رواية كهرمان الفصل الثالث عشر 13 - بقلم رحاب محمد

 رواية كهرمان الفصل الثالث عشر 13 - بقلم رحاب محمد 

(البارت الثالث عشر)

قاسم واقف فى البلكونه الي جنب اوضتها وبيتمنى يسمع صوتها  ومشتاق يسمع صوت ضحكتها واسمه من بين شفايفها 

كل يوم بيقف فى نفس المكان مستني انها تطلع ويملي عينه منها وحشته ومش قادر يشوفها 

وهو غرقان فى حزنه وذكرياته معاها حس بايد بتطبطب على كتفه 

 

 ابتسم بحزن فى حاجه يا بابا ولا ايه 

 

مراد لا ابد انا بس كنت جاي اطمن عليك واشوف حالك من اليوم الي حصل وانت مش بتقعد معايا ولا بتكلمني ولا بتاكل 

قاسم انا بخير يا بابا وكنت واقف بشم شويه هواء وداخل انام 

مراد ابتسم قاسم هو انت فاكر اني مش عارف انك بتحب حلم 

ومن من زمان كمان وكنت بتداري دايما وتغير الموضوع كل ما افتحه معاك بكلمة اختي بس انا كنت بشوف لمعه الحب ليها فى عنيك وكنت فاهم كل تصرفاتك وعارف ان هي كمان بتحبك واكبر دليل الي حصلها فى الشركه يوم ما عرفت انك هتتجوز 

قاسم بصله بذهول ولما انت كنت عارف كل ده من زمان كنت ساكت ليه 

مراد كنت مستني لما حبكم يتعبكم ويوجعكم وانتوا الي تعترفو لبعض بده كل ده يا قاسم وانا مستني اليوم الي هتجي تعترف بحبك ليها وتطلب انك تتجوزها بس انت هديت كل ده ب الي حصل مع دارين 

قاسم بحزن انا اسف ليك يا بابا اسف على الموقف الي انت بقيت فيه بسببي عارف اني خسرتك كتير خزلتك 

وبص على بلكونتها ووجعتها وهي مكنتش تستاهل كده ابدا 

مراد لو فاكر اني بفكر في خساره

ليا  تبقى غلطان ولسه مش فاهم ابوك انا مش زعلان على حاجه غير عليكم انت وهي مكنش نفسي ابدا ان جوازك يكون كده احنا يبقى فرحك بكره وده يبقا حالنا امك واخوك منقولهمش وانا وانت الحزن هو الي مسيطر علينا وبس

 عارف انا من يوم ما هي اتولدت وانا مستني اليوم الي هشوفها فيه مراتك انتا هديت كل ده يا قاسم انا عارف انه غصب عنك ومش بلومك بس زعلان عليك والله يبني 

 

قاسم بحزن انا غلطت وبدفع التمن انا وكل الي حوليا بس هي جزء من غلطي ده انا لو عملت كده فا هي السبب مش انا لوحدي الي غلطان يا بابا 

مراد انت لسه هتقاوح وتقول هي السبب  متروحش تدور على حد ترمي عليه الذنب وتخليه السبب في اخطاءك لما تغلط متدورش على حد يشيل ذنبك كل شخص غلط 

هو المسؤوال الاول والاخير عن غلطه واي كلام يتقال غير كده 

مقاوحه فارغه وضعف مش اكتر 

وتهرب من المسؤاليه 

قاسم رمي نفسه فى حضنه بتعب 

انا تعبان اووي  اووي انا بموت من غيرها اول مره من يوم ما هي جت الدنيا تبعد عني كده حاسس ان روحي بتتسحب مني ببطء وهي بعيد عني 

مراد بيتبطب علي ضهره بحنيه هون على نفسك بدعيلك ربنا يريح قلبك يابنى

.......................

تاني يوم عند حلم 

مها قاعده مع حلم فى اوضتها 

حلم بتلم هدومها فى شنطه س

فر 

مها بحزن خلاص يعني يا حلم مصممه تمشي

 

حلم وهي بتعب ايوه يا مها ولا عايزاني اروح احضر فرحه واباركله 

مها انا مقولتش كده بس كفايه بقى الي انتي عملاه فى نفسك ده علشانه ده واحد سابك وباعك ووجعك وكل ده من غير سبب 

يا حلم وحتي مكلفش نفسه يقولك ايه السبب 

حلم خبطت الدولاب جامد وبزعيق بس بقى بس حرام عليكي انا مش ناقصه انا واقفه وكاتمه فى قلبي وساكته بالعافيه  روحي بتتسحب مني حاسه اني بموت انا خلاص خسرت كل حاجه فى حياتي قاسم مش بس كان حبيبي ده كان كل دنيتي يا مها طول عمرى كنت بستقوى بيه  فجاءه بقيت لوحدى من غيره 

 وبتعيط بوجع حطي نفسك مكاني وانتي شايفه حب عمرك رايح يتجوز وحده تانيه غيرك 

وبقت مش قادره تتكلم من عياطها 

مها حست بوجعها وانها مقدرتش كل الي هي فيه ده وزودت عليها

 قربت منها وخدتها فى حضنها بس يا قلبي بس والنبي يا حلم كفايه عياط كفايه أنتي نفسك خلاص بيروح يبنتي ارحمي نفسك بقا انا اسفه يا حلم اسفه 

 

حلم بعدت عنها متتاسفيش انا مش عايزه شفقه من حد كل الي عايزه منك تسبوني فى حالي ومحدش يكلمني خالص سبوني ارجوكم 

مها حاضر الي يريحك اعمليه بس انتي كده مسافره تبع الشغل ولا ايه طيب عرفيني علشان اطمن عليكي بس

 

حلم وهي بتقفل الشنطه ايوه تبع الزفت وعمو مراد قال ل بابا وفهمه اني رايحه اخلص الفندق بتاع شرم وهو وافق وسيبني بقا علشان لازم امشي دلوقتي 

مها طيب يا حبيبتي تروحي وتيجي بالسلامه 

ونزلوا هما الاتنين علشان تركب عربيتها وتمشي 

حلم بعصبيه يوووه نسيت مفتيح الزفته فوق لسه هروح اجيبهم 

مها خليكي انتي خليكي انا هجبهملك ومشيت تجبهم 

حلم واقفه عند عربيتها وبصت على بيته بحزن والدموع ملت عنيها وهي بتبفتكر لما كان بيستنها فى نفس المكان ده وينادي عليها ويستعجلها 

وسمعت صوته بيقول اسمها بحب كانت فاكره انها خلاص اتجننت بيه لدرجة بيتهيالها انها سمعاه فى خيالها 

قاسم كان نازل من البيت وشافها واقفه سرحانه بس حس بخنقه ووجع وهو شايف منظرها كده وكانها مش حلم الي هو يعرفها ده خيال منها جسمها ضعف وقل جدا وشها دبل من كتر الحزن تحت عنيها اسود والارهاق وقله النوم مغيره كل شكلها لابسه اسود فى اسود من الشوز للطرحه 

ونظاره الشمس بنفس اللون وكأن النهارده يوم جنازه شخص غالي عليها 

اول ما شافها نطق باسمها بتلاقائيه حلم وحشتني 

حلم بصت جنبها تتاكد من الي هي سمعته واتفاجاءت بيه واقف بجد وان ده مكنش خيالها 

قلبها بيدق بضطراب هو وحشها اوي وكان نفسها تشوفه وعايزه 

تترمي فحضنه وتعيط وتقوله متتجوزش غيري

 بس بتظهر عكس كل ده وبترسم على ملامحها القوه وبتتريق  ايه ده العريس لسه هنا يترا بقا مش مع العروسه ليه ولا ناوي تهرب منها وتروح تتجوز وحده تانيه النهارده مهو مش جديد عليك تقول لوحده هتجوزك وبعدين تكمل مع وحده تانيه 

 

قاسم بصوت كله حب وكأنوع مسمعش اي كلمه قالتها وحشتني ووحشني صوتك 

اتكلمي تاني عايز اشبع منك

حلم كلامه بيسحرها قلبها بيرد عليه وحشتني عنيك وبصتها ليا 

بس لسانها لا بكرهك يا قاسم هفضل طول عمري كل ما اشوفك قدامي اقولك بكرهك وكلامك ده مش بيذيد غير من استحقاري وكرهي ليك 

قاسم كلامها بيكسره بس بيستحمل

 وانا بحبك وهفضل كل ما اشوفك اقولك بحبك وهيجي اليوم الي تفهمي فيه كل حاجه يا حلم 

 

حلم قربت منه وبتض*ربه فى صدره بغل افهم ايه هاا افهم ايه انت ايه بج*ح افهم ايه غير انك واحد زب*اله وحقير وندل 

قاسم قربها منه ولمستها ليه جننته شدها من ايدها الي بتضربه بيها ولف ايده على وسطها وقربها ليه وبسرعه منه  بقت فى حضنه وبيخطف الكلام منها فى ب*وس*ه لشفايفها 

حلم زقته بعنف وض*رب*ته بالقلم بكل قوتها 

وزعقت وهى فى حالة صدمة انت ازاي تعمل كده  اياااك تفكر تقرب منى تاني اياك فاهم

 وبتاخد نفسها بصعوبه بني ادم غبي ووقح وقليل الادب 

 

قاسم حاط ايده مكان ضربتها ومبرق عنيه بذهول وبعصبيه انتي ازاي تعملي كده انتي اتجننتي 

حلم بالعكس انا عقلت وفى اي مره هتفكر تقرب مني بس  ده هيكون ردي عليك سامع

قاسم  بيكور ايده بعصبيه وهيقرب منها ويرد عليها 

حلم بتبعد عنه بخوف من شكله

مها اتدخلت والي كانت متابعه الموقف كله من الاول واتدخلت فى الوقت المناسب 

المفاتيح بتاعتك يا حلم انا كنت بدور عليهم والله علشان كده اتاخرت انا اسفه 

اخدتهم من ايدها بسرعه وهي عايزه تهرب من قدامه 

مش مشكله يالا بقا سلام يا مها وبتفتح الباب وهتركب 

قاسم قفل الباب تاني بايده ايه هو ايه الي سلام انتي رايحه فين بالشنطه دي 

حلم بزعيق انت مجنون انت دخلك ايه انت رايحه فين ولا جايه منين شيل ايدك دي خليني امشي من هنا 

قاسم بيحاول يكتم غضبه ومقدر الي هي فيه

 وجه كلامه ل مها ردي انتي يا مها ومشي اليوم ده على خير 

حلم بتبصلها بمعني مترديش عليه 

مها عارفه انها لو مقالتلوش يبقى الحوار مش هيخلص مسافره يا قاسم 

ريان بقله صبر ايه الذكاء ده منا عارف انها متنيله رايحه فين يعني ومع مين وليه 

حلم بزعيق انت مالك  هو انت ولي امري ما اروح منين ما اروح انتا  ملكش اي دخل فى حياتي فوق لنفسك انت ولا حاجه بنسبالي دلوقتي يا قاسم

قاسم كلامها بيجي على وجعه معقول هو انتهي خلاص بالنسبالها كل ما بتقول كده بيتعصب اكتر

 زعق بغضب  مهاااا قولي لوسمحتي وعدي اليوم ده على خير 

مها وحلم اترعبوا منه وعرفوا انه خلاص فعلا فى قمه غضبه

مها بسرعه رايحه شرم الشيخ  تخلص الفندق بتاع هناك وعمو مردا هو الي مطلعها وكمان قال ل بباها سيبها تمشي بقى لو سمحت 

قاسم بستغراب نعم وحلم رايحه هناك لوحدها وهتسافر لوحدها كمان

حلم بنرفزه ومرحش لوحدي ليه ان شاء الله طفله ولا عايزه مرافق 

قاسم ابتسم اه حضرتك مغلطيش فى الوصف من امتا انتي بتروحي حته من غيري ده انتي بتخافي تروحي اول الشارع لوحدك 

حلم بوجع اه بس ده كان زمان دلوقتي مبقتش اخاف من حاجة 

والي كنت بتحامي فيه خسرته

ركبت عربيتها بسرعه وهو مش واخد باله وساب الباب وهو بيكلمها 

قاسم بعصبيه حلم استني طيب انا بتكلم معاكي 

حلم وانا مش عايزه اتكلم معاك 

وشغلت العربيه واه نسيت اقولك صحيح اني مش هكون لوحدي هناك اطمن عليا مازن هيكون معايا وساقت بسرعه 

قبل ما تسمع اي رد منه 

زي ما تكون رمت عود الكبريت على البنزين وعملت حريقه قبل ما تسيب المكان 

ريان د*م*ه بقا بيغلي بعد ما سمع كده وبيكلم مها ينرفزه الكلام ده صح يا مها ردي 

مها بخوف والله العظيم يا قاسم معرف ولا جابتلي سيره صدقني 

قاسم ازاي يعني متعرفيش مش معقول هي بتقولك كل حاجه 

مها والله ما قالتلي انا دلوقتي الي سمعت زي زيك وبعدين بقولك ايه مش هتتشطر عليا انا انا مليش دعوه يا عم انت سلام انا ماشيه

 ومشيت من قدامه بسرعه 

 

 قاسم بيغلي ضرب الارض برجله بغل وركب عربيته ومشي على المكان الي فيه الفرح 

وفى الفرح 

قاسم قاعد مش طايق المكان ولا الناس وكل تفيكره معاها هي 

دارين بتسمك ايدم وتبتسم بصلها باستحقار وشد ايده منها 

كمال ومصطفي جاين عليهم 

كمال بيحضنه وبيضحك دي مش خلقت واحد ف فرحه ده وش وحده يوم طالقها يبني افرد خلقتك دي هتفضحنا 

قاسم بيبعد عنه وبغيظ والله مش رايق لخفت دم اهلك دلوقتي 

مصطفي مبروك يا حبيبي مع اني مكنش نفسي السحليه الي جنبك تكون هي العروسه 

قاسم  بقولك ايه انت تاخد الزفت التاني ده فى ايدك واتكلوا على الله بدل ما اولع فيكم وفى نفسي وفيها 

كمال بيضحك بصوت عالي  اهدي يا بابا مش كده الناس تقول علينا ايه وهما شايفين شكلك كده هيفهموك غلط يا حبيبي وهتبوظ سمعتنا معاك

 

قاسم بيضغط على سنانه بغيظ كمال اظبط كده لظبطك لم نفسك ولا وحشك ضرب زمان 

كمال بحراج احمم خلاص يعم انا كنت بحاول افكك بس 

مصطفي بيضحك تفك ايه بس يبني احنا مش بناخد منك غير المصايب والله 

كمال بغيظ ماشي يا اخويا انت وهو اتريقوا مسيركم تحتاجوني وساعتها هزلكم مش مقدرين انتوا قيمه المحامي الكبير الي معاكم 

مصطفي ربنا ما يحجونا ليك ابدا يا يارب هو انت الي زيك هنعوزهم غير لو فيه كارثه

 

كمال ليه حد قالك انك مصاحب بومه ولا ايه 

قاسم بس يا بومه انت وهو انا مش ناقصكم كفايه عليا السحليه دي على رايي مصطفي 

ضحكو هما التلاته 

كمال طب خلي بالك لا السحليه دي تكون سمعانا وتروقك بعدين 

قاسم بيضحك بتعب ليه مكتوب عليا يوم فرحي ابقى بتريق على مراتي انا ولاشكال العرر دي لا وكمان بيقولي تروقك 

قاسم وكأن اافكره جت ف دماغه مره وحده كمال انا عايزك فى حاجه ضروري 

كمال بثقه اهو بداءنا طلبات اتفضل 

قاسم ضربو على كتفه ياخي اتنيل بقى زهقتنا 

مصطفي ضحك بصوت عالي  والله همووت منك تسلم ايدك يا قاسم عملت الي كان نفسي فيه 

كمال بيتوجع اه حسبي الله فيك يشيخ انا عملتلك ايه دلوقتي وبعدين ايه ده ايد دي ولا رجل 

قاسم كمال هتزود فى الكلام هزعلك ومش هعمل حساب فرح ولا زفت وهو كده كده بايظ 

كمال خلاص يعم اخلص عايز ايه 

قاسم حلم سافرت النهارده شرم الشيخ فيه  اوتيل الشركه عندنا مسكاه وبتخلص حاجات فيه 

وبغيظ وقالت ان الزفت مازن هيكون معاها انا عايز اتاكد مازن معاها بجد ولا هي قالت اي كلام علشان تضايقني 

كمال ايوه مش فاهم انا مالي بكل القصه دي ما تتاكد انا ايه دخلي 

مصطفي بيضحك بص  على كل الي بيحصل وبيقولك محامي شاطر

 

قاسم بغل صبرني يارب والنبي صبرني مهو مش هيبقا كل ده عليا طيب هق*تل كام حد دارين ولا مازن

 وبغل وبيقرب منه ولا كمال 

 

كمال بيبعد بخوف فى ايه يعم وكمال ماله بس الله ايه الغلب ده بس ياربي 

قاسم بص يا كمال يا حبيبي ركز معايا علشان متغباش عليك انا عايزك انت تعرفلي اذا كان مازن هناك ولا لا بصفتك محامي شاطر بقا وكده ولا انتا مصدعنه وبق على الفاضي 

كمال بيعدل لياقه قميصه بثقه لا عيب عليكي كلها اسبوع ويكون عندك الخبر الاخير 

قاسم بزعيق كام يا حبيبي 

كمال يوم يوم يوم واقولك الاخبار 

قاسم كام مش سامع يا مصطفي بيقول كام

 

كمال بخوف بعد الفرح يا قاسم نمشي من هنا وهقولك علطول

مصطفي مش قادر يتنفس من كتر الضحك على منظر كمال الي بيقلب قطه مره وحده مصطفي انا رايي يا كمال انك تجيب الخبر دلوقتي بدل ما يروقك 

كمال اتفضل يا عم قاسم خليتك مصطفي الاهبل يترق علينا 

قاسم ضحك والله عندك حق 

مصطفي بغيظ فى ايه انتوا هتسلموني انا ولا ايه 

قاسم بقولكم ايه اخلصوا انتوالاتنين ويالا بقا خلينا نغور من هنا علشان انا اتخنقت بجد يعني ولو قعدت جنب الزفته دي اكتر من كده مش عارف ممكن اعمل فيها ايه

 وفعلا خلصو الفرح بدري ومشيوا

وفى البيت 

دارين بتقرب من قاسم بدلع حبيبي ممكن تساعدني علشان اغير الفستان 

قاسم رفع حاجبه بشمازاز نعم يختي وانا مالي انا ما يكشي حتي تول*عى انتي والفستان يبعيده 

دارين في ايه يا نوني مالك ده النهارده فرحنا انتا عامل كده ليه 

قاسم مسكها من شعرها بغل بص يا يبت انتي من الاخر كده انتي ملكيش عندي اكتر من الفرح والزفت الي حصل النهارده ماشي 

دارين بتتوجع اه يا متوح*ش  سيب شعري انت اتجننت انا مراتك على فكره وممكن اقول ل بابي على كل الي انت بتعمله ده

 

قاسم بيشدها اكتر ابوكي خلاص اخد الي عايزه وكفايه عليكي وعليه اووي كده الي اخدتوه لحد دلوقتي وانا خلاص مبقاش عندي حاجه اخاف عليها يعني اقت*لك ابلعك محدش حتي هينجدك مني فا تقعدي معايا بادبك ولا هطلع عليكي القديم والجديد واقسملك بالله يا دارين انا مطايق اشوف وشك قدامي وعايزاخلص منك ومش عارف ممكن اعمل فيكي ايه فا لمي نفسك معايا احسنلك

دراين بتتوجع وماسكه ايده وبتحاول تفكها من شعرها طيب سبني يا قاسم سبني وانا هدخل الاوضه ومش هتشوف وشي 

قاسم زقها ناحيه الاوضه بغل غ*وري ويفضل مشفش خلقتك دي باقي حياتي 

دارين دخلت الاوضه بسرعه ماشي يا قاسم ماشي 

قاسم  جاتك داه*يه تاخدك وتريحني منك ومن ابوكي 

اووف لما نشوف الزفت كمال ده وصل لايه علشان التاني ده عيل ملزق زيك كده مش بيمشي غير لما اظبطوا

  •تابع الفصل التالي "رواية كهرمان" اضغط على اسم الرواية