رواية احفاد الطوبجي(1) الفصل الخامس و الستون 65 - بقلم اميرة اسامه
قرب راجح من ودن زيد عشان يروح وراه.
راجح...زيد تعالي ورايا
بصله زيد وهز راسه بهدوء من غي رما حد.ياخد باله
خرج زيد وراح علي راجح كان واقف مستنيه في الجنينه
زيد....خير يا باشا انت قالقني من يوم ما وصلتونا علي فكره قولت يومها كلمتين كده خلوني احس ان في حاجه انت عايز تقولهالي🤨🤨
بصله راجح بنظره حزن و إنكسار💔
قرب راجح منه ووقف قدامه
زيد....ايه ياباشا انا بدأت أقلق بجد في ايه.
راجح....أتنهد راجح تنهيده طويله بص في الارض وبعدين رفع راسه وبصله أنتحار و سر أخوك اللي عرفته يازيد يتدفن معاك في قبرك بعد عمراً طويل ليك يا أبن عمري💔
بصله زيد بصدمه😳 وحس ان حد ضربه علي راسه وقلبه اتقبض من معرفه راجح وفضل باصص ومتنح.
راجح...ايه يا زيد هتفضل باصصلي كده كتير؟ كنت فاكر انك هتقدر تخبي عليا سر انتحار اخوك يوم ما كنت جاي تهون عليايا زيد موت اخوك وكنت قلقان عشان انا معملتش رد فعل ولا حتي عرفت اعيط كلامي ليك يومها كان خارج من قلبي قولتلك يوم ما حكيت علي سالم وشمس اني كنت حاسس ان في حاجه مزعلاك غير موت ايمن صدقني انا مكنتش اعرف حاجه عن موضوع سالم يمكن استشفيت اللي حصل من كلامك وانت بتحكي بس اللي كنت اقصده يومها انك شايل حمل كبير اهم من موت ايمن وهو انتحاره
اللي انت خبيته و شلته لوحدك.
بس مكنتش اعرف انك شايل كتير اوي اليوم ده.
زيد.....بصدمه انت عرفت ازاي انا عملت كل اللي اقدر عليه عشان محدش فيكم يعرف عملت كل حاجه تخليني اظهر موت ايمن بشكل طبيعي ومتتوجعوش عليه اكتر من كده💔 كان اكتر اتنين يهمني انهم ميعرفوش انت وروح
راجح....دي قصه طويله بس خليني اقولك الوقت يا زيد فوق كل الاسرار والأحمال اللي انت شلتها دي انت شلت سر وحمل جديد وعرفت اللي كان في أخوك وطبعاً مش محتاج اوصيك اللي عرفته محدش يعرفه بعدك💔
زيد....بصدمه اكبر بص لأبوه بغضب بسيط لا لا لا استني بس هو هو انت كنت عارف اللي في ايمن وسكت 😳
وقف زيد و اتعدل وقرب من ابوه اكتر 💔💔💔 يعني هو انت مكانش مكفيك اللي عملته فيا طول السنين دي مكفكش وجعي وانا بتعذب وانا شايف صبا في حضن ايمن قولت تكمل عليها هي كمان كنت شايفها 3 سنين بتدمر وبتتحرم من كل حقوقها وساكت ايه المرادي وجعت صبا عشان ترضي مين
انت وجعتني عشان ترضي روح وترضي ايمن اخويا الصغير 😡 طيب صبا لما وجعتها كنت بتراضي مين هاااا قولي كنت بتراضي مين يا باشا؟
كنت بتراضي ايمن ولا كنت خايف علي اسم العيله زي ماهو قال لصبا ايه مصعبتش عليك صبا دي بنت اختك ده انت اللي مربيها💔 دي زي بنتك دي امنتك علي روحها وعلي فلوسها وعلي كل حاجه وانت بسهوله كده خوفت علي ايمن وحبيت تراضيه وجيت علي الغلبانه دي مصعبتش عليك وابنك عمال يمرمط فيها مصعبتش عليك وهي محرومه من الخلفه قولي رد عليا ساكت ليه🥺💔
راجح...خلصت كلامك💔
زيد.....رد عليا يا باشا انا خلاص اخر جزء في عقلي راح 💔
قرب منه راجح بغضب وبكل قوته ضرب زيد في صدره وهو بيجز علي سنانه ومسكه من التيشرت بتاعه بغضب😡
راجح.....انت تعرف كده عن أبوك يا ابن الكلب😡 تعرف ان ابوك ظالم تعرف ان ابوك ممكن يجي علي حد عشان يراضي حد😡😡😡. انا قولتلك لما عملت كده معاك ايمن كان سبقك يا وسخ
ضربه تاني في صدره بوجع💔
ويومها علي قد فرحتي ان ابني عايز بنت اختي وهبقي مطمن عليها مرضتش اديله كلمه قولتله هسأل صبا وهي وافقت😡 تاني يوم انت جيت تقولي ولما قولتلي صارحتك باللي حصل مكانش ينفع بعد موافقتها اقول انا لا مقدرتش اوجع اخوك بعد ما فرحته بموافقتها مقدرتش اراضيك علي حسابه مع اني كنت حاسس بوجعك مقدرتش اوجعه هو كمان وخوفت اوجعه وروح تعرف وتزعل ماهو ابنهاااااا💔 يمكن حسبتها غلط بالنسبه لروح عشان انتوا كلكم ولادها بس ده كان تفكيري يومهاااا
لكن تشك اني أبقي عارف علي مرض اخوك وعشان اراضيه و اداري عليه اجوزه لصبااااا ده لا انت 😡ولا اخوك😡 ولا حتي روح 😡تهموني او يهمني زعلكم ويغور اسم العيله علي جزمتي يا وسسسخ كله إلا بنت اختي اضيعها وادمرها واخليها عايشه تعيسه وابقي عارف ومطنش عشان ابني يا اخي يولع الكل قرب منه بغضب ومسكه من تيشرته
يااااااض ياض ياغبي ده لما اختك كانت بتحمل وتسقط قلبي كان بيتقطع لما اشوفها موجوعه لما كنت اعرف ان حماتها مضيقاها من بعيد لبعيد كنت ببقي هتجنن وعايز اكسر الدنيا وروح اللي كانت بتهديني 😡😡
اقوم انا احرم بنت اختي من الخلفه😡
عشان اداري علي ابني
زيد....برجاء ونظره وجع بصله طيب قولي عرفت ازاي فهمني بتقول حاجه واللي واصلي حاجه تانيه.
خبط راجح علي راس زيد بغضب عشاااان غبي عشان من جواك لسه موجوع من ابوووووك انت قولت انك سامحتني من قلبك بس اهو لحد الوقت شايل جواك و شاكك فيا
مسك زيد ايده بسرعه وباسها💔
زيد..لا عشت ولا كنت يا حبيبي قولتهالك قبل كده انا مين عشان مسامحكش يمكن زعلت بس مقدرش مسامحكش وانا مش شاكك فيك بس انتحار ايمن محدش غيري عرفه وانت الوقت بتفاجئني انك عارف والمفجأه يالنسبالي الاكبر انك عارف بمرض ايمن
طب أزاي وصبا قالتلي ان مفيش حد يعرف غيرها هي وايمن واللي خلاها تقولي اني خلاص بقيت جوزها ولازم اعرف اخويا انتحر ليه مكانتش راضيه تقول حتي بعد ما اتهمتها بأبشع التهم ولما فتحتها في موضوع الجواز قالتلي انها هتقولي بس لما نتجوز
راجح....بوجع مكنتش اعرف حاجه يا زيد كل حاجه حصلت صدفه💔
يوم ما ليلي امها تعبت خرجنا بسرعه مع داوود وليلي مرضيناش نسيبهم ومقولناش لاي حد فيكم روح قالت لعايده لو حد سأل فيكم تقولكم اننا روحنا المستشفي انت كنت نايم وايمن وصبا طلعوا علي اوضتهم💔
محبناش نقلقكم ولا كان في وقت جرينا معاهم.
وبعد ما وصلنا عرفنا ان امها ماتت داوود وروح كانوا مشغولين مع ليلي كنت عايز اي حد فيك انت واخواتك يجي يقف مع داوود وتخلصوا كل حاجه عشان كان تايهه ومش عارف يعمل حاجه وهو شايف ليلي منهاره
اتصلت علي مراد مكانش بيرد اتصلت علي سالم مكانش بيرد ياسين وجلال زيه يوسف ومراد مفيش وطبعاً عرفت بعد كده منك ان اليوم ده كان بيحصل فيه مصايب سالم كان في مصيبته مع شمس ومراد ويوسف مع خلود في المستشفي وياسين وجلال راحوا لملك لما قالت مش لاقيه اختها وقاسم يومها كان مع زهره عند الدكتور هو الوحيد اللي رد عليا وقاللي هيوصل زهره والبنات ويجي بس مكانش كفايه وقررت اتصل عليك انت او ايمن
ايمن مكانش بيرد وانت كمان زيه كان يوم غريب محدش فيكم كان بيرد وتوقعت انك نايم ومش حاسس لحد ما بقيت متعصب منكم كلكم واتصل علي تليفون القصر ردت عليا عايده كنت بكلمها وانا علي اخري ومتعصب
سألت عليك في الاول بس يظهر ان صوتي وغضبي خوفوها وبدأت تتلجلج في الكلام 💔
مبقتش عارفه تقولي ايه كانت فكراني عارف من الغضب والعصبيه اللي كنت فيهم وانا مكنتش مركز اوي في خوفها كنت فاكر انها خايفه من صوتي
قولتلها تاني زيد فين.
قالتلي راح علي المستشفي
فكرتها تقصد جاي علينا
قولتلها خرج امته بالظبط
قالتلي لسه من شويه صغيره هو والست صبا
قولتها طيب وايمن فين
قالتلي يا باشا خرج قبلهم بعد اللي حصل بينه وبين زيد باشا خد عربيته ومشي من القصر وزيد باشا جري بالست صبا.
هنا حسيت ان في حاجه غلط انا مش قادر افهمها حاسس انها بتتكلم علي حاجه تانيه غير اللي اقصدها
بعدت شويه عن روح وسألتها عايده هو انتي بتقولي ايه هو في حاجه حصلت
هو زيد وصبا جايين المستشفي عندنا لوالده ليلي سكتت ثواني وبقت تتوه في الكلام زعقت فيها
اترعبت وقالتلي انا هقولك يا باشا بس بالله عليك يا باشا متقولش انك عرفت مني حاجه عشان انا شكلي طينت الدنيا وفهمت غلط سكت ثواني وانا مش فاهم منها اي حاجه قولتلها في ايه يا عايده انطقي
قالتلي من شويه لقينا صوت صريخ وصوات مسمع القصر كله فكرنا في حاجه حصلت الصوت كان جاي من جناح صبا هانم وايمن باشا واول ما جريت علي فوق اشوف في ايه كان زيد باشا دخل قبلي وسمعت دوشه كتير ولقيت زيد باشا بيضرب ايمن باشا وبعدها ايمن باشا اختفي من القصر
مكنتش لسه فاهم ايه اللي حصل عشان تضرب اخوك وليه الصوات قالتلي بعدها خرج زيد باشا وهو شايل صبا هانم مغم عليها و في اثار دم علي وشها وشكل ايمن مد ايده عليها وقالتلي انك طلبت منها تدخل ترتب الاوضه بسرعه قبل ما اي حد يوصل وعرفت منها ان الاوضه مكانش في حاجه فيها في مكانها
وقتها انا لاكنت طايل لا سما ولا ارض وكل همي اطمن علي صبا وأمسك بأيدي ايمن اقتله😡
سكت ومرضتش أبين حاجه لروح ولا لأي حد وفضلنا مع ليلي لحد الصبح ما طلع و كنت ناوي نخلص من كل حاجه ونوصل ام ليلي لقبرها ويخلص العزاء واقتل ايمن بأيدي واندمه علي اليوم اللي فكر يمد ايده علي صبا وكنت واخد قرار مش هرجع فيه اني هخليه يطلقها طلاق مفيش منه رجوع حتي لو هي اللي غلطت كل إلا مد الأيد
بس كل حاجه وقفت قدامي لما عرفت انه عمل حادثه جريت زي المجنون عشان اعرف ابني في ايه واطمن عليه كنت واثق ان اللي حصل بينه وبين صبا وبينك انت وهو ليه علاقه بالحادثه كان مضايق غضبان مركزش وعشان كده اللي حصل حصل بس اكبر صدمه ليا لما سمعت ان ابني مات💔
وفجأه حسيت ان الدنيا وقفت بيا
اول ما وصلت اللي كان باين علي وشك غير اللي كنت انت ظاهره كان في جواك وجع وعينك من العياط كانت بتقول كلام كتير بس ثباتك و أحساسي ان في حاجه غلط بتحاول تخبيها خلوني اشك كان كل همي اعرف ايه اللي حصل بينهم يوصل الموضوع للموت و اللي خلاني بدأت احس ان في حاجه غلط لما صبا وصلت كنت سامعها وهي بتعيط جوه معاه وبتقوله قوم خلاص انت هسامحك وهنسي اي حاجه بس قوم سيبتكم تروحوا تخلصوا الورق وحساب المستشفي وتبلغوا الكل ودخلت علي الدكتور بكل غضب قولتله ابني عمل الحادثه ازاي ليه محدش فيكم لحقه كنت هتجنن ابني راح مني في لمح البصر عايز اعرف مين قصر في حقه الدكتور قاللي هو جاي ميت اصلاً احنا حاولنا نسعفه بس للاسف هو كان ميت.
قولتله عايز تقرير وفاه ابني انا عارف ان في تقصير حصل و هوديكم في ستين داهيه.
الدكتور هنا خاف وقرر انه يخلي مسؤوليته و يصدمني صدمه عمري اللي عمري ما توقعتها قاللي راجح باشا للاسف ابن حضرتك مماتش في حادثه ابن حضرتك انتحر 💔
صدمه مفيش اب في الدنيا يقدر عليها مكنتش مصدقه لحد ما وراني الڤديو قاللي الشباب كانوا مصورين الڤديو وطبعاً احنا خدناه منه عشان لو حصل اي قلق بخصوص موته لو حادثه فا ده دليلي ينفع في اي بلاغ لكن لو مش حادثه في حاجه تثبت اننا مقصرناش هو جالنا وهو ميت ومن البدايه هو كان مقرر انه يموت وقاللي انك طلبت منه مفيش حد يعرف وان اللي حصل يتكتب في التقرير انها موته طبيعيه عشان اسمه والتشهير بيه والكلام ده يعني هو قاللي بس لانه خاف مني
قولتله كمل كل الإجراءات زي ما اخوه قالك بالظبط واعتبر نفسك مقولتليش اي حاجه💔
الصدمه اللي كنت فيها متمناش اي حد يجربها💔🥺 وجع كبير اوي يا زيد الصدمه اللي كنت فيها خلتني ابقي في دنيا تانيه لا قادر اعيط ولا قادر ابيع وجعي اصلي هبين انهي وجع فيهم وجع موت ابني ولا صدمتي في انتحاره💔🥺
ووقتها اتأكدت ان اللي حصل بين صبا وايمن مش مجرد خناقه او مشكله بين راجل ومراته لا ده في حاجه كبيره اوي معني انه انتحر يبقي في سر ولازم اعرفه كان قدامي حل من الاتنين يا اجي اسألك او أسأل صبا بس في الحالتين كنت خايف روح واخواتك يعرفوا فا قررت استني الدنيا تهدأ وبدأت أركز معاكم انتوا الاتنين وعشان اكون صريح معاك انا لوهله في البدايه ظلمتك بس كان غصب عني شكيت ان في حاجه ايمن حس بيها من ناحيتك وده لاني عارف انك كنت بتحبها
بصله زيد بصدمه 😳
راجح...قيل ما تقول كلمه حط نفسك مكاني اب عرف ان ابنه انتــ حر و قبل ما ينتـ ـحر ضــارب مراته واخوه ضاربه واخوه ده كان بيحب مرات اخوه من البدايه فكر فيها دماغك هتروح فين قررت اسكت واركز معاك انت وصبا واعرف السبب لحد اليوم اللي دخلت صبا عندك في الاوضه فاكره يا زيد.
بصله زيد بوجع💔
راجح....يومها كان هيجرالي حاجه وكنت لسه شاكك ولما شوفتها داخله عندك حسيت اني اتأكدت ويومها روحت علي اوضتك يا زيد وقفت عشان اسمع في ايه بينكم🥺
وكانت تاني صدمه ليا لما اتأكدت اني ظلمتك وظلمتها سمعتها وهي بتعيط وبتترجاك متضغطش عليها بخصوص سر انتحاره سمعتك وانت بتتهمها ان ايمن ممكن يكون عمل فيها كده عشان هي مانعه نفسها عنه ويمكن يكون في حد في حياتها سمعتها وهي منهاره وبتقولك انت بتظلمني لو انا وحشه كده ازاي اخوك بعتلي رسايل يعتذرلي فيها قبل ما ينتحر سمعتك وانت بتقولها طيب ازاي عايشه كل ده معاه ولما ضربك وجريت بيكي علي المستشفي الدكتوره قالت ان ده دم عذريه💔
سمعتك وانت بتسألها عمليه ايه اللي ايمن راح يعملها في انجلترا حسيت وقتها اني تايهه ايه اللي بيحصل ده وايه اللي انا بسمعه ده.
واخر جمله سمعتها منك لما قولتلها قدامك فرصه كام يوم لو مقولتيش هسافر بنفسي واعرف ايه هي العمليه دي واعرف السر اللي خلي ايمن ينتحر سمعتها وهي بتترجاك تديها فرصه وكان اهم حاجه عندنا انك متقولش اي حاجه لينا عشان هي وعدت ايمن ان سره يفضل محفوظ وهي مش عايزه حد يعرف حاجه.
مكانش الموضوع بالنسبالي محتاج تفكير كتير عشان افهم السبب واستغربت انك مفهمتش💔
زيد...بوجع مين قالك اني مشكتش في الموضوع ده انا حتي في يوم قولتلها انا شكيت في كل حاجه حتي اني شكيت ان ايمن عنده ضعف جنسي
بس قولت استحاله تفضلي ساكته ده كله كان بالنسبالي مش سبب قوي مفيش ست تسكت لدرجه انها تبقي عارفه ان ممكن تتحرم من الامومه العمر كله وتكمل عشان كده قولت لا ده تفكير غلط💔
راجح....لا يا زيد في ولاد الاصول يعملوا اكتر من كده وصبا تربيتي انا وروح صانت جوزها و سترته وحافظت علي اسم العيله و موجعتش قلبي وقلب امه عليه أستحملت اللي محدش ممكن يتحمله وانا نفسي لو كنت عرفت وقتها مكنتش أستحملت عليها ثانيه واحده تفضل مع ايمن الحاجه الوحيده اللي صدمتني في كل ده اني متصورتش عجز ايمن يوصل لدرجه انه ميدخلش علي صبا💔
أزاي خبي عليا ازاي مقالش لحد فيكم ليه رضي يعيش في عذاب ليه مفكرش كان قدامه اكتر من الف حل إلا إنه ينتحر ويخسر دينه ويظلم معاه إنسانه ملهاش اي ذنب و يوجع قلبي انا وامه عليه ربنا يسامحك يا ايمن ويغفرلك ويصبر قلبنا
زيد....بحزن متزعلش مني يا باحبيبي حقك عليا مكنتش اقصد والله بس انا أتصدمت انك عارف كل حاجه و اكتر حاجه خوفتني انك ممكن تكون كنت عارف وظلمت صبا.
راجح ...مش زعلان منك يا زيد وعارف انه غصب عنك المهم الوقت انك فهمت كل حاجه وخليك علي الوعد والاهم ان صبا متعرفش اني عرفت.
زيد...طيب وروح تعرف حاجه.
راجح...بلهفه لا طبعاً روح لو عرفت ممكن تروح فيها كفايه عليا وجع فراق أيمن اللي متأكد انه زي النار في قلبها هي بس اللي مش بتحب تبين وتنكد عليكم انت عارفها ما بالك بقي لو عرفت انه انتحر محدش عارف غيري يا زيد.
زيد...مكنتش اتمني انك تعرف خبر انتحار ايمن انا حاولت علي قد ما اقدر ان كل حاجه تخلص بسرعه عشان نمشي قبل ما تعرفوا
راجح....ابوك مينفعش ميعرفش حاجه يا زيد قولتهالك الف مره اللي قدامك ده رغم سنه الكبير إلا انه داس في الدنيا اوي لدرجه انه بيحس بكل حاجه بتحصل حواليه
زيد.....ربنا يخليك لينا يا حبيبي المهم متزعلش مني.
راجح...بأبتسامه اعتبرها واحده بواحده انت شكيت اني كنت عارف وظلمت صبا وانا شكيت فيك انت وهي
لما دخلتلك الاوضه واظن كده خالصين
ابتسم زيد بحزن وحضن راجح وباس راسه.
راجح....المهم طمني يا ابن راجح كله تمام رفعت راسي.
زيد...بأبتسامه بسيطه بصله رفعت راسك يا باشا❣️
راجح...ألف حمد وشكر ليك يارب اهي لفت ودارت ورجعت لحد عندك ربنا بيحبك يا ولا❣️
زيد...بحب انا راضي بكل حاجه الحمد لله وربنا يرحم أيمن و يغفرله
راجح...يارب💔
...............................
مر حوالي 4 أيام رجع زيد وصبا للقصر
سالم وياسين استلموا حاجتهم وكان فاضل حجات بسيطه اوي بدأت دعوات الفرح تتطبع وتتوزع علي المعارف والصحاب الفساتين وصلت
وخلاص الوقت بيقرب لجواز سالم وياسين.
............
صلاح.....يعني ايه مش نافع انا مش فاهم حاجه😡
طارق....يا بابا أفهم الدنيا مقلوبه عليهم حراسات مع كل واحد فيهم كأنه قصر الرئيس
صلاح....ماهو الوضع ده بقاله فتره علي كده من يوم ما الجوز المغفلين اللي كنا مشغلينهم عندهم اتقفشوا هنفضل كتير كده😡
طارق....لا بس لازم نستني انت عارف ان فرح سالم واخوه بعد كام يوم و رجالتخم مركزين عشان هما مشغولين
صلاح...انا مش فاهم هي العيله دي افراحها مش بتخلص😡
طارق...خليهم يفرحوا يا باشا من نفسهم عشان لما نضرب ضربتنا ونوجع قلبهم يبقي فرحولهم شويه😈
صلاح...يا اما نفسي احرق قلب ابوهم عليهم بحق ما اتحرق قلبي علي ولادي. لا ومكفاهوش اللي حصل جه يديني فلوس واجبرني اطلع بره البلد عشان خاطر ابنه الحيله.
طارق ....متقلقش هنحزنه علي ابنه الحيله اديني بس كام يوم انا مظبط كل حاجه انا والرجاله هنستني الفرح يعدي وبعد الفرح علي طول هنقلبه ميتم علي اللي جابهم كلهم بعد الفرح بيوم او اتنين الدنيا هتبقي بدأت تهدأ شويه من حواليهم وقتها نظهر احنا وسفرنا بره مصر متحضر متقلقش
صلاح.....مش قلقان انا واثق فيك يا طارق انا بس مستعجل اشوف الوجع في عينهم وقلبهم 😡
طارق...هنشوفه متقلقش وسالم وزيد هيوجعوهم اوي😈
بصله صلاح وفضل يضحك بخبث..
....................
الايام كانت بتجري بسرعه جداً الكل مشغول الشباب بيساعدوا سالم وياسين في كل حاجه والبتات كلهم مش سايبين شمس وملك
كل ما الوقت يقرب شمس تحس انها مرعوبه مش قادره تتخطي اللي حصل بينها وبين سالم مرعوبه من فكره انهم يتقفل عليهم باب واحد ومتقدرش تتعامل عادي ورغم انها حبت سالم وحبت عيلته جداً إلا انها حاسه ان اللي جواها ملهوش علاقه بالحب هي خايفه
اللي حصل يأثر نفسياً علي حياتها مع سالم كانت نفسها تروح لدكتوره نفسيه او تتكلم مع حد بس مقدرتش وملاقتش قدامها غير سالم 🥺
قبل الفرح بيوم كانت موجوده عندهم هي وملك وميار عشان تاني يوم الفرح
وقفت شمس في الجنينه تتمشي كان الوقت متأخر اوي اغلبهم ناموا عشان هيصحوا بدري.
لمحها سالم من اوضته نزل جري علي تحت.
سالم...بقي بالذمه ينفع كده🤨🤨🤨
شمس...حطت ايدها علي قلبها حرام عليك يا سالم وقفت قلبي.
سالم...بضحك ايه ده انتي بتتخضي زينا😉
شمس...بأبتسامه ليه ان شاء الله حد قالك عليا اني زومبي😒
سالم...وانا مستني حد يقولي ما انا شايف🤪🤪
ضربته شمس علي كتفه طب يلا من هنا 😡
سالم...بضحك طب استني بس😂😂
شمس....يلا بدل ما اوريك شغل الزومبي علي خق.
سالم...اااه يابت ايدك تقيله😂😂
شنس...احسن يلا امشي وسيبني لوحدي.
سالم...طب اهدي يابت اهدي 😂😂
شمس...😒🤨🤨🤨بكرهك
سالم...اااه دراعي باظ يخربيت اللي يزعلك🤨🤨
شمس....تستاهل😡
سالم....طب والله دراعي وجعني ينفع كده😒
شمس...مش انا زومبي😡
سالم...طيب هو في زومبي حلو كده ياريت الناس كلها تبقي زومبي لو قمر كده زيك😉
شمس...بتسكتني صح🙄
سالم....لا والله ابداً يابت انتي عارفه ان بحبك فا بلاش الغباوه دي احسن اشوف شغلي معاكي 😡😡🔪
شمس....بضحك طيب خلاص صدقتك😂🙈🙈🙈
سالم...ايه بقي الله مسهرك لحد الوقت مش المفروض تطلعي ترتاحي عشان هنصحي بدرس وبكره يوم طويل
شمس....مش عندي نوم.
سالم....طيب اخلي عايده تعملك حاجه دافيه تهديكي عشان تعرفي تنامي❣️
شمس...لا لا مش عايزه سالم😔
سالم...مالك يا قلب سالم في ايه.
شمس....ينفع اتكلم معاك
سالم....بحب طبعاً يا شمس انتي بتسألي مالك في حاجه مضيقاكي.
شمس....لا خالص بالعكس انا مبسوطه جداً بس انا حاسه اني محتاجه اتكلم ومش هعرف اتكلم مع حد غيرك في الوقت اللي انا مش عايزه اتكلم فيه معاك انت بالذات😔
سالم....مش عايزه تتكلمي معايا انا بالذات طيب ليه ياقلبي انا زعلتك في حاجه
شمس...لا
سالم ...طيب امال ايه ؟ ليه مش حابه تتكلمي معايا
شمس....عشان مش عيزاك تزعل وفنفس الوقت اللي عايزه اقوله مينفعش حد غيرك يعرفه.
سالم...اممممم فهمتك طيب ايه رأيك نتفق اتفاق🤨
شمس...اتفاق ايه❣️
حط سالم ايده علي كتفها ومشي معاها وهي تحت دراعه❣️
سالم...تتكلمي معايا وتقولي كل اللي جواكي بس تنسي اني. سالم اعتبري نفسك بتتكلمي مع دكتور مع اخ مع نفسك اي حاجه وانا هسمعك وهرد علي قد الكلام.
شمس...ياسلام يا اخويا ما انت ممكن ترد من وجهه نظر سالم😒
سالم...بضحك يابت خلي في عندك ثقه فيا شويه😂 وعموماً لو ردي مرحكيش متتكلميش ايه رايك
شمس...ماشي موافقه😒
سالم...وقف سالم ووقفها قدامه ورفع حواجبه طيب ها بقي قوليلي مالك؟
شمس....متوتره وقلقانه وخايفه🥺
سالم....ايه السبب
شمس...نش قادره احدده🥺
سالم...طيب انا سمعت ان فرحك بكره🤨 مش ده سبب كافي لاي عروسه زيك عشان تتوتر وتقلق وتخاف.
شمس.....يمكن لو كنت في مكان اي عروسه طبيعيه كان ده بقي شعوري بس انا مبقتش عروسه طبيعيه
بصلها سالم بهدوء وفهم قصدها لكن رجع بسرعه تاني كمل كلامه.
سالم.....مين قال انك مش عروسه طبيعيه اي عروسه في الدنيا بمجرد ما فرحها يقرب بتتوتر حتي لو كان سبقلها الجواز ودي الجوازه التانيه ليها بتحس بنفس الشعور قلق وتوتر وارتباك عادي مشاعر عاديه داخله حياه جديده هتعاشر بني ادم متعرفش عنه اي حاجه غير الظاهر وبس اكيد لازم تكون متوتره
شمس...ده بجد🥺
سالم...وانا هكدب عليكي ليه دي حقيقه وعايز اقولك كمان ان مش بس البنت هي اللي بتبقي متوتره الراجل كمان بيحس بنفس التوتر بيفضل يسأل نفسه يا تري هقدر اكمل يا تري الجواز هيكون احسن من العذوبيه ياتري هقدر اخلي حياتنا ناجحه يا تري هقدر اكون زوج صالح حجات كتير اوي يا شمس.
شمس.....طيب ولو عندي خوف من حاجه في حياتي وخايفه ان الحاجه دي تأثر علي جوازي خايفه مقدرش اتخطاها وتفضل حاجز نفسي بيني وبين جوزي.
سالم...ده بقي حقك طبعاً لازم تخافي محدش فينا عارف بكره ممكن يحصل في ايه وطبعي جداً لما يكون عندك مشكله تقلقي انها تأثر نفسيا علي حياتك بعد كده.
شمس...يعني انا مش بأڤور صح🥺
سالم...بالعكس ده طبيعي جداً
شمس...طيب واعمل ايه عشان اتخطي الخوف ده.
سالم...لا دي مش بتعتك انتي بقي
شمس...امال بتاعت مين؟
سالم...دي مسؤوليه جوزك يا شمس هو اللي يقدر يشيل منك الخوف ويبعد عنك التوتر ويحسسك بالامان وينسيكي الحاجه اللي مسببالك كل ده ولو شاطر اوي مش بعيد يخليكي تحبي اليوم اللي حصل فيه الحاجه دي عشان خليتكم تقابلوا بعض وتكملوا حياتكم مع بعض
بصتله شمس بأبتسامه هاديه❣️
سالم....متخافيش يا شمس هنعدي كل حاجه وحياتك عندي لا هنسيكي حتي اسمك بس خليكي واثقه فيا❣️
شمس.....وانا واثقه فيك يا سالم.
سالم....طب مش يلا بقي اطلعي نامي يا قلبي انا عايز بكره اشوف قدامي قمر
مش شمس🙄😉❣️
ضحكت شمس ومسكت ايده اللي مدها ليها وطلعوا علي فوق دخلت الاوضه اللي قاعده فيها وهو راح علي الجناح بتاعه❣️
.................
في صباح يوم جديد
بدأ النهار بأشراقه جميله وسعاده ونظره راحه وتفاؤول علي ملامح الكل
الوقت بيجري والكل بيجهز
ياسين....طيب ادخل ابص بصه بس
روح....ولا نص بصه يلا من هنا🤨
ياسين...علي فكره بقي ده ظلم يا جدعان انهارده فرحنا غيب كده
راجح...ومش قادر تستني كام ساعه
ياسين...اديك قولت اهو كام ساعه ليه اصلا تاخد كام ساعه انا حلقت وظبط نفسي ومخدتش غير نص ساعه يا جدعان🤨🤨🤨
زهره...اعترض بقي هو احنا كده بنحب ناخد راحتنا😂😂😂
ياسين.... راحه ايه بس يا ملللك كفايه كده انتي حلوه من غير ميكب دخليني بقي😂😂😂
مراد....في ايه ياض يخربيتك ايه عامل دوشه ليه😡
ياسين...محدش راضي يدخلني اشوفها يا مراد وانا زهقت مش لاقي حاجه اعملها🤨
مراد....روح مع المقاطيع بيلعبوا بلاي استيشن في الاوضه😒
ياسين.....اديك قولت المقاطيع مش العريس🤨
مراد....😂😂😂اتنيل سالم قاعد يلاعبهم و يغلب فيهم هناك
ياسين...سايب عروسته وبيلعب بلايستيشن😒
زهره....اصله حاول من شويه يدخل ومرضيناش😂😂
ياسين...اه انتوا متفقين علينا بقي
روح...بس هو محترم سمع كلامي ومشي مش زيك🤨
ياسين...يعني انا مش محترم🤨
روح...ايوه ويلا روح العب معاهم🤨
ياسين...حاضر يا روح بس ليكي يوم🤨🤨🤨🤨 بص لمراد بسخريه 😒😒😒 اللي يشوفها وهي بتقول بثقه روح العب معاهم يحس انها بتكلم عيل عنده سنتين
راجح...والله العيل اللي عنده سنتين ده اكبر منك
ياسين...انا ماشي قبل ما افقد اعصابي🔪🔪🔪🤨
راجح...تفقد اعصابك علي مين يا ابن الكلب😡😡
ضحك ياسين وجري من قدامه😂😂🏃🏃🏃🏃
مراد...بضحك بص لروح وزهره انتوا الجوز يتفات ليكم بلاد عاملين زي ريا وسكينه مدخلوهم خلاص الدنيا هتبوظ🤨
روح....😂😂خليك في حالك ياسي مراد
مراد...ماهو سبق وعملتيها فيا انا والغلبان يوسف😂😂😂
زهره...هو كده محدش يشوف العروسه غير ساعت الفرح🤨🤨🤨🔪
مراد...تعالي معايا يا اخويا وسيبهم كده واقفين زي المخبرين😂😂😂
روح...لما الفرح يخلص يا مراد🤨
مراد....يامي يامي يامي 😂😂
روح...مش هامك يعني😂😂😂
راجح....بضحك وهو حاطت ايده في ايد مراد ياض ما تعقل انت كمان دي داهيه ايه دي 😒
مراد...بقولك صحيح يا راجح قبل ما انسي في شغل الايام الجايه تقيل اوي
راجح....طيب خير انا جاهز حتي لو من بكره.
مراد....لا مش للدرجادي بقولك شغل تقيل لما تسمع هتفهم
راجح....وانا بقولك انا جاهز مش واثق في اخوك ولا ايه🤨
مراد....ياعم طول عمرنا ابطال المجال
وعارف انك جاهز بس المرادي الطالعه كبيره وعايزه الكل يكون موجود يعني لازم الشباب كلهم يبقوا جاهزين و أيدهم بأيدنا.
راجح....انت فاكر اني اقدر اقولهم دول كانوا نسوا اني ابوهم اديك شايف الصايع اللي فوق ابو لهب اتحول مراهق😂😂😂
مراد...لا وحيات ابوهم ده بالعصايه هما اخرهم خمس ايام اسبوع بالكتير يرجعوا نخلص الشغل وبعدين يبقوا يعملوا اللي هما عايزينه تاني انا عايز الكل معايا
راجح ..اهم عندك اعمل اللي انت عايزه معاهم .
قرب منهم داوود وحط ايده عليهم بحب بتنموا علي مين🤨
مراد...ولا حاجه كنت بكلم راجح علي الشغل اللي قولتلك عليه.
داوود...انا عن نفسي جاهز اي وقت الدور والباقي علي العرسان😉
مراد....هو انا كل ما هكلم حد يقولي العرسان 😒😒 سيبوهم عليا انا وشكلي كده هوريهم الوش التاني
داوود...يا راجل حرام عليك هما مش مقصرين ولحد امبارح اغلبهم شاغلين حتي ياسين نزل امبارح الصبح والله خلص شغل وراه
مراد....عارف انهم رجاله ومش مقصرين بس مش هروح اقولهم كده وانا محتاجهم🤨🤨 لازم ارعبهم عشان دول ولاد كلب هيطلعوا فيا🥴
بصله راجح 😡😡 والله انت اللب الن كلب واطي ومش متربي.
جري مراد من قدامه بشقاوه وهو ميت من الضحك😂😂😂 منك لله يا داوود خلتني اندمجت
داوود...وانا مالي😂😂😂😂
راجح...والنبي ماهما عملت مش هتبقي في نظري غير رجل اعمال صايع و السبب في فساد ولادي 😒🤨
مراد...ماخلاص بقي زله لسان يا باشا هات بوسه 😍😍😍
راجح...بضحك يا واد بلاش بوس قولنا بلاش بوس الله يقرفك😒
مراد...هموت واعرف لما روح بتبوسك بتعمل فيها ايه😉
راجح...ياواد عيب انت مش صغير هتتبسط لما اضربك قدام مراتك وابنك
مراد...😂😂ما انا مشوفتش في حياتي حد بيكرهه البوس قدك😂😂
راجح....بأبتسامه ايوه بس من روح حاجه تانيه ايش جاب لجاب الواحد فيكم بيشبط فيا زي الخفاش
مراد...ايوه ياعم لاعبه معاكي يا ست روح😉😉😉😂😂
راجح....انا طالع ارتاح شويه جتكم الهم شوف هتعمل ايه معاهم وابقي قولي
مراد...ماشي يا ڤلانتينو😉❣️
راجح...يلا يا ابن الكلب😒
فطس داوود ومراد من الضحك عليه🙈😂
عدي الوقت بسرعه بدأت الناس تيجي واخيراً خرجت شمس وملك من أوضهم بعد ما جهزوا
ياسين....احيييييه😍
سالم...حاسب كده حاسب كده🙈😂
راجح...ارجع وراء ياصايع يا ابن الكلب منك ليه محدش يقرب
ياسين...لا بقولك ايه انا جبت اخري هلاقيها منك ولا من روح وزهره ده ظلم والله🙈
راجح....استحمل شويه ياواد ايه الجيش معلمكش الصبر😒
ياسين....والله ابداً ده خلي خلقي في مناخيري🤏😂😂😂
ضحكوا كلهم علي ياسين وبعد ما عذبهم راجح اخيراً نزلوا وسلمهم عرايسهم في ايدهم😍
ورقصوا مع بعض اول رقصه❣️❣️
ملك كانت مميزه بجمالها وفستانها الهادي والميكب الرقيق❣️
وشمس.....فستانها وتسريحتها وملامحها كانت شبه الملايكه
سالم....يخربيت ام الحلاوه🙈🙈
شمس....يخربيت لسانك 🙈😂
سالم...انتي لسه سمعتي حاجه انا كده مؤدب😉
شمس...سالم بس بقا🙈
سالم....يالهوي ياما انا لو اعرف ان الجواز حلو كده كنت اتجوزت من زمان 😂😂😂
شمس.....اتجوزت مين🤨
سالم...🙄اتجوزتك😉 طب بزمتك ينفع اكون لحد غيرك
شمس....لا طبعاً❣️
سالم بحب اتجنن وشالها ولف بيها
سالم...بحبك يا شمسسسسس
شمس....يامجنون 🙈🙈🙈🙈
جلال...يارب تقع بيها😂😂😂
زيد راح علي صبا كانت واقفه مع فيروز ومنذر وبيضحكوا سوا
زيد....اسف يا شباب هاخد منكم صبا لحظه
منذر...عيش يا صاحبي
مسكها من ايدها ومشي بيها بعيد
صبا....ايه يا زيد مالك ماشي بيا كده ليه🙈🙈🙈🙈
زيد....وحشتيني 😉
صبا....لا والله انا لسه سيباك حالاً🤨
زيد...وايه يعني انتي علي طول وحشاني😉
صبا...بأبتسامه جميله رفعت حاجبها زيد يا طوبجي بلاش انا🤨🤨
زيد...بضحك الله الله انتي بترفعيلي حواجبك كمان😂😂
صبا...اه عاجبك ولا لأ
زيد...عاجبني يا قلب زيد الطوبجي
صبا....طب يلا اعترف في ايه🤨
زيد...بصراحه🙄
صبا...بصراحه
زيد...هتكتمي السر🤨
صبا....هكتم السر
زيد.....عايز اسيب فيروز ومنذر لوحدهم🙄
صبا...ايه ده لا استني مش فاهمه انا حاسه كده ان في حاجه في دماغك ولا انا فهمت غلط🙄
زيد...يعني صح
صبا...فيروز ومنذر😳
زيد....هفهمك كل حاجه بعدين
صبا...لا الوقت
زيد....قولت بعدين خليها بليل بعد الفرح😉
صبا...لا عشان خاطري طب قولي اي حاجه.
زيد...يابت متبقيش.زي الاطفال كده قولت هقولك بعدين😂
صبا...وحياتي يا زيد🥺
زيد....بقله حيله ❣️ماشي هقولك يا ستي وامري لله عايز اسيبهم مع بعض اطول وقت ممكن عايز فيروز تقرب من منذر.
صبا.....طيب وافرض هما مش حابين او افرض منذر مش حابب
زيد...لا من الناحيه دي اطمني منذر هيتجنن ويحصل انا مشكلتي مش في منذر مشكلتي في فيروز ولو عايزه تشاركيني بجد حاولي تظبطي دماغ فيروز وتتكلمي معاها.
صبا....بأبتسامه انت بتتكلم جد يعني منذر عايز يتجوز فيروز
زيد....اقولك علي سر كمان 🤨
صبا...قول😍
زيد....حكايتي معاكي نفس حكايه منذر مع فيروز منذر بيحب فيروز من زمان هو مقاليش حاجه زي دي بس انا بفهمه من غير ما يقول اي حاجه عارف قصته مع حبيبته الخفيه اللي فاكر اني معرفهاش
صبا....ايه ده بتتكلم جد🙈
زيد...اه والله العظيم هفهمك كل حاجه بعدين المهم الوقت انتي فهمتي شويه وعرفتي انا جيت خدتك ليه.
صبا...عرفت ايوه اني مش وحشاك ولا حاجه🤨🤨
زيد....انتي مش وحشاني؟
صبا...اه ما انت اعترفت خلاص.
زيد...انتي قد الكلام ده🤨
صبا....اه هتعمل ايه
زيد....هبوسك قدام كل الناس والله 🤨
صبا...بضحك لا خلاص صدقت🙈🙈
وفجأه سمعوا الموسيقي اتغيرت والدنيا اتقلبت ولمح زيد رضا البحراوي داخل من بعيد بالمايك
زيد...ايه ده تعالي بسرعه حبيب سالم وصل😂😂😂
صبا.....ده رضا ا لبحراوي😂😂 يافرحتك يا سالم.
دخل رضا البحراوي وسط تصفيق الجميع والتهليل والترحيب بيه
بدأ يحيي ويبارك لسالم
وبيحي بعيله الطوبجي فرد فرد وقرب من سالم خده بالحضن وسط فرحه سالم بيه حضن ياسين وسلم علي الشباب
وبدأ رضا البحراوي اول اغانيه وهو واقف جمب سالم وياسين
رضا البحراوي🔥🔥🔥
بعبع وساعة القول واجب تقول عنه
ده لاففها عرض وطول عفريت تخاف منه
لا في حقه ساب ولا هاب
سالم....قول يا رضااااااااا وسمعهم🔥❣️
معمول له ألف حساب
مظبوط وليه مدرسة يتعلموا منه
حلوين ومافيش مننا فاضلين
أنا آخر فرد واقف ع الأرض مافيش مظابيط تانين
إيه لفين جايبينها شمال ويمين
قلبنا مية قلب ودايب الكعب هتيجي تصيع على مين😉😉🔥🔥🔥
بعبع والدنيا دي أرضه بيسوقكم عادي بإشارته
أنا زي الجن حضرتوه، خذ دي
لفينا الدنيا يابا بوجايب بيسمع إسمنا صم ع الغايب
كل العيون فينا ما تعلاش وعينينا بتعلى على الحاجب
لفينا الدنيا يا با بوجايب بيسمع إسمنا صم ع الغايب
كل العيون فينا ما تعلاش وعينينا بتعلى على الحاجب
حلوين ومافيش زينا جامدين
يحمينا من العين خلق بوشين يكفينا شر الحاسدين
على مين تعوجها يا بابا على مين
أول ما نحب ع الدنيا نقب الجيب يتملى ملايين
بعبع وبجري مدينة كله بيحفظ أسامينا
ما تشيلناش إلا إيدينا، ربنا يخلينا لينا خذ دي
مسك نادر ايد مريم ورقص معاها وسط الشباب كلهم ما بيرقصوا وفضل يلففها حوالين نفسها وهي ماسكه ايده😍🔥
لفينا الدنيا يا با بوجايب بيسمع إسمنا صم ع الغايب
كل العيون فينا ما تعلاش وعينينا بتعلى على الحاجب
لفينا، لفينا الدنيا يا با بوجايب بيسمع إسمنا صم ع الغايب
كل العيون فينا ما تعلاش وعينينا بتعلى على الحاجب
فضل سالم يرقص مع رضا غلي اغانيه وقدر رضا يخلق جو جميل واللي كان محلي الجو اكتر هو سالم بشقاوته
وبعد وقت طويل اخيراً خلص الفرح
والكل مشي.
سالم....بضحك ها يا سي زفت انت وهو هنطلع بأدب وباحترام علي اوضنا ولا تحبوا تشوفوا شغلكم🤨
جلال...ايه يا جدع الدخله دي طب استني اديني فرصتنا هنشرفك😂
سالم....عارف تشريفكم هينتهي معايا بعلقه اسمع مني وخاف علي نفسك انت وهو.
امير....بقولك ايه انا تعبت من الرقص وصوتي راح وعايز ارتاح اتصرف انت بقي في اخوك😂😂😂
جلال...بتبيعني يا واطي😂😂😂
امير...الجوز دول بالذات مينفعش هزار معاهم هيشرحونا😂😂😂😂
جلال...لا لا كله الا ياسو حبيبي ولا ايه
ياسين...علي اوضتك بالذوق عشان منظرك خاف عليه😉
جلال...ايه ده انا قولت هتاخدني انام في حضنك😉
ميار...بضحك وانا كمان قولت ملك هتنام معايا🙄
ياسين....يلا يابت من هنا انتي وهو انا اخلص من اتنين تطلعلي التالته😡😡🔪
زيد.....لموا كرامتكم بقي وعلي اوضكم😂😂😂
جلال....تصدق بالله الراجل ده مجابش غيرك يا زيد😂😂😂
زيد...عد الجمايل سهر واكل وشرب وبيات 😂😂😂
امير....اه والله مجاتش من ابويا😒
مراد...علي اوضتك يالا🤨🤨
سالم...يلا يا جدعان منجلكمش في حاجه وحشه وبص لامير وجلال اللي هيقرب من اوضتي هعلقوا علي باب القصر بلبوص😂😂😂🔪🔪
خد سالم شمس ودخل بيها وفضلوا كلهم يضحكوا.
راح جلال علي الاوضه وقف وراء الباب
جلال...سالم افتح يا ابو قلب قاسي😂😂😂😂😂
فتح سالم الباب وهو بيضحك وفي ايده الحزام اول ما شافه جلال جري علي اوضته وهو بيضحك😂😂
جلال...ما انا مش هسيبك هتروح مني فين دي مصر اوضه وصاله مبالك بالقصر
سالم.....متزعلش بقي من اللي هعمله فيك الايام الجايه هوريك شغل المقالب علي حق انا الكبير يااااض🤨
امير...انا مش معاه كله الا مقالبك ياسالم باشا 😂😂
قاسم...والله انتوا تستاهلوا ضرب الجزم يلا يا زهره ننام مش قادر😂😂
زهره...استني نتفرج شويه والنبي😂😂
ياسين...خد مراتك وامشي يا قاسم ولم فقره الساحر دي 😂😂😂
ضحكوا كلهم واخيراً سابوهم في حالهم ودخلوا اوضهم.
..................
دخل ياسين واول ما دخل قلع الچاكت وحدفه
ملك...بقولك ايه اوعي تتهور😒🙄
ياسين....اتهور انا عايزك تتشاهدي 😉
ملك...بضحك انت هتعمل ايه يا مجنوووون🙈
ياسين.....كل خير انا هعرفكم مين ياسين يا بيت مفيهوش حد عاااقل😂😂
ملك....ياسين استني هقولك
ياسين...يابت اقفي متفرهدنيش😂😂😂😂
ملك....طيب ناكل انا جعانه
ياسين....هناكل بس اقفي
ملك...طيب مش هنصلي
ياسين...هنصلي بس اقفي🤨
طلعت ملك علي السرير وهي بتضحك
طب ابعد من هنا عشان انزل😂
ياسين...يابت اعقلي متشمتيش جوز الكلاب دول فيا حيلي اتهد
ملك....والله انا خايفه منك هطلع اللي عملوا فيك عليا
ياسين...يابت اعقلي ربنا يهدكم صحتي راحت انت ا كلكم عليا من الصبح ليه ده انا مصدقت اتلم عليكي😒🤨
ملك...مش نازله
ياسين...بقي كده🤨🤨
نزلت ملك جري من علي السرير
بصلها ياسين بتعب لا اجري انتي بقي انا فرهدت
وقع ياسين علي السرير وفرد ايده وغمض عينه.
وقفت ملك من بعيد تضحك
ملك...ياسين قوم ياسين انت موت ولا ايه😂😂😂 لا بقولك ايه متموتش الوقت احسن يقولوا عليا نحس🙈
فضل ياسين نايم ومش بيرد
ملك....ياسين انت بتخوفني صح🙄
قربت منه براحه وهزته في كتفه مردتش
ملك بقلق...ياسين ياسين وفجأه لقت نفسها علي السرير وهو فوقيها
ياسين...بضحك بقي كل اللي هامك اني ماموتش عشان ميقولوش عليكي نحس😂😂😂😂 ده انا هنفخك
ملك...😂😂وقعت قلبي والله ما هصدقك تاني
ياسين....جيتي تحت ايدي ومش هرحمك🤨
ملك...استني طيب نتكلم.
ياسين...بس كده احلي كلام😉😉
ملك...بضحك لا يا ياسيييين❣️❣️❣️🙈
.................
في اوضه شمس وسالم.
سالم...يابت اعقلي انا هحكيلك حدوته قبل النوم
شمس...والله لو قربت مني يا سالم هموتك واموت نفسي
سالم...في ايه وانا متجوز ابراهيم الابيض 🤨🤨🤨اهدي خلاص مش هقربلك والله نتكلم بس شويه مع بعض
شمس...انت حلفت🙄
سالم...طبعاً وانا في الحلفان معنديش ياما ارحميني🙄
قربت منه شمس حاول سالم يهديها دخلوا خدوا شاور وغيروا و صلوا وكلوا فتحت شمس التلفزيون وهي بصاله بترقب وماسكه في ايدها سكينه بتاعت الفاكهه
وسالم قاعد مستني الفرج🥴🥴
سالم...بقول ايه🙄
شمس...عايز ايه 🤨😒
سالم...هعوز ايه من بلطجيه قاعده في ايدها سكينه 😒
كتمت شمس ضحكها امال عايز ايه
سالم....مش عايز كنت هقولك تصبحي علي خير😒
شمس...هتنام🙄
سالم...اه اصل الجو مغيم وانا خايف تمطر👊😡
قام سالم وراح علي السرير وفضلت شمس تضحك وتكتم ضحكها
نام سالم واتغطي قامت شمس براحه وراحت قعدت جمبه علي طرف السرير
قربت ايدها من كتفه وهزته براحه
شمس...سالم سالم.
سالم...امممم
شمس...انت هتنام وتسيبني.
سالم....يا ادي النيله السوده قام قعد وبصلها مش احسن ما ابقي جثه علي ايدك🤨
شمس....انا جيت جمبك😡
سالم....امال مين اللي مربيلي الرعب يا بت انا🤨🤨
شمس...طيب قوم اقعد معايا
سالم...لا مش قايم
شمس....هتسيبني 😔
سالم...انتي عايزه ايه الوقت 🤨 متجننيش
شمس...ياسالم انا خايفه🥺
سالم....طب تعالي جمبي هقولك حاجه
راحت شمس جمبه غطاها سالم معاه وباسها من راسها بحب وخدها في حضنه
سالم.....لو خوفتي من الناس كلها يا شمس مينفعش تخافي مني حتي لو انتي شايفه اني اكتر حد كان وحش معاكي في الدنيا كلها❣️ اتفقنا
شمس....بتنهيده اتفقنا
بصلها وهو بيبتسم وبيشاور علي خده طيب ممكن بوسه هنا بقي
ابتسمت شمس وقربت من خده باسته بهدوء.
حضنها سالم وحاول يكون هادي معاها وينسيها اللي حصل منه قبل كده ويعيشها يوم معاشتهوش قبل كده
وبعد محاولات هاديه ورقيقه من سالم استسلمت شمس لحضنه وحاولت تنسي اي حاجه وتتجاهل لمساته اللي علي قد ماهي مبسوطه بيها إلا انها كانت بتفكرها باليوم المشؤوم بالنسبالها وبعد وقت بسيط اتخطوا مع بعض اللحظه الصعبه ❣️❣️❣️❣️
- يتبع الفصل التالي اضغط على (رواية احفاد الطوبجي) اسم الرواية