رواية احفاد الطوبجي(1) الفصل السابع 7 - بقلم اميرة اسامه
............
في العوامه
كان المنظر ياخد العقل في مكان بعيد أنوار بسيطه هدوء جمال النيل مع سيمفونيه عالميه مبتتغيرش أبداً وكأنها الموسيقى المفضله لچورچ ولكل حد بيجي المكان ده.
بعد ما خلصوا أكل و جابلهم چورچ قهوتهم.
سكتوا شويه و بصله منذر
زيد...بإبتسامه عايز تقول ايه؟
منذر....بنفس الإبتسامه كنت لسه هسألك نفس السؤال واضح كده
اننا محتاجين نتكلم فعلاً
بصله زيد وفضل مركز في عينه
زيد....أنا تعبان يا منذر💔
منذر...وانا كمان يا زيد تعبان أوي💔
زيد طول عمري يا منذر أعرف ان الصحاب دول لازم يكونوا يشبهووا بعض نفس التفكير نفس الطباع نفس الأسلوب لازم يكونوا بيكملوا بعض لكن الغريب بعيداً عن أن انا وأنت بينطبق علينا نفس شروط الصداقه لكن كمان بينطبق علينا نفس الوجـ ـع.
منذر....مش فاهم
زيد....كل واحد فينا شايل جواه حاجه وجـ ـعاه أوي بس عارف يا منذر ايه أحلى حاجه فينا رغم أن ممكن ناس كتير تشوفها مش حاجه حلوه.
منذر...ايه هي؟
زيد...الصحاب اللي بجد بيتكلموا و يفضفضوا بيحكوا اسرارهم لبعض بيبقوا عارفين أدق التفاصيل عن بعض لكن علاقتي انا وأنت مختلفه أحنا يمكن نكون بنحكي و بنفضفض و بنرتاح لما بنتكلم مع بعض بس الغريب ان لحد يومنا ده محدش فينا طلع السر اللي جواه للتاني يمكن اللي يعرف ده يشكك في صداقتنا
بس انا بشوف أنه حلو أوي الواحد يخرج اللي جواه من غير ما اللي قدامه يسأله تقصد ايه و بتتكلم على مين بشوف أنها حاجه حلوه تحاول تعبر عن جزء ولو بسيط أوي من الوجـ ـع اللي أنت شايله جواك واللي قدامك يسمعك من غير ما تكون مضطر توضح أكتر من اللي أنت عايز تقوله و بشوف كمان أن ده ميقللش أبداً من الصداقه.
أصل الصاحب اللي بجد يا منذر هو اللي يسمع و ميهموش اي تفاصيل تانيه أنت معايا ولا أنا غلطان.
منذر....بالعكس يا زيد انت مش غلطان خالص.
أوقات يا زيد اللي بيبقى جوانا صعب نطلعه خصوصا لو احنا نفسنا مش مقتنعين بيه أو بمعنى أصح مستغربين انه بيحصل معانا
زيد....بالظبط ده اللي اقصده
منذر....في حجات يا زيد أكبر بكتير من انها تطلع برانا مش كل اللي جوه ينفع يطلع مع أن أوقات كتير اوي بنبقى محتاجين أننا نطلعه عشان نحس بالراحه
زيد....كأنك بتحكي عني.
منذر...عارف يا زيد كتير اوي بسأل نفسي هو انا صح ولا غلط
الشعور اللي جوايا وبحس بيه من حقي ولا لأ و بسأل نفسي بردوا ليه ؟ ليه ديماً بيحصلنا حجات في الوقت الغلط وهل يا تري ده تأخير مننا ولا كل ده مكتوب.
زيد....بإبتسامه وجـ ـع💔
التأخير مكتوب والوقت اللي احنا شايفينه غلط مكتوب و سؤالنا لنفسنا يا تري احنا صح ولا غلط بردوا مكتوب يا منذر
منذر....طب ووجـ ـع القلب يا زيد بردوا مكتوب💔
زيد....أيوه يا منذر مكتوب ولازم نعيشه لازم نحس بكل ثانيه فيه
لازم كل ثانيه تعدي تعلم في القلب.
منذر....طب والنهايه هتكون ايه
زيد....حتى دي مكتوبه و هنشوفها يا منذر يمكن انا شخص بيحب يعرف اللي هيحصله بسرعه لكن المرادي بالذات مش عايز الوقت يجري حتى لو الوجـ ـع كل بوم بيزيد.
منذر....ويمكن مفيش نهايه والوضع هيفضل زي ماهو.
زيد...يمكن وارد أوي الوـ ـع يفضل جزء من حياتنا.
منذر....بس أنا تعبت يا زيد مش قادر اكمل بتظاهر بالقوه وإني عادي بس هو مش عادي خالص
كمان لما باجي افكر ان ممكن حاجه تحصل تغير المكتوب ده بحس اني اناني أوي لأن عشان وجـ ـعي ده يخلص وينتهي في شخص تاني هيستلم الوجـ ـع ويكمل مكاني
زيد....بشرود وأصعب حاجه في الدنيا لما اللي يستلم الوجـ ـع مكانك يكون منك💔 يخصك شخص متتمناش ابداً تشوفه موجـ ـوع
بصله منذر بحزن....صح يا زيد
بس تفتكر العيب فين بالظبط؟ فينا ولا في ايه بالظبط مبقتش فاهم اي حاجه
زيد...صدقني سألت السؤال ده لنفسي كتير بس ملاقتش إجابه واضحه و صريحه.
بس لو هتكلم عن نفسي أنا مش وحش يا منذر والله العظيم بس اللي جوايا ده شعور اتولد جوايا غصب عني حاولت كتيييير اوي
أبعده عنه بس منين كل ما أهرب منه بيطلع قدامي بعدت وسافرت ودفنت نفسي في الشغل عشان اقدر انسى بس مبنساش يا منذر
يمكن عمري ما عملت حاجه غلط ولا حاولت أظهر شعوري ده عشان انا مش قد ذنب الخيانه بس مش عارف اكدب على نفسي
منذر....متحاولش يا صاحبي عشان مهما عملت مش هتقدر انا جربت كتير أوي ومفيش حاجه طلعت في ايدي عارف يعني ايه تهرب من حد قلبك اختاره بس قلبك انت مش مطاوعك للهروب ده عارف يعني ايه تحاول تلاقي حلول كتير للشخص ده عشان حياته متبوظش في الوقت اللي انت من جواك اوقات بتتمنى ان حياته متستمرش جربت احساس انك تشوف نفسك أوحش حد في الدنيا وأنت بتتمناله حياته متكملش
زيد....وهو شارد تبقى بتصلح و بتدخل و جواك بتقول يارب تكون النهايه مع إنك واثق ان حتى لو حياته انتهت و باظت عمرك ما هاتقدر تكون معاه تناقض رهيب جواك بين أنك تحاول تكون حمامة السلام وبين أنك اكتر شخص نفسه العلاقه دي تنتهي.
منذر....الحب ده غريب أوي على قد ما هو ممكن يخليك ماسك النجوم بأيدك على قد ما هو ممكن يخليك اتعس حد في الدنيا
زيد....بالظبط وكمان أحساس الظلـ ـم أحساس صعب اوي يا منذر
لما تحس ان الحاجه الوحيده اللي بتتمناها من الدنيا وعايزها بكل كيانك بتروح لحد تاني على طبق من دهب لا أنت قادر تمد ايدك وتاخد الحاجه دي ليك و تخبيها عن الدنيا بحالها ولا انت قادر تنطق وأنت شايفها بتروح لشخص غالي عليك.
نزلت دمعه من منذر خانته وهو بياخد نفس طويل بوجـ ـع والآااه اللي طالعه مسموعه💔
منذر....يمكن وجـ ـعنا واحد فعلاً يا صاحبي بس يمكن أنت المكتوب بتاعك يبقى افضل بكتير من المكتوب بتاعي لان الوضع اللي انا فيه صعب و ميتصدقش💔
ضحك زيد ضحكة سخريه مليانه وجـ ـع💔
زيد....صدقني يا منذر لو عرفت المكتوب بتاعي انا وعرفت الوضع اللي انا فيه هتعرف وقتها ان انا وضعي اصعب منك بمراحل💔
أنا وضعي مقفول ملهوش مفتاح
منذر....بإبتسامه متحكمش على وضع يا صاحبي انت مش فيه لأنك لو فيه مش هتقول كده
زيد....عمري ما حكمت على حد ولا قللت من اللي هو شايله بس صدقني يا منذر لو انت اللي مكاني بجد هتستصغر الوضع اللي انت فيه اوي.
سكت منذر لانه مهما قال شايف من وجهه نظره ان زيد مش هيفهمه
وسكت زيد هو كمان لانه شايف نفس السبب ان منذر مش فاهمه.
وكأنهم تشابهوا في كل حاجه من غير ما يحسوا الوجـ ـع و الحكايه
وحتى الاسرار💔
منذر....قولي يا زيد جربت تقفل على الوجـ ـع ده وتفتح قلبك من جديد.
زيد....لأ عمري ما فكرت في كده اصلاً
منذر...طيب وليه متحاولش
زيد....وأنت محاولتش ليه.
منذر....لانها عامله زي الشبح بتطاردنى في كل وقت وكل مكان من غير ما تكون قاصده.
زيد....بالظبط هو ده اللي عايز اقوله.
منذر....طيب وبعدين هنفضل كده
زيد....عندك حل يا صاحبي.
منذر.....اه نجرب عالأقل نحاول نخفف وجـ ـع تأنيب الضمير.
زيد....بغضب بسيط ضميري بيأنبي بس كمان مش من حقه يأنبني انا مغلطتش يا منذر من البدايه كانت ليا وفجأه أتسرقت مني يبقى ليه اصلا احس بتأنيب الضمير ده.
منذر....خلاص لو شايف أنك اتظلمت ليه حاسس بتأنيب الضمير
زيد....بوجـ ـع عشان مينفعش يا منذر مينفعش💔 اه اتسرقت مني بس كان لازم أرضى بالامر الواقع
منذر...ومرضتش ليه؟
شاور زيد على قلبه بوجـ ـع ونبره صوت كلها شجن أسأل ده ♥️
أسأل قلبي يا منذر متسألنيش انا
أنا واحد ماشي وراء قلبه غصب عنه مش عارف هيوديه فين.
منذر....القلب بيقول نكمل بس العقل رافض يا زيد لازم نحاول نسمع بوضوح صوت مين فيهم الاعلى.
زيد....حاولت لاقيت إن صوت العقل والقلب واحد بيخرجوا منك في نفس الوقت بيتصادموا ببعض
وبيرجع الصوت يخبط في قلبك من غير اي رحمه ويصـ ـرخ من الوجـ ـع ويقعد العقل على جنب يتفرج على القلب وهو حزين عليه💔 وفجأه الصوتين يسكتوا مره واحده ويتفرجوا عليك وأنت بتتآلـ ـم💔
منذر....اااااااااااااااه يا يازيد صحيت الوجـ ـع أكتر ما هو صاحي حرام عليك💔
زيد....أسمع يا منذر أحنا من اللحظه دي لازم نقف وقفه صح مع نفسنا.
منذر....ازاي مش فاهم
زيد.....لا نسمع صوت عقل ولا صوت قلب
منذر....وهو في صوت تالت غيرهم يا زيد.
زيد....اه يا منذر في اهم صوت
منذر....دلني عليه يا صاحبي وأنا معاك.
زيد.....صوت الواقع يا منذر الواقع اللي إتفرض علينا مضطرين نمشي وراه و نصدقه مضطرين نصدق ان مهما عملنا هيفضل الواقع هو الحاجه الصح اللي كان لازم نصدقها من الاول نرضى بالامر الواقع
منذر....و أفرض اننا نيمنا القلب و سكتنا العقل ومشينا وراء الواقع
هنعمل ايه في عيننا اللي بتشوفهم قدامنا في كل مكان
زيد....حتى دي كمان هتبطل تشوفهم من بعد انهارده
أقتحم فجأه جلستهم چورچ اللي كان قريب منهم
چورچ....زمان قالوا إن المكتوب على الجبين لازم تشوفه العين
ومهما حاولتوا إنكم تعموا عيونكم هتفضلوا شايفين.
أصل في فرق كبير أوي بين البصر و البصيره.
البصر دي نعمه ربنا بيبعتها لكل واحد قادر يشوف لكن البصيره دي نعمه تانيه خالص مبيمتلكهاش
غير الشخص اللي ربنا شايفه مميز
ودي بتشوف بيها كل حاجه لكن بقلبك و بيحسها و بيفهمها عقلك
من غير ما تحتاج لعينك
كتير مننا بيملك نعمه البصر بيشوف بعينه لكن بيتخدع في الحاجه اللي شايفها.
لكن نعمه البصيره قلبك وعقلك هما اساسها ودول مستحيل يكدبوا عليك.
لو حاولتوا تعموا عيونكم مش هتقدروا تعموا قلوبكم وعقولكم
سلموا أموركم للي خلقكم وبلاش تقسوا على قلوبكم كفايه اللي هي شيلاه
مشي...چورچ من غير ولا كلمه زياده
فضل منذر وزيد باصين عليه و ساكتين شاردين في كل كلمه قالها چورچ.
وبعد وقت بسيط قرروا أنهم يمشوا وهما من جواهم مقررين انهم لازم يعملوا وقفه إحتجاج على قلوبهم.
.................
خرجوا بره وقفوا قدام عربياتهم
منذر....مش كنا قعدنا شويه مليش مزاج اروح الوقت
زيد....طيب تعالى نطلع على القصر مراد كان عايز يشوفك
منذر....ايوه بس الوقت أتأخر زمانه نام أكيد راجع تعبان
زيد...هو قال هيسهر مش هينام
كمان فيروز وحسام رايحين يسلموا عليه.
منذر....بس زمانهم روحوا مظنش يفضلوا لحد الوقت دول خارجين من بدري.
زيد....طيب تعالى شويه وبعدين روح الوقت مش متأخر اوي يعني الساعه واحده.
منذر....طيب تمام يلا بينا
..............
أما أنا...
لم أعرف إجابه لسؤالي لماذا لم
تراني يوماً وأنا أقرب أليك من حبل الوريد.💔
في غرفه فرح خبطت جنه على الباب ودخلت.
جنه...انتي فين يا بنتي من بدري مختفيه لما أنتى صاحيه قاعده هنا ليه.
رفعت فرح وشها لجنه
جنه...😳ايه ده انتي بتعيطي يا فرح مالك في ايه.
فرح....بدموع إنهارت في حضن جنه
جنه....بس بس في ايه لكل العياط ده حصل ايه انتي كنتي كويسه يا فرح و بتضحكي ومبسوطه 🥺
فرح....أمير يا جنه🥺
جنه...ماله أمير عملك ايه يافرح
فرح....أمير بيحب حد تاني💔
جنه...ايه اللي بتقوليه ده بس يا فرح أمير وحب مستحيل طبعا اكيد بيتهيألك
فرح...سمعته بودني يا جنه بيكلم بنت في الموبايل شكلها كانت مستنياه يخرج معاها بس هو قالها مش هينفع عشان مراد سمعته بيقولها وحشتيني سمعته بيقولها بحبك💔🥺🥺
ليه يا جنه ليه محبنيش أو بلاش أقول ليه محبنيش ليه محسش بحبى؟
ليه مش شايفني وانا قدامه ديماً
وأقرب حد ليه انا كل ما بحتاج حاجه مبروحش غير ليه هو مبسألش ولا بطلب حاجه من حد قد ما بسأله وبطلب منه هو
هو عارف اني ديماً محتجاله
جنه....مش يمكن عشان انتي قدامه ديماً يا فرح؟
فرح....وأنا المفروض أمشي من القصر عشان يشوفني ويحس بيا
ياجنه🥺
جنه...لا يا فرح مقصدش كده أنا أقصد يمكن عشان أنتوا متربين مع بعض حياتنا واحده تفاصيلنا واحده يمكن مش شايفك اصلاً أكتر من بنت عمه وأخته.
فرح....حتى لو اللي بتقوليه ده صح محسش بحبي ليه ولا مره
محسش اني محتجاه في حياتي
محسش اني مبعملش اي حاجه تضايقه🥺
طب لما هو مبيحبنيش ليه كان بيضايق لو لبست حاجه مش عجباه ليه كان ديماً يعلق على لبسي ليه كان بيضايق لو خرجت مع صحابي وليه كنت بحس انه بيبقى مبسوط لما أحاول ألبس الحاجه اللي بيحبها ولما بقيت أخف خروج مع صحابي
جنه...فرح يا حبيبتي مش يمكن عشان انتي تخصيه أكيد مش حابب يشوفك غير بأحسن صوره
كمان ماهو بيعمل معايا كده
فرح....لأ يا جنه انتي مش فهماني طريقه امير كانت كل مره بتأكدلي انه بيحبني بجد مش بس عشان بنت عمه لا حب من نوع خاص
جنه...مش يمكن انتي اللي شوفتيها كده يا فرح لأنك بتتمني ده اللي يحصل.
فرح....قصدك يعني اني بوهم نفسي.
جنه....مش كده يا فرح مش هو ده قصدي بس كمان لما بنكون نفسنا حاجه معينه تحصل من شخص معين ممكن نترجم اي فعل ليه بالطريقه اللي بنتمناها
انتي بتحبيه ونفسك يحبك او عالاقل يحس بحبك فا طبيعي لما يعلق على خروجك على لبسك على اي حاجه بتعمليها هو مش حاببها بتتخيلي انه بدأ يبادلك نفس الشعور.
فرح....كان نفسي يحبني يا جنه كان نفسي يحس بحبي ليه انا من يوم ما وعيت على الدنيا وانا بحبه كأني جيت للدنيا دي بس عشان احبه هو أمير راح يحب حد تاني وانا قدامه طول الوقت بمـ ـوت كل لحظه وبعمل كل حاجه اقدر عليها عشان بس يحس بيا💔🥺
جنه...فرح انا مس عايزه اشوفك بالضعف ده ومن غير زعل انتي اللي غلطانه مش هو عشان انتي ظبطي حياتك و أقلمتيها على ان أمير هو اللي موجود فيها من غير ما تسألني نفسك هو بيحبك بجد زي ما بتحبيه ولا لأ من غير ما يكون في حاجه قدامك واضحه منه ليكي.
فرح...بوجـ ـع انتي عندك حق انا اللي غلطانه يظهر اني كنت ماشيه وراء قلبي من غير ما افكر بعمل كل حاجه تخليه يكون راضي عني و ناسيه نفسي بفكر كل لحظه أزاي اسمع كلامه وارضيه وانا فاكره ان كل ده ممكن يخليه يحبني
جنه....يبقى تركزي مع نفسك شويه يا فرح انسي وكأن مفيش حاجه حصلت.
فرح... بالسهوله دي💔🥺
جنه ...اه يا فرح بالسهوله دي عشان لو طاوعتي قلبك هتدخلي في سكه صعب تخرجي منها
انك تحبي من طرف واحد دي اكتر حاجه ممكن توجـ ـع أي بنت
بصتلها فرح بوجـ ـع وسكتت وهي من جواها ضايعه وقررت انها تتغير تماماً مع أمير💔
..................
مراد.....طيب مفيش حل يا داوود
داوود....حالتها صعبه يا مراد ومتأخره اوي
مراد....ولا حتى لو سافرت بره
داوود....ماهما لسه راجعين من السفر مقدروش يعملوا حاجه
ليلى قالتلي انهم كانوا مقررين يعملولها عمليه يستأصلوا جزء من الكبد قبل ما يقرروا انها محتاجه زراعه كبد اصلاً
فا قرروا يعملوا عمليه إستكشافيه عشان يشوفوا حجم الورم قد ايه
إتفجأوا ان الكانسر متشعب في اماكن تانيه بسرعه قفلوا الجرح وخرجت من العمليات كمان الدكتور لما سألته على موضوع اننا ممكن ندور تاني على شخص متبرع يكون متوافق معاها
قاللي ان حتى لو ده حصل مبقاش في وقت الكانسر بهدلها على الأخر
روح....حبيبتي يا ليلى ربنا يكون في عونها شايله حمل كبير
مراد...بحزن بص لاخوه خليك جمبها يا داوود متسبهاش أبداً مهما حصل ليلى محتجاك اكتر من اي وقت فات
داوود....وانا معاها يا مراد مش هسيبها ابداً.
فيروز....ربنا معاها يارب يا داوود
ويصبر ليلى
داوود...يارب يا فيروز
مراد....بإبتسامه غير مجري الحديث ايه يابت انتي الحلاوه دي مش هتبطلي تحلوي كده
حسام....بضحك عمك بيعاكسك يا فيروز قدامي.
مراد...بضحك طب تصدق بالله لو انا مش عمها كان زماني الوقت معلقها منك
حسام....الله الله طب وليه القلبه دي بس و عموما بردو انا اللي كنت هكسب
مراد....قدام مراد الطوبجي مستحيل
سالم...بضحك أسألني انا يا حسام احمد ربنا انه عمها محطم قلوب العذاره ده😂😂😂
دخل في الوقت ده زيد ومنذر
وبمجرد ما دخلوا وقفوا مره واحده وهما ساكتين وكأن كل الكلام اللي قالوا لبعض أتمحي
ورجعوا لنقطه الصفر.
سالم....منذر الباشا عندنا يا هلا يا هلا
حاول منذر يتمالك نفسه وبسرعه أبتسم
مراد....اهو كده القاعده تحلو بصحيح واحشني يا ابن الباشا
قرب منه منذر حضنه و طبطب على ضهره
منذر....طولت الغياب والقاعده عجبتك في بلاد الفرنجه😉
مراد...بضحك هي عجبتني بعقل
انت عارف انا أي حاجه فيها تاء مربوطه بتعجبني على طول
سلم منذر عليهم كلهم وقعد معاهم
البنات كلهم خدوا جمب مع روح وفضلوا يتكلموا مع بعض ويضحكوا والشباب كمان خدوا مع بعض جمب.
ياسين....مختفي ليه يا عم منذر مبقيناش نشوفك غير كل فين وفين
منذر....انا اللي مختفي بردو على أساس زياراتك مقطعه بعضها🤨
ياسين....ياعم انت عارف الشغل
منذر...وانا شرحه والله الشغل كتير جدا ومضغوط الفتره دي اوي وبعدين يا اخويا ما انتوا كل يوم والتاني سهره شكل حد فيكم فكر يكلمني عشان افضي نفسي واجي
سالم....بضحك ماشاء الله مش مصدق نفسي منذر الباشا عنده استعداد للإحنراف وانا معرفش يا ولاد😂😂
زيد....ايه ناويين تضموه لفريق الفساد بتاعكم😒
يوسف....ياجدع وانت مالك هو انت لا بترحم ولا بتسيب رحمه ربنا تنزل
نادر.....اهو ده بقى اللي ينطبق عليه مفرق الجماعات
مراد....مش عارف يا اخي الواد ازاي مش طالعلنا قفل كده ومعقد و واخد الحياه جد هو في احلى من الجنس الناعم يا مغفل😉
داوود...بضحكه بسيطه هو المحترم الوقت بقى معقد
مراد...اه معقد فيها ايه يا اخويا منك ليه تبقى محترم و فرفوش كده في نفس الوقت وبعدين الواد لازم يطلع لعمه مطلعليش ليه ده
داوود....مش مكفيك الفريق اللي طالعلك ده صعبان عليك يفلت من تحت أيدك حد😂
قاسم....مراد ماشي بنظريه يا نعيش عيشه فل يا نمـ ـوت احنا الكل
مراد...بالظبط أهو الكبير بتاعكم قالها.
وكمل بضحك بس الغريب يا جدع اني عرفت انشر تأثيري على كل ولاد راجح الشباب إلا زيد وايمن
تحسهم كده عرق الإحترام ناقح عليهم شويتين لدرجه اني شكيت انهم يكونوا مش قد كده😉
وعندهم مانع يعني يمنعهم يقربوا من الستات بس انا عن نفسي مطمن على ايمن الراجل متجوز مبقاش غيرك اشك فيك يا سي زيد طمني عليك انا عمك بردو قولي انت تمام ولا مش تمام😉
لو في حاجه يعني انا في الخدمه
ضحكوا كلهم معادا أيمن اللي أبتسم بتوتر داس مراد على الجرح بكل قوته من غير ما يكون قاصد يوجـ ـع ايمن الكلمه خرجت من لسانه كأنها سهم أصاب جرح وخلاه ينـ ـزف من غير اي رحمه
زيد...بضحك لأ لا موأخذه احنا جامدين اوي ولاد الطوبجي كلهم زي الفل 🤨🤨
مراد....بضحك والله اشوف عملي وانا اقرر زي الفل ولا لأ😂
منذر...بضحك والله مراد ده مسخره
راجح....قولها متتكسفش قول انه مش متربي😂😂
مراد....بلاش انت يا باشا طول عمرك خاربها 😉
راجح....ياواد وطي صوتك روح تسمعنا🙄
جلال....بضحك ايوه يا باااااشا روح مسيطره
راجح....بحب طبعاً مسيطره هتكسف يعني اقول انها مسيطره على حياتي كلها
سالم....هو ده بقى انا قولتها زمان العيله دي كلها جامدين بقولك ايه يا باشا السهره الجايه انت معانا خلاص
راجح....بصوت واطي موافق بس عايز سهره ترد الروح
سالم...سبلي بس انت نفسك و أنا هظبطك😉
زيد...الله يخربيت شيطانك انت وعمك مش عاتقين حد خالص
مراد....والله عندي استعداد أطلعك من دماغي بس اسبتلي ان الرجوله عندك مش في ذمه الله
زيد...ودي اثبتهالك ازاي ان شاء الله
مراد....سهره حلوه من بتوعنا او تتجوز زي قاسم وأيمن قاسم اهو ماشاء الله رجوله وايمن كمان زي الفل فاضل أنت 😉
وقف ايمن مره واحده وهو بيحاول يسيطر على نفسه
ايمن...طيب يا جماعه معلش هستأذنكم انا عشان مش قادر خلاص
مراد....متخليك شويه متبقاش رخم
أيمن...معلش يا مراد تعبان ومصدع اوي
مراد...مصدع بردوا يا ابن راجح ولا عايز تطلع تلعب بديلك😉
ضغط ايمن على سنانه وهو من جواه نار ابتسم بهدوء لا هنام تصبحوا على خير
مشي ايمن بسرعه من غير ولا كلمه
سالم...الواد ده ماله مش على طبيعته بقاله يومين كده
يوسف....اه قالب وشه وشكله مضايق
راجح...انتوا هتاضيقوا بالعافيه تعبان وعايز ينام يا رخم منك ليه
بص زيد على ايمن بشرود وفضل مركز معاه لحد ما أختفى وبعدها جاب عينه على صبا
كانت قاعده في وسطهم بس كانها مش معاهم ساكته و سرحانه وباصه في الارض.
راجح....صحيح نسيت اقولكم مشروع إنجلترا أتوافق عليه الرد جالنا انهارده على الايميل
فرحوا كلهم وباركوا لبعض
سالم....طيب كده مين هيسافر إنجلترا
راجح....داوود اكيد.
بص داوود لراجح وسكت
زيد....داوود يا باشا مش هينفع ليلى محتجاه
داوود...لا لا عادي هسافر وو.
قاطعه مراد....مفيش سفر هتفضل مع ليلى وأحنا هنحلها مع بعض وانا عادي معنديش مشكله اسافر مكانك.
أبتسم داوود لمراد بأمتنان❣️
قاسم...انا شايف ان ممكن كمان انا وايمن منروحش الامارات مع بعض عادي كل واحد يسافر مكان يخلص اللي وراه أنت لسه راجع من شغل يا مراد خليك انت
زيد....عموما مش هنختلف هتتحل أن شاء الله وانت خليك مع ليلى يا داوود.
راجح....تمام يا ولاد اللي تشوفوا صح اعملوا معنديش مشكله مع مين يسافر المهم حد يروح وخلاص.
سالم....سيبكم بقى من كل الكلام ده السفر هيبقى خلال يومين
عايزين نلحق نسهر سهره حلوه كده قبل ما تسافروا😂😂😂
ضحكوا كلهم على سالم وأنتهى اليوم اخيراً
استأذن منذر وحسام وفيروز
وطلع الكل على أوضهم
دخلت صبا على الجناح الخاص بيها هي وأيمن لقته نايم
راحت عليه بهدوء مشت أيدها على شعره ابتسمت بحزن وراحت على الحمام تغير هدومها
فتح ايمن عينه بهدوء وخد نفس طويل كله وجـ ـع 💔
.........
في صباح يوم جديد.
وصل الجميع على مجموعه الطوبجي وكان أول يوم لجلال
اللي مكانش طايق نفسه بالمره
لكن بمجرد ما شاف موظفين الشركه خصوصا البنات ابتدا يضحك
جلال....بصوت هامي لكن مسموع لاخواته احنا متفقناش على كده بقى الموزز دي كلها تكون موجوده ومحدش يديني خبر😂😂
أمير...بضحك ما احنا قولنا كتير
نادر....اظن انت كده قاعد هنا في الشركه خلاص
جلال...الراجل فيكم يخرجني منها😂😂😂
سالم...بضحك تربيه اخوك يا واد
زيد..بنظره غضب تربيه زباله😡
بقولك ايه يا جلال اظبط ها خليك هادي ورايق واياك تعمل مشكله مع حد او تحاول تضايق اي موظفه في الشركه دي ومتنساش انت هنا صاحب شركه ودول موظفين يعني حط حدود في التعامل يكون في نطاق الشغل وبس انما هتحاول تقل ادبك هتحاول تهرج شوفت الباب اللي دخلنا منه هحدفك عليه
جلال...بصوت واطي يا ساتر على ابو لهب🙄
مراد...بضحك بالراحه عالواد شويه مالك واخده عالحامي كده ليه ده لسه سنه اولي بيزنس وبعدين مش بيطمن على الموظفين😉
زيد....هيبقى انت وهو وشله المقاطيع اللي وراك دول
بص سالم ويوسف ونادر لبعض وضحكوا🙈
زيد....انا اللي عندي قولته
راجح....زيد معاه حق ومش هو بس اللي هيحدفك بره انا كمان هعمل زيه
جلال....انتوا شكلكم مش عارفين إمكانياتي كويس ثقوا فيا😎
قاسم...يا خوفي حاسس ان مش هيفوت نص ساعه وهنسمع المكتب بيتكـ ـسر على راسك من ياسين
ياسين....والله انا واثق مش حاسس😡
زيد...بضحكه مكتومه خد بالك منه يا ياسين🙄😂
ياسين...وصيه هو عليا بدل ما ارتكب جريـ ـمه اديني قولت اهو
راجح...يلا كله على شغله.
رحل الجميع.
ودخل جلال على القسم الخاص بياسين قابل في الاول ملك كانت قاعده بتشتغل اول ما شافت ياسين قامت وقفت بإحترام وهي مبتسمه.
ياسين...بملامح جامده وعمليه صباح الخير يا آنسه ملك
ملك...صباح الخير يا مستر ياسين
جلال....بغمزه صباحنا عنب ان شاء الله😉
بصله ياسين بطرف عينه بغضب
جلال...🙄🙄 احممم اهلا يا انسه ملك
ملك...بإبتسامه اهلا بحضرتك
ياسين...ده جلال اخويا الصغير يا آنسه ملك هيكون ضمن التيم بتاعنا
ملك...اهلا بيك يا مستر جلال
جلال...بقيت مستر جلال ياتري الحصه هتبدأ امته😉
ابتسمت ملك وكتمت ضحكها
ياسين...وهو بيعض على شفايفه ومبتسم جلال وقت الشغل جه تمام
جلال...تصدق بالله هتشوف مني احلى شغل ده مش بعيد بعد مستر جلال اللي هي قالتها دي انزلك حصص احتياطي لو تحب😉
ابتسم ياسين غصب عنه..معلش يا آنسه ملك جلال بيحب الهزار وعشان ده اول يوم ليه لسه مش عارف نظامنا
ملك...لا ابداً مفيش أي حاجه أكيد هيتعود.
جلال...انا اتعودت خلاص انتوا بس شاورولي على مكتبي وهتلاقوني بتشقلب في الشغل
ياسين....لا لحظه كده انت تقريباً كده اختلط عليك الامر مكتب ايه؟
هو انت فاكر انك ليك مكتب خاص والشغل ده
جلال...طبعاً وسكيرتيره خاصه كمان😉
ياسين...ااااه طب بص بقى ياجلال عشان اخلص من الوقفه دي انت محدش من اخواتك قبل انك تشتغل معاه وللأسف الشديد راجح باشا قرر يلبسني انا في الحيط وقاللي ولبست فيك فا لازم تعرف القوانين بتاعتي
اولا انت لسه بتتعلم وده اول يوم ليك لا كان ليك خبره ولا شغل سابق فا حضرتك مينفعش تطالب بمكتب.
جلال...طيب مش مهم مكتب في سكرتيره😂
ضحكت ملك وبصت بعيد
ياسين...بغضب ثاااانياً مش هقولك اني بحب المواعيد المظبوطه لان مضطر البس فيك الصبح كمان و هتيجي معايا و أرجوا إنك تصحي بدري تلبس بدل ما أجيب جنابك باليچامه
وأخليك عبره في الشركه🤨
جلال...اطمن هاجي قبل ما الجرس يضـ ـرب هتلاقيني واقف في الطابور🥴
ضحكت ملك اكتر وحاولت تمسك نفسها
بصلها ياسين ورجع بص لجلال🤨
ياسين...وأخيراً بقى لازم حضرتك تعرف اني لا بحب الضحك ولا الهزار ولا التهريج في الشغل طول مافي شغل في جد وإلتزام يجي البريك اعمل فيه اللي انت عايزه يارب حتى تعمل حفله
جلال....هو انا دخلت الجيش وانا معرفش🥴
ياسين....اقوي🤨 عموما انت هتبقى شغال تحت أيد الانسه ملك
جلال...وهو بيحرك كفه في بعض ومبتسم اهو ده الكلام 😂 بدأت تندع.
ضحكت ملك على جلال
ابتسم ياسين غصب عنه...معلش يا آنسه ملك عارف ان مهمتك اكبر بكتير من مهمه الشغل نفسه انا لبست فيه وبما اننا تيم واحد فا بصراحه صعب البس فيه لوحدي
ملك...بضحك أطمن يا مستر
ياسين كله هيكون تحت السيطره
جلال...مستر ياسين طلعنا زمايل في مدرسه واحده يعني😉
ياسين....مش عايز اشوف وشك 😡 وصوتك ميجيليش جوه🤨
جلال....أطمن هتلاقى نسمه معاك
ياسين...بسخريه تمام يا نسمه😏
جلال...لا بقولك ايه احنا جامدين اوي😎
ياسين...بنفاذ صبر آنسه ملك في عندنا إجتماع مهم بعد نص ساعه
متنسيش التخطيط بتاع مشروع الغردقه.
ملك...عارفه يا مستر و جاهزه إن شاء الله.
ياسين...تمام بعد إذنك
ملك...اتفضل
جلال...هي بقت كده إذنها هي وبس إيش حال إن مكنتش مستر زيي😉
بصله ياسين بقرف ودخل على مكتبه وفضلت ملك تضحك😂
جلال...مش قولنا صباحنا عنب😉
ملك....انت متأكد انك اخو مستر ياسين.
جلال...لا بقولك ايه هو اللي اخويا مش انا
ملك...هتفرق يعني😂
جلال...طبعاً انا اخوه يعني انا تابع ليه لكن هو اخويا يبقى انا اللي تابع ليه خدي بالك المجموعه دي كلها بتاعتي وبأسمي.
فتح ياسين الباب وبصله🤨
جلال....فين الشغل ايه التسيب ده يا آنسه ملك ما تشوف الموظفين اللي شغالين في المدرسه دي يا مستر ياسين🙄
قفل ياسين الباب في وشه
وفضل جلال وملك يضحكوا وقدر جلال يخطف قلب ملك من اول ما شافته بخفه دمه ❣️
...............
عدت نص ساعه والكل دخل على غرفه الإجتماعات.
مراد...بإبتسامه ايه الوجوه الجديده الحلوه دي😉
ياسين....🤨 دي آنسه ملك موظفه جديده معانا في الشركه
مراد...ملك اسم على مسمى ايوه كده جددوا روح الشركه بالوشوش الحلوه.
ملك...بإبتسامه ميرسي يا مستر مراد.
ياسين...بصوت واطي لمراد انا عارف انه يوم اسود من أول ما صحيت و شايف كمان كابـ ـوس يارب يجعله من حظك و نصيبك انت وجلال 🙄
مراد....ايه يا واد الحلاوه دي جبتها منين🤨
ياسين...دي مجايب روح.
مراد...طول عمرك يا مرات اخويا ذوقك مفيش زيه😍
سالم....هي من ناحيه ذوقها حلو فا البت جامده مفيش كلام🧐
ياسين....انا بقول عدوا يومكم
نادر...ولا يا سالم الواد ياسين اخوك شكله عينه عليها.
يوسف...لا مظنش هو ده ليه غير في الهلس وبعدين يا اخي ده وشه يقطـ ـع الخميره من البيت بالك يا مراد اهو الواد بالذات اللي مشكوك في أمره ومحتاج كشف طبي شويه كويس مع الصنف وشويه مش طايقهم.
ياسين....اظبط يا يوسف انت كمان وبعدين ده شغل يا واطي منك ليه يعني لازم شكلنا يكون كويس قدام الموظفين وانا في الشغل مبحبش الهزار وصراحه بقى الصنف احبه بره لكن جوه الشغل بيركبوني ميت عفريت عشان انا عند كلامي مبيفهموش في الشغل🤨
مراد...إتلهي هو القمر ده ينفع ميكونش بيفهم في حاجه بردوا😉
دخل راجح وزيد وداوود مع بعض في الوقت ده.
راجح...اتفضلوا اقعدوا.
قعد الجميع وبدأ الإجتماع وكل واحد فيهم عرض الشغل وبدأوا يتناقشوا فيه مع بعض
جه الدور على المشروع اللي ياسين ماسكه.
اتكلم ياسين وشرح المخطط والخطه اللي هيمشي عليها في مشروع منتجع الغردقه وملك تتناقش معاهم
راجح...جميل اوي
ملك....هو انا ممكن اقول حاجه بسيطه من وجهه نظري يعني كا رأي مش اكتر.
بصلها ياسين و قبل ما يعترض
راجح....طبعاً اتفضلي.
زيد...آنسه ملك لازم تعرفي ان أي رآي لأي موظف هنا بناخد بيه في النهايه كلنا تيم واحد ونجاح الشركه هو نجاحنا
ملك...اكبد طبعاً يا مستر زيد
زيد...اتفضلي.
ملك....المشروع هنا مستر ياسين جهزوا بالطريقه التقليديه المتعارف عليها يعني نظام مبنى سكني مكون من طوابق كتير حمام السباحه في الدور التاني للفندق وهنلاحظ ان مش كل الغرف هتبقى بتطل على البحر
وفي نفس الوقت في مساحه كبيره جداً من الارض نقدر نعمل فيها شغل اكتر من كده الارض دي موجود فيها المبنى وحواليها محلات تجاريه كتير فا انا شايفه اننا الافضل بدل ما نبني مبنى ضخم بيضم كل الغرف دي
انا شايفه اننا نبنى المبنى ده على شكل درج زي المدرجات كده ويكون التصميم واخد شكل نص دايره وطبعاً التدرج في الادوار هيخلي كل الغرف شايفه البحر بصوره واضحه جداً وفنفس الوقت الادوار الاولى خالص تتعمل زي مركز تجاري كبير وبكده هندي المساحه حقها وبشكل أجمل وكمان المحلات هتكون موجوده وفي وسط الفندق هنعمل حمام سباحه يكون متقسم
جزء للاطفال جزء للكبار وجزء يكون عميق للسباحين وقبل نهايته بحاجه بسيطه هيكون البحر يعني حمام السباحه أمتداد للبحر.
زيد...بإعجاب براڤو انا عن نفسي معنديش اعتراض
راجح....والله برافو فعلاً يا ملك انا كمان شايف انها فكره اجمل ولا ايه يا مراد.
مراد...بعمليه انا كمان مبسوط بصراحه التخطيط ده قايم عليه بلاد كتير شكله احلى غير تقليدي مودرن بيواكب العصر بدل المبنى الروتيني المتعارف عليه
زيد....داوود
داوود...انا كمان شايف انه أفضل شكله أرقى ولايق على فكره المنتجع اصلاً
ياسين...بغضب داخلي ايوه بس بيتهيألي يعني دي مش حاجه جديده ولا هي فكره مبتكره قرى كتير عندها نفس التصميم يعني زيها زي المبنى القديم المتعارف عليه🤨😡
زيد...ممكن بس هي فعلاً التصميم اللي مصمماه في مميزات كتير وينفع يتضاف عليها افكار اكتر
نادر...كمان فكره امتداد البسين للبحر دي حاجه برفكت بصراحه.
ملك...بحماس كمان المبنى نفسه هو هيكون كأنه مبنى كبير بس مسطح عالارض وممكن قدام شويه يتبنى وراه مبنى واتنين كمان بالشكل التقليدي يعني مش هيعيقهم في أي حاجه.
راجح....بالظبط انا عن نفسي موافق انتوا ايه؟
بدأ الكل يقول موافق لحد ما جه الدور على ياسين
زيد...ايه يا ياسين تمام ولا عندك ملحوظه
ياسين...بغضب مكبوت😡 لا تمام زي ما تحبوا.
راجح...مبروك عليكي يا ملك اول تصميم ليكي في الشركه حماسك ونشاطك عاجبني ويبين قد ايه انتي بتحبي شغلك
ملك...بسعاده شكراً لحضرتك وبجد ميرسي لدعمكم للفكره بتاعتي اتمنى اكون عند حسن ظنكم❣️🙏🏻
في الوقت ده ياسين مكانش طايق نفسه ونفسه يقوم يفجـ ـرها😡
كملوا كلام واتفقوا ان قاسم هيسافر الأمارات وأيمن هيسافر إنجلترا ونادر هيسافر تركيا.
خلال يومين.
خلص الإجتماع وكل واحد راح على مكتبه.
مشي ياسين بغضب لقى ملك وجلال بيظبطوا ورق مع بعض.
ياسين....انسه ملك تعالي ورايا من فضلك
جلال....طب وانا ااا
ياسين...بغضب انا مش طالع رحله خليك هنا ومتدخلش حد
جلال...بقيت سكرتير كمان🥴
بصله ياسين بغضب😡😡
جلال...اتفضل يا باشا😁✋🏻
دخل ياسين ووراه ملك.
امير...ولا يا جلال ايه الصوت العالي ده.
يوسف...اكيد ابو لهب هي محتاجه زكاء عيني عليكي يا ملك كانت طيبه والله🥴
أمير....لعبت في عداد عمرها🧐
دخل يا سين قعد على المكتب
وقفت ملك قدامه بإحترام على وشها إبتسامه بسيطه لكن من جواها مش مطمنه
رفع ياسين وشه ليها 🤨
- يتبع الفصل التالي اضغط على (رواية احفاد الطوبجي) اسم الرواية