رواية حكاية حلم الفصل الرابع عشر 14 - بقلم رحاب محمد
(البارت الرابع عشر)
فات يومين بعد جواز قاسم
ومفيش اي جديد هو هيتجنن
ويتاكد مازن معاها ولا لا ومش عارف بيكلمها كتير وبيبعتلها مسيجات ومفيش اي رد
قاسم بعصبيه يشيخه ردي عليا بقى وارحميني
دارين خارجه من اوضتها وشافته متعصب بصت بخبث
وبتقرب منه بدلع مالك بس يا نوني ايه الي معصبك كده
قاسم بصلها بستحقار وهي لابسه قم*ي*ص بيتي احمر يكشف معظم اجزاء جسمها وهو فاهم قصدها من حركتها وكلامها معاه
مسك ايدها بكل الغل الي جواه لو انتي فاكره اني ممكن اقع فى الاعيبك القذره دي تاني تبقي غبيه
دارين بتبص فى عنيه بتحدي انا مش غبيه يا قاسم واكبر دليل اني نفذت الي كنت عايزاه واتجوزتك
وغصب عنك كمان مش برضاك ومش بس كده لا ده بابي اخد منكم نص صفقه بعمركم كله وكل ده وبتقول عليا غبيه مفيش غبي ومغفل فى الدنيا غيرك
قاسم اتعصب جدا ورفع ايده وباقوي ما عنده وض*ربها بالقلم
وقعت على الارض من قوه الض*ربه
مسكها من شعرها ووقفها قصاده وهي بتصرخ سيبني يا حي*وان انت كمان بتمد ايدك عليا
وهي بتحاول تبعد نفسها عنه
قاسم بعدها وض*ربها مره تانيه
وهي بتضرخ لدرجه ان صوتها
واصل عند الجيران الي حواليهم
مسك وشها بايده وبيض*غط عليها بغل بس بس صوتك ده انا مش عايز اسمعه عارفه الي هيمنعني عنك دلوقتي هو الي فى بطنك اقسملك بالله يا دارين
هو الي هينجدك مني غير كده كنت علمتك الادب من اول وجديد انا بقرف من نفسي كل ما اتصور اني هيبقى ليا ابن منك
وزقها بعيد عنه بقوه ونزل من البيت خالص ورزع الباب بغل
دارين وقعت على الارض وصرخت بوجع وفى ثانيه ملامح وشها اتغيرت للسخريه الي فى بطني مش بقولك غبي
كل صوت دارين كان واصل عند الجيران وسامعين خناقهم ومستغربين ازاي لسه عرسان جداد وبيتخانقوا كده وواضح من كلام دارين انه بيضربها
........................... ........
قاسم كلم كمال وراح يقابلوا فى كفايه
كان قاعد على كرسي وباين عليه انه متضايق
كمال جيه وبيسحب الكرسي الي قصاده وبيقعد وبسخريه ايه يبني مالك قالب وشك كده ليه فى ايه
قاسم بحده كمال انا مش عايز اي كلام بجد مش طايق حد واخلص بقالي كام يوم قايلك اعرف الزفت ده معاها ولا لا وانت ولا هنا من الاخر هتعرفلي ولا اعرف انا بنفسي ومش عايز حاجه منك
كمال عارف من بدري اجابة سؤاله بس مش راضي يقولوا
علشان عارف انه هيتعصب ومش عارف ممكن رد فعله يكون ايه
رد بارتباك حاضر ياقاسم قولتلك هعرف فى اقرب وقت واقولك مالك مستعجل ليه
قاسم بعصبيه انت لسه هتقولي هعرف انا غلطان اصلا اني اعتمدت عليك
وبيقوم انا مش عايز من حد حاجه
كمال مسكه من ايده بحده وقعده يبني اقعد فى ايه مالك اهدي مش كده الله يعني انت لما هتعرف هتعمل ايه
قاسم وانت مالك انت هعمل ايه
كمال لا ليا دعوه ياقاسم يعني انت لو عرفت انه معاها هتعمل ايه
قاسم بشك اه يبقا انت عارف انه معاها من بدري بقى ومش عايز تقول
كمال برتباك لا يعني مش بظبط كده
قاسم بيضغط على اسنانه بغل كمااااال لو عرفت انك عارف حاجه ومخبي عليا اعتبر الحوار ده اخر ما بيني وبينك
كمال من الاخر يا قاسم ايوه هو معاها هناك فعلا وواخد الاوضه الي جنبها علطول
قاسم بيسمع الكلام وملامح وشه اتغيرت وبقى كأنه بركان على وشك الانف*جار وبغل وبعصبيه زق كل الي الحاجات الي قدامهم على الطربيزه وقعها على الارض
وصرخ فيه باعلى صوته وكل الناس الي في المكان بتتفرج عليهم
كل ده ومجتش تقولي كنت مستني ايه مستني لما ترجعلي من هناك معاها عيليين منه
كمال مصدوم من رد فعله
وبحده ايه الي انت بتعمله ده انت
اتجننت رسمي
قاسم اه اتجنتت ولسه الجنان هيطلع على اصول ومشى بسرعه من غير ما يسمع اي كلمه منه
خرج بره ومسك تليفونه وبعتلها
ريكورد وهو بيزعق وفى قمه غضبخ ومش حاسب نتيجه كلامه وقسوته معاها فى وقت زي ده ممكن تكون ايه
فاكره انك كده بتعاقبني يا حلم رايحه تسافري مع كل*ب زي ده تبقي عبيطه لو فاكره اني هسكت ولا هسيبك انتي هتيجي تحت رجلي راكعه لانك متقدريش تعيشي من غيري وانتي عارفه ده اكتر مني
وبياكد على كلامه انتى بتاعتي ملكي ومفيش مخلوق يقدر ياخد حاجه مني ولا يعمل حاجه انا مش عايزها فاهمه يا حلم انتي بتاعتى
..............................عند امال
امال رجعت بدري من الشغل مخصوص علشان تقعد معاها ومتهربش منها زي كل يوم
قررت تواجه خوفها بس بطريقه تحل مش تعقد تبني مش تهد هتتعامل مع المشكله بذكاء امال لو كانت طيبه فا هي مش غبيه
امال بخبث مالك يا يارا الفتره دي حاسه فى حاجه فيكي متغيره ومش بتقعدي معايا كتير زي الاول ولا بتحكيلي على حاجه مع اني حاسه ان فيه حاجه انتي مخابياها عليا
يارا اتوترت انا لا لا ابدا ده بس علشان موضوع الشغل ده الي قولتلك عليه واخد كل تفكيري بس مش اكتر
امال اه مش ده الي جايبهولك رامي برضو صح
يارا اه هو
امال طيب والله الواد ده محترم جدا برغم انك رفضتيه بس برضوا واقف معاكي وجابلك شغل وكمان قالك انه مش هاييائس منك وعنده امل انك توافقى عليه
يارا خلاص بقى يا امال قولتلك قفلي الحوار ده ومتكلمنيش فيه تاني
امال بحزن طيب بس انا متضايقه وفى حاجه مخبياها عليكي ومن بدري مش راضيه اجبلك سيره غير لما اتاكد
يارا بقلق وخوف عليها مالك يا حبيبتي فى ايه الي مضايقك ومقولتيش ليه من بدري
امال عارفه ومتاكده من حب يارا ليها وعارفه ان كلامها معاها هيفرق كتير عيطت بقهر مش عارفه اقولك ازاي يا يارا
يارا بحنيه قوليلي يا حبيبتي فى ايه طيب وبتعيطي كده ليه
امال باسم بيخوني يا يارا
يارا كأن حد كب عليها جردل ميه بارده اتصدمت واتجمدت مكانها ومش عارفه تتكلم وبارتباك
وبلعافيه بتجمع الكلام وبتحاول تكون طبيعيه انتي انتي بتقولي ايه يا امال لا مستحيل باسم يعمل كده ده بيحبك
امال بتعيط بقهر بقولك بيخوني يا يارا وكل تصرفاته بتاكدلي ده باسم اتبدل بقا كأنه شخص تاني انا معرفوش نظره عنيه كلامه كل حاجه فيه متغيره انتي مش هتعرفي جوزي اكتر مني
يارا برضو ده مش دليل انك تقولي كده مفيش حاجه تاكدلك شكك ده
امال بحده بقولك انا متاكده ولو على الادله انا علشان مش عايزه اشوه منظره قدامك ولا عايزاه يعرف اني عرفت حاجه
يارا بتبلع ريقها بخوف طيب هو انتي عرفتي هي مين ولا لا
امال بخبث لا للاسف لسه معرفتش بس انا شاكه انها وحده اعرفها لو ده حقيقي ساعتها وجعي هيكون اضعاف
وعيطت وبصوت كله انكسار ورجاء ليها انا بحبو اوي يا يارا ومش عايزه اخسره بحبه برغم الي عرفته عنه لسه بحبه
يارا قلبها وجعها على صاحبتها والعذاب الي هوفيه بسببها وحبها ليه الي هي خلاص بتخسره قربت عليها وحضنتها بوجع وهي دموعها بتنزل بقهر وهو بيحبك اوي يا امال وخليكي متاكده من ده
امال حضنتها جامد وكانها بتاخد منها الامان ااروجوكي يا يارا ساعديني اني ارجعه زي الاول ارجوكي ساعديني انا مليش غيرك
يارا بصوت كله حزن ووجع حاضر يا امال وعد مني اني هساعدك وارجعهولك وبرجع اقولك تاكدي ان باسم محبش حد زيك
امال مسحت دموعها وبفرحه بجد يا يارا هتساعديني
ياار باستها من جبينها وعد مش هسيبك غير وكل حاجه راجعه زي الاول واسفه ليكي على كل حاجه
امال بستغراب اسفه على ايه يبنتي وأنتي مالك بكل ده
يارا بابتسامه باهته اعتبريه على اي حاجه ضايقتك مني وعن اذنك بقا انا لازم امشي دلوقتي علشان متاخرش سلام
...........................عند حلم
حلم ماسكه فونها وواقفه على شط البحر وابتسمع مزيكا
صوت وصول مسج وقف الاغنيه الي شغاله بتفتحها بملل زي العاده من يوم ما جت هنا وهو بيبعت كل شويه وهي بتشوفها ومش بترد بس من جواها فرحانه بهتمامه بيها وكلامه ليها الي كله حب وحنيه
مبسوطه انها بتسمع صوته كل شويه
بس المسج دي صدمتها بتسمع كل كلمه ودموعها بتنزل منها كل كلمه منه بتكسر حتي من قلبها
معقول ده قاسم يعني مكفهوش كل الي عمله كل الوجع الي انا فيه بسببه كمان بيعايرني بحبي
يااااه للدرجه دي شايفني حاجه مضمونه وسهله بالنسباله هرجع راكعه شايفني لعبه فى ايده وملك ليه هو وبس
حلم بتسمع وكل كلمه بتقوي قلبها عليه بتكرها فى نفسها على غبائها وانها عرفته هي بتحبه اد ايه
وبتفكر بصوت عالى بس ليه
تعمل معايا كده اذيتك فى ايه انا علشان توجع قلبي بالطريقه دي
مش مكفيك انك بعتني ورحت اتجوزت غيري ومن غير اي سبب
كل ده مش مكفيك علشان توجعني بالطريقه دي عايز تم*وت*ني علشان ترتاح طيب ليه ده كله ليه وانت عمرك ما شفت مني حاجه وحشه طول عمري
بنفذلك الي يريحك ويرضيك بس ومن غير مقابل
وخلص الريكورد بتاعه
واشتغلت الاغنيه تأنى كانت
(انا لو اذيته ل محمد حماقي )
وكأن كل حرف بيوصفها معاها وبيزيد من وجعها عياطها
أنا لو أذيته كان عملي زيادة عن كده إيه
بالعكس عمري ما خذت منه نص اللي أنا بديه
كان عايز يموتني يعني يرتاح وأنا مجروح
ده ما شافش غير حنية مني مشافش غير الخير
وأنا لو قاتله حد أسهل من كده بكثير
خايف لا يعرف قيمة اللي في إيده لما يروح
الحمد لله ان ربنا ظهرك ليا على حقيقتك مش يمكن لو كنت كملت معاك كنت بقيت طول عمري ندمانه على اني بقيت مع واحد زيك
عموما يلا مش فارقة ومش خسران
عشان أعرف ده دلوقتي أنا الكسبان
ده من بدري يريحني وأنا بنسى
ومش يمكن لو أنا كملت أعيش ندمان
بيتردد فى ودانها صوته وكلامه ووعده ليها انها هتبقى مراته وحبيبته وفى الاخر يعمل كده
ليه انا غلطت معاه فى حاجه طيب عملت حاجه ضايقته هى الي خلته يتغير معايا بالشكل ده
كأنه حد تاني غير قاسم الي انا اعرفه هو الي بيكلمنى ده حد مش عاملي اي خاطر ولا حتي حساب لعشرتنا سوا بيضيع كل ده فى لحظه منه
كملت بتحدي واصرار جواها بس وحيات وجعي وكسرتى منك لاهبداء حياتي من جديد ومش هتقف عليك
لو غلطة منى مين يقولي انا طب غلطت فى ايه
طبيعى لما تحب حد تكون مآمن ليه
قصر الكلام هيفيد بايه خلاص كلامي عليه
زمانه رتب كل حاجة وعاش حياته خلاص
مش فارقة عنده اي عشرة بينا ولا احساس
وانا مش هوقف يوم حياتي الدنيا مليانه ناس
حست حد واقف جنبها بتبص لقته مازن بتمسح دموعها بسرعه علشان مياخدش باله وبتوقف المزيكا
مازن بابتسامه حزينه متمسحيش حاجه يا حلم انا عارف انك كنتي بتعيطي
حلم بتبص فى الارض باحراج
مازن عارفه مشكلتك انك لسه بتحبيه ياحلم هو خلاص بقى مش ليكي ولا حتي عايزك عارفه هو لو بيحبك زي ماانتي بتحبيه كده كان مستحيل يروح ويتجوز وحده غيرك
حلم كلامه بيخنقها ردت بحده مازن لو سمحت متتكلمش فى الموضوع ده تاني
مازن لا هتكلم علشان انا عايز مصلحتك عايزك تشوفي حياتك انتي كمان مش هتفضلي تبكي على الاطلال علشان البيه راح وبيأسس حياته مع وحده تانيه
حلم بعصبيه مازن لو سمحت
مازن بياخد نفس عميق علشان يهداء انا اسف انى بتدخل فى حاجه تخصك بس ده علشان يهمني امرك ومش قادر اشوفك بتتعذبي وبتاذي نفسك كده واقف ساكت بس انا خلاص مش هكلمك فى حاجه تانى وبراحتك فى الباقي
وبيتحرك وهيمشي
حلم ندهت عليه بحنيه مازن انا اسفه مكنش قصدي متزعلش مني
مازن رجع وابتسملها بحب انا عمري اصلا ما ازعل منك مها عملتي انا زعلان عليكي مش اكتر يا حلم
حلم ابتسمت انا عارفه انا والله مش عارفه اشكرك ازاي على وقفتك جنبي فى اصعب وقت فى حياتي انت مش سايبني لوحدي ابدا طول الفتره دي وانت معايا وكنت اقرب حد ليا وبتخفف عني بجد مش عارفه اشكرك ازاي
مازن بيفكر ياخد قرار سريع ويستغل الوقت الي هي فيه وبعد قاسم عنها واحتياجها ليه
وبتلقائيه حلم تتجوزيني
حلم اتفاجاءت من كلامه الي جيه مش فى وقته وقفت ساكته والف فكره ورد جت فى دماغها
وهي كل إلى بيتردد فى ودانها كلام قاسم فى المسج بتاعته
انك مش هتقدري تعيشي من غيري واقتناعه انها بتاعته وتحديه ليها وكل الي كانت بتفكر فيه
عناده وانها توريله انه مش فارق معاها ومش هيقدر يمنعها من انها تتجوز اي حد غيره
لو اخدت قرار هيكون قررار وقت غضب ومفيش
غير الحقد والغل والتحدي هما الي مالينها
مازن حس انه اتسرع وبعدها عنه بغباء بعد ما كانت خلاص بتقرب : حلم انا اسف لو ضايقتك ممكن تعتبريني مقولتش حاجه
حلم انا موافقه 😲
حكاية_حلم
يترا حلم هتتجوز مازن بجد ولا دي لعبه منها علشان تغيظ قاسم وبس🤔
يترايارا هتعمل ايه بعد كل ده هتختار صاحبتها ولا حبها🤔
تقريبا كده مفيش حد غب*ى فيهم كلهم غير قاسم انتوا ايه رايكم 😂🤔
يارب البارت يعجبكم 😔😔
مستنيه رايكم وتفاعلكم مهم جدا جدا علشان اكمل ☺️😔
•تابع الفصل التالي "رواية حكاية حلم" اضغط على اسم الرواية