رواية اخرجتني من الظلام الفصل الخامس عشر 15 - بقلم ريتاج محمد
غيث بص لرسلان بتوتر وقال : انا عايز منك طلب
رسلان بضحك : اطلب يباشا
غيث بدون تفكير : عايز اتجوز مليكه
رسلان بدهشة : افندم؟
غيث :عايز اتجوز مليكه اختكككك!
رسلان باستغراب:مهو انا مش اطرش منا سمعت
بس مش فاهم يعني عايز تتجوزها لية بردو لما انت لسة مطلقها ؟
غيث حس بضيق من رسلان وقال :بحبها وعايز اتجوزها
رسلان بصله بصه مطوله وقال: والحب دا جه امتى بقى ان شاء الله
غيث بصله بنص عين كدة وقال بسخرية : جة يوم السبت
رسلان بجدية:علفكرة انا بتكلم جد
غيث بصلة بتعب وقال بضيق لأنه مش قادر يشرح ولا يتكلم:تعالى طب اعدلني
الاول بعدين اقولك
رسلان رفعلة السرير وبصلة بتركيز وهو بيقول :اتكلم انا سامعك اهو
غيث بصله ببسمه هيام وقال : مبدئيًا كدة
وحكاله كل حاجه انه ظابط
وحكاله على العصابة
كله كله
رسلان برفعه حاجب:ايوة يعني هما دلوقتي مستقصدين مليكه عشان ركبت معاك العربية وعايزين يموتوها صح ؟
غيث اماء لية بأيوة
فكمل رسلان بتفكير : طب وانا اعمل ايه ؟
غيث :لا مهو مش انت الي هتعمل انا الي هعمل
هتجوزها !
رسلان بصلة باستنكار وقال:لا تقولش انك عايز تتجوزها عشان تحميها
والجو الفكسان بتاع الروايات دا
غيث بفخر:لا طبعا
انا اختك اعرف احميها لو برا البلد
بس كل الحكاية اني عايز اتجوزها عشان بحبها وكدة
رسلان بغضب: ايوة يعني انت عمال تحكيلي كل الهري دا وتقولي
جريوا ورانا بالعربية
وضرب نار
وخدت طلقه
وحاولوا يسموني
وجواب وبتاع
وانت اصلا تقدر تحميها ؟
غيث ببسمه بلاهه:ايوة عشان تحس اني حد عظيم وكدة
وترضى تجوزني اختك!
رسلان بقرف:يعني انت اصلا مش فارق معاك الجواب الي بعتوة
غيث رماة عالارض وهو بيقول بضحك:مفكريني هتهز ولا هخاف من الجواب
لا دول ميعرفونيش دول مش يخوفوني بية
دول يبلوة ويشروا مايته ولما يكتبولي
فية طليقتك كدة بقى انا هخاف واكش
استنى انت بس اقوم من الهباب الي انا فية
واحطهم في دماغي
دنا همخولهم وحياتك
رسلان ابتسم على ثقة غيث وقال :بس بردك بعد كل دا
انا ممكن موافقش
انك تتجوز مليكه
غيث ببرود:مهو مش بمزاجك
رسلان بحدة:امال بمزاج مين معلش ؟
غيث ببسمه:بمزاج مليكه
ولا اقولك هي مش هتوافق
خليها بمزاجك احسن
رسلان بصتناع التفكير:امم س...ترن ترن
مسك موبايلة وقال هرد واجي
وقام عند الشباك وهو بيفتح على أمة
:الو يماما في حاجه؟
امه:....
رسلان بصدمه:قريتوا فتحتها من غيرنا
امه :......
رسلان بقرف :وكمان عالواد الملزق دة
دة على جثتي لو خليت الجوازة دي تكمل
امه:.....
رسلان بعصبية:ماما متعصبنيششش
بقولك ايه !
اقفلي دلوقتي ابقى اكلمك بعدين
وانا هشوف الحوار دا
يلا سلام
وقفل
وحط الموبايل في جيبة وهو بيضرب كف على كف وبيقول :دا اتجنوا خالص
رايحين يقروا فتحتها على مؤمن برشامه
اكمن هو نضف وبقى ابن ناس
وراح قعد قدام غيث وهو بيقول:كنا بنقول ايه يابني فكرني
غيث:كنا بنقول انك هتوافق على جوازتي انا ومليكه
رسلان بتشبية:مش عارف لية حاسس اني عارف قبل كدة!
غيث بهدوء:ايوة منا غيث صاحب رائد صاحبك الي كنت بتيجي تقعد معانا احنا والشله
رسلان بتذكر:ايييييوة
انت الظابط بعدين رائد ابن خالتي مش صاحبي
وكمل بضحك:امال فين شوية المهندسين صحابك
مش فاكر باين مينا ومهاب وفادي
بقالي يجي خمس سنين باين مشوفتكش ولا شوفتهم هما عاملين ايه
غيث بصله وعينه اتملت دموع وابتسم وهو بيقول بغصة بيحاول ميعيطش:استشهدوا
رسلان بصلة بصدمه وقال بحزن:لأ إله إلا الله ربنا يرحمهم يارب
ماتوا ازاي
غيث بص للسقف وقال بشرود:غير السيرة معلش
بلاش نتكلم عنهم
ولا اقولك روح عند مليكه اقعد معاها
بدل ما هي قاعدة لوحدها
وعلى سيرة مليكه
لقوها داخله والممرضة بتزُق الكرسي العجلي الي قاعدة علية
مليكه ببسمه:هاي ياشباب كيفكم
تدرون اني اتوحشتكم لهيك جيتلكم
رسلا بحدة:انتي عبيطه يابت
ايه الي جابك هنا
مليكه بقرف:بت اما تبتك ياحمار
اتكلم عدل قدام الناس عالاقل
غيث ابتسم عليهم
ورسلان قال بسخرية:ناس مين بقى انتي خليتي فيها ناس بحمار دي
مليكه بمرح: سو سو سوري بجد يارسو
المهم تعالى اهرشلي في كعب رجلي السليمه
رسلان بقرف:لية شايفاني خدامك انا ولا ايه
مليكه :وفيها ايه ياعني اما تبقى خدامي
دا حتى خادم القوم سيدهم
بقولك ايه خلاص خلاص مش عايزة منك حاجه
وطلعت من على حجرها فرشة وهي بتقول
بأستعطاف:ممكن تسرحلي شعري يارسو وحيات امك
رسلان بتناكه:نو ياحبيبتي
انا مش بتاع الكلام دا غيث
قال بتردد :ت تعالى انا هسرحهولك
مليكه بضحك:اسكت انت بس بإيدك الملفوفه دي
غيث بص علي ايدة الملفوفة بعدين بص على ايدة التانية السليمه وقال:بس في واحدة تانيه سليمه
تعالى تعالى
مليكه بصتله بتردد وقربت بالكرسي لحد ما بقت ضهرها فوشة
حاول يتعدل حاجه بسيطه عشان جرح صدرة
ومد ايدة اخد الفرشة وبدأ يسرحلها شعرها
براحه عشان جرحها
رسلان محبش يزعق ويحرجهم
عشان هما تعبانين وكدة
طلع موبايلة من غير ما حد ما ياخد باله
واخد صورة كتذكار ليهم
غيث وهو بيسرح:علفكرة شعرك ناعم اوي !
مليكه بضحك:انا طول حياتي اسمع عن الحسد لكن الحسد دايركت كدة انا اول مرة اشوفة
غيث ببسمه على مرحها:علفكرة بتكلم جد
مليكه ببسمه :هيييح ورثاه من خالتشي
رسلان بقرف:من خالتشيك ؟
مليكه اماءت لية بأيوة
وهي بتقول لغيث :وقفت تسريح لية كمل كمل
انا حاسة اني عايزة انام
غيث كمل تسريح وبعد شوية لاحظ ان راسها مالت لليمين
فقال لرسلان بقلق يشوفها كدة
رسلان شافها لقاها نامت على نفسها
فضحك وهو بيقول:هتفضل طول عمرها طفلة
اول لما الفرشة تدخل شعرها تنام
بعدين بص عليها وهو بيقول بتفكير:ودي هشيلها ازاي دي
غيث :مش هتعرف عشان الجروح
زقها براحه بالكرسي
وخلي ممرضة تساعدك في شيلها
على السرير
ورسلان سمع كلامه
عند ندا
كانت في بيتها قاعدة في اوضتها الكئيبة على السرير وجمبها دبدوب باندا صغير
وخدها فحضنها
وهي بتدون مذكرات ليها
خبطت مامتها عالباب
فخبت مذكراتها تحت المخدة بسرعه
وهي بتأذنلها بالدخول
دخلت وهي بتقول ببسمه: اجيبلك عصير فرواله تشربي ياقلب امك لكيد نفسك في حاجه مسكرة
بصتلها ببسمه وقالتلها تجيب
مع إن هيا المفروض عندها حساسية من الفراولة بس مش بتحب تزعلها
وكملت كتابه في مذكرتها وهي مبتسمه
عند مليكه بليل كانت في اوضتها
دخل عليها غيث ببسمه وهو بيصحيها
براحه
مليكه بنوم:ايه في ايه عايز ايه
غيث ببسمه :قومي عايزك في موضوع مهم
مليكه قامت براحه وهي بتقول :ها عايز ايه
غيث حضنها بدفئ وهو بيقول وبيزيح شعرها من على وشها:تعالى معايا في جولة جوا براد الشاي بالبساط
السحري
مليكه حضنته وهي بتقول بتوهان :بس انا عايزة انام
غيث
بصلها بحنان وهو بيقرب منها ولسة هيقبلها
مليكه صحيت من النوم وهي ماسكه دراعها المكسور بألم و.....يتبع
(البارت طويل اهو
وعلى فكرة التفاعل بدأ يقل عن الاول 💀💞)
تفاعل بقى عشان الي جاي 😍❤️🔥♥️♥️♥️♥️
- يتبع الفصل التالي اضغط على (رواية اخرجتني من الظلام) اسم الرواية