رواية أ أستحق هذا العذاب الفصل الرابع عشر 14 - بقلم ميفو السلطان
وقف جبل ينظر اليها فوجدها تتجه الي الخارج وتتكلم بصوت خفيض كان قلبه يغلي مع من تتكلم هكذا …
عند قمر ..كان الحاج عرفان صاحب البيت يتصل بها ،،هتف ازيك يا جمر اني الحاج عرفان .
هتفت …..،كيفك يا حاج لعلك بخير .
هتف …..بخير طول مانت بخير .،كت عايز اعدي عليكي اتكلم كلمتين .
تنهدت ،،مالوش لزوم يا حاج اني يعني هتصرف في الايجار و….
هتف …ايجار ايه بس …طب اسمعيني طيب بالله عليكي عايزك في حاجه تانيه .
تنهدت .،طيب اني جدامي ساعه وهخلص واجي البيت.
هتف ……،لاه اني بره وهاجي اخدك انت فين.
هتفت ……،مالوش لزوم.
هتف ……،لاه بجولك اني بره ليه تاجي مواصلات .
هنا اقترب الجبل ..سمعها ..هتاجي تاخدني بالعربيه طيب هنروح فين …هنجعد مع بعض نتحاكي حاضر انت تؤمر ..ابتسمت اني اطول اجعد معاك …طب ايه طيب مانت كت عندي جبل اكده
…ضحكت حاجه خاصه عيوني دانت غالي عندي جوي …اعطته العنوان .
استدارت لتجد جبل يقف امامها يغلي وينظر اليها بغل ..هتف راحه فين ومين ده اللي هتجابليه ويعدي عليكي .
نظرت اليه هتفت .،حاجه خاصه يا جبل بيه واستدارت مسك قلبه شعر بنار في جوفه ..حصلت تجابلي كمان وتسمعيني انجهر منك لله يا شيخه .
اندفع وشدها بعيدا تلفتت حولها ..فيه ايه بعد يدك ..هتف بحرقه ..انطجي مين ده وحاجه خاصه ايه دي .
نظرت اليه بغضب ..مالك انت تسال ليه ليك ايه انت هجابل واحد عشره اني حره .
عصر يدها ..عارفه اني ممكن اجتلك دلوك ولا يرفليش جفن ايه حتي في الشغل مش عاتجه ايه جله الحيا دي صحيح حاجه تجرف .
اشتعلت هيا ونظرت اليه ..بالضااابط حاجه تجرف ابعد عنها بقه كفايه حزن .فاعتصر يدها ..مش هبعد مش هبعد انت ماتجوليش ابعد وماتبعدش انت بتشتغلي عندي بفلوسي اللي بتوكلك انت واهلك . الفلوس اللي انت عبدتها .
ضحكت ..فلوسك ..ياخي ربنا يشفيك بقه وتعرف ان الفلوس مابتوكلش جلوب ..عارف بتمني امشي واسيب شغلك ولجمتك اللي هيا سم في جوفي بس ربنا رايد اهه اجعد واسمع واشوف جضا ربنا وحكمته في عباده ..فلوس ايه اللي بتتكلم عليها ..وبعدين مالك بتتكبر اكده ليكونش بتديني فلوس لله .،لا يا بيه اني بشتغل وبكدي باخد منك وبتاخد جدامه شغل وعوض لفلوسك ماتتمطعش اكده يابو فلوس ..وعموما اني من اهنه هدور علي حته واطفش من وشك واستدار وذهبت وهو يقف قلبه سيخرج من مكانه .والغل ينهش قلبه ..هتمشي البت هتمشي وتسيبني هتمشي .،أعمل ايه ايوه اموتها هيا تموت بقه واخلص اني تعبت يا رب ايه العيشه الحزن دي ..
..كان قد انتهي الاجتماع وقف امير وجبل .،ايه هترجع الشركه .
هتف باستعلاء …..،لاه اني هجابل نادين بت خالي نتغدي سوا .
ضحك امير .،ماشي يا عم الله يسهلو بس قولي يابني هتتجوزو امتي ماتخلص .
احنت قمر راسها والوجع ينهش قلبها … فهتف جبل …جريب يا امير جريب جوي بس الجصر فيه حبه حاجات اكده هيا لازمن تاجي وتشوف دا هيبقي بيتها مش اي حد هانم عن حج مش جربوعه يعني .
كانت تضغط علي يدها …احست بانفاسها ستقتلع احشائها بخروجها …هيجوزها في الجصر اللي حلمتي هتنسعدي فيه هيا دي اللي هتمسك يده وتعيش حلمي ..ايه يا رب ده ….. .،كان الالم فوق الاحتمال .
هتف امير …..،نادين بتحبك من زمان ربنا يسعدكو انا اول المعذومين والشركه كلها .
هتف .،….طبعا بس شركه ايه الفرح هيبقي مليان كبرات مش هدخل انا حد جليل ونظر لقمر بشماته .
هتف .،يلا اتوخرنا ونظر اليها امير .،هوصلك هاجي معاكي يا قمر .
هتفت هيا ببرود ….لا معلش اصل فيه حد جاي ياخدني عن اذنكو ..
اشتعل جبل ونظر اليها وهيا تمشي شعر بنار في جوفه .،…مين ده يا جمر اللي نفسك تجعدي معاه مين .
ضحك امير… تلاقي عندها طالعه يا واد تعالي نشوف مين صاحب الليله .
احس جبل بان كلام امير يكويه نزل مسرعا فوجدها تركب عربه كبيره وكان الرجل عجوزا اخذها ورحل .
اطلق امير صفيرا ،،يا صلاه النبي .،البت راكبه مع راجل كبير تلاقيه مريش شفت عربيته اكيد هتكبش كبشه حلوه يلا عقبالنا بليله زي دي .
صرخ جبل غاضبا .،ماتحترم حالك هو ايه الحزن ده .
هتف امير…. انت اهبل مانت اللي قايل عليها شمال ربنا يشفيك انا هركب اي حاجه وارجع الشركه اخد عربيتي .
ظل جبل يغلي ..مين ده اللي ركبت معاه مين وواخدها فين هو عيني عينك اكده ..مسك قلبه ..حاسس ان جلبي بيغلي طب اني مالي شالله تنحرج بت معيوبه ..ظل واقفا يغلي ويعصر يده ….لاه ماجادرش حاسس بجلبي بينعصر منك لله يا بت حمدان همشي مجذوب طول عمري بفكر فيكي …لم يتحمل اندفع جبل وانزل السائق واندفع وراء عربه قمر .
ركبت قمر ووقف الحاج عرفان عند احد النوادي وهتف انزلي كت عايز اتكلم معاكي .،نزلت هيا ودخلا وجلست معه .،اسمعي يا جمر .
هتفت ..عارفه يا حاج ان الايجار اتاخر وان حالتنا صعبه بس ….
قاطعها… …..طب اسمعيني وبدا يتكلم وهيا تسمعه …..
نزل جبل ووقف بعيدا وجدهم منهمكين في الكلام شعر بنار عندما وضع عرفان يده علي يدها .،،اروح اموتها دلوك اني هموتها اني هموت …لاه ماجادرش تسحب وحاول ان يختفي عن الانظار وجلس بالقرب منهم يشعر بالجنون يريد ان يعرف ما بينهم …جلس وراءها… احس انه يريد ان يقتلهم معا ..هيا حصلت بقت علني اكده جدام الخلج بتجابل وتلاغي كبير وصغير واني اجف اتفرج محصور يا مري ..ظل يسمعهم الي ان سمع ما جعله ينتفض وشعر ان هناك جلطه ستنزل عليه تميته حيا..
هتف عرفان .،اسمعي اني عارف اني راجل كبير ووحداني ومش جايبك اهنه عشان الايجار اني جايبك عشان اطلب منك طلب
ابتسمت له… خير يا حاج .
هتف .،اني رايد اتجوزك .
هنا انتفض جبل وشعر ان قلبه سيخرج من مكانه ظلت هيا تنظر اليه وقلبها يدق .
فهتفت .،انت يا حاج عرفان عايز تتجوزني اني جمر .
ابتسم ……ايوه والله عايز ..
هنا اشتعل جبل وقام وانتظر بالخارج هرب من جوارهم لانه لو بقي سقوم ويقتلها ويخلع قلبها من مكانه . احس انه لو بقي سييفتعل فضيحه…جلس في عربته ..هتتجوز…. الهانم هتتجوز. اكيد ماشكله معاه فلوس ،،وراحه جايه جدامه اكيد شاغلته والراجل عجوز واهبل وجع علي طول ….طب ايه جلبي بيحرجني هموت اكده هيديها فلوس ويتجوزها …يا حزنك يابن الجبالي البت هتتجوز .،باكل حالي ليه اني هيا وماله ماتتهبب ،،احس بحرق داخله ،،انت جواتك نار ليه انت فين وهيا فين…حته جربوعه تغور بجله ادبها بتبص علي ايه انت ومحروج ليه ..ماتغور …مسك قلبه بحرقه ..بس لاه لاه جلبي حاسس بنار جواتي… الراجل الشايب عايزها… هتعمل بيها ايه يا حزين انت فيك نفس يا مري ،،نزل من العربه وظل يدور ،،لاه لاه اني هنجلط لاه ماهسيبهاش تتهني اني ماهخليهاش تتجوزو اه هو هيتجوزها اكيد مايعرفش سمعتها الطين ايوه اني هروح واخليه يسيبها مايتجوزهاش ماينفعش تتجوز جلبي بينعصر ،هيعمل بيها ايه ..تتجوز تتجوز وتبقي بتاعه واحد وتفرح وتتهمني وانت جاعد جلبك بيغلي …لاه ماهتفرحش واني بموت ماهتفرحيش واصل ..،اهدي اكده هتنهبل والا ايه طب يا جمر اني هعرفك هتتجوزي وتسيبيني مجهور اكده .
عند عرفان نظرت اليه قمر .،ابتسمت له فهو رجل طيب. هتفت ،،اسمعني يا خاج انت راجل طيب وانا بحبك.
هتف …..،زي ابوكي صوح .
همست… .من ساعه ماجيت واني معتبراك ابوي والله واكتر بس مش عشان اكده اني مابتجوزش يا حاج .
هتف ….جصدك عشان الكلام الواغش اللي بيتجال ،
ابتسمت …..،اني ما رضاش ليك اكده يا حاج انت راجل بتاع ربنا .
هتف ،،،وعشان بتاع ربنا اني ما مصدج يا جمر وبجولهالك اني ربنا عطيني حاجه اكده بصيره تخليني اعرف الزين من الشين….اني والله ماليا في النسوان ولا حاجه اني مرتي عندي كت بالدنيا ،،بس اجولك اني حلمت بيكي مجهوره امبارح حلمت بيكي جلبك بينعصر جالي واحد في المنام شاب اكده ماعرفوش والله بيجولي روح لجمر خليك معاها انت راجل طيب …….نظرت اليه مذهوله …تنهد… ايوه اني حلمت بيكي واجفه لوحدك بتستنجدي بحد لجيت صوت بيجولي خليك جنبها يا عرفان ماتسيبهاش ..جمر عايزه حنيه ماعتش معاها صدر حنين وماهتعرفش تكمل اكده روح وجولها حبيبك باعتلك حبيب ..
نظرت اليه ودمعت عيونها .،بتجول ايه يا حج .
هتف ..والله ده اللي حوصل ..جالي جولها دعوه السما هتتحجج يا جمر دعوه حبيبك هتتحجج يا غاليه ..كان زعلان وجالي اصحك تبعد عنها اني بعدت بقضا ربنا لازمن يكون جارها حد . بيجولك ربك خد دعوته وهيبعتهالك خير بالكوم بس ارضي يا جلبي ..
كانت قمر دموعها تسيل فاخيها احس بها اخيها اتي يبعث لها الخير ويصبرها عالعذاب احس بوجعها وفقدان حلمها عاشت يوما قتلت فيه الف مره لياتي من يحن عليها ويبعث من يقف بجوارها .
هتفت ..اخوي مسعد ..حبيبي جالك ده اخوي يا حج ده نن عيوني وجلبي اللي انعصر وراح ..
ابتسم ..ماعرفهوش بس كان في الاخر مبتسم وجالي روح ماتسببهاش ….صحيت من نومي لجيت نفسي عايز اتجوزك ماهواش راجل لمره بس اني جواتي بيجولي لازمن اتجوزك .
ابتسمت له بحنان ودمعت عيونها…الف رحمه عليك يا غالي حتي وانت ميت بتبعتلي الخير …دعوتك هتتحجج صوح ..تنهدت ….،اجول ايه يا حاج ان الغريب حس بيا واللي كان جوات جلبي ماحساش .، انت كلامك ده بيسعدني يا حج بس برضك اني مابتجوزش مش عشان الكلام الواغش ده عشان اني خلاص جواتي انحرج وماعتش ينفع ،،اني هجولك حكايتي يا حاج وانت تحكم وشرعت تقص عليه قصتها ليتفاجأ بكم العذاب الذي راته .،اكملت بوجع … .،شفت يا حاج ادي حكايتي .،انفع كيف… مره مابتخلفش ومشوهه واللي يجرب منها ينجرف وفوج كل ده اتعابت في شرفها ،،هتعمل بيا ايه يا حج ده ذنب واني بخلصه .
ابتسم الرجل ومد يده ملس علي يدها بحنان ….،مين جالك يا جمر انه ذنب يا بتي ليه تاخديها اكده ..ما جايز ابتلا وتمحيص .،ربك بيحبك يا بتي ..بصي يا جمر الدنيا دي بتبقي في عين اللي يدور عليها كنها روحه …انت كت بت دنيا ايوه غندوره مابتفكريش الا في الدنيا..عايزه وعايزه وبتبصي … عايز اسالك دلوك بتفكري فيها .
هتفت مسرعه … ،،ولا بتاجي في عيني .
هتف ،،شفتي .،الصعره عالدنيا مجلب الشيطان..اه جرحتيه ورمتيه وجهرتي جلبه .،بس رجعتي تدوري وندمتي وربك بيجبل التوبه من الكافر دا كفايه في عز وجعك بتدعيله يا بتي.عارفه وهو راجع يجهرك هو ما تساش خبك .
هتفت ،،حب ايه يا حج الله يسترك دا الغل في جلبه بيشع من عينه ذنبه بيجطع جواي انه بقه اكده . ..
هتف . ماتفكريش ان كل اللي انت فيه ده ذنب ،،لاه يا بتي انت من الصابرين الحامدين. كفايه في عز جهرك بتجولي راضيه يا رب ،،انت اتكتبتي من الصابرين وجزاه الصابرين عالي ومع كل ده اني برضك رايد اتجوزك اني ربنا بعتلي ايه واني بنفذ اللي ربنا بعتهولي .
تنهدت ،،وإني صعب يا حج هتعمل بيا ايه واني ميته .
هتف …..ماخابرش يس لازمن …. ربنا مابعتلي حاجه من غير سبب فكري يا بتي فكري واني ااهه معاكي حتي لو مش هنتجوز اني جارك .
ابتسمت له بحنان وقامت وتركته وانصرفت .
ظل الرجل جالسا يفكر في حالتها .،حد يستحمل كل ده كتير. الله يريح الجلوب كان جالسا واذا بالكرسي الذي امامه ينشد ويجلس عليه جبل… انصدم الرجل ونظر اليه وهتف …خير يا ولدي فيه حاجه .
هتف جبل بجمود … ..خير يا حاج جاي بس ارسيك واوعيك ،
قطب الرجل جبينه….خير فيه حاجه .
هتف …..جمر .
هتف الرجل ….مالها تعرفها .
هتف ،،ايوه اعرفها والكل يعرفها .
قطب الرجل جبينه فاكمل جبل…..انت عايز تتحوزها صوح ..اندهش الرجل فاكمل جبل اني سمعتكو انت عايز تتجوزها صوح .
رفع الرجل حاجبيه ..وانت سمعت كيف مش عيب يا ولدي تسمع حديت غيرك .
فانفعل جبل ،،،احنا في ايه والا في ايه جول رايد تتجوزها مش اكده .
ابتسم الرجل …..ايوه عيب والا ايه .
صرخ جبل ،،دي عيله صغيره كد بتك .
هتف الرجل .،ايه يعيب هراعيها واصرف عليها فيه عيب.
هتف جبل بغل…،،اه جول اكده بتشاغلها بالفلوس وهيا طبعا ماهتصدج دا حاجه تجرف .
هتف الرجل ،،،مالك انت يا ولدي يجرف ولا مايجرف .
هتف جبل .،طب اسمع بقه باينك راجل طيب وبركه والبت اتغندرت جدامك و وجعتك ،،جمر ماهياش زي مانت عارف .
هتف الرجل….كيف يعني .
هتف .،جمر ماهياش كويسه ..ويعني يعني …ماتنفعلكش واصل .
يا حج اوعي لحالك هتاخد حرمه صغيره بتاعه فلوس هتامن علي بيتك معاها اصحك البت دي واغش بتاعه فلوس .
ركن الرجل وابتسمبسخريه وهتف .،انت حبل صوح .
اندهش جبل ونظر اليه مدهوشا وقلبه رجف ابتسم الرجل ،،،انت جاي تجولي اكده عشان تبوظ الجوازه ،
فصرخ جبل…..ودي حاجه هينه هتاخد بت عشان تتمرغ في فلوسك وبس ايه الجرف ده .وبعدين هيا هيا ..ماتنفعش والله يا حج خاف علي بيتك ماهياش زينه …اصلها اصلها ..فصمت ولم يستطيع ان يكمل .
هتف الرجل .ماتكمل مش جادر تكمل ليه …جصدك انها معيوبه وشينه وبتاعه رجاله وسمعتها في التراب ….بهت جبل وشعر بالذعر ورجف قلبه .عارف مش جادر ليه لانك متوكد انها مش اكده ..عارف يا ولدي عرش السما انهز من جولتك دي .،ليه يا ولدي مش زينه وبتلمح …كت شفتها جول شفتها… بتعيب في اي شفت منها حاجه ليه تكرر الكلام انت عارف كلامك ده وزره ايه قذف محصنات يا ولدي.. عندك دليل عندك شهود جول دا ربك جال هاتو اربع شهود عالعيبه كت جبت يا ولدي .،الحرام اللي انت ارتكبته هتتحاسب عليه حساب الملكين..تعيب بغير وجه حج جاي تجولي بتاعه فلوس جمر عمرها ماكت بتاعه فلوس.
هتف بقهر … انت مصدج انها..
هتف مقاطعا…. ايوه مصدجها ما اصدجهاش ليه بت في حالها ليها سنين ماشفت عليها عيبه …حتي لو فيه ..الستر للبنته خير يا ولدي انت جاي تحدفلي واغش البلد عشان اصدجه واجع اني كمان في العيبه .،مش عرفان اللي يخون عهد ربه. اني عاهدت اني اصدج الخير ماصدجش الشر… والشر اكفي وشي عنه .،انت ماسمعتش عن الستر يا ولدي…حتي لو معيوبه استر عشان ربك يسترك يوم الحساب هتجف جدامها يوم الحساب يا ولدي وهتجف مجهور انها طالبه حجها منك… حج عيبتها بغير وجه حج ….حج سمعه اندعست في الارض… حج كل دمعه نزلت في ليل اسود كحيل وهيا لوحدها مالهاش الا رب العباد… الحجوج ساعتها هتتاخد وهيعض العاصي علي يديه ويجول يا ريتني ،،بس ساعتها الاجل راح والحج فوج الرجاب سيف ،،ارتدع يا ولدي ارتدع وخاف علي حالك ..جواز هتجوز مالكش صالح بيها هكون راجلها كيف مابتريد اني مبعوث ربنا انجدها من اللي هيا فيه ويا ريت تبعد عنيها الا تلاجيني جدامك اني ماهسيبهاش وكفايه اكده منك ومن دنيتك واعرف ان عرفان مش جليل العجوز مش جليل ان كت انت جوي اني برضك جوي ..معاك فلوس اني برضك معاي بس اللي يفرج فوج كل ده ان معايا ربنا واللي معاه ربنا مايخافش .،ارتدع وبعد عنيها خلصت اكده وقام الرجل وجبل يجلس مشلولا ،،
كان ياخذ انفاسه بصعوبه …احس بغليان لم يعلم ماذا يفعل احس ان قلبه سقف وجسده يغلي ليهب ويركب العربه واندفع يصرخ بقوه حتي تمزقت احباله قاد العربه كالمجنون كان يحس بشرايينه تسير فيها نيران كالهشيم …
عاد لبيته وصعد يندفع للحمام ويفتح الماء عليه ووقف تحته بكامل ملابسه…ظل يقف ويخبط عالحائط حتي احس ان يده ستتهشم ..ركن علي الحائط ينهج بشده …..الراجل هياخد البت ..الشايب هيتجوز البت …ايه ده الراجل مصدج وبيجولي ارتدع و ابعد وهياخدها وهيجف جدامي يا جلبي اللي بيتمزع …للدرجادي كلت دماغه …جلبي هينشج الراجل بيديني درس اني ابعد عنيها…ابعد ازاي…داني بغلي وماعارفش ابطل افكر فيها ..ابعد ازاي ونايم صاحي كنها سم انغرس في جتتي مخبول هتجنن ..الراجل بيجولي هيجفلها ويجفلي وياخدها ويبعد يتجوز ويتهنن بيها ..احس بعصره في قلبه …هياخد جمر ويتجوزها ..دي اخرتها ..تتجوز واني اجعد اتفرج .. هياخد البت بتاعتي ..احس بقلبه سينفجر .سهم قليلا والكلمه تتردد في عقله البت بتاعتي بتاعتي ..انتفض كالملسوع ….بتاعتك.. بتاعتك كيف انت انخبلت يا جبل مش دي اللي رمتك عشان الفلوس… تجول بتاعتك انت اتخبلت… ايوه اتخبلت .،كان قلبه يعتصر ..لاه ماهتحملش ماهو راجل اهبل اكيد كبير والبت حلوه وفايره وجمر ..هتف بحرقه …ايوه هيا جمر تدوخ ،،يا رب ايه ده اني حاسس بجلطه اروح اموتها هو معمولي عمل…سنين بت الكلاب مابسلاهاش ولا بجدر احوشها من بالي واللي يجهر غلي عمال يروح ..بيروح ليه ده وبدا في ضرب قلبه بعنف ..كان فيه غل اهنه راح فين …كت جاي نفسي اموتها دلوك هتجنن عليها…طب ايه هفضل مرار اكده واخرتها هتجنن والراجل ياخدها العجوز ده هيعمل بيها ايه منك لله وجاي يجولي مصدج ومهبب ..فكر فكر هتعمل ايه ….لاه ماهسيبهاش تفرح وتاخد وتكبش لاه مش اجعد انجهر وهيا تعيش وتصرف . ظل يدور طوال الليل حتي تهالك يشعر بتعب شديد في جسده وهو عازم علي ان ينهي تلك الزيجه باي شكل. (والنبي صعبان عليا هيقلب حسحس 😁)
دخلت قمر البيت تفكر فيما قاله عرفان جلست وهيا ساهمه .ابتسمت ..مسعد حبيبي حاسس بيا يا جلب اختك .باعتلي نجده يا غالي ..الله يرحمك يا جلب اختك ..ابتسمت ..هو ابتلا …صوح يا جمر ممكن يكون ابتلا مش عقاب ربنا …انت كتي صغيره هيعاجبك السنين دي… انت كتي غندوره ومغروره ومابتبصيش الا للدنيا..ايوه كتي مغروره جوي بخلك وحالك مفكره نفسك فوج الكل …اه هو اكده .. ربك بيحبك كيف ما الحاج جال اه عشان ترجعي وتعرفي ان الدنيا فانيه لا بدهب ولا بمال كتي تجدري تحيبي مال الدنيا ودلوك لو حابه يجيلك مال هيجيلك.. بس ماعتش في عينك .،تنهدت ،،حجه صوح والنبي يا حاج وعجابي خلص وارتاح اخوي جاي ينجدني ويبعتلي دعوته .. ..
تنهدت… ارتاح كيف وهو في حياتي اعمل ايه نفسي اطفش هموت جربه بياكل جتتي وصاحبه بيجوله هيتجوز يا مري هيتجوز في البيت اللي حلمت بيه اني حاسه اني هنهبل ،،لساتك عشجاه يا جمر لساتك .
هتفت …..ايوه عشجاه …،بس عشجا جبل الجديم ماهواش ده ده ماينعشجش اني بخاف منه …جبل الجديم كان حنين وعيونه رايجه .تنهدت وقامت تجلس مع ابن اخيها تلتمس راحه منه . ابوك جالي يا باسم جه يبرد جلبي يا جلب خالتك حاسه براحه اول مره عايزه انام مرتاحه ..ابتسمت ..يا رب نعمك كتير اه مامعترضاش اهه بجول الحمد لله عالابتلا .. ولاول مره تنام متلمسه بعض الراحه
في الصباح ذهبت لعملها فاذا بجميله تعطيها بعض الملفات ..خدي يا جمر الملفات دي امضيها من جبل بيه .
هتفت قمر .،منين هو ماجاش .
هتفت السيده ،،السواج هياخدك تمضيهم اصله تعبان جوي .
رجف قلبها فسالتها بلهفه ..ماله فيه ايه .
هتفت السيده ..ماخبراش بس السواج بيجول تعبان جوي حتي رافض يجيب حكيم .
تنهدت ونزلت من سكات وذهبت الي البيت دخلت القصر رجف قلبها وقفت في البهو تتامله وتكلبش في الاوراق لعلها تخفي نبض قلبها الصارخ من مكانه تنهدت ..يا رب صبرك عليا نزله يا رب جدرني .
اتت الخادمه ..جبل بيه مستنيكي فوج هو جال لما تاجي تطلعيله فوج .
تنهدت .،اطلع فين بس ايه الحزن ده ،،،قامت وصعدت ودقت عالباب ولم ياتي برد تنهدت ودقت دقات اخري ،،شعرت بالقلق فدخلت وجدته نائما علي الفراش ،اقتربت وهمست .،جبل بيه جبل بيه ..لم يرد كان وجهه احمر اقتربت منه ومست وجهه احست بلسع فهوي قلبها رمت الورق واندفعت تلمسه… يا مري دا والع فيه ايه قامت عالفور واستدعت السائق ليحضر طبيبا وعادت اليه.. ظلت تملس علي وجهه فتح عيونه وهمس .،جمري .،
رجف قلبها ودمعت عيونها ،،يا رب يا رب كتير عليا اكده …كان يهمهم ويتاوه …اتي الطبيب واعطاه الدواء والابر وطلب ان يجلس بجواره احد يداويه .،جلست هيا بجواره تضع الفوطه علي رأسه وتحاول ان تخفض حرارته كانت تملس علي وجهه بحنان وتتامله بعشق فوجه حبيبها امامها ذلك الوجه الذي لم ولن تنساه..
كان ينام وهيا ساهمه في وجهه ركنت بجواره تتامله وتبتسم فهمست .،اتوحشتك جوي اجول ايه جبل اللي عشجته نايم جدامي مش التاني اللي راجع يجهرني .،رحت فين انت رحت خلاص اكده ماعتش جواك حاجه من جبل الجديم ،،تنهدت ،،،وعايزه جواه يبقي ليه يا جمر مالك بيه يعيش حياته كيف مابيريد ملست علي وجهه .عايزاه يعمل بيكي ايه يا غلبانه …كفايه روح عيش حياتك وافرح …احست بوجع بس بيكرهني جوي والغل جواه طافح للدرجادي راح ماعرفاش ابص في عيونه الجديده الكره ما متحملاه يا رب ..
كان هو قد بدا يستفيق فسمعها تقول ..اللي جرالي كتير والله كتير خدت حجك يابن الناس تالت ومتلت وجمر شبعت وجع ،،،ربنا ردلك حجك بابشع طرق لو تعرف هتفرح والله هتفرح وتشمت بحالي اللي يصعب عالكافر .،وضعت يدها في شعره .،ظلت تملس عليه بحنان كان يتحمل باقصي درجه لمساتها وقربها .
هيا بتجول ايه ،،حج ايه اللي خدته وجرالك ايه يا جمر جرا ايه جولي ماجراش حاجه بيكي ايه مخبياه وحارجك جوي اكده كانت مقتربه منه ففتح عيونه ظلت ساهمه وهو ايضا سهم في عيونها لفتره .لم يتكلم وهيا انشلت مكانها فعيونه ليست كارهه زادت نبضات قلبها كانت قريبه وعيونها ساهمه في عيونه ….الا انها انتفضت وابتعدت .
نظر اليها غاضبا وعاد لنفسه ….بتعملي ايه اهنه .
هتفت مرتبكه ،،،هاه كت..كت جايبه الملفات تمضيهم .
هتف .،وماسيبتهمش ومشيتي ليه الساعه كام دلوك .
هتفت ..احنا المغرب انت كت سخن وماعرفاش اسييبك جبت داكتور واداك دوا جعدت اعملك كمدات واراعيك .
صرخ فيها ،،،وتراعيني ليه مالك بيا ايه الحزن ده حد كان جالك اني مستني منك مراعيه .
هتفت بقهر ،،،كت تعبان و..
صرخ ،،،تعبان والا اولع مالك بيا انت انا اموت والا انك تجربي مني وتداويي كان منفعلا فبدا في السعال
هتفت بوجع ..طب بالراحه انت تعبان والدكتور جال ..
هتف بغضب… .،مالكيش صالح بتعبي فاهمه ولما تلاجيني بموت ماتمديش يدك تاني .
صرخ ..هاتي الزفت امضيه وغوري .
هتفت ..لاه ماهجيبش انت تعبان بطل الدكتور جال .
صرخ ومد يده فوقعت عليه …يعني اموتك وارتاح هاه جايه تجعدي جاري ليه مالك بيه متعوده علي جعده الرجاله مالك بيا اني مش منهم ولا هكون .
تلوت بين يديه .،اوعي انت انخبلت بجولك كت متهبب وسخن اسيبك .
كانت تركن عليه وهو يمسك يدها ويعتصرها …..ايوه سيبيني اني اموت ولا تنجديني يا بت حمدان .
كانت مغمضه زقربه اكل قلبها فتحت عيونها بالم وعيونها تشع حنانا لاول مره تتمني ان يظهر حبيبها همست بحنان ..جبل .
كان هو في تلك اللحظه لفظها لاسمه بتلك الطريقه جعل قلبه ينبض بقوه وبدات يده ترتخي وهيا قريبه منه احس انه سموت من ذلك القرب اراد ان يحتضنها ويعتصرها بين يديه مد يده الي خدها لا اراديا يداعب خدها بحنان وعيونه انغرزت في مقلتيها ودقات قلبه بدات تتصاعد كانت انامله تسير علي وجهها بحنان خلع قلبها الي ان لمس شفتيها فانتفضت مرتبكه تبتعد …
تنهدت وهتفت ..اني اني هجوم ..اجبلك وكل عشان تاخد الدوا ..
شعر بالجنون وانتفض ونهر نفسه علي ذلك الضعف ..فهب من مكانه ومسكها وصرخ ..انت يا بت مخبوله جايه تتنحنحي وتجربي ايه الجرف ده مابتختشيش .. ..و وكل ايه اللي هطفحه من يدك كان يصرخ ويعتصر يدها فشعر بدوار شديد فترنح فاندفعت واحتضنته و…
يكونش جاي نحنحه ..الله اعلم 😁😁😁
- يتبع الفصل التالي اضغط على (رواية أ أستحق هذا العذاب) اسم الرواية