا عريس.
زيد....هروح اظبط نفسي مع باقي العرسان ولا جات عليا🤨
فيروز....بضحك يالهوي ده انت قبلهم كلهم.
زيد...وانتي مروحتيش تجهزي نفسك ليه.
فيروز....لسه بدري في قدامنا وقت وبعدين هو انا العروسه عشان ابدأ اجهز من الوقت.
زيد...ده انتي احلي عروسه في الدنيا وبمناسبه بقي كلامك ده تعالي معايا عايزك في حاجه.
فيروز....في ايه.
زيد...تعالي بس هقولك.
دخل بيها زيد تاني علي اوضته وقفل وراه الباب.
فيروز....ده واضح ان الموضوع كبير🤨
زيد....اه🤨 بس مش اوي يعني اقعدي.
قعدت فيروز قدامه وبصتله خير يا زيد.
زيد....فيروز انا مش هلف وادور كتير بس في حاجه لازم تعرفيها وطبعاً انتي ليكي مطلق الحريه سواء بالرفض او القبول انا عارف انك كنتي بتحبي حسام الله يرحمه وعارف رغم اللي عمله بس حبه متشالش من قلبك بس انتي اكيد بعد ما تولدي وفيروز الصغيره تنور الدنيا انتي مش هتفضلي لوحدك علي طول انتي لسه صغيره محتاجه حد يكمل معاكي حياتك ويعوض فيروز عن ابوها اكيد مش عشان تجربه فاشله حصلت في حياتك هتفضلي كده
فيروز....زيد اظن ده كلام سابق لأوانه اوي وعلي فكره تجربتي مع حسام اكيد مش هتعقدني لاني عارفه ان حياتنا عباره عن تجارب ويا تنجح يا تفضل ولو فشلت مش معناها نهايه الدنيا فا اطمن ممكن افكر في الموضوع بس اكيد مش الوقت.
زيد...انا مقولتش الوقت يافيروز انا بس حابب اتكلم معاكي
فيروز...وبعدين انا وسطكم وفيروز الصغيره لما تيجي بالسلامه اكيد كلكم هتعوضوها عن حسام.
زيد....فيروز الصغيره هتبقي البرنسس بتاعت العيله وانتي عارفه ان كل الموجودين هيدلعوها بس هي محتاجه اب يا فيروز
فيروز...بأبتسامه بسيطه بتلف وبتدور ليه يا زيد قول اللي جواك
زيد...بابتسامه انا مليش في اللف والدوران انتي عارفه بس انا من الاخر كده حاسس انك عارفه انا عايزه اقول ايه صح🤨
فيروز....تقريباً يا زيد بس حابه اسمع منك انت.
زيد.....منذر يا فيروز.
فيروز...بابتسامه كنت متأكده ومش من الوقت من يوم ما خرجتوا من المكتب وبابي قال انك طلبت ايد صبا وصيا وافقت يومها وانا بباركلك قولتلك اني كنت حاسه بيك قولتلي اشمعني قولتلك انا بحس بأي حد بحبه وقتها انت قولتلي جمله اكدت احساسي قولتلي ومحستيش بحد تاني 🙂
زيد.....فيروز عايز اقولك ان منذر ميعرفش اني هكلمك ولا يعرف اني عارف اصلاً
فيروز...مش فاهمه.
زيد...بصي هو حوار طويل انا ومنذر تقريباً سرنا واحد وعلاقتنا غريبه يمكن هو كان حاسس بحبي لصبا بس عمره ما سألني وانا كنت واثق من حبه ليكي بس عمري ما قولتله ولا هو قالي ديماً كنا بنفضفض لبعض من غير ما حد فينا يخترق خصوصيه التاني وهو اكيد الموضوع كان صعب عليه لانه عمره ما كان هيجي يقولي انا بحب اختك اللي هي اصلاً متجوزه اخوه صدقيني يا فيروز انا لوعندي شك واحد في المليون ان منذر انسان وحش او ممكن يكون خطر علي حياتك مع حسام كنت صممت انك تسكني بعيد عنه بس انا واثق في منذر زي ما انا واثق في نفسي منذر بيحبك من زمان بس حسام سبقه وانتي كنتي بتحبي حسام اوي يعني كان لازم يبعد بس صدقيني منذر بيحبك ويمكن بيحبك لدرجه مش ممكن تخيليها.
فيروز....مش هكدب عليك يا زيد انا طول عمري بتعامل مع منذر علي انه اخويا زيكم بالظبط بس مؤخراً قبل ما حسام يموت بفتره بدأت احس ان منذر نظراته ليا غريبه مش نظرات وحشه او مريبه لكن نظرات تأكد ان في حاجه جواه ليا اللي خلاني احترمه بجد انه طول الوقت كان هو حمامه السلام بيني وبين حسام لو زعلنا مع بعض او زعلت مع امه كان ديماً واقف في ضهري ومش ييحب حد يزعلني فكراله حجات كتير اوي حلوه بس يا زيد انا عمري ما شوفت منذر بالشكل ده في حياتي خالص.
زيد...عارف يا حبيبتي وانا مش بقولك يلا قومي حبيه الوقت انا بقولك عشان بس تفكري في الموضوع وتشوفيه بشكل مختلف وتبقي فرصه ليكي وليه هو كمان منذر مستني منك اللحظه اللي علي الأقل يحس فيها انك شيفاه بنظره مختلفه منذر تعب كتير اوي يا فيروز مش سهل عليه يشوف الانسانه اللي حبها من قلبه مع حد غيره حتي لو كان اخوه وأساليني انا عن بشاعه الاحساس ده اوعديني تفكري يا فيروز عشان منذر يستاهل فرصه ومش عشان هو صاحبي فا انتي مجبره توافقي اياً كان قرارك انا هحترمه بس علي الاقل أصارح منذر لاول مره واقوله يشوف حياته وبلاش يتعلق بأمل مستحيل يحصل بس بما اني اخوكي يا فيروز ونصيحتك واجب عليا لو فكرتي في الموضوع بتاع الجواز عموماً صدقيني مش هتلاقي احسن من منذر ولا هتلاقي حد مناسب ليكي ولبنتك غيره وخصوصاً بنتك عشان محدش هيحطها في عينه قد عمها وطول ما هو بيحبك بالشكل ده لازم تعرفي انه هيحب بنتك اضعاف حبه ليكي عشان بس يشوفك مبسوطه فهماني يا فيروز.
فيروز...بأبتسامه فهماك يا زيد و انا مش رافضه منذر لشخصه صدقني ولا حتي رافضه فكره الجواز كل الحكايه اني مش قادره حالياً افكر فيها ولا هقدر بسهوله اتخطي فكره ان منذر اللي كنت بعتبره اخويا يكون زوج ليا عشان كده بقولك خليني اخد وقتي وزي ماقولتلك في البدايه ده موضوع لسه بدري عليه خليني اولد واطمن علي بنتي ونعدي فتره كده وهفكر صدقني.
زيد.....وانا بثق في تفكيرك وعقلك يا فيروز وعارف انك هتختاري الاصلح ليكي ولبنتك بس لحد اللحظه اللي بتقولي عليها دي حاولي علي الاقل مع نفسك تشوفي منذر بعين تانيه مختلفه عن اللي كنتي بتشوفيه بيها وعلي فكره الموضوع ده بيني وبينك انتي بس تمام محدش خالص يعرفه يعني لما توصلي لقرار تيجي تعرفيني وانا هتصرف
فيروز....خلاص اتفقنا يا حبيبي ويلا قوم بقي روح ظبط نفسك عشان متتأخرش.
زيد....ماشي يلا بينا.
خرجوا مع بعض من اوضته قابل في وشه راجح وروح نازلين علي تحت وهما بيضحكوا.
زيد....جوز العصافير رايح علي فين😉
روح....انت بتعمل ايه هنا انا فكرتك خرجت.
زيد....خارج اهو.
راجح...لا استني كويس انك ممشتش انا كنت قايلك عايزك
زيد....انا كنت هعدي عليك يا باشا قبل ما امشي خير
راجح...تعالي في المكتب تحت.
زيد...اه يبقي في حاجه كبيره قدام فيها مكتب🙄
فيروز....طيب انا راحه اجهز نفسي بقي باي.
روح...شويه وطلعالك يا روحي
نزل زيد مع راجح وروح علي المكتب.
زيد....بأبتسامه بخاف انا من قفله المكتب دي. بحس ان في مصايب مستنياني.
راجح...ياواد اقعد بلاش لماضه
زيد...وادي قاعده خير يا باشا في ايه.
بصت روح وراجح لبعض.
زيد...في ايه مالكم بتبصوا لبعض كده ليه ؟🤨
راجح....انا عايز اقولك سر يا زيد محدش يعرفه غيري انا و روح ومراد وداوود وأيمن اخوك الله يرحمه سر يخص صبا.!!
بصلهم زيد بصدمه🤨
زيد....صبا وسر انا مش فاهم حاجه ؟
سر ايه يا باشا ؟
راجح.....طبعاً انت ممكن تفتكر عمك عاصم شويه
زيد...والد صبا يعني تقريباً بس انا عارف انه من زمان ساب صبا وحضرتك اللي ربتها انت وروح وهو سافر و أتجوز وشاف حياته ومبيسألش عليها
راجح....ده اللي احنا قولناه وقتها قدامكم بس دي مش الحقيقه يا زيد.
زيد...بصدمه مش فاهم يعني ايه مش الحقيقه هو مات وانتوا خبيتوا علي صبا يعني؟
روح....يهدوء لا يا زيد عاصم مكانش والد صبا🥺
صدمه وقفت عقله لثواني 😳
راجح....ابو صبا الحقيقه كان اسمه جمال وعاصم ده كان صاحب عمره وكانوا بيحبوا بعض لدرجه كبيره جمال طلب ايد مها اختي وكانوا بيحبوا بعض اوي كان طيب وابن حلال وكان عايز يعمل اي حاجه عشان يسعدها كتب كتابه علي مها قبل معاد الفرح بحوالي سنه فضلت سنه مراته علي سنه الله ورسوله وكانوا طول الفتره دي بيجهزوا حاجتهم وجمال كان بيشتغل بره هو وعاصم وحددنا معاد الفرح ونزل جمال قبل الفرح بشهر ونص راحت مها معاه وكانت اول مره يشوف شقتهم هي اللي كانت بتعمل فيها كل حاجه علي ذوقها وهو كان بيبعتلها بس الفلوس ويومها الشيطان لعب بعقلهم وحصل بينهم علاقه كامله قبل فرحهم ولسوء حظهم مها حملت في صبا واكتشفت ده بعد العلاقه بحوالي اسبوعين كانت مرعوبه وكانت مش طبيعيه ويمكن احنا فمراناها زي اي عروسه خايفه ومحطناش في بالنا وتقريباً جمال كان بيحاول يطمنها ان خلاص فاضل حوالي عشر ايام وتبقي في بيته الايام كانت بتمر بسرعه و يوم الحنه الصبح جمال ماشي في امان الله هو وعاصم عاصم سابه دقيقه يجيب علبه سجاير وبعد عنه كام خطوه العماره اللي كان جمال واقف تحتها أخر دور فيها كان بيتبني وفجأه السقاله اللي كانت بترفع الطوب فكت من ايد العمال غصب عنهم والطوب نزل فوق راس جمال والدنيا اتقلبت في لحظه كان بينــز ف جامد جري عليه عاصم وخدوا بسرعه علي المستشفي حالته كانت صعبه اوي طلب يشوف عاصم بسرعه وجوه هو حكاله علي اللي حصل مع مها وطلب منه يستر عليها و يتجوزها و اتوفي
بعد كام يوم من الدفن طبعاً مها كانت منهاره الدنيا اسودت في وشها وقررت انها تنتحر عشان مش قادره تقولنا اللي حصل خدناها وجرينا علي المستشفي احنا كنا عارفين ان هي نفسيتها تعبانه بسبب موت جمال بس مكناش نعرف اللي خصل بينها وبين جمال وانها حامل وهناك الدكتور خرج قال انه لحقها وخيط مكان الجرح وكانت الصدمه لما قال انها حامل في شهر إلا كام يوم حسيت يومها ان حد ضربني علي راسي مبقتش قادر افكر مراد وداوود كانوا لسه صغيرين ومراد كان شاب دمه حامي و غضبه سريع كان عايز يموتها
وقتها انا كنت متجوز روح وانتوا كنتوا صغيرين وروح كانت خلفت ياسين وايمن كان لسه صغير اوي المهم حاولت اكون هادي علي قد ما اقدر مع اني كنت مش حاسس بنفسي مضايق وغضبان منها وشايف ان مراد معاه حق في غضبه وفي نفس الوقت أصبر نفسي و أقول الحمد لله أنها كانت مراته علي سنه الله ورسوله لحد ما عاصم جالنا من عند ربنا وطلب ايدها بعد ما عرف اللي حصل واتأكد.اننا عرفنا وقال ان جمال وصاه ميسبش مها وفعلاً طلب ايدها وعشان هي كانت حامل زي فيروز اختك كده طبعاً كانت هتفضل في عدة جمال لحد ما يتم الوضع.
وقتها عشان نلم الدنيا سيبنا المكان اللي كنا عايشين فيه ونقلنا علي القصر كنت ناوي مسبش بيت ابويا الله يرحمه وافضل في مكاني حتي لو معايا فلوس الدنيا بس مكانش ينفع وفضلت مها كل الشهور دي مش بتخرج من القصر خالص وحزينه ومش قادره تبص في وشنا وبعد ماولدت صبا كتبها عاصم علي اسمه وبعدها اتجوزها وسافر بيها علي طول وفضلت معاه هناك سنتين
وبعدين قررت انها ترجع عشان تعبت من الغربه لوحدها وعاصم كان طول الوقت في شغله لما جات هنا كان عاصم بيجي مره كل ست شهور وقعدت هنا سنه واحده وبدأت تتعب وحالتها تدهور وخلال السنه دي مجاش عاصم غير مرتين لظروف شغله بس لما عرف ان هي خلاص بتروح مننا جه وبعدها بحوالي عشر ايام ماتت مها وسابت صبا عندها حوالي 3 سنين وكان صعب علي عاصم انه ياخدها معاه او يتحمل مسؤوليتها وانا كنت مستحيل اسيب بنت اختي متغربه مع راجل مش ابوها يمكن عاصم كان محترم وكان بيعاملهم حلو بس مكانش بيقعد مع صبا لدرجه انه يتعلق بيها كان بيصحي من بدري علي شغله ويجي ياكل وينام يعني مشاعر الابوه مكانتش بينهم اتفقت مع عاصم علي كل حاجه بس فضلت صبا مكتوبه بأسمه وسابهالي انا وروح اتربت وسطكم وبعد حوالي 8 شهور عرفت انه اتجوز وشاف حياته مع بنت هو اختارها ومن وقت للتاني عرفت ان ربنا كرمه اوي في شغله وخلف من مراته اربعه ومن هنا حياته اتقطعت بينا خالص عشان كده صبا متعرفش عنه اي حاجه وكانت فاكره انه سابها وبعد يمكن عارف ان الموضوع صعب عليها بس مكنتش هقدر احكيلها الحكايه دي ولا كنت هقدر اهز ثقه امها في عينها لان حتي لو عرفت مكانش في حاجه هتتغير غير انها هتتحرج تحكي حكايتها لأي حد
بس انا كان لازم اقولك لانك هتبقي جوزها وده حقك ويوم ما ايمن اتحوزها بردوا حكيتله وطلبت منه ميقولش السر ده لاي حد وخصوصاً صبا وانا انهارده بطلب منك نفس الطلب يا زيد وبقولك حطها في عينك صبا يعتبر يتيمه اب وام وملهاش غيرنا
زيد.....بهدوء متقلقش يا ياباشا من اول ما هخرج من الباب ده هعتبر نفسي مسمعتش اي حاجه يمكن بس كان في سؤال عايز اسأله يوم ما البنات جم عندنا وقولت انك مش هتكتب الكتاب غير قبلها بيومين يومها كنت عايز اقولك ليه وافهم وجهه نظرك بس انا الوقت فهمت
راجح....محدش فينا ضامن عمره يا زيد جمال كان واخد الموضوع جد بس مكانش يعرف اللي ربنا كاتبه وان عمره قصير وهيسيب مها بدري.
يمكن انت وياسين وسالم مكنتش حابب اكتب كتابكم الوقت بس انا عارف ان انت اولاً عمرك ما هتغلط غلطه زي دي وعارف ان اخواتك مش هيعملوها خصوصاً سالم اكيد مش هيغلط غلطه زي دي وياسين اخوك راجل وملك واثق انها جدعه وبميت راجل وهما تحت عيني علي طول والاهم ان خلاص بعد مراد ويوسف الكل هيتجوز لاني مش هسمح للشيطان يدخل في علاقتكم ابداً
زيد...متقلقش يا باشا وربنا يخليك لينا يارب انت وروح.
راجح...ويفرحني بيكم يا حبيبي يلا قوم اجهز بقي مفيش وقت انا خلاص ارتحت لما حكيتلك.
زيد....صدقني معرفتي بالسر ده او عدم معرفتي بيه لا هي هتقدم ولا هتأخر
راجح...عارف بس هتزود حبك واهتمامك وخوفك علي صبا.
زيد...بحب ماشي يا باشا يلا هسيبكم بقي انا و اجهزوا انتوا كمان.
روح....هنجهز علي طول متتأخروش❣️
زيد...حاضر يا حبيبتي❣️ سلام.
...............
يمكن زي ما قال زيد الموضوع او السر مفرقش كتير عنده بس مقدرش ينكر صدمته في البدايه من الموضوع نفسه
لكن من جواه زيد كان بيقول لنفسه حتي لو صبا مكانتش من العيله اصلاً وهما اتبنوها كان هيفضل يحبها ومش هيبقي عايز غيرها من الدنيا كلها❣️
الوقت كان بيجري بسرعه الشباب خلصوا تظبيط ولبسوا وراحوا علي الفندق خدوا البنات.
كل واحد فيهم كان متنح من جمالهم
سالم مكانتش الدنيا سيعاه من الفرحه وهو شايف شمس مبتسمه وسعيده.
مد ايده ليها قربت كف ايدها ومسكته❣️
محدش فيهم كان عارف يقول ايه كل اللي كانوا بيعملوا بيضحكوا مع بعض ويبصولهم بفرحه
وصلوا علي القصر جلال وامير ونادر واصحاب جلال وامير استقبلوهم احلي استقبال تسخين للي هيحصل في فرحهم🙈
طلع زيد مع مع روح يجيبوا صبا كانت في اوضتها مستنياه وفرحانه اوي.
خبطت روح عليها كانت واقفه وضامه ايدها ووشها للباب.
روح...يالهوي يا ناس علي القمر يا بختك يا عم زيد.
زيد...من بره ابتسم وغمزلها 😉طب ايه مش يلا بقي ونسيب الحسد لبعدين.
روح...شايفه الواد وقلة أدبه مستعجل اوي 😒
زيد...بضحك قرب من صبا ومسك ايدها قدام روح اه مستعجل يا ست روح في حاجه.
روح...بضحك اه يا اخويا في عايزه افكرك بس انه كتب كتاب يعني متستعجلش اوي😂
زيد....بضحك قعدتك مع العيال الصيع دول بوظت اخلاقك خالص يا روح😂
روح...بحب انا قلبي طاير من الفرحه ومبسوطه وانا شيفاكم مبسوطين ربنا يسعدكم ويخليكم ليا.
زيد...لا بقول ايه انا مش عايز عياط انهارده وبعدين هتعيطي علي مين ولا مين
روح....لا خلاص مش هعيط خالص 🙈
صبا....ربنا ما يحرمنا منك يا روح ويديمك في حياتنا.
حضنتها روح بحب وبعدها نزلوا علي تحت.
وصلت مريم هي وداده زينب علي القصر
اول ما نادر شافهم راح وسلم عليهم.
نادر....اتأخرتوا كده ليه؟
زينب...والله انا جاهزه من بدري مريم اللي اخرتنا.
بصتلها مريم بطرف عينها 😒بسرعه كده بتبعيني يا زوزو ماشي.
زينب...بضحك هروح اسلم علي روح هانم.
نادر....هناك اهي روحيلهم بص لمريم بسرعه ايه القمر ده
مريم...بضحكه عبيطه😁 بجد شكلي حلو.
نادر.....بقالك سنه واقفه قدام المرايه وجايه متاخره ولسه بتسألي شكلي حلو🤨🤨🤨
مريم...بضحك خلاص بقي ميبقاش قلبك اسود 😒 مش بجهز نفسي.
نادر...مش كنا كتبنا الكتاب انهارده معاهم 🥴
مريم.....نصيبنا بقي نعمل ايه سكتت ثواني وبعدين قربت من ودنه بقولك ايه
نادر...قولي🤨
مريم....انا جعانه اوي
نادر....بضحك يخربيت الطفاسه انا قولت اتغيرتي و الجنان اللي كنت بشوفه منك مش هيجي تاني بس واضح ان الجنان صفه اساسيه😂😂
مريم...اعوذ بالله كل ده عشان قولتلك جعانه😒😒😒 مكلتش من الصبح والله داده زينب حضرتلي اكل بس نسيته والنكيف برده ولما اتأخرنا مردتش اكل.
نادر.....خلاص انتي هتحكيلي قصه حياتك 🤨😒 انجري قدامي هاكلك يلا يابت🤨
مريم...بضحك من عنيا يا سي نادر😂🙈
نادر...امووووت انا😂😂😂🙈❣️
راح بيها نادر علي البوفيه وفضلت مريم تاكل لمحها امير وجلال راحوا عليهم.
امير...بضحك سيبي حاجه للملايكه😂
مريم....بضحك انتوا هتبصولي في الاكل ولا ايه لا بقول ايه احنا كده مش هننفع مع بعض😒
نادر....لا ياقلبي كلي براحتك ملكيش دعوه بالعيال الرخمه دي😂
امير....بضحك الغريب انه مش بيبان عليها الاكل 😂😂
جلال....زي القطط تاكل وتنكر.
مريم....بصت لنادر شايف اخوك😒
نادر....بس ياض يا رخم ده انا مشوفتش في حياتي حد طفس قدك😂😂
مريم...نهار اسود ومنيل قصدك ايه يعني انا طفسه🤨
نادر....علي خفيف😂😂🙈
جلال...ياستي خلاص بضحك كلي بالف هنا.
قربت منهم روح
روح....طيب مش تيجي تسلمي عليا
مريم...بإحراج ضحكت وحضنتها بصراحه ياروح انا هموت من الجوع
روح....بحب يا حبيبتي بالف هنا بس قوليلي ايه الشياكه والحلاوه دي كلها.
مريم...بضحك لا ماهي راحت بقي برستيچي وقع في الارض😂😂🙈
نادر كان واقف مبتسم وعينه عليها كلها حب ضحكتها وهزارها كانوا بيخلوا قلبه يحلق في السماء وكان مبسوط انها رجعت من ناني لشقاوتها.
جلال قرب من ودن امير قاله حاجه وبعد.
روح كانت واقفه تكلم مريم ونادر وبتضحك بس مريم عينها كانت عليهم.
مريم....🤨استني لحظه كده يا روح
روح...في ايه خوفتيني.
مريم...بصراحه ربنا ياروح انا بقلق كن الجوز دول وشوفتهم بيوشوشوا بعض وبيضحكوا.
روح...بضحك😂😂 ليكي حق تقلقي طبعاً انا مبثقش فيهم بربع جنيه😂
جلال....😂😂🙈 خلوا في ثقه عيب كده.
مريم....لا والله انا خلاص حفظتك والثقه بيني وبينك في ذمه الله بقولك ايه ياروح تعالي اما اسلم علي العرايس يلا يانادر سيبهم هنا لوحدهم.
امير...بقت كده 🤨
جلال...بكره تيجي جري ورانا😂
ضحكوا التلاته وقبل ما يبعدوا كان ولع جلال صاروخ وحدفه ناحيه مريم يادوب بعدت خطوتين والصاروخ فرقع صرخت مريم وبصتلهم
مريم....وبكره ليه يا سي جلال هجري الوقت والله ماهسيبك😡
نادر...بت يا مريم تعالي هنا الله يخربيتك
جري جلال وامير ومريم راحت وراهم بسرعه.
روح....بضحك بصت لنادر دي طلعت مجنونه رسمي.
نادر...انتي لسه شوفتي حاجه😂🙈
روح...انا ربنا واعدني بالمجانين كده علي طول ياربي.😂
.........
راجح....الله الله انتي بتجري وراء العيال دي ليه.
وقفت مريم وهي بتضحك وبصت لراجح بإحراج يرضيك يعني حلال يفرقع فيا صاروخ🙄
راجح...بضحك يابني عيب كده اكبر بقي هتفرج علينا الناس امسحيها فيا انا بس قوليلي ايه القمر ده
مريم...بضحك انا هسيبك بس يا جلال عشان الراجل القمر ده ❣️ قربت من ودن راجح اقولك علي سر.
راجح...بنفس الصوت قولي🤨
مريم...وربنا انت احلي واصغر من ولادك كلهم😂❣️
راجح...بحب بزمتك مش كده😉
مريم...ده كده كده😂😂😂🙈
مبروك يا حبيبي عقبال ما تشوف ولادهم.
حضنها راجح بحب...الله يبارك فيكي عقبالك انتي والواد اللي عينه هتطلع علينا ده🤨
مريم...بضحك غيران هاا🤔
راجح...واحنا بيهمنا🤨
مريم....ولا نعرفه😂😂😂
قاسم.....المأذون وصل يا شباب.
وقت بسيط عدي قعد المأذون وبدأ يجهز الورق ويرتبه قدامه.
المأذون...هنبدأ بمين عشان اظبط الورق يا جماعه.
راجح....هنبدأ من الكبير للصغير يا شيخنا.
المأذون...علي خيرة الله.
مراد...بضحك انا الكبير😜
سالم...والله مافي اعيل منك😒
يوسف....طب ما نبدأ من الصغير 🥴
ياسين...انا موافق حتي دوري يجي بسرعه.
ضحك كل الموجودين عليهم.
زيد....والله بدأتوا من الكبير من الصغير انا تالت واحد فيكم😎
قاسم....عارفين فكرتوني بايه بمسرحيه الواد سيد الشغال لما شال البواريك ووقف يقولهم كله هياخد😂😂😂
داوود....صحيح مستعجلين ليه ما كله دوره هيجي😉
راجح....لا بقول ايه مراد ده اول فرحتي وانا قولت من الكبير يعني الكبير
مراد...قرب من راجح وباسه حبيبي ياراجح.
راجح...ياواد بلاش بوووس😒 قولنا الف مره.
فضلوا يضحكوا وبهزروا وبدأ المأذون كتب كتاب مراد وتقي كانت موجوده مامتها اختها وجوزها مراحوش كانت مضايقه من جواها بس محبتش تنكد علي نفسها.
بعد كتب الكتاب اول واحد حضن مراد كان امير فضل مراد حاضنه بكل قوته
امير....تصدق احساس حلو ولنا بجوز ابويا😍
مراد.....عقبالك ياولاد لما افرح فرحه عمري وانا شايفك عريس.
امير.....ربنا مايحرمني منك يا حبيبي.
قربت والده تقي منها وحضنتها وباركتلها و قف الكل يبارك ويهني وبعدين خدها مراد في حضنه وشالها من الارض ولف بيها الكل كان مبسوط وفرحان من قلبه
المأذون كان بيجهز ورق سالم وشمس
وبدأ كتب الكتاب وبعد ما خلص المأذون باس سالم ايدها وباسها من جبهتها بحب
سالم....مبروك يا حرم سالم الطوبجي.
ابتسمت شمس وهي مش عارفه تسيطر علي دقات قلبها الله يبارك فيك باركولهم كلهم وروح حضنت شمس بسعاده هي وراجح.
وبعدين جه دور زيد رغم الدوشه والقلق اللي كان حاصل من الشباب لكن زيد مكانش لا سامع ولا شايف اي حاجه وكل تركيزه كان في اللحظه دي وبس
وقف منذر وراء ضهره وحط ايده علي كتفه ومال جمب ودنه.
منذر.....مبروك يا صاحب عمري ❣️
زيد...بحب عقبال ما أشوفك قاعد نفس القاعده دي عشان الفرحه تكمل بجد❣️
طبطب منذر علي كتف زيد بحب
وبدأ كتب الكتاب صبا كانت متوتره جداً وحاسه ان كل العيون عليها هي بالذات
بدأ المأذون وبعد ما خلص قام زيد وقف كان نفسه ياخدها في حضنه بس اخواته هجموا عليه وبقي بيسلم عليهم حضنه منذر بحب وفضل يطبطب علي ضهره وفرحته كانت باينه عليه
قرب راجح منه وخده في حضنه وهو مبتسم❣️❣️
راجح....فرحتي بيك قد فرحتي بيهم كلهم الف مره يا زيد.
زيد....ربنا يخليك ليا يا باشا❣️
راجح ...ويخليك ليا يا حبيبي انت واخواتك.
حضنته روح بحب و باركتله من قلبها.
باس زيد راسها بحب وبصلها..بحبك يا روح اكتر من اي حاجه في الدنيا دي كلها.
روح...بدموع وهي بتضحك يا بكاش اكتر من صبا😉
زيد.....واكتر من صبا حبي لاي حد من العيله دي ميجيش في حبي ليكي واحد في الميه❣️
حضنته روح بكل قوتها وبصتله وهي بتعيط روح لعروستك يلا امشي🥺❣️
سابها زيد وراح قرب من صبا وهي وسط البنات و اكتفي بس انه يبوسها من راسها ومن ايدها اغلب الموجودين كانوا عارفين انها مرات اخوه ومحبش ابدا انه يظهر كم المشاعر اللي جواه في اللحظه دي قدام اي حد احتراماً ليها ولأخوه وللعيله خاف عليها من كلام الناس اللي مش بيخلص وقررت يبقي يحتفل ويعبر بطريقته عن فرحته في وقت تاني❣️.
اتكتب كتاب ملك وياسين ويوسف وخلود الفرحه مكانتش سايعه الكل احتفلوا وهيصوا ورقصوا واتصوروا وبعد ساعات من الاحتفال الناس مشيت
وفضلوا كلهم مع بعض عشان يتعشوا سوا ويقضوا باقي السهره مع بعض.
وقبل العشاء ما يجهز.
راجح.....يابنات يا عرايس في كلمتين مهمين اوي قبل ما نتعشي سوا حابب اقولهم ويهمني انكم تعرفوهم قبل ما تدخلوا البيت ده وتبقوا جزء من العيله دي❣️
بصوله كلهم وبدأ راجح يتكلم.
راجح.......
- يتبع الفصل التالي اضغط على (رواية احفاد الطوبجي) اسم الرواية