رواية احفاد الطوبجي الفصل العاشر 10 - بقلم اميرة اسامة
🔥🔥البارت العاشر🔥🔥
🌪️عاصفه المشاعر🌪️
اللقاء دائماً يبدأ بسلام و ينتهي بسلام
وما بين كفوف تلتقي و كفوف تودع فيض كبير من المشاعر تفضحه العيون و تخفيه القلوب 💔
..................
لمح قاسم فريده داخله و بتقرب عليه أبتسم وقام وقف ابتسمت فريده بهدوء و قربت منه مد قاسم أيده ليها مدتله فريده ايدها سلموا علي بعض من غير اي كلام اكتفوا بس بأبتسامه هاديه ونظرات مختلطه ما بين أشتياق ولوم وعتاب ووجع.
سحب قاسم الكرسي ليها وبعدين قعد قدامها وابتسم.
قاسم....عامله ايه يا فريده.
فريده....بخير يا قاسم.
قاسم....ها تحبي نتعشي الاول ولا تشربي حاجه.
فريده....لا انا ممكن أشرب قهوه لاني مش بتعشي عموماً
قاسم....بس عادي ممكن يكون انهارده أستثناء علي الاقل نعتبره احتفال بمقابلتنا بعد السنين دي كلها.
فريده....بأبتسامه خلاص نخليها عشاء بس وقت تاني بلاش انهارده.
قاسم...علي راحتك طيب قوليلي قهوتك ايه؟
فريده....ساده
رفع قاسم ايده للويتر ثواني وكان واقف قدامه.
قاسم...اتنين قهوه ساده.
الويتر....تحت امرك.
مشي الويتر وبص قاسم لفريده
قاسم.....مبروك علي الافتتاح
فريده...الله يبارك فيك
قاسم....كل حاجه تمت زي ما انتي. عايزه ولا في مشكله.
فريده.....لا خالص الحمد لله كل حاجه تمت زي ما انا عايزه.
قاسم....أبتسم وبصلها يعني لو كان حد قالي ان فريده بتشتغل في مجال الفاشون كنت صدقت لان طول عمرك شيك وبتهتمي بالموضه وفي وقت كنتي بترسمي تصميمات حلوه اوي لكن ان حد يقولي انك تكوني اخصائيه تجميل و ميكب اب ارتست مشهوره كده مكنتش هصدق
فريده....مش ديماً يا قاسم بنقدر نعمل الحاجه اللي بنحبها
قاسم...وايه يمنع ادام قادرين نحقق حلمنا.
فريده.....اديك قولت حلم ومش كل الاحلام بتتحقق
قاسم....وايه اللي خلي حلمك ميتحققش
فريده.....حجات كتير اوي وعقبات أكتر يمكن في وقت في حياتي بدأت فعلاً اني اقف علي اول الطريق واحقق حلمي في اني اكون من اشهر المصممين لكن مقدرتش واجهت مشاكل كتير وأستسلمت
قاسم....بس اللي اعرفه عن فريده انها مش بتستلم بسهوله.
فريده....يمكن بس في فتره في عمر اي بني ادم يا قاسم بيمر بيها الفتره دي يا اما تخليك بعدها تستسلم بسهوله لأي وقعه او تتحدي نفسك وتقرر انك عمرك ما هتستلم في حياتك تاني ويمكن انا بقيت النوع التاني ده💔🙂
قاسم....اه تقصدي بقيتي تمشي جمب الحيط بس حتي لو مش فريده اللي تمشي جمب الحيط
فريده.....السنين بتعلمنا يا قاسم ان مش ديماً فتحه الصدر بتكون صح اوقات كتير المشي جمب الحيط بيكون أسلم ليك من اي صدمات
وعشان كده قررت اني أتخلي عن حلمي يمكن مفيش حاجه أجبرتني اني اسيب الحاجه اللي بحبها انا سيبت مجال التصميم بمزاجي كان ممكن اعافر وأكمل بس قعدت مع نفسي شويه وفكرت انا بحارب عشان اوصل ومفيش اي مؤشرات تحسسك انك ممكن تنجح فا ليه افضل مصممه علي طريق مش بتاعي احياناً بتحس انك بتبذل مجهود علي الفاضي
قاسم....بس من غير زعل دي مرحله اسوأ من الاستسلام اللي اعرفه ان اللي عايز ينجح في مجال هو حابه بيحارب عشان يوصله و بيسعي طول الوقت و بيجتهد و بيلاقي الطريق بيتفتح قدامه شويه شويه.
زهره.....يمكن كلامك صح بس خليني اقولك كمان اني مستسلمتش بسهوله زي ما انت متخيل انا حاولت سنين كتير وضيعت وقت اكتر بس تقدر تقول
اني في الاخر وصلت لسؤال صعب اوي انك توصله والسؤال ده يوم ما تفكر تسأله لنفسك تعرف انك وصلت لنقطه النهايه
قاسم....سؤال ايه؟
فريده.....انا اجتهدت و سعيت كتير وقفت بطولي وسط حيتان لا كان عندي داعم ولا كان عندي واسطه مكنتش مستعجله علي الشهره صدقني بس كان نفسي احس بأمل وان الطريق اللي ماشيه فيه يكون في نور ولو بسيط يأكدلي اني ماشيه صح بس كل ما كنت اجتهد اكتر الدنيا تيجي عليا اكتر واكتر والخطوات اللي عملتها عشان اقرب من اول درجه تتمحي يومها سألت نفسي انا صح ولا غلط ماهو لو انا صح ليه مفيش امل فجأه يا قاسم وقفت في النص بقيت خايفه اكمل سألت نفسي اكمل و أجازف و أضيع وقتي و فلوسي و مجهودي وعمري وفي الاخر اكتشف ان الطريق مش بتاعي ولا أقف و اغير الطريق طيب لو غيرته وأستسلمت ممكن يجي اليوم اللي اندم فيه اني وقفته وهو ده كان الطريق الصح
عارف احساس انك خايف تكمل و في الاخر تكتشف انك كنت غلط وفي نفس الوقت خايف توقف وترجع تندم صدقني كانت معادله صعبت وسؤال اصعب بس قررت اني ابعد شويه واقرر وفعلاً قررت وسيبت المجال كله وانا مقتنعه وبعدها قررت اني افتح بيزنس خاص بالتجميل خدت كورسات كتير اوي كنت بشتغل عشان الفلوس مش اكتر لان مهما كان معاك فلوس وبتاخد.منها هيجي عليها وقت وتخلص يعني من الاخر كنت بشتغل عشان الفلوس وبس لكن فجأه لقيت نفسي حبيت المجال فهمته ومش بس كده كل ما كنت اطلع خطوه اتفاجئ اني طلعت خطوتين من غير ما احس السنتر بقي ليه فرع تاني و تالت ورابع والخامس كان امبارح.
و امبارح بس يا قاسم اتأكدت ان قرار التخلي عن حلمي كان اكتر قرار صح خدته في حياتي وعرفت ان مش شرط تنجح في حلمك لان أحياناً التمسك بالحلم ممكن يأخرك في نجاحك وحياتك وشغلك ويضيع من عمرك كتير بالظبط كانك بتجري وراء سراب اه هو حلمك وشغفك بس مش رزقك فهمت
قاسم....بأبتسامه فهمت واقتنعت
فريده...بأبتسامه ودي اهم حاجه
قرب منهم الويتر وحط القهوه علي التربيزه ومشي
طلع قاسم سيجاره و ولعها في نفس اللحظه اللي فتحت فيها فريده شنطتها وطلعت منها علبه سجاير وبصتله
فريده.....تضايق لو دخنت؟
بصلها قاسم باستغراب سكت ثواني وابتسم وهو قاضب بين حواجبه
قاسم....لا خالص.
ولعت فريده السيجاره وخدت نفس طويل ونفخته بهدوء
قاسم...بأبتسامه اتغيرتي يا فريده
فريده....ومين فينا متغيرش يا قاسم؟
قاسم.....مكنتيش بتحبي ريحتها كنتي بتحبي تقعدي في قاعده مفيهاش ريحه دخان
فريده....قولتلك في بدايه كلامنا مش كل حاجه بنحبها بنقدر نعملها
قاسم....ماشي يا ستي فهمت خلاص المهم بقي انتي كنتي فين وليه كنتي مختفيه
فريده.....انا كنت مسافره يا قاسم كنت قاعده في امريكا حوالي 12 سنه انا رجعت من حوالي سنتين بس
قاسم....سنتين و قدرتي تنجحي في مجالك براڤو
فريده....مش قولتلك كنت مضيعه عمري في حلم مش بتاعي
المهم سيبك مني انا قولي عامل ايه في حياتك معاك ولاد قد ايه يعني يمكن كنت بلمح صورك كل فين وفين زي زي اي حد بيشوف اخبار رجال الاعمال بس معرفش تفاصيل.
قاسم...ابداً اتجوزت ( زهره) ومعايا جنه 18 سنه ومعايا يا ستي عُدي عنده 3 شهور تقريباً
ابتسمت فريده باستغراب 🤨🙄
قاسم...بأبتسامه من غير ما تستغربي عارف ان السن بينهم كبير ويمكن مكانش معمول حسابه اصلا بس هو جه فجأه
فريده....بس اكيد احلي فجأه.
قاسم....اكيد اي حاجه حلوه مبتبقيش عامله حسابها لما بتيجي بتخليكي اسعد حد في الدنيا.
فريده...ربنا يخليهولك يا قاسم هو وجنه
قاسم...يارب
فريده.....علي كده بقي الجواز لو كان حلو فا استاذ عُدي خلاه احلي
قاسم....اكيد يمكن بعد جنه انا وزهره حاولنا نجبلها اخ او اخت بس الدكتور قال ان زهره ممكن متقدرش تحمل تاني والحمل هيكون في صعوبه عليها
حمدنا ربنا علي جنه ورضينا وقررنا انها تبقي كل حياتنا زهره طيبه وبنت حلال استحملت كتير واستحملتني انا شخصياً كتير اوي و وقفت معايا اكتر ويمكن وجود عُدي في حياتنا كان هديه ربنا لزهره قبل ما تكون ليا.
ابتسمت فريده بوجع و اتلغبطت فتحت علبه السجاير ولعت سجاره تانيه
قاسم......انتي اكيد فاكره زهره صح
فريده.....اكيد 💔 بس شكلك بتحبها
قاسم....زهره عشره عمر طول عمرها بتعمل كل حاجه في ايدها عشان تسعد كل اللي حواليها ربت جنه احسن تربيه عملت معايا حجات حلوه كتير اكيد بحبها
فريده....ربنا يخليكوا لبعض يا قاسم
قاسم....بارتباك غير الموضوع هااا طيب وانتي
فريده.....انا ايه؟
قاسم...يعني اتجوزتي معاكي ولاد بتعملي ايه في حياتك غير الشغل اختك ومامتك فين كانوا معاكي لما سافرتي ولا كانوا هنا يعني حياتك ماشيه ازاي
ابتسمت فريده ابتسامه كلها وجع💔
ولاحظ قاسم الوجع ده وفضل باصص لعينها ثواني
فريده....ابداً انا اتجوزت 3 مرات
قاسم....🤨 ليه ده كله انا اه قولت انك اتغيرتي بس مش لدرجه انك تتجوزي 3 مرات🙈
ضحكت فريده....ايه كتير صح😂
قاسم....🙄 يعني بس اللي اقدر افهمه انك محبتيش اي حد فيهم وإلا مكنتيش انفصلتي عنهم
فريده.....بصتله بوجع لما بيضيع منك يا قاسم اكتر راجل حبيته في حياتك بعدها كل رجاله الدنيا بتتساوي 💔
جمله بسيطه لكن معناها كان كبير وقوي لدرجه ان قاسم سكت مقدرش يرد وفضل باصصلها وهي بصاله بوجع وغضب🥺💔
خدت فريده نفس من السيجاره نفخته بهدوء وحاولت تطلع وسط الدخان كل مشاعر الغضب اللي جزاها وبعدين ابتسمت وبصتله.
فريده....اما بقي عن امي واختي و الولاد اللي سألت عليهم انا مجبتش غير ولد واحد سليم كان عنده عشر سنين
قاسم.....بأستفهام كان؟
فريده.....ايوه كان!! سليم أتوفي هو و أماني أختي في نفس اليوم كنت جايه زياره من امريكا وهما كانوا عندي فضلوا معايا اربع ايام في شقتي وهما ماشين سليم شبط فيهم و أماني وامي مرضيوش يزعلوا وقالولي هناخده معانا انتي كده كده جايه بكره قولتلهم تمام وخدوا ومشيوا بعربيه اماني بعدها بحوالي ساعه ونص جالي اتصال من المستشفي انهم عملوا حادثه بس كويسين جريت زي المجنونه وهناك اكتشفت ان اماني وسليم وصلوا ليهم وهما متوفين بالفعل وامي عندها كسر في الحوض وفي اوتار اتقطعت تخليها صعب تمشي تاني واللي عرفته ان سليم صمم يركب جمب اماني وماما مرضيتش تزعله كانت فرحانه بيه اوي وركبت وراء وبس اماني راحت وسليم راح وامي فضلت حوالي سنتين مش بتتحرك خدتها معايا امريكا ولفيت بيها علي كل الدكاتره بس مكانش في امل فضلت حالتها تدهور وصممت ترجع مصر رجعتها و بعد اول اسبوع من رجوعها اتوفت هي كمان وسابتني
قاسم.....بحزن انا اسف يا فريده مكنتش اقصد افكرك
فريده....انا مبنساش اصلاً ياقاسم 🥺
بعدها بقي نفسياً أتدمرت وانا اصلاً كنت متدمره من بعد موت سليم واماني بس كنت بعافر عشان أمي ولما راحت مقدرتش وتعبت اوي و بعدها بحوالي سنه اتعرفت علي طليقي التاني بس مكملتش معاه اربع شهور كان بيغير اوي مش عليا كان بيغير مني حتي من شغلي مع اني مكنتش نجحت فيه بس كان بيضايق ويمكن كمان كان غيرته دي كان بيطلعها عليها بسلبيه يعني مش هتنجحي مش هتوصلي و سيبته هو كان امريكاني علي فكره مش مصري بعدها بقي اتجوزت طليقي التالت قعدت معاه حوالي سنتين بس كان بتاع ستات سيبته مش عشان حبيته بس كان علاقه مرهقه كلها نزوات وعلاقات قذره مقدرتش استمر و أنفصلت وبعدها علي طول قررت اني انزل مصر و أسيب كل حاجه ورايا حتي حلمي وبدأت من جديد اول سنه وصلت فيها هنا حرفيا مكنتش بنام بشتغل وبس حتي الموظفين اللي معايا كنت شبه مبتكلمش معاهم كنت منعذله بس مع الوقت بدأت اتعامل وبقوا بالنسبالي عيلتي و أصحابي
قاسم...دول أصحابك اللي شوفتهم معاكي؟
فريده...ايوه صمموا إني احتفل بعيد ميلادي يعني هما بصراحه طول الوقت بيحاولوا يخرجوني من الحاله اللي كنت فيها وبيتهألي انهم قدروا لولاهم مكانش زماني قاعده قدامك الوقت وبحكي حكايتي ولا كنت قدرت اقف علي رجلي لوحدي حتي الفروع بتاعت السنتر مفيش مره سابولي قرار اخده لاني كنت ببقي متردده بس هما كانوا بيشجعوني والحمد لله زي ما أنت شايف بقيت فريده لاشين من اشهر الميكب ارتست في مصر.
ودي كل حكايتي يا قاسم طول العشرين سنه اللي فاتوا
قاسم....بس واضح ان العشرين سنه دول مكانش فيهم حاجه تفرح غير شغلك في الاخر
فريده....يمكن بس هتصدقني لو قولتلك ان حتي النجاح اللي وصلتله ده مش حاسه بطعمه💔
قاسم....ليه يا فريده انتي المفروض تكوني مبسوطه وفخوره بنفسك والمفروض ان النجاح ده يعوضك عن كل الوجع اللي عشتيه.
فريده....طعم النجاح يا قاسم عمرك ما هتحس بيه من غير الناس اللي حبيتهم حتي لو بقي حواليك كل فئات المجتمع وكَونت معارف كتير هتفضل ديماً موجوع من فكرة انك نجحت وهما مش جمبك💔
قاسم...بس اكيد هما حاسين بيكي يافريده وانا واثق انهم لو كانوا عايشين كان زمانهم فخورين بيكي لو الدنيا بتقف علي حد يا فريده مكانش زمانك كملتي و واقفه علي رجلك الوقت.
فريده....معاك حق هي الدنيا مشيت بس انا لسه واقفه تايهه بقالي عشرين سنه بدور علي نفسي وبسأل نفسي نفس السؤال من وقتها ليه؟؟🥺💔
خدت نفس طويل وابتسمت
انسي كل اللي بنتكلم فيه ده بقي ماضي المهم انا من ساعت ما قعدت وانا برغي شكلي كده كان نفسي الاقي حد اعرفه واتكلم انت ايه الجديد في حياتك يا قاسم ولا مفيش غير شغلك وبيتك
قاسم...بأبتسامه انتي يا فريده الجديد في حياتي
بصتله فريده و أبتسمت انا
قاسم...اه قبل ما اشوفك كل حاجه كانت عاديه نفس الروتين الشغل والبيت والعيله انتي اجدد حاجه حصلت في حياتي وزي ما انتي شايفه متغيرتش
فريده.....بس انا مش جديده يا قاسم احنا عشره فوق الثلاثين سنه يمكن الظروف بس اللي فرقتنا
قاسم....عارف بس مكنتيش موجوده لعشرين سنه فا بالنسبالي انتي اجدد حاجه حصلت.
فريده....كانت صدفه حلوه و متوقعتهاش يا قاسم وبجد مبسوطه اوي اني شوفتك وانك بخير
قاسم....انا مبسوط اكتر يا فريده ومبسوط بنجاحك وبحياتك الجديده والاهم اننا هنرجع صحاب من تاني ولا ايه❣️
فريده....ابتسمت بوجع 💔اكيد بصت في ساعتها وبصتله نمشي؟🥺
قاسم.....زي ما انتي عايزه بس اكيد هشوفك تاني
فريده....ان شاء الله يا قاسم
طلب قاسم الحساب ودفع وبعد كده خرجوا مع بعض.
قاسم....يلا اركبي عشان اوصلك
فريده...لا لا انا معايا عربيتي
قاسم....تمام مبسوط اني شوفتك بجد يا فريده.
فريده....انا كمان يا قاسم
قاسم....ومش هفكرك ان موجود اي وقت تحتاجي اي حاجه سواء في حياتك او في شغلك يعني الدنيا مهما فرقت بينا سنين فاهي في النهايه رجعتنا تاني و الوقت مبقاش ليكي غيري من الماضي يعني اكيد هفضل معاكي
فريده....بأبتسامه ان شاء الله يا قاسم كفايه بس انك تكون موجود
ابتسم قاسم من غير ولا كلمه مدتله ايدها تسلم عليه
فريده....اشوفك علي خير يا قاسم
قاسم.....خدي بالك من نفسك وابقي اسألي
فريده....اكيد يلا باااي
قاسم....سلام يا فريده
فضل قاسم واقف لحد ما ركبت عربيتها شاورتله من الشباك وطلعت بالعربيه
ابتسم قاسم وركب ومشي علي القصر.
بعد وقت بسيط وصل قعد معاهم شويه اخواته كانوا عارفين انه في المصنع شويه وطلع علي اوضته.
زهره.....ايه يا حبيبي انت مكلتش ليه
قاسم....مش جعان والله يا زهره
زهره...ايوه بس انت قولت مكلتش
قاسم....ايوه بس مش جعان والله لو جعان هقولك انا بس محتاج اخد شاور وانام تعبان اوي جسمي تاعبني وفاصل
زهره....طيب يلا يا حبيبي ادخل وانا هجيبلك اللبس
قاسم....ماشي يا حبيبي ❣️
دخل قاسم ياخد شاور فضل قاعد في البانيو باصص في السقف و سرحان.
خبطت عليه زهره ودخلت علقت هدومه وقعدت علي حرف البانيو فضلت تدوس بايدها علي كتفه وتعمله مساچ بأيدها.
قاسم....هتغرقي نفسك.
زهره.....عادي هغير هدومي المهم انك ترتاح
قاسم....بهدوء ربنا يخليكي ليا يا زهره
زهره...ويخليك ليا يا حبيبي
فضل قاسم ساكت وفي دنيا تانيه عشرين سنه وذكريات سنين كتير قيل العشرين سنه اقتحموا عقله بغباء و بقي في دنيا تانيه.
شويه وخرج بعد ما لبس وراح علي السرير
زهره.....يلا نام يا حبيبي وانا هروح اشوف عُدي مع الناني وشويه وهاجي
قاسم....تمام يا حبيبي بوسيهولي
زهره...حاضر تصيح علي خير
قاسم...وانتي من اهل الخير.
خرجت زهره وسابته سرحان لحد ما راح في النوم.
.............................
في صباح يوم جديد صحيت تقي مصدومه بصت في الساعه كانت11😳
مسكت موبايلها بسرعه واتصلت علي مراد
مراد....صباح الفل علي بنت قلبي
تقي....مراد انت فين🥺
مراد...هكون فين يا حبيبي في الشغل
تقي....انا عارفه انك في الشغل انت ليه مصحتنيش🥺
مراد....حبيبي انتي بقالك يومين مش عجباني ولازم ترتاحي
تقي....ماهو انت امبارح سبتني بردوا ومروحتش معاك هقعد يومين من الشغل
مراد...وفيها ايه ياروحي كده كده الشغل متظبط ومش محتاجك يبقي ليه متريحيش❣️
تقي...مش محتاجني🥺
مراد....لا مقصدش انا مستغناش عنك انا اقصد في الشغل يعني مفيش ضغط وانا مظبط كل حاجه
تقي....ماشي يا مراد اللي تشوفه🥺
مراد....حبيبي ❣️
تقي...نعم🥺
مراد....بحبك
تقي....شكراً
مراد....🤨بقي كده طيب هخاصمك
تقي....انا اصلا اللي مخصماك
مراد...ليه بس يا حبيبي يعني الحق عليا مش عايزك تتعبي وبعدين انا شايف الصبح بيبي صغيره نايمه ومش دريانه بالدنيا بذمتك يجيلي قلب اصحيكي
تقي....بس انا عيزاك🥺 انت عارف اني مش بعرف اقعد من غيرك امبارح اليوم كان وحش اوي طول اليوم قاعده من غيرك ولما جيت بليل كنت تعبان ونمت والوقت صحيت مش لقيتك وهفضل طول اليوم من غيرك
مراد....يابت بلاش دلع هو انا سايبك لوحدك ماهو ماشاء الله معاكي ناس في البيت غيري
تقي....بس انا عيزاك انت🥺
مراد....طيب يا روحي ليكي عليا مش هتأخر وحياة وتقي عندي وكمان هجبلك حجات حلوه كتير وانا جي
تقي....ده علي اساس اني عيله🥺
مراد....لا علي اساس انك بنتي يا احلي بنوته في الدنيا ها قوليلي بقي اجيبلك ايه وانا جاي
تقي...بحب عيزاك انت🥺❣️
مراد....طيب وعايزه ايه غيري
تقي....عايزه شوكلت🙈
مراد....بضحكه جميله بس كده احلي شوكلت في الدنيا هتكون عندك ها خلاص مفيش خصام❣️
تقي...لا هيفضل فيه لحد ما تيجي
مراد.....خلاص هخلص شغل وهجيلك علي طول وهصالحك بنفسي اتفقنا
تقي....حاضر.
مراد....يلا ياقلبي قومي افطري وخدي شاور وظبطي بنوتي لحد ما اجي
تقي.....مراد
مراد....قلب مراد
تقي.....حضنك وحشني
مراد....بحب ابتسم وانتي وحشتي حضني يا قلب مراد❣️
تقي....متتأخرش
مراد....عيوني بحبك❣️
تقي....ولنا كمان يلا شوف اللي وراك باي
مراد...باي يا قلبي❣️
...............
في مكتب سالم كان قاعد بيشتغل دخل عليه عامل البوفيه حطله القهوه وخرج
مسك سالم الفنجان شرب منه وبعدين سابه وقام وقف قدام الشباك حط ايده الاتنين في جيبه وفجأه حس بورقه
استغرب 🤨 طلع الورقه وفتحها و اول ما قرأ اللي فيها ابتسم
صباح الفل او مساء الفل مش هتفرق كتير حسب ما هتشوف فيها الرساله خد الصباح اللي يعجبك😉
بدون مقدمات ورغي كتير اعمل حسابك انك هتتخطف علي الساعه سته بيتهيألي ده توقيت حلو اوي للخطف يعني لا شمس ولا حر ولا فرهده هتقولي بقي سته صعب وهكون مخلصتش شغلي هقولك انت لو بطلت دلع ومرقعه وركزت شويه هتخلص قبل المعاد كمان 🤨 هتقولي هتخطفيني فين هقولك اني اكتشفت مكان علي النيل بيعمل اكل حلو اوي ونفسي اروح معاك فيه عارفه اني ليا معاك سوابق في موضوع الاكل بس متقلقش مش ناويه احطلك ســ ـم انهارده❣️
اه حاجه كمان اكيد يعني مش هتخرج معايا ببدله مش ناقصه رسميات الله يباركلك هتقولي طيب هغير هدومي ازاي هقولك عامله حسابي هتروح زي الشاطر لملك هتديك شنطه فيها كل حاجه ممكن تحتاجها حتي البرفيوم بتاعك بس اسمع🤨 تغير وانت نازل علي طول هااا مش عايزه قلة ادب يا بتاع البنات وحاجه اخيره بحبك ياسولي❣️ شمس
ضحك سالم وبسرعه اتصل عليها
شمس...الوووو
سالم....وانا كمان بحبك يا قلب سولي
ابتسمت شمس بحب...ايه انت كل ده مكنتش شوفتها🙈 ده انا نسيتها
سالم....لسه والله شايفها حالاً يا مجنونه حطتيها امته وازاي
شمس....الصبح وانا بطلعلك البدله حطتها في جيبك المهم موافق علي الخطف
سالم...طبعاً موافق ياقلب سولي
شمس....يبقي اتفقنا
سالم...هعدي عليكي اخدك
شمس....لا انا معايا السواق عشان منضيعش وقت هبعتلك لوكيشن المكان ونتقابل هناك
سالم....خلاص اتفقنا❣️
شمس...طيب يلا روح كمل شغلك وانا كمان هكمل عشان منتأخرش
سالم....اوك يا حبيبي سلام❣️
شمس...سلام❣️
..................
في تركيا.
صحيت مريم حضرت فطار ليها هي ونادر حاولت علي قد ما تقدر وطلع معاها شكله يجنن
دخلت عليه الاوضه فتحت الستاير كلها وهي عامله قلق
مريم...انت يا عم انت يا سي نادر اصحيييييي جايين ننام احنا يلا قوم عشان تفسحني
نادر...بتعب وهو بيغمض عينه من النور الله يخربيت جنانك علي الصبح في ايه يابت😡
مريم....يلا قوم انت جاي تنام هنا
نادر....يابت الساعه لسه واحده سبيني انام😭
مريم....سلامه النظر يا سي نادر الساعه اتنين ساعتك بايظه🤨
نادر....بايظه ايه ياللي ربنا ينتقم منك
مريم....ايوه انت ماشي علي توقيت مصر واحده دي في مصر احنا هنا اتنين ويلا قوم بدل ما ارتكب فيك جريمه🤨
نادر....انا نسيت اظبطها
مريم...طيب يلاااااا
نادر....بااااس يخربيت السرينه اللي علي الصبح قومت خلاص😡😡
مريم....طيب يلا عشان تفطر عملتلك فطار بأيدي بص علي الترييزه كده😍
نادر....😁ايه ده الله ايه الدلع ده طلعتي ست بيت ياجعفر😂
مريم....جعفر في عينك يلا قوم اغسل وشك وصلي وتعالي افطر عشان ننزل
نادر....ماشي هواااا
بعد وقت بسيط فطروا ولبسوا ونزلوا وبدأوا رحلتهم فضلوا يتمشوا ويروحوا في كذا مكان ويتصوروا ووقفوا في ساحه كبيره قدام البحر مليانه حمام اتصوروا مع بعض.
مريم.....بقولك ايه تعالي اكلني من البتاع ده
نادر....بتاع ايه🤨
مريم...معرفش بس شكله عاجبني😁
نادر....هناكل حاجه منعرفهاش وبعدين دي عربيه في الشارع
مريم....ماتنجز بقي ياعم النضيف ماله اكل الشارع 😒
نادر....ناقص تقوليلي عيش عيشه اهلك 🤨🤨🤨 يابا انا معنديش اعتراض بس اعرف باكل ايه انا باجي تركيا كتير واول مره اشوفه
مريم...عشان بتيجي تقعد في فنادق مبتنزلش تشوف اكل وطقوس اهل البلد يلا تعالي ريحتها حلوه اوي
نادر...يلا راح علي البياع وطلب منه ليه ولمريم ووقفوا جمبه ياكلوها
مريم...الله😍😍
نادر...ايه ده دي زي الكنافه النابلسيه
مريم....لا مش كنافه هي شبهها
نادر.....بس حلوه اوي 😍
مريم....عجبتك😍
نادر....اه والله حلوه اوي ❣️
خلصوا اكل وفضلوا يجروا ورا الحمام ويتصورا
وهي بتجري في ولد صغير عنده حوالي 15 سنه خبط مريم كان هيوقعها
قرب منه بسرعه نادر
نادر....يخربيتك انت بتزوق مراتي ياض
مريم....بضحك خلاص يا نادر انا اللي خبطت فيه😂😂😂
نادر....استني بس ده لعب في عداد عمره🤨🔪
كلمه الولد بالتركي واعتذر
مريم....خلاص بقي اعتذر هنتقطع هنا
نادر....لا احنا مصريين و جدعان اوي🤨
مريم.....خلاص بقي 😂😂😂
نادر....انت عارف انت لو في مصر كنت قطعتك بس انا عامل احترام لبلدكم🙄
مريم....لا ياشيخ ولا خايف😂😂
نادر...يابت عيب عليك خايف ده ايه🙄
مريم....طيب بتكلمه عربي ليه😂
نادر....هاااا🙄 لا بس مركزتش
ابتسم الولد وحس انهم مجانين اعتزر ومشي
نادر....خد ياولا تعالي بص انا هسامحك بس بشرط قولي فين بيت مهند وسمر
بصله الولد بأستغراب مش فاهمه
نادر...مالك بتبصلي كده ليه😒 مش عارف فين بيت مهند وسمر اه ماليك حق هما مش مشهورين اصلا احنا اللي شهرناهم عشان احنا شعب تافه يلا اتكل 😒
شكره الولد ومشي وهو مش فاهم
نادر....تشكرات يا فنزم🥴
مريم....😂😂😂😂كفايه بقي بطني وجعتني من الضحك
نادر.....وانا بطني وجعتني من قلة الاكل يلا ناكل
مريم.....ماشي بس بعد ما ناكل نرروح ندور علي البيت🙄
نادر....الله يحرقك انتي ومهند وسمر في ليله واحده علاقه قذره
ضحكت مريم وحضنته من وسطه ومشيوا ❣️
....................
عند خلود بدأت حلقتها وبدأ التصوير استقبلت كذا مكالمه وطلعت فاصل ورجعت واثناء تحضيرها وشرحها للأكله جالها اتصال.
خلود...ومعانا حنان من القاهره
حنان...ايوه خلود
خلود...اهلاً بيكي ياحنان اتفضلي لو عندك سؤال
حنان....لا انا معنديش سؤال انا بس كنت عندي تعليق علي اخر حلقه الكيك اللي عملته بطريقتك منجحش معايا
خلود....طيب مشيتي علي الخطوات
حنان ...اه نفس الخطوات بالظبط
خلود....بس هي طريقه ناجحه جدا وسهله وماشاء الله ناس كتير جربتها ونجحت معاهم
حنان.....هو يعني عشان نجحت نع الناس فا مش مهم تنجح معايا
خلود....باحترام لا خالص مقصدش كده اقصد ان اسالك عملتي بنفس المقادير لان انا قولت الدقيق بيختلف من نوع لنوع
حنان....لا انا فاهمه النقطه دي كويس ومشيت علي الخطوات بس طلعت وحشه جدا
خلود....طيب حطتيها علي كام درجه
حنان.....علي 180
خلود....بس لو تفتكري انا قولت الاول نخلي الفرن عالي وبعد كام ثانيه نهديه علي 170 عشان تستوي براحتها انا قولت انها مش زي الكيك العادي دي كيك شبيه بالبراونيز
حنان....كنت واثقه من ردك ده انتي مبتطلعيش نفسك غلطانه ابداً ولازم يكون العيب في الناس اللي بتتفرج يا عملوا التكنيك غلط يا المقادير مش مظبوطه عموما عادي هي تجربه وخلاص بس ياريت تتقي ربنا الناس مش لاقيه والمقادير اللي بتروح في الارض دي احنا بنتعب في فلوسها مش زيكم كفايه عك بقي
الخط اتقفل في البدايه خلود اتوتر وملامحها اتغيرت لكن حاولت تهدأ وخدت نفس طويل
خلود...بأبتسامه هاديه واضح ان استاذه حنان مضايقه شويه بس انا مش زعلانه عموما انا بس عايزه اقول اني بتقي ربنا في شغلي وفي كل حرف بيطلع مني لان زي ما الاستاذه قالت في النهايه دي نعمه لو اسرفت فيها هتحاسب عليها ولو قولت حاجه غلط والناس عملت ورايا ومعجبهمش في النهايه انا هضر نفسي قبل ما اضركم لان ده شغلي وانا لو بنجح بنجح بيكم وبكلامكم ورفيوهاتكم في تطبيق اي وصفه بقولها فا مستحيل اطلع اقول وصفه انا مش متأكده منها ومجرباها اكتر من مره عشان تفيدكم ولو الوصفه منجحتش معاكي من اول مره يا استاذه حنان جربي تاني ست البيت الشاطره وظيفتها تجرب وتبوظ لحد ما تقدر بالعين تظبط مقاديرها وفي العموم الاكل اذواق وميرسي لمكالمتك الجميله❣️
كملت خلود الحلقه وبعد الحلقه راحت علي اوضتها وهي مضايقه.
خبط عليها احمد بتاع الاعداد وبصلها بزعل.
احمد...ادخل🙄
خلود...تعالي يا احمد
احمد....احنا مرضيناش نقطع المكالمه انتي قايله ان مهما كان المتصل هيقول ايه منقطعش عشان المصداقيه.
خلود...اكيد طبعاً يا احمد انا بس اضايقت شويه بس انسي عادي
احمد.....ولا تضايقي ولا حاجه احنا قولنا. ان ده وراد ونعمله حسابه صح
خلود....تقصد هنادي علام اللي وراء الاتصال ده
احمد....ومين غيرها
خلود...بلاش نظلمها يمكن حقيقي اللي اتصلت دي معجبهاش الوصفه
احمد....انتي طيبه ياخلود ولسه بدري عليكي عشان تفهمي دماغ اللي حواليكي انا مر عليا حجات زي دي كتير وواضح اوي انه اتصال مدبر لو هي فعلاً منجحتش معاها الوصفه هتبقي بتتناقش معاكي عشان توصل للغلط اللي عملته بوظلها الوصفه لكن دي بتهاجم و أعترضت كمان علي دفاعك عن وصفتك وشايفه انك مش هتغلطي نفسك
خلود...بس صدقني انا دافعت عن الوصفه لاني حقيقي جربتها وانتوا كمان دقتوها دقتوا اللي عملتها قبل الهواء ودقتوا اللي عملتها علي الهواء بعد ما هلصت والاتنين واحد
احمد...انتي بتقوليلي انا الكلام ده يا خلود ما انا عارف انا بس بفهمك انه اتصال مدبر عموما انا جتلك عشان متزعليش نفسك اضحكي واتبسطي طول ما انتي بتتهاجمي.يا خلود اعرفي انك ماشيه في طريق النجاح الصح
خلود...بابتسامه مش عارفه اقولك ايه يا احمد بجد انت جدع اوي
احمد.....انتي زي اختي يا خلود وبجد تستاهلي كل خير يلا انا همشي بقي عشان رايح لخطيبتي هتغدا نعاهم واه بالمناسبه هي عامله كذا طبخه من وصفاتك هنصورلك السفره انا وهي وهنبعتهالك😂😂😉
خلود....بحب ربنا يسعدكم يارب يا احمد سلم عليها كتير وقولها تسلم ايدك يا احلي شيف❣️
احمد....حاضر يوصل يلا سلام😍
خلود....سلام😍
اتصلت عليها صبا في الوقت ده
خلود...بزعل الو
صبا....كنت واثقه اني هلاقي صوتك كده والله يا خلود لو ضايقتي نفسك لا هموتك🤨
خلود...شوفتي الحلقه صح🥺
صبا....اه وكانت تحفه كمان والاتصال ده كنا متوقعينه يبقي اوعي تزعلي
خلود....خلاص مش زعلانه😞
صبا....يابت ده بوزك شبرين واصلي لحد هنا
خلود....بضحك خلاص والله😂 بقولك ايه هتيجي امته
صبا....بعد بكره او بكره بليل لسه مش عارفه
خلود...ماشي متتاخريش علينا
صبا....حاضر❣️😍
خلود....بحبك يا صباصيبو😍😍
صبا...وانا كمان ياقلبي خدي بالك من نفسك
خلود...حاضر يلا باي❣️
صبا.....باي❣️
.....................
قفلت معاها صبا وراحت علي المطبخ قررت تعمل اكله حلوه لزيد لما يرجع طلعت فراخ وجهزت كل حاجه وقررت تتصل تاني بخلود تاخد منها الوصفه صح اتصلت مرتين بس خلود موبايلها كان غير متاح اتصلت علي روح هي اللي هتنقذها.
في الوقت ده روح وكاريمان كانوا وصلوا غلي النادي عشان يقابلوا رباب قعدوا مع بعض وطلبوا الغداء
سمعت روح اتصالها ردت علي طول
روح....حبيبه قلبي
صبا.....وحشتيني
روح...وانتي كمان ياروحي عامله ايه لوحدك
صبا...محتاسه ياروح قررت اعمل فراخ مشويه وكفته وسلطات لزيد لما يرجع من الشغل بس مش عارفه اتصلت بخلود تلحقني بس موبايلها غير متاح
روح....اه قولي كده بقي خلاص نستوا اكل روح🤨
صبا....لا والله😂 بس انا اصلا كلمتها من شويه عشان جالها مكالمه زي الزفت بتنتقد وصفتها الاخيره فا قولت اتصل بيها توصفلي عشان اجبر بخاطرها عشان متزعلش وتعرف انها بجد اكلها حلو
روح....وهي خلود محتاجه جبر خاطر هي ماشاء الله عليها اكلها يجنن اكيد اللي اتصل ده مضايق من نجاحها
صبا...اكيد المهم يعني اني لولا مكالمه خلود دي كنت هتصل بيكي انتي طبعا😂😂😂😂
روح...طيب ياستي هقولك حاضر
صبا...هو انتي بره ياروح🙄
روح..اه مع كاريمان ورباب مامت هشام
صبا....ياخبر طيب انا اسفه والله نسيت عموما خلاص روحي وانا هتصرف
روح...تتصرفي ايه استني هتنيلي الدنيا ومش عايزين زيد يتريق علي اكلك حاكم ده ابني وانا عرفاه مش بيعجبه اي حاجه انا هقولك الوصفه بالظبط وهتطلع احلي من بتاعتي كمان
صبا...حبيبتي يا احلي روح طيب ممكن بقي اتعبك معايا وتبعتيلي ڤويس احسن عشان لو نسيت ارجع اسمعه
روح...خلاص اقفلي وانا هسجلك❣️
صبا...متنسيش السلطات😍
روح...حاضر ياقلب روح❣️
قفلت معاها روح وسجلتلها ڤويسات وبدأت صبا تشتغل❣️
................
في الشركه عند جلال
اتصلت عليه رهف
جلال....الوووو
رهف....ايه الاخبار
جلال...زي الفل عشان سمعت صوتك😉
رهف....الله الله اوعي تقول اني وحشتك كن امبارح😂
جلال...طبعا وحشتيني❣️
رهف...خلاص يبقي اشوفك انهارده
جلال...اشطا انا ساعه واخلص
رهف...حلو اوي بس هتيجي تاخدني
جلال....بس كده عيوني اجي الاقيكي جاهزه
رهف...اعمل حسابك هنعمل كذا مشوار
جلال....اعتبريني السواق تحت امر جنابك يا رهف هانم😂😂😂
رهف...😂😂😂 اياك تتأخر هخصم من مرتبك انت حر
جلال...شريره اوي انتي يا هانم😂
رهف...اوي 😂😂 يلا هستناك
جلال...ماشي يا قلبي يلا باي
رهف...باي😍
..................
في النادي
رباب...وهي بتاكل لا بس ماشاء الله انا بحب علاقه روح براجح جداً
كاريمان....فعلاً روح عموما علاقتها بالكل جميله عشان كده الكل بيحبها
روح...بحب صدقوني الدنيا لا هي محتاجه صراعات ولا مشاكل ولا اننا نحط حد في دماغنا لو كل واحد فينا فهم ان الحب هو اساس الحياه والرساله المهمه اللي احنا جينا عشانها كلنا هنرتاح
رباب....بحزن سابت الشوكه وبصتلها وهي مشبكه ايدها في بعض يمكن كلامك صح يا روح بس اوقات حبك ده بيبقي سبب وجعك💔
روح....لو فهمتي قلبك صح عمرك ما هتتعبي احنا بنتعب لاننا مبنركزش يا رباب اوقات كمان حبنا بيكون حب مرضي
رباب....ازاي ياروح الحب عمره ما كان مرض
روح...مين قالك ده اكتر حاجه تتعب القلب هي الحب بس لو عارفين احنا عارفين قيمه الحب ده مش هنتعب لو عارفين بندي الحب لمين ويستاهله ولا لا مش هنتعب
رباب....قصدك اننا ممكن نكون بنحب الشخص الغلط
روح...ممكن ليه لا ويمكن كمان طريقتنا في التعبير عن الحب غلط يا رباب تخلي اللي قدامنا ينفر مننا
رباب...بس حتي لو احنا غلطنا في التعبير بس اكيد الحب بيكون واضح ازاي بني ادم يسيب حبك ليه ويبص علي طريقتك في الحب نفسه
كاريمان....لان مش كلنا زي بعض يا رباب مش كل الناس بتستقبل الحب بنفس الطريقه
رباب ...هو حتي الحب في طرق
روح...طبعاً مش بيقولوا ان كل واحد فينا ليه مدخل لقلبه
رباب....طيب انا عندكم اهو عملت كل حاجه في ايدي عشان اكسب قلب عادل وايه النتيجه طلقني واتجوز غيري وانا اكتر حد حبه في الدنيا دي كلها💔🥺 اتجوزت كتير بعده بس مش قادره انساه ولا قادره اعيش طبيعيه
روح ...متزعليش مني يارباب انتي غلط مينفعش تنسي راجل براجل غيره حتي لو اللي اتجوزتيهم ملايكه مش هتشوفيهم طول ما قلبك مع راجل تاني
واوعي تفكري انك لما تتجوزي مره واتنين وتلاته هتلفتي نظره من تاني اوعر تفكري لما تتجوزي شاب صغير انك هتجننيه وتخليه يغير بالعكس ده كده انتي بتأكديله انه كان صح في قراره وانتي اللي بتخسري يا رباب بتخسري نفسك وبتخسريه كا اب لان في بينك ابن وبتخسري هشام اوعي تنسيه هشام حتي لو وافق وسابك تعملي اللي علي مزاجك هيفضل بينه وبين نفسه تعبان ومكسور و اوعي تستهوني بكسره شاب ابدا شايف امه كل شويه تتجوز وياريت جوازه دايمه كلها جوازات مؤقته هدفها الوحيد انك تحركي عادل
رباب...طيب اعمل ايه بحبه ياروح مش قادره اتخيل فكره انه في حضن واحده تانيه غيري هي مهما حبته عمرها ما هتحبه قدي انا.
روح....ارض يا رباب جربي تعيشي حياتك بطريقه تانيه اشغلي نفسك في اي حاجه فكري في هشام و قربي منه شيلي عادل من دماغك لان خلاص الوقت فات هو بقي راجل متجوز وليه حياته ومبسوط ويمكن يكون مش شايفك خلاص ولا فارق معاه اللي بتعمليه مش هقولك اكرهيه خليكي بتحبيه بس لازم تعرفي ان مش شرط عشان بتحبيه يكون معاكي انتي حبيه من بعيد حبيله الخير وادعيله يعيش مبسوط اكسبيه كا صديق كا اب لابنك لان دي العلاقه الوحيده اللي دايمه واللي مهما حصل مش هتكسر لان هشام هيفضل لاخر العمر رابط بينكم
كرايمان....روح معاها حق يا رباب انك تتجوزي دي حاجه ترجعلك بس اختاري حد تكملي معاه حياتك صح مش تختاري حد تضايقي بيه طليقك وابو ابنك انتي كده بتضري نفسك مش بتضريه انا عشت علي ذكري جوزي يارباب ومقدرتش اتجوز بعده كان ممكن اتجوز بس مقدرتش ادخل حد حياتي ولا قلبي غيره وولادي بقوا كل حياتي صدقيني طول ما بتحبي راجل قلبك مش هيتفتح لغيره.
رباب....بضحك واعمل ايه في العريس اللي متقدملي الوقت بعد ما صحيتوا ضميري😏😏😂😂
روح...😂😂😂 والله لو راجل ابن حلال وراجل صح وانتي شايفه انك تقدري تكملي معاه ده حلال ربنا اتجوزي بس لو نفس الهدف من جوازك هو انك تضايقي عادل يبقي بلاش علي الاقل عشان خاطر عيون هشام بلاش تخسريه انتي ملكيش غيره ولا هو ليه غيرك
رباب....ادعولي اقدر اخرجه من قلبي انا عارفه اني غلط بس اوقات لما الحب بيسيطر عليكي مبتبقيش واخده بالك من تصرفاتك ولا بتحسبيلها
روح....زي ماقولتلك اشغلي نفسك وبعدين ياستي لما تحبي تفضفضي وتخرجي الطاقه دي متخرجيهاش في جوازه احنا اهو موجودين❣️
رباب....ماشي ياروح هحاول اعمل زي ما بتقولوا انا عارفه انكم صح
روح...وانا واثقه انك هتعملي الصح وطاقه الحب الجميله اللي جواكي دي لو استغلتيها صح هتلاقي نفسك في حته تانيه❣️
.....................
في المساء
اتصل قاسم علي زهره
زهره...ايوه يا حبيبي فينك
قاسم...في الشركه لسه
زهره...كل ده ليه كده
قاسم...انا خلصت خلاص بس هتأخر شويه يا حبيبي
زهره....طيب ليه
قاسم....داوود طلب مني اروح المصنع في شغل هناك ضروري
زهره....تمام يا حبيبي خلي بالك من نفسك
قاسم....تمام يا حبيبي ماشي يلا باي
قفل معاها واتصل علي داوود
داوود...ايه ياقاسم اتحركت
قاسم....لا لسه هتحرك اهو علي هناك
داوود...طيب انا مستنيك في المصنع لو اتاخرت هنشي انا وانت كمل لازم الشغل ده يخلص انهارده
قاسم...ياعم مش هتأخر متقلقش يلا ربع ساعه وهتحرك
داوود....تمام يلا سلام
قاسم...سلام.
شال قاسم كل حاجته وقعد علي الكرسي يكمل قهوته قبل ما يمشي ومن غير ما يحس فتح صفحه فريده علي الفيس يتفرح علي صورها ويبتسم
فضل يقلب في صفحتها وفي الصور وفجأه😳😳😳 اتصدم
قاسم....مستحيل😳 اكيد مش هو
مسك بسرعه موبايله واتصل علي فريده
فريده...الوووو
قاسم....فريده انتي فين؟😡
فريده...باستغراب في ايه يا قاسم ومال صوتك؟
قاسم....بغضب بقولك انتي فين؟
فريده....انا في السنتر يا قاسم مالك متعصب ليه
قاسم...طيب انا عايز اشوفك ضروري
فريده....انا عندي شغل يا قاسم مش هقدر الوقت
قاسم...وانا عايز اشوفك اتصرفيييي😡
فريده....طيب ممكن تهدا اوك هشوفك بس اخلص حتي شغلي صعب اسيبه
قاسم...قدامك قد ايه؟
فريده...يعني مش اقل من ساعتين ونص
قاسم....تمام انا هوصل مشوارع لحد المصنع بتاعنا وهشوفك
فريده....طيب هتتأخر في المصنع
قاسم....يعني نفس الوقت تقريباً
فريده...اوك طيب ابقي كلمني عشان اعرف هشوفك فين
قاسم...تمام يا فريده هكلمك بس لازم اشوفك تمام
فريده...حاضر يا قاسم تمام
قاسم...سلام
فريده...سلام
قفلت فريده وفضلت واقفه سرحانه شويه مش فاهمه حاجه ولا عارفه ايه السبب اللي عايز يشوفها عليه مستغربه عصبيته خصوصا ان مفيش حاجه حصلت بينهم بعد اخر مقابله.
..................
بعد كام ساعه القصر كان غلي غير العاده هادي جدا اغلبهم في اوضهم سالم وشمس بره مرجعوش وقالوا هيسهروا زيد وصبا في الڤيلا نادر ومريم مسافرين
الساعه كانت 12
خرج جلال من اوضته بعد ما خد شاور وبعد ما رجع من مشواره مع رهف
كان جعان وتلقائي راح علي اوضه روح
في اوضه روح.
روح...بضحك انت بتعمل ايه يا مجنون
راجح...الله وحشاني
روح...خلاص بقي كبرنا علي الكلام ده
راجح...كبرنا ده ايه ولادك هما اللي بقول طولنا بس احنا لسه شباب
قرب راجح منها يبوسها في الوقت ده دخل جلال زي القطر
جلال...😳😳😳
راجح...مش تخبط يا ابن الكلب😡اخرج بره وخبط
قفل بسرعه جلال ورجع خبط
روح....بضحك وإحراج ينفع كده🙈
راجح...ادخل😡
جلال...😁
راجح...ايه مش شايف الباب داخل زي البهيمه فاكر نفسك داخل زريبه😡
جلال...لا شايفه 🙄
راجح....ومخبطتش ليه يا بغل
جلال...بضحك اصلي متوقعتش انك لسه بتلعب بديلك لحد الوقت يا باشا كنت فاكرك كبرت علي الشقاوه😂
راجح...كبرت في عينك يا صايع انا اصغر منك انت واخواتك 😡
جلال....لو علي روح فا هي موزه اتوقع منها الشقاوه لكن مكنتش اعرف انك لسه شاب😂😂😂
راجح...اخلص يا ابن الكلب عايز ايه😡
جلال...انا جعان
راجح...ما تروح تطفح حد قالك نقلنا المطبخ هنا
جلال...لا بس جيت اقول لامي لاقيتك بتتغرغر بيها😂😂😂😂
راجح...هاتيلي الشبشب ياروح😡
روح...بضحك خلاص معلش هروح اكله واجيلك
راجح...والله ما هتطلعي وهيروح زي الجزمه ياكل لوحده😡
جلال...خلاص خليكي ياروح متفصليش الراجل احنا مصدقنا😂😂😂
راجح...شايفه قلة الادب 😡
روح...😂😂😂😂🙈 امشي يلا يارخم
جلال....ماشي عشان خاطرك انتي بقول ايه ياباشا سرك في بير اي تكسير شقلبه هداري عليك واقول انك بتموت فار😉
راجح...امشي يالااااااا😡
جري جلال وهو بيضحك لمح داوود واقف وراه وميت من الضحك
جلال...انت هنا اخوك بيتغرر بامي😂
داوود...والله انت عيل وسخ وليه حق يعمل فيك اي حاجه
جلال....الله جعان ومتوقعتش انه لسه بيتشاقي😂😂😂
داوود....طيب انزل تحت اقفش ميار تعملك حاجه تاكلها معاها
جلال...هي في المبطخ
داوود...اه لسه شايفها بتعمل نسكافيه
جلال...اشطا سلام ياعمي🏃🏃🏃
داوود....بضحك سلام يا مصيبه😂
..............
نزل جلال لقي ميار
جلال ..ميار ميار ميار
ميار...اييييه سرينه😡
جلال...وحيات امك اعملي معاكي اي ساندوتش
ميار...وانا مالي اعمل لنفسك
جلال...بقي كده علي فكره بقي انتي متغيره معايا وكده مش حلو ده انا الحته الشمال يابت😉😂
ميار...ولا شمال ولا يمين مش عامله
جلال...يابت جاي مش قادر وهلكان رهف شحورتني في مشاويرها انهارده
ميار...قولها تيجي تأكلك😏 مش مبقاش في غيرها من ساعت ما شرفت
جلال...الله الله ده القمر غيران😉😂
ميار...انا😡
جلال....يابت دي جايه من سفر وبقالي كتير مشوفتهاش اسيبها يعني
ميار...لا ازاي ودي تيجي خليك معاها🤨
جلال...يعني مش هتاكليني
ميار...قولت لا😡
جلال...ماشي 😡 وقف جلال جمبها يعمل اكل ومسك السكينه يقطع طماطم وهو بيقطع عور نفسه اااااه
بصت عليه ميار وقربت منه بسرعه
ميار...ايه ده في ايه انت عورت نفسك
جلال...ااااه بتوجع اوي
ميار....حقك عليا متزعلش و الاه تعالي اغسلها بسرعه🥺
جلال...بضحك خايفه عليا صح😉
ميار...اخلص ده وقتك😡
جلال...يابت قولتلك متقدريش تزعلي مني انا الحته الشمال وبعدين بيجمهنا طفاسه مشتركه😂
ميار...طيب اخلص اغسل ايدك😂
جلال...طيب مصلحاني🤨
ميار...اه 🥺
جلال....هتاكلي معايا😉
ميار...اه يس لما اشوف صوبعاك🙈
جلال...بضحك ايوه كده😍😍
..............
عند زيد وصبا
زيد....🤨🤨
صبا...ايه اوعي تقول وحش🙄
زيد...لا والله حلو اوي بس بجد انتي اللي عملاه ولا روح اللي بعتته
صبا...والله انا ايه مفيش ثقه كده خالص🤨
زيد...لا والله بس بجد تسلم ايدك امال عامله فيها مش ست بيت ليه🤨
صبا...بضحك صراحه روح اللي وصفتلي😂🙈🙈
زيد...ابوه بس انتي. اللي عملتي❣️
صبا ..يعني عجبك
زيد...طبعا حلو اوي والله تسلم ايدك يا قلبي❣️
صبا....بالهنا والشفاء يا حبيبي❣️
...............
في جنينه القصر
فرح وامير كانوا قاعدين بيتكلموا
امير كان سايب موبايله علي الترابيزه
فرح...انا زهقانه اوي😞
امير...تيجي نلعب😂
فرح...نلعب ايه😂😂
امير....نلعب أي 😂😂😂
فرح...أي لا ايدك تقيله
امير....لا براحه متقلقيش
بداوا يلعبوا هي تضرب وهو يضرب ومره واحده ضربها جامد
فرح....اااااه ايدي 😭😭
امير....انا كسبت قولتي اه😂😂
فرح...والله وجعتني🥺
امير...بحب حقك عليا مسك كف ايدها باسها بهدوء وبصلها خفت🤨
فرح...مش اوي🙈🙄
ضحك امير وباس ايدها بحب في الوقت ده رن موبايله لمحت فرح اسم فاطيما بصلها امير بارتباك
فرح...بهدوء ايه مش هترد عليها
امير...لا عادي انا قاعد معاكي
فضل التليفون واتصلت تاني
فرح...بيتهيألي رد لا يكون في حاجه
امير....تمام فتح الخط ورد
امير...ايوه يا فاطيما.
فاطيما....بانهيار امير امير الحقني😭
امير...في ايه مالك يا فاطيما😳
فاطيما...عايزه اشوفك حالا😭
امير...طيب فهميني بتعيطي ليه كده طيب طيب اهدي انا جاي حالاً
قفل وبصلها
امير...فرح انا لازم اروح لفاطيما مش عارف في ايه بس هي منهاره وبتقزلي الحقني
فرح....بلعت ريقها بصعوبه طيب روح
امير...مش هتأخر يلا سلام🏃🏃
بصتله فرح وهي عينها كلها دموع🥺
وقامت جري علي اوضتها
ميار.....فروحه راحه فين تعالي كلي معانا
فرح....لا مش قادره انا طالعه انام تصبحوا علي خير
ميار....هي مالها؟
جلال...انا عارف دي عيله مجانين يلا ناكل
ميار....يلا😍
.................
وصل قاسم في السنتر عند فريده كان الكل مشي ومفيش غيرها هي بس
دخل قاسم و شكله غريب
فريده....ايه ياقاسم قلقتني في ايه ومالك عامل كده ليه ؟
طلع قاسم الموبايل وجاب صوره حطها قدام عينها
قاسم.....ايه ده😡😡😡
- يتبع الفصل التالي اضغط على (رواية احفاد الطوبجي) اسم الرواية