رواية احفاد الطوبجي الفصل الخامس عشر 15 - بقلم اميرة اسامة

  

 رواية احفاد الطوبجي الفصل الخامس عشر 15 - بقلم اميرة اسامة

 

البارت15

          

                

مراد....غلطت في ايه؟

زيد...في يوم كنت راجع وانا علي اخري وغصب عني كنت تعبان ومش قادر اتحمل سمعت صوت في الجنينه من وراء ولما قربت سمعت فرح بتعيط اتخضيت مكانش قصدي اسمع بس سمعت سمعتها وهي بتعترف لصبا بحبها لامير و ده كان قبل ما امير يعترف او حتي يشوف فرح وده جنني اكتر انا طول عمري عايش بتعذب من الحب وعذابي كان حبي من طرف واحد وظلم الباشا ليا لما سمعت فرحت زودت وجعي اضعاف ومبقتش شايف قدامي يومها انا خرجت كل غضبي فيها امير انت عارف انه غالي عندي هو جلال وليهم مكانه خاصه وعارف انه عمره ما اذي فرح او حتي حسسها انه ممكن يكون ليها بس اختي حبيته واتعلقت بيه وهي عارفه انه مش ليها مهما كان حبي لامير بس في الاخر لما شوفت فرح في الحاله دي مقدرتش اتحمل وبعد ما طلعت غضبي فيها جريت ومشيت من قدامي صبا مسكتني انا فاكر ان هي كانت بتكلمني وبتحاول تهديني وتخليني اوطي صوتي عشان محدش يسمع بس مش قادر افتكر كلامها صبا جات قدامي في اكتر وقت انا كنت ضايع وضيعت اكتر بعد ما سمعت فرح محستش بنفسي غير وانا بقرب منها وبوستها💔

ودي اكبر غلطه في حياتي ضعفت وغلطت مش بس عشان قربت منها لكن وقتها ايمن كان عايش ودي اكتر حاجه وجعاني هي مكانش ليها ذنب ولا كانت فاهمه حاجه اتصدمت ومعرفتش انا عملت كده ليه ولا انا قدرت انطق كل اللي عملته وقتها اني سيبت البيت وقعدت في الڤيلا وقت ما روح زعلت مني وكانت عيزاني ارجع 

اللي عايز اقوله ان انا حبيت بس حاولت علي قد ما اقدر أخبي الحب ده جوايا و مأذيش اللي بحبهم و أتمنالهم حياه سعيده بس في الوقت ده انا مقدرتش اتحكم في نفسي حبي في لحظه ضعف خلاني اغلط ويوم ما غلطت مغلطتش في حق نفسي غلطت في حق صبا والاهم من صبا غلطت في حق اخويا 

زهره لو غلطت يا قاسم في حقك فاهي مكانتش في وعيها حبها ليك خلاها طلعت الشيطان اللي جواها

وانت عارف ان كل بني ادم فينا جواه شيطان بيطلع في لحظه ضعف وكل واحد بيطلع الشيطان المعين اللي يليق علي الموقف اللي احنا فيه 

وأسوأ شيطان ممكن يطلع من جواك الشيطان اللي يطلع بأسم الحب 

زهره مش وحشه ولا كان ليها غلطات طول عمرها لكن كان ليها غلطه بفوره زي ما بيقولوا غلطت في حقك وحق فريده وانا شايف ان غلطها في حق فريده يفوق غلطها في حقك بمراحل 

هي غلطت معاك في انها عيشت كدبه ان فريده كانت وحشه عشان تقدر توصلك لكن هي غلطت مع فريده في حجات كتير

غلطت لما حبت حبيب صحبتها.

غلطت لما سمعت اللي حاتم بيخططله ووافقت عليه.

غلطت لما هان عليها عشرتها.

غلطت لما حاولت تأكدلك انها فعلا وحشه.

غلطت لما فريده لجأتلها وهي عارفه انها بريئه من كل التهم دي ووقفت قدامها بدم بارد قالتلها انها مش عايزه تعرفها تاني.

غلطت لما مقدرتش تشوف نفسها وهي بعيده عنك و مستحملتش انك متبقاش ليها مفرقش معاها وجع فريده وهي شيفاك بتبعد وشيفاك مستحيل تبقي ليها كانت انانيه في حبها ليك

        

          

                

فريده غلطها الوحيد انها استسلمت بس انا شايف ان حتي لو هي كانت ضعيفه فا ضعفها ده مكانش غلط لانها مأذتش حد غير نفسها

انت وزهره اللي اذيتوها هي مأذتش حد فيكم.

داوود....مش هقولك ان كلامك غلط بالعكس انت عندك حق في كل كلمه قولتها بس كمان فريده عاشت معاه سنين وفي بينهم حب وولاد السنين دي مش كفيله تمحي الزعل والوجع

زيد....بتختلف من شخص لشخص يا داوود بس انا عندي رأي في الموضوع ده بالذات السنين عمرها ما كانت كفيله تخفف او تمحي وجع يا داوود

انا اتجوزت صبا ومش هنكر انا مبسوط بس كل فتره شبح الماضي بيمر قدام عيني زي الطيف وغصب عني بفتكر كل وجع حسيت بيه كل يوم نمت وانا حاسس اني بتخنق بفتكر يوم ما اتكلمت مع الباشا و واجهته ووقفت قصاده لاول مره في حياتي وهو بيسأل وبيشوف مين فيكم مستعد يتجوز صبا كمل كلامه بضحكه سخريه انا مقدرش اقولها قدامه بس حقيقي لما بفتكر اليوم ده بزعل منه اوي ومش قادره انساه سامحته طبعا ومن قلبي كمان بس غصب عني جوايا وجع💔

الوجع عمره ما بيتنسي يا داوود خصوصاً لو وجعك كان بأيد حد بتحبه

مراد...بعدم إستيعاب هز راسه وعدل نفسه علي الكرسي وبصلهم ايوه بس حتي لو ده اللي حصل في حاجه مهمه تايهه عننا يعني البني ادم الخاين بطبعه او الغدار البياع المنافق اي صفه من دول لو في بني ادم بتفضل ملازماه طول عمره لان الطبع بيغلب التطبع اه مفيش شخص بيفضل طول الوقت الصفه اللي جواه دي موجوده باستمرار لا بتظهر مع المواقف بيبقي خلال حياته ليه كذا موقف يعني مثلا لو زهره عملت كده في فريده هيجي وقت حتي لو بعيد هتعمل كده في غيرها وغيرها وغيرها وكنا هنشوف ده لكن حقيقي زهره مكانش ليها مواقف او سابقه تقول ان ده يطلع منها انا دماغي وقفت ولا انتوا مش معايا

زيد....معاك وانت صح وده بيثبت كلامي ان ده مش طبع زهره والموقف الوحيد اللي غلطت فيه كان بدافع الحب مش اكتر وكلام قاسم عن دفاع فريده عنها بردوا بيأكد كلامي هي اتصدمت ان زهره تعمل كده عشان هي عمرها ما كانت وحشه معاها 

بص يا مراد كل البني أدمين علي وجه الارض بيتفقوا في شعورين بس 

الضحك والحزن علي فراق ميت بنضحك من قلبنا لو في حاجه تضحك وبنحزن من قلبنا لو فقدنا عزيز علينا كلنا بنحس بالنشوه اللي بتوصل لقلبنا واحنا مبسوطين وبنقول هنموت من الضحك وده تعبير عن وصولنا لاعلي درجه في الضحك واظن كلنا مرينا بالشعور ده 

و أوقات تانيه بنحس بنغزه وضربه سكينه في قلبنا لما حد غالي علينا بيموت وسبحان الله بنوصف نفس الوجع اللي بنحس بيه

حجر واقف في زورنا و نار وحاجه سخنه جوه صدرنا و من كتر احساسنا بيها بنعمل نفس ردة الفعل بنفضل نشرب عقلنا بيصورلنا ان النار دي هتطفيها شويه مايه ساقعه وهتدوب الحجر اللي واقف في حلقنا مبنبقاش مستوعبين وقتها ان الحجر والنار دول وجع وقهره وشعور غصب عننا بنحس بيه لما نفارق حد غالي

        

          

                

وانا حددت شعور الحزن علي الميت لان حتي الحزن درجات وانواع بس حزن الفراق علي الميت هو الوحيد اللي كلنا بنتفق عليه

فكره بقي ازاي مش هنحس ان زهره كانت كدابه ولا ازاي فريده كانت مظلومه كلها مشاعر و ردات فعل مختلفه.

مش هقدر اقول اوصف اللي زهره عملته لان لو فرضنا ان كذا شخص اتحط في نفس موقف زهره مش كلهم هيعملوا زي زهره

اقرب مثال بما اننا ذكرناها (فرح )

فرح حبت امير وهو كان بيحب غيرها امير عمره ما حس بفرح لان بأختصار فرح عمرها ما حاولت تلفت نظره او تجذبه ليها حبيته وبس عمرها ما فكرت تأذيه او تأذي فاطيما عمرها ما حاولت تاخده لانها كانت عارفه ان امير بيحبها مع ان فرح كان متاح ليها تعمل حجات كتير عشان تكسب حب امير واولهم انهم عايشين في نفس البيت بس وكانت ممكن تشغل عقله بس معملتش ده وامير مع الوقت هو اللي حس بيها وهو اللي ساب فاطيما بمزاجه مش بتدخل من فرح ولا محاوله منها انها تسخنه عليها.

وانا كمان حبيت صبا ولما طلبتها الباشا قال انها مش ليا وانها لايمن سكت محاولتش اعترض خصوصاً لما عرفت ان صبا موافقه عليه كان لازم وقتها ابعد وعمري ما حاولت اوصل لايمن انه خد مني صبا ولا عمري حسست صبا اني بحبها رغم وجعي بس أتمنتلهم حياه سعيده في النهايه دي حبيبتي وهو اخويا

زهره غيرنا مقدرتش شافت انها تأذي وتوجع وتبوظ سنين من حياة اشخاص غيرها اهون بكتير من انها تشوف قاسم مع غيرها.

سالم....بس كل اللي بيتقال الوقت ده مجرد كلام وانا شايف عشان نفصل الكلام ده وقاسم يرتاح بيتهيألي افضل حل هي المواجهه ولا ايه

داوود....انا صراحه مش مع المواجهه حاسس ان مش هجيي من وراها غير وجع قلب ومشاكل احنا في غني عنها ومن رأيي ان قاسم ينسي ويعتبر انه معرفش حاجه ويقفل بقي علي القصه دي وزي ما قدر يعيش عشرين سنه من غير فريده واعتبرها ماضي يكمل حياته علي الاساس ده وزي ما بيقولوا ان التجاهل بيخليك تقدر تجتاز مشاكل الحياه

مراد....غلط طبعاً يا داوود وانا مش معاك في رأيك ده نهائي ولو ده اللي قاسم كان ناوي يعمله مكناش زماننا قاعدين القاعده دي و مكناش عرفنا حاجه من الأساس يمكن قاسم زي ما قولت غاب عن فريده عشرين سنه بس لما ظهرت في كام يوم بس شقلبت كيانه زي ما انت شايف خلينا نقول انه عمل زي ما بتقول تفتكر لما يسكت وينسي هيقدر يتعامل عادي مع زهره مستحيل هيفضل غصب عنه متغير وحتي لو هي شيلاه من علي الارض شيل مش هيقدر يحس بحلاوه اللي بتعمله معاه هيفضل جواه الف سؤال بيتمني الرد عليهم عشان يرتاح حياتهم هتتقلب زهره نفسها لما يفضل قاسم كده معاها لو عدت مره واتنين وتلاته وفضلت تعذر فيه بكذا حاجه هيجي عليها وقت وتنفجر لانها مش هتفضل مستحمله تغييره ولو زهره مظلومه حرام يفضل سايبها كده من غير ما يواجهها ويتأكد ويرتاح 

        

          

                

سالم....صراحه مراد عنده حق انا قولت لازم يكون في مواجهه ولا ايه يا زيد

زيد....اكيد انتوا صح انا مش مع داوود بالمره وبشوف ان نص الراحه في المواجهه الراحه عمرها ما كانت في التجاهل ليه نصها لان النص التاني مرهون علي معرفتك بالحقيقه انت عديت نص المرحله ان الشك اللي كان عندك انتهي اما النص الاخير لا هينفي شكك او يتأكده وبناءاً عليه هتتصرف تسامح وتكمل حياتك او توقفها

قاسم كان قاعد بيسمعهم وهو مربع ايده عينه بس اللي بتتحرك علي كل حد فيهم بيتكلم.

قاسم....تمام انا سمعتكم وفهمت وجهات نظركم بس بجد انا لحد الوقت تايهه مش عارف احدد ردة فعلي لو واجهت زهره وعرفت ان هي عملت كده اتصرف ازاي بيتي اكيد مش هقدر اخربه مستحيل بس كمان حتي لو هسامحها هفضل كل ما اشوفها افتكر اللي عملته وزي ما زيد قال الوجع مش بيتنسي انا بمجرد ما سمعت من فريده اللي حصل كل اللي فارق معايا اني فضلت متعذب فتره قدامها عيدت سنه بسبب عدم تركيزي كنت بجد متدمر وهي كانت شيفاني كده و مكمله طيب ده بمجرد ما عرفت انها وارد تكون عملت كده امال لو اتأكدت هفضل عايش بفتكر الوقت ده وهي معايا وفي حضني ازاي اعمل ايه قولي يا زيد

زيد....اهي في دي بالذات مقدرش يا اقولك يا اخويا تعمل ايه ده قرارك انت وحياتك ولو انا قولتلك تعمل ايه وقتها هيبقي إجبار وانا بعيداً عن رأيي اللي قولته ده كله مش هنكر ان زهره غاليه علي قلبي اوي متمناش ان حياتكم تقف 

ولا اتمني يكون في بينكم مشاكل ابداً 

بس انا في سؤال عايز اسأله وانت حر حابب تجاوب اوك مش حابب بردوا اوك

قاسم...اسأل اكيد

زيد....لو اتأكدت ان كلام فريده صح وان زهره عملت كده انت قولت مهما حصل مش هتسيب زهره لانه مينفعش بس انا عايز اعرف ايه موقفك من فريده؟

بصله قاسم وسكت يمكن سؤاله مكانش ليه جواب عنده

سالم...ايه سكت ليه ؟

قاسم...عشان مفكرتش في السؤال ده خالص انا يمكن لحد الوقت اللي بفكر فيه هو المواجهه بفكر لو زهره عملت كده فعلاً حياتي معاها قدام هيبقي شكلها ايه هقدر اتخطي ده واسامحها وحياتنا تفضل طبيعيه زي ما هي ولا هتتغير المشاعر اللي بينا هتفضل ثابته ولا هتتهز هيفضل في دفا ولا الدفا ده هيتحول لبرود صدقني مفكرتش خالص في السؤال ده 

زيد....بس اللي واصللي منك يا قاسم انك مبسوط بظهور فريده ومظنش لو هي فعلاً طلعت صادقه انك هتبعد عنها

مراد....وانا كمان واصللي نفس احساس زيد🙄 بس بما انك مش عارف لسه إجابه السؤال ده فا انا عندي سؤال تاني

قاسم...أسأل يا مراد.

مراد....انت لما شوفت فريده فرحت ووقفت اتكلمت معاها وطلبت رقمها وطلبت تشوفها كنت وقتها لسه عارف انها زمان خانتك سؤالي بقي انت لما شوفتها حسيت انك نسيت وخلاص مش فارق معاك اللي حصل زمان لانه عدي عليه عمر ولا رغم اللي حصل هي كانت وحشاك بجد.

        

          

                

قاسم....مش هكدب عليك يا مراد وهقولك اللي في قلبي بجد كلنا عارفين ان الحب الاول عمره ما بيتنسي يمكن زي ما قولت لما شوفتها مكنتش لسه عارف ان في حكايه اصلاً كانت دايره وانا معرفهاش بس بجد انا لما شوفتها غصب عني فرحت وقلبي دق مش عشان انا راجل خاين خالص والله

بس يمكن الشعور اللي حسيت بيه ده ملهوش علاقه براجل وست كلنا يا مراد لما بنشوف حد كنا بنحبه غصب عننا بنرجع سنين كتير لوراء بنسرح ونلاقي نفسنا بنبتسم وبتخرج مننا تنهيده طويله كلها شوق وحنين يمكن احنا كارجاله ديما في نظر الستات خاينين بس صدقني حتي هما بيحسوا بنفس الشعور ولو قالوا غير كده يبقوا كدابين 

يعني لو حصل ان بنت اضرطتها الظروف او اتغصبت انها تسيب حبها الاول واتجوزت وعدي عليها سنين لو صدفه جمعتها بيه في يوم من الايام اتحداها لو قالت ان قلبها مدقش يا مراد اتحداها لو قالت ان مخرجش منها تنهيده شوق وحنين ووجع 💔

الحب ده مش بأيدنا يا مراد صدقني انا اه حبيت زهره مش هنكر ومش هنكر كمان اني كنت عايش معاها مبسوط و صدقني عمري ما فكرت اني اخونها ولا حتي بمجرد تفكير واول ما اتجوزتها كنت قافل علي صفحه فريده دي خالص بس لما شوفتها حنيت للماضي وذكرياته زي ما وصف زيد بالظبط بتبقي عايش عمرك كله بتحاول متغلطتش بس بيجي عليك وقت ممكن تضعف وانا لما شوفتها يمكن اكون ضعفت بس لما شوفت صوره حاتم معاها وعرفت الحقيقه كياني كله اتلغبط غصب عني 

داوود....بس هي مهما حصل يا قاسم مبقاش ليها مكان يا قاسم وصدقني لو حاولت تاخد المكان ده لازم تخاف منها

بصله زيد وضحك هز راسه شمال وبمين كأنه مش راضي عن اللي بيسمعه

داوود...ايه بتضحك ليه؟

زيد....مش عاجبني كلامك يا داوود

داوود...ليه قولت ايه غلط

زيد....عارف يا داوود احنا كابني ادمين مشكلتنا ايه؟

داوود....ايه؟

زيد....ان عمرنا ما حطينا نفسنا مكان بعض ديماً بنحب ننظر علي بعض نجلد بعض نعمل فيها قضاه علي بعض نفرد عضلاتنا علي بعض ننصح من غير ما نعرف النصيحه دي هتضر اللي قدامنا ولا هتنفعه

داوود...من امته النصيحه ممكن تضر يا زيد .

زيد...طول ما انت بتنصح وانت مش في مكان الشخص ده او مريت بتجربته 

يعني مثال بسيط انا بموت من الصداع حاسس ان عضم راسي بيتفرتك وقدامي برشامه لو خدتها هتسكن وجعي وتريحني وانت شخص ضد انك تاخد ادويه وتدخل جسمك مواد كيماويه هتنصحني وتفضل تقولي بلاش هتضرك وهتعمل فيك كذا وكذا وكذا استحمل شويه والوجع هيخف تفتكر انت حاسس بوجعي وانت بتنصح تفتكر انت الشويه اللي انت بتقولي استحملهم هيعدوا عليا ازاي 

يمكن تكون انت صح في وجهه نظرك من ناحيه البرشام واضراره بس انت الوحيد اللي نصيحتك هتمشي معاك هتقدر تستحمل وتضغط علي نفسك ومتاخدش البرشام وهتخف خلاص أقامت نفسك علي كده بس غيرك شايف انك غلط انا ليه استحمل وافضل اتلم وانا في ايدي العلاج

        

          

                

انا مش عايز اتكلم واقول كلام قاسم في لغبطته دي ياخده سلمه عشان يصدق ان زهره غلطانه او ياخده سلمه ويبقي عارف هيعمل ايه لو فعلاً طلعت غلطانه بس انتوا عارفين اني صريح والغلط والصح عندي ليهم وش واحد وبجد انت مستفزني اوي

داوود...بأبتسامه طب ليه 

زيد....انت بتقوله ان فريده مبقاش ليها مكان ولو حاولت تاخد المكان ده لازم تخاف منها 

داوود....وايه الغلط في كلامي

زيد....انك محكمتش بالعدل يا داوود انت ممكن تقوله سامح زهره عشان عملت ده بدافع حبها ليك انسي فريده واطلب منها تسامحك و أتمنالها الخير لكن متقولش انها لو حاولت تاخد مكان من تاني في قلب قاسم انه لازم يخاف منها.. 

لان سبق وزهره عملت كده مكانش ليها حق في قاسم واستخدمت طرق غير مشروعه عشان توصله و تاخده من فريده وانا شايف ان لو ده هدف فريده انها راجعه عشان تاخد قاسم من زهره هيبقي حقها انها ترجع اللي اتاخد منها بالغدر والخيانه والظلم مع اني اشك ان ده هدف فريده فا بلاش نظلم يا داوود و صدقني افضل من الدفاع والهجوم انك تقف خط وسط خليك حيادي وقول اللي يرضي ضميرك وفي النهايه ده كاس وداير يا داوود لا في سر بيفضل سر ولا في ظالم بيفضل مرتاح ولا في مظلوم حقه بيروح وفي النهايه كلنا بندفع تمن اخطائنا.

داوود....بضحك يا ابني اتهد بقي انت بتقويه🙈🙈

زيد...لا طبعاً قاسم مش صغير عشان حد يقوله تعمل ايه ومتعملش ايه وهو اكيد فاهم كلامي واظن اني كنت مع زهره جداً وبررت غلطتها لقاسم لاني غلطت زيها وكمان كنت مع فريده لاني اتوجعت زيها مع قاسم في لغبطته وعدم وصول لقرار لان الموضوع صعب وصلني احساسه لما شاف فريده لان ده شعور خارج عن إرادتنا والحب ملهوش كبير مش معاه في انه يأجل المواجهه بس كمان مع رأي فريده لو المواجهه اتعملت وهو متلغبط كده توابعها هتكون مش حلوه خالص بأختصار انا قولت رأيي في كل حاجه شوفتها صح وشوفتها غلط وكلامي في حق زهره بالايجاب او السلب متوقف علي معرفه الحقيقه منها 

سالم....بأبتسامه استاذ يا ابني والله

مراد....صراحه انا بأيد زيد في كل اللي قاله بس كلامنا ده كله متوقف علي المواجهه زي ماهو قال وانا بتمني من كل قلبي ان لو فريده صادقه حاتم يكون كذب عليها في حوار زهره

سالم....طيب انا في حاجه بفكر فيها

قاسم....ايه هي؟

سالم....سامح !!! بما انه طلع مظلوم علي حسب كلام فريده فا ممكن يكون عنده إجابات كتير لأسئلتك متقدرش توصله

قاسم...لا طبعاً انا اتقطعت علاقتي بيه من وقت المشكله نفسها يعني اكتر من عشرين سنه معرفش اي حاجه عنه خالص 

سالم....يعني كنت بقول لو كنت تقدر توصله كان ممكن يكون عنده إجابات كتير لاسئلتك

قاسم....للاسف لا و ميتهيأليش بقي ينفع يا سالم 

        

          

                

داوود.....طيب بما ان الكلام ماشي علي ان زهره احتمال تعمل كده وبما ان كده كده هيحصل مواجهه فا يلا هي جات عليا انا عندي فكره يعني حاجه كده تتعمل ولو حسينا ان في شك في اي حاجه واجهها من غير تردد

قاسم...ايه هي الحاجه دي؟

داوود....تكون انت مش موجود او مش قاعد ويتذكر قدامها اسم فريده لاشين او يتقال عنها اي حاجه ونشوف رد فعلها

زيد....بسرعه لاااااا طبعاً كله الا اللعب بالاعصاب يا داوود انا مش هرضاها علي زهره

داوود....انا مقصدتش بس ده الحل اللي جه في بالي

مراد....انت انهارده خارج نطاق الخدمه وبلاش تفكر 😂😂😂

داوود...الحق عليا😂😂

زيد....انك تيجي دوغري وصريح احسن بكتير ما تلعب بأعصاب حد وزهره مش هتتحمل انا واثق .

قاسم....لا وانا مش عايز اعمل كده انا عايز اسأل سؤال وهي ترد لكن زي ما زيد قال مش هقدر اشوف زهره في موقف في توتر او خوف .

مراد...يبقي مفيش غير المواجهه يا قاسم واتكل علي الله بس ياريت تكون مش في البيت 

قاسم....اكيد هعمل كده 

سالم....ضحك وهو باصص في الموبايل

مراد...شوف احنا في ايه وهو في ايه

الموزه بعتالك😉

سالم...بضحك لا والله بس من باب الفضول قولت اكتب اسم فريده واشوفها

مراد....وايه اللي يضحك في كده🤨

سالم.....اصلها بصراحه طلعت صاروخ😂😂😂😂😂😂😂

بصوا لبعض كلهم وفطسوا من الضحك

زيد....نيته علي طول حادفه شمال😂😂😂😂

سالم...طيب بص كده صاروخ ولا مش صاروخ😂😂😂

زيد.....بضحك صاروخ😂😂😂

قاسم...متتلم بروح امك انت وهو🤨

مراد....اوباااا  قاسم باشا غيران ولا ايه

سالم....بقول ايه لو عايزني اتكلم مع فريده وافهم الحقيقه انا في الخدمه🙄

قاسم.....مش هيتغير😂😂😂عموما شكرا لخدماتك يا اخويا 

سالم....مال علي مراد وهو بيوريه باقي الصور شوف الصور تحس انها طيبه اوي يا خال😂😂😂😂😂 تصدق انا حبيتها

قاسم....بضحك والله هقول شمس 😂

داوود....والله ما اتربيتوا 😂😂😂اطلبلنا قهوه يا عم زيد

زيد.....عيني حاضر😂😂😂😂😂

قاسم...ماتسيب موبايلك ياعم زفت بقي😡😡😡😡

سالم.....هي جات عليا ما صورها موجوده في جوجل😂😂😂😂 وبعدين بص لزيد خلعت من تحت ايدي ازاي انا ناشي مع نص بنات مصر😂🙈

        

          

                

زيد....والله هيضربني انا وانت😂😂

مراد....لا بس هو عنده حق انا كمان ماشي مع نص بنات مصر اللي هو ممشيش معاهم وبردوا معدتش عليا😂😂😂😂😂😂

قاسم...ماهي كانت في امريكا يا ظريف منك ليه😂😂😂😂

زيد...قاسم ندم انه اتكلم معاكم😂😂😂

قاسم....تصدق صح😂😂

فضلوا يضحكوا مع بعض وكملوا قعدتهم.

...................

عند امير وجلال والبنات

هشام...بقي بالذمه اقولكم عازمكم واختاروا المكان تجيبونا هنا

جلال ...مليش دعوه ميار اللي اقترح

ميار....نعم لي هو المكان مش حلو مش جينا قبل كده مع ياسن وملك وقولتوا حلو

جلال....ياباشا انا قولت حاجه انا عن نفسي حبيت المكان بس برد عليه

ميار....ايوه كده بحسب وبعدين ماله المكان يا هشام🤨

هشام....وربنا زي الفل انا بس كنت عايز اعمل معاكم واجب اكتر من كده شويه😂😂😂

جنه...بس هو حلو اوي وبعدين تغيير بدل الكافيهات والمطاعم عارفين القاعده فيه بتفكرني بالساحل والمصيف

امير....صحيح احنا لبه مسافرناش🙄

فرح....امير انت عندك زهايمر 😂😂 افتكرت اننا مسافرناش الوقت وبعدين كان عندنا كام جوازه بذمتك 🙈

امير....😂😂ايوه صح بس علي فكره ده ظلم هما يتجوزوا ويسافروا واحنا نقعد هنا انا مش موافق

هشام...طيب  ايه رايكم ما تيجي نسافر

جنه....هو ياريت طبعا بس ولا بابي ولا جدو ولا عمامي هيرضوا اننا نسافر لوحدنا.

هشام...ليه مسافرين مع اطفال😒

جنه...لا مقصدش بس هما مش هيرضوا ان انا وفرح وميار نروح معاكم لازم يكونوا معانا وممكن لو ياسين وملك معانا

جلال...طب والله فكره حلوه ما نقولهم كلهم ونسافر مع بعض كام يوم كده

اهو تغيير 

امير....ياريت يتوافقوا بس هيقولوا الشغل مين هيشوفوا😏

فرح...هو انتوا بتحمسونا وبعدين تحبطونا🤨

امير....هو ينفع في حاله واحده بعد ما اللجنه بتاعت المشروع ترد عليهم لو الموافقه جات في صالحنا نستغل الموقف😂😂

هشام....مادي حقير😂

ميار....ماهو لو جات في صالحكم وقتها هيبدأوا شغل وبردوا نش هينفع

فرح...قومي من جمبي انتي وهو 😒

ميار...الله مش بقول اللب ممكن يحصل😂😂😂🙈

امير....لا لو حصل واختارونا الشغل مش هيبدأ علي طول دي فيها شهر تجهيز 

جلال...طيب اشطا هانت هيردوا علينا بكره تقريباً

        

          

                

امير...اه المفروض بكره

هشام...خلاص يبقي نستني ودي مهمتكم انتوا بقي تقنعوهم وممكن اجيب روبي عشان تقعد مع روح

جلال....والله هتبقي سفريه حلوه ان شاء الله بس يارب تكمل عارفكم وش نحس😒

رهف.....بضحك انت طايح في الكل كده علي طول😂

جلال....لازم الوش ده عشان يتحمسوا😂😂😂المهم مسمعتكيش قولتي رأيك

رهف...في ايه؟

جلال...في ايه في السفريه

رهف....والله انا نفسي بس مش عايزه اكون رخمه انتوا عيله مع بعض 

امير....علي اساس نعرف هشام وامه ده انا لسه متعرف عليه الوقت🙄

هشام...اه يا واطي😂😂😂

جلال...بطلي هبل وبعدين خلاص كده كده انتي جايه معانا🤨

رهف...طيب خلاص متزوقش😂

بصتلهم ميار بهدوء وبعدين بصت في مكان تاني🤨🔪

هشام....مفيش اخبار عن اهل فاطيما

امير....والله لسه يا هشام بس هي مصممه تسافر 

هشام...هتسافر ازاي المجنونه دي وبعدين حتي لو سافرت وعرفت مش هتعرف تروح سان فرانسيكو خالص

امير...قولتلها والله انهارده بس هي مصممه

هشام....انت عارف انا مش مطمن

امير...صراحه ولا انا مراد بيقول ان الوضع زفت وكل شويه عدد الوفيات بيزيد

هشام...انا اللي مخوفني حاجه واحده لو فاطيما سافرت واكتشفت ان في حاجه حصلتلهم هتعمل ايه وهي لوحدها

جنه...هي فاطيما مش معاها حد هناك تعرفه

هشام....اكيد اتعرفت علي حد بس هي مش مسافره بقالها مده طويله عشان تلحق تكون صداقات

جلال...وحتي لو تعرف هناك مش زي هنا يا هشام مش هتلاقي حد يشيل عنها ولا يقف جمبها

امير....ودي اكتر حاجه مخوفاني انها هتكون لوحدها.

فرح....بصراحه هي موقفها مرعب انا لو مكانها كان ممكن يجرالي حاجه 

امير....ان شاء الله مش هيطلع فيهم حاجه.

في الوقت ده اتصل بيه مراد

امير....ايه يا صاحبي

مراد...ايه الاخبار

امير....زي الفل

مراد...بقولك ايه انا لسه جايلي اخبار عن اهل فاطيما

امير....بقلق ايه حاسس كده انها مش خير

مراد....يعني مش عارف بس البيت اللي هما عايشين فيه عرفت الوقت انه من ضمن البيوت اللي اتحولت كوم تراب

امير....😳😳طيب وهما؟

مراد....مفيش اخبار عنهم الله اعلم اتصابوا واتنقلوا علي المستشفيات ولا جرالهم حاجه مش عارف كمان المستشفيات هناك اغلبها اتأذت من العاصفه واللي نافع فيها مياخدش عدد المصابين دول كلهم فا لو فرضاً هما اتصابوا احتمال كبير يكونوا مش في سان فرانسيسكو

امير...يانهار اسود يعني هي حتي لو راحت مش هتبقي عارفه توصلهم 

مراد...لا مش للدرجادي هناك في نظام اكيد هيكون في معلومات عن اللي معاهم هويه واللي مش معاه اكيد اهله بيتعرفوا عليه لو لا قدر الله اتوفي او لو محجوز 

 امير....حط ايده علي راسه طيب ودي هقولها ازاي 

مراد...بصراحه مش عارف ربنا يكون في عونها المهم متسيبوهاش يا امير في الحاله دي 

امير...اكيد مش هنسيبها طبعاً يا مراد خلاص روح شوف بتعمل ايه ونتكلم لما 

ارجع.

مراد...تمام يلا سلام.

هشام....ايه اخبار عن اهل فاطيما صح

امير....اه ربنا يستر بيتهم هناك مراد بيقول انه كوم تراب ومفيش اي معلومه عنهم

ميار....لا حول ولا قوه الا بالله

جلال....طيب هي متعرفش لسه

امير....اكيد لا مراد بلغني انا المشكله اني مش عارف بصراحه اقولها ايه 🙄

هشام....لا متبصليش انا مش هعرف 

رهف...ياحرام يارب يكونوا بخير انا كمان مقدرش اقولها بصراحه

فرح...كيب انا عندي اقتراح احنا ممكن نروحلها مع بعض او نطلب انها تقابلنا ومحاول نبلغها بهدوء ونطمنا

بصلها امير وابتسم بهدوء وسكت

فرح...🙄🙄يعني انا بقولك هيبقي افضل لو كنا معاها في توقيت زي ده ولا ايه

امير...بحب اكيد يا فرح انتي صح

هشام....خلاص تعالوا نكلمها ونشوف هنقابلها فين.

رهف....اكيد مش في الفندق ممكن من صدمتها تبهدل الدنيا وتفضحنا🙈

امير....نكلمها بس ونشوف هنقابلها فين 

هشام....تمام هتصل بيها وربنا يستر 

وللحديث بقيه.....

 

• يتبع الفصل التالي اضغط على (رواية احفاد الطوبجي) اسم الرواية