رواية ملاك في عالم الشياطين الفصل العاشر 10 - بقلم وردة
🖤 الحلقة ١٠ 🖤
🖤🖤🖤🖤🖤🖤🖤🖤🖤🖤🖤🖤🖤🖤🖤🖤
مليكه بتنزل من السرير وبتشوف فستان دهبى طويل فى قمة الروعة
مليكه / غبى بس زوقو حلو
وبتجهز نفسهاا بسرعة وبتعمل شعرهاا
مليكه / شعرى الحلو حبيبى الغالى اهملتك الفترة الى فاتت بسبب فار المجارى الى تحت دة
وبتسيب شعرها وري ضهرهاا بطريقة جميلة وبتنزل وبترفع طرف الفستان من قدم و فهد بيسمع صوت خطوتهاا وبيرفع عيونو وبيشفها نزلة قدمه زي الاميرات وبيتامل اوى فى
ملامحهاا وجمال شعرهاا الى بينزل خصلة على عيونها ومش عرفة تبعدها عن عيونها لانها مسكة طرف الفستان باديها الاتنين وبتنفخ فى الخصلة علشان تبعد عن عيونها وهى نزلة على السلم لحد ما بتوصل قدمه
مليكه / شيطان مختل بارد زيك وعندو زوق جميل دة الى انا مش متخيلاة
فهد / هيجى فى يوم وهقطعلك لسانك
وبيتحرك قدمه و مليكه بتقلد كلامو وهى ماشية وبيشفها ريان و كنان وبيكتمو الضحكة و ريان بيقرب من مليكه
ريان / سندريلا
مليكه / شكرا
وبيروحو على العربيات
مليكه / هو انت رجل مهم للدرجة الى تخليك كل لما تخرج
يكون معاك الجيش دة كلو
فهد / اركبى وانتى سكتة بلاش كلام كتيير
مليكه / بارد هتموت يعنى لو جوبتنى
فهد بيسحبهاا من اديها وبيدخلها العربية والكل بيتحرك بسرعة
فهد / متبعديش عنى طول ما احنا هنااك مفهوم
مليكه مبتردش علية
فهد / مفهوووم
مليكه مبتردش وبيتعصب وبيمسكها من درعهاا بقوة
فهد / انا بكلمك ردى عليااا
مليكه / انت الى قولتلى مش عاوز تسمع صوتى وانى متكلمش اووف عوزنى اتكلم ولا لاا
فهد بيدفع درعهاا الى هو مسكو بغضب
مليكه / ااة غبى
بعد نص ساعة بيوصلو قصر كبير باللون الابيض و كنان
و ريان بينزلو و كنان بيفتح الباب لفهد و مليكه و فهد بيمسك ايد مليكه وبينزلها و مليكه بتبعد اديهاا عنو
وبيمسك اديهاا بغضب
وبيدخلو القصر وبيكون فى راجل كبير فى استقبلهم
فهد اول ما بيشوفو بينحمى باحترام و مليكه بتبص اوى
فهد / تحياتى بالملك
الملك / اهلا الفهد
فهد / اعرفك بزوجتى
والملك بيضحك وبيمد ايدو لمليكه و مليكه مترددة تسلم علية و فهد بيبصلهاا بغضب وبتسلم على الملك
الملك / فتاة عربية جميلة
مليكه/ شكرا
وبيظهر فرانكو بابتسامتو السخيفة وفى ايدو كاس خمر وسيجار وبيقرب منهم و مليكه بتشوفو بتحس بالخوف وبتمسك فى ايد فهد باديها الاتنين بخوف و فهد بيبص على ايد مليكه وبيشوف فرانكو جاى عليهم وفجاة مليكة بتستخبي وري فهد بخوفو و ريان و كنان بيقربو من مليكه
و فهد
فرانكو/ جوهرتى الثمينة
فهد بيبص لفرانكو بتحدى وغضب و فهد يسحب مليكه من وري ضهرو وبيلف دراعو حولينهاا وبيضمهاا لية بقوة
فهد / مرحبا فرانكو
فرانكو عيونو على مليكه و مليكه بتخبى عيونها فى حضن فهد بخوف وبتستمد الامان منو و فرانكو بيمد ايدو لمليكه علشان تسلم علية و فهد بيحط فى ايد فرانكو الى مددها مليكه للسلام رصاصة
الملك / كفاية خنااق يلا علي الاجتماع
وفرانكو والملك بيتحركو
فهد / ريان كنان
ريان / تمام
فهد بيبعد ايد مليكه عن دراعو
فهد / لازم احضر الاجتماع دة ريان و كنان معاكى
مليكه / عوزة امشى من هناا
فهد / يعنى فجاة قلبتى فاار
مليكه / انا مش من العالم بتاعك دة العالم دة مخيف عوزة امشى من هنا
فهد / مش هتاخر
فهد بيمشى وبيسيب مليكه مع ريان و كنان
ريان / تحبى تشربى حاجة
مليكه / عوزة مياة
ريان و كنان بيخدو مليكه وبيخلوهاا تقاعد على تربيظة
و ريان بيجبلها مياة و كنان عيونو على البنات الى ريحين جيين حولية وبتروح عليهم بنت غاية فى الجمال بشعر احمر و هدوم قصيرة جدا
البنت / انتى عاهرة الفهد مش كدة
مليكه بترفع عيونها ليهاا بقرف من منظرها
مليكه/ العاهرات دول بيكونو من امثالك انتى مش اناا
ريان / انسة فيفيان مدام مليكه متقصدش
فيفيان بتشاور لريان يسكت
كنان / شكلهاا حفلة مميزة
ريان / فعلا
فيفيان بتقرب من مليكه وبتبصلهاا من فوق لتحت
فيفيان / مرحبا بالساحرة الصغيرة فى عالم الشياطيين
مليكه / انا مش ساحرة انا جنية خافى بقي وروحى العبى بعيد يا حلوة
كنان بيقرب من ريان / اتنين صفر لمليكه
ريان / اخرس
وففيان بتضحك وبتبعد عن مليكه
مليكه / ريان ميين باربى الحمرة دى
ريان / دى بتكون انسة فيفيان بنت الملك الصغيرة
مليكه / حصلنا القرف
ريان بيضحك وفى شاب بيقرب من مليكه وبيطلب منها بكل ادب انو يرقص معاها و مليكه لسة هتتكلم
كنان / روح من هناا احسن من انك تفقد اطرافك الاربعة
مليكه / روح دة لسة واكل اتنين من الحرس قبل ما نيجى الحفلة
ريان بيضحك اوى
**********************************
بعد ساعتين من الملل
مليكه / اووف انا زهقت خلاص
ريان / تحبى اجبلك عصير او اى مشروب
مليكه بتبص حوليها بملل بتشوف التربيظة الى جمبها بنتين بهدوم او بالاصح شبة هدوم وفى الوسط رجل عجوز فى وضع بشع جدا و مليكه بتشهق من المنظر لما بيرفع بنت من البنات على رجلو وبيبد يقلعها الجزع العلوى من هدومها
و مليكه بتشهق بفزع اكبر و كنان بيشوفها وبيضحك
ريان / مليكه انتى كويسة
مليكه / تق تق مش كويسة ابدا
كنان/ يبقي كويسة
ريان / بطل استظراف شوية
وبتشوف قدمها بنت بهدومها الدخلية بس بتطلع على مسرح صغير فى نص الحفلة وبتبدا تعمل حركات لاثاارة الضيوف
و مليكه بتحط اديهاا على شفايفهاا بقرف
ريان / اا احم مليكه متبصيش حوليكى هتكونى احسن
مليكه / عوزة اروح الحمام
ريان و كنان بيوصلوهاا للحمام ولسة هيدخلو معاهاا
مليكه / ريحيين فين
كنان / الاوامر اننا منسبكيش ولا لحظة
مليكه / دة حمام حريمى اية معندكوش اخلاق
كنان / اخلاق انا سمعت الكلمة دى قبل كدة فين
مليكه / غبى زي رئيسك
كنان بيضحك
ريان / ماشى احنا هنقف هناا متتاخريش لو فى اى حاجة نادى عليناا
مليكه بتهز رسهاا بنعم وبتدخل وبتقف على الباب و بتتفاجا بفيفيان فى الحمام بتظبط الميكاب
فيفيان / السااحرة
مليكه مبتردش عليهاا وبتغسل اديهاا وبتحط مياة على رقبتهاا و فيفيان بتقرب من مليكه
فيفيان / هنتقابل كتير اوى فرانكو حكالى عنك اظن انو بالغ كتير فى وصفك
مليكه بتسمع اسم فرانكو بتتوتر وفيفيان بتضحك اوى وبتقرب اكتر من مليكه و مليكه بترجع بضهرهاا وبتخبط فى جسم صلب وبتتفزع وبتبعد بسرعة
فهد / اتاخرتى
فيفيان / الفهد
وفيفيان بتروح على فهد وبتبوسو من شفيفو بطريقة مقرفة من نظر مليكه و و فهد بيبعد فيفيان عنو وبيبص لمليكه
و مليكه عيونها للارض ووشها احمر
فهد / مليكه اخرجى لريان و كنان
مليكه مبتصدقش انو قالهاا اخرجى وبتخرج بسرعة
**********************************
ريان / مليكه انتى كويسة
مليكه/ عوزة اخرج من هناا مخنوقة مش قدرة اتنفس
كنان / اهدى تعالى
ريان و كنان بيخرجو مليكه الجنينة بسرعة والحراسة بتروح عليهم و مليكه بتنهاار من العياط وبتحاول تاخد نفسهاا
**********************************
داخل قصر الملك
فهد / فيفيان ابعدى عنهاا
فيفيان / يعنى الاخبار حقيقة ده حب
فهد / انتى عرفة ان قلب الفهد ملوش مكان فية للحب
وانتى عرفة كدة كويس سلام
و بيبعدها عنو وبيخرج وبيسبهاا وبيخرج برة القصر وبيشوف مليكه قاعدة فى العربية وسندة رسهاا على ازاز العربية بتعب
ريان / شكلها تعبانة
فهد بيشاورلهم انهم يتحركو و بيشوف فرانكو واقف بعيد وعيونو على مليكه وبيركب فهد العربية جمب مليكه وبيتحركو
**********************************
فى مصر
نسمة بتدخل اوضة جمال ومعاهاا صانية عليها اكل وبتشوف والدها قاعد على الكرسى الهزاز فى ركن الاوضة وعيونو على صورة مليكه وصورة والدتهاا الى متعلقين على الحيط قدمه وبيهز الكرسى بهدوء و نسمة بتقرب منه
نسمة / بابااا
جمال / .....
نسمة بتمسح دموعهاا وبتحط الصنية على التربيظة وبتقرب من ابوها وبتلمس كتفو و جمال بيتفزع
جمال / نسمة حببتى انتى لسة هناا لية مروحتيش مع جوزك
نسمة / اية زهقت مننا وعوزنا نمشى يعنى
جمال بيسحبهاا من اديهاا وبيخليها تقاعد على رجلو وهو بيهز الكرسى و نسمة بتتعلق فى رقبتو
جمال / فكرة وانتو صغيرين كنتى بتتخنقى انتى و مليكه مين الى يقاعد على رجلى وانا على الكرسى دة
نسمة / وكنت بتخلينا نقاعد احنا الاتنين وكانت مليكه اول ما تقاعد كانت بتنام فى حضنك على طول
جمال بيمسح الدمعة الى نزلت من عيون نسمة وبيضمها اوي
جمال / وحشونى اوى يا نسمة
نسمة / بابا انا مليش غيرك يا باباا
جمال بيضمها اوى والباب بيخبط وبيدخل يوسف
يوسف/ خيانة مراتى وعمى
نسمة بتبتسم اوى وبتمسح دموعهاا
جمال / يلاا خد مراتك وروحو بيتكو
نسمة / لاا بابا انا و يوسف قررنا اننا نفضل معاك هناا ومش هنسيبك لوحدك ابدا
جمال / ازاى يعنى لا طبعاا يلاا روحو بيتكو
نسمة / يعنى انت مش عوزنا نعيش معاك
يوسف / عمي متحولش لان دة امر واقع قدمك هتستحملناا انا و نسمة
جمال / يا حبيبى انا كويس
يوسف / وكمان انا متطر اسافر دبى الاسبوع الى جاى
نسمة بتقرب من يوسف / انت هتسافر
يوسف / يعنى بسبب الظرف الى احنا فية سبت الشغل هناك قبل ما انهي اجرات نقلى لهناا فى القاهرة ومش هتاخر اسبوع بس
جمال / تروح وترجع بالسلامة
**********************************
فى روسياا
بيوصلو قصر الفهد و مليكه اول ما بتوصل القصر بتنزل من العربية بعضب وبتتكعبل وهى نزلة فى الفستان وبتقع على السلم و فهد بيروح عليهاا بسرعة
فهد / انتى كويسة
مليكه / ابعد ايدك القزرة دى عنى متلمسنيش ابدا
فهد / روحي الى اوضتك
مليكه / اكيد مش حبة افضل اتامل فى وسمتك يعنى هطلع الاوضة علشان اخلص منك
مليكه بتقلع الجزمة وبترفع الفستان وبتدخل القصر و فهد ورها وبتقف فى نص القصر و بتبص حوليها يمين و شمال
و فهد بيبتسم وبيفهم انها مش عرفة طريق الاوضة بتعتها
فهد / تانى اوضة على اليمين
مليكه بتبصلو بقرف / عرفة انا مسالتكش
وبيضغط على اسناانو بغضب وبيقرب و منها مليكه بترفع الفستان اوى عن رجليهاا بتجرى بسرعة على اوضتها هروب من غضبو
فهد بيصرخ / ريان
وبيدخل ريان و كنان القصر
فهد / التسليم هيتم امتى
ريان / كمان ساعة
فهد / انت هتفضل قدم اوضتها متتحركش مفهوم
ريان / مفهوم
فهد بيخرج من القصر وبيمد ايدو لكنان و كنان بيدى لفهد
سلااح وبيركبو العربيات وبيتحركو برة القصر
**********************************
فى اوضة مليكه
غيرت هدومها لبيجامة لونها وردى رقيقة اوى وبتقاعد على طرف السرير وبتحط اديها على بطنهاا
مليكه / اوف انا جعانة اوى دة حتى مسالنيش تحبى تاكلى
او تشربى بخيل غبى
وبتفضل فى الاوضة ومديقة اوى وبتفضل ريحة جاية فى الاوضة اكتر من ساعتين وبتروح تحاول تنام ومش عرفة
وبتضرب الغطاء برجليهاا بغضب
مليكه / اوف انا مش عرفة انام وانا جعانة
وبتخرج من الاوضة بعد طول انتظاار وبتتفاجا بريان واقف قدم الاوضة واتنين من الحرس معاة و مليكه بتتخض اوى
مليكه / انتو بتعملو اية هناا
ريان / للحماية مش اكتر انتى ادخلى ارتاحى
مليكه / بس اناا
ريان بيقرب منها خطوة
ريان / محتاجة حاجة
مليكه / بس انا جعانة كنت عوزة اروح المطبخ
ريان / بس الخدم راحو دلوقتى تحبى اطلبلك اكل من برة
مليكه / ممكن اروح انا المطبخ
ريان / طبعاا القصر كلو تحت امرك
مليكه بتبتسم لريان اوى وبتنزل معاة على المطبخ وهى فى طريقهاا للمطبخ بتتفاجا ان القصر مرصوص بالحراسة
مليكه / فى اية هنا هى الحرب هتبدا
ريان / دة علشان حميتك تعالى المطبخ من هناا
وبتدخل هى و ريان على المطبخ
مليكه / خليناا نشوف فى اية هنااا وبتروح تفتح التلاجة
مليكه / تاكل معاياا
ريان بابتساامة ودودة / اكل معاكى طبعاا
مليكه / هعمل معكرونة بالفراج
ريان / معكرونة بعد نص الليل
مليكه / هتعجبك اوى
مليكه بتعمل الاكل هى و ريان بعد ما بتلبسو مريلة من المطبخ زيهاا وبتخلية يقطع الطماطم وبيضحكو اوى وبيتكلمو
ريان / الاكل دة مش كتير شوية
مليكه / لا ابدا يلاا الاكل خلص هات اطباق
وبتحط اطباق كتير فيهاا معكرونة بالفراخ وبتخدهم وبتخرج للحرس الى برة
مليكه / اتفضل
الحرس بيبصلها بخوف وتوتر وبيرفع عيونو لريان
مليكه / هو مش عاوز ياخد منى لية
ريان / الفهد لو عرف هيخلص علية
مليكه / بلييز قولهم يخدو منى الاكل
ريان بيشاور للحرس انو ياخد منهاا الاكل
الحرس / شكرا سيدتى
مليكه / انا اسمى مليكه مش اسمى سيدتى
ريان بيضحك و مليكه بتجرى على المطبخ وبتقدم الاكل لباقى الحرس كلهم وهى مبسوطة وبتقاعد على السلم هى
و ريان وبيكلو والحرس بياكلو حوليهاا ومبسوطة اوى وبتضحك
ريان / طب فى مرة اناا كنت ماشى وفجاة طلع علياا اتنين حرمية وعوزين يسرقونى ولما فتشو هدومي طلعو الذخيرة واسلحة وقنابل من هدومي كتير وفجاة لقتهم نامو على الارض وحطو اديهم فوق رسهم من الخوف
مليكه بتضحك اوى وفجاة بيشوفو الفهد قدمهم والحرس بيقف بسرعة بخوف وتوتر
فهد / الكل متعاقب الكل على اوضة التعذيب حالاا
مليكه بتبص للحراس بخوف وتوتر
مليكه / استنو ريحيين فين تعذيب اية هم معملوش حااجة
فهد / املاكى خط احمر مش كدة يا ريان
ريان واقف وراسو فى الارض
مليكه / انا الى قولتلهم واجبرتهم انهم ياكلو معاياا ارجوك متعملهمش حاجة
مليكه بتبدا بالعياط
مليكه / انا اسفة مش هلمس املاكك تانى انا بس كنت جعانة
وعملت اكل من المطبخ بليييز
⚡⚡ مليكه مفكرة انو بيعاقبهم انهم اكلو ومش عرفة انهم بيتعقبو انهم كانو قربين منها وبيضحكو معاها مش عرفة ان هى الى املاكو ان هى الخط الاحمر ⚡⚡
فهد / معاهم يا ريان
ريان / بس اا
فهد / معاهم بدل ما افجر دماغك حالا
ريان بيتحرك و كنان بيطبطب على كتف ريان بحزن و فهد بيقرب من مليكه و مليكه بتبصلو بخوف
مليكه / اا انا هدفعلك تمن الاكل
وبترجع بخوف
فهد / ممنوع تضحكى قدم اى حد بالشكل دة مفهوم
مليكه / هاا
فهد / ازاى تسمحلهم انهم يقفو معاكى ويتكلمو وياكلو معاكى ويضحكو معااكى ازااى
مليكه / اا اناا
فهد / مش هسمح بغلطة زى دى تانى
مليكه بتهز رسها بنعم ولسة هيتحرك وبتجرى علية وبتمسك دراعو
مليكه / بلييز متعملهمش حاجة هم كانو رفضين بس انا الى اجبرتهم
فهد بيبص لعيونها والدموع الى مغرقين خدهاا وبيسبهاا وبيروح على اوضة المكتب بتعتو و مليكه بتعيط وبتبص لكنان
مليكه / ممكن تخلية يعفى عنهم ارجوك
كنان / اهدى شوية متخفيش هو مش هيقتلهم هو هيلاعبهم شوية يعنى شوية كهربة على مياة مغلية على خلع ضاوفر يعنى حاجات بسيطة
مليكه / انت مختل عقلياا
كنان. / هههة تحت امرك سيدتى
مليكه / اسمى مليكه مش سيدتى غبى متخلف زي رئيسك
مليكه بتطلع على اوضتها و بتعيط على حال الحراس و ريان
وبتنام من كتر التفكير فيهم
**********************************
فى الصباح
مليكه بتفتح عيونها على صوت الباب بيتفتح والخادمة بتدخل
الخادمة / سيدتى الفطار جاهز
مليكه / اووف اووف اسمى مليكه مش سيدتى
مليكه بتفتكر الحرس و ريان وبتقفز من على السرير بسرعة
وبتاخد هدوم رياضية وبتخدها وبتروح على الحمام بسرعة جدا وبتغير هدومها بعد ما بتاخد دوش سريع وبتنزل جرى على السلم وبتدخل اوضة السفرة وبتشوف فهد و ريان بس على السفرة و بتبص حوليهاا بخوف
فهد / هتفضلى وقفة كدة كتير
مليكه بتروح تقاعد على السفرة ومبتتكلمش
مليكه / هو ريان فين
فهد بيبصلهاا بغضب وبيدخل ريان القصر
ريان / الطيارة جاهزة
وبيروح يقاعد جمب كنان على شمال فهد و مليكه بتبص لريان وبتبتسم اوى وبتتفاجا بالخدم منزلين الشنطة بتعتها
وبيفطرو وبيتحركو على العربيات و مليكه بتقرب من ريان
مليكه / انت كويس خفت احسن يكون عمل فيك انت والحراس حاجة
ريان / لا هو سامحناا
مليكه / الحمد لله
ريان / شكرا
مليكه / على اية
ريان / كنان قالى ان انتى الى طلبتى منو انو يعفينا من العقاب
فهد بيبص لمليكه و ريان
فهد / هتفضلى عندك كتيير
مليكه بتروح معاة وبتركب العربية
مليكه / المرة دى هنروح فين متقولش هنطلع القمر
فهد بيفتح الاب توب بتاعو وبيشتغل وبيتابع شغل مهم
فهد / بارد
و فهد بيبصلها بطرف عيونو وبيرجع بانتباة للاب توب
وبيروحو علي ساحة كبيرة مكان لمهبط الطائرات
مليكه / هو مفيش اى وسيلة سفر غير بالطيارة
اسود / اة انى ارميكى من الجبل دة فى البحر
مليكه / اكيد هيكون احسن من وجودى جمبك يا سيد غبى
فهد بيمسكهاا من درعها بقوة و مليكه بتتالم
فهد / حولى تسيطرى على لسانك لانى مش هقدر استحملو كتير
مليكه بتبعد عنو و فهد بيمسكها من اديها وبيطلع بيهاا الطيارة وبيخليها تقاعد على كرسى ضخم بقوة
فهد / ولا تتحركى ولا تتكلمي
مليكه / حاضر اى اوامر تانى
فهد بيبصلها بغضب وبيمشى وبيروح يقاعد مع ريان و كنان وبيتكلمو فى الشغل و مليكه بتحس باهتزاز الطيارة وبتمسك ايد الكرسى بقوة وبتغمض عيونها بخوف و فهد بيبصلهاا اوى لحد ما الطيارة بتستقر فى الجو و مليكه بتفتح عيونها بتعب وبتمنع نفسها انها تبص على الشباك
**********************************
بيرجعو امريكاا
وبتكون اولفت فى استقبلهم
اولفت / حمدالله على السلامة
مليكه بتدخل وري فهد وبيتفجاة بفيفيان وقفة فى نص القصر وحطة اديهاا على خصرهاا ولبسة فستان احمر زي
لون شعرهاا
فيفيان / مفاجاة
•تابع الفصل التالي "رواية ملاك في عالم الشياطين" اضغط على اسم الرواية